Lajmidites.com

Tag: lokal

  • Shkarkimi i zv.ministrit pasi piu cigare brenda në lokal, reagon ministrja Koçiu: Shkelje e pajustifikuar e ligjit

    Shkarkimi i zv.ministrit pasi piu cigare brenda në lokal, reagon ministrja Koçiu: Shkelje e pajustifikuar e ligjit

    Një prej vendimeve të Albana Koçiut pak ditë pas betimit në presidencë ka qenë propozimi që i ka bërë qeverisë për të shkarkuar nga detyra zv.ministrin Andi Mahila.

    Cigarja që po konsumonte brenda një ambienti të mbyllur i ka kushtuar vendin e punës zv.ministrit.
    Ajo reagoi me anë të një postimi në Facebook, duke shkruar:
    Konfirmoj sa ka dalë në shtyp lidhur me largimin e zëvendësministrit.
    Kam marrë një denoncim nga një bashkatdhetari ynë në New York, i cili bashkë me familjen kishte përjetuar shqetësim për faktin se zv.ministri i Brendshëm tymoste cigare në restorant.
    Bëra verifikimin përkatës dhe i komunikova  zv.ministrit largimin nga detyra.
    Çdokush mund të gabojë padashje dhe mund të mirëkuptohet, por të pish cigare brenda në lokal nuk është një gabim padashje, po një shkelje e pajustifikueshme e ligjit. Aq më tepër për një drejtues të një institucioni si Ministria e Punëve të Brendshme.
    Nga ana ime e kam njoftuar bashkëatdhetarin që dërgoi mesazhin, se shqetësimi i tij i drejtë nuk ra në vesh të shurdhër.
    I siguroj të gjithë qytetarët, që do të denoncojnë shkelje të cilitdoqoftë, se do të dëgjohen me të njëjtin respekt. Jo vetëm me fjalë por me qëndrimet parimore, që ata me plot të drejtë presin prej nesh.

    Top Channel

  • FOTO/ Projekti që do të ndërtohet në Ksamil, ja për çfarë funksioni do të ketë

    FOTO/ Projekti që do të ndërtohet në Ksamil, ja për çfarë funksioni do të ketë

    Një lokal do të jetë pjesë e një ndërtimi që do të realizojë qeveria në qendër të Ksamilit, në Sarandë. Projekti me vlerë 5.5 milionë euro përfshin një kullë vrojtimi si dhe një godinë funksionale.
    Në dokumentet e publikuara, ndërtimi përfshin edhe një kafene me sipërfaqe të madhe, brenda strukturës që po ndërton shteti.

    Faksimile: Leja e KKT-së për ndërtimin në Ksamil parashikon edhe një lokal

    Sipas dokumenteve, ndërtimi është quajtur “Qendra e Mikpritjes”, ndërkohë që zona e zhvillimit ndodhet në qytetin bregdetar të Ksamilit, Bashkia Sarandë, dhe përfshin një sipërfaqe trualli prej 4075 m² dhe sipërfaqe për zhvillim prej 2838 m².
    “Vendndodhja në zemër të qytetit siguron që Qendra të shërbejë si një pikë gravitacionale për aktivitetet komunitare dhe si një destinacion atraktiv për turistët. Pozicioni topografik i truallit ofron gjithashtu mundësinë për pamje të hapura dhe lidhje vizuale me elementët natyrorë përreth, siç janë liqeni i Butrintit, deti Jon dhe peizazhi kodrinor që karakterizon zonën” thuhet në dokumente.
    Sipas tyre, kjo vendosje e privilegjuar ka ndikuar në konceptin arkitektonik të ndërtesës, duke përfshirë në dizajn jo vetëm funksionalitetin, por edhe estetikën e integrimit me natyrën dhe respektimin siluetës urbane të Ksamilit.

    Në foto: Projekti që do të ndërtohet në Ksamil

    Sipas KKTU-së, në zonën e zhvillimit parashikohen funksione të integruara, si qendër komunitare me hapësira edukative, sociale dhe kulturore, një kullë vëzhgimi me funksione panoramike, rekreative dhe shërbimi. Gjithashtu edhe hapësira të gjelbra publike, shëtitore dhe tarraca të aksesueshme.
    Në dokument theksohet se do të ketë kullë dhe katet e sipërme. “Kulla e vëzhgimit është një strukturë vertikale simbolike që ngrihet në një lartësi maksimale prej 40.6 metrash. Në katet e saj ndodhen funksione të ndryshme si kati i katërt (96 m²) hapësira teknike dhe depo për barin. Kati i pestë (96 m²) lokal me pamje panoramike dhe urë lidhëse me çatinë e ndërtesës së komunitetit” thuhet në dokument.

  • Belinda Balluku në Delvinë, promovon një bar-kafe (VIDEO)

    Belinda Balluku në Delvinë, promovon një bar-kafe (VIDEO)

    Numri dy i qeverisë ishte në Delvinë, ku zgjodhi të promovojë një lokal. Në faqen e saj në Facebook, Belinda Balluku publikon videon me të riun që punon në atë lokal.
    “Një ndalesë në Delvinë, në një prej bar/kafeve të qytetit, ku Armando, një i ri që punon dhe menaxhon këtë biznes, me shumë pasion shpjegon historinë e qytetit, ekspozuar në disa fotografi historike në muret e këtij biznesi të vogël”- shkruan Belinda Balluku, zv/kryeministre dhe ministre e Infrastrukturës e Energjitikës.

  • VIDEO/ Prostitucion, armë dhe makina, Policia “mësyn” në Fier

    VIDEO/ Prostitucion, armë dhe makina, Policia “mësyn” në Fier

    lokali ne Mbrostar, Fier

    FIER- Pesë persona kanë rënë në prangat e policisë në Fier, pasi ushtronin prostitucion në një lokal në Mbrostar, ku tre prej tyre janë oragizatorë, dhe dy vajzat nga Uganda janë punonjëse seksi. Emrat e personave që kanë rënë në pranga janë Osjon Puka 29 vjeç, Klodjana Haskasa 24 vjeçe dhe Orkida Gajo 32 vjeç, ndërsa punonjëset e seksit janë Ruth Mutesi 24 vjeçe dhe Shaluëah Nalutaaya 22 vjeçe, të cilat thuhet se ishin punësuar fillimisht për të performuar në lokal.
    Siç shihet dhe nga pamjet, gjatë kontrollit në lokal janë gjetur shuma parash në valuta të ndryshme të siguruara nga vepra penale që ushtonin. Gjithashtu është sekuestruar 1 automjet dhe 2 armë.

    Njoftimi i Policisë:
    Finalizohet operacioni policor i koduar “Prive”, nga Sektori për Hetimin e Narkotikëve dhe Trafiqeve, pas një hetimi të kryer për rreth 7 muaj, në drejtimin e Prokurorisë.
    Zbulohet një lokal në Mbrostar, ku ushtrohej prostitucion.
    Arrestohen 5 shtetas, ndër to:
    -3 organizatorët e kësaj veprimtarie kriminale;
    -2 shtetaset nga Uganda që ushtronin prostitucion.
    Sekuestrohen shuma parash në valuta të ndryshme të përfituara nga kjo veprimtari, 2 armë të ftohta dhe 1 automjet.
    Gjatë operacionit “Prive”, u arrestuan shtetasit O. P., 29 vjeç, banues në Fier, K. H., 24 vjeçe, banuese në Peqin, O. G., 32 vjeçe, banuese në Fier, R. M., 24 vjeçe, banuese në Uganda dhe Sh. N., 22 vjeçe, banuese në Uganda.
    Nga hetimet ka rezultuar se në një lokal në Mbrostar, ku shtetaset nga Uganda ishin punësuar për të performuar kërcime, ato ushtronin dhe prostitucion. Organizatorë të dyshuar të kësaj veprimtarie kriminale janë 3 shtetasit shqiptarë, në rolet e rekrutuesve dhe administratorëve.
    Materialet procedurale iu referuan Prokurorisë së Fierit, për veprime të mëtejshme./ZËRI

  • Vendosnin baste sportive përmes telefonave, arrestohet 37-vjeçari dhe vihen nën hetim tre persona të tjerë

    Vendosnin baste sportive përmes telefonave, arrestohet 37-vjeçari dhe vihen nën hetim tre persona të tjerë

    Goditet një tjetër rast i ushtrimit të paligjshëm të lojërave të fatit. Një person ka rënë në prangat e policisë dhe tre të tjerë janë nën hetim, pasi akuzohen për vënie të basteve online, në mënyrë të paligjshme.
    NJOFTIMI
    Vinin baste nëpërmjet celularëve në një lokal, arrestohet një shtetas dhe procedohen në gjendje të lirë 3 të tjerë.
    Specialistët për Hetimin e Krimeve të Stacionit të Policisë Plazh, Komisariati i Policise Durres, në vijim të goditjeve të njëpasnjëshme ndaj veprimtarisë së kundërligjshme të lojërave të fatit, si rezultat i kontrolleve të vazhdueshme në ambiente të ndryshme, kanë evidentuar një lokal ku ushtrohej kjo veprimtari.
    Në vijim të veprimeve, u arrestua shtetasi D. I., 37 vjeç, banues në Durrës, si dhe u proceduan penalisht në gjendje të lirë shtetasit D. B., 35 vjeç, M. D., 27 vjeç dhe N. K., 62 vjeç, të gjithë banues në Durrës, për veprën penale “Organizimi i lotarive, lojërave të fatit apo bixhozit, në kundërshtim me dispozitat ligjore”.
    Këta shtetas janë konstatuar në një lokal, në sektorin Hekurudha Plazh, duke vendosur baste sportive në telefonat e tyre. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

  • Goditet prostitucioni në një lokal në Fier, në pranga 2 vajza nga Uganda dhe 3 tutorë

    Goditet prostitucioni në një lokal në Fier, në pranga 2 vajza nga Uganda dhe 3 tutorë

    Policia e Fierit, pas një hetimi të kryer prej 7 muajsh në drejtimin e Prokurorisë, ka zbuluar në Mbrostar, një lokal ku ushtrohej prostitucion.
    Si rezultat, janë arrestuar tre organizatorët e kësaj veprimtarie kriminale, si dhe dy shtetase nga Uganda, të cilat ushtronin prostitucion. Më konkretisht, në kuadër të operacionit të koduar “Prive” janë vënë në pranga shtetasit Osjon Puka, 29 vjeç, banues në Fier, Klodjana Haskasa, 24 vjeçe, banuese në Peqin, Orkida Gajo, 32 vjeçe, banuese në Fier, Ruth Mutesi, 24 vjeçe, banuese në Uganda dhe Shaluwah Nalutaaya, 22 vjeçe, banuese në Uganda.
    Raportohet se vajzat nga Uganda ishin punësuar për të performuar kërcime, por ushtronin edhe prostitucionin.
    “Nga hetimet ka rezultuar se në një lokal në Mbrostar, ku shtetaset nga Uganda ishin punësuar për të performuar kërcime, ato ushtronin dhe prostitucion. Organizatorë të dyshuar të kësaj veprimtarie kriminale janë 3 shtetasit shqiptarë, në rolet e rekrutuesve dhe administratorëve.” – thuhet në njoftimin e bluve.
    Autoritetet policore kanë sekuestruar shuma parash në valuta të ndryshme të përfituara nga kjo veprimtari, dy armë të ftohta dhe një automjet.

  • Zbulohet një lokal ku ushtrohej prostitucion në Fier, 5 të arrestuar, 3 prej tyre organizatorë

    Zbulohet një lokal ku ushtrohej prostitucion në Fier, 5 të arrestuar, 3 prej tyre organizatorë

    Pas një hetimi të kryer për rreth 7 muaj, në drejtimin e Prokurorisë, është zbuluar një lokal në Mbrostar, në Fier ku ushtrohej prostitucion.
    Gjatë operacionit “Prive”, u arrestuan shtetasit Osjon Puka, Klodjana Haskasa, Orkida Gajo, Ruth Mutesi, Shaluëah Nalutaaya. 3 prej të cileve ishin organizatorët e kësaj veprimtarie kriminale dhe 2 shtetase nga Uganda që ushtronin prostitucion.
    Materialet procedurale iu referuan Prokurorisë së Fierit, për veprime të mëtejshme.
    Njoftimi i policisë:
    Fier Finalizohet operacioni policor i koduar “Prive”, nga Sektori për Hetimin e Narkotikëve dhe Trafiqeve, pas një hetimi të kryer për rreth 7 muaj, në drejtimin e Prokurorisë. Zbulohet një lokal në Mbrostar, ku ushtrohej prostitucion. Arrestohen 5 shtetas, ndër to: -3 organizatorët e kësaj veprimtarie kriminale; -2 shtetaset nga Uganda që ushtronin prostitucion.
    Sekuestrohen shuma parash në valuta të ndryshme të përfituara nga kjo veprimtari, 2 armë të ftohta dhe 1 automjet. Gjatë operacionit “Prive”, u arrestuan shtetasit O. P., 29 vjeç, banues në Fier, K. H., 24 vjeçe, banuese në Peqin, O. G., 32 vjeçe, banuese në Fier, R. M., 24 vjeçe, banuese në Uganda dhe Sh. N., 22 vjeçe, banuese në Uganda.
    Nga hetimet ka rezultuar se në një lokal në Mbrostar, ku shtetaset nga Uganda ishin punësuar për të performuar kërcime, ato ushtronin dhe prostitucion. Organizatorë të dyshuar të kësaj veprimtarie kriminale janë 3 shtetasit shqiptarë, në rolet e rekrutuesve dhe administratorëve. Materialet procedurale iu referuan Prokurorisë së Fierit, për veprime të mëtejshme.

  • Dosja e piramidave online, polici u infiltrua si agjent në Lushnje

    Dosja e piramidave online, polici u infiltrua si agjent në Lushnje

    Në një lokal në hyrje të qytetit të Lushnjës reklamohej 6 muaj më parë pasurimi i shpejtë përmes dy posterave të afishuar që promovonin investimet në platformën mashtruese XUEX.
    Në këtë lokal, që u bë pikënisja e hetimeve, agjentët trokitën si klientë dhe investitorë të gatshëm për t’u bërë pjesë e skemës. Të parët që dhanë informacione ishin kamerierët e arrestuar, Emanuel Taullau, Flavio Mukaj, por më pas në pranga ra edhe Arbër Çela, pronari i lokalit.
    Kamerieri Taullau është personi që i tregon agjentit të policisë se për t’u bërë pjesë e skemës duhet të investosh të paktën 1 mijë euro.
    Në dosje përmendet si organizator edhe Ereledio Shebeku, i shpallur në kërkim dhe që rezulton të jetë personi kyç që kontrollonte skemën. Në kontakt me agjentin e policisë, Ereledio kishte shprehur frikën për vijimin e aktivitetit pas denoncimit publik të bërë nga deputeti Erjon Braçe.
    Agjentët e policisë faktuan me zë e figurë se komunikimet e skemës, që ka mashtruar qindra shqiptarë, bëheshin përmes platformës Telegram. Në momentin që investoje, bëheshe pjesë e grupit dhe arrije të komunikosh direkt me profesorin, një person i identifikuar si “Leo Smith”.
    Ky i fundit i ftonte të gjithë anëtarët e grupit që të futen në këtë platformë në orën 14:20 dhe në orën 19:20 çdo ditë, duke i kërkuar që t’i bëjnë “like” faqeve që u dërgonte ky shtetas në aplikacionin Telegram. Kaq mjaftonte që paratë e investuara fillimisht të rriteshin 1% në ditë. Dhe brenda 45 ditësh, secili prej tyre mund t’i tërhiqte.
    E përfshirë në këtë skemë rezulton të jetë edhe një punonjëse e Bashkisë së Divjakës, bashkë me familjarë të saj.
    Nga hetimet rezulton se aplikacioni i XUEX nuk ekzistonte në App apo Play Store, por vinte si një aplikacion i bazuar në një link, që instalohej në telefon. Pasi kishe kaluar paratë në llogarinë e tyre, mund të hyje në grupin e Telegramit ku ishin të gjithë përdoruesit, gati për të rënë pre e mashtrimit.

  • Përfundojnë në prangat e policisë dy shtetas/ Përshtatën lokalin për lojëra fati të kundërligjshme

    Përfundojnë në prangat e policisë dy shtetas/ Përshtatën lokalin për lojëra fati të kundërligjshme

    Finalizohet operacioni policor i koduar “Game over 2”.
    Zbulohet një lokal në rrugën “5 Maji”, që ishte përshtatur për lojëra fati të kundërligjshme. Si pasojë janë arrestuar pronari dhe punonjësi i lokalit.
    Blutë kanë sekuestruar 3 pajisje kompjuterike dhe 2 celularë që shërbenin për këtë veprimtari.
    Njoftim i Policisë:
    Në vijim të punës për evidentimin dhe goditjen e veprimtarisë së kundërligjshme në fushën e lojërave të fatit, shërbimet e komisariatit të Policisë Nr. 2 në bashkëpunim me shërbimet e Policisë Rrugore dhe Komisariatin e Policisë Nr. 4, organizuan dhe finalizuan operacionin policor të koduar “Game over 2”.
    Gjatë operacionit, në rrugën “5 Maji”, u zbulua një lokal që ishte përshtatur për lojëra fati të kundërligjshme. Në lokal u gjetën 3 pajisje kompjuterike dhe 2 celularë që shërbenin për këtë veprimtari dhe shuma parash të dyshuara të përfituara prej saj.
    Në përfundim të veprimeve hetimore për rastin, u arrestuan në flagrancë për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara, shtetasit: O. B., 31 vjeç, pronar i lokalit dhe U. D., 51 vjeç, punonjës i lokalit.
    Materialet procedurale iu referuan Prokurorisë së Tiranës, për veprime të mëtejshme.

  • Shpërthimi i fuqishëm në një lokal në Madrid, nxirret trupi i pajetë i një burri 52-vjeçar

    Shpërthimi i fuqishëm në një lokal në Madrid, nxirret trupi i pajetë i një burri 52-vjeçar

    Një tragjedi goditi lagjen punëtore Vallejas, në jug të Madridit, të shtunën pasdite, kur një shpërthim i fuqishëm në një bar lokal shkaktoi një viktimë dhe mbi 25 të plagosur, mes tyre tre në gjendje të rëndë.

    Ngjarja ndodhi rreth orës 16:00 në ambientet e barit “Mis Tesoros”, në katin përdhes të një ndërtese trekatëshe, dhe u shoqërua me shembje të pjesshme të strukturës, duke lënë zona të tëra nën rrënoja.
    Pas orësh të tëra pune intensive nga mbi 18 ekipe zjarrfikësish, të shoqëruar nga njësi qensh dhe ekspertë shpëtimi, autoritetet konfirmuan se trupi i një burri 52-vjeç u gjet nën rreth një metër rrënoja dhe mbeturina.
    Zyrtarët nuk kanë bërë publik ende identitetin e viktimës, por sipas burimeve nga vendngjarja, ai dyshohet të ketë qenë brenda barit në momentin e shpërthimit. Zjarrfikësit arritën ta nxirrnin trupin gjatë natës, në një operacion të kujdesshëm për shkak të rrezikut të shembjeve të mëtejshme.
    Sipas deklaratave të Manuel Marín, kreut të Departamentit të Zjarrfikësve të Komunitetit të Madridit, shpërthimi dyshohet të jetë shkaktuar nga një grumbullim gazi, ndonëse ende nuk është përcaktuar saktësisht lloji apo burimi i rrjedhjes.
    “Ka pasur një shpërthim për shkak të një akumulimi të gazit. Ende nuk mund të themi çfarë lloj gazi apo ku ka ndodhur rrjedhja,” – u shpreh Marín.
    Ndërtesa ku ndodhej bar-restoranti pësoi dëme strukturore të konsiderueshme, sidomos në pjesën midis katit përdhes dhe katit të parë. Si masë sigurie, rreth dhjetë familje që banonin në ndërtesë u evakuuan menjëherë pas ngjarjes.
    Zëvendëskryetarja e bashkisë së Madridit, Inmaculada Sanz, tha se në momentet e para ishte përjashtuar mundësia që të kishte të tjerë të bllokuar nën rrënoja, por kërkimet u intensifikuan për t’u siguruar.
    Autoritetet spanjolle kanë nisur hetime të plota për të përcaktuar shkakun e saktë të shpërthimit dhe për të kuptuar nëse kishte neglizhencë në sigurinë e ambienteve të lokalit.
    Ngjarja ka shkaktuar tronditje në komunitetin lokal, ndërsa shumë prej banorëve të zonës janë shprehur se kishin ndjerë dridhje dhe zhurmë të tmerrshme në momentin e shpërthimit.

    Top Channel