Lajmidites.com

Tag: laportës

  • Rivali për president, kritika ndaj Laportës: Ta kthejmë Messin, një statujë për të është pak

    Rivali për president, kritika ndaj Laportës: Ta kthejmë Messin, një statujë për të është pak

    20 Nëntor 2025

    10:26

    Alfred Lleshi

    Java e fundit te Barcelona ka qenë e trazuar. Fillimisht u shfaq Lionel Messi në “Camp Nou”, çka ndezi shpresat e katalanasve për një rikthim, ndonëse asnjë drejtues nuk ishte në dijeni të hyrjes së tij në stadium. Më pas klubi zyrtarizoi datën e rikthimit për të luajtur në shtëpi, vijuan daljet e kandidaturave të para për zgjedhjet presidenciale.
    Kandidati Víctor Font kritikoi ashpër Laportën dhe tha se gjëja e parë që do të bënte, nëse fiton, do të përfshinte Messin. Ai reagoi ndaj deklaratës së Laportës për ngritjen e një statuje për Messin: “Ta nderosh me një shtatore është shumë pak. Duhet ta përqafojmë Messin dhe t’i japim rolin që ai dëshiron te Barça”.
    Font nuk përjashtoi as një rikthim të mundshëm: “Një ‘Last Dance’? Mua më ngjethet lëkura nga kjo ide, por varet nga ai”. Ndërkohë, zëvendëspresidentja Elena Fort sqaroi pse stadiumi i ri nuk do të mbajë emrin e Messit: “Në Barcelonë përpiqemi të mos i personifikojmë shumë ambientet. Ka shumë mënyra për t’i nderuar legjendat tona”.

    🚨 Víctor Font: “The first thing I’ll do if I win Barça’s presidential elections is to call Messi.” pic.twitter.com/a2VZZQbWbD
    — Barça Universal (@BarcaUniversal) November 19, 2025

  • Plani i Laportës për të sjellë Haaland te Barcelona. Në marrëveshje do përfshihet edhe “fiksimi” i Guardiolës

    Plani i Laportës për të sjellë Haaland te Barcelona. Në marrëveshje do përfshihet edhe “fiksimi” i Guardiolës

    2 Nëntor 2025

    17:04

    Telesport

    “El Nacional” ka raportuar së fundmi një lajm vërtet të bujshëm. Joan Laporta jo vetam që nuk ka hequr dorë nga ideja e transferimit të Erling Haaland në verën e ardhshme, por madje ka dhe një plan konkret.
    Për të ulur koston e operacionit që sigurisht do të jetë një nga më të shtrenjtit në historinë e futbollit, Laporta ka menduar të përfshijë në marrëveshje Dani Olmo-n, një lojtar që pëlqehet shumë nga Pep Guardiola. Te Barcelona ka zgjedhje presidenciale në vitin e ardhshëm dhe ende nuk dihet nëse plani për transferimin e Haaland është thjesht një premtim elektoral i Laportës apo ka diçka të vërtet pas kësaj.
    Ndërkohë, mediet angleze theksojnë se në fund do të jetë vullneti i vetë lojtarit që do të vendosë nëse dëshiron të largohet nga Man. City apo jo. Përveç përfshirjes së Dani Olmo-s, shuma që mendohet të paguajë Barcelona pritet të jetë rreth 120 milionë euro.