Lajmidites.com

Tag: lidhen

  • Horoskopi për ditën e sotme, 12 shtator 2025

    Horoskopi për ditën e sotme, 12 shtator 2025

    Showbiz E Premte, 12 Shtator 2025 08:57
    DashiMund të jetë e vështirë për ju të uleni dhe të mos mendoni për çështjet që lidhen me punën, edhe nëse jeni kilometra larg hapësirës suaj të punës. Bëni një përpjekje të vetëdijshme për të qetësuar veten dhe thjesht për t’u çlodhur. Lëreni çdo energji nervoze dhe të shqetësuar që keni.
    DemiDikush që ka shumë energji fizike të nxit përpara. Hidhu në gjatësinë e valës së këtij personi dhe shijo pasionin e tij ose të saj për jetën. Sigurohu që ta marrësh këtë pasion me vete në vendin e punës. Bëje punën tënde me mirënjohje.

    BinjakëtNjerëz të tjerë po të shtyjnë në nivelin tjetër. Mund të dorëzohesh para kësaj vale energjie në vend që të përpiqesh ta luftosh. Tani është koha që të planifikosh sulmin tënd. Po ndihesh shumë më i egër se zakonisht. Shfrytëzo zjarrin tënd të brendshëm.
    GaforrjaNdihesh i rikarikuar – sikur të kesh rilindur. Mënyra jote e të menduarit të thotë të jesh i guximshëm dhe i patrembur. Ke një pafajësi në vetvete që të bën të duket sikur po e sheh botën për herë të parë. Shijoje këtë gjendje të mrekullueshme mendore.
    LuaniPërshpejto ritmin. Kohët e fundit ke qenë duke zvarritur dhe ky qëndrim reflektohet në gjithçka që bën. Ji më agresiv; arri qëllimet e tua me bindje. Ky ndryshim në qëndrim do të ketë një efekt pozitiv në të gjitha aspektet e punës tënde.
    VirgjëreshaSot po mendoni të bëni një ndryshim të madh në karrierën tuaj. Nje flakë po ndizet – dhe së bashku me një person, jeni gati të bëni ndryshime të mëdha. Zjarri i krijuar po ju nxit të jeni më ambicioz. Suksesi është brenda mundësive tuaja.
    PeshorjaEdhe nëse jeni larg vendit tuaj të punës, ka të ngjarë të ndjeni një tension brenda jush vetëm me mendimin për këtë. Dhimbjet e kokës që ju vijnë sot lidhen drejtpërdrejt me stresin që përjetoni në punë. Gjeni një rrugëdalje të shëndetshme për këtë energji.
    AkrepiTë flasësh me një person shpirtëror do të të ndihmojë të lehtësosh barrën e shumë shqetësimeve që lidhen me karrierën. Merri për zemër fjalët e sjellshme dhe qetësuese të këtij personi. Ndjej qetësinë brenda teje në vend që të mbingarkohesh nga stresi mendor i punës.
    ShigjetariPo frustrohesh dhe po ngatërrohesh në nyje sepse ke kaq shumë zgjedhje dhe kaq shumë energji, por shumë pak drejtim se në cilën rrugë të ecësh përpara. Merr pak kohë vetëm për të qetësuar mendjen dhe për të medituar. Shiko brenda vetes për përgjigjet.
    BricjapiSigurohuni që të bëni disa ushtrime fizike. Të qenit jashtë në ajër të pastër do të jetë jashtëzakonisht e dobishme. Të paktën, bëni një shëtitje të shkurtër rreth lagjes. Është mirë që t’i shtriqni këmbët dhe ta vini trupin në lëvizje në këtë kohë.
    UjoriMos e lejo mendjen tënde të mbingarkohet me çështje që lidhen me punën. Nuk është e shëndetshme që puna jote të ketë një ndikim kaq të fortë në gjithçka që bën – veçanërisht kur je larg vendit të punës. Kur të largohesh nga puna, lëre barrën e saj atje.
    PeshqitShumë ide do t’ju vijnë në mendje dhe do të krijoni skema të mëdha se si duhet të ndryshoni punë dhe të filloni një biznes të ri, të merrni diploma në diçka të re dhe të shpëtoni botën në të njëjtën kohë. Sigurisht që është në rregull të ëndërroni në këtë mënyrë.

  • Rastet kur thonjtë janë tregues shëndeti, mos neglizhoni këto shenja

    Rastet kur thonjtë janë tregues shëndeti, mos neglizhoni këto shenja

    Sinjalet që na dërgon trupi, kur diçka nuk shkon mirë, nuk duhet të lidhen domosdoshmërisht me dhimbjet.

    Disa shenja mund të jenë “të heshtura” e sërish të lidhen me problemet të caktuara shëndetësore. Nëse deri tani kemi shkruar rreth sëmundjeve që mund të dalloni përmes syve, në këtë artikull do të listojmë problemet që lidhen drejtpërdrejtë me thonjtë! Bëni mirë mos të tregoheni indiferentë ndaj këtyre shenjave,
    Zverdhja e thonjve

    “Kjo mund të ndodhë natyrshëm me moshën,” thotë Dr Anthony. “Por mund të ndodhë gjithashtu si pasojë e llakut të thonjve,akrilikut apo cigares”.Një nga shkaqet e tjera kryesore të thonjve të verdhë është infeksioni fungal. Sa më shumë të përkeqësohet infeksioni, aq më të verdhë dhe më të hollë bëhen thonjtë tuaj. Në raste më të rralla thonjtë e verdhë mund të jenë shenjë e një gjendjeje më serioze si probleme me tiroidet, mushkëritë ose diabet.
    Thonj të plasaritur e të brishtë
    Ky problem është më se i zakontë dhe ka disa shkaqe të mundshme. “Thonjtë e brishtë mund të thyhen lehtësisht nëse ata janë tejet të hidratuar. “Kjo mund të ndodhë pas ditëve të plazhit, nëse duart janë në kontakt të shpeshtë me ujin apo thjesht nga lagështia”
    Thonj me vija paralele
    Nëse thonjtë priren të lakohen dhe të formojnë vija paralele kjo gjë mund të lidhet me sëmundjet e veshkave apo mëlçisë.
    Thonjtë e nxirë: Mjekët dermatologë dhe alergologë kanë identifikuar raste kur thonjtë ndryshojnë ngjyrën e zakonshmë në një ngjyrë te errët. Në këtë rast thonjte tregojnë se trupi nuk po merr mjaftueshëm oksigjen. Ju mund të keni shqetësime me mushkëritë apo me zemrën.
    Thonjtë “lugë”
    “Thonjtë Lugë” i referohen zakonisht thonjve tepër të hollë të cilët kanë një pamje të shtypyr. Kjo është zakonisht shenjë e anemisë dhe mangësisë së hekurit.
    Petëzimi i thonjve
    Nëse për thonjtë e petëzuar fajësoni produktet kozmetike, xhelin apo manikyrin ka ardhur momenti të mësoni shkakun e vërtetë që fshihet pas këtij problemi. Thonjtë e petëzuar janë një shenjë që trupi po ju jep në momentin kur nivelet e manganit bien ndjeshëm.
    Mangani është një mineral thelbësor që luan një rol të rëndësishëm në proceset e shumta biologjike në të gjithë trupin. Ky mineral aktivizon enzimat që ndihmojnë në metabolizmin e karbohidrateve, aminoacideve, dhe kolesterolit. Dhe pse trupi juaj ka nevojë vetëm për një sasi shumë të vogël të manganit, është vlerësuar se më shumë se 37% e njerëzve nuk plotësojnë dozat e rekomanduara ditore për mangan.
    Trupi i njeriut përmban rreth 15-20 mg mangan. Ai mund të gjendet në kocka, mëlçi, veshka, pankreas, dhe veshka. Ky mineral është thelbësor për formimin e indit lidhor, koagulimit të gjakut, dhe hormonet seksuale. Mungesa e manganit mund të shkaktojë një shumëllojshmëri komplikimesh shëndetësore e ndër to përmendim dhe thonjtë e petëzuar.
    Thonjtë që thyhen shpejt: Thonjtë e brishtë që thyhen shpejt lidhen me shëndetin e gjendrës tiroide. Ndërsa kur janë të verdhe dhe thyhen shpejt, me shumë mundësi janë shkaktuar nga një infeksion fungal.

  • Rastet kur thonjtë janë tregues shëndeti/ mos neglizhoni këto shenja

    Rastet kur thonjtë janë tregues shëndeti/ mos neglizhoni këto shenja

    Sinjalet që na dërgon trupi, kur diçka nuk shkon mirë, nuk duhet të lidhen domosdoshmërisht me dhimbjet. Disa shenja mund të jenë “të heshtura” e sërish të lidhen me problemet të caktuara shëndetësore. Nëse deri tani kemi shkruar rreth sëmundjeve që mund të dalloni përmes syve (klikoni këtu për të lexuar më shumë) në këtë artikull do të listojmë problemet që lidhen dretëpërdrejtë me thonjtë ! Bëni mirë mos të tregoheni indiferentë ndaj këtyre shenjave,

    Zverdhja e thonjve

    “Kjo mund të ndodhë natyrshëm me moshën,” thotë Dr Anthony. “Por mund të ndodhë gjithashtu si pasojë e llakut të thonjve,akrilikut apo cigares”.Një nga shkaqet e tjera kryesore të thonjve të verdhë është infeksioni fungal. Sa më shumë të përkeqësohet infeksioni, aq më të verdhë dhe më të hollë bëhen thonjtë tuaj. Në raste më të rralla thonjtë e verdhë mund të jenë shenjë e një gjendjeje më serioze si probleme me tiroidet, mushkëritë ose diabet.

    Thonj të plasaritur e të brishtë

    Ky problem është mëse i zakontë dhe ka disa shkaqe të mundshme. “Thonjtë e brishtë mund të thyhen lehtësisht nëse ata janë tejet të hidratuar. “Kjo mund të ndodhë pas ditëve të plazhit, nëse duart janë në kontakt të shpeshtë me ujin apo thjesht nga lagështia”

    Thonj me vija paralele

    Nëse thonjtë priren të lakohen dhe të formojnë vija paralele kjo gjë mund të lidhet me sëmundjet e veshkave apo mëlçisë.

    Thonjtë e nxirë: Mjekët dermatologë dhe alergologë kanë identifikuar raste kur thonjtë ndryshojnë ngjyrën e zakonshmë në një ngjyrë te errët. Në këtë rast thonjte tregojnë se trupi nuk po merr mjaftueshëm oksigjen. Ju mund të keni shqetësime me mushkëritë apo me zemrën.

    Thonjtë “lugë”

    ” Thonjtë Lugë” i referohen zakonisht thonjve tepër të hollë të cilët kanë një pamje të shtypyr. Kjo është zakonisht shenjë e anemisë dhe mangësisë së hekurit.

    Petëzimi i thonjve

    Nëse për thonjtë e petëzuar fajësoni produktet kozmetike, xhelin apo manikyrin ka ardhur moemnti të mësoni shkakun e vërtetë që fshihet pas këtij problemi. Thonjtë e petëzuar janë një shenjë që trupi po ju jep në momentin kur nivelet e manganit bien ndjeshëm.

    Mangani është një mineral thelbësor që luan një rol të rëndësishëm në proceset e shumta biologjike në të gjithë trupin. Ky mineral aktivizon enzimat që ndihmojnë në metabolizmin e karbohidrateve, aminoacideve, dhe kolesterolit. Dhe pse trupi juaj ka nevojë vetëm për një sasi shumë të vogël të manganit, është vlerësuar se më shumë se 37% e njerëzve nuk plotësojnë dozat e rekomanduara ditore për mangan.

    Trupi i njeriut përmban rreth 15-20 mg mangan. Ai mund të gjendet në kocka, mëlçi, veshka, pankreas, dhe veshka. Ky mineral është thelbësor për formimin e indit lidhor, koagulimit të gjakut, dhe hormonet seksuale. Mungesa e manganit mund të shkaktojë një shumëllojshmëri komplikimesh shëndetësore e ndër to përmendim dhe thonjtë e petëzuar.

    Thonjtë që thyhen shpejt: Thonjtë e brishtë që thyhen shpejt lidhen me shëndetin e gjendrës tiroide. Ndërsa kur janë të verdhe dhe thyhen shpejt, me shumë mundësi janë shkaktuar nga një infeksion fungal.

  • Harta e vitit 1688 nga nga Eberhard Werner dhe toponimet që lidhen me Shqipërinë dhe Kosovën

    Harta e vitit 1688 nga nga Eberhard Werner dhe toponimet që lidhen me Shqipërinë dhe Kosovën

    Studiuesi Armand Plaka ka postuar në faqen e tij të Facebookut, një hartë të vitit 1688 ku bien në sy disa toponime që lidhen me Shqipërinë e Kosovën.“Hartë e vitit 1688, arkivuar në Bibliotekën Kombëtare Çeke në Pragë. Hartuar në gjermanisht, nga Eberhard Werner (jetoi në vitet 1647-1690) dhe përdorur shumë në territoret e Evropës Qendrore, meqenëse në atë kohe ajo ishte ‘lingua franca’ në atë rajon, kur shtetet nacionale nuk ekzistonin fare si koncept.Në legjendën e saj, poshtë hartës shënohet: Një hartë e re gjeografike mbi Spanjën Papnore dhe italike, ndërsa përshkrimi vijon me prezantimin e rajoneve që sot i përkasin Gadishullit të Ballkanit, përfshirë këtu edhe Kosovën dhe Shqipërinë.Shtypur në Hamburg, si pjesë e një libri voluminoz me titull: ‘Thesaurus exoticorum’ me histori të rralla e të dhëna interesante rreth popujve aziatikë, afrikanë dhe amerikanë, me një kapitull të veçantë për Perandorinë Osmane dhe kombet e saj, bien në sy disa toponime që lidhen me Shqipërinë e Kosovën, të cilat edhe sot e kësaj dite mund të identifikohen lehtësisht.Kështu për shembull, aty gjen: Durrësin, Elbasanin, Shkodrën, Ulqinin, Prishtinën, Krujën, Albanopolin (rajoni mes Elbasanit dhe Matit), Dukagjinin, Klinën, Ulpianën, Tivarin, Dibrën, Prizreninn, Lumin Ibër, Lezhën, Malesitë e Sharrit. Ndërsa, në jug vihen re qartë: Vlora, Sazani, Ohri, Prespa, Spinarica ( Zvërneci i sotëm) Himara, Gjirokastra, Delvina, Butrinti, Preveza, Gjiri i Artës dhe Janina”- shkruan Plaka teksa poston fotot”.

  • SPAK i sekuestroi celularin, Kushtetuesja pranon pjesërisht kërkesën e Onejda Ymerit: I është cenuar e drejta!

    SPAK i sekuestroi celularin, Kushtetuesja pranon pjesërisht kërkesën e Onejda Ymerit: I është cenuar e drejta!

    Gjykata Kushtetuese i ka dhënë pjesërisht të drejtë Onejda Ymerajt, së cilës SPAK i ka sekuestruar telefonin në kuadër të një hetimi që Prokuroria e Posaçme po zhvillonte.

    Gjyqtarët vendosën se sekuestrimi i telefonit të zonjës Ymeraj ka cenuar lirinë dhe fshehtësinë e korrespondencës për pjesët që nuk lidhen me objektin e hetimit penal, ndaj të gjitha kopjet për këtë pjesë të komunikimit duhet të shkatërrohen.
    Ndërsa kopjet që përmbajnë biseda që lidhen me hetimin do të mbahen, por do t’i nënshtrohen kontrollit gjyqësor. Vendimi i Kushtetueses për zonjën Ymeraj përcakton rregulla të reja për të gjitha rastet kur prokuroria sekuestron telefonin e një qytetari, duke vendosur që përdorimi i të dhënave të gjetura në telefon duhet të bëhet vetëm me vendim gjykate dhe vetëm për biseda që lidhen me objektin e hetimit.

    Në këtë vendim, gjyqtarët sqarojnë se kur sekuestrimi i telefonit bëhet në kushte urgjence, atëherë ai duhet t’i nënshtrohet kontrollit gjyqësor në një kohë sa më të shpejtë.
    Kushtetuesja vë në dukje se sekuestrimi i telefonit në kushte urgjence duhet të respektojë standardet ndërkombëtare, duke përfshirë, ndalimin e veprimeve të përpunimit të korrespondencës, mbylljen e pajisjes në të cilën ndodhet korrespondenca në praninë e qytetarit ose avokatit dhe ndalimin e bërjes së kopjeve të të dhënave personale pa autorizim të gjykatës.
    Gjyqtarët sqaruan se vendimi nuk ka efekt prapaveprues.
    /vizionplus.tv

  • Lala: SPAK zbulon 200 mln lekë në shtëpinë e biznesmenit që dyshohet për blerje votash në PS

    Lala: SPAK zbulon 200 mln lekë në shtëpinë e biznesmenit që dyshohet për blerje votash në PS

    Gazetarja Klodiana Lala, e ftuar në emisionin “Të Paekspozuarit”, ka zbuluar se në shtëpinë e një biznesmeni, të dyshuar për blerje votash në favor të një kandidati të PS-së, janë gjetur rreth 200 milionë lekë të vjetra, ndërsa ka kritikuar mungesën e bashkëpunimit nga Policia e Shtetit gjatë hetimeve të SPAK.

    Pjesë nga intervista:

    “Kam patur shumë më tepër pritshmëri për task forcën që u ngrit nga SPAK për hetimin zgjedhor. Prokuroria ka raportuar çështjet, janë mbi 35 raste që janë procedime penale, kryesisht në fushën e korrupsionit apo vepra të tjera penale, që lidhen me zgjedhjet dhe po hetohen. Janë raportuar arrestime, që kanë të bëjnë me babain e një deputete të PSD, në Fier, ka patur disa persona të tjerë në Kukës për PSD, ndërkohë që çështjet më të rëndësishme që duhen parë, lidhen me qarkun e Elbasanit.

    Është një cështje që gjatë kontrolleve janë gjetur rreth 200 milionë lekë të vjetra, në shtepinë e një biznesmeni që dyshohet se blinte vota në favor të një kandidati në listën e hapur të PS, por ai ka pretenduar që janë para për shkak të aktivitetit të biznesit. SPAK ka dyshime se do të përdoreshin për shitblerje votash, ndaj ka patur kontrolle në disa baza ose banesa dhe kontrolle personale të disa personave. Them është rast interesant, sepse përgjimet janë lidhur më pas me shumën e parave, por nuk ka persona të arrestuar.

    Ajo që kam konstatuar me shqetësim, ka të bëjë me faktin që Policia e Shtetit, nuk ka qenë bashkëpunuese pavarësisht se është shfaqur si e tillë në sipërfaqje dhe ka referuar kryesisht, raste që lidhen me opozitën. Kështu e kam parë çfarë ka bërë policia në raport me këto zgjedhje”

  • BE rrëzon “fasadën” mashtruese të qeverisë dhe ngre alarmin: Rama dhe mazhoranca në sulm të hapur ndaj drejtësisë…

    BE rrëzon “fasadën” mashtruese të qeverisë dhe ngre alarmin: Rama dhe mazhoranca në sulm të hapur ndaj drejtësisë…

    Komisioni Evropian, përmes dy dokumenteve zyrtare dërguar qeverisë shqiptare, ngre alarmin për kapjen e institucioneve të drejtësisë, shkeljen e ligjit dhe pengesat që qeveria i vendos luftës kundër korrupsionit. Në raportin jozyrtar, që paraprin vlerësimin përfundimtar të korrikut, Brukseli flet për ndërhyrje të mazhorancës në drejtësi, bllokim të vendimeve të Gjykatës Kushtetuese dhe përdorim të tenderave publikë për interesa klienteliste. Eurodeputetët vërejnë se Shqipëria ka bërë hapa pas në zbatimin e kritereve themelore dhe se procesi i integrimit po rrezikohet nga mungesa e vullnetit politik dhe deformimi i institucioneve. Jorida Tabaku paralajmëron se Kuvendi është kthyer në një instrument që shkel standardet demokratike dhe pengon rrugën drejt BE-së, ndërsa komisioni “Xhafaj” etiketohet si goditje për transparencën parlamentare. Ndërsa ekonomisti Zef Preçi shton se korrupsioni dhe parlamenti përmenden me dhjetëra herë në raport, si sinjal i fortë se fasada e reformave nuk bind më askënd në Bruksel. Por pa ndërhyrje urgjente dhe vullnet real për reformë, Shqipëria rrezikon të ngecë përfundimisht në stacionin e parë të integrimit.
    Pjesë nga shkrimi i BIRN
    Konkretisht përmes dy dokumenteve jozyrtare dërguar qeverisë shqiptare, Komisioni Evropian skanon një gjendje shqetësuese mbi sundimin e ligjit, funksionimin e institucioneve, luftën antikorrupsion dhe situatën e medias në Shqipëri në kohën kur janë hapur grup-kapitujt themelorë në negociatat për anëtarësim. Edhe pse janë ende dokumente pune jozyrtare, raportet shprehin shqetësim për një sulm të mundshëm të mazhorancës mbi institucionet e reja të drejtësisë, për moszbatimin e vendimeve të Gjykatës Kushtetuese apo për shkeljen e parimeve të BE-së në negociimin e drejtpërdrejtë të tenderave publikë. Shqetësimet e Brukselit lexohen nga përfaqësues të opozitës dhe ekspertë të integrimit si një tërheqje vëmendjeje ndaj qeverisë së kryeministrit Edi Rama dhe Kuvendit për një angazhim real ndaj procesit të integrimit. Kryetarja e Komisionit për Çështjet Evropianë në parlament, Jorida Tabaku, i tha BIRN-it se të dy dokumentet që i janë dërguar qeverisë shqiptare për ‘Themeloret” tregojnë  se sa pas është Shqipëria për të arritur kriteret dhe objektivat për grupkapitullin e parë. Ky draft-raport ngre shqetësime për 3 elementë kryesorë, ku Tabaku veçon atë që lidhet me rolin e Kuvendit dhe detyrat e tij.
    “Kuvendi është institucioni që  ka më shumë detyra për të kryer, por nga ana tjetër është institucioni që i ka shkelur të gjitha standardet që duhet të ketë një parlament normal, që nga procesi legjislativ, konsultimi i nismave të deputetëve që janë kthyer në një problem për procesin, duke anashkaluar procedurën ligjore normale, tek zgjedhja e krerëve të institucioneve të pavarua, zbatimi i vendimeve të Gjykatës Kushtetuese dhe duke kulmuar me komisionin e posaçëm ‘Xhafaj’, thotë Tabaku. Sipas Tabakut, ky komision suprimon punën e komisionit për çështjet evropiane, mbivendoset mbi punën e komisioneve të tjera parlamentare dhe merr përgjegjësi që nuk i takojnë.
    Preçi: Pa vullnet politik dhe mekanizma realë, Shqipëria ngec në vendnumëro
    Ndërkohë draft raporti i KE-së vlerësohet si një dokument realist që evidencon qartë problematikat serioze të lidhura me kapitujt themelorë edhe nga Zef Preçi, drejtor ekzekutiv i Institutit për Studime Ekonomike. “Në vlerësimin tim, e përbashkëta e kësaj analize pune është vënia e theksit në nevojën për konsolidimin e arritjeve të shënuara duke u parë këtë të lidhur ngushtë si me vazhdimin e luftës kundër korrupsionit dhe krimit te organizuar, pasi fjala ‘korrupsion’ përsëritet 31 herë e ndjekur nga fjala ‘Parlament’ me 20 herë”, tha Preçi, duke përmendur gjithashtu probleme të tjera të lidhura me shtetin e së drejtës, menaxhimin e emigracionit apo lirinë e medias. Pavarësisht se dokumenti vlerëson arritjet e Prokurorisë së Posaçme, SPAK, sipas Preçit, “për BE-në ka rëndësi parandalimi i korrupsionit, që nga ana e tij lidhet ngushtësisht me vullnetin politik të qeverisë dhe veprimtarinë e agjencive të tjera shtetërore, shumica në vartësi të saj”.
    Preçi mendon se qeveria përdor një fasadë ndaj procesit të integrimit me strategjitë dhe nismat ligjore të miratuara, pa pasur ndërkohë mjetet financiare, kapacitetet njerëzore dhe ndonjëherë as vullnetin politik për t’i zbatuar ato. “Nga një këndvështrim i ngjashëm, dokumenti ndalet në strategjinë anti-korrupsion të qeverisë, duke vënë theksin në nevojën për një zbatim efektiv me fokus në rezultate, në mekanizmat e fortë të monitorimit dhe në koordinimi institucional për suksesin e kësaj reforme”, shton ai. Preçi beson se raporti zyrtar i Komisionit Evropian që pritet të vijë dhe zyrtarisht në fillim të korrikut do të shërbejë për programin politiko-qeverisës të mazhorancës pas marrjes së mandatit të ri. Natyrisht, shton ai, “nëse do të ketë vullnet politik të mjaftueshëm për të ndërmarrë hapa qeverisës në dobi të një Shqipërie të jetueshme”.
    Tabaku: Raportet e BE tregojnë se Shqipëria ka bërë hapa pas në prokurime, gjyqësor dhe media
    Nga ana tjetër, për deputeten Jorida Tabaku është me rëndësi që qeveria të tregohet serioze në angazhimet që lidhen me anti-korrupsionin, duke u ndalur tek analiza që dokumentet e hartuara në Bruksel i bëjnë ligjeve që lidhen me prokurimet publike. “Aty ku ka korrupsion më të lartë dhe ndonjëherë korrupsioni bëhet dhe me ligje në procedurat që ndiqen e që lejojnë shkeljen e Marrëveshjes së Stabilizim-Asocimit, si në rastin e Aeroportit të Vlorës, Porti i Durrësit”, thotë ajo. Tabaku quan gjithashtu me rëndësi në ecurinë e procesit të negociatave plotësimin e kritereve në në grupin e kapitujve që lidhen me gjyqësorin dhe problemet që ka reforma në drejtësi. “Ka ardhur koha të bëjmë një analizë pas 8 vitesh, a i arriti qëllimet fillestare, a ka më pak influencë politike në sistem, a u shkurtua numri i dosjeve”, thotë ajo, duke sugjeruar se raporti ngre alarmin për këto kapituj që lidhen me drejtësinë.
    Në këtë kontekst, Tabaku thekson se media dhe zgjedhjet janë çështje të cilat sipas raporteve që vijnë nga institucionet e BE-së tregojnë se kanë mungesë të qenësishme rezultatesh dhe janë fusha ku vendi ka bërë hapa pas. Për Tabakun, plotësimi i objektivave që lidhen me kapitujt themelorë është vendimtar për ecurinë në procesin e negociatave. Në fund të vitit që shkoi qeveria shqiptare u mbajt tryeza e dytë ndërqeveritare me BE-në ku u hapën 5 kapitujt themelorë për të cilët kërkohet çelja e negociatave. Angazhimet e qeverisë shqiptare lidhen me; 1) Funksioni i Institucioneve Demokratike; 2) Reforma në Administratën Publike, 3) Kapitulli 23, Gjyqësori dhe të Drejtat Themelore; 4) Kapitulli 24, Drejtësia, Liria dhe Siguria dhe 5) Kapitulli 5, Prokurimet Publike.

  • Draft-raportet nga Brukseli ekspozojnë ‘fasadën e Ramës’ ndaj integrimit

    Draft-raportet nga Brukseli ekspozojnë ‘fasadën e Ramës’ ndaj integrimit

    Përmes dy dokumenteve jozyrtare dërguar qeverisë shqiptare, Komisioni Evropian skanon një gjendje shqetësuese mbi sundimin e ligjit, funksionimin e institucioneve, luftën antikorrupsion dhe situatën e medias në Shqipëri në kohën kur janë hapur grup-kapitujt themelorë në negociatat për anëtarësim.
    Edhe pse janë ende dokumente pune jozyrtare, raportet shprehin shqetësim për një sulm të mundshëm të mazhorancës mbi institucionet e reja të drejtësisë, për moszbatimin e vendimeve të Gjykatës Kushtetuese apo për shkeljen e parimeve të BE-së në negociimin e drejtpërdrejtë të tenderave publikë.
    Shqetësimet e Brukselit lexohen nga përfaqësues të opozitës dhe ekspertë të integrimit si një tërheqje vëmendjeje ndaj qeverisë së kryeministrit Edi Rama dhe Kuvendit për një angazhim real ndaj procesit të integrimit.
    Kryetarja e Komisionit për Çështjet Evropianë në parlament, Jorida Tabaku, i tha BIRN-it se të dy dokumentet që i janë dërguar qeverisë shqiptare për ‘Themeloret” tregojnë se sa pas është Shqipëria për të arritur kriteret dhe objektivat për grupkapitullin e parë.
    Ky draft-raport ngre shqetësime për 3 elementë kryesorë, ku Tabaku veçon atë që lidhet me rolin e Kuvendit dhe detyrat e tij.
    “Kuvendi është institucioni që ka më shumë detyra për të kryer, por nga ana tjetër është institucioni që i ka shkelur të gjitha standardet që duhet të ketë një parlament normal, që nga procesi legjislativ, konsultimi i nismave të deputetëve që janë kthyer në një problem për procesin, duke anashkaluar procedurën ligjore normale, tek zgjedhja e krerëve të isntitucioneve të pavarua, zbatimi i vendimeve të Gjykatës Kushtetuese dhe duke kulmuar me komisionin e posaçëm ‘Xhafaj’, thotë Tabaku.
    Sipas Tabakut, ky komision suprimon punën e komisionit për çështjet evropiane, mbivendoset mbi punën e komisioneve të tjera parlamentare dhe merr përgjegjësi që nuk i takojnë.
    Draft raporti i KE-së vlerësohet si një dokument realist që evidencon qartë problematikat serioze të lidhura me kapitujt themelorë edhe nga Zef Preçi, drejtor ekzekutiv i Institutit për Studime Ekonomike.
    “Në vlerësimin tim, e përbashkëta e kësaj analize pune është vënia e theksit në nevojën për konsolidimin e arritjeve të shënuara duke u parë këtë të lidhur ngushtë si me vazhdimin e luftës kundër korrupsionit dhe krimit te organizuar, pasi fjala ‘korrupsion’ përsëritet 31 herë e ndjekur nga fjala ‘Parlament’ me 20 herë,” tha Preçi, duke përmendur gjithashtu probleme të tjera të lidhura me shtetin e së drejtës, menaxhimin e emigracionit apo lirinë e medias.
    Pavarësisht se dokumenti vlerëson arritjet e Prokurorisë së Posaçme, SPAK , sipas Preçit, “për BE-në ka rëndësi parandalimi i korrupsionit, që nga ana e tij lidhet ngushtësisht me vullnetin politik të qeverisë dhe veprimtarinë e agjencive të tjera shtetërore, shumica në vartësi të saj”.
    Preçi mendon se qeveria përdor një fasadë ndaj procesit të integrimit me strategjitë dhe nismat ligjore të miratura, pa pasur ndërkohë mjetet financiare, kapacitetet njerëzore dhe ndonjëherë as vullnetin politik për t’i zbatuar ato.
    “Nga një këndvështrim i ngjashëm, dokumenti ndalet në strategjinë anti-korrupsion të qeverisë, duke vënë theksin në nevojën për një zbatim efektiv me fokus në rezultate, në mekanizmat e fortë të monitorimit dhe në koordinimi institucional për suksesin e kësaj reforme,” shton ai.
    Preçi beson se raporti zyrtar i Komisionit Evropian që pritet të vijë dhe zyrtarisht në fillim të korrikut do të shërbejë për programin politiko-qeverisës të maxhorancës pas marrjes së mandatit të ri. Natyrisht, shton ai, “nëse do të ketë vullnet politik të mjaftueshëm për të ndërmarrë hapa qeverisës në dobi të një Shqipërie të jetueshme”.
    Për deputeten Jorida Tabaku është me rëndësi që qeveria të tregohet serioze në angazhimet që lidhen me anti-korrupsionin, duke u ndalur tek analiza që dokumentet e hartuara në Bruksel i bëjnë ligjeve që lidhen me prokurimet publike.
    “Aty ku ka korrupsion më të lartë dhe ndonjëherë korrupsioni bëhet dhe me ligje në procedurat që ndiqen e që lejojnë shkeljen e Marrëveshjes së Stabilizim-Asocimit, si në rastin e Aeropotit të Vlorës, Porti i Durrësit,” thotë ajo.
    Tabaku quan gjithashtu me rëndësi në ecurinë e procesit të negociatave plotësimin e kritereve në në grupin e kapitujve që lidhen me gjyqësorin dhe problemet që ka reforma në drejtësi.
    “Ka ardhur koha të bëjmë një analizë pas 8 vitesh, a i arriti qëllimet fillestare, a ka më pak influencë politike në sistem, a u shkurtua numri i dosjeve”- thotë ajo, duke sugjeruar se raporti ngre alarmin për këto kapituj që lidhen me drejtësinë.
    Në këtë kontekst, Tabaku thekson se media dhe zgjedhjet janë çështje të cilat sipas raporteve që vijnë nga institucionet e BE-së tregojnë se kanë mungesë të qënësishme rezultatesh dhe janë fusha ku vendi ka bërë hapa pas.
    Për Tabakun, plotësimi i objektivave që lidhen me kapitujt themelorë është vendimtar për ecurinë në procesin e negociatave.
    Në fund të vitit që shkoi qeveria shqiptare u mbajt tryeza e dytë ndërqeveritare me BE-në ku u hapën 5 kapitujt themelorë për të cilët kërkohet çelja e negociatave.
    Angazhimet e qeverisë shqiptare lidhen me; 1) Funksioni i Institucioneve Demokratike; 2) Reforma në Administratën Publike, 3) Kapitulli 23, Gjyqësori dhe të Drejtat Themelore; 4) Kapitulli 24, Drejtësia, Liria dhe Siguria dhe 5) Kapitulli 5, Prokurimet Publike./BIRN

  • Bashkëpunimi me SPAK, kryeprokurori Çela: Gjatë 2024, i kemi kaluar për kompetencë 61 procedime që lidhen me korrupsionin dhe krimin e organizuar

    Bashkëpunimi me SPAK, kryeprokurori Çela: Gjatë 2024, i kemi kaluar për kompetencë 61 procedime që lidhen me korrupsionin dhe krimin e organizuar

    Duke raportuar në Këshillin e Lartë të Prokurorisë, Çela tha se gjatë vitit që kaloi drejt kësaj prokurorie u transferuan për kompetencë 61 referime/procedime penale që lidhen me korrupsionin dhe krimin e organizuar
    “Bashkëpunimi e koordinimi ndërmjet prokurorive të juridiksionit të përgjithshëm dhe Prokurorisë së Posaçme përgjatë vitit 2024 ka vijuar në zbatim të ligjit dhe Aktit të Koordinimit Ndërinstitucional, (datë 15.12.2020), ndërmjet Prokurorisë së Përgjithshme dhe Prokurorisë së Posaçme, në kuadër të veprimtarisë procedurale në nivel vendor. Gjatë vitit që kaloi drejt kësaj prokurorie u transferuan për kompetencë 61 referime/procedime penale që lidhen me korrupsionin dhe krimin e organizuar. Duhet theksuar se në tërësi niveli i bashkëpunimit ndërinstitucional me Prokurorinë e Posaçme ka qenë dhe vijon të mbetet shumë i mirë në të gjitha nivelet”, tha Çela.