Lajmidites.com

Tag: ligës

  • Procedurat dhe kriteret e shortit, Champions mëson sot rrugëtimin në ‘ligë’

    Procedurat dhe kriteret e shortit, Champions mëson sot rrugëtimin në ‘ligë’

    Shorti i fazës së ligës së këtij viti për Ligën e Kampionëve UEFA do të zhvillohet në Monako më 28 gusht në orën 18:00 dhe do të ndjekë të njëjtën procedurë si vitin e kaluar.

    36 ekipet pjesëmarrëse do të ndahen në katër vazo bazuar në renditjen e tyre individuale të koeficientit, me mbajtësin e titullit të Ligës së Kampionëve UEFA që renditet i pari në Vazon 1. Duke filluar me Vazon 1, do të tërhiqet një top fizik përpara se softueri i automatizuar – që është përdorur tashmë vitin e kaluar – të tërheqë tetë kundërshtarë për to, duke marrë parasysh parimet e mëposhtme:

    Dy ekipe nga secila prej katër vazove, me një ndeshje në shtëpi dhe një ndeshje jashtë fushe kundër ekipeve nga secila vazo e tërhequr nga softueri.Asnjë ekip nga e njëjta federatë nuk do të shortohet kundër njëra-tjetrës.Jo më shumë se dy kundërshtarë nga e njëjta federatë.E njëjta procedurë do të përsëritet për të gjitha ekipet e tjera derisa të jenë hedhur të gjitha çiftet.

    Vazhdo leximin

  • Djajtë e kuq “skuqen” nga turpi, ekipi i ligës së 4-t eleminon Mançester Junajtedin

    Djajtë e kuq “skuqen” nga turpi, ekipi i ligës së 4-t eleminon Mançester Junajtedin

    Mançester Junajtedi ka prekur fundin. “Djajtë e kuq” janë “skuqur” nga turpi mbrëmjen e sotme, teksa për të parën herë janë eleminuar në Kupën EFL nga një ekip i ligës së 4-t. Grimsbi ka prerë biletën për në fazën tjetër pas gjuajtjes së penalltive.
    Bardhezinjtë po udhëhiqnin me shifrat 2-0 deri në minutën e 75, kur Mbeumoja e dërgoi topin në rrjetë. Ndërohë në minutën e 89 Meguajeri riktheu baraspeshën dhe e dërgoi ndedhjen në shtesa. Për të përcaktuar fituesin u nevojit goditja e penalltive. Lojtarët e Brimsbit u treguan më të saktë nga pika e bardhë e penalltive, teksa shënuan 12 herë, kundrejt 11 herëve të Mançester Junajtedit./Sport Ekspres/

  • Kupa e Ligës, Armando Broja debuton me asist dhe fitore me Burnley

  • Mirë se vini në Champions, shortit i shtohen tri histori të magjishme. Nga Kazakistani i largët te vikingët norvegjezë dhe “embrioni” qipriot i themeluar në vitin 2014!

    Mirë se vini në Champions, shortit i shtohen tri histori të magjishme. Nga Kazakistani i largët te vikingët norvegjezë dhe “embrioni” qipriot i themeluar në vitin 2014!

    Nata e herëve të para! Ose ndryshe ëndrra e realizuar e një nate vere. Pas kualifikimit historik të Kairat Almaty kundër Celtic, një tjetër rezultat i papritur vjen në ndeshjen e dytë të playoff-eve të Ligës së Kampionëve.
    Ekipi i Rade Krunic dhe Marko Arnautovic, Crvena Zvezda e Beogradit, u eliminua nga Pafos, një ekip qipriot që, pas një fitoreje 2-1 jashtë fushe në ndeshjen e parë, arriti të siguronte vendin e saj falë barazimit 1-1 sonte. Ivanic u dha serbëve epërsinë në pjesën e dytë, por Jaja shënoi golin historik në minutën e 90-të.
    Në ndeshjen tjetër të përfunduar së fundmi, Bodo/Glimt humbi 2-1 ndaj Sturm Graz, por ishte një humbje e ëmbël falë fitores 5-0 që siguruan gjashtë ditë më parë në stadiumin e tyre: norvegjezët, së bashku me Pafos dhe Kairat, janë kualifikuar për fazën e parë të Ligës së Kampionëve për herë të parë në historinë e tyre. Norvegjia është rikthyer në Ligën e Kampionëve pas gati 2 dekadash pritjeje, pasi hera e fundit ishte skuadra e fundit ishte Rosenborg në vitin 2007. Pritja mori fund!
    Histori të ndryshme, por histori suksesi dhe sidomos besimi! Natyrisht, duhet dhe investimi i duhur, ashtu si ai ai te Pafos, qe eliminoi tre “bisha” në rrugetimin drejt endrres: Maccabi Tel Aviv, Dinamo Kiev dhe se fundmi Crvena Zvezda. Perpara 11 vitesh, Pafos ende nuk ishte themeluar dhe u desh shkrirja e dy skuadrave.
    I themeluar më 10 qershor 2014 pas bashkimit të AEP Paphos dhe AEK Kouklia, klubi përfaqëson rajonin më të gjerë të Paphos në Divizionin e Parë Qipriot. Pafos luan ndeshjet në shtëpi në stadiumin Stelios Kyriakides, i cili ka një kapacitet prej 9,394 vendesh.
    Klubi fitoi trofeun e tyre te parë të madh, Kupën e Qipros në vitin 2024, dhe siguroi një kampionat të ligës së parë në sezonin 2024–25. Pafos bëri debutimin e tyre evropian në Ligën e Konferencës UEFA Europa në sezonin 2024–25, duke arritur në raundin e 16-të, dhe hyri në kualifikueset e Ligës së Kampionëve UEFA për herë të parë në sezonin 2025–26 si kampionë vendas.
    Në vitin 2017, klubi u vu nën kontrollin e Total Sports Investments, të lidhur me biznesmenin me bazë në Britani, Roman Dubov, dhe filloi një program profesionalizimi në të gjithë ekipin e parë dhe akademinë. Qendra stërvitore në Paphos iu nënshtrua një rinovimi të rëndësishëm në vitin 2020.

  • Interesi i Barcelonës e bëri “të famshëm”, tre ekipe të tjera duan “zbulimin” e dy javëve të para të La Ligës

    Interesi i Barcelonës e bëri “të famshëm”, tre ekipe të tjera duan “zbulimin” e dy javëve të para të La Ligës

    26 Gusht 2025

    19:26

    Telesport

    Sulmuesi kamerunas i Villarreal, Karl Etta Eyong, mund të konsiderohet si “zbulimi” më i madh i dy javëve të para të La Ligës. Për 20-vjeçarin, i cili ka një klauzolë diçka më pak se 10 milionë euro, ka pasur një interesim të madh nga Barcelona në ditët e fundit.
    Klubi katalanas është gati të paguajë kluazolën e tij dhe ta dërgojë direkt në huazim te një klub tjetër po në La Liga, ku të ketë mundësinë të fitojë më shumë përvojë. Megjithatë, Barcelona nuk është klubi i vetëm që interesohet për kamerunasin.
    Real Sociedad, Real Oviedo dhe Real Betis po ashtu janë shumë të interesuara për sulmuesin kamerunas dhe janë të gatshme të paguajnë kluazolën e tij dhe mbi të gjitha nuk kanë probleme me regjistrimin e lojtarëve siç kanë katalanasit. Megjithatë, dëshira e madhe e lojtarit është të transferohet te Barcelona.

  • Shkëndija mposht Ludogoretsin dhe është një hap larg Ligës së Europës, triumfon edhe Drita

    Shkëndija mposht Ludogoretsin dhe është një hap larg Ligës së Europës, triumfon edhe Drita

    Shkëndija është vetëm një hap larg grupeve të Ligës së Europës. Kuqezinjtë e Tetovës kanë mposhtur me shifrat 2-1 Ludogoretsin në Shkup. Bullgarët kuan të parët në epërsi, por Latifi në të 36-n dhe Ibraimi në minutën e 60 përmbysën rezultatin. Një fitore e rëndësishme për klubin shqiptar, që javën e ardhshme do të ketë shansin e artë për t’u kualifikuar për herë të parë në grupet e Ligës së Europës.
    Një rezultat pozitiv ka marrë edhe Drita. Skuadra nga Gjilani ka mposhtur me shifrat 2-1 Diferdanzhin në ndeshjen e parë “play off” të Ligës së Konferencës. Golat për kampionët e Kosovës u shënuan nga Dabiqaj dhe Krasniqi./Sport Ekspres/

  • “E dimë çfarë të presim nga shqiptarët, janë të shpejtë dhe sulmues”, trajneri i Jagiellonias nuk trembet: Ia kemi analizuar pikat e dobëta

    “E dimë çfarë të presim nga shqiptarët, janë të shpejtë dhe sulmues”, trajneri i Jagiellonias nuk trembet: Ia kemi analizuar pikat e dobëta

    Dinamo City është vetëm dy ndeshje larg grupeve të Ligës së Konferencës. Ekipi i Ilir Dajës do të zbresë mbrëmjen e nesërme në fushë përballë Jagiallonias për të synuar befasinë në tokën polake. Trajneri i Jagiellonias ka folur për “TVPSPORT.PL” në lidhje me duelin e nesërm dhe atë të një jave më pas në “Air Albania”. Siemieniec-i ka theksuar se Dinamoja nuk duhet të vlerësohet nga niveli i ligës shqiptare apo nga vlera e lojtarëve në treg, por nga analizimi i performancave të tyre. Trajneri i Jagiellonias ka vlerësuar pozitivisht Dinamon, por nga ana tjetër ka shtuar se i ka studiuar mirë pikat e saj të dobëta.
    “Duhet të çlirohemi nga stereotipi i ligës shqiptare, sepse shumë i gjykojnë rivalët tanë bazuar në statistika dhe vlerat e ekipit, por jo në analizën e performancës së tyre. Ne e dimë nga analiza se çfarë të presim nga shqiptarët. Besoj se do të luajmë kundër një ekipi që, nga një perspektivë thjesht futbollistike, ishte thjesht më i mirë në dy ndeshjet kundër Hajdukut. Po flas për vlerësimin e së tashmes, jo të potencialit dhe historisë së ekipeve.
    Ky është një ekip me një natyrë shumë ofensive dhe të guximshme, që shpesh nis sulme të shpejta dhe është agresiv. Ata dolën nga dy ndeshjet kundër Hajdukut me një qëndrim të mirë. Karakterizohen nga shpejtësia e lartë dhe motori. Ata gjithashtu luajnë mbrojtje të drejtpërdrejtë. Dinamos i pëlqen të dominojë kundërshtarët e tyre. Pasi analizuam, e dimë se ku janë dobësitë e kundërshtarëve tanë. Do të bëjmë gjithçka për t’i shfrytëzuar ata. Ne e dimë vlerën tonë dhe e dimë se jemi një ekip i rrezikshëm. Presim dy ndeshje të vështira. Mund të shihni një liri në lojën e tyre, pasi ata nuk janë të ngarkuar nga pritshmëeitë”, është shprehur Adrian Siemieniec./Sport Ekspres/

  • Champions/ Tre ndeshje Play Off, tre fitore udhëtuesish

    Champions/ Tre ndeshje Play Off, tre fitore udhëtuesish

    Klub Bryzh vijon të tregohet një skuadër super e fortë në Champins League. Këtë mbrëmje në të vajtjes për fazën Play Off të Ligës së Kampionëve ndaj Rejnxhers fitoi 1-3 duk hedhur një hap të madh drejt fazës në grupe të Ligës së Kampioneve.

    Surpriza më e madhe është ajo e qipriotëve të Pafos, të cilët kanë fituar në Beograd përballë Crvena Zvezdës me shifrat 1-2 duke shtuar shanset për në grupe.

    Suksesi i Karabakut në ndeshjen e parë të kësaj faze. ish skuadra e Redon Xhixhës pasi eleminoi Shkëndijën e Tetovës, surprizoi dhe në Budapest teksa përballë Ferencvaroshit fitoi 1-3.

    Vazhdo leximin

  • E FUNDIT/ Dinamo shkruan historinë dhe kualifikohet në “play off”, Daja bën mrekullinë dhe eleminon Hajdukun e Splitit

    E FUNDIT/ Dinamo shkruan historinë dhe kualifikohet në “play off”, Daja bën mrekullinë dhe eleminon Hajdukun e Splitit

    Mbrëmje historike për Dinamon. Klubi shqiptar arrin për të parën herë në “play off” të Ligës së Konferencës. “Nëndetësja” ka bërë mrekullinë në “Air Albania”, teksa ka eleminuar pastër Hajdukun e Splitit. Zabërgja tundi rrjetën në minutën e 14, duke shënuar golin e vetëm të kohës së rregullt.
    Me rezultatin e përgjithshëm 2-2, skuadrat iu drejtuan 30 minutave të kohës shtesë. Pavarësisht se në disavantazh numerik që nga minuta e 78, kroatët arritën të barazonin përkohësisht. Karaxhiçi tundi rrjetën në minutën e 99, por supergoli i Qardakut në të 109-n dhe Berisha në minutën e 111 vulosën kualifikimin e Dinamos. Ekipi i Ilir Dajës mund kështu Hajdukun e Splitit me shifrat 3-1, duke shkuar vetëm një hap larg grupeve të Ligës së Konferencës./Sport Ekspres/

  • Merret vendimi historik për një ndeshje, La Liga zhvendoset në SHBA

    Merret vendimi historik për një ndeshje, La Liga zhvendoset në SHBA

    Barcelona dhe Villarreal do të përballen në ndeshjen e parë të ligës evropiane të zhvilluar në Shtetet e Bashkuara, pasi federata spanjolle e futbollit (RFEF) miratoi një plan të La Ligës për të zhvilluar një sfidë këtë sezon në Miami, Florida.
    Me miratimin e Federatës, çështja tani kërkon miratimin e FIFA-s, UEFA-s dhe federatës dhe konfederatës pritëse (respektivisht US Soccer dhe CONCACAF).

    Ndeshja në fjalë ishte planifikuar të luhej në stadiumin vendas të Villarrealit, Estadio de la Cerámica, më 21 dhjetor. Zhvendosja e propozuar e ndeshjes do ta çojë atë në stadiumin Hard Rock, shtëpia e ekipit Miami Dolphins të NFL-së.