Joan Laporta ka njoftuar se nuk do të kandidojë për një mandat tjetër si president i Barcelonës. Mandati i tij aktual skadon në qershor 2026, duke e bërë atë të dytin. Në parim, ai ka të drejtë për një tjetër, por duket e pamundur që ai ta ushtrojë atë.
“Mund të kandidoj përsëri, por nuk do të jem si Vladimir Putin ose Nicolás Maduro. Kjo do të ishte e papërshtatshme. Unë e vlerësoj demokracinë dhe statuti është dokumenti më i lartë që qeveris klubin. Përveç kësaj, unë jam i moshuar”, tha Laporta, duke marrë pjesë në forumin “La Vanguardia”. /Elio Hajdari-Sport Ekspres/
Tag: laporta
-
Joan Laporta nuk do të jetë më presidenti i Barcelonës, heq dorë nga detyra: Nuk dua të jem Vladimir Putin dhe as Nicolas Maduro
-
Laporta: T’i vendosim stadiumit tonë emrin e Messit? Ja pse është e papërshtatshme tani për tani
5 Dhjetor 2025
12:28
Alfred Lleshi
Diskutimet për një rikthim simbolik të Lionel Messit te Barcelona vazhdojnë. Vizita e fundit e yllit argjentinas në stadiumin e tij të vjetër i emocionoi thellë tifozët. Për të nderuar legjendën e klubit, presidenti Joan Laporta konfirmoi se Barcelona planifikon të ngrejë një statujë për Messin.
Gjatë forumit “Barça ndër histori dhe e ardhmja”, Laporta zbuloi se bordi i klubit kishte konsideruar edhe mundësinë e riemërtimit të “Camp Nou”, duke e quajtur stadiumi “Lionel Messi”. Ai tha: “Për Leo Messin kemi në plan, kur të jetë momenti i duhur, t’i bëjmë nderimin më të madh dhe t’i ngremë një statujë. Ky nderim do të ishte më i jashtëzakonshmi në një stadium me 105.000 tifozë”.
Laporta shtoi se Messi është ndoshta lojtari më i mirë në historinë e futbollit dhe padyshim i Barcelonës, por nuk dëshiron të nxisë polemika. “Ai ka kontratë me një klub tjetër. Diskutuam ta titullojmë stadiumin në nder të tij, por vendosëm se ishte e papërshtatshme, pasi zakonisht bëhet për ata që nuk janë më mes nesh”, – përfundoi Laporta. -
Barcelona rigjen “Camp Nou”, flet Laporta: Do të kemi avantazhin e të luajturit në shtëpi
18 Nëntor 2025
13:54
Alfred Lleshi
Barcelona po i afrohet rikthimit në “Camp Nou” për ndeshjen e së shtunës kundër Athletic Bilbao. Presidenti Joan Laporta e përshkroi momentin si “një rikthim në të ardhmen”, duke theksuar emocionin dhe rëndësinë historike të rikthimit në stadiumin e rinovuar. Ai shtoi se aty, Barça do të rifitojë avantazhin e ndeshjeve në shtëpi, diçka që “nuk e kishte në Montjuïc”.
Laporta shpjegoi se rritja graduale e kapacitetit do të shoqërohet edhe me përshtatje çmimesh, ndërsa abonimet i quajti “më të mirat në Europë”. Sa i përket çështjes “Eintracht”, ai tha se vendimi i UEFA-s pritet së shpejti dhe shpreson të jetë pozitiv, duke theksuar se klubi po i plotëson kërkesat.
Në La Liga nuk mund t’i izolojnë tifozët kundërshtarë, por ky është detyrim për UEFA, përndryshe Barça rrezikon të mos luajë në shtëpi në Champions. Laporta foli edhe për rikthimin e Lamine Yamal, duke kritikuar standardet e dyfishta të mediave. Për statujën e Messit, ai tha se propozimi nuk i është paraqitur ende familjes, por ceremonia e lamtumirës së tij nga Barcelona dhe statuja do të realizohen. -
Laporta: Një statujë e Messit në “Camp Nou”, presim miratimin e familjes së tij
14 Nëntor 2025
11:28
Alfred Lleshi
Presidenti i Barcelonës, Joan Laporta, njoftoi se klubi do ta nderojë Leo Messin me një statujë në “Spotify Camp Nou”, duke ia bashkuar figurave historike si Johan Cruyff dhe Kubala: “Do të na pëlqente shumë.
Jam i sigurt që të gjithë tifozët e Barcelonës do të ishin entuziastë të shihnin një statujë të Leo Messit pranë figurave të mëdha të historisë së Barçës”. Ai shtoi se Messi mund të lidhet sërish me klubin pas përfundimit të karrierës së tij tek Inter Miami, se Barcelona ka respekt dhe admirim të madh për të: “Meriton nderimin më të bukur në botë”.
Laporta theksoi se këshilli i klubit mendon gjithmonë të bëjë diçka më shumë për Messin: “Do të ishte e drejtë që Leo të kishte statujën e tij, sepse është një nga lojtarët referencë që na ka shënjuar të gjithëve. Po punojmë për këtë projekt, por familja e tij duhet të japë pëlqimin”. Pas deklaratës, në rrjet qarkulluan ide për statuja të Messit të krijuara me inteligjencë artificiale.
-
A po kthehet Messi në Barcelonë? Ja çfarë thotë presidenti Laporta
Presidenti i Barcelonës, Joan Laporta, ka hedhur poshtë çdo mundësi që Lionel Messi të rikthehet në “Camp Nou” në formë huazimi, duke i dhënë fund spekulimeve që kanë qarkulluar ditët e fundit në media.
“Leo Messi sërish në huazim? Është një skenar jorealist. Duhet ta respektojmë ekipin që kemi aktualisht,” – deklaroi Laporta për gazetarët, duke theksuar se klubi është përqendruar tek e tashmja dhe tek projekti i ri i trajnerit Hansi Flick.
Këto deklarata vijnë pas zërave që qarkulluan javën e fundit, ku disa media spanjolle dhe argjentinase raportuan për një mundësi të përkohshme rikthimi të Messit në Barcelonë gjatë pushimit të sezonit në MLS, me Inter Miamin që pritet të ketë disa muaj pauzë.
Megjithatë, presidenti katalanas i ka mbyllur dyert një rikthimi të tillë, duke nënvizuar se marrëdhënia me Messin mbetet e fortë, por se nuk ka asnjë plan sportiv për ta rikthyer atë në skuadër.
Messi aktualisht është pjesë e Inter Miami në Shtetet e Bashkuara, ku po përgatitet për sezonin e dytë në MLS. -
Laporta: Spekullim, Mesi nuk vjen te Barcelona
Pas fotos në stadiumin e ri “Camp Nou”, tifozët e Barcelonës filluan të ëndërronin për një rikthim të Leo Mesit te skuadra ku bëri historinë e madhe.
Megjithatë, presidenti i “Blaugranave”, Joan Laporta, e përjashtoi me vendosmëri këtë mundësi: “Është një mungesë respekti për Mesin, lojtarët tanë, menaxhmentin tonë: kjo nuk është koha për të spekuluar mbi skenarë jorealistë.”
Vazhdo leximin
-
Laporta: Nuk duam polemika me kombëtaren, por Yamal është në dispozicion të Barcelonës
12 Nëntor 2025
10:05
Alfred Lleshi
Joan Laporta foli të mërkurën për situatën aktuale te Barcelona. Mes temave kryesore ishin vizita surprizë e Lionel Messit në “Spotify Camp Nou” dhe mosmarrëveshja me RFEF për pubalgjinë e Lamine Yamal. Presidenti katalanas u përgjigj për “Catalunya Ràdio”:
Lamine Yamal: “E shijon jetën dhe futbollin…, është i pjekur për moshën e tij. Nuk më shqetëson stili i tij i jetesës. Duhet të mbrohet dhe ndihmohet nga ne dhe rrethi i tij. Është më i pjekur se djem të tjerë, ka përvojë dhe e menaxhon mirë. Është profesionist dhe stërvitet shumë. Ka pubalgji, i jap merita sepse po luan edhe gjatë rikuperimit. Jam shumë i kënaqur me të. Si futbollist, është gjeni dhe duhet të mbrohet. Akoma nuk ka arritur ekselencën maksimale. Është më i miri në pozicionin e tij”.
Polemika Lamine-RFEF: “E njoftuam federatën në kohën e duhur, kur e tha mjeku. Respektojmë çfarë thonë nga kombëtarja, nuk duam polemika. Dëshirojmë që lojtari ynë të jetë në ritmin që na intereson. Barcelona dëshiron ta ketë lojtarin në dispozicionin e vet. Pushimi përkon me stinën e ndalesës dhe nuk dëmton kualifikimin e kombëtares, e cila është afër Botërorit”.
Flick: “Hansi është i lumtur, i motivuar…, jeton me Barcelonën. Nuk ka probleme. Po shijon punën dhe më pëlqen ta shoh në sy për gjithçka”. -
Inagurimi i stadiumit, Laporta hedh idenë: Do të ishte bukur nëse do ishte edhe Messi
Rikthimi i Barcelonës në Camp Nou tani është çështje kohe, teksa vetë Presidenti Laporta ka treguar së fundmi një ide mjaft interesante. Laporta shprehet se do të ishte mënyrë e bukur për të inaguruar stadiumin me një nderim për Leo Messin.
“Do të ishte një mënyrë e bukur për të inauguruar ‘Camp Nou-n’, me një nderim për Messin dhe stadiumin plot. Do të isha i lumtur të organizonim një ndeshje homazhi për Lionel Messin”, tha Laporta. -
Flick do të largohet nga Barcelona? Laporta reagon për lajmin e bujshëm që ka tronditur katalanasit
5 Nëntor 2025
18:30
Telesport
“ABC” ka raportuar mëngjesin e sotëm një lajm vërtet të bujshëm, sipas të cilit Hansi Flick do të largohet në fund të këtij sezoni nga Barcelona, për shkak se është i lodhur nga situatat me disa lojtarë.
Dhe këtu është fjala kryesisht për Lamine Yamal, të cilit po i lejohen “të gjitha llojet e çuditshmërisë” nga ana e drejtuesve të klubit dhe kjo gjë ka mërzitur shumë Flick.
Ndërkohë, presidenti i Barcelonës, Joan Laporta, ka hedhur poshtë lajmin e bujshëm, duke qetësuar tifozët katalanas për të ardhmen e Hansi Flick.
“E di që Flick është i lumtur te Barça dhe është i emocionuar që do të jetë trajneri i një klubi që do të përurojë një stadium me 105,000 vende”, tha Laporta shkurt, gjatë një drekë zyrtare në bashkinë e Brugge. -
“El Clasico” trazoi Barçën, Laporta viziton ekipit, takon Yamal dhe Flick
Disfata në “El Clasico” ka trazuar jo pak ambientin në Barcelonë, ku në qendër të kritikave ka përfunduar Lamine Yamal, me talentin spanjoll që ndezi sfidën kundër Real Madrid me një deklaratë të papjekur. Kundër tij dolën jo vetëm mediat dhe opinioni në Spanjë, por dhe shokët e tij në përfaqësuese si Carvajal, apo dhe lojtarë të Barçës si Raphinha, me brazilianin që u shpreh se deklaratat e Yamal motivuan Realin. Në letër, humbja ndaj Realit thelloi diferencën mes dy ekipeve, me Real Madrid që shkoi në +5. Kjo është një periudhë e vështirë për Barçën, pasi kundër Realit ishte humbje e 3 në 5 ndeshjet e fundit.
Për të qetësuar disi ambientin ka menduar presidenti Laporta, me këtë të fundit që zbarkoi në qendrën sportive të klubit një ditë pas humbjes në “El Clasico”. Gjatë kohës kur Laporta u shfaq lojtarët ishin larguar, përveç Araujo dhe Lamine Yamal. Pas përshëndetjeve, Laporta u ndal duke diskutuar me trajnerin Hansi Flick dhe me drejtorin Deco. Sipas të përditshmes Sport, Laporta është kujdesuar gjatë gjithë kohës të përcjell qetësi, t’i ofrojë garanci trajnerit Flick dhe pjesës tjetër të stafit.Në sytë e Laporta-s diferenca prej 5 pikësh me Realin nuk është një distancë për t’u shqetësuar, ka ende shumë ndeshje në valle për të rrëmbyer sërish kreun. Ndërsa në Champions, pavarësisht humbjes me PSG, ekipi ndodhet në kushte komode, me 6 pikë në 3 ndeshje.
()