Lajmidites.com

Tag: Lezhë

  • Ministria e Mbrojtjes paralajmëron qyetarët, reshje të dendura dhe rrezik përmbytjesh të hënën dhe të martën

    Ministria e Mbrojtjes paralajmëron qyetarët, reshje të dendura dhe rrezik përmbytjesh të hënën dhe të martën

    Instituti i Gjeoshkencave paralajmëron se gjatë datave 17-18 Nëntor 2025 vendi do të përfshihet nga reshje të dendura shiu, duke rritur rrezikun për përmbytje në disa zona.

    Sipas IGJEUM, sot dhe nesër priten reshje intensive deri shumë intensive në qarqet Shkodër, Kukës, Vlorë dhe Gjirokastër, ndërsa reshje intensive do të ketë në Lezhë dhe mesatare deri intensive në Dibër, Durrës dhe Tiranë.
    Shtrëngatat mund të sjellin vërshime të shpejta, rrëshqitje dherash dhe përmbytje urbane të lokalizuara. Prurjet në lumenjtë kryesorë, përfshirë Drin-Buna, Mat, Ishëm, Erzen, Shkumbin dhe Vjosë, pritet të rriten ndjeshëm.
    Ministria e Mbrojtjes dhe Agjencia Kombëtare e Mbrojtjes Civile u kanë kërkuar bashkive të marrin masa urgjente, përfshirë njoftimin e popullsisë dhe bizneseve të rrezikuara, pastrimin e kanalizimeve, vënien në gatishmëri të hidrovorëve dhe monitorimin e niveleve të ujit, si dhe evakuime preventive në rast nevoje.
    Autoritetet apelojnë qytetarët të shmangin lëvizjet në zonat me rrezik dhe të ndjekin udhëzimet zyrtare. Ministria e Mbrojtjes dhe AKMC theksojnë se mbeten në gatishmëri të plotë për çdo situatë emergjente.

    Top Channel

  • Alarmi për motin e keq në vend, reagojnë Emergjencat Civile: Ja qarqet që kanë më shumë rrezik

    Alarmi për motin e keq në vend, reagojnë Emergjencat Civile: Ja qarqet që kanë më shumë rrezik

    Instituti i Gjeoshkencave ka paralajmëruar se ditët 17–18 nëntor 2025 do të shoqërohen me reshje të dendura shiu në pjesën më të madhe të vendit, me rrezik të shtuar për përmbytje dhe probleme në zonat urbane.

    Sipas parashikimit, Shkodra, Kukësi, Vlora dhe Gjirokastra do të përballen me reshje intensive deri shumë intensive, ndërsa në Lezhë priten reshje intensive. Intensitet mesatar deri në intensiv është parashikuar për qarqet Dibër, Durrës dhe Tiranë.

    Shtrëngatat e shpeshta mund të shkaktojnë vërshime të menjëhershme, rrëshqitje dherash si dhe përmbytje të lokalizuara në zonat urbane.

    IGJEUM njofton se prurjet në lumenjtë kryesorë,  Drin-Buna, Mat, Ishëm, Erzen, Shkumbin dhe Vjosë — pritet të rriten ndjeshëm në ditët e ardhshme.

    Ndërkohë, Ministria e Mbrojtjes dhe Agjencia Kombëtare e Mbrojtjes Civile u kanë kërkuar bashkive të marrin masa të menjëhershme parandaluese, duke përfshirë:

    1. njoftimin e komuniteteve dhe bizneseve të ekspozuara ndaj rrezikut;
    2. kontrollin dhe pastrimin e kanalizimeve dhe pusetave,
    3. vënien në gatishmëri të hidrovoreve dhe sistemeve të ujësjellës-kanalizimeve;
    4. monitorim të vazhdueshëm të niveleve të ujit dhe, nëse kërkohet, evakuim preventiv.

    Autoritetet u bëjnë apel qytetarëve të tregojnë kujdes maksimal, të shmangin lëvizjet në zonat e rrezikuara dhe të ndjekin udhëzimet zyrtare.

    Ministria e Mbrojtjes dhe AKMC theksojnë se mbeten në gatishmëri të plotë për t’i ardhur në ndihmë qytetarëve në çdo moment.

  • Takimi koordinues/ Balluku, Vengu dhe Salla kërkojnë gatishmëri nga pushteti vendor

    Takimi koordinues/ Balluku, Vengu dhe Salla kërkojnë gatishmëri nga pushteti vendor

    Zëvendëskryeministrja Belinda Balluku ka zhvilluar një takim koordinues me kryetarët e bashkive dhe prefektët për masat që do të merren për situatën me motin e keq që pritet të godasë vendin në vijim.
    Të pranishëm janë edhe ministri i Bujqësisë Andis Salla dhe ai i Mbrojtjes Pirro Vengu.
    Vengu tha se pas mbledhjes do të shkojë në veri të vendit për të koordinuar punën.
    “Menjëherë pas kësaj mbledhjeje duhet të vini në dispozicion mjetet dhe ekskavatorët me krahë të gjatë brenda ditës së sotme, po ashtu edhe mjetet e kalimit të lartë.
    Do të jem vetë në Shkodër pasdite dhe do të vendosim në një mbledhje elementët parandalues.
    E kemi vëmendjen në fshatrat e Novoselës pasi nuk janë bërë ndërhyrje, duhet të koordinohemi.
    Duhet të qëndroni në gatishmëri me qëllim komunikimin edhe në orët e vona”.
    Ministri i Bujqësisë Salla tha se ai do të jetë në zonën e jugut me qëllim koordinimin e punës dhe deklaroi se mjetet e punës janë në gatishmëri.
    “Ministria e bujqësisë është në gatishmëri në zonat e veriut dhe jugut sidomos në Vjosë. Do të jemi sot në Fier ku do të zhvillojmë mbledhje. Kemi në dispozicion 10 mjete me krahë të gjatë”.
    I pranishëm në mbledhje Çako kërkoi gatishmëri dhe koordinim nga pushteti vendor.
    “Reshjet do të përfshijnë të gjithë territorin prandaj kërkohet angazhimi i të gjitha bashkive, kemi komunikuar me bashkitë Lezhë, Pukë, Shkodër, Vau i Dejës dhe duhet të kenë gatishmëri të plotë për koordinimimin institucional. Të marrin masa për njoftimin e popullatës, FA, Policia, ajrrfikësit janë në gatishmëri të plotë.
    Kjo nuk është as situata e parë dhe as e fundit”, tha Çako.
    Zv.kryeministrja Belinda Balluku tha se parapërgatitja ka shumë rëndësi edhe në informimin e popullatës dhe kërkoi nga pushteti vendor marrjen e masave pasi situata e reshjeve do të zgjasë 48 orë.
    “Parapërgatitja është gjysma e punës, kjo na bën të mendojmë se do të kemi pak dëme dhe popullata do të jetë e informuar. Vazhdoni dhe kërkojuni njerëzve të marrin masa pas situata është dinamike. Ngrini vëmendjen e popullatës dhe bashkërendoni situatën ne do të përdorim dhe pamjet satelitore.
    Në çdo bashki do të kemi një shtab të përbashkët. Reshjet do të jenë intensive për 48 orë dhe kjo e bën të rrezikshme situatën me prurjet e lumenjve në Jug dhe Veri. Do të mbetemi në kontakt ministri i Mbrojtjes do të jetë në Veri ai i bujqësisë në zonat qendrore dhe Jugore.
    Duhet të merren masa në fushën e Elbasanit dhe Rrogozhinës dhe në të gjitha zonat përreth”, tha Balluku.

  • Moti i keq, Lezha në gatishmëri për çdo situatë! Rrezik përmbytjesh në disa zona

    Moti i keq, Lezha në gatishmëri për çdo situatë! Rrezik përmbytjesh në disa zona

    Kronikë E Hënë, 17 Nëntor 2025 12:55
    Moti i keq me reshje të dendura shiu dhe erë të fortë pritet të përfshijë edhe Qarkun e Lezhës, duke nisur nga mesnata e së hënës.
    Sipas parashikimeve meteorologjike, situata mund të sjellë probleme në disa zona të ulëta, ndaj strukturat e Mbrojtjes Civile në të tre bashkitë e qarkut janë vënë në gatishmëri të plotë.

    Strukturat po monitorojnë veçanërisht funksionimin e hidrovoreve, si dhe furnizimin me energji elektrike të popullatës, ndërsa ekipet në terren janë gati të ndërhyjnë në rast nevoje.

    “Jemi njoftuar se qarku jonë do të përfshihet me reshje të dendura shiu, shoqëruar me erëra të forta. Të shtatë hidrovoret në të gjithë qarkun janë në gatishmëri të plotë. Jemi në gatishmëri të plotë non stop. Kemi edhe një numër kontakti për çdo gjë apo nëse kemi ndonjë përkeqësim të situatës”, tha Nikoll Tushi, përgjegjës i Mbrojtjes Civile.

    Zonat më të rrezikuara nga përmbytjet mbeten Zadrima dhe Bregu i Matës në Bashkinë Lezhë, si dhe Fushë-Kuqja në Bashkinë Kurbin. Autoritetet u bëjnë apel qytetarëve të tregojnë kujdes dhe të ndjekin njoftimet zyrtare për situatën që mund të krijohet.

  • Alarm kombëtar për reshjet deri më 22 nëntor! Mobilizim sidomos në Fier, Lezhë e Shkodër

    Alarm kombëtar për reshjet deri më 22 nëntor! Mobilizim sidomos në Fier, Lezhë e Shkodër

    Zëvendëskryeministrja, njëherësh Ministre e Infrastrukturës dhe Energjisë, Belinda Balluku mbajti një takim koordinues sot, 17 nëntor, në Agjencinë Kombëtare të Mbrojtjes Civile, në kuadër të masave për përballimin e situatës që pritet të krijohet nga moti i keq.

    Haki Çako, kreu i Emergjencave Civile, tha se deri në datën 22 nëntor është parashikuar mot i keq në vend.

    “Pjesa veriore kryesisht, ose e baseneve të Komanit dhe Vaut të Dejës do të kenë intensitet reshjesh mesatare dhe të larta, që do të ndikojë në pjesën e poshtme të Shkodrës dhe Lezhës, ku derdhen lumenjtë kryesorë”, deklaroi ai.

    Tha se “sot të gjitha bashkitë dhe prefekturat në nivel kombëtar janë mobilizuar totalisht”.

    “Data 18 mund të ketë intensitet të shtuar dhe reshjet të jenë të pranishme në të gjithë territorin”, nënvizoi Çako.

    Ndërsa ministri i Mbrojtjes, Pirro Vengu tha se “është bërë një shpërndarje e mjeteve që ndihmojnë bashkitë përmes bordeve të kullimit, qoftë për krijimin e pritave që ujërat të jenë sa më të kontrolluara”.

    “Kam kërkuar edhe nga Shtabi i Përgjithshëm i Forcave të Armatosura, të dislokohen që sot në terren, veçanërisht në Vaun e Dejës“, shtoi ai.

    “Nuk do lëmë asnjë bashki vetëm kundrejt këtij rreziku”, theksoi Vengu.

    “20 specialistë janë ndarë në grupe dhe janë kryer të gjitha shërbimet e mirëmbajtjes. 80 teknikë do të mbajnë nën kontroll të gjithë rrjetin kullues, 80 eskavatorë në Lezhë e Shkodër që do jenë në gatishmëri për ndërhyrjet e vazhdueshme. Edhe në Fier janë vënë 16 eskavatorë”, tha Ministri i Bujqësisë, Andis Salla.

  • Mirditë/ Do kryenin gjueti të paligjshme, procedohen penalisht tre persona

    Mirditë/ Do kryenin gjueti të paligjshme, procedohen penalisht tre persona

    Policia e Mirditës ka nisur hetimet për tre persona nga Shkodra pasi u kapën në flagrancë gjatë natës, në fshatin Arrëz, me armë gjahu dhe qen gjahu.
    Dyshohet se ata do të kryenin  gjueti të paligjshme në këtë zonë.
    Blutë sekuestruan në cilësinë e provës materiale, 3 armë gjahu që këta shtetas i kishin me leje, fishekë dhe një automjet.
    “Shërbimet e Komisariatit të Policisë Mirditë, bazuar në planin e masave të hartuar nga Drejtoria Vendore e Policisë Lezhë, për parandalimin dhe goditjen e rasteve të gjuetisë së paligjshme, kanë kryer kontrolle në zona të ndryshme.
    Gjatë kontrolleve, në fshatin Arrëz, janë kapur në flagrancë 3 shtetas që tentonin të kryenin gjueti të paligjshme. Në vendin ku u kapën këta shtetas, u konstatuan 4 qen gjahu, 3 armë gjahu, fishekë për to dhe 1 automjet.
    Në përfundim të veprimeve për këtë rast, specialistët për Hetimin e Krimeve të Komisariatit të Policisë Mirditë referuan materialet në Prokurori, ku filloi procedimi penal për shtetasit:
    Ç. L., 46 vjeç, A. P., 45 vjeç dhe B. P., 41 vjeç, të tre banues në Shkodër”, njoftoi sot policia.
    Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

  • Merrni masat/ Reshje intensive dhe shtrëngata, ja cilat janë qarqet më të rrezikuara këtë javë

    Merrni masat/ Reshje intensive dhe shtrëngata, ja cilat janë qarqet më të rrezikuara këtë javë

    Sipas informacionit të përditësuar nga Instituti i Gjeoshkencave (IGJEO) dhe Shërbimi Meteorologjik Ushtarak (SHMU), ditën e hënë, 17 nëntor 2025, priten reshje mesatare deri lokalisht intensive në qarqet Shkodër, Lezhë dhe Vlorë.
    Në qarqet Kukës, Dibër, Durrës, Tiranë dhe Gjirokastër reshjet do të jenë të dobëta deri mesatare, të shoqëruara me shtrëngata. Në qarqet e tjera parashikohen reshje të dobëta. Intensiteti pritet të rritet në orët e pasdites.
    Ditën e martë, 18 nëntor 2025, parashikohen reshje të shtuara në të gjithë territorin e vendit:
    Qarqet Shkodër, Kukës, Vlorë dhe Gjirokastër do të përfshihen nga reshje intensive deri lokalisht shumë intensive.Në Lezhë priten reshje intensive.Në qarqet Dibër, Durrës dhe Tiranë reshjet do të jenë mesatare deri lokalisht intensive.Në qarqet e tjerë priten reshje të dobëta deri mesatare.Reshjet do të shoqërohen me shtrëngata në të gjithë vendin.
    Agjencia Kombëtare e Mbrojtjes Civile është e angazhuar në monitorimin, koordinimin e masave parandaluese dhe reagimin në kohë në rast të përshkallëzimit të situatës

  • Moti këtë javë/ Priten shtrëngata shiu, Ministria e Mbrojtjes kërkon të merren masat

    Moti këtë javë/ Priten shtrëngata shiu, Ministria e Mbrojtjes kërkon të merren masat

    E gijthë java në vijim pritet të sjellë mot ekstrem me reshje të dendura shiu, duke shtuar rrezikun për problematika në zonat e banuara.
    Ministria e Mbrojtjes, përmes një njoftimi për mediat, bën thirrje për marrjen e masave për përballimin e situatës. Qarqet më të rrezikuara janë Shkodra, Lezha dhe Vlora.
    NJOFTIM PËR SHTYP
    MINISTRIA E MBROJTJES / AGJENCIA KOMBËTARE E MBROJTJES CIVILE
    Sipas informacionit të përditësuar nga Instituti i Gjeoshkencave (IGJEO) dhe Shërbimi Meteorologjik Ushtarak (SHMU), gjatë javës priten reshje me intensitet të lartë në të gjitha qarqet e vendit, të shoqëruara me shtrëngata dhe në zona të caktuara me reshje dëbore.
    Ditën e Hënë, 17 Nëntor 2025, priten reshje mesatare deri lokalisht intensive në qarqet Shkodër, Lezhë dhe Vlorë.
    Në qarqet Kukës, Dibër, Durrës, Tiranë dhe Gjirokastër reshjet do të jenë të dobëta deri mesatare, të shoqëruara me shtrëngata. Në qarqet e tjera parashikohen reshje të dobëta.
    Intensiteti pritet të rritet në orët e pasdites.
    Ditën e Martë, 18 Nëntor 2025, reshjet do të shtohen në të gjithë territorin:
    * Qarqet Shkodër, Kukës, Vlorë dhe Gjirokastër do të përfshihen nga reshje intensive derilokalisht shumë intensive.
    * Në Lezhë priten reshje intensive.
    * Në qarqet Dibër, Durrës dhe Tiranë reshjet do të jenë mesatare deri lokalisht intensive.
    * Në qarqet e tjerë priten reshje të dobëta deri mesatare.
    Reshjet do të shoqërohen me shtrëngata në të gjithë vendin.
    Ditën e Mërkurë, 19 Nëntor 2025, parashikohen reshje me intensitet të lartë në të gjithë vendin.
    Në qarqet Shkodër, Kukës, Vlorë dhe Gjirokastër priten reshje intensive deri lokalisht shumë intensive, ndërsa në qarqet e tjerë reshje mesatare deri intensive, të shoqëruara me shtrëngata.
    Ditën e Enjte, 20 Nëntor 2025, pritet ulje e intensitetit të reshjeve.
    Në qarqet Shkodër, Vlorë dhe Gjirokastër reshjet do të jenë të dobëta deri mesatare, ndërsa në qarqet e tjerë të dobëta.
    Reshje dëbore dhe ngrica
    Në zonat mbi 400 m lartësi në Veri, Lindje dhe Juglindje, reshjet do të jenë në formë dëbore, duke krijuar mundësi për ngrica dhe vështirësi në qarkullimin rrugor.
    Sipas parashikimeve të fundit hidrometeorologjike, në basenin e lumit Drin reshjet e pritshme arrijnë deri në:
    * Fierzë: 150–200 mm* Koman – Vau i Dejës: deri në 300 mm
    Ministria e Mbrojtjes, përmes Agjencisë Kombëtare të Mbrojtjes Civile, u kërkon të gjitha strukturave vendore dhe qendrore:
    ? Të marrin masa parandaluese për shmangien e përmbytjeve? Të jenë në gatishmëri të plotë për reagim të menjëhershëm? Të sigurojnë koordinim të ngushtë ndërinstitucional për menaxhimin e situataveemergjente
    Agjencia Kombëtare e Mbrojtjes Civile ka kërkuar rritjen e gatishmërisë së bashkive në nivelin maksimal, në përputhje me parashikimet e motit dhe rrezikun e shtuar të përmbytjeve dhe rrëshqitjeve të dherave.
    Strukturat e emergjencave civile do të përditësojnë publikun vazhdimisht mbi situatën në terren dhe mbi çdo zhvillim të ri që lidhet me motin dhe nivelin e riskut.
    Ftojmë qytetarët e zonave të prekura të tregojnë kujdes të shtuar gjatë kësaj periudhe me reshje intensive.

  • Si do jetë moti sot e në vijim? Ministria e Mbrojtjes: Reshje intensive në disa qarqe

    Si do jetë moti sot e në vijim? Ministria e Mbrojtjes: Reshje intensive në disa qarqe

    Ministria e Mbrojtjes njofton qytetarët sot më 17 nëntor për reshjet që priten në vend gjatë dy ditëve të ardhshme, duke apeluar për kujdes dhe vëmendje të shtuar, veçanërisht në qarqet më të prekura.

    Sipas informacionit të përditësuar nga Instituti i Gjeoshkencave (IGJEO) dhe Shërbimi Meteorologjik Ushtarak (SHMU), sot, ditë e hënë, 17 nëntor 2025, priten reshje mesatare deri lokalisht intensive në qarqet Shkodër, Lezhë dhe Vlorë.

    Në qarqet Kukës, Dibër, Durrës, Tiranë dhe Gjirokastër reshjet do të jenë të dobëta deri mesatare, të shoqëruara me shtrëngata, ndërsa në qarqet e tjera parashikohen reshje të dobëta. Intensiteti pritet të rritet në orët e pasdites.

    Ministria e Mbrojtjes bën me dije se “Agjencia Kombëtare e Mbrojtjes Civile është e angazhuar në monitorimin, koordinimin e masave parandaluese dhe reagimin në kohë në rast të përshkallëzimit të situatës”.

    Për ditën e martë, 18 nëntor 2025, parashikohen reshje të shtuara në të gjithë territorin e vendit: Shkodër, Kukës, Vlorë dhe Gjirokastër do të përfshihen nga reshje intensive deri lokalisht shumë intensive.

    Në Lezhë priten reshje intensive. Në Dibër, Durrës dhe Tiranë reshjet do të jenë mesatare deri lokalisht intensive.

    Në qarqet e tjera priten reshje të dobëta deri mesatare.

    Reshjet do të shoqërohen me shtrëngata në të gjithë vendin, duke rritur nevojën për kujdes në rrugë, zona të ulëta dhe përgjatë lumenjve.

    Ministria e Mbrojtjes apelon për kujdes maksimal nga qytetarët, për shkak të reshjeve intensive.

  • Saranda pritet të përfshihet nga reshje të dendura dhe stuhi nga mbrëmja e sotme deri të enjten

    Saranda pritet të përfshihet nga reshje të dendura dhe stuhi nga mbrëmja e sotme deri të enjten

    Saranda pritet të përfshihet nga reshje të dendura dhe stuhi nga mbrëmja e sotme deri të enjten
     
    Saranda pritet të përfshihet nga një situatë e paqëndrueshme atmosferike duke nisur nga mbrëmja e sotme, me reshje të dendura shiu, stuhi të forta dhe shkarkesa të shpeshta elektrike. Sipas të dhënave më të fundit të Institutit të Gjeoshkencave (IGJEO) dhe Shërbimit Meteorologjik Ushtarak (SHMU), moti i rënduar do të zgjasë deri në orët e para të së enjtes.
     

     
    Për ditën e sotme, 17 nëntor, IGJEO dhe SHMU parashikojnë reshje mesatare deri lokalisht intensive në qarqet Shkodër, Lezhë dhe Vlorë – një zhvillim që prek edhe Sarandën si pjesë e këtij rajoni. Në Sarandë reshjet do të nisin mbrëmjen, duke u shndërruar për momente në rrebeshe të fuqishme, të shoqëruara me stuhi dhe vetëtima.
    Në qarqet Kukës, Dibër, Durrës, Tiranë dhe Gjirokastër, reshjet do të jenë të dobëta deri mesatare, ndërsa në pjesën tjetër të vendit parashikohen reshje të dobëta, me intensifikim në orët e pasdites.
     
    E marta do të sjellë një përkeqësim të mëtejshëm të motit. Reshjet do të përfshijnë të gjithë territorin shqiptar, me intensitet më të lartë në disa zona:
    Shkodër, Kukës, Vlorë dhe Gjirokastër: reshje intensive deri shumë intensive
    Lezhë: reshje intensive
    Dibër, Durrës dhe Tiranë: reshje mesatare deri lokalisht intensive
    Qarqet e tjera: reshje të dobëta deri mesatare
    Gjithë vendi do të jetë nën ndikimin e shtrëngatave, ndërsa në Sarandë pritet një rritje e ndjeshme e intensitetit të reshjeve në orët e pasdites dhe mbrëmjes.
     
    REKOMANDIME PËR BANORËT E SARANDËS
     
    Shmangni lëvizjet e panevojshme gjatë periudhave të stuhive.
    Kujdes në zonat pranë kanalizimeve, ku mund të ketë prurje të larta uji.
    Parkoni automjetet larg pemëve dhe objekteve të paqëndrueshme.
    Ndiqni njoftimet zyrtare dhe përditësimet e Saranda Web për situatën në kohë reale.
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb