Lajmidites.com

Tag: llangozi

  • ‘Drejtësia e kapur nga qeveria, KLP bën pazare me grupet kriminale’, Llangozi: Reforma është kthyer në mekanizëm kontrolli politik

    ‘Drejtësia e kapur nga qeveria, KLP bën pazare me grupet kriminale’, Llangozi: Reforma është kthyer në mekanizëm kontrolli politik

    Avokati Arben Llangozi, i ftuar në studion e emisionit “Kafe Shqeto”, ka shpërthyer në akuza ndaj sistemit të drejtësisë, duke deklaruar se zvarritjet, mungesa e transparencës dhe kapja e institucioneve janë kthyer në plagë të përhershme të shtetit shqiptar.

    Në një analizë për ‘Kafe Shqeto’, Llangozi u shpreh se qeveria “e ka marrë në dorë” gjyqësorin, e ka pezulluar dhe ‘përkëdhelur’ për interesa politike, ndërsa qytetarët e thjeshtë presin me vite që të marrin drejtësi.

    Ai solli raste konkrete nga praktika e tij si avokat, duke treguar se ka çështje që prej 4 apo 6 vitesh nuk janë marrë në shqyrtim nga gjykatat, ndërsa gjyqtarët, sipas tij, japin vendime pa arsyetim dhe me vonesa të pajustifikuara.

    Më tej, Llangozi akuzoi Këshillin e Lartë të Prokurorisë (KLP) për pazare me grupe të krimit të organizuar, duke thënë se prokurorë dhe gjyqtarë po emërohen me ndikime të errëta dhe patronazhistë partiakë janë futur në prokurori.

    Sipas tij, reforma në drejtësi ka devijuar nga misioni fillestar, duke u kthyer në një mekanizëm kontrolli të pushtetit ndaj drejtësisë dhe në një pengesë për qytetarët që kërkojnë të drejtat e tyre.

    Arben Llangozi:

    “Unë e shoh më tepër se kaq, nuk e shoh thjesht si zvarritje të procesit. Zvarritja e procesit është një nga problematikat e sistemit të drejtësisë.

    Kam një klient që jeton në Amerikë, shtetas amerikan. Kanë hapur një padi dhe u bënë 4 vite, nuk kanë bërë asnjë seancë.

    Çfarë do presim ne? Kam sërish në Shkodër një tjetër çështje, ka 6 vite dhe as aty nuk është caktuar data e seancës. E mori kjo qeveri gjyqësorin, e përkëdheli, e pezulluan 60 muaj, dhanë arsyetime për të pezulluar vendimet, dhe ajo është shkaktarja e këtij konflikti.

    Nuk është këtu vetëm problem i ligjeve… Një ligj thotë që veprimi përmbarimor duhet të gjykohet brenda 20 ditëve në Dhomën e Këshillimit, dhe kur gjykata nuk sheh një hapësirë, mund t’i thërrasë dhe palët.

    E gjykon dy vite pa arsyetuar vendimin. Çfarë është kjo drejtësi?

    Të presësh dy vite pa arsyetuar vendimin, 5 vite në një gjykatë tjetër — dhe unë e shoh më tepër problematike nga këta gjyqtarë.

    Unë i ftoj (nëse ata vërtet kanë ndërmend ditën e sotme t’i kërkojnë llogari shtetit apo pushtetit) ta bëjnë me dyer të hapura atë mbledhje, ta marrim vesh dhe ne se çfarë po diskutohet, sepse nuk është vetëm kauzë e tyre, është dhe e jona.

    Ne avokatët duhet të dimë se çfarë po diskutohet, sepse jemi edhe ne pjesë e sistemit.

    Pra, nuk mundet (unë e them me plot bindje), në prokuroritë tona janë futur patronazhistë — dhe nuk mundet që një prokuror apo gjyqtar të na sigurojë drejtësi, sepse nuk ka qëllim ai të merret me qytetarin; e shikojnë si mall qytetarin këta.

    Këta prokurorë që aktualisht janë në pushtet e shikojnë thjesht si produkt, është rritur vlera e tregut.

    Unë e kam lexuar të gjithë dosjen ‘SKY’. E dini çfarë ka bërë krimi i organizuar? Ka vendosur prokurorë në qytetin e Vlorës dhe thotë: “I zgjodhëm vetë”. Po ku i zgjodhën këta? Në këtë KLP famëkeqe, sepse kur del një qytetar e qan hallin në media, KLP bën pazare me grupet kriminale dhe emëron prokurorë.

    Në vend që të merren me këtë, merren me pse doli një qytetar e foli në media. Është e turpshme, dhe unë i kritikoj këta gjyqtarë që thonë ‘mos flisni e mos komentoni gjuhë urrejtjeje”.

  • Avokat Arben Llangozi: Ergys Verdho i hekurudhave, drejtori i Ramës që transferoi mln Euro korrupsioni drejt Europës

    Avokat Arben Llangozi: Ergys Verdho i hekurudhave, drejtori i Ramës që transferoi mln Euro korrupsioni drejt Europës

    Avokat i njohur, Arben Llangozi ka reaguar në rrjetet sociale, ndërsa ka hedhur akuza të forta ndaj drejtorit të Hekurudhave, Ergys Verdho. “Në Shqipëri, drejtuesit e institucioneve publike nuk zgjidhen për profesionalizëm, por për besnikëri ndaj partisë. Sot është KESH, nesër ARRSH, pasnesër Hekurudha, gjithmonë të njëjtët emra, të njëjtat fytyra, të njëjtat afera. Ergys Verdho është shembulli tipik i kësaj rrotullimi: kush ka provuar njëherë shijen e tenderave publikë, nuk largohet më kurrë nga “tryeza”.
    Kemi hekurudha të prishura, por kemi hekurudhë korrupsioni që funksionon për mrekulli: nga Tirana drejt bankave europiane. Pasuritë e vjedhura prej milionash euro nuk presin projekte rivitalizimi, ato kalojnë kufirin me shpejtësinë e dritës. Vila, resorte, llogari të majme në Europë, ndërsa qytetarëve u shitet përralla e “rilindjes së transportit”. Dhe përballë këtij realiteti, SPAK sillet si kontrollori i trenit që nuk sheh as biletë e as pasagjerë. Për qytetarët e thjeshtë ligji zbatohet me hekur, për zyrtarët me miliona euro të fshehura, harresë totale. Pra, kemi një drejtësi që nuk është e verbër, por një drejtësi që mbyll sytë aty ku nuk duhet.
    Ky veprim nuk është thjesht fshehje pasurie, por korrupsion i pastër dhe pastrim parash në përmasa miliona euro, ku paratë e shqiptarëve transformohen në vila, resorte e llogari bankare në Europë, ndërsa SPAK dhe institucionet e drejtësisë bëjnë sikur nuk shohin; një skemë e qartë ku pushteti përdor rotacionin e drejtorëve për të mbuluar gjurmët, por në fakt po e zhyt vendin edhe më thellë në kriminalizimin e qeverisjes”, shkruan avokat Arben Llangozi.

  • Llangozi: Administrata nuk është në shërbim të qytetarëve por në shërbim të krimit

    Llangozi: Administrata nuk është në shërbim të qytetarëve por në shërbim të krimit

    I ftuar në emisionin e mëngjesit KAFE SHQETO në Syri tv ka qenë avokati Arben Llangozi. Në bisedë me moderatorin Flavio Qarri ai ka komentuar situatën aktuale politike ne vend pas aksioneve të propagandës qeveritare me prishje dhe tritol. Sipas avokatit Llangozi, “administrata nuk është në shërbim të qytetarëve por në shërbim të krimit në Shqipëri”.

    Arben Llangozi: Unë e lashë punën në muajin gusht, por u mora me shërbimin ndaj qytetarit. Sepse kur në shikojmë që administrata në mes të ditës lejon të ndodhin krime, policia e shtetit në bashkëpunim me institucionet e tjera, lejojnë të ndodhin krime. Dhe në këto kohë në serviret që shteti është duke punuar, duke prishur objekte pa leje. Dhe në shumë raste prishen ato objekte të cilat janë pa mbrojtje dhe kjo më ka bërë që unë të bëhem pjesë e problemeve të qytetarëve të ndryshëm por edhe të atyre që nuk kanë mundur të ndërtojnë pa leje. Sepse kjo është e rëndë që një shtetas, një qytetar të dalë në mes të ditës në mes të prezencës së institucioneve shtetërore dhe aq më tepër kur ka edhe kallëzime dhe që shteti është inegzistent. Kjo është, jo më për tu larguar nga Shqipëria port a kemi edhe me vite dritë larg. Sepse vendi jonë është kthyer në një administratë që nuk është në shërbim të qytetarëve por në shërbim të krimit.

    Flavio Qarri: Dikur keni qenë një nga ekspozuesit më të mëdhenj të situatës në Sarandë. Tani keni zgjedhur Vlorën…

    Arben Llangozi: Jo se Saranda apo qytetet e tjera janë më pak të inkriminuara. Të mos harrojmë që në Durrës, vetë ai që kishte për detyrë të luftonte ndërtimet pa leje, kishte ndërtuar një kompleks gjigant. Dhe aq me tepër për këtë që po flitet, tokën ku ishte ndërtuar kompleksi nga drejtori i kësaj qeverie, ishte marrë nga prokurorja nga një i pandehur i cili nuk kishte lekë dhe i kishte marrë tokën. Pra ky është një veprim korruptiv që ka ngelur pa u hetuar Dhe personi që u nxor nga burgu bëhet edhe menaxher i gjithë kompleksit. Është për të ardhur keq në mënyrën se si funksionojnë.

    Tani kalojmë tek Vlora. Një vend jo me pak i korruptuar nga prokuroria dhe institucionet. Vlora është një nga qytetet që ka prokurorinë me të korruptuar dhe më të inkriminuar….

  • ‘Në këtë sistem drejtësie po mbulohen vrasje’/ Llangozi: Në krye të prokurorisë janë vendosur patronazhistët

    ‘Në këtë sistem drejtësie po mbulohen vrasje’/ Llangozi: Në krye të prokurorisë janë vendosur patronazhistët

    Avokati Arben Llangozi ka ngritur alarmin për përkeqësimin e rendit dhe sigurisë publike në qytetin bregdetar të Sarandës, ndërsa ka akuzuar sistemin e drejtësisë për kapje politike dhe mungesë veprimi ndaj rasteve të rënda kriminale.

    I ftuar në emisionin “Kafe Shqeto” në SYRI TV, Llangozi tha se “Padyshim Saranda është një ndër qytetet më të rrezikshme, edhe statistikat e tregojnë që është një ndër qytetet më të frikshme.”

    Duke iu referuar rastit të zhdukjes së dy personave në Sarandë, Llangozi tha se ngjarja kishte një histori të mëparshme kriminale. Sipas tij, në një biznes ishte vendosur tritol dhe gjatë këqyrjes së vendit të ngjarjes ishin sekuestruar pamje filmike, të cilat më pas ishin zhdukur nga dosja hetimore. Ai tregoi se djali i xhaxhait të një prokuroreje kishte fshirë provat, ndërsa vetë prokurorja u detyrua të niste një hetim për zhdukjen e pamjeve pasi ato u shpërndanë në rrjete sociale.

    “Një skemë mbulimi ekziston edhe në prokurori”, u shpreh Llangozi, duke theksuar se nuk dihet nëse kjo çështje është hetuar ndonjëherë. Ai shtoi se roli i djalit të xhaxhait si oficer policie shton dyshimet për ndikime dhe ndërhyrje në procesin hetimor.

    Avokati theksoi se Shqipëria ndodhet në një situatë alarmante ku krimet e rënda mbulohen dhe drejtësia nuk godet me forcë, duke përmendur edhe rastin e vrasjes së të riut Flavio. “Ne s’kemi parë më parë që të mbuloheshin vrasje, por në këtë sistem drejtësie po shikojmë që shteti mbyll sytë përballë krimeve të rënda, prindërit dhunohen në sy të fëmijëve të mitur dhe askush nuk përgjigjet. Kjo është faji vetëm i drejtësisë”, tha ai.

    Llangozi u shpreh se në krye të prokurorive janë emëruar patronazhistë dhe njerëz me lidhje politike që më herët kanë punuar në institucione si OSSHE apo ASHK. “Çfarë do presim ne nga një prokuror që ka qenë jurist në OSSHE, apo nga dikush që ka qenë jurist në ASHK?”, u shpreh ai, duke e cilësuar këtë situatë si një kapje të plotë të drejtësisë në Shqipëri.

    Llangozi: 

    Padyshim Saranda është një ndër qytetet më të rrezikshme, edhe statistikat e tregojnë që është një ndër qytetet më të frikshme.
    Të mos harrojmë, për shembull rasti i zhdukjes së dy personave kishte një histori të mëparshme ajo çështje, në një biznes kishin vendosur një tritol dhe gjatë këqyrjes së vendit të ngjarjes kishin marrë edhe pamje filmike. Kishin filluar një hetim për rastin e tritolit dhe ishin zhdukur pamjet filmike nga dosja.

    Ato pamje filmike i kishte zhdukur djali i xhaxhait të një prokuroreje e cila filloi një hetim për zhdukjen e këtyre pamjeve filmike sepse këto pamje filmike u publikuan nëpër rrjete sociale dhe e detyruan më pas që prokurorja të hetonte djalin e xhaxhait.

    Një skemë mbulimi edhe në prokurori ku ajo çështje nuk dihet se ku ka shkuar, a është hetuar, a s’është hetuar, vazhdon oficeri i policisë djali i xhaxhait se atë rol kishte dhe aktualisht jemi në një situatë të tillë, që në momentin që institucionet e drejtësisë nuk godasin me forcë raste kaq të rënda…

    Ne s’kemi parë më parë që të mbuloheshin vrasje, Flavio, në këtë sistem drejtësie ne po shikojmë të mbulohen vrasje, të mbylli shteti sytë përballë krimeve kaq të rënda, të dhunohet një prind në sy të fëmijëve që janë të mitur, dhe kjo është faji vetëm i drejtësisë.

    Përderisa në krye të prokurorisë kanë ardhur patronazhistët, janë të gjithë ata që kanë punuar në institucione shtetërore si OSSHE, ASHK etj., çfarë do presim ne nga një prokuror që ai ka qenë jurist në OSSHE, çfarë do presim ne nga një prokuror që ai ka qenë jurist në ASHK?
    Kjo është kapja e drejtësisë.

  • Llangozi: Korrupsioni dhe pazaret në sistemin e drejtësisë, pasojat e reformës të paimplementuar

    Llangozi: Korrupsioni dhe pazaret në sistemin e drejtësisë, pasojat e reformës të paimplementuar

    Avokati Arben Llangozi, i ftuar në programin “Kafe Shqeto”, ka komentuar zhvillimet e fundit lidhur me reformën në drejtësi dhe situatën e korrupsionit në sistemin e drejtësisë në Shqipëri.

    Ai thekson se megjithëse sistemi i drejtësisë është shpallur i reformuar, realiteti është shumë ndryshe, duke theksuar se mbetet nën ndikimin e korrupsionit dhe pazareve që vështirë të ndalohen.

    Në këtë intervistë, ai gjithashtu flet për raste konkrete të korrupsionit dhe për aspekte të tjera që përshkruajnë sesi drejtësia, e reklamuar si e reformuar, është në fakt e njëjta si më parë.

    Një situatë të tillë ai e sheh si një përpjekje për të mbuluar paaftësitë dhe defektet e sistemit aktual, duke nxjerrë në pah mungesën e kontrollit dhe hetimeve të brendshme.

    Arben Llangozi:

    Bregu gjithmonë zihen sepse ka interesa të larta, të cilat kanë përplasur edhe sistemin e drejtësisë.

    Interesat padyshim janë korruptive, të cilat jo shpesh-herë nuk kanë qenë, kanë qenë dhe më parë, e aktualisht me reformën në drejtësi çmimet në jug janë rritur ndjeshëm, kështu që edhe në drejtësinë tonë të reformuar tashmë të reklamuar fuqishëm nga një protagonist kryesor që është kreu i LD Artur Metani, që ka detyrë të kontrollojë drejtësinë, bëjnë propagandë duke dalë nëpër intervista, duke thënë se do bëjnë një standard.

    Ai nuk ka këtë detyrë, por po e reklamon drejtësinë sikur kush e di se çfarë drejtësie kemi. Kemi një drejtësi e cila, ashtu siç janë rritur çmimet në jug, kanë nisur të rriten edhe pazaret dhe kjo është evidente dhe SPAK ka evidentuar një projekt të tillë.

    Një klient që unë aktualisht kam, ka përfituar dhe i kanë marrë 55 mijë euro për një masë sigurimi, 25 mijë euro i ka marrë gjyqtarja dhe 30 mijë ja ka marrë prokuroria në Sarandë. Çuditërisht e kanë nxjerrë një person që i shmangej drejtësisë prej 3 vitesh brenda një ore.

    Në gjithë këtë situatë, ishte i pandehur, kishte vajtur edhe dosja për gjykim dhe çuditërisht, me gjithë këto rrethana, shkojnë dhe e nxjerrin brenda një ore. Më pas, duke bërë ankim në gjykatën e apelit, rezulton se gjykata tha se nuk ka vepër penale në mes, por ishte një gjobëvënës nga sistemi i drejtësisë ndaj klientit që unë përfaqësoj.

    Ajo që më çudit është se si mund të ketë gjykata të reformuar sipas Metanit që nuk kanë procedim disiplinor e vazhdojnë sot e kësaj dite të marrin vendime në emër të republikës”

  • ‘Për tekat e Ramës, shtetit i është shkaktuar dëm 15 mln euro’/ Llangozi: Ka hetim në SPAK për dyshen McGonigal-Rama!

    ‘Për tekat e Ramës, shtetit i është shkaktuar dëm 15 mln euro’/ Llangozi: Ka hetim në SPAK për dyshen McGonigal-Rama!

    15 milion euro dëm i është shkaktuar shtetit shqiptar, për shkak të tekave të kryeministrit Edi Rama, vetëm se ka favorizuar një kompani amerikane për naftën, ku ortak është ish shefi i spiunazhit të FBI-së, Charls McGonigal.

    Kështu u shpreh nga emisioni Kafe Shqeto në Syri Tv, avokati Arben Llangozi, i cili theksoi se veç akuzave për spiunazh ndaj ish-zyrtarit të lartë të kundërzbulimit amerikan, të mos hetohet edhe për akuzat e korrupsionit.

    Llangozi, duke llogaritur se dëmi ndaj shteti shqiptar është shumë i madh dhe se gjykata ka vendosur që duhet të bëhet kompensimi për kompaninë që ka fituar gjyqin, hetimet për dosjen McGonigal-Rama janë duke u kryer mes SHBA-SPAK, referuar edhe kallëzimit që 15 deputetët të PD kanë depozituar pranë Prokurorisë së Posaçme kundër Ramës.

    Por SPAK, sipas Llangozit i ka kërkuar PD, të mos japë detaje të dosjes hetimore, për shkak të sensibilitetit që ka dhe sekretit hetimor.

    Edhe pse dosja është hapur për vepra për spiunazh, por kjo nuk do të thotë që spiunazhi të mos ketë veprime të tjera që kanë të bëjnë me korrupsion.  Është transmetuar në media se kemi të bëjmë më shumë 200 mijë dollarë, por bëhet fjalë për 15 mln euro, kontratë që është dhënë për Albpetrol, naftës që i është dhënë kompanisë që ka qenë ortak McGonigal. Kompania kualifikuese është drejtuar në gjyq dhe shteti shqiptar ka paguar për shkak të favorizimit të McGonigal.

    Hetimet mes SHBA-SPAK, kam besim se do kemi rezultate. Veprimet janë të kryera, dëmi ndaj shtetit është shumë i madh. Dhe duhet goditur. Kemi dëm që shtetit i është shkaktuar dhe duhet të ketë përgjegjësi. Dëmi është evident. Shteti shqiptar i detyrohet të paguajë këtë vlerë për një tekë të kryeministrit. Dosja është përrreth dy vitesh, dosje voluminoze.

    Në dijeninë time, është bërë një njoftim PD të mos publikojë detaje nga dosja, pasi ka sekret hetimor. Kam lexuar kallëzimin penal të 15 deputetëve për Ramën dhe i është drejtuar SPAK. Ka nisur regjistrim të procedimit penal pë Ramën, dhe i ka kërkuar PD të mos japë detaje për dosjen hetimore.

  • Krimi kontrollon ekonominë dhe politika mban peng drejtësinë, ja si Shqipëria është kthyer në korridor të kokainës…

    Krimi kontrollon ekonominë dhe politika mban peng drejtësinë, ja si Shqipëria është kthyer në korridor të kokainës…

    Avokat i njohur, Arben Llangozi ka tronditur opinionin publik, duke zbuluar me emra dhe fakte se Shqipëria është shndërruar në një kartel të strukturuar, ku krimi i organizuar sundon ekonominë përmes pastrimit të parave nga ndërtimi, tenderët dhe lejet. Sipas tij, Porti i Durrësit është kthyer në nyje kyçe të trafikut ndërkombëtar të drogës, ku ngarkesat kalojnë lirshëm me paleta, ndërsa shteti është “zero”. Ai theksoi se për 5 vite në Shqipëri nuk është sekuestruar asnjë gram kokainë, gjë që sipas tij, konfirmon bashkëpunimin mes politikës dhe krimit.
    Ndërkohë përmes përgjimeve të dosjes “SKY ECC”, Llangozi zbulon skema të detajuara të pastrimit të miliarda eurove që derdhen në tregun e pasurive të paluajtshme. Po ashtu, ai bëri me dije se kriminelët kanë takuar liderë politikë edhe nga burgu, ndërsa theksoi se çdo qark në vend ka përfaqësues të grupeve në pushtetin vendor e qendror. “Në Shqipëri s’ka hetim, s’ka kapje në flagrancë, vetëm show për SPAK”, deklaroi ai, duke shtuar se organizatat kriminale e sfidojnë hapur shtetin. “Ky është një zinxhir mafioz i mirëorganizuar që pa mbështetjen politike nuk do ekzistonte”, përfundoi Llangozi në një apel që nuk mund të injorohet.
    Reagimi i avokat Llangozit
    Konkretisht avokat Arben Llangozi, zbuloi se Porti i Durrësit është kthyer në një nga pikat kryesore të trafikut ndërkombëtar të lëndëve narkotike, edhe pse në vendin tonë në pesë vitet e fundit nuk është sekuestruar asnjë kilogram drogë. Teksa ishte i ftuar në studion e Llangozi theksoi se në portin e vetëm të vendit, droga transportohet me paleta, ndërsa shteti është inekzistent. Sipas Llangozit, Shqipëria është kthyer në korridor të trafikut të narkotikëve, ndërsa kjo tregon për avokatin, që kemi të bëjmë me një kartel.
    Madje Llangozi, shtoi se aktiviteti i grupeve kriminale në trafikun ndërkombëtar të lëndëve narkotike vijon me intensitet më të lartë, si një përgjigje ndaj autoriteteve në Shqipëri për t’i sfiduar. Madje ai la të nënkuptohet se i gjithë ky aktivitet që prodhon miliarda euro në tregun e pasurive të paluajtshme ku dhe pastrohen paratë e ardhura nga krimi, nuk mund të operojë pa mbështetjen e politikës, e cila e ndihmon. “Kam lexuar se nga përgjimet e Sky Ecc dhe Encro Chat si ka funksionuar gjithë trafiku. Bosi komandonte drogën në çdo qytet të botës. Kaq duhet këtu, kaq atje. Në Holandë bëhet fjalë për 1 mld euro vlerë tregu.
    Organizata e grupeve kriminale është shumë më e lartë dhe lidhjet politike me Shqipërinë janë shumë të thella. Kanë takuar drejtues politik nga burgu. Nëse ndodh kjo çfarë mund të ndodhë me pastrimin e parave. S’arrijmë të konceptojmë se si pastrohen paratë në Shqipëri. Politika është pjesë e rëndësishme pastrimit të produkteve të veprës penale. Rasti Çyrbja është aktual, kemi çdo qark që grupet kriminale kanë vendosur në të vetët në politikë. Është zinxhir i mirë organizuar për interesa. S’është gjë e re. Grupet kriminale kanë krijuar kompani, se si kanë kapur pushtetin vendor dhe në pushtetin qendror.
    Pa miratimin e tyre s’mund të marrin as tender publikë. Qëllimi është të pastrohen paratë që vijnë nga jashtë. Kemi parë edhe çmimet e banesave në Shqipëri. Nëse do shohim si ka funksionuar një organizatë. Organizohet nga vendi i origjinës të vendi i shpërndarjes. Kështu funksionojnë. Në Portin e Durrësit transportojnë me paleta dhe shteti është inekzistent. Krimi aty është, gjithë ky narkotik, korridor ka Shqipërinë, trafiku kalon në vendin tonë. Ne bëjmë show në SPAK, ne s’kemi kapur asnjë në flagrancë. Asnjë rast s’është investiguar në vendin tonë. Problematika është më e rëndë. 5 vite, ne s’kemi 1 kg kokainë të kapur. Vlerësoj se ky është kartel. Aktiviteti vijon me një nerv më të lartë për të sfiduar shtetin në Shqipëri”, deklaroi avokati Arben Llangozi.

  • Llangozi: Manipulimi i zgjedhjeve ka filluar që në fushatë, askush nuk po ndërhyn

    Llangozi: Manipulimi i zgjedhjeve ka filluar që në fushatë, askush nuk po ndërhyn

    Avokati Arben Llangozi, ka ngritur akuza të forta ndaj mënyrës sesi janë administruar zgjedhjet dhe neglizhenca e organeve të drejtësisë ndaj denoncime të kryera.

    I ftuar në ‘Kafe Shqeto’ në SYRI TV, Llangozi tha se një nga shqetësimet kryesore është mungesa e transparencës në numërimin e votave të diasporës, ku ato nuk janë llogaritur siç duhet, ndërsa ka paralajmëruar më herët se administrata shtetërore kryente fushata zgjedhore në BE.

    Arben Llangozi: Votat e diasporës ne thuajse nuk i pamë fare. Ato u numëruan në vend tjetër, nuk është se u numëruan në qytetin e Beratit dhe nuk janë llogaritur në qytet se kujt kandidat apo parti i përkasin. Kështu që jemi në një lloj dileme se nuk kemi asnjë ide se kujt i përkasin.

    Unë e kam paralajmëruar edhe pranë jush, që në fillimet e fushatës që administrata shqiptare largohej dhe kryenin fushata jashtë Shqipërisë. Dhe e kam paralajmëruar, i kam bërë thirrje organeve të akuzës që të hetojnë administratën shtetërore për mënyrën sesi ata i përdorin vartësit e tyre dhe të merren masa parandaluese, gjë që nuk ka ndodhur. Dhe nuk është se ka filluar manipulimi i zgjedhjeve tani. Ato kanë filluar gjashtë muaj më përpara, ku administrata çdo fundjavë, ditë pune, ditë të premte largohej nga Shqipëria dhe kryente fushatë në vendet e Bashkimit Evropian. Dhe kjo ka qenë e rëndë. Deri më sot nuk është se është marrë ndonjë masë, nuk është se ka filluar ndonjë hetim, ndonjë procedim penal për këto detaje.

    Pra, që këtu ka filluar manipulimi dhe më tej, SYRI TV që unë e kam ndjekur hap pas hapi, ka denoncuar rast pas rasti çdo lloj vjedhje, manipulimi apo çdo lloj kolonie të Partisë Socialiste për mënyrën sesi po i diktonin zgjedhjet. Dhe deri sot, ne nuk është se kemi ndonjë arrestim në flagrancë.  Ajo që më bëri përshtypje, në Fier u arrestua babai i një kandidates dhe SPAK-u doli me njoftim zyrtar duke thënë se kishte 40 ditë që blinte vota një kandidat dhe e arrestuan vetëm ditën e numërimit të votave. Dhe kjo tregon që Prokuroria e Posaçme nuk ka kryer veprimet e duhura.

  • Avokati Llangozi: Krimi i organizuar ka ndikim të drejtpërdrejtë në politikën shqiptare

    Avokati Llangozi: Krimi i organizuar ka ndikim të drejtpërdrejtë në politikën shqiptare

    Avokati Arben Llangozi nga studioja e “Kafe Shqeto” u shpreh se krimi i organizuar në Shqipëri është një çështje që kërkon vëmendje të thelluar, duke kritikuar SPAK-un për mungesën e veprimeve konkrete.

    Ai theksoi se krimi i organizuar ka ndikim të drejtpërdrejtë në politikën shqiptare dhe përmendi dosjen e njohur të Çyrbjes si një shembull të qartë të lidhjeve të thella mes krimit dhe politikës.

    Llangozi theksoi gjithashtu se ka pasur dështime në hetimin e këtyre lidhjeve dhe se ka shumë pyetje pa përgjigje, veçanërisht në lidhje me përfshirjen e krimit të organizuar në vendosjen e personave në pozita të rëndësishme politike.

    Arben Llangozi:

    “Krimi i organizuar, unë dua të them se nuk është se ka bërë ndonjë punë kolosale SPAK ashtu siç ata e kanë prezantuar dhe çfarëdo lloji rezultati, si pasojë e disa përgjigjeve të kryera, nëse ka krim zgjedhor apo të lidhur me krimin e organizuar, duhet të hetohet në bashkëpunim me krimin e organizuar apo mënyrën se si krimi i organizuar është futur në politikë, padyshim është dosja Çyrbja.

    Duhet të hetohet se si krimi i organizuar kishte vendosur të futte në listën e Durrësit, zotin Çyrja, gjë të cilën SPAK jo vetëm nuk e ka hetuar, por ka dosjen e hapur dhe as që ka marrë mundimin të thërrasë personin e vetëm që e ka pasur në dorë këtë gjë, është kryeministri.

    Kjo do të thotë se krimi i organizuar, aq shumë është lidhur me politikën, saqë vendos deputetë, po ku e dimë ne se sa ministra apo drejtorë janë vendosur nga krimi i organizuar.

    Nga njëra anë, ne i lëmë fajtorë prokurorët e posaçëm, dhe nga ana tjetër duhet t’i kuptojmë, janë 20 prokurorë gjithsej të cilët janë dhe agjentë të BKH që varen nga ministria.

    Mos të shikojmë se SPAK-u është i pavarur në çdo lloj drejtimi që ka, neni 2 e përcakton që kryeministri ka detyrë të parandalojë çdo lloj dëmi të mundshëm”.