Ndeshja Barcelona-Inter ka dëshmuar përse Liga e Kampionëve është turneu më i bukur në Europë. Skuadrat kanë ofruar spektakël dhe emocione deri në sekondat e fundit të lojës, kur Barça “flirtoi” disa herë me golin.
Magjia e futbollit u shfaq që në sekondat e para të lojës. Vetëm 30 sekonda lojë dhe Turami tundi rrjetën me një goditje me finte. Më pas ishte Dumfrisi ai që në minutën e 21-të e dërgoi përsëri topin pas shpinës së Sheznit. Por befasisë së Interit iu kundërpërgjigj Lamin Jamali me një gol spektakolar në minutën e 24-t të takimit. Ndërkohë në të 38-n Ferran Torresi ktheu sërish baraspeshën në këtë përballje.
Dumfrisi befasoi sërish katalanasit në pjesën e dytë të lojës, kur në minutën e 63-të e dërgoi topin me kokë në portën e Barcelonës. Por vetëm 2 minuta më vonë perla e Rafinjës nga distanca i dërgoi shifrat në 3-3. Barcelona kërkoi sërsh të gjente rrugën e rrjetës, por përpjekjet e Jamalit dhe Rafinjës nuk përfunduan në rrjetë. Ndeshja përfundoi në baraspeshë 3-3 dhe kualifikimi do të vendoset në “San Siro” në mesjavën e ardhshme./Sport Ekspres/
Tag: lojës
-
Spektakël dhe emocion deri në sekondat e fundit, Barcelona-Inter prodhon 6 gola por nuk njeh fitues
-
Futbolli shqiptar në zi. Futbollisti 28-vjeçar u nda nga jeta pas atakut kardiak në fushën e lojës
Futbolli shqiptar në zi. Gjatë ndeshjes futbollisti i FC Dajtit, Bledar Hajdari, ka shfaqur probleme shëndetësore dhe është rrëzuar në fushën e lojës.
Menjëherë i është dhënë ndihma e shpejtë, duke e transportuar urgjentisht me ambulancën e pranishme në ndeshje për në spitalin e Traumës.Për fat të keq, pavarësisht asistencës mjekësore dhe të gjitha përpjekjeve për ta rikthyer në jetë, futbollisti ka ndërruar jetë.
FSHF i shpreh ngushëllimet më të thella familjes Hajdari dhe ekipit të FC Dajtit për këtë humbje të madhe që ka shokuar të gjithë komunitetin e futbollit shqiptar.
Në këto momente të vështira, Federata Shqiptare e Futbollit qëndron pranë familjes, miqve dhe bashkëlojtarëve të Bledar Hajdarit, duke ndarë me ta pikëllimin për këtë ndarje të parakohshme dhe të rëndë. -
Muçi la fushën e lojës i dëmtuar, skuadra turke jep detaje
Ylli i kombëtares shqiptare Ernest Muçi,l u largua ditën e djeshme i dëmtuar nga fusha e lojës gjatë ndeshjes Beshiktash-Beshakshehir. Lojtari i Kombëtares u detyrua të lërë fushën e lojës në minutën e 26-të, të ndeshjes së vlefshme për Superligën turke.
Klubi turk ka dhënë informacion më të hollësishëm për dëmtimin e Muçit. Sulmuesi shqiptar pati një rezonancë sot, ndërsa tashmë i fillon edhe periudha e rikuperimit.
“Gjakderdhje u konstatua në aduktorin e brendshëm të kofshës së djathtë të Ernest Muçit, i cili ndjeu dhimbje dhe nuk mundi të vazhdonte ndeshjen. Trajtimi i Muçit ka nisur nga ekipi ynë mjekësor”, shkruan Beshiktashi në deklaratën e dhënë.Muçi konsiderohet titullar nga Solskjaer. Trajneri norvegjez është afruar në një periudhë të vështirë për klubin, që nuk është në pritshmëritë e tifozëve. Aktualisht rrezikojnë vendin e katërt në kampionat.
-
Zbardhet dëshmia e Jozit në polici: Gjesti më ka provokuar gjatë gjithë lojës!
Është zbardhur dëshmia e dhënë në Polici e 29-vjeçarit Jozefin Marku, i cili u shoqërua mbrëmjen e djeshme në komisariatin nr.6 në kryeqytet, pas dhunës së ushtruar ndaj Gjestit (Besard Kelmendit) në ‘Big Brother Vip Albania 4’.
Në deklaratën e tij para uniformave blu, Jozi ka thënë se aktin e ka kryer nga gjaknxehtësia, teksa sipas tij, Gjesti e ka provokuar gjatë gjithë lojës.
‘Më ka provokuar gjatë gjithë lojës, nga gjaknxehtësia e qëllova. Nuk e durova më!’, mësohet se ka deklaruar Jozi.
Pas dëshmisë, Jozefin Marku u la sërish i lirë nga Policia, dhe u procedua penalisht.
Akti i dhunës ndodhi gjatë transmetimit të drejtpërdrejtë të spektaklit të ‘BBVA’ në Top Channel, ku Jozi goditi me shuplakë Gjestin, pasi u eliminua nga gara, duke e rrëzuar në tokë. Kjo nuk është hera e parë që në një televizionin Top Channel regjistrohen akte dhune.
-
VIDEO-SKANDAL/ Koço Kokëdhima futet në fushë dhe shtyn e ofendon arbitrat
VIDEO
Një incident i pazakontë ka ndodhur sot (26 mars) gjatë ndeshjes Apolonia-Gramshi, e vlefshme për kampionatin e femrave dhe e luajtur në Fier.
Presidenti i Klubit Sportiv Apolonia për Femra, Koço Kokëdhima i cili protestonte ndaj vendimeve të gjytarit Dorjan Melataj ka hyrë në fushë gjatë lojës duke kërcënuar dhe shtyrë fizikisht atë. Në videon e mëposhtme dallohet qartë Kokëdhima dhe zyrtarë të ekipit teksa ‘pushtojnë’ fushën e lojës dhe sulmojnë gjyqtarin. Reklama në FieriWeb – “VEGA GROUP”
Për shkak të situatës dhe tensioneve të krijuara, takimi është ndërprerë për 25 minuta, për të rinisur më pas.Reklama në FieriWeb – “VODAFONE ALBANIA”
Pas vijimit të lojës, takimi ka përfunduar 1-0 në favor të Apolonisë së Fierit. Për momentin nuk ka asnjë reagim nga klubi i Apolonisë, por as nga Federata Shqiptare e Futbollit. Burime nga klubi i Gramshit pretendojnë se sipas rregullores, takimi duhet të ishte ndërprerë përfundimisht.
Gjithashtu ata pretendojnë se trajneri, zyrtarë dhe presidenti i Apolonisë ofenduan, shtynë dhe goditën gjyqtarin e ndeshjes, teksa më pas i bënë edhe presion që të riniste takimin.
Reklama në FieriWeb – “PASTIÇERI “RUSTEMAJ”
-
Rrëfimi i Valbonës: Laerti kërkoi të putheshim, shkoi përtej lojës
Showbiz E Mërkurë, 26 Mars 2025 15:59
Valbona Mhilli një ditë pas eliminimit nga shtëpia e ”Big Brother Albania Vip 4”, pohoi se ka pasur ndenja për Laert Vasilin. ”Ka qenë Laerti i pari që ka bërë hapat dhe më pas e gjithë gjëja rrodhi dhe u gjendëm përballë njëri-tjetrit. Më pas, vazhdoi si lojë. Por, avancoi, shkoi përtej lojës”, tha moderatorja.
Sipas saj, Laerti i ka kërkuar të shkëmbenin puthje në një pjesë të shtëpisë, me pretendimin se nuk e kapnin kamerat, pavarësisht se çdo cep është i monitoruar 24 në 24.”Nuk kam gënjyer në asnjë moment. Më ka ftuar që të më puthte në një hapësirë, që besonte se nuk ka kamera. I thashë jo. Unë kam pasur ndjenja të sinqerta për Laertin dhe shumë të pastra. Duke e ditur ai këtë gjë, ka luajtur. Nuk mund të them që kam qenë marrëzisht e dashuruar, ishte një tërheqje, ishte një tërheqje që kishte nisur mes nesh. Prandaj them që zhgënjimi më i madh në BBV për mua ishte Laert Vasili”.
-
Plas keq mes Gjestit dhe Rozanës: As mirëmëngjes mos më thuaj…
Miqësia mes Gjestit dhe Rozanës ka kaluar në një fazë krize, duke u shndërruar në rivalitet për shkak të lojës dhe çmimit të madh në “Big Brother VIP 4”.
Pasi u bën miq dhe kalonin mjaft kohë të bukur në shoqërinë e njëri-tjetrit, situata ka ndryshuar dhe Gjesti i ka bërë me dije këngëtares se nuk dëshiron ta ndjekë më nga pas.
Në një moment, ai i ka thënë Rozanës se po e bezdis dhe duhet të kuptojë që nuk duhet ta ndjekë kudo që ai shkon. Gjesti është shprehur se:
“Shpirtin ma ke lodhur o vëlla. Kështu edhe kur më erdhi ish-femra të kam lënë. Vdes për vëmendje. Mos më hajde pas, këto gjëra i bën veç me i përdor, për vëmendje, ti nuk më do mua. Mos më thuaj më ke xhan kur nuk më do”.
Ai shtoi më tej:
“Mos mi përdor gjërat. As mirëmëngjesi mos më thuaj. Të kam thënë mos më hajde pas”.
Nga ana e saj, Rozana e kundërshtoi këtë qëndrim dhe i hodhi poshtë akuzat, duke i dhënë përgjigje të gjitha këtyre komenteve. Tensionet mes tyre janë rritur, duke i shtuar më shumë dinamizëm lojës.