Lajmidites.com

Tag: lamtumira

  • U nda para kohe nga jeta, sot i jepet lamtumira e fundit këngëtarit, Shpat Kasapi

    U nda para kohe nga jeta, sot i jepet lamtumira e fundit këngëtarit, Shpat Kasapi

    Këngëtarit të njohur Shpat Kasapi do t’i jepet sot lamtumira e fundit. Homazhet për artistin do të zhvillohen në orën 11:00, në Pallatin e Kulturës në Tetovë, ndërsa ceremonia e varrimit do të mbahet në orën 14:00, në varrezat e qytetit.
    Lajmi për ndarjen nga jeta të Kasapit u bë i ditur përmes një njoftimi në profilin e tij zyrtar, ku familjarët shprehen: “Me dhimbje të thellë njoftojmë largimin nga jeta të birit, babait, bashkëshortit, vëllait dhe shokut tonë të dashur, SHPAT KASAPI”.
    Në njoftim theksohet se vdekja e papritur e artistit ka tronditur familjen: “Ikja e tij ka thyer zemrat tona. Do të na mungojë zëri i butë, buzëqeshja e sinqertë dhe prania e tij qetësuese. Kujtimi i tij do të mbetet i paharrueshëm.”

    Familja bën të ditur se të gjithë ata që dëshirojnë t’i japin nderimet e fundit janë të mirëpritur të marrin pjesë në ceremonitë mortore.
    Shpat Kasapi ndërroi jetë më 26 nëntor në Itali, ku ndodhej me partneren, Selvije Jaon, dhe djalin e tyre. Dyshohet se këngëtari ka pësuar arrest kardiak.
    /vizionplus.tv

  • (Video) I jepet lamtumira e fundit vëllait të Gjestit, Egli Tako merr pjesë në ceremoninë e varrimit

    (Video) I jepet lamtumira e fundit vëllait të Gjestit, Egli Tako merr pjesë në ceremoninë e varrimit

    Sot iu dha lamtumira e fundit në Pavlan vëllait të Gjestit, Eldion Kelmendit, i cili humbi jetën pas një aksidenti tragjik. Në mesin e shumë familjarëve, miqve dhe fytyrave publike që morën pjesë në ceremoninë mortore, u vu re edhe prania e Egli Takos, e cila erdhi për të shprehur ngushëllimet e saj për këtë humbje të madhe.

    Imami i cili udhëhoqi ceremoninë e varrimit të të ndjerit Eldion Kelmendi, vëllai i këngëtarit të njohur Gjesti dhe fituesit të “Big Brother VIP 4”, dha një mesazh të fuqishëm për të gjithë të pranishmit.

    Ai u bëri thirrje qytetarëve për më shumë kujdes në komunikacion dhe për reflektim të thellë pas kësaj tragjedie që tronditi opinionin publik.

    “Kjo dhimbje e fundit e vëllaut tonë përfundimisht dhimbja e fundit dhe të mos kemi raste të tilla në vendin tonë të jemi më të kujdesshëm në komunikacion ne kemi ende plakët e luftës taze që na ka shkaktuar armiku jonë, ta kursejmë vetëm prej këtyre plagëve të vështira që po na sprovon jeta”, ka thënë imami.

  • Lamtumira e fundit për Dhimitër Anagnostin, në fshatin e lindjes në Vuno

    Lamtumira e fundit për Dhimitër Anagnostin, në fshatin e lindjes në Vuno

    Iu dha sot lamtumira e fundit regjisorit të shquar të kinematografisë shqiptare, Dhimitër Anagnosti. Ashtu siç kishte lënë amanet, trupi i tij do të prehet përjetë në fshatin e tij të lindjes, në Vuno.

    Pas ceremonisë shtetërore të homazheve dhe shpalljes Ditë Zie Kombëtare më 2 shtator, familja, ish-kolegë e dashamirës të artit të tij, u zhvendosën sot drejt Vunoit për përcjelljen për në banesën e fundit.

    Dhimitër Anagnosti do të kujtohet si një nga themeluesit e artit filmik në Shqipëri, autor i dhjetëra filmave të njohur që kanë lënë gjurmë në historinë e kinemasë shqiptare dhe në kujtesën e shumë brezave.

    Lidhja e Anagnostit me Vunoin, ka qenë e thellë dhe e pasqyruar në shumë prej prodhimeve të tij kinematografike. Aty ku gjeti frymëzimin në rrugëtimin e tij profesional, pikërisht tek Vunoi, ai kërkoi edhe prehjen e përjetshme.

    Kolosi i kinematografisë shqiptare, Dhimitër Anagnosti u nda nga jeta në 1 shtator, në moshën 89-vjeçare.

  • I jepet lamtumira e fundit regjisorit Dhimitër Anagnosti, Nderi i Kombit prehet në Vuno

    I jepet lamtumira e fundit regjisorit Dhimitër Anagnosti, Nderi i Kombit prehet në Vuno

    Sot iu dha lamtumira e fundit një prej emrave më të shquar të kinematografisë shqiptare, regjisorit Dhimitër Anagnosti.

    I jepet lamtumira e fundit regjisorit Dhimitër Anagnosti – Prehet në Vuno, siç kishte lënë amanet
    Pas një jete të dedikuar artit dhe kulturës shqiptare, trupi i tij u përcoll për në banesën e fundit në fshatin e tij të lindjes, Vuno, aty ku ai kishte lënë amanet të prehej.
    Familjarë, të afërm, miq, kolegë, personalitete dhe dashamirës të kinemasë shqiptare u mblodhën për të nderuar figurën e tij të paharruar. Dhimitër Anagnosti do të kujtohet si një nga themeluesit e artit filmik në Shqipëri, autor i dhjetëra filmave të njohur që kanë lënë gjurmë në historinë e kinemasë shqiptare dhe në kujtesën e shumë brezave.
    Prej dekadash, krijimtaria e tij ka pasur ndikim të thellë në formësimin e identitetit artistik të vendit, duke e bërë atë një nga figurat më të respektuara në jetën kulturore shqiptare.

    Top Channel

  • Lamtumira e fundit për Dhimitër Anagnostin, homazhet nesër te TKOB

    Lamtumira e fundit për Dhimitër Anagnostin, homazhet nesër te TKOB

    Homazhet në nderim të mjeshtrit të madh të kinematografisë shqiptare, Dhimitër Anagnosti, do të zhvillohen të martën, më 2 shtator, në Hollin e Teatrit Kombëtar të Operës dhe Baletit.
    Lajmi është bërë i ditur nga e bija e regjisorit të ndjerë, Juna Anagnosti, e cila njofton se ceremonia e homazheve do të mbahet nga ora 10:00 deri në orën 13:00.

    Dhimitër Anagnosti, një nga figurat më të rëndësishme të artit dhe kulturës shqiptare, u nda nga jeta duke lënë pas një trashëgimi të vyer filmash që kanë shënuar breza të tërë.

  • Sot i jepet lamtumira e fundit Artur Zhejit, homazhet për gazetarin do të mbahen te Universiteti i Arteve

    Sot i jepet lamtumira e fundit Artur Zhejit, homazhet për gazetarin do të mbahen te Universiteti i Arteve

    Sot i jepet lamtumira e fundit gazetarit dhe publicistit, Artur Zheji.

    Homazhet do të mbahen nga ora 10:00 deri në 12:00, në ambientet e Universitetit të Arteve, aty ku Zheji studioi regji dhe nisi rrugëtimin e tij artistik.
    Të afërm, miq, kolegë dhe figura të njohura të medias dhe politikës do të jenë të pranishëm për t’i dhënë nderimin e fundit, përpara se ai të përcillet për në banesën e fundit në Varrezat e Tufinës.
    Zheji ndërroi jetë papritur të shtunën, pas një arresti kardiak në Sarandë. Largimi i tij në moshën 64-vjeçare la pas një boshllëk të ndjeshëm në jetën publike shqiptare.
    Me një trashëgimi familjare të lidhur ngushtë me artin dhe dijen, i biri i dijetarit Petro Zheji dhe aktores Besa Imami, Artur Zheji solli në jetën mediatike shqiptare thellësi, guxim dhe një mendje të mprehtë. Nga skenari e dramaturgjia, te gazetaria e analiza politike, ai kontribuoi gjatë gjithë karrierës së tij në mënyrë të veçantë dhe të pazëvendësueshme.
    Që nga viti 2017, ai drejtonte emisionin “360 Gradë”, një hapësirë debati që u kthye në referencë për diskutimet më të rëndësishme në vend. Në një reflektim të vitit të kaluar, Zheji e quante vdekjen “Zonja Madhështore, e pakorruptueshmja absolute” – një përshkrim që sot merr një tjetër kuptim.

    Top Channel

  • Sot i jepet lamtumira e fundit Artur Zhejit

    Sot i jepet lamtumira e fundit Artur Zhejit

    Sot i jepet lamtumira e fundit gazetarit dhe publicistit, Artur Zheji.
    Homazhet do të mbahen nga ora 10:00 deri në 12:00, në ambientet e Universitetit të Arteve, aty ku Zheji studioi regji dhe nisi rrugëtimin e tij artistik.Të afërm, miq, kolegë dhe figura të njohura të medias dhe politikës do të jenë të pranishëm për t’i dhënë nderimin e fundit, përpara se ai të përcillet për në banesën e fundit në Varrezat e Tufinës.
    Zheji ndërroi jetë papritur të shtunën, pas një arresti kardiak në Sarandë. Largimi i tij në moshën 64-vjeçare la pas një boshllëk të ndjeshëm në jetën publike shqiptare.Me një trashëgimi familjare të lidhur ngushtë me artin dhe dijen, i biri i dijetarit Petro Zheji dhe aktores Besa Imami, Artur Zheji solli në jetën mediatike shqiptare thellësi, guxim dhe një mendje të mprehtë. Nga skenari e dramaturgjia, te gazetaria e analiza politike, ai kontribuoi gjatë gjithë karrierës së tij në mënyrë të veçantë dhe të pazëvendësueshme.Që nga viti 2017, ai drejtonte emisionin “360 Gradë”, një hapësirë debati që u kthye në referencë për diskutimet më të rëndësishme në vend. Në një reflektim të vitit të kaluar, Zheji e quante vdekjen “Zonja Madhështore, e pakorruptueshmja absolute” – një përshkrim që sot merr një tjetër kuptim.

  • Sot i jepet lamtumira e fundit Artur Zhejit, homazhet për gazetarin do të mbahen te Universiteti i Arteve të Bukura

    Sot i jepet lamtumira e fundit Artur Zhejit, homazhet për gazetarin do të mbahen te Universiteti i Arteve të Bukura

    Sot i jepet lamtumira e fundit gazetarit dhe publicistit, Artur Zheji. Në orën 10:00-12:00 do të mbahen homazhet në Universitetin e Arteve të Bukura, aty ku Zheji studioi dhe u diplomua për regjisurë. Miqtë, kolegë e bashkëpunëtorë të tij do t’i japin lamturmirën e fundit, për t’u përcjellë më pas në Varrezat e Tufinës.
    Gazetari dhe publicisti, i dalluar për mprehtësinë e fjalës dhe thellësinë e mendimit, ndërroi jetë befasisht nga një arrest kardiak ditën e shtunë, në Sarandë, ku po festontë ditëlindjen e të birit. Ikja e tij e parakohshme, në moshën 64-vjeçare, bashkoi jo vetëm përfaqësues të medias, por edhe të politikës.
    Zheji vinte nga një familje e shquar në botën e artit dhe letrave. I ati Petro Zheji, i përkiste plejadës si përkthyes e dijetar, ndërsa e ëma, Besa Imami, ishte aktore.
    Artur Zheji studioi për regji, e më pas punoi si dramaturg. Në vitet e para të demokracisë punoi në median italiane, për t’u rikthyer gjatë luftës së Kosovës, me emisionin “Luftë apo Paqe”. Ka mbajtur funksione drejtuese në disa media, si tek RTSH, ATSH dhe gazeta Mapo.
    Që nga viti 2017, Zheji drejtonte emisionin “360 Gradë”, një tryezë debati për çështjet të vendit dhe botës. Ai spikaste në debatin publik, dhe me guxim, shkruante për shumëçka, edhe për vdekjen, “Zonjën Madhështore, të pa korruptueshmen absolute”, siç e cilësonte në një refleksion, një vit më parë.

  • Myler e mbyll me dedikim: Ishte nder t’i përkisja Bajernit

    Myler e mbyll me dedikim: Ishte nder t’i përkisja Bajernit

    Pavarësisht thashethemeve për një rinovim të mundshëm të Tomas Myler edhe për shkak të dëmtimit të Xhamal Musiala-s, 35-vjeçari ka vendosur të mbyllë me Bajernin. Lamtumira e tij erdhi pa konferenca apo ceremoni. Vetëm një video e shkurtër e xhiruar nga ai vetë në qendrën sportive në Säbener Strasse, me zhurmën e një kositëseje bari në sfond:

    “Lamtumira e fundit në fushën time të stërvitjes. Ishte një kënaqësi, një nder t’i përkas Bayernit. Tani është koha për një kapitull të ri në jetën time”.

    Klubi e festoi atë në rrjetet sociale duke ripërshkruar fazat e legjendës së tij: 756 ndeshje, 250 gola, 223 asiste, 13 Bundesliga, 6 Kupa Gjermane, 2 Liga e Kampionëve dhe shumë më tepër. “Një karrierë e pabesueshme, një person i jashtëzakonshëm”. Myler ende nuk ka vendosur se çfarë do të bëjë në të ardhmen: MLS është një mundësi konkrete, ndërsa heqja dorë nga futbolli i luajtur duket ende larg.

    Vazhdo leximin

  • Muller: Ishte një kënaqësi dhe nder të luaja për Bayern, kjo është lamtumira ime nga ky ekip

    Muller: Ishte një kënaqësi dhe nder të luaja për Bayern, kjo është lamtumira ime nga ky ekip

    Epoka e Thomas Müller te Bayern Munich përfundoi me një dozë hidhërimi dhe pa bujë. Eliminimi nga Kupa e Botës për Klube kundër PSG (bavarezët humbën 0-2), një ndeshje në të cilën ai hyri vetëm në minutat e fundit, shënoi aktin e fundit të një karriere legjendare.
    Një jetë e kaluar në klub, nga ekipet e të rinjve deri në majën e Evropës dhe botës. Pavarësisht thashethemeve për një rinovim të mundshëm, edhe për shkak të dëmtimit të Musiala, 35-vjeçari ka zgjedhur të kthejë faqen përfundimisht.
    Edhe pse minutat e tij ishin zvogëluar, roli i tij në dhomën e zhveshjes kishte mbetur qendror: 49 paraqitje sezonale dhe pothuajse 2,000 minuta në fushë dëshmojnë për rëndësinë e tij. Lamtumira erdhi pa konferenca apo ceremoni.
    Vetëm një video e shkurtër e xhiruar nga ai vetë në qendrën sportive në Säbener Strasse, me zhurmën e një kositëseje bari në sfond: “Lamtumira e fundit në fushën time të stërvitjes. Ishte një kënaqësi, një nder t’i përkas Bayern. Tani është koha për një kapitull të ri në jetën time“.
    Klubi e festoi lamtumirës në mediat sociale duke ripërshkruar fazat e legjendës së tij: 756 ndeshje, 250 gola, 223 asiste, 13 tituj kampionë në Bundesliga, 6 Kupa Gjermane, 2 Champions League dhe shumë më tepër: “Një karrierë e pabesueshme, një person i jashtëzakonshëm“.
    Müller ende nuk ka vendosur se çfarë do të bëjë në të ardhmen: MLS është një mundësi konkrete, ndërsa dalja në pension, për momentin, duket e përjashtuar.