Lajmidites.com

Tag: lindjen

  • Pas turit të Trump në Lindjen e Mesme, Putin mundohet të joshë vendet e Gjirit, fton udhëheqësit e tyre në samitin e parë ruso-arab më 15 tetor

    Pas turit të Trump në Lindjen e Mesme, Putin mundohet të joshë vendet e Gjirit, fton udhëheqësit e tyre në samitin e parë ruso-arab më 15 tetor

    Presidenti rus Vladimir Putin ka ftuar të gjithë udhëheqësit dhe sekretarin e përgjithshëm të Ligës Arabe në samitin e parë ruso-arab më 15 tetor, raportuan sot agjencitë ruse të lajmeve, duke cituar një deklaratë të Kremlinit.

    “Jam i bindur se ky takim do të kontribuojë në forcimin e mëtejshëm të bashkëpunimit të ndërsjellë dhe shumëplanësh midis vendeve tona dhe do të ndihmojë në gjetjen e mënyrave për të siguruar paqen, sigurinë dhe stabilitetin në Lindjen e Mesme dhe Afrikën e Veriut”, tha Putin në deklaratë, sipas agjencisë së lajmeve Interfax.
    Lidhja Arabe, një organizatë rajonale e shteteve arabe në Lindjen e Mesme dhe pjesë të Afrikës, ka 22 vende anëtare që janë zotuar, ndër të tjera, të bashkëpunojnë për çështjet politike, ekonomike dhe ushtarake në rajon.
    Raportimi vjen pas turneut katër-ditor të Presidentit të SHBA-së Donald Trump në rajonin e Gjirit këtë javë, gjatë të cilit Uashingtoni njoftoi se kishte siguruar disa marrëveshje, duke përfshirë një angazhim prej 600 miliardë dollarësh nga Arabia Saudite për investime në SHBA, një shitje armësh me vlerë gati 142 miliardë dollarë për mbretërinë dhe një partneritet në inteligjencën artificiale me Emiratet e Bashkuara Arabe.

    Top Channel

  • Trump takon presidentin sirian, dy udhëheqësit shprehën gatishmërinë për të thelluar bashkëpunimin

    Trump takon presidentin sirian, dy udhëheqësit shprehën gatishmërinë për të thelluar bashkëpunimin

    Presidenti i Shteteve të Bashkuara, Donald Trump, zhvilloi sot një takim historik me presidentin e Sirisë, Ahmed al-Sharaa, në Riad, të Arabisë Saudite.
    Ky është takimi i parë në nivel presidencial mes dy vendeve që nga fillimi i luftës civile siriane në vitin 2011.
    Takimi u zhvillua pas një vendimi të rëndësishëm nga administrata Trump për të hequr të gjitha sanksionet ekonomike ndaj Sirisë.

    Në deklaratën e tij pas takimit, Trump theksoi se heqja e sanksioneve i jep Sirisë një “mundësi për madhështi” dhe se SHBA janë të gatshme të mbështesin vendin në luftën kundër terrorizmit dhe në promovimin e investimeve amerikane.
    Ai gjithashtu inkurajoi Sirinë të normalizojë marrëdhëniet me Izraelin, duke i bërë thirrje të bashkohet me Marrëveshjet e Abrahamit.
    Presidenti i Sirisë, Ahmed al-Sharaa, i cili mori detyrën pas rrëzimit të Bashar al-Assad në dhjetor 2024, e cilësoi Trump si “liderin që do të sjellë paqen në Lindjen e Mesme” dhe nënvizoi shpresën për përmirësimin e marrëdhënieve mes dy vendeve përmes dialogut dhe mirëkuptimit.
    Ky zhvillim vjen në një kohë kur Trump po zhvillon një turne në Lindjen e Mesme.
    Takimi i sotëm shënon një kthesë të rëndësishme në politikën e jashtme të SHBA-së në Lindjen e Mesme dhe mund të hapë rrugën për një periudhë të re bashkëpunimi dhe stabiliteti në rajon./vizionplus.tv

  • Lufta në Lindjen e Mesme përshkallëzohet! Jerusalemi në flakë, Irani drejt bisedimeve me Perëndimin

    Lufta në Lindjen e Mesme përshkallëzohet! Jerusalemi në flakë, Irani drejt bisedimeve me Perëndimin

    Lufta e vazhdueshme në Lindjen e Mesme ndërmjet Izraelit dhe Hamasit ka hyrë në ditën e saj të 573-të, duke përfshirë tashmë aktorë të tjerë rajonalë si Libani, Siria, Irani dhe Jemeni.

    Tensionet e larta kanë kulmuar këtë të mërkurë me shpërthimin e zjarreve masive në kodrat përreth Jerusalemit, çka ka detyruar autoritetet të shpallin një “emergjencë kombëtare”.
    Kryeministri izraelit Benjamin Netanyahu paralajmëroi se “flakët mund të arrijnë deri në qytet”, ndërsa situata mbetet jashtë kontrollit.
    Në të njëjtën kohë, Hamasi ka shpërndarë një mesazh në Telegram, duke nxitur palestinezët të “djegin gjithçka që munden: pyje, fusha dhe shtëpi të kolonëve”, një thirrje që ka ngjallur shqetësim të madh për përshkallëzimin e dhunës në terren.
    Ndërkohë, në arenën diplomatike, Irani pritet të zhvillojë takime me përfaqësues të Mbretërisë së Bashkuar, Francës dhe Gjermanisë, përpara raundit të ardhshëm të bisedimeve me Shtetet e Bashkuara, që do të mbahen në Romë. Këto takime konsiderohen vendimtare për të shmangur përhapjen e mëtejshme të konfliktit në rajon.
    Nga Jemeni, rebelët Huthi kanë pretenduar se avionët e tyre luftarakë kanë qëlluar një F-18 të Marinës Amerikane gjatë një operacioni kundër aeroplanmbajtëses USS Harry Truman në Detin e Kuq, një incident që mund të shtojë tensionet midis SHBA-së dhe grupit rebel të mbështetur nga Irani.
    Konflikti mbetet një nga më të rrezikshmit në dekadat e fundit, me potencialin për të përfshirë më shumë vende dhe për të destabilizuar më tej rajonin.

    Top Channel

  • Përshkallëzohet lufta në Lindjen e Mesme/ Jerusalemi në flakë, Irani drejt bisedimeve me Perëndimin

    Përshkallëzohet lufta në Lindjen e Mesme/ Jerusalemi në flakë, Irani drejt bisedimeve me Perëndimin

    Lufta e vazhdueshme në Lindjen e Mesme ndërmjet Izraelit dhe Hamasit ka hyrë në ditën e saj të 573-të, duke përfshirë tashmë aktorë të tjerë rajonalë si Libani, Siria, Irani dhe Jemeni.

    Tensionet e larta kanë kulmuar këtë të mërkurë me shpërthimin e zjarreve masive në kodrat përreth Jerusalemit, çka ka detyruar autoritetet të shpallin një “emergjencë kombëtare”.

    Kryeministri izraelit Benjamin Netanyahu paralajmëroi se “flakët mund të arrijnë deri në qytet”, ndërsa situata mbetet jashtë kontrollit.

    Në të njëjtën kohë, Hamasi ka shpërndarë një mesazh në Telegram, duke nxitur palestinezët të “djegin gjithçka që munden: pyje, fusha dhe shtëpi të kolonëve”, një thirrje që ka ngjallur shqetësim të madh për përshkallëzimin e dhunës në terren.

    Ndërkohë, në arenën diplomatike, Irani pritet të zhvillojë takime me përfaqësues të Mbretërisë së Bashkuar, Francës dhe Gjermanisë, përpara raundit të ardhshëm të bisedimeve me Shtetet e Bashkuara, që do të mbahen në Romë. Këto takime konsiderohen vendimtare për të shmangur përhapjen e mëtejshme të konfliktit në rajon.

    Nga Jemeni, rebelët Huthi kanë pretenduar se avionët e tyre luftarakë kanë qëlluar një F-18 të Marinës Amerikane gjatë një operacioni kundër aeroplanmbajtëses USS Harry Truman në Detin e Kuq, një incident që mund të shtojë tensionet midis SHBA-së dhe grupit rebel të mbështetur nga Irani.

    Konflikti mbetet një nga më të rrezikshmit në dekadat e fundit, me potencialin për të përfshirë më shumë vende dhe për të destabilizuar më tej rajonin.

  • Ikona e F1, Michael Schumacher bëhet gjysh për herë të parë

    Ikona e F1, Michael Schumacher bëhet gjysh për herë të parë

    Dhjetorin e kaluar, Gina Schumacher njoftoi publikisht se ishte shtatzënë dhe tani, së bashku me bashkëshortin e saj, Ian Bethke, njoftoi lindjen e vogëlushes Millie .
    Lajmi i lumtur vjen disa muaj pas dasmës së vajzës së Michael Schumacher , e cila u zhvillua në vilën luksoze të familjes dhe ku thuhet se legjenda gjermane mori pjesë.
    Duke njoftuar lindjen e foshnjës së tyre të parë, Gina dhe Ian shkruan në rrjetet sociale: “Mirë se erdhe në botë, Millie. E lindur më 29 mars, zemrat tona janë më të mbushura se kurrë. Jemi të bekuar që të kemi në jetën tonë . ”

    Lajmi vjen si gëzim për familjen Schumacher , mbështetësit fanatikë të Michael dhe gjithë botën e Formula 1 që vazhdon të lutet për një mrekulli.
    Kanë kaluar më shumë se 11 vjet që kur kampioni gjerman shtatë herë i botës pësoi lëndime traumatike të trurit në një rënie të tmerrshme në Alpet zvicerane gjatë skijimit.
    Që atëherë, ai është vendosur në koma të induktuar, i është nënshtruar dy operacioneve në kokë dhe me gjithë fatkeqësitë, ka shpëtuar. Por ai është nën monitorim të vazhdueshëm dhe ka çdo formë shërbimi, duke qenë vazhdimisht në gjendje kritike .
    /vizionplus.tv