Lajmidites.com

Tag: lojërave

  • Goditet rrjeti i basteve në Korçë dhe Pogradec, 2 të arrestuar

    Goditet rrjeti i basteve në Korçë dhe Pogradec, 2 të arrestuar

    Policia e Korçës ka zhvilluar një operacion kundër lojërave të fatit. Sipas policisë, janë zbuluar 5 lokale në Korçë dhe në Pogradec të cilat ishin vënë në dispozicion të organizimit të kundërligjshëm të lojërave të fatit.
    Nga ky aksion janë arrestuar dy administratorë lokalesh, në Korçë J. L., 29 vjeç, dhe në Pogradec, E. M., 26 vjeç. Ndërsa janë proceduar penalisht edhe 6 shtetas të tjerë, administratorë dhe punonjës të lokaleve.

    “Si rezultat i kontrollit të kryer, në bazë të informacioneve të siguruara në rrugë operative, shërbimet e Komisariatit të Policisë Korçë dhe Pogradec kanë zbuluar disa lokale në qytetin e Korçës dhe Pogradecit, ku organizoheshin lojëra fati.
    Në vijim të veprimeve procedurale për këtë rast, u arrestuan në flagrancë shtetasit:
    J. L., 29 vjeç, banues në Korçë, administratori i lokalit, për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, “Vënia në dispozicion e lokaleve për lojëra fati” dhe “Punësimi i paligjshëm”;
    E. M., 26 vjeç, banues në Pogradec, administratori i lokalit, për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, “Vënia në dispozicion e lokaleve për lojëra fati” dhe “Fshehja e të ardhurave”.
    Gjatë kontrollit në lokalet që këta shtetas administronin, janë konstatuar monitorë dhe aparate celularë me faqe që shërbenin për vendosjen e basteve sportive, si dhe janë konstatuar punonjës të paregjistruar në organet kompetente.
    Gjithashtu, u referuan materialet në Prokurori ku nisi procedimi penal për shtetasit:
    M. V., 48 vjeç, banues në Korçë, dhe S. B., 34 vjeç, banues në Pogradec, për veprën penale “Punësim i paligjshëm”, pasi gjatë kontrollit në lokalet që këta shtetas administronin u konstatuan 2 kamarierë të paregjistruar në organet kompetente.
    V. T., 19 vjeç, dhe Ç. P., 42 vjeç, banues në Korçë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”.
    E. Ç., 41 vjeç, banues në Pogradec, pasi u konstatua që biznesi që administronte ishte i paregjistruar në organet kompetente.
    D. K., 43 vjeç, banues në Korçë, për veprën penale “Deklarim i rremë para oficerëve të Policisë Gjyqësore”.“– njofton policia.
    Materialet procedurale iu referuan Prokurorisë së Korçës, për veprime të mëtejshme.

  • Operacion kundër lojërave të fatit në Korçë e Pogradec, në pranga 2 administratorë lokalesh, procedohen 6 persona të tjerë

    Operacion kundër lojërave të fatit në Korçë e Pogradec, në pranga 2 administratorë lokalesh, procedohen 6 persona të tjerë

    KORÇË- Policia e Korçës ka zhvilluar një operacion kundër lojërave të fatit. Sipas policisë, janë zbuluar 5 lokale në Korçë dhe në Pogradec të cilat ishin vënë në dispozicion të organizimit të kundërligjshëm të lojërave të fatit. 
    Nga ky aksion janë arrestuar dy administratorë lokale, në Korçë dhe në Pogradec. Ndërsa janë proceduar penalisht edhe 6 shtetas të tjerë, administratorë dhe punonjës të lokaleve. 
    Materialet procedurale iu referuan Prokurorisë së Korçës, për veprime të mëtejshme. 
    NJOFTIMI I PLOTË
    Finalizohet operacioni policor i koduar “Qarku” 
    Zbulohen 5 lokale në qytetin e Korçës dhe Pogradecit, të vëna në dispozicion të organizimit të kundërligjshëm të lojërave të fatit. 
    Vihen në pranga 2 administratorë lokalesh qytetin e Korçës dhe Pogradecit. 
    Procedohen penalisht 6 shtetas administratorë dhe punonjës në lokalet e evidentuara gjatë operacionit. 
    Kapet dhe procedohet në gjendje të lirë një shtetas i shpallur në kërkim 2 ditë më parë, po për lojëra fati. 
    Sekuestrohen pajisjet që shërbenin për lojëra fati dhe disa telefona. 
    Si rezultat i kontrollit të kryer, në bazë të informacioneve të siguruara në rrugë operative, shërbimet e Komisariatit të Policisë Korçë dhe Pogradec kanë zbuluar disa lokale në qytetin e Korçës dhe Pogradecit, ku organizoheshin lojëra fati. 
    Në vijim të veprimeve procedurale për këtë rast, u arrestuan në flagrancë shtetasit: J. L., 29 vjeç, banues në Korçë, administratori i lokalit, për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, “Vënia në dispozicion e lokaleve për lojëra fati” dhe “Punësimi i paligjshëm”; E. M., 26 vjeç, banues në Pogradec, administratori i lokalit, për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, “Vënia në dispozicion e lokaleve për lojëra fati” dhe “Fshehja e të ardhurave”. 
    Gjatë kontrollit në lokalet që këta shtetas administronin, janë konstatuar monitorë dhe aparate celularë me faqe që shërbenin për vendosjen e basteve sportive, si dhe janë konstatuar punonjës të paregjistruar në organet kompetente. 
    Gjithashtu, u referuan materialet në Prokurori ku nisi procedimi penal për shtetasit: M. V., 48 vjeç, banues në Korçë, dhe S. B., 34 vjeç, banues në Pogradec, për veprën penale “Punësim i paligjshëm”, pasi gjatë kontrollit në lokalet që këta shtetas administronin u konstatuan 2 kamarierë të paregjistruar në organet kompetente. V. T., 19 vjeç, dhe Ç. P., 42 vjeç, banues në Korçë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”.E. Ç., 41 vjeç, banues në Pogradec, pasi u konstatua që biznesi që administronte ishte i paregjistruar në organet kompetente. D. K., 43 vjeç, banues në Korçë, për veprën penale “Deklarim i rremë para oficerëve të Policisë Gjyqësore”. 
    Gjatë kontrolleve u kap edhe shtetasi N. D., 35 vjeç, banues në Korçë, i shpallur në kërkim 2 ditë më parë, pasi kishte kanosur nëpërmjet telefonit një 18-vjeçar, për një shumë lekësh që i kishte borxh, për vendosjen e basteve sportive që i kishte bërë 35-vjeçari. 
    Materialet procedurale iu referuan Prokurorisë së Korçës, për veprime të mëtejshme. 

  • Korçë/ Policia në aksion kundër lojërave të fatit, mësyn nëpër lokale…

    Korçë/ Policia në aksion kundër lojërave të fatit, mësyn nëpër lokale…

    Policia e Korçës ka zhvilluar këtë të premte një operacion kundër lojërave të fatit.

    Mësohet se në lagjen 2 të qytetit është konstatuar brenda një lokali një zonë ambienti me disa kompjuterë që kishin të hapur në ekran lojëra elektronike kazinoje.

    Ndër të tjera, bëhet me dije se në këto kompjuterë janë gjetur edhe faqe që dyshohet se përdoreshin për vendosje të basteve sportive. Operacioni është ende në vijim dhe pritet që në përfundim të ketë edhe persona të arrestuar.

    Mësohet se policia po interviston administratorin e lokalit dhe klientë të ndryshëm që kanë qenë në këtë lokal.

  • Konispol – Inaugurohet këndi i ri i lojërave, investim i Raiffeisen Invest në bashkëpunim me Bashkinë – VIDEO

    Konispol – Inaugurohet këndi i ri i lojërave, investim i Raiffeisen Invest në bashkëpunim me Bashkinë – VIDEO

    Konispol – Inaugurohet këndi i ri i lojërave, investim i Raiffeisen Invest në bashkëpunim me Bashkinë Konispol
     
    Në qytetin e Konispolit u inaugurua sot këndi i ri i lojërave, një investim i mundësuar nga Raiffeisen Invest në bashkëpunim me Bashkinë Konispol. Kjo hapësirë e re rekreative vjen me synimin për t’u ofruar fëmijëve një ambient të sigurt dhe bashkëkohor për lojë dhe zhvillim.
     

     
    Në ceremoninë e inaugurimit morën pjesë Drejtori i Pergjithshëm i Raiffeisen Bank Shqipëri, z. Christian Canacaris si dhe kryetari i Bashkisë Konispol z. Ergest Dule, të cilët vlerësuan kontributin e këtij projekti dhe rëndësinë që ai ka për komunitetin lokal.
     

     
    Ky investim është pjesë e angazhimit të Raiffeisen Bank dhe Raiffeisen Invest për përgjegjësi sociale, duke mbështetur iniciativat që sjellin ndikim pozitiv dhe përmirësim të jetës së përditshme për qytetarët.
    Këndi i lojërave në Konispol vjen si një shembull i bashkëpunimit të suksesshëm mes sektorit privat dhe institucioneve vendore, me fokus tek fëmijët dhe të ardhmen e komunitetit.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb

  • “Strike Bet”/ Goditet një rast i aktivitetit të lojërave të fatit, arrestohet pronari i lokalit dhe kamerieri

    “Strike Bet”/ Goditet një rast i aktivitetit të lojërave të fatit, arrestohet pronari i lokalit dhe kamerieri

    Goditet një tjetër rast i ushtrimit të kundërligjshëm të aktivitetit të lojërave të fatit në Tiranë. Për pasojë janë arrestuar në flagrancë pronari dhe kamarieri i lokalit ku kryhej online kjo veprimtari e paligjshme.
    Në vijim të punës për evidentimin dhe goditjen e paligjshmërisë, specialistët e Seksionit për Hetimin e Krimit Kibernetik, në bashkëpunim me Forcën e Posaçme Operacionale, finalizuan operacionin policor të koduar “Strike Bet”, gjatë të cilit u konstatua një rast i organizimit të lojërave të fatit online, në kundërshtim me ligjin.
    Në përfundim të veprimeve procedurale, u arrestuan shtetasit:-E. K., 32 vjeç, pronari i lokalit;-I. Sh., 32 vjeç, kamarier në këtë subjekt.
    Gjatë kontrollit në ambientet e lokalit, në rrugën “Erzen Lita”, u gjetën dhe u sekuestruan 2 aparate celulare, të cilët dyshohet se përdoreshin për organizimin e lojërave të fatit online. Materialet procedurale i janë referuar Prokurorisë, për veprime të mëtejshme.

  • Goditet një rast i aktivitetit të lojërave të fatit, arrestohet pronari i lokalit dhe kamerieri

    Goditet një rast i aktivitetit të lojërave të fatit, arrestohet pronari i lokalit dhe kamerieri

    Goditet një tjetër rast i ushtrimit të kundërligjshëm të aktivitetit të lojërave të fatit në Tiranë.

    Për pasojë janë arrestuar në flagrancë pronari dhe kamarieri i lokalit ku kryhej online kjo veprimtari e paligjshme.
    Në vijim të punës për evidentimin dhe goditjen e paligjshmërisë, specialistët e Seksionit për Hetimin e Krimit Kibernetik, në bashkëpunim me Forcën e Posaçme Operacionale, finalizuan operacionin policor të koduar “Strike Bet”, gjatë të cilit u konstatua një rast i organizimit të lojërave të fatit online, në kundërshtim me ligjin.
    Në përfundim të veprimeve procedurale, u arrestuan shtetasit:-E. K., 32 vjeç, pronari i lokalit;-I. Sh., 32 vjeç, kamarier në këtë subjekt.
    Gjatë kontrollit në ambientet e lokalit, në rrugën “Erzen Lita”, u gjetën dhe u sekuestruan 2 aparate celulare, të cilët dyshohet se përdoreshin për organizimin e lojërave të fatit online.
    Materialet procedurale i janë referuar Prokurorisë, për veprime të mëtejshme.

    Top Channel

  • Kosova: Në qendër të sportit mesdhetar, nis epoka e investimeve strategjike

    Kosova: Në qendër të sportit mesdhetar, nis epoka e investimeve strategjike

    Kosova E Shtunë, 22 Nëntor 2025 17:32
    Në vitin 2030, Kosova do të jetë një nga qendrat kryesore sportive ndërkombëtare, pasi vendi është përzgjedhur për të organizuar Lojërat Mesdhetare. Përgatitjet për këtë ngjarje të madhe kanë nisur dhe fokusi kryesor është përmbushja e standardeve ndërkombëtare sportive përmes një pakete të gjerë investimesh infrastrukturore, të cilat synojnë të garantojnë kushte optimale si për atletët, ashtu edhe për spektatorët.
    Sipas të dhënave nga Ministria e Financave, është parashikuar të investohen mbi 250 milionë euro në infrastrukturën sportive në mbarë vendin. Ky plan përfshin ndërtimin dhe rikonstruksionin e 27 stadiumeve të reja ose ekzistuese në qytete të ndryshme të Kosovës, duke siguruar kapacitete moderne dhe kushte të përshtatshme për zhvillimin e garave sportive në nivel ndërkombëtar. Një ndër projektet më të rëndësishme të këtyre investimeve është ndërtimi i Stadiumit Kombëtar në Prishtinë, i cili konsiderohet si një element qendror në organizimin e Lojërave Mesdhetare.

    Përveç stadiumeve, planifikohet ndërtimi i një kompleksi olimpik me pishinë standarde ndërkombëtare, krijimi i një kompleksi të ri tenisi dhe ndërtimi i fushave të reja për sporte të ndryshme. Gjithashtu, dhjetë objekte sportive ekzistuese, përfshirë Pallatin e Rinisë dhe Sporteve, do t’i nënshtrohen rikonstruksionit të thellë me qëllim që të modernizohen dhe të bëhen të përshtatshme për organizimin e garave ndërkombëtare dhe për pritjen e publikut.

    Për të mbështetur përgatitjet logjistike, është parashikuar që Qendra e Studentëve në Prishtinë të shndërrohet në një kompleks akomodimi të quajtur “Mediterranean Village”, ku do të strehohen sportistët dhe delegacionet pjesëmarrëse gjatë mbajtjes së Lojërave Mesdhetare. Për këtë qëllim, pritet zgjerimi dhe renovimi i objektit për të rritur kapacitetin dhe cilësinë e kushteve të banimit.

    Paralelisht me investimet infrastrukturore, po zhvillohen studime fizibiliteti dhe po mbahen bisedime me institucione financiare ndërkombëtare, përfshirë Bankën Evropiane të Investimeve (EIB), e cila mund të ofrojë mbështetje teknike dhe financiare për disa projekte kyçe, si rinovimi i Pallatit të Rinisë dhe Sporteve. Tashmë është themeluar edhe Komiteti Organizues i Lojërave Mesdhetare 2030, i cili është i angazhuar në planifikimin dhe koordinimin e të gjitha fazave përgatitore për këtë ngjarje madhështore sportive.
    Organizimi i Lojërave Mesdhetare 2030 shihet si një mundësi historike për promovimin e Kosovës në arenën ndërkombëtare, rritjen e kapaciteteve sportive dhe forcimin e imazhit të vendit si një destinacion modern për aktivitete sportive dhe kulturore me përmasa globale.

  • Europol: Krimi i organizuar po rekruton fëmijët përmes video lojërave

    Europol: Krimi i organizuar po rekruton fëmijët përmes video lojërave

    Drejtuesja e Europol, Catherine De Bolle ka paralajmëruar se rrjetet kriminale po rekrutojnë fëmijët përmes videolojërave. Sipas saj këto organizata tani përbëjnë kërcënimin më të madh për Bashkimin Evropian, pasi ato destabilizojnë shoqëritë duke synuar të miturit.
    “Instrumentalizimi i fëmijëve nga organizatat kriminale është ajo që po ndodh tani në tokën evropiane”, tha ajo në një intervistë të përbashkët me Politico dhe Welt.
    Ajo shtoi se fëmijët po përdoren për të torturuar ose vrarë. De Bolle mori rastin e një djali të mitur i cili u urdhërua të vriste motrën e tij më të vogël, një urdhër që në fund u ekzekutua.
    Ajo nuk e përjashton mundësinë që fëmijët dhe adoleshentët përdoren nga shtetet armiqësore si “spiunë” pa pëlqimin e tyre, për të regjistruar komunikimet rreth ndërtesave qeveritare. Më tej paralajmëroi gjithashtu për ndikimin e inteligjencës artificiale, shpërthimin e mashtrimeve online, por edhe metodat e reja të trafikimit të drogës.
    Sipas Europolit, kriminelët fillimisht u afrohen fëmijëve përmes lojërave me shumë lojtarë me veçori chati. Procesi fillon me diskutime rreth temave në dukje të pafajshme, siç janë kafshët shtëpiake ose familja.
    Pastaj komunikimi kalon në një chat të mbyllur, ku ata kërkojnë informacione personale të ndjeshme, siç është adresa e fëmijës. Nga aty, fëmija mund të detyrohet ose të korruptohet për të kryer dhunë, madje edhe torturë, vetëlëndim, vrasje ose vetëvrasje.
    Europoli ka regjistruar 105 raste ku të miturit janë përfshirë në akte të dhunshme të kryera , duke përfshirë 10 kontrata vdekjeje. Shumë përpjekje për vrasje dështojnë për shkak të mungesës së përvojës së fëmijëve, por pasojat janë tashmë serioze.

  • Vëllezërit Hysa të sanksionuar nga SHBA/ Media kanadeze: Transferta të dyshimta miliona dollarëshe drejt Shqipërisë

    Vëllezërit Hysa të sanksionuar nga SHBA/ Media kanadeze: Transferta të dyshimta miliona dollarëshe drejt Shqipërisë

    Media ndërkombëtare La Presse raporton se Policia Mbretërore Kanadeze (RCMP) po heton dyshimet se karteli meksikan Sinaloa po pastron para përmes një kazinoje në Kahnawake, në jug të Montrealit, ku dyshohet se është infiltruar një rrjet ndërkombëtar pastrimi parash. Në qendër të hetimeve ndodhet biznesmeni me origjinë shqiptare, Luftar Hysa, i cili sipas dokumenteve të siguruara nga RCMP, dyshohet se ka krijuar lidhje me fraksionin e udhëhequr nga “El Mayo” dhe se po përdor industrinë e lojërave të fatit për të qarkulluar fondet e kartelit në Kanada, Meksikë dhe Europë.
    Sipas La Presse, autoritetet kanadeze kanë siguruar prova të shumta financiare dhe sinjalizime të dërguara nga agjencia federale FINTRAC, të cilat tregojnë qarkullimin e dhjetëra milionë dollarëve përmes kompanive të lidhura me Hysën, duke përfshirë restorantin “Mirela” dhe biznese të tjera të regjistruara në Kanada dhe Shqipëri. Një sërë transfertash të dyshimta nga Meksika, shpenzime të menjëhershme të shumave të mëdha dhe lidhje me projekte të pasurive të paluajtshme dhe kazinove janë ndër elementet kyç që kanë ngritur dyshimet e hetuesve.
    La Presse shkruan gjithashtu se autoritetet shqiptare i janë drejtuar Kanadasë për ndihmë hetimore, duke pretenduar se Hysa dhe familjarët e tij janë pjesë e një grupi kriminal që operon në disa shtete, ndërsa kazinotë dhe bizneset e tyre përdoren si mbulesë për pastrimin e të ardhurave nga aktivitetet e kartelit. Ndërkohë, vetë Hysa ka mohuar publikisht çdo lidhje me krimin e organizuar, por nuk ka pranuar të komentojë mbi hetimet e fundit.
    ARTIKULLI I PLOTË:
    Policia Mbretërore Kanadeze (RCMP) dyshon se karteli Sinaloa, një nga organizatat kriminale më të fuqishme në botë, po pastron paratë e tij të pista përmes një kazinoje në Kahnawake, në jug të Montrealit. Sipas informacionit të marrë nga La Presse, forcat policore nga tre vende po hetojnë aktualisht një pastrues parash të dyshuar të kartelit i cili është infiltruar në industrinë e lojërave të fatit në rezervatin Mohawk.
    “Është koha për të fituar në Pallatin Magjik”, shkruan reklama. E vendosur në Rrugën 132, në zemër të Kahnawake, vetëm pak minuta larg Montrealit, salla e lojërave të fatit nuk ka asgjë për t’u pasur zili nga institucionet e tjera të këtij lloji: një tabelë e ndritshme e dukshme nga një distancë e mirë, një parking i madh falas, një restorant luksoz, pije freskuese falas për lojtarët, roje sigurie dhe staf i vëmendshëm.
    Edhe pse Loto-Québec përsërit shpesh se industria e lojërave të fatit privat në territorin indigjen është e paligjshme, klientët vazhdojnë të vijnë. Kur La Presse e vizitoi së fundmi, në mes të ditës, vendi ishte plot me lojtarë entuziastë nga disa qytete përreth, të gjithë të etur të uleshin në njërën nga 400 makinat e videolotarisë, të teknologjisë së fundit. Një përzgjedhje pothuajse aq e gjerë sa ajo e kazinosë Mont-Tremblant, për krahasim.
    E vetmja veçori e pazakontë: mbishkrimet në disa nga makinat e lojërave të fatit të Pallatit Magjik janë në spanjisht. Pak njerëz e dinë këtë, por institucioni mban lidhje të ngushta me Meksikën nëpërmjet përfshirjes së një manjati meksikan të kazinove me seli në ishullin e Montrealit: Luftar Hysa.
    Aleanca me “El Mayo”
    Hysa, një biznesmen i lindur në Shqipëri, bëri bujë në Meksikë në shtator 2022 për shkak të lidhjeve të tij të dyshuara me krimin e organizuar: dy gazeta rivale, El Universal dhe më pas Milenio, cituan burime të sigurisë federale meksikane të thoshin se ai kishte bërë një marrëveshje për të pastruar para për kartelin Sinaloa.
    El Universal pretendon se, sipas shërbimeve të inteligjencës qeveritare, marrëveshja u bë midis familjes Hysa dhe Ismael Zambada Garcia, i njohur ndryshe si “El Mayo”, kreu i një fraksioni të kartelit, me qëllim riinvestimin e të ardhurave nga trafikimi i drogës në ekonominë ligjore përmes projekteve të pasurive të paluajtshme ose turizmit.

  • ‘Game Over’ në Vlorë/ Goditet aktiviteti i paligjshëm i lojërave të fatit, arrestohen pronari dhe administratori

    ‘Game Over’ në Vlorë/ Goditet aktiviteti i paligjshëm i lojërave të fatit, arrestohen pronari dhe administratori

    Finalizohet me sukses operacioni policor i koduar “Game Over” në qytetin e Vlorës, ku u godit një rast i organizimit të paligjshëm të lojërave të fatit në një lokal.

    Pronari dhe administratori u arrestuan në flagrancë, ndërsa u sekuestruan pajisje kompjuterike, çipsa pokeri dhe një përforcues metalik grushti, në kuadër të kontrolleve intensive për parandalimin e veprimtarive të kundërligjshme.
    Njoftimi i policisë
    Finalizohet operacioni policor i koduar “Game Over”, goditet një rast i organizimit të paligjshëm i lojërave të fatit në një lokal, në qytetin e Vlorës.
    Arrestohen në flagrancë pronari dhe administratori i lokalit, të cilët organizonin lojëra fati me kompjutera dhe çipsa pokeri.
    Sekuestrohen 7 pajisje kompjuterike, një valixhe me çipsa dhe një përforcues metalik grushti.
    Shërbimet e Komisariatit të Policisë Vlorë në bashkëpunim me Forcën e Posaçme “Shqiponja”, pas informacioneve të marra në rrugë operative dhe në kuadër të kontrolleve intensive për parandalimin dhe goditjen e veprimtarive të paligjshme në fushën e lojërave të fatit, finalizuan me sukses operacionin policor të koduar “Game Over”.
    Gjatë operacionit të zhvilluar, në lagjen “24 Maji”, në ambientet e një lokali në pronësi të shtetasit A. L., 32 vjeç, u konstatua se zhvillohej aktivitet i kundërligjshëm i organizimit të lojërave të fatit.
    Në përfundim të veprimeve procedurale u arrestuan në flagrancë shtetasit:* A. L., 32 vjeç, pronar i ambientit;* S. T., 42 vjeç, administrator i lokalit.
    Gjatë kontrollit, u sekuestruan në cilësinë e provës materiale 7 pajisje kompjuterike të përdorura për lojëra fati, 1 valixhe me çipsa pokeri dhe 1 përforcues metalik grushti.
    Gjithashtu, gjatë verifikimeve rezultoi se shtetasi A. L. ishte shpallur në kërkim nga DVP Berat, si i dyshuar për veprën penale “Prodhimi dhe shitja e lëndëve narkotike”.
    Materialet procedurale u referuan në Prokurorinë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

    Top Channel