Humbja në El Clasico, në “Santiago Bernabeu” jo vetëm që i la lojtarët e Barcelonës të ndihen të hidhëruar dhe të zemëruar, por edhe një diferencë prej 5 pikësh që i ndan ata nga Real Madrid, aktualisht në krye të tabelës së La Liga.
Është humbja e tretë për ekipin e Hansi Flick në pesë ndeshjet e fundit, me PSG-në dhe Seviljen si shkaktarët kryesorë të prishjes së ekuilibrave. Për më tepër, ende ka pak zemërim për trajtimin e Lamine Yamal nga lojtarët e Real Madrid, përfshirë shokun e tij të ekipit kombëtar Carvajal pas ndeshjes.
Ekziston gjithashtu një besim se një rezultat i ndryshëm mund të ishte arritur, pasi Real Madrid nuk do të kishte dominuar në fushë sipas klubit “blaugrana”. Sipas gazetës SPORT, presidenti Joan Laporta vizitoi ekipin dhe Hansi Flick të hënën.
Shumica e lojtarëve ishin larguar pas stërvitjes së parë pas “El Clasico”, kështu që ai gjeti vetëm disa, përfshirë Araujo dhe Lamine Yamal. Mësohet se presidenti i klubit katalanas foli me trajnerin Flick dhe drejtorin sportiv Deco.
Mesazhi i përcjellë ishte ai i qetësisë absolute: asgjë për t’u shqetësuar pas turbulencës së humbjes ndaj Real Madrid. Sezoni është ende në hapat e tij të parë dhe diferenca prej pesë pikësh në krye mund të rifitohet, siç ndodhi sezonin e kaluar kur ishte shtatë.
Sa i përket Champions League, Barça është e pozicionuar mirë, pavarësisht gabimit kundër PSG, dhe gjashtë pikë nga nëntë ndeshje është një rezultat i mirë në përgjithësi. Besimi te Flick dhe skuadra është i plotë; ata vetëm duhet të zgjidhin disa probleme fizike.
Tag: laporta
-
Laporta takon trajnerin Flick dhe disa lojtarë pas humbjes në “El Clasico”, ja mesazhi i presidentit
-
“Messi dhe familja e tij janë shumë, shumë të zemëruar me Laportën”
27 Tetor 2025
8:58
Alfred Lleshi
Jordi Mestre, ish-zv.president i Barcelonës (2015–2019), komentoi marrëdhënien mes Leo Messi dhe Joan Laporta, si dhe largimin e Neymar nga klubi. Në një intervistë për “Sports360”, Mestre tha se marrëdhënia mes Messi dhe Laporta nuk është aspak e mirë dhe se rrallë ndonjë lojtar do të ketë ndikim të tillë te Barça si ish-numri 10 argjentinas. Ai sugjeroi madje që një tribunë e rinovuar e “Spotify Camp Nou” të quhet “Leo Messi”.
Mestre theksoi ndikimin e jashtëzakonshëm të Messit, jo vetëm sportiv, por edhe ekonomik: “Çdo gjë që bëjmë për Leo Messi do të jetë pak. Ai solli kaq shumë për klubin… Tregjet me dhe pa të ishin krejt të ndryshme. Lojtarë të mëdhenj vinin për të luajtur pranë tij. Kjo një ditë u ndal… E di nga persona të tretë që Messi dhe familja e tij janë shumë, shumë të zemëruar me Laporta”.
Ai theksoi se nderimet për Messin duhet të shkojë përtej një ndeshjeje lamtumire futbolli: “Personalisht do të bëja diçka historike, p.sh. që tribuna e stadiumit të rinovuar të quhet Leo Messi, emri i tij të trashëgohet brez pas brezi”. -
Laporta, optimist para “El Clasico”: Nuk do të lodhesha kurrë së fituari në “Bernabeu”
25 Tetor 2025
9:15
Alfred Lleshi
Joan Laporta, presidenti i Barcelonës, foli para “El Clásico”, duke u shprehur i optimistë për ndeshjen. Ai tha se lojtarët janë shumë të motivuar dhe se pavarësisht kush do të luajë, Barcelona ka shanse për fitore: “Jam i bindur se lojtarët do të na japin një kënaqësi dhe do të fitojmë në ‘Bernabéu’, siç ka ndodhur edhe sezonin e kaluar”.
Laporta vuri në dukje se ekipi është i përgatitur dhe i fokusuar: “Isha duke ngrënë me ekipin pas stërvitjes dhe e pashë shumë të motivuar, shumë të përqendruar”. Ai komentoi edhe mungesën e trajnerit Hansi Flick në stol: “Marcus (Sorg) do ta zëvendësojë. Hansi e motivon dhe të dy janë shumë të entuziazmuar”. Presidenti kritikoi vendimin e gjyqtarit për kartonin e verdhë ndaj Flick: “M’u duk se mezi priste reagimin e trajnerit tonë, ishte diçka e qëllimshme, që mund të ishte shmangur”.
Ai gjithashtu përshkroi emocionin e të qenit në tribunën e “Bernabéu” dhe ta shohë Barcelonën të fitojë: “Është një nga ndjenjat më të bukura që mund të kesh. Nëse fiton, është spektakolare, tregon rivalitetin maksimal që përjetojnë tifozët e Barcelonës”. -
Presidenti i Barcelonës tha se Real Madrid favorizohet nga arbitrat, reagon Courtouis: Laporta e tha se duhet ta thotë, krejt e kundërta…
Kur Courtois u pyet për komentet e presidentit të Barcelonës, Joan Laporte, i cili kohët e fundit deklaroi se Real Madridi ishte “gjithmonë i favorizuar”, portieri belg nuk qëndroi indiferent. “Laporta e thotë këtë sepse duhet ta thotë,” filloi Courtois.
“Që kur kam qenë te Real Madridi, kam vënë re se nuk kemi qenë kurrë të favorizuar – krejt e kundërta.” Kjo deklaratë e drejtpërdrejtë u përhap shpejt në rrjetet sociale dhe mediat sportive, ku reagimet u ndanë. Tifozët e Real Madridit e mirëpritën ndershmërinë e Courtois, ndërsa nga ana tjetër, mbështetësit e Barcelonës pretenduan në komente se klubi i tij po gëzonte privilegje në ligë. /Elio Hajdari-Sport Ekspres/ -
Laporta e pranon: Raporti me Messin u prish, kur nuk ia rinovuam kontratën
14 Tetor 2025
7:56
Alfred Lleshi
Në programin e ri të “Bibiana Ballbé” në “3Cat”, Laporta ndau mendimet e tij për presidencën dhe lidhjen me klubin: “Më pëlqen të jem president i Barçës. Më pëlqen çfarë bëj. Ka shumë njerëz që mund ta bëjnë mirë këtë punë, por unë dua shumë Barçën. Kur ka pasur momente të vështira, kam ndjerë përgjegjësi për ta ndryshuar situatën. Gjithmonë dua që barcelonistët të jenë të lumtur”.
Ai theksoi vlerat e një presidenti: “Duhet të jesh i përgjegjshëm, të thuash të vërtetën, të besosh në interesin e Barçës dhe njerëzve të saj përpara interesave personale”. Përse Barcelona është më shumë se një klub: “Është inkluiziv, pranon të gjitha mendimet dhe ideologjitë. Përfaqëson Katalonjën, por është një klub global. Kjo është madhështia e Barçës”.
Laporta foli edhe për vetveten: “Duhet të kontrolloj temperamentin, jam pasionant. Kur zemërohem, shpërthej shpejt, por nuk mbaj inat. Koordinohem me inteligjencë më të lartë se e imja, dëgjoj opinionet e stafit, familjes dhe bordit”. Për Messin: “Kemi pasur një marrëdhënie të shkëlqyer për shumë vite. Kur nuk rinovuam kontratën, ky raport u prish pak, më pas e rikuperuam. Shpresojmë t’i bëjmë një nderim të madh, sikurse e meriton”. -
Laporta tërhiqet nga projekti i Superligës Europiane, tenton të afrohet me UEFA-n
Adriatik BALLA
Vite më parë u hodh në treg ideja për në superkupë europiane, me pjesëmarrjen e klubeve ë të mira. Ishte një ide e hedhur nga dy klubet e famshme spanjolle Reali dhe Barcelona, por që në hapat e parë iu ngjitën edhe klubet angleze e italiane. Një mëdyshje kishte Bajerni i Mynihut, por më pas u fut në lojë UEFA, që e shkatërroi projektin duke u kujtuar masat penalizuese klubeve. Çështja shkoi edhe në shkallët e gjyqësorit, por presionet e UEFA-s duket se i bindën presidetët e klubeve kryesore të tërhiqen nga ideja e parë. deri vonë, Reali i Madridit dhe presidenti i tij Florenino Perez insistonin për ndërtimin e kësaj lige, e dihet pesha e Realit në futbollin europian. Por, në javët e fundit është shtuar spekulimi rreth Barcelonës dhe qëndrimit të saj në projektin e Superligës Evropiane.
Së bashku me Real Madridin, katalanasit janë ndër dy klubet e vetme që ende janë pjesë e projektit, megjithëse së shpejti mund të mbetet vetëm njëri prej tyre. Raportimet tregojnë se Barcelona ka ndërmend të tërhiqet nga Superliga, gjë që tashmë është konfirmuar nga presidenti Joan Laporta. Duke folur për El Chiringuito de Jugones (përmes Diario AS), ai zbuloi se klubi po planifikon të rreshtohet sërish me UEFA-n. “Ka një marrëdhënie shumë të mirë me Naserin (Al-Khelaifi, presidentin e Shoqatës së Klubeve Evropiane). Barcelona është për paqen e futbollit evropian. Ne duam që të arrihet një marrëveshje dhe të kthehemi në UEFA. Kjo është ajo që duan të gjitha klubet. Jemi këtu për të krijuar harmoni të mirë dhe për të mundësuar këtë marrëveshje.
” Laporta u pyet edhe për vështirësitë e fundit të Barcelonës në fushë, pas dy humbjeve radhazi ndaj Paris Sn Zhermen dhe Seviljes. Sipas tij, nuk ka arsye për panik. “Deko e analizoi shumë mirë situatën. Sapo kemi fituar tre trofe të rëndësishëm sezonin e kaluar dhe jemi në prag të Ligës së Kampionëve. Kjo është një motivim shtesë për këtë vit. As Deko dhe as Flik nuk duan që të ketë vetëkënaqësi – kërkojnë të njëjtën intensitet, shpirt dhe dëshirë si vitin e kaluar. Me pak fjalë, urinë për fitore. Ne vazhdojmë të besojmë në skuadrën dhe në Hansi Flik. Dua të theksoj se deklaratat e Dekos ishin shumë të sakta. Të gjithë e dimë që kemi një ekip konkurrues, nëse punojmë fort. E di që Hansi dhe lojtarët janë në këtë drejtim. Duhet ta ruajmë këtë tension, dhe pikërisht për këtë e vlerësoj Flik dhe Deko për reflektimet e tyre të mira.” -
Laporta, “thikë pas shpine” Perezit: Ne, klubet e Superligës, duhet të rikthehemi në UEFA
Joan Laporta, presidenti i Barcelonës, foli për çështjet aktuale të klubit gjatë edicionit të 19-të të “Open Day”, që organizohet nga “Cruyff Foundation”. Ai u ndal te Superliga, ndeshja kundër Villarreal në Miami, dhe rezultatet e fundit të skuadrës: “Dje isha në Romë me Yuste, i ftuar nga presidenti i ECA për drekën zyrtare të Champions League. E pranuam ftesën, morëm pjesë në disa takime dhe pata mundësinë të ritakoja miq të vjetër nga futbolli. Ishte diçka e bukur dhe emocionuese”.
Sa i përket marrëdhënies me UEFA-n, ai shtoi: “Barcelona është në rrugën e ndërtimit të urave me UEFA-n. Pozicioni ynë është i qartë dhe i njohur nga të gjithë. Po punojmë për të mirën e futbollit dhe për qetësimin e futbollit europian. Ka hapësirë për të ecur bashkë, si me UEFA-n, ashtu edhe me Superligën. Ne, klubet që jemi pjesë e Superligës, duhet të rikthehemi në UEFA”.
Laporta foli hapur edhe për çështjen e Superligës: “A ka përfunduar ai projekt? Jemi në proces për të arritur një marrëveshje me UEFA-n. Te Barça jemi të vendosur të bëjmë hapin që favorizon futbollin europian. Gjërat po ecin mirë, ka nisur një dialog pozitiv, po ndërtohen ura dhe ndjehemi rehat në këtë drejtim të rikthimit në UEFA”.
Në lidhje me ndeshjen e parashikuar ndaj Villarrealit më 20 dhjetor në Miami, presidenti e përshëndeti idenë: “Ndeshja do të zhvillohet, UEFA dhe La Liga e kanë pranuar. Ne do të luajmë aty ku vendos La Liga. Çdo lojtar ka të drejtën e tij për mendim, e respektoj. De Jong është kapiteni ynë, por ekipi do të luajë ku të vendoset. Nëse duhet të shkojmë në Miami, do të shkojmë. E kemi mbështetur këtë ide sepse SHBA është një treg në rritje dhe falë turneve verorë atje kemi krijuar shumë bashkëpunime”. -
Szczesny zbulon prapaskenën e puros që piu, pasi fitoi La Liga-n: Ma dha vetë presidenti Laporta…
Portieri polak, që përjetoi një kapitull të paharrueshëm me Barcelonën, ka rrëfyer historinë e famëkeqes puro të ndezur në dhomat e zhveshjes pas fitores së titullit në La Liga: “Ajo puro në dhomat e zhveshjes përshkruan në mënyrë të përkryer gjithë historinë time. U largova nga Arsenali për shkak të duhanit, më shoqëroi për shumë vite dhe, në fund, presidenti Joan Laporta më dhuroi një puro të shkëlqyer. E ndeza në dhomat e zhveshjes, ndërsa shikoja me kënaqësi shokët e skuadrës që festonin fitoren e kampionatit. Për mua, ishte një moment i jashtëzakonshëm kënaqësie dhe simbol i gjithë karrierës sime”.
Pas njoftimit të tërheqjes nga futbolli, Szczęsny ishte përgatitur për një kapitull të ri, plotësisht i përkushtuar ndaj familjes, por oferta e papritur e Barcelonës ia ndryshoi mendjen. Babai i dy fëmijëve, Liam dhe Noelia, e përshkroi rolin e prindit si më të rëndësishmin në jetën e tij: “Të jesh baba është sfida më e vështirë, por edhe më e bukura që kam përjetuar ndonjëherë. Nuk e di sa mirë po ia dal, duhet t’ia lini gruas dhe fëmijëve të gjykojnë, por është ‘ndeshja’ që më jep më shumë kënaqësi”.
Megjithëse ishte i vendosur të qëndronte larg fushës, rikthimin e tij e nxiti bashkëshortja, Marina: “Nuk doja të luaja më, isha gati të bëhesha baba me kohë të plotë, por Marina këmbënguli shumë. Në fund arriti të më bindë, duhet të them se i jam shumë mirënjohës”. -
RAC1 zbulon planin e Barcelonës. Negociata pajtimi me UEFA-n, do ta braktisë idenë e Superligës
3 Tetor 2025
13:33
Alfred Lleshi
E ardhmja e Superligës Europiane po tronditet sërish, këtë herë pika e kontestit është Barcelona. Joan Laporta, i cili për më shumë se 4 vite mbështeti projektin, së bashku me Florentino Pérez, kundër UEFA-s, po mendon të bëjë një hap pas dhe ta lërë Real Madridin të veprojë i vetëm, sipas RAC1.
Incidenti që ndezi alarmin u regjistrua gjatë ndeshjes Barça-PSG në Champions, ku Laporta u fotografua duke qeshur me Aleksander Ceferin dhe Nasser Al Khelaifi, një imazh që u interpretua si sinjal i mundshëm afrimi. Bisedimet ndërmjet klubit katalanas dhe UEFA-s janë intensifikuar, ekziston mundësia reale e një pajtimi.
Barcelona po konsideron seriozisht të largohet nga Superliga Europiane dhe të rikthehet në Asociacionin e Klubeve Europiane (ECA), duke parë një terren më të favorshëm për bashkëpunim. Ndërkohë, Real Madridi vazhdon të ndjekë projektin e tij strategjik për transformimin e futbollit të elitës. -
Laporta “hesht” babain e Yamal me tone të buta pas deklaratës së bujshme!
Presidenti i Barcelonës, Joan Laporta, iu përgjigj polemikave të ngritura nga babai i Lamine Yamal pas fitimit të Topit të Artë nga Ousmane Dembélé.
Mounir Nasraoui deklaroi, ndërsa po largohej nga Théâtre du Châtelet në Paris, “Viti tjetër do të jetë i yni”, duke kritikuar triumfin e Dembélé dhe duke e quajtur çmimin një “paragjykim moral” kundër të birit.
I intervistuar nga RAC1, Laporta qetësoi “ujin”: “Babai i tij është shumë pasionant, por duhet të kujtojmë se Lamine është vetëm 18 vjeç dhe e gjithë kjo mund ta mbingarkojë pak. Ai do të donte të fitonte, si Raphinha ose Pedri, i cili është më i miri në pozicionin e tij. Por Lamine i menaxhon mirë pritjet falë pjekurisë që ai demonstron.”
Presidenti theksoi talentin e të riut: “Të përfundosh i dyti në moshën 18 vjeç është e jashtëzakonshme. Lamine është lojtari më i talentuar në botë; ai ka fituar dy herë radhazi trofe Kopa, diçka që askush nuk e ka arritur ndonjëherë, dhe ai është konkurrues, profesional dhe punon jashtëzakonisht shumë në stërvitje. Të gjithë i imponojnë pritje, por ai i përballon ato mirë.”
Pas ceremonisë, Yamal madje mendoi për ekipin: gjatë rrugës për në aeroport, ai bleu hamburgerë për të gjithë delegacionin e Barçës, duke demonstruar edhe një herë natyrën e tij të thjeshtë dhe lidhjen me shokët e tij të ekipit. Më parë, ai e komplimentoi rivalin e tij, duke e quajtur performancën e tij “të shkëlqyer”.