Lajmidites.com

Tag: lëvizje

  • ‘Ecja e fermerit’, ushtrimi që e bën çdo ditë, ja çfarë përfitimi sjell për organizmin

    ‘Ecja e fermerit’, ushtrimi që e bën çdo ditë, ja çfarë përfitimi sjell për organizmin

    Ecja e fermerit është një ushtrim që përfshin një lëvizje të zakonshme që bëjmë çdo ditë, pa e menduar asnjëherë si një stërvitje. Ajo përfshin mbajtjen e peshave të rënda në të dyja duar dhe ecjen për një distancë të caktuar. Kjo lëvizje është frymëzuar nga puna e fermerëve, të cilët shpesh duhet të mbajnë sende të rënda ndërsa ecin përreth fermës. Sot, kjo është një nga ushtrimet më të popullarizuara në palestra dhe njihet si një nga mënyrat më të mira për të ndërtuar forcë dhe qëndrueshmëri.

    Pse është quajtur ‘mbretëresha e forcës funksionale’? Trajneri amerikan Dan John, me mbi 30 vite përvojë, ka thënë se ecja e fermerit është ushtrimi më i mirë që ka provuar ndonjëherë, duke e cilësuar atë të thjeshtë, por shumë efikas. Fizioterapisti i njohur, Stuart McGill, gjithashtu e quan këtë ushtrim një ‘dërrasë që ecën’, pasi aktivizon të gjithë trupin dhe veçanërisht shtyllën kurrizore.

    Ecja e fermerit është një ushtrim që aktivizon shumë muskuj në të njëjtën kohë. Sipas mjekes sportive Julieta Coronado, përfshihen muskujt e sipërm të trupit si shpatullat, krahët dhe duar, muskujt thelbësorë dhe muskujt e poshtëm, si vithet, këmbët dhe shputat. Kjo lëvizje funksionale është e natyrshme dhe ndihmon trupin të forcohet në mënyrë të ekuilibruar.

    Për ta realizuar këtë ushtrim, duhet të zgjidhni dy pesha të barabarta që janë sfiduese, por që mund të menaxhohen. Qëndrimi duhet të jetë sa gjerësia e shpatullave, me shpatullat të tërhequra mbrapa. Ecja duhet të jetë e qetë, pa lëkundje, me trupin drejt dhe shikimin përpara. Filloni me 30 deri në 60 sekonda dhe mund ta rritni kohëzgjatjen me kalimin e kohës.

    Përfitimet për trupin janë të shumta. Një studim i botuar në World Journal of Cardiology ka treguar se ecja e fermerit përmirëson kapacitetin aerobik dhe ndihmon në forcimin e muskujve të barkut dhe shpinës.

    Ajo gjithashtu përmirëson qëndrimin, balancën dhe ndihmon në rikuperimin e shpatullave dhe ijeve. Për më tepër, ky ushtrim zvogëlon rrezikun e dëmtimeve në jetën e përditshme.

    Megjithatë, duhet të shmangni disa gabime të zakonshme. Mos u përkulni përpara apo anash, mos ngrini shpatullat gjatë ecjes, dhe mos ecni shumë shpejt pa kontroll. Është e rëndësishme të mbani një kapje të fortë dhe të qëndrueshme gjatë gjithë kohës.

    Ecja e fermerit është një ushtrim i thjeshtë dhe shumë efektiv. Nuk kërkon pajisje të sofistikuara, as shumë hapësirë, vetëm dy pesha dhe pak vullnet. Ky ushtrim mund të jetë ai që ju nevojitet për t’u ndjerë më të fortë, më të qëndrueshëm dhe më energjikë në jetën tuaj të përditshme. Syri.net-iefimerida

     

  • Serbi/ Kundërshtarët dhe mbështetësit e Vuçiçit protestojnë nëpër qytete të ndryshme

    Serbi/ Kundërshtarët dhe mbështetësit e Vuçiçit protestojnë nëpër qytete të ndryshme

    Kundërshtarët dhe mbështetësit e presidentit të Serbisë, Aleksandar Vuçiç, u mblodhën në vende të ndryshme më 12 prill për të protestuar, në një kohë kur tensionet janë të larta, pas muajsh protestash të organizuara nga studentët kundër Qeverisë së udhëhequr nga Vuçiçi.

    Vetë Vuçiçi i mblodhi mbështetësit në Beograd, duke njoftuar se do ta formojë një lëvizje të re politike përballë valës në rritje të protestave që filluan në nëntor, pas shembjes së strehës në stacionin e trenit si pasojë e të cilës humbën jetën 16 njerëz në Novi Sad.

    Protestuesit, të udhëhequr nga grupe studentore por të bashkuar nga mijëra të tjerë, kanë fajësuar korrupsionin dhe mungesën e kujdesit për tragjedinë në stacionin hekurudhor të Novi Sadit.

    Protestat janë shndërruar në një lëvizje më të gjerë që kundërshton atë që demonstruesit e cilësojnë si dështim të sundimit të ligjit, si dhe korrupsion sistematik nën udhëheqjen e Vuçiçit, i cili ka shërbyer si president që nga viti 2017, pasi më parë ishte kryeministër për tre vjet.

    Vuçiçi këmbëngul se protestat – të cilat janë kthyer në një nga sfidat më të mëdha ndaj pushtetit të tij të kamotshëm – po e rrezikojnë paqen dhe stabilitetin në vend dhe i akuzon organizatorët se paguhen nga “agjenci të huaja të inteligjencës”.

    Para mijëra mbështetësve, presidenti ‘populist’ i Serbisë tha se autoritetet duhet të nisin procedurat “për të rikthyer rendin në vend” dhe se “respektimi i plotë i Kushtetutës [duhet të ndodhë] për të garantuar sigurinë e Serbisë”.

    Vuçiçit tha gjatë tubimit se është e nevojshme një “Lëvizje për Popullin dhe Shtetin”, sepse “na nevojitet energji e re dhe forcë e re, një plan i ri, jo plan deri në vitin 2027, por deri në vitin 2035”.

    Ai nuk dha hollësi për këtë lëvizje, por tha se do të mbahen tubime të tjera.

    Vuçiçi përsëriti thirrjen ndaj studentëve për t’u rikthyer në shkolla dhe deklaroi se “revolucioni me ngjyra ka përfunduar”.

    Autoritetet në Serbi i kanë quajtur vazhdimisht protestat dhe bllokadat e udhëhequra nga studentët si një përpjekje për “revolucion me ngjyra”.

    Ky është një term që i referohet kryengritjeve popullore në vende si Ukraina, Gjeorgjia dhe Kirgizi, që çuan në rrëzimin e qeverive atje.

    Protestat popullore që çuan në rrëzimin e liderit jugosllav, Sllobodan Millosheviç në vitin 2000 gjithashtu shpesh cilësoheshin si “revolucion me ngjyra”.

    Gazetarët në vendngjarje raportuan se shumë nga mbështetësit që morën pjesë në tubim ishin sjellë me autobusë nga e gjithë Serbia si dhe nga Kosova dhe Bosnje e Hercegovina, ku ka minoritete të mëdha serbe.
    Lideri serb i Bosnjës, Millorad Dodik – i kërkuar nga autoritetet qendrore në Sarajevë pasi u dënua për shkelje të Kushtetutës së Bosnjës – u shfaq në tubimin e Beogradit, raportoi AFP.

    Dodik, i cili është president i entitetit serb në Bosnjë – Republika Sërpska iu drejtua turmës në tubim.

    Ai është gjithashtu nën sanksione nga SHBA-ja dhe Mbretëria e Bashkuar për veprime që qeveritë perëndimore thonë se synojnë shkëputjen e Republikës Sërpska nga Bosnja.

    Arkivi i Takimeve Publike, një organizatë joqeveritare që vlerëson madhësinë e turmave, tha se në tubimin në Beograd morën pjesë rreth 55.000 persona. Më 15 mars, grupi vlerësoi se protesta e udhëhequr nga studentët kundër qeverisë kishte midis 275.000 dhe 325.000 pjesëmarrës.

    Ndërkohë, protesta e udhëhequr nga studentët u mbajt në rrugët e Novi Pazarit, rreth 300 kilometra në jug të kryeqytetit.

    Protesta është në mesin e një sërë demonstratash të thirrura nga studentët që kanë bllokuar fakultetet universitare për më shumë se katër muaj, duke kërkuar llogaridhënie nga Qeveria për vdekjen e 16 njerëzve pas shembjes së strehës së betonit në Novi Sad.

    Një grup studentësh në bllokadë ecën për ditë me radhë nga qytete të tjera drejt Novi Pazarit për t’u bashkuar me protestuesit atje.

    Studentët e Universitetit të Novi Pazarit e bllokuan rrethrrotullimin në dalje të qytetit.

    Autobusë me mbështetës të Partisë Progresive Serbe në pushtet, të udhëhequr nga Vuçiçi, ishin planifikuar të kalonin nëpër atë rrethrrotullim për të shkuar drejt tubimeve në Beograd. Nuk ishte menjëherë e qartë nëse autobusët ndoqën rrugë alternative. /Radio Evropa e Lirë/

     

  • Kundërshtarët dhe mbështetësit e Vuçiç protestojnë në qytetet serbe mes tensioneve në rritje

    Kundërshtarët dhe mbështetësit e Vuçiç protestojnë në qytetet serbe mes tensioneve në rritje

    Kundërshtarët dhe mbështetësit e presidentit të Serbisë, Aleksandar Vuçiç, u mblodhën në vende të ndryshme më 12 prill për të protestuar, në një kohë kur tensionet janë të larta, pas muajsh protestash të organizuara nga studentët kundër Qeverisë së udhëhequr nga Vuçiç.
    Vetë Vuçiçi mblodhi mbështetësit në Beograd, duke njoftuar se do ta formojë një lëvizje të re politike përballë valës në rritje të protestave që filluan në nëntor, pas shembjes së strehës në stacionin e trenit si pasojë e të cilës humbën jetën 16 njerëz në Novi Sad.
    Protestuesit, të udhëhequr nga grupe studentore por të bashkuar nga mijëra të tjerë, kanë fajësuar korrupsionin dhe mungesën e kujdesit për tragjedinë në stacionin hekurudhor të Novi Sadit.

    Protestat janë shndërruar në një lëvizje më të gjerë që kundërshton atë që demonstruesit e cilësojnë si dështim të sundimit të ligjit, si dhe korrupsion sistematik nën udhëheqjen e Vuçiç, i cili ka shërbyer si president që nga viti 2017, pasi më parë ishte kryeministër për tre vjet.
    Vuçiçkëmbëngul se protestat – të cilat janë kthyer në një nga sfidat më të mëdha ndaj pushtetit të tij të kamotshëm – po e rrezikojnë paqen dhe stabilitetin në vend dhe i akuzon organizatorët se paguhen nga “agjenci të huaja të inteligjencës”.
    Para mijëra mbështetësve, presidenti populist i Serbisë tha se autoritetet duhet të nisin procedurat “për të rikthyer rendin në vend” dhe se “respektimi i plotë i Kushtetutës [duhet të ndodhë] për të garantuar sigurinë e Serbisë”.
    Vuçiçtha gjatë tubimit se është e nevojshme një “Lëvizje për Popullin dhe Shtetin”, sepse “na nevojitet energji e re dhe forcë e re, një plan i ri, jo plan deri në vitin 2027, por deri në vitin 2035”.
    Ai nuk dha hollësi për këtë lëvizje, por tha se do të mbahen tubime të tjera.
    Vuçiç përsëriti thirrjen ndaj studentëve për t’u rikthyer në shkolla dhe deklaroi se “revolucioni me ngjyra ka përfunduar”.
    Autoritetet në Serbi i kanë quajtur vazhdimisht protestat dhe bllokadat e udhëhequra nga studentët si një përpjekje për “revolucion me ngjyra”.
    Ky është një term që i referohet kryengritjeve popullore në vende si Ukraina, Gjeorgjia dhe Kirgizi, që çuan në rrëzimin e qeverive atje.
    Protestat popullore që çuan në rrëzimin e liderit jugosllav, Sllobodan Millosheviq në vitin 2000 gjithashtu shpesh cilësoheshin si “revolucion me ngjyra”.
    Gazetarët në vendngjarje raportuan se shumë nga mbështetësit që morën pjesë në tubim ishin sjellë me autobusë nga e gjithë Serbia si dhe nga Kosova dhe Bosnje e Hercegovina, ku ka minoritete të mëdha serbe.
    Lideri serb i Bosnjës, Millorad Dodik – i kërkuar nga autoritetet qendrore në Sarajevë pasi u dënua për shkelje të Kushtetutës së Bosnjës – u shfaq në tubimin e Beogradit, raportoi AFP.
    Dodik, i cili është president i entitetit serb në Bosnjë – Republika Sërpska – iu drejtua turmës në tubim.
    Ai është gjithashtu nën sanksione nga SHBA-ja dhe Mbretëria e Bashkuar për veprime që qeveritë perëndimore thonë se synojnë shkëputjen e Republikës Sërpska nga Bosnja.
    Arkivi i Takimeve Publike, një organizatë joqeveritare që vlerëson madhësinë e turmave, tha se në tubimin në Beograd morën pjesë rreth 55.000 persona. Më 15 mars, grupi vlerësoi se protesta e udhëhequr nga studentët kundër qeverisë kishte midis 275.000 dhe 325.000 pjesëmarrës.
    Ndërkohë, protesta e udhëhequr nga studentët u mbajt në rrugët e Novi Pazarit, rreth 300 kilometra në jug të kryeqytetit.
    Protesta është në mesin e një sërë demonstratash të thirrura nga studentët që kanë bllokuar fakultetet universitare për më shumë se katër muaj, duke kërkuar llogaridhënie nga Qeveria për vdekjen e 16 njerëzve pas shembjes së strehës së betonit në Novi Sad.
    Një grup studentësh në bllokadë ecën për ditë me radhë nga qytete të tjera drejt Novi Pazarit për t’u bashkuar me protestuesit atje.
    Studentët e Universitetit të Novi Pazarit e bllokuan rrethrrotullimin në dalje të qytetit.
    Autobusë me mbështetës të Partisë Progresive Serbe në pushtet, të udhëhequr nga Vuçiç, ishin planifikuar të kalonin nëpër atë rrethrrotullim për të shkuar drejt tubimeve në Beograd. Nuk ishte menjëherë e qartë nëse autobusët ndoqën rrugë alternative./rel

  • Merr flakë autobusi në lëvizje në dalje të tunelit të Kardhiqit, shpëtojnë pasagjerët

    Merr flakë autobusi në lëvizje në dalje të tunelit të Kardhiqit, shpëtojnë pasagjerët

    Një autobus është përfshirë nga zjarri paraditen e kësaj të shtune në dalje të tunelit të Kardhiqit.

    Në momentin kur autobusi është përfshirë nga flakët, autobusi ka qenë në lëvizje duke transportuar pasagjerë nga Gjirokastra në drejtim të Sarandës.

    Pasagjerët i ka kapur paniku dhe por fatmirësisht të gjithë kanë dalë me shpejtësi, teksa deri më tani nuk raportohet për persona të lënduar.

    Siç shihet dhe nga fotot, flakët kanë përpirë totalisht autobusin, teksa një shtëllungë e madhe e tymit ka mbuluar zonën.

    Shkak i flakëve dyshohet se është bërë një shkëndijë elektrike, ndërsa brenda janë djegur edhe sende personale të pasagjerëve.

  • E duan në Premier, gati oferta e klubit anglez për Vlahovic

    E duan në Premier, gati oferta e klubit anglez për Vlahovic

    2 Prill 2025

    14:35

    Telesport

    Aston Villa duket se po planifikon një lëvizje ambicioze për sulmuesin e Juventusit, Dusan Vlahovic këtë verë.
    25-vjeçari është shfaqur si një objektiv për skuadrën e Unai Emery, teksa ata kërkojnë të forcojnë linjën e tyre sulmuese.
    Sipas Teamtalk, Juventusi është gati të minimizojë humbjet ndaj Vlahovicit dhe do të pranojë një ofertë prej rreth 40 milionë euro pas një sezoni jo shumë pozitiv.
    Vlahovic ka qenë i lidhur me një lëvizje tek Arsenali gjatë sesioneve të kaluara të merkatos, por kuptohet që interesimi i tyre është ftohur dhe ata kanë lëvizur drejt objektivave të ndryshëm.
    Serbit i skadon kontrata në fund të sezonit të ardhshëm dhe Juventus do të preferonte ta shesë tani për të siguruar një shumë të rëndësishme për kartonin e tij.

  • Sejamini: PD nuk duhet të sulmojë SPAK-un, politikisht një lëvizje e gabuar

    Sejamini: PD nuk duhet të sulmojë SPAK-un, politikisht një lëvizje e gabuar

    Analisti Neritan Sejamini, thotë se politikisht sulmi i PD-së ndaj SPAK është një lëvizje e gabuar. Për të nuk është në të mirën e saj, pasi SPAK ka besueshmërin më të madhe në publik.
    ”Problemi i SPAK është problemi ynë. Vijnë, s’vijnë amerikanët, SPAK është një pushtet, institucion që jep llogari para shqiptarëve, funksionon për shqiptarët, të huajt mund të na ndikojnë deri diku, por në fund të ditës është problemi ynë. Nëse duam t’ia veshim një fuqi të madhe, që na kanë ata në dorë, nuk besoj se është qasje e drejtë.

    Pas zgjedhjeve, meqë do zhvishet edhe nga tensionet politike, SPAK duhet urgjentisht të rishohë shumë gjëra në punën e vetë dhe të krijojë një standard drejtësie”, tha Sejamini.

  • Dropull, makina merr flakë në lëvizje e sipër

    Dropull, makina merr flakë në lëvizje e sipër

    Një makinë është përfshirë nga flakët pasditen e kësaj të marte në aksin rrugor Gjirokastër-Kakavijë. Policia bën me dije se makina e drejtuar nga një 31-vjeçar është përfshirë nga flakët teksa ka qënë duke qarkulluar në këtë aks.
    Dyshohet se zjarri ka ardhur si pasojë e një shkëndije elektrike, ndërsa flakët kanë shkaktuar vetëm dëme materiale. Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.
    Njoftimi i Policisë
    Rreth orës 17:00, në aksin rrugor “Gjirokastër-Kakavijë”, ka marrë flakë në lëvizje e sipër dhe është djegur pjesërisht automjeti tip “BMW” me drejtues shtetasin N. G., 31 vjeç, banues në Fier dhe si pasojë ka vetëm dëme materiale.
    Paraprakisht dyshohet se zjarri mund të jetë shkaktuar si pasojë e një shkëndije elektrike.
    Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.