Edhe pse jo gjithçka është vendosur për këtë sezon, tashmë kanë nisur diskutimet për fituesin e ardhshëm të Topit të Artë. Shumë emra janë qarkulluar në media për t’u konsideruar dhe Fabio Capello nuk ka dyshim se kush duhet të jetë.
Sipas ekspertëve, në lojë për Topin e Artë është ndër të tjera: Ousmane Dembele, i cili pësoi një metamorfozë dhe u bë një figurë kyçe e PSG-së, falë të cilit skuadra fitoi kampionatin dhe arriti në finalen e Champions League.
Përvec tij është edhe Rapniha, Lamine Yaamal, pa harruar edhe Lautaro Martinez, që e mori Interin “në krahë” për ta dërguar në finalen e Champions. Por për ish-trajnerin e Realit, Fabio Capello, nuk duhet të ketë asnjë dyshim. “Unë do të votoja për Lamine Yamal, ai është më i miri, jepini atij Topin e Artë menjëherë, pas tij do të vendosja Vinicius dhe Mbappe”, tha Capello. /Elio Hajdari-Sport Ekspres/
Tag: lamine
-
Fabio Capello kërkon që Topi i Artë të jepet para kohe: Nuk ka asnjë dyshim, e meriton vetëm Lamine Yamal, menjëherë…
-
Deco zbulon të ardhmen e Lamine Yamal, klubi pret të mbushë 18 vjeç për t’ia konfirmuar
14 Maj 2025
10:36
Telesport
Edhe pse po shkëlqen në fushë me Barcelonën rinovimi i kontratës së Lamine Yamal është ende pezull. Drejtori sportiv i katalanasve Deco, tha për ESPN se kontrata e re e yllit spanjoll 17-vjeçar është në rrugë e sipër.
Kontrata aktuale skadon në vitin 2026, por pritet që ai të zgjasë kontratën atë kur të mbushë 18 vjeç, më 13 korrik. Pas fitimit të Kampionatit Evropian me Spanjën, ky sezon ka qenë i jashtëzakonshëm për të riun spanjoll.
“Një lojtar duhet të jetë i lumtur aty ku është dhe unë nuk shoh një vend më të mirë për Lamine. Djali është rritur këtu, është nga këtu. Ky brez ka shansin të bëjë histori”, tha Deco për mediat.
Më tej, shefi i klubit katalanas komentoi: “Duke e vënë veten në vendin e tij, do të doja të qëndroja, të jem pjesë e këtij klubi. Nuk shoh asnjë problem, veçanërisht sepse ai tashmë ka një kontratë”.
Këtë sezon, Yamal ka shënuar 16 gola dhe 24 asistime në të gjitha ndeshjet, për një sulm që në përgjithësi krenohet me shifra stratosferike: 167 gola në 57 ndeshje sezonale. -
Lamine Yamal dhe ai “pëlqim” për “interistët” e Real Madridit: Ryan ju ka ndëshkuar, tani jepni “like”
Lamine Yamal nuk i ka harruar “pëlqimet” (like) në rrjetet sociale nga lojtarët e Real Madridit pas fitores së Interit ndaj Barcelonës së tij në gjysmëfinalet e Ligës së Kampionëve. Në veçanti, disa yje të Realit, aktualë apo të së kaluarës si Jude Bellingham dhe Sergio Ramos, kishin bërë “like” në një postim të famshëm të Alessandro Bastonit, që ishte bërë “viral” në Spanjë.
Ai postim lavdëronte vetë Yamal, duke e quajtur një “përbindësh”, por në të njëjtën kohë festonte edhe eliminimin e Barcelonës nga kompeticioni më i madh europian. Kështu, pas “El Clásico” së fituar 4-3 pasditen e së dielës, Lamine Yamal përdori rrjetet sociale, konkretisht Instagramin, për të reaguar:
“Ryan ju ka ndëshkuar” (përkthimi më i mirë, jo fjalë për fjalë i termit spanjoll ‘vacunó’, që do të thotë ‘vaksinoj’, por në zhargon nënkupton ‘të shënosh një gol me përçmim’). “Tani jepini “like” edhe këtij postimi”.
Mesazhi është i qartë, pjesa e dytë e mbishkrimit është drejtuar pikërisht atyre kundërshtarëve që shpërndajnë “pëlqime” me lehtësi. Sa për “Ryan”, Yamal i referohet një videoje virale në të cilën ai gabimisht iu thërret disa tifozëve që e kishin njohur në rrugë me emrin “Ryan”. -
Yamal i qartë: Disfata me Interin është harruar. Ia thashë nënës sime, çdo vit ka Champions
Një tjetër “El Clásico”, një tjetër ndeshje monumentale nga Lamine Yamal. Duket si një përsëritje, por e vërteta është se në moshën vetëm 17-vjeçare (do të mbushë 18 për dy muaj), djali nga Rocafonda po bëhet gjithnjë e më shumë një nga lojtarët më vendimtarë në futbollin botëror, këtë moment.
Në Spanjë, sidomos në Katalonjë dhe te Barcelona, nuk reshtin së lavdëruari. Krenari e përzier me habi. Ai që gdhendi një të majtë të mrekullueshme për golin e barazimit ndaj Real Madridit në Montjuïc, duke kaluar edhe dy metrat e lartësisë së Courtois, shënoi golin e 16-të sezonal dhe bëri festimin tashmë ikonik për koleksionin e tij të pasur: qetësi, shumë qetësi, duke përsëritur mesazhin me gjeste.
Pas ndeshjes, talenti i lindur më 2007 foli për “Movistar”: “Ia thashë nënës sime, çdo vit ka Champions dhe ne do të vazhdojmë të luftojmë për të. E kemi harruar humbjen ndaj Interit. Që në mëngjes e dija që do të shënoja. Mund të kishim shënuar edhe më shumë. Barça është klubi i jetës sime, të luash në ‘El Clásico’ dhe të shënosh është ndjenjë e pabesueshme. Tani është koha për të festuar”.Yamal, çfarë je ti? Pa mbushur ende 18 vjeç, “firmos” 40 gola dhe asiste këtë sezonBarcelona ka bërë sigurisht një hap gjigant dhe pothuajse vendimtar drejt fitimit të titullit të La Liga-s, por duhet theksuar për herë të disatë Lamine Yamal, me të vërtetë gjigant. I lindur në vitin 2007 dhe me origjinë nga Rocafonda, ai nuk trembet as nga skenat e mëdha, as nga kundërshtarët që ka përballë. Edhe një herë, përballë Real Madridit, tregoi se është shumë më tepër se një premtim i thjeshtë i futbollit botëror.
Të dhënat nuk gënjejnë kurrëDopieta e Mbappé mund të kishte krijuar dyshime te Barcelona, e cila ishte në disavantazh, por goli i barazimit, i ardhur nga “firma e tij klasike” (gjuajtje me të majtën në shtyllën e dytë), bëri që Courtois të gjunjëzohej dhe mbi 50 mijë tifozë të ngriheshin në këmbë për të duartrokitur xhevahirin e tyre të artë. Ndërkohë, pa mbushur ende 18 vjeç, Yamal ka arritur kuotën e 40 kontributeve direkte mes golave dhe asistimeve këtë sezon, përkatësisht 16 gola dhe 24 asiste në 52 ndeshje.
Real Madridi, “viktima” e preferuarNjë kënaqësi e pastër për “të tmerrshmin” Yamal, sepse në 4 “El Clasico” të luajtura këtë sezon kundër Real Madridit, ai ka qenë i përfshirë direkt në 5 nga 16 golat e shënuar nga Barça. Për të qenë të saktë: një gol në secilën nga dy ndeshjet e La Liga-s, një tjetër në finalen e Superkupës dhe dy asistime në finalen e Kupës së Mbretit për Pedrin dhe Ferran Torres. Tashmë në Spanjë nuk kanë më dyshime: Lamine Yamal është realisht në garë për “Topin e Artë”, së bashku me Raphinha dhe Ousmane Dembélé. Debati është i hapur, teksa koha është në anën e “djalit nga Rocafonda”. -
Yamal Lamine, nga cili planet ke ardhur? Pa mbushur 18 vjeç, 40 gola/asist këtë sezon!
Barcelona me siguri ka bërë një hap gjigant dhe pothuajse përfundimtar drejt fitimit të titullit të La Ligës, por ia vlen të theksohet edhe një herë një Lamine Yamal gjigant. Lojtari i lindur në vitin 2007, me origjinë nga Rocafonda, nuk frikësohet nga skena apo kundërshtarët me të cilët përballet dhe, edhe një herë, duke u përballur me Real Madridin, ai tregoi se është shumë më tepër sesa thjesht një lojtar premtues në futbollin botëror.
Të dhënat nuk gënjejnë kurrëDygolëshi i Mbappé mund të kishte hedhur dyshime mbi Barcelonën, e cila ishte një gol prapa, por barazimi i përkohshëm i siguruar nga goli i tij karakteristik (një gjuajtje me hark drejt shtyllës së largët me këmbën e majtë) e uli Courtois në gjunjë dhe mbi 50,000 tifozë ngriti në këmbë, të cilët nuk presin asgjë më shumë sesa të festojnë fitoren e tyre të artë. Ndërkohë, pa mbushur ende 18 vjeç, Yamal krenohet me 40 gola/asiste këtë sezon, për të qenë të saktë 16 gola dhe 24 asiste në 52 ndeshje.
Një argëtim unik për të “tmerrin” Yamal, sepse në katër El Clasico të luajtura kundër Real Madridit këtë sezon, ai ka pasur një përfshirje të drejtpërdrejtë në 5 nga 16 golat e shënuar. Vetëm për t’ju dhënë disa shifra: një gol në secilën prej dy ndeshjeve të La Ligas, një tjetër në finalen e Superkupës dhe dy asiste në finalen e Kupës për Pedrin dhe Ferran Torresin. Tani Spanja nuk ka dyshime: Lamine Yamal është vërtet në garë për Topin e Artë, së bashku me Raphinha dhe Ousmane Dembélé. Debati është i hapur, koha është në anën e djalit të Rocafondës. -
Disa vajza i kërkojnë Yamal t’u bëjë një foto, por nuk e njohin: ja si përgjigjet ai (Video)
Popullariteti i Lamine Yamal është rritur ndjeshëm, por ka akoma disa që nuk e njohin në Barcelonë.
Ka nga ata që i afrohen shumë natyrshëm pa pasur idenë më të vogël se kush është ai: kjo është ajo që ndodhi disa ditë më parë në hyrje të një restoranti të njohur në lagjen Sarrià-Sant Gervasi, ku lojtari po përgatitej të darkonte me disa miq.
Videoja e publikuar në internet tregon futbollistin e ri te dyert e klubit, i ndaluar nga disa vajza që i kishin kërkuar ndihmë për të bërë një foto në grup.
Askush nuk e dinte se kishin përballë yllin e futbollit europian, i sapodalë nga gjysmëfinalja e Champions League kundër Interit dhe gati për të fituar La Liga-n për herë të parë.
Një vajzë i la atij telefonin e saj inteligjent dhe pozoi me të tjerët, derisa njëra prej tyre iu afrua me kuriozitet dhe e pyeti për emrin e tij, për të konfirmuar se ishte vërtet lojtari i Barcelonës përpara saj.
Megjithatë, Lamine Yamal e mbajti identitetin e tij të fshehtë. “Emri im është Ryan”, ishte përgjigjja e tij e shkurtër, megjithëse ishte tepër vonë për të mbetur i fshehur deri atëherë.
Sidoqoftë, spanjolli i bëri foton vajzave si çdo person tjetër, duke i lënë të gjithë me dyshimin që tashmë iu ishte ngulitur.صديقات خرجوا لمطعم وطلبوا من لامين يمال التقاط صورة 💀😂 pic.twitter.com/EKdt25KP1Z
— FCB World (@forcabarca_ar) May 9, 2025 -
Disa tifozë të Interit thanë se ishte i pavlerë, ndërkohë mbrojtësi i Interit: Lamine Yamal, ti je një përbindësh!
Interi arriti që të fitonte ndaj Barcelonës dhe të kalonte më tej në finalen e Champions League, atje ku do të përballet me PSG. Pavarësisht talenteve të shumta në ekip, katalanasit nuk arritën dot që të kalonin italianët.
Por nëse disa tifozë të Interit kanë reaguar në eufori e sipër pas ndeshjes duke thënë se Yamal ishte i pavlerë dhe se nuk bëri asgjë në këtë ndeshje, të kundërt janë reagimet e vetë protagonistëve të Interit në fushën e blertë.
Nëse Inzaghi tha në ndeshjen e parë se nuk kishte parë prej vitesh një lojtar si Yamal dhe se e detyroi që ta markonte me 3 lojtarë, këtë herë është Bastoni që jep një mendim po të ngjashëm. “Vetëm tani arrita të kuptoj vërtet se çfarë çmendurie kemi bërë kundër Barcelonës. Dua të përmend edhe një “fëmijë” tmerrësisht të mirë, Lamine Yamal, është një përbindësh”, tha Bastoni, ndërsa deklarata e tij ka bërë jehonë të madhe edhe në Spanjë. /Sport Ekspres/ -
I mori fanellën pasi mbaroi ndeshja, Bastoni vlerëson Lamine Yamal: Një përbindësh
Alessandro Bastoni i dedikoi ndeshje gjysmëfinale Inter-Barcelona dy postime në rrjetet sociale. I pari me thirrjen “Shihemi në Monako!“. E dyta, më e menduar, erdhi një ditë pas ndeshjes që e çoi Inter në finalen e Champions League.
Në këtë postim në “Instagram” ai përfshin kundërshtarin me të cilin u përball në zonën e tij të fushës, talentin Lamine Yamal. “Vetëm tani kam filluar të kuptoj se çfarë suksesi të jashtëzakonshëm arritëm të marten”, thotë Bastoni.
“Përpjekja që lamë në atë fushë ishte e madhe dhe e gjitha u shpagua, dhe aq më tepër, nga energjia e paharrueshme e tifozëve tanë. Falënderoj çdo shok skuadre: shpirtin, urinë, zemrën”, u shpreh më tej Bastoni.
Në fund, ai shtoi: “Të luftoja pranë jush është ajo që i bën të gjitha sakrificat e fëmijëve tanë të ndihemi krenarë. Një mesazh special për një fëmijë tmerrësisht të mirë: Lamine Yamal, ti je një përbindësh“.
Postimi i Bastoni u bë viral në Spanjë, ku komplimentet e mbrojtësit të Inter për 17-vjeçarin u raportuan gjerësisht nga mediat vendase. Bastoni dhe Yamal ndër të tjera shkëmbyen fanellat në fund të ndeshjes. -
Interi në finale, por Lamine Yamal magjepsi edhe në “San Siro”. Çfarë talenti i patëmetë!
Në një natë heroike në “San Siro”, emocionet ishin të panumërta. Interi shkoi në finalen e Ligës së Kampionëve, me plot meritë, por në të dyja ndeshjet, edhe në Katalonjë, edhe në Milano, nuk ka munguar admirimi për talentin e jashtëzakonshëm të Lamine Yamal.
Vetëm një Sommer monstruoz arriti ta ndalte yllin spanjoll, i cili mori notën 8 në vlerësimet e “Gazzetta dello Sport”, bashkë me vlerësimin si vijon: “Ndjesia është se pas Pelé, Diego-s dhe Leo-s, po asistojmë në lindjen e fenomenit të ri botëror.
Të gjithë e kërkojnë, të gjithë i japin topin, duke harruar që është ende shumë i ri dhe që duhet mbrojtur. Por ai nuk është një fëmijë i zakonshëm. Është një kampion, që e kthen aksionin mbrojtës në kundërsulm me një prekje të vetme. Dhe, ndër të tjera, ka edhe një karakter të fortë”.
Pas ndeshjes e ndërroi fanellën me Alessandro Bastonin, një prej atyre që ditët e fundit e kishte cilësuar si “kundërshtari më i fortë, ndaj të cilit kam luajtur ndonjëherë”.
Lamine Yamal është vetëm 17 vjeç, një yll i paracaktuar i futbollit botëror. -
“San Siro” i mbushur plot, Dani Olmo nuk trembet: Të luajturit në një stadium të tillë na motivon
6 Maj 2025
8:13
Alfred Lleshi
Rritet pritshmëria për gjysmëfinalen e kthimit të Ligës së Kampionëve mes Interit dhe Barcelonës, që do të luhet sonte në “San Siro”. Në konferencën për shtyp, në prag të ndeshjes, foli Dani Olmo.
Çfarë do të nevojitet për sukses sonte?Në ndeshjen e parë luajtëm si të barabartë. Kishte momente ku mund të mbroheshim më mirë. Kjo mund të ndodhë, por duhet të jemi të përgatitur. Synimi ynë është të fitojmë duke luajtur futboll të bukur.
Cili do të jetë efekti i stadiumit të stërmbushur “San Siro”?Faktori fushë ndihmon ata që luajnë në shtëpi, por ne kemi luajtur në stadiume si ‘Wanda Metropolitano’ apo ‘Bernabeu’, në të cilat kemi fituar ose jemi kualifikuar. Të luajmë në një stadium të tillë na motivon shumë, do të donim të ishte çdo ndeshje kështu.
Si ju duket shpërthimi i Lamine Yamal?E trajtojmë me normalitet. E dimë mirë çfarë lojtari është Lamine dhe sa i rëndësishëm është për ne. Këto janë ndeshje që i përgatisim si gjithmonë. Ai është i qetë dhe ka dëshirë të tregojë pse konsiderohet më i miri.
A prisni dyfishim markimi ndaj tij?Kjo do të thotë që dikush tjetër do të jetë i lirë. Lamine ka treguar se mund të luajë një kundër një, por edhe ndaj dy ose tre kundërshtarëve. Nëse shkojnë tre tek ai, do të kemi dy lojtarë të lirë, aq më mirë për ne.