Lajmidites.com

Tag: lënduar

  • Panik në ajër! Turbulenca të forta, avioni devijon destinacion, 25 të lënduar

    Panik në ajër! Turbulenca të forta, avioni devijon destinacion, 25 të lënduar

    Një avion i nisur nga Salt Lake City për në Amsterdam u godit nga turbulenca të forta, duke u detyruar të devijonte në Aeroportin Ndërkombëtar të Minneapolis-St. Paul.
    Si pasojë e turbulencave 25 pasagjerë pësuan lëndime dhe u dërguan në spital. Aeroplani Airbus A330-900, mund të mbajë mbi 250 persona. Departamenti i zjarrfikësve të aeroportit dhe ndihmësit mjekësorë pritën mbërritjen e avionit për të trajtuar pasagjerët e lënduar.
    Një pasagjer tha se njerëzit që nuk kishin vënë rripa sigurie u përplasën nëpër kabinë e më pas u rrëzuan. Kjo u përsërit disa herë dhe ishte vërtet e frikshme, treguan pasagjerët.
    Lëndimet serioze nga turbulencat gjatë fluturimit janë të rralla, por ekspertët thonë se ato mund të jenë duke u bërë më të zakonshme, pasi ndryshimi i klimës ndryshon rrjedhën e avionëve.

  • Një tjetër i lënduar nga zjarret në Delvinë, 42-vjeçari pëson djegie të rënda

    Një tjetër i lënduar nga zjarret në Delvinë, 42-vjeçari pëson djegie të rënda

    Zjarret që kanë përfshirë zonën e Delvinës vijojnë të shkaktojnë dëme të mëdha.
    Mësohet se një 42-vjeçar ka mbetur i lënduar nga flakët, teksa ishte angazhuar vullnetarisht në përpjekjet për shuarjen e zjarreve në fshatin e tij.
    Bëhet me dije se ai është transportuar fillimisht në Spitalin e Sarandës mbrëmjen e djeshme, ndërsa më pas është dërguar për ndihmë mjekësore të specializuar në Qendrën Spitalore Universitare “Nënë Tereza” në Tiranë.
    Ky është rasti i dytë i të lënduarve nga flakët në zonën e Delvinës brenda 24 orëve të fundit.
    Kujtojmë se një ditë më parë, shefi i Komisariatit të Policisë së Delvinës, Agim Troci, u dërgua me helikopter në Spitalin e Traumës në Tiranë, pasi pësoi djegie në trup gjatë operacionit për shpëtimin e disa të moshuarve dhe fëmijëve nga flakët që përfshinë fshatin Senicë.

  • Shpërthen bombola e gazit, dy të lënduar

    Shpërthen bombola e gazit, dy të lënduar

    Një bombol gazi ka shpërthyer në një banesë në lagjen “1 Maji” në Fier.
    Burimet bëjnë me dije se ndërtesa ku shpërtheu bombola shërbente si pikë e vogël tregtimi gazi, ndërsa pronari i saj dhe një person tjetër kanë mbetur të lënduar dhe janë transportuar drejt spitalit të Fierit, ku po marrin ndihmën mjekësore.
    Ngjarja ka alarmuar edhe fqinjët, të cilët i kanë ardhur në ndihmë situatës me mjete rrethanore, ndërsa në vendngjarje kanë mbërritur menjëherë shërbimet zjarrfikëse të cilat kanë bërë të mundur neutralizimin e flakëve.
    “Rreth orës 18:30, në lagjen “1 Maji”, Fier, në një banesë, dyshohet se aksidentalisht ka marrë zjarr një bombol gazi. Për pasojë kanë pësuar djegie në trup shtetasit E. T., 63 vjeç dhe A. R., 41 vjeç, të dy banues në Fier, të cilët ndodhen në spital, për asistencën e nevojshme mjekësore, aktualisht jashtë rrezikut për jetën”, njofton policia.
    Grupi hetimor ndodhet në vendin e ngjarjes dhe po kryen verifikimet hetimore për sqarimin e plotë të rrethanave të rastit.

  • Shpërthen bombola e gazit në një banesë në Fier, nuk ka të lënduar

    Shpërthen bombola e gazit në një banesë në Fier, nuk ka të lënduar

    Një bombol gazi ka shpërthyer në një banesë në lagjen “ 1 Maji”  në Fier.

    Në vendngjarje kanë mbërritur menjëherë shërbimet zjarrfikëse të cilat kanë bërë të mundur neutralizimin e flakëve.
    Fatmirësisht nuk ka patur të lënduar ndërkohë qe policia dhe grupi hetimor po punon për zbardhjen e shkaqeve.
    Ngjarja ka alarmuar edhe komshinjtë të cilët i kane ardhur në ndihme situatës me mjete rrethanore.

    Top Channel

  • Aksident i trefishtë në rrugën Prishtinë-Pejë, të paktën 9 të lënduar

    Aksident i trefishtë në rrugën Prishtinë-Pejë, të paktën 9 të lënduar

    Një aksident është regjistruar në aksin Prishtinë-Pejë. Si pasojë, të paktën nëntë persona janë lënduar.

    Sipas mediave në Kosovë, një prej të lënduar është në gjendje të rëndë shëndetësore.
    Në aksident raportohet se janë përfshirë tri automjete. Ndërkohë zëdhënësi i policisë në Pejë, Fadil Gashi tha se është ndërhyrë menjëherë nga autoritetet pas aksidentit.

    Gjithashtu si pasojë e përplasjes së tri automjeteve, pati vështirësi në qarkullim në këtë segment rrugor.

  • Përplasje e trefishtë në Prishtinë–Pejë/ 9 persona përfundojnë në spital

    Përplasje e trefishtë në Prishtinë–Pejë/ 9 persona përfundojnë në spital

    Të paktën nëntë persona janë lënduar pas një aksidenti të regjistruar në aksin Prishtinë-Pejë.
    Sipas mediave në Kosovë, një prej të lënduar është në gjendje të rëndë shëndetësore.
    Në aksident raportohet se janë përfshirë tri automjete. Ndërkohë zëdhënësi i policisë në Pejë, Fadil Gashi tha se është ndërhyrë menjëherë nga autoritetet pas aksidentit. Gjithashtu si pasojë e përplasjes së tri automjeteve, pati vështirësi në qarkullim në këtë segment rrugor.

  • Sherri në klubin e natës në Palasë, reagon “Lollipop”: Nuk ka pasur as ar’më dhe as persona të lënduar

    Sherri në klubin e natës në Palasë, reagon “Lollipop”: Nuk ka pasur as ar’më dhe as persona të lënduar

    Klubi i natës,  “Lollipop” ka reaguar përmes një story në “Instagram” në lidhje me konfliktin e regjistruar mbrëmjen e djeshme. Klubi i natës ka sqaruar se nga kjo ngjarje nuk ka patur të lënduar ndërsa thekson se nuk janë përdorur armë gjatë përleshjes mes personave të përfshirë në sherr.
    Ata kanë theksuar se situata është menaxhuar nga stafi i klubit të natës dhe se gjithçka i është kthyer normaliteti. “Lollipop” shton se siguria e klientëve të saj mbetet prioritet.
    “Lidhur me lajmet e qarkulluara në rrjete sociale dhe portale, dëshirojmë të sqarojmë se mbrëmjen e kaluar nuk ka pasur as armë dhe as persona të lënduar në ambientet tona. Situata është menaxhuar menjëherë nga stafi ynë dhe gjithcka eshtë kthyer në normalitet. Siguria juaj ka qenë dhe mbetet prioriteti ynë. Ne do te vazhdojmë t’ju dhurojmë netë plot energji, kujtime të bukura dhe argëtim, ashtu siç kemi bërë ndër vite. Me respekt, Lollipop Club,” shkruhet në reagim.

    Çfarë ndodhi në “Lollipop”?
    Sherri në klubin e natës “Lollipop” nisi me një përplasje mes disa djemsh të cilët ishin të akomoduar te zona VIP e klubit të natës. Shkaqet e këtij sherri ende nuk dihen por personat që kanë qenë të pranishëm në vendngjarje e kanë konfirmuar se janë përdorur armë.
    Para përdorimit të armëve personat e përfshirë në ngjarje janë përleshur duke përdoru çdo gjë që u ka dalë para teksa kanë përdor gota dhe sendet që kishin pranë. Gjithçka ka agravuar më pas kur personat kanë nxjerrë armët dhe kanë qëlluar.
    Policia ka konfirmuar se ka patur një sherr por në asnjë moment nuk e përmend se janë përdorur armë. Nga paniku i krijuar shumë persona janë plagosur teksa kanë tentuar të largohen duke u përplasur ose rrëzuar me njëri-tjetrin. Policia e Vlorës në njoftim thjesht ka konfirmuar se ka ndodhur një sherr dhe se një persona ka mbetur i plagosur lehtë teksa po largohej nga vendngjarja. I plagosuri nuk është pjesë e ngjarjes.

  • Automjeti futet në mes të turmës së njerëzve, rreth 30 persona të lënduar

    Automjeti futet në mes të turmës së njerëzve, rreth 30 persona të lënduar

    Të paktën 5 persona janë në gjendje kritike pasi një automjet raportohet se ka hyrë në një turmë njerëzish në Los Angeles, duke shkaktuar panik dhe një numër të madh të lënduarish. Incidenti ndodhi në bulevardin Santa Monica, një zonë shumë e frekuentuar dhe e njohur për turistët dhe banorët lokalë, vetëm pak hapa larg nga Hollywoodi.

    Sipas autoriteteve, ngjarja ndodhi në orët e pasdites dhe ka përfshirë një numër të konsiderueshëm kalimtarësh që ndodheshin në trotuar në momentin e përplasjes. Departamenti i Zjarrfikësve të Los Angelesit (LAFD) ka bërë të ditur se të paktën 30 persona janë lënduar.

    Ekipet e emergjencës kanë reaguar me shpejtësi, ndërkohë që policia ka rrethuar zonën dhe ka nisur hetimet për të përcaktuar shkaqet e incidentit dhe nëse bëhet fjalë për një akt të qëllimshëm apo një aksident tragjik. Ngjarja ka tronditur banorët e zonës, ndërsa dëshmitarët kanë treguar për skena kaotike dhe përpjekje për t’i dhënë ndihmën e parë të lënduarve para mbërritjes së ekipeve të shpëtimit.

  • Sherri tek “Lollipopi”, policia del me njoftim zyrtar: Nuk pati armë, as të plagosur, është lënduar një person teksa largohej

    Sherri tek “Lollipopi”, policia del me njoftim zyrtar: Nuk pati armë, as të plagosur, është lënduar një person teksa largohej

    Pamje nga vendngjarja

    VLORË- Policia e Vlorës ka dalë me një njoftim zyrtar në lidhje me një sherr të ndodhur në Palasë, në një nga klubet më të njohura në zonë, “Lollipop”. Në njoftim bëhet me dije se konflikti ka ndodhur mes disa personave, por që nuk janë përdorur armë zjarri dhe nuk ka të plagosur. Policia bën me dije se është lënduar një person, por që nuk ka qenë i përfshirë në konflikt.
    Njoftimi:
    Në lidhje me një video të publikuar dhe në rrjetet sociale, për një konflikt të ndodhur në një lokal në Palasë, ju informojmë se shërbimet e Stacionit të Policisë Dhërmi janë njoftuar menjëherë për këtë rast, më datë 19.07.2025, rreth orës 02:45. Nga verifikimet paraprake, nuk  janë konstatuar persona të dëmtuar si pasojë e këtij konflikti, por është dëmtuar lehtë, gjatë kohës që po largohej nga ambientet e lokalit, shtetasi A. V., i cili nuk rezulton të ketë qenë i përfshirë në konflikt. Vijon puna për identifikimin e personave të përfshirë në këtë konflikt dhe sqarimin e plotë të rrethanave të ngjarjes.
    Nga ana tjetër, Policia nuk jep asnjë të dhënë për personat e përfshirë në konflikt. Ndërsa dëshmitarë okularë tregoj në për ZËRI se njerëzit janë lënduar teksa largoheshin të panikosur nga klubi pasi kanë dëgjuar të shtëna me armë zjarri./ZËRI/

  • Makinat përplasen kokë më kokë në Bulqizë, dy të lënduar

    Makinat përplasen kokë më kokë në Bulqizë, dy të lënduar

    Një aksident rrugor u shënua këtë pasdite në Bulqizë, në kryqëzimin që lidh Lagjen e Vjetër me Lagjen e Re, ku dy automjete tip “Mercedes-Benz” u përplasën me njëra-tjetrën.

    Për pasojë, janë lënduar të dy drejtuesit e mjeteve, të cilët janë transportuar për ndihmë mjekësore. Të dyja makinat kanë pësuar dëme të konsiderueshme materiale, ndërsa përplasja ka rrezikuar edhe kalimtarët në trotuar dhe një shitës pranë vendit të ngjarjes.
    Sipas banorëve të zonës, në këtë kryqëzim mungon sinjalistika rrugore, pavarësisht lëvizjes së dendur të automjeteve dhe kalimtarëve. Hetimet për zbardhjen e rrethanave të aksidentit kanë nisur.