Lajmidites.com

Tag: ligji

  • Berisha rikthehet në Kuvend pas festës për 35-vjetorin e themelimit të PD, fokusi tek zgjedhjet

    Berisha rikthehet në Kuvend pas festës për 35-vjetorin e themelimit të PD, fokusi tek zgjedhjet

    Pas ceremonisë në selinë e PD për 35-vjetorin e rithemelimit të Partisë Demokratike, Sali Berisha u rikthye në seancën plenare të Kuvendit.

    Ai u ndal te zgjedhjet e 11 majit, duke u shprehur se në këtë proces u dhunua ligji, duke ndikuar në rezultatin final.
    “Për funeralin e votës së lirë që partia në pushtet e ngërthyer nga të gjitha anët, nga interesat kriminale, bandat kriminale, i rezervoi procesit më themelor, votës së shqiptarëve. Zgjedhjet e 11 majit 2025 ishin një proces fund e krye, farsë tipike e narko-diktaturave. Ishin një proces në të cilin u dhunua ligji i vendit dhe ligji ndërkombëtar botëror në të gjithë periudhën parazgjedhore. Ishte një proces në të cilin me paratë e taksapaguesve shqiptarë, për të manipuluar votën e tyre, narko-regjimi organizoi 4553 aktivitete, nga të cilat ditën e zgjedhjeve, Giro D’Italia.
    Arrestoi në vitin elektoralë liderë të opozitës, apo i vuri në ndjekje penale. Ishte një proces në të cilin, shteti elektoral përdori gjithë potencialet, burimet e tij njerëzore, burimet financiare, burimet dhe vendimmarrjen, në mënyrë që të blejë votën e shqiptarëve, të kontrollojë vullnetin e tyre”, tha Berisha.

  • “70 vjeç, s’mund të zgjidhet Avokat i Popullit”, Ndregjoni i përgjigjet Ballës:Ligji nuk ka kufizim moshe,po ndërhyni..

    “70 vjeç, s’mund të zgjidhet Avokat i Popullit”, Ndregjoni i përgjigjet Ballës:Ligji nuk ka kufizim moshe,po ndërhyni..

    Besim Ndregjoni, një nga kandidatët për Avokat i Popullit, ka reaguar për deklaratën e sotme në Kuvend të kreut të grupit parlamentar të Partisë Socialiste, Taulant Balla, i cili tha se Ndregjoni nuk mund të zgjidhet pasi është 70 vjeç dhe përjashtohet automatikisht nga ligji për atë post.
    “Më vjen keq që talleni me një të persekutuar politik si Besim Ndregjoni, e dini të gjithë që nuk zgjidhet dot, se është 70 vjec nuk e lë ligji. Ju talleni me Adriana Kalanë”, tha Balla në Kuvend më herët.
    Ndregjoni thotë se pretendimi i Ballës është i pabazuar në ligj pasi neni 3 i ligjit nr. 8454/1999 e përcakton qartë se cilat janë kriteret për këtë funksion, dhe mosha nuk është pjesë e atyre kritereve.
    Reagimi i plotë:
    Në vijim të deklarimit publik të deputetit Taulant Balla, i cili ka deklaruar se kandidatura për Avokat të Popullit “nuk mund të votohet pasi kandidati ka mbushur moshën 70 vjeç”, dëshiroj të bëj një sqarim të domosdoshëm për publikun dhe partnerët ndërkombëtarë.
    Ligji shqiptar nuk parashikon asnjë kufizim moshe për zgjedhjen e Avokatit të Popullit. Neni 3 i ligjit nr. 8454/1999 e përcakton qartë se cilat janë kriteret për këtë funksion, dhe mosha nuk është dhe nuk ka qenë kurrë pjesë e tyre. Për këtë arsye, çdo pretendim që lidhet me një kufizim moshe është plotësisht i pabazuar në ligj.
    Kandidatura ime është shqyrtuar dhe verifikuar në mënyrë të rregullt nga strukturat kompetente të Kuvendit, të cilat kanë konfirmuar përputhshmërinë time me të gjitha kriteret e përcaktuara nga legjislacioni. Deklarata se kandidatura “nuk mund të votohet”, për shkak të moshës, përbën një shtrembërim të hapur të së vërtetës dhe një ndërhyrje të papranueshme në procesin e votimit.
    Në këtë rast po tentohet të pengohet qëllimisht kandidimi i një të përndjekuri politik për një funksion kushtetues të pavarur. Kjo nuk është vetëm e padrejtë, por përbën një cenim të rëndë të të drejtave themelore, të parimit të barazisë dhe të pjesëmarrjes së lirë në jetën publike. Të përdorësh justifikime të sajuara për të ndaluar votimin e një kandidature të ligjshme është një praktikë diskriminuese, që krijon precedent të rrezikshëm dhe sjell ndër mend praktika që Shqipëria është përpjekur t’i kapërcejë.
    Veprime të tilla bien ndesh me standardet e kërkuara nga BE, SHBA, OSBE dhe Këshilli i Evropës, të cilët kanë theksuar prej vitesh se institucionet e pavarura duhet të zgjidhen përmes proceseve transparente, të paanshme dhe të bazuara në merita. Përpjekjet për të deformuar ligjin dhe procesin e votimit minojnë besimin publik dhe dëmtojnë imazhin demokratik të vendit.
    U bëj thirrje institucioneve të respektojnë ligjin dhe të garantojnë një proces të rregullt, duke mos lejuar ndërhyrje politike që cenojnë zgjedhjen e Avokatit të Popullit, një institucion kyç për mbrojtjen e të drejtave të njeriut.

  • Ligji për barazinë gjinore/ Boçi: PD me qëndrim të fortë! PS, sjellje prej dhelpre për zgjedhjen e Avokatit të Popullit

    Ligji për barazinë gjinore/ Boçi: PD me qëndrim të fortë! PS, sjellje prej dhelpre për zgjedhjen e Avokatit të Popullit

    Ligji për barazinë gjinore/ Boçi: PD me qëndrim të fortë! PS, sjellje prej dhelpre për zgjedhjen e Avokatit të Popullit
    Nënkryetari i PD. Luçiano Boçi u shpreh se Partia Demokratike ka qenë e qartë dhe e vendosur në qëndrimin e saj, sa i përket ligjit për barazinë gjinore.
    Gjatë një interviste në News 24, Boçi nënvizoi se PD i ka mbrojtur kauzat e saj që nga shpopullimi, apo probleme që lidhen me të djathtën.
    Sipas numrit dy të forcës më të madhe opozitare, PD-së i është mohuar e drejta nga mazhoranca në përzgjedhjen e kandidatit të Avokatit të Popullit.
    Por Boçi shton se dhe PD-ja nuk ka qenë e qartë në qëndrimet e saj, lidhur me kandidatin për këtë institucion.
    Ligji për barazinë gjinore. Në rastin konkret votuan 36 deputetë sepse ligji ishte parashikuar të votohej në fund të seancës. Nuk mund të thuash që PD nuk është djathtas.
    Qëndrimet e PD ka qenë të forta të sakta. Teza e të djathtës brenda partisë është mbrojtur. Qëndrimet për shpopullimin, dhe probleme që lidhen me të djathtën PD i ka mbrojtur si kauzat e veta.
    Kauzën për ligjin për barazinë gjinore ka qenë kauza që e kam mbrojtur më shumë. Qëndrimi i PD, ka qenë i fortë, real konkret dhe shumë i vendosur.
    Për gjëra që jam brenda dhe i përjetoj duhet të më besoni. Avokati i popullit institucion duhet të ketë përfaqësim nga opozita. PD e ka dëshmuar një sjellje të tillë kur ka marrë kandidat nga PS, Igli Totozani dhe të njëjtën mënyrë sjellje kërkonim nga mazhoranca.
    Nuk ka pasur të drejtë opozitë të përzgjedhë kandidatin e saj. Urdhri brenda partisë të firmosej kushdo kandidat që paraqiste kërkesën e tij, dëshirën ti jepej një firmë para selektim, selektimi është faza e dytë.
    Në këtë aspekt ishte mungesë serioziteti nga marrëdhënia me mazhorancën. Është një proces i propozuar nga PD për mënyrën si zgjidhen anëtarët e AMA-s. Mazhoranca kërkon një proces zgjedhës. Do dërgojmë 6 kandidatura. Në fund mbeten dy dhe votohen në seancë.
    Nga PS luhet në nivele dhelpre. Ka të drejtë Auloni se në një qëndrim politik duhet të kishim një sjellje të caktuar. Kjo ishte një e metë e këtij procesi. E njëjta mënyrë që u dështua si proces para 3 vitesh. Sjellje kaq fraktare e mazhorancës që kërkon të marrë dhe Avokatin e Popullit. PD tërhoqi gjithë firmat.

  • Nga shpopullimi te ligji për barazinë gjinore, Boçi: Qëndrimi i PD është real dhe i vendosur

    Nga shpopullimi te ligji për barazinë gjinore, Boçi: Qëndrimi i PD është real dhe i vendosur

    Nënkryetari i PD-së, Luçiano Boçi thotë se selia blu ka qenë e qartë dhe e vendosur në qëndrimin e saj sa i përket ligjit për barazinë gjinore. Ai nënvizoi se PD i ka mbrojtur kauzat e saj që nga shpopullimi, apo probleme që lidhen me të djathtën.
    “Ligji për barazinë gjinore. Në rastin konkret votuan 36 deputetë sepse ligji ishte parashikuar të votohej në fund të seancës. Nuk mund të thuash që PD nuk është djathtas. Qëndrimet e PD ka qenë të forta të sakta. Teza e të djathtës brenda partisë është mbrojtur.
    Qëndrimet për shpopullimin, dhe probleme që lidhen me të djathtën PD I ka mbrojtur si kauzat e veta. Kauzën për ligjin për barazinë gjinore ka qenë kauza që e kam mbrojtur më shumë. Qëndrimi i PD, ka qenë i fortë, real konkret dhe shumë i vendosur”, tha ndër të tjera Boçi.

  • Gjinia e tretë e presidentit!”

    Gjinia e tretë e presidentit!”

    Gjinia e tretë e presidentit!”
    Nga Luçiano Boçi
    Kur Parlamenti miraton një ligj që prek në themel raportin e shoqërisë me identitetin, familjen dhe edukimin, Presidenti ka detyrimin minimal që të flasë.
    Të japë një qëndrim.
    Të përdorë një nga dy instrumentet që i jep Kushtetuta.
    Ta dekretojë, ose ta kthejë për rishqyrtim.
    Presidenti i Republikës zgjodhi një të tretë.
    Heshtjen.
    Në vend të detyrës për të mbrojtur dy gjinitë e Zotit, Presidenti zgjodhi gjininë e tretë (alternativen), me ligj dhe qëndrim.
    As nuk e dekretoi ligjin për barazinë gjinore, as nuk e kundërshtoi.
    Në fakt e pranoi, pasi ligji kështu konsiderohet i miratuar.
    E la të kalonte si një tren pa frena, me pasoja të llahtarshme në përplasjen që do krijojë me shoqërinë e të ardhmen.
    Kjo heshtje nuk është as e pafajshme, as neutrale. Heshtja në këtë rast është miratim absurd.
    Është një firmë pa bojë.
    Kur nuk kundërshton, ke zgjedhur tashmë një anë, edhe nëse bën sikur nuk je aty në atë anë, në krah të Ramës me shpatë në dorë kundër familjes.
    Presidenti për sytë e publikut u arratis nga përgjegjësia, por për Ramën ama, thjesht bëri sejmenin e përhershëm.
    Në vend të jetë garanci, apo filtër e ndalesë kontrolli, Presidenti bën policin që jep leje të kalojë treni megjithëse semafori është i kuq.
    President!tani dhe vetë mos harro! Sipas këtij ligji nuk je më ‘Zoti’ President, por ‘Identiteti i vetëpërcaktuar’ President.
    Identitet i vetëpërcaktuar President!
    Ligji për barazinë gjinore nuk është një ligj teknik.
    Është ligj me ndikim të thellë shoqëror, kulturor dhe edukativ afatgjatë.
    Prek shkollën, familjen, administratën, gjuhën zyrtare dhe konceptin e identitetit.
    Përmbys vlerat e krijon trauma sociale e psikologjike.
    Ndaj zgjedhja e luksit të spektatorit, nuk të shpëton nga dënimi i historisë, sepse disfatat dhe harrohen, por turpet jo.

  • Begaj i bindet Ramës dhe injoron thirrjet e opozitës e qytetarëve, kalon në heshtje “Barazinë gjinore”, ligji që…

    Begaj i bindet Ramës dhe injoron thirrjet e opozitës e qytetarëve, kalon në heshtje “Barazinë gjinore”, ligji që…

    Begaj i bindet Ramës dhe injoron thirrjet e opozitës e qytetarëve, kalon në heshtje “Barazinë gjinore”, ligji që përplasi politikën dhe shkaktoi protesta do të hyjë në fuqi pa firmën e Presidentit
    Ligji i shumëdebatuar për “Barazinë Gjinore” do të hyjë në fuqi pa dekretin e Presidentit. Afati kushtetues që presidenti Bajram Begaj të firmoste ka mbaruar, duke bërë që kreu i shtetit ta kalojë në heshtje një prej ligjeve që ka shkaktuar debatet më të mëdha javët e fundit. Ky vendim i Presidentit që duket si një “bindje” e Begajt nga kryeministrit Edi Rama (qeverisë) për ligjin vjen pasi një grup qytetarësh dhe aktivistësh i kërkuan përmes protestave edhe pasi Kuvendi e miratoi që të mos e dekretonte. Kthimin mbrapsht të ligjit ia kërkoi edhe opozita, përmes një letre të firmosur nga 12 gra deputete që e konsideroi draftin e miratuar si antikushtetues dhe që cenon të drejtat e njeriut, me qëllim kryesor shkatërrimin e familjes.
    Për këtë arsye, ju kërkojmë që të paktën një herë të vetme gjatë ushtrimit të detyrës tuaj si President i Republikës, të ngriheni në lartësinë e detyrës, të ndaloni përçarjen, deformimin, denatyrimin, dhe të ndiqni edhe këshillat e komuniteteve fetare, për të ruajtur traditën shqiptare se asnjë rregull në shoqërinë tonë nuk mund të imponohet në kundërshti me përfaqësuesit e komuniteteve fetare. Për të gjitha sa më lart, Të riktheni për rishqyrtim në Kuvend ligjin “Për barazinë gjinore”, sipas kompetencës që ju njeh Kushtetuta në nenin 85 të saj”,  thuhet në kërkesë. Ligji u kundërshtua nga komunitetet fetare dhe shoqata “Pro familjes”, ndërsa përfaqësitë ndërkombëtare në Tiranë dhe shumë organizata të shoqërisë civile që advokojnë barazinë gjinore e përshëndeten nismën e qeverisë shqiptare.
    Çfarë ka ndodhur?
    Më 6 nëntor Kuvendi miratoi me 77 vota pro të mazhorancës draftin “Për barazinë gjinore”, ndërsa kundër votuan 36 deputetë të opozitës dhe nuk pati asnjë abstenim. Në parim sipas mazhorancës që e propozoi dhe miratoi, ligji është i standardeve më të larta, garanton barazi mes burrit e gruas dhe ndalon diskriminimin me bazë përkatësinë gjinore, në fushë sociale, politike apo ekonomike. Pra heq të gjitha dallimet, përjashtimet, kufizimet me bazë gjinore dhe mos njohje të të drejtave të një gjinie të caktuar. Por termi që i çoi në pozicione krejtësisht të kundërta palët dhe krijoi ndarjen e madhe ishte kuptimi i gjinisë. Gjinia, në nenin 4 pika “ë” të ligjit të miratuar, përkufizohet “Gjinia nënkupton rolet e ndërtuara në kontekstin social, sjelljet, aktivitetet dhe atributet që një shoqëri e caktuar i konsideron të përshtatshme për burrat dhe gratë”. Pra gjinia si kontekst social dhe jo e lindur si sinonim i seksit.
    Me këtë koncept duket sikur lihet jashtë realiteti biologjik dhe bazohet në sjellje. Kjo sipas kundërshtuesve të këtij ligji, kryesisht opozitës, lë hapësira që në të ardhmen të shtohen gjini të tjera, disa thonë deri në 72 e të tjerë edhe më shumë. Por qeveria thotë se ligji e ka të qartë konceptin binar të gjinisë: vetëm burrë dhe grua. Një tjetër term që ka ndarë është ai i përkatësisë së shumëfishtë gjinore që në ligj shpjegohet si “Ndërlidhja dhe kombinimi i gjinisë me karakteristika të ndryshme të parashikuara në legjislacionin në fuqi për mbrojtjen nga diskriminimi”. Disa e interpretojnë si hapje për njohjen e më shumë gjinive por hartuesit e ligjit e lidhin këtë term me rastet kur një person mund të diskriminohet për disa arsye njëkohësisht: si gjinia, etnia, mosha, aftësia e kufizuar apo prejardhja shoqërore. Nëse do të ketë problematika tashmë do ta vendosë zbatimi në praktikë e ligjit, i cili do të hyjë në fuqi shumë shpejt vetëm 15 ditë pas botimit në fletoren zyrtare, që pritet në ditët në vijim.  

  • Begaj bëhet palë ‘me heshtje’ me Ramën: Le të futet në fuqi ligji ‘woke’ i axhendës Soros

    Begaj bëhet palë ‘me heshtje’ me Ramën: Le të futet në fuqi ligji ‘woke’ i axhendës Soros

    Ligji “Për barazinë gjinore”, i njohur ndryshe si ligji i axhendës ‘woke’ të Soros, që njeh disa gjini dhe jo dy, ka hyrë zyrtarisht në fuqi, pasi Presidenti i Republikës, Bajram Begaj, nuk e dekretoi brenda afatit kushtetues, por as e ktheu në Parlament.

    Dokumenti, i miratuar në Kuvend më 6 nëntor me 77 vota të socialiatëve dhe 36 kundër, kaloi automatikisht pas skadimit të afatit, duke u konsideruar i miratuar “në heshtje”.

    Deputetë të opozitës i kërkuan presidentit të mos i vinte firmën. 

    Kundërshtisë iu bashkuan edhe komunitete fetare dhe organizata të shoqërisë civile, të cilat e cilësuan ligjin si të papërshtatshëm duke kundërshtuar përkufizimin e gjinisë në më shumë se dy. 

    Me mosveprimin e tij, Bajram Begaj, lejon kështu hyrjen automatikisht në fuqi të ligjit, procesi institucional për këtë çështje konsiderohet i mbyllur.

  • “Paqja fiskale”, pastrim parash? Pas FMN dhe Bankës Botërore, ekspertët hedhin dyshime për pr.ligjin e Financave: Rrezik për evazion

    “Paqja fiskale”, pastrim parash? Pas FMN dhe Bankës Botërore, ekspertët hedhin dyshime për pr.ligjin e Financave: Rrezik për evazion

    Një marrëveshje vullnetare midis tatimpaguesit dhe administratës tatimore e cilësuar si paqja fiskale ka krijuar dyshime nga FMN dhe Banka Botërore se mund të minojë punën e bërë me drejtësinë dhe administrimin e tatimeve.

    Projektligji, i propozuar nga ministria e Financave e ka kaluar fazën e komisioneve parlamentare dhe është gati për në seancën plenare.
    Edhe pse ka hasur kundërshtimin publik të institucioneve financiare ndërkombëtare, përfaqësuesit e ministrisë së Financave kanë shpjeguar në Parlament se ligji u jep mundësinë bizneseve të rideklarojnë pasqyrat e tyre financare të mëparshme ndërsa një marrëveshje e lidhur për vitin në vijim të bën të pranosh një fitim mbi 18% se viti aktual duke paguar kështu një tatim 5% dhe si bonus mungesën e kontrollit nga administrata tatimore.
    Ekspertët e kundërshtojnë këtë ligj duke e cilësuar si një rrezik për evazion fiskal dhe pastrim të parave.
    “Do jem shumë specifik: problemi kryesor është neni gjashtë i ligjit për paqen fiskale. Neni gjashtë, pika tre, përmend faktin që të gjitha bizneset që do të aplikojnë për paqen fiskale do të kenë mundësi të rishikojnë pasqyrat e tre viteve të fundit. Dhe, natyrisht, në rreshtin e vijave të pasqyrave që do të rishikohen është edhe arka. Pra, të gjitha bizneset kanë mundësi të rishikojnë arkën”-shprehet Pano Soko.
    “Çfarë do të thotë kjo? Ti mund të rideklarosh arkën e biznesit tënd me një shifër tjetër, ndryshe nga ajo që ishte deklaruar më parë. Për të thjeshtuar dhe për publikun, vetëm ky element mundëson pastrimin e parave. Nëse unë kam një biznes dhe dikush ka një milion euro për të pastruar, në momentin që ky ligj hyn në fuqi, nëpërmjet mundësisë që ligji ofron për të ndryshuar të dhënat e arkës për tre vitet e fundit, unë mund të them: “Kam një milion euro, futini në arkën e kompanisë sepse ligji ma lejon dhe them që kam bërë një gabim në vite të shkuara në llogaritjen e arkës.Kjo quhet evazion fiskal. Një milion euro të futur në arkë në atë moment zyrtarizohen dhe janë lehtësisht të transferueshme në bankë. Nuk është deklaruar gjithçka më parë, nuk janë prerë të gjitha kuponat. Ndërkohë, e vërteta është që këto një milion euro nuk ekzistojnë në fakt; dikush tjetër, nga jashtë, mund t’i ketë dhënë këto para. Kjo hap rrugën për pastrim parash në shkallë industriale.”-shton Soko.
    Por sa mund të fitojë shteti nga mbledhja e taksave nga ky projektligj?
    “Gjithçka mund të shkojë deri në 100 milionë euro. Ka planifikuar shteti të fitojë 200–300 milionë euro. Frika ime është se asetet që po legalizohen janë në përmasa të jashtëzakonshme. Kjo do të thotë që paraja e pistë duhet të infiltruar rëndë në ekonomi. Tregon qartë që paratë e pista do të depërtojnë në ekonomi, dhe kjo është shqetësimi im”.
    Nëse mbeten vetëm 100 milionë, unë jam i kënaqur, sepse të paktën dimë që janë diku tek 2 miliardë euro që kanë depërtuar. Por nëse janë 2, 4, 6, 8, 10 miliardë dhe të tjera, shteti mund të fitojë, por ekonomia shqiptare i dorëzohet parave të pista.”
    Për ekspertët e tregut nëse ky ligj hyn në fuqi, të shumta  janë bizneset që nuk do të hyjnë në marrëveshje me shtetin për shkak të ekspozimit.
    “Mos të harrojmë ligji bëhet por vëzhgohet nga ndërkombëtarët, ku e dimë që më pas marrëveshjes del një hetim për këto biznese të ekspozuara. Dhe një gjë e tillë mendojë se mund ti stepi bizneset të hynë në marrëveshje.”
    Në një kohë kur Shqipëria synon të forcojë integritetin financiar dhe besueshmërinë e ndërkombëtare, paqja fiskale mbetet një nismë mes premtimit për formalizim dhe frikës së hapur se mund të kthehet në një autostradë për legalizmin e parave të pista”. 
    Në një kohë kur Shqipëria synon të forcojë integritetin financiar dhe besueshmërinë e ndërkombëtare, paqja fiskale mbetet një nismë mes premtimit për formalizim dhe frikës së hapur se mund të kthehet në një autostradë për legalizmin e parave të pista.

    Top Channel

  • President mos i “laj duart”!

    President mos i “laj duart”!

    Nga Akil PANO
    Edhe Pilati mendoi se duke heshtur do të shpëtonte. Por Pilati s’ishte i pafajshëm.
    Në çdo shoqëri, ligjet janë pasqyrë e vlerave që ajo shoqëri përqafon. Nëse ligji është i drejtë, ai ngrihet mbi themele morale, mbi të vërteta të pakthyeshme dhe mbi një antropologji të drejtë të njeriut. Por kur ligjet ndërtohen mbi ideologji fluide, të ndërtuara nga ekstremi i majtë globalist, ato shndërrohen në mjetet më të rrezikshme për transformimin e heshtur të shoqërisë.
    Kryeministri Rama e quajti ligjin e barazisë gjinore “shumë fisnik”, duke e ngritur në rangun e një vepre të qytetërimit evropian. Por kur një ligj “fisnik” duhet mbrojtur me arrogancë, me etiketime, me përçmim ndaj protestuesve dhe përmes retorikës së stilit “qentë le të lehin, karvani ecën”, atëherë ‘fisnikëria’ false e Ramës është maskimi i së keqes përmes gjuhës arrogante të moralizimit politik.
    Ligji i barazisë gjinore, në formën e tij aktuale, nuk është neutral, i pafajshëm, e as “evropian” sipas mënyrës si e shet kryeministri.
    Ligji për Barazinë Gjinore është thelb i paketës ideologjike të ekstremit të majtë që qarkullon prej vitesh në qarqet ndërkombëtare të financuara nga fondacione transnacionale të stilit Sorros, me synimin e qartë për të shembur konceptet tradicionale të seksit biologjik, familjes dhe antropologjisë teiste.
    Pohimi ontologjik i zanafillës se “Perëndia e krijoi njeriun sipas shëmbëlltyrës së tij;… i krijoi mashkull dhe femër.
    (Zanafilla 1:27) zbulon se gjinia nuk mund të jetë konstrukt social, por esencë e gdhendur në vetë natyrën e njeriut.
    Ligji i ‘Barazisë Gjinore’ ka si qëllim të relativizojnë këtë të vërtetë, duke shembur diferencën natyrore dhe duke e zëvendësuar me identitete fluide, të përcaktuara nga ndjesia e momentit.
    Roger Scruton paralajmëronte se:
    “Kur e vërteta bëhet relative, ideologjia merr vendin e realitetit.”
    Kjo ndodh pikërisht me ligje të tilla: realiteti biologjik zëvendësohet me realitetin ideologjik e më pas krijohet një paradigmë e re sociale, psikologjike, një etnokulturë e re. Ndërsa politika imponohet si moral i ri.
    Presidenti Begaj, në fund të afatit ligjor, mund të heshti. Kjo heshtje nuk i duhet Shqipërisë!
    Dmth presidenti mund të dekretojë, mund të prapësojë, ose mund të heshtë! Këto janë tre mundësitë ligjore mbi tryezën e presidentit mbi projektligje të votuara në Kuvendin e Shqipërisë. Por heshtja mbi projektligjin përgjatë njëzet ditëve të afatit ligjor mbi tryezën e presidentit, prodhon automatikisht dekretimin e ligjit.
    Nëse presidenti ‘hesht’ ndaj një akti me një peshë të tillë si asnjë projektligj tjetër në historinë e Shqipërisë, më sjell ndër mend Ponc Pilatin, i cili në vend që të mbronte të drejtën, zgjodhi heshtjen:
    “Unë jam i pafajshëm për gjakun e këtij të drejti,” (Mateu 27:24) deklaroi Pilati pasi vendimin për kryqëzimin e Krishtit ia delegoi klerit Jude’ të kohës, duke refuzuar ta marrë vetë vendimin më të rëndësishëm në histori.
    Por Pilati nuk ishte i pafajshëm. Ai u bë pjesë e së keqes përmes mosveprimit.
    Edhe Presidenti, duke mos vepruar, i jep dritë jeshile kalimit të ligjit më të debatueshëm të viteve të fundit. Heshtja e tij në këtë rast nuk është neutralitet, por bashkëpunim pasiv.
    Dietrich Bonhoeffer – martiri i krishterë që sfidoi Hitlerin, shkruante:
    “Heshtja përballë së keqes është e keqe. Vetë mosveprimi është veprim. Zoti do të na kërkojë llogari.”
    Me heshtjen, Presidenti Begaj nuk i përgjigjet protestave të qindra qytetarëve, mbledhjes së firmave të mbi dhjetëmijë qytetarëve Shqiptarë që i kërkuan kthimin mbrapsht të projektligjit, familjeve, bashkësive fetare, profesorëve, prindërve, që kërkuan të mos dekretohej.
    Presidenti mund dhe të hesht!
    Heshtja s’është vetëm mospërgjegjësimarrje, heshtja është mjeti efikas i zhbërjes së moralit kolektiv
    Hannah Arendt, kur analizonte totalitarizmin, formuloi konceptin e saj të famshëm i njohur si:
    “Banaliteti i së keqes” në të cilin spjegon se “e keqja nuk kryhet nga demonë, por nga burokratë që thonë: Unë vetëm po bëj detyrën time.”
    Presidenti, me heshtjen e tij dhe pa asnjë shpjegim publik, është duke u sjellë pikërisht në këtë mënyrë: një figurë neutrale që lejon rrjedhën e proceseve, duke menduar se kjo e shpëton.
    Por pikërisht ky është thelbi i banalitetit të së keqes: MOSKUNDËRSHTIMI I SAJ.
    Pilati nuk ishte më pak fajtor se turma që kërkoi kryqëzimin. Turma bërtiti; Pilati heshti. Dhe në fund…Zoti i kërkoi llogari të gjithëve, në veçanti njeriut të veshur me pushtet.
    Ja katër arsye themelore pse heshtja e Presidentit është në thelb e keqe!
    Sepse, heshtja legjitimon të keqen!
    Mosveprimi i Presidentit jetëson një ligji të deformuar ideologjikisht, duke e bërë atë pjesë të trupit juridik të vendit. Heshtja kthehet në vulë.
    Sepse, heshtja tradhton rolin kushtetues!
    Presidenti është gardiani i balancës dhe moralit institucional. Ai nuk është noter i qeverisë. Kur një ligj bie ndesh me vlerat e shumicës, Presidenti është frena e fundit. Heshtja e delegjitimon këtë rol.
    Sepse, heshtja përbën braktisje morale të shoqërisë!
    Ndërsa qytetarët protestonin me pankarta “Ka vetëm dy gjini, mashkull dhe femër”, Presidenti duhej të dëgjonte dhimbjen e tyre. Por ai u mbyll në kullën sterile të presidencës.
    Sepse, heshtja prodhon precedent të rrezikshëm!
    Nesër çdo ligj ideologjik mund të kalojë pa kundërshtim, sepse Presidenti e ka dëshmuar se frika është më e fortë se detyra. Ky është terri moral ku vendet rrëshqasin drejt autokracive me fytyrë liberale.
    Mijëra qytetarë u mblodhën për të kundërshtuar ligjin, duke mbrojtur vlerat e Familjes dhe traditës, identitetin biologjik dhe të drejtën e fëmijëve për t’u rritur larg ideologjisë gjinore.
    Rama reagoi me përçmim, duke i quajtur protestat zëra pa peshë. Madje u shpreh;
    “Qentë le të lehin, karvani ecën.”
    Kjo frazë nuk është e një lideri demokrat, por e një ideologu që e sheh popullin si numër, një entitet pa ndonjë vlerë, ose zhurmë në sfond. Liderët e tillë e kanë për zakon ta quajnë veten “fisnikë”, ndërsa kundërshtarët – “qen”.
    Por një ligj që duhet të imponojë heshtjen për të kaluar, nuk mund të jetë fisnik. Një ligj kundër vullnetit të shumicës është antidemokratik.
    Ligji i barazisë gjinore nuk është as i fisnik, as i pafajshëm. Ai është një gur i rëndësishëm në projektin ideologjik të majtë për të riformatuar njeriun dhe familjen sipas modelit antinjeri dhe kundërkulturë.
    Presidenti, me heshtjen e tij, nuk po qëndron në anën e popullit, as në anën e moralit shoqëror, as në anën e lirisë. Ai është duke qëndruar në anën e frikës.
    Dhe frika e udhëheqësve është dritarja nga ku hyn errësira.
    Bonhoeffer kishte të drejtë:
    “Mosveprimi është veprim.”
    Edhe Pilati mendoi se duke heshtur do të shpëtonte. Por historia e gjykoi.
    Historia do ta gjykojë presidentin jo për atë që bëri – por për atë që nuk guxoi të bënte. Këto janë orët e fundit që mund të ngjisin një president në pozicionin e admirueshëm të një burri shteti ose ta vendosin atë brenda kornizave të pragmatizmit dhe turpit.

  • ‘Paqja Fiskale’ mund të deformojë konkurrencën, Hasko: Ligji i ri hap një shteg për evazion dhe pastrimin e parave

    ‘Paqja Fiskale’ mund të deformojë konkurrencën, Hasko: Ligji i ri hap një shteg për evazion dhe pastrimin e parave

    Një nismë e re legjislative e qeverisë, e pagëzuar si “Paqja Fiskale”, ka ndezur debate të ashpra mes ekspertëve të ekonomisë, të cilët paralajmërojnë për pasoja të rënda dhe afatgjata në treg dhe në shtetin ligjor.

    I ftuar ditën e sotme në ‘Kafe Shqeto’ audituesI Armand Hasko tha se ky ligj në thelb nuk i shërben shumicës së qytetarëve, por hap dyert për legalizimin e parave me burim të paligjshëm.

    Sipas tij, nisma i mundëson individëve dhe bizneseve të deklarojnë pasuri të fshehura duke paguar një taksë minimale prej 5%.

    Kjo konsiderohet një konkurrencë e pandershme ndaj tatimpaguesve të rregullt, të cilët paguajnë taksa deri në 15% ose më shumë.

    Hasko vuri në dukje se nisma të ngjashme janë kundërshtuar më parë nga institucionet ndërkombëtare si FMN dhe Banka Botërore, pikërisht për shkak të rrezikut të lartë të pastrimit të parave.

    Edhe pse ligji pretendon se do të ketë kontrolle për të parandaluar futjen e “parave të pista”, ekspertët shprehen skeptikë për efektivitetin e këtyre mekanizmave, duke argumentuar se ligji hap një “shteg” të rrezikshëm.

    Sipas nenit 7 të draftit, për të gjitha transaksionet që amnistohen, “nuk do të aplikohen dënime administrative” dhe, çka është më tronditëse, “nuk ushtrohet kontroll tatimor”. Kjo dispozitë praktikisht u jep imunitet të plotë jo vetëm evazorëve fiskalë, por potencialisht edhe trafikantëve, pastruesve të parave dhe elementëve të tjerë kriminalë.

    Audituesi tha se sta do të mund të legalizojnë pasuritë e tyre pa frikën se do të hetohen apo ndëshkohen për të kaluarën e tyre financiare, duke u bërë kështu “të paprekshëm”.

    Deklarata e plotë:

    “Tani mazhoranca ka dashur ta bëjë këtë një mandat më përpara me ligjin e amnistisë fiskale, thjesht tani kemi ndryshim të emrit, domethënë, paqja fiskale.

    Dhe herën e parë kjo është rrëzuar nga FMN-ja apo nga Banka Botërore, në mënyrë që të ketë pamundësi për të futur parave të pista në biznes, domethënë të paktën kontrolli i lekëve që do të hyjnë nëpër kompani të jenë të pastra.

    Faktikisht ata shprehen në ligj që do mundohen që mos të lënë lejimin e këtyre parave, por mundësia për kontroll nuk e di sa reale do të jetë për t’i kontrolluar burimin e këtyre lekëve.

    Fakti që ligji hap një shteg që të gjithë mund të bëjnë ndryshimin e pasqyrave financiare dhe të fusin shuma të lekëve që kanë dhe të bëjnë ndryshimin e zërave të aktivit siç janë mjetet monetare apo të shtojnë vlerën e kapitalit apo zëra të tjerë, kjo tregon që hapet një shteg që do përdoret.

    Ndoshta nuk do përdoret nga shumica e biznesit por do përdoret nga ata persona që kanë nevojë”.