Premier League rikthehet këtë mesjavë dhe për Manchester United është një mundësi e mirë për të lënë pas krizën në përballjen ndaj Nottingham Forest. Skuadra e tij nuk luajti në FA Cup këtë fundjavë pasi është eliminuar dhe kjo e ka ndihmuar skuadrën të punojë më shumë.
“Të kesh më shumë kohë për t’u përgatitur për ndeshjen na ndihmoi. Mund të them se ishte një periudhë e gjatë për të punuar, por përballë kemi një ekip që po luan mirë. Ata fituan edhe në FA Cup, por shpresoj që pushimi të na ndihmojë për të rikuperuar fizikisht lojtarët”, tha trajneri Ruben Amorim.
Më tej, trajneri i “Djajve të Kuq”, detyrë që e mori në mesin e sezonit, analizoi objektivat e ekipit: “Unë jam vërtet i sigurt se mund të bëjmë më mirë për të kapur Europën. Ndjej se lojtarët janë më të sigurtë, energjia është e ndryshme. Por, e di gjithashtu se kjo mund të ndryshojë vetëm përmes rezultateve”.
“Ne jemi të përqendruar në ruajtjen e energjisë, por ne mund të përmirësojmë shumë gjëra. Jemi në një moment tjetër nga disa muaj më parë, më të sigurt dhe jemi gati për dy muajt e fundit të sezonit. Nuk e di se ku do të përfundojmë, por ne po shikojmë lart dhe duam të fitojmë ndeshje”, tha Amorim.
United, aktualisht në vendin e 13-të në Premier, luan edhe në Europa League. “E di që kemi të paktën tre ndeshje në Premier League që janë vërtet të vështira, por skuadra është gati t’i përballojë ato bashke me Europa League. Ky turne është gjithashtu një objektiv i rëndësishëm për ne në këtë fazë”.
Tag: league
-
“Manchester United nuk është më ai i dy muajve më parë, pushimi i gjatë na ndihmoi”
-
“Eliminimi nga Champions dhe humbja e finales na zhgënjyen, por kemi një derbi për të fituar”
1 Prill 2025
10:23
Telesport
Premier League rikthehet sot pas një pushimi të gjatë dhe në ndeshjet e mesjavës spikat derbi mes Liverpool dhe Everton. Trajneri i “reds” Arne Slot shpreson që skuadra e tij të rigjejë buzëqeshjen pas disa rezultateve zhgënjyese si eliminimi nga Champions League dhe humbja e finales së Carabao Cup.
“Isha më shumë i zhgënjyer për humbjen e finales së Kupës krahasuar me eliminimin në Champions. E meritonim ta humbnim atë finale, pasi nuk bëmë asgjë të mirë në atë ndeshje. Tani pres një reagim edhe pse e di që do të jetë një derbi i vështirë për ne dhe rivalët tanë”, tha Slot.
“Jemi në krye të renditjes së Premier League dhe duhet të reagojmë si të tillë, pasi kemi një trofe që duhet ta fitojmë. Shpresoj që kjo ndeshje derbi të mos jetë si ajo e fundit, me shumë eposide të diskutueshme kundër nesh dhe një gol të pësuar pas një kohe të gjatë shtesë”, shtoi trajneri holandez.
“Kjo është një ndeshje derbi por këtë herë do të luajmë në fushën tonë dhe do të kemi një tifozeri të zjarrtë nga pas që do të na mbështesë, ndaj duam t’u japim atyre një gëzim. Nëse duam të fitojmë titullin duhet të bëjmë mirë në këtë ndeshje, pa menduar për rivalin që kemi përpara”, tha Arne Slot. -
Real Madrid, zëvendësuesi i Modric vjen nga Premier League
1 Prill 2025
9:00
Telesport
Real Madridi është fokusuar plotësisht në të tashmen, por me një sy edhe në të ardhmen.
Los Blancos mund të kenë një sezon legjendar, duke qenë ende në garë për La Liga, Copa del Rey dhe Champions League.
Mendja e Carlo Ancelottit dhe djemve të tij është pra në këto tre kompeticione, ndërsa drejtuesit e Realit tashmë kanë filluar të planifikojnë për sezonin e ardhshëm. Ndër çështjet vendimtare është zëvendësimi i Luka Modric.
Zgjedhja e trashëgimtarit të ish-fituesit kroat të Topit të Artë sigurisht që nuk është diçka e vogël, por Real Madrid duket se i ka të qarta idetë në këtë drejtim.
Si Daily Star ashtu edhe Daily Express kanë raportuar orët e fundit se klubi i Florentino Perez po shqyrton blerjen e kapitenit të Manchester United, Bruno Fernandes.
Sipas të dyja gazetave, Djajtë e Kuq do të kërkonin rreth 100 milionë euro për lojtarin portugez.
Pasi mbërriti te United nga Sportingu i Lisbonës në janar 2020, Bruno Fernandes ka qenë një nga pikat e pakta të mira të klubit në sezonet e fundit të trazuara.
Këtë sezon ai ka koleksionuar 16 gola dhe 16 asiste në 44 ndeshje. -
Diego Simeone e akuzon Real Madridin si kurrë më parë: Ajo që ndodhi në Champions ishte e vendosur, duhej të kualifikohej më tej Reali
Në konferencën për shtyp pas ndeshjes me Espanjolin, në barazimin 1-1, trajneri i Atletico-s ka prekur temën e… eliminimit nga Champions League. Fjalët e argjentinasit zbulojnë pakënaqësinë e tij ndaj UEFA-s dhe Szymon Marciniak për humbjen ndaj Real Madridit.
Në gjuajtjen e penalltive, Szymon Marciniak e anuloi golin e Julian Alvarez pas një rishikimi të VAR, gjyqtari polak vendosi që Alvarez e kishte prekur topin dy herë, për këtë arsye goli u anulua.
Trajneri i Atleticos nuk e ka fshehur indinjatën pas ndeshjes. “Unë kurrë nuk kam parë VAR të thërrasë për një penallti,” tha ai në atë kohë. Pas eliminimit nga Champions League, skuadra e tij pati dy paraqitje të dobëta.
Në konferencën për shtyp pas ndeshjes kundër Espanyolit, trajneri i Atletico-s solli sërish temën e rënies nga Champions League.
“Ne luajtëm shumë mirë në Champions League, fituam ndeshjen e dytë, por përfunduam ashtu siç vendosi UEFA. Ne fituam dhe Reali na eliminoi. Nuk e konsideroj këtë një zhgënjim. Ajo që ndodhi ishte shumë e qartë”, tha Simeone. /Elio Hajdari-Sport Ekspres/ -
Dy ndeshjet ndaj Kroacisë në UEFA Nations League për vajza, trajneri Grima publikon listën e lojtareve të grumbulluara
Kombëtarja e vajzave do të luajë dy ndeshjet e radhës në Grupin 4 të Ligës B në UEFA Nations League ndaj Kroacisë.
Takimi i parë është programuar të luhet në stadiumin “Loro Boriçi” më 4 prill, ndërsa ndeshja e kthimit më 8 prill në “Sport Centre Rudes”. Të dyja sfidat do të luhen në orën 16:00.
Trajneri Armir Grima ka publikuar listën e futbollisteve të grumbulluara, duke ftuar 23 lojtare për këto dy përballje.
Më poshtë lista e plotë:Portiere: Antigoni Hyska, Viona Rexhepi, Rajmonda Spahiu
Mbrojtëse: Arbenita Curraj, Suzane Vuksani, Leonora Dedgjonaj, Armera Tukaj, Arbiona Bajraktari, Alma Hilaj
Mesfushore: Mesuare Begallo, Ezmiralda Franja, Megi Doçi, Ilarja Zarka, Djellza Istrefaj, Mikaela Metalla
Sulmuese: Kristina Maksuti, Xhesika Ndoj, Florentina Kuqi, Klea Hamonikaj, Fortesa Berisha, Qëndresa Krasniqi, Valentina Troka, Erjona Emërllahu
Grumbullimi i vajzave do të nisë të dielën në Shkodër, aty ku ekipi do të përgatitet për ndeshjen e parë ndaj Kroacisë. -
Kejn mendon rikthimin në Angli, bie në radarët e Liverpul
Një rikthim në Premier League do të ishte sensacional. Kjo është ajo që mund të ndodhë me Herri Kejn verën e ardhshme.
Qendërsulmuesi anglez mbërriti te Bajern Mynih verën e kaluar për shumën e lakmuar prej 120 milionë eurosh të ndarë mes një pjese fikse (100 milionë) dhe shpërblimeve (20).
Megjithatë ish sulmuesi i Totenhem dy vjet më vonë mund të kthehet në atdheun e tij. Për momentin, këto janë vetëm thashetheme, me tregun e transferimeve ende shumë larg dhe bavarezët ende luftojnë në disa fronte.
Në fakt, i pari i listuar për ta rikthyer në Premier Legaue duket Liveprul. Sipas Fichajes, qendërsulmuesi anglez 31-vjeçar po mendon të rikthehet në Premier League me Liverpulin që thuhet se është shumë i interesuar.