Lajmidites.com

Tag: laert

  • ‘Partner in crime’! Tritol pas ‘divorcit’- Takimi special me Ziza Pajazitin ‘ndezi’ xhelozinë mes Klea Gjatës dhe Laert Haxhiut

    ‘Partner in crime’! Tritol pas ‘divorcit’- Takimi special me Ziza Pajazitin ‘ndezi’ xhelozinë mes Klea Gjatës dhe Laert Haxhiut

    Klea Gjata, Laert Hazhi dhe Ziza Pajaziti

    LUSHNJË-Një tritol ku objektiv ka qënë banesa e nënës së Klea Gjatës, ka risjellë në vëmendje marrëdhëniet e dashurisë dhe jo vetëm të të dënuarit me burg të përjetshëm Laert Haxhiut. Hetimi në lidhje me shpërthimin me lëndë plasëse në shtëpinë e Klea Gjatës ka ngritur disa pista, ku autoritetet janë përqendruar te lidhja që Klea Gjata ka me Laert Haxhiun.

    Xhelozi, hatërmbetje në çift apo paralajmërim !?
    Klea Gjata njihet si e dashur e Laert Haxhiut, por edhe si anëtarja e bandës së tij të krimit. Jo vetëm lidhje dashurie, por dyshja u akuzuan edhe për bashkëpunim në vrasje. Konkretisht 29-vjeçarja u arrestua më 2023 si pjesë e grupit të Laert Haxhiut, gjatë operacionit të koduar “Never Forget” pas dëshmisë se bashkëpunëtorit të drejtësisë Artan Tafani. Ajo u arrestua për ‘moskallëzim krimi’ dhe ‘përkrahje të autorit të krimit’. Asakohe dyshohej se Klea Gjata ishte e përfshirë në vrasjen e Alban Semakut në vitin 2021. E reja u lirua më 21 maj të 2024-ës.

    Në kuadër të hetimeve Klea Gjatës iu sekuestrua edhe makina luksoze GLK në ngjyrë të zezë, në pronësi të nënës së saj. Nga hetimet rezulton se mjeti është përmendur edhe nga Tafani, i cili ka thënë se Klea kishte dijeni për të gjitha krimet e Laertit, dhe në disa raste madje kishte shërbyer si shofere e tij. 
    Duke marrë parasysh hetimin ndaj saj, shpërthimi në banesën e nënës, nuk përjashton as pistën e inskenimit, pasi e reja mund të ketë stisur ngjarjen për të kërkuar azil në një shtet në perëndim.
    Lidhja e çiftit, Klea-Laert raportohet të ketë vazhduar edhe përpos hetimeve dhe ngjarjeve kriminale vazhdoi. Por ‘xhelozi’ do i ndante. Burime nga Policia, për gazetarin Elton Qyno bëjnë me dije se janë ngritur dyshime të forta se shkak i vendosjes së tritolit mund të jetë bërë mosmarëveshjet e lindura mes Klea Gjatës dhe të dënuarit me burg përjetë Laert Haxhiu, me të cilin vajza është ndarë.

    Divorci mes Klea Gjatës dhe Laert Haxhiut ka ndodhur sapo vajza nga Lushnja, ka mësuar se një modele nga Kosova e quajtur Ziza Pajaziti, ka zhvilluar një takim special në burgun e Drenovës me Laert Haxhiu. Pas zbulimit të tradhtisë, Klea Gjata, ka refuzuar takimet e mëtejshme në burg me Laert Haxhiun, duke çuar në një konflikt të vazhdueshëm me të. Dyshimet janë se ky konflikt mund të jetë bërë shkak për vendosjen e tritolit në banesën ku jeton nëna e Klea Gjatës, e cila fatmirësisht nuk ka pësuar dëmtime nga shpërthimi I tritolit.
    Takimi me modelen në ambjentet e burgut ka ndodhur më 12 qershor 2025. Pajaziti, sipas një raporti sekret, është paraqitur në ambientet e burgut të Drenovës, pasi zyrtarisht kishte planifikuar një takim me të dënuarin Vladimit Kurti, i cili është dënuar me burg të përjetshëm për vrasjen e tregtarit, Agim Buçi, ngjarje e ndodhur në Kamëz. Modelja është akomoduar në dhomën e takimeve special dhe në dhomë nuk i ka shkuar Kurti siç ishte planifikuar, por Laert Haxhiu.
    Laert Haxhia u ekstradua nga Greqia pas rrëfimit të të penduarit të drejtësisë, Artan (Marjus) Tafani, i cili zbardhi të paktën 17 krime, mes tyre vrasje, tentative për vrasje, vendosje tritoli dhe trafik të lëndëve narkotike./ZËRI

  • Tritoli në Lushnjë, pas divorcit mes Klea Gjatës dhe Laert Haxhiut/ Lidhja që u kris pasi në burg hyri në takim special Ziza Pajaziti

    Tritoli në Lushnjë, pas divorcit mes Klea Gjatës dhe Laert Haxhiut/ Lidhja që u kris pasi në burg hyri në takim special Ziza Pajaziti

    Një shpërthim i fortë tritoli ka ndodhur në lagjen “Gafur Muço” në Lushnjë, ku objektiv ka qënë banesa e nënës së Klea Gjatës, shtetases Shaqe Gjata. Policia e Lushnjës ka ngritur dyshime të forta se shkak i vendosjes së tritolit mund të jetë bërë mosmarëveshjet e lindura mes Klea Gjatës dhe të dënuarit me burg përjetë Laert Haxhiu, me të cilin vajza është ndarë.

    Divorci mes Klea Gjatës dhe Laert Haxhiut ka ndodhur sapo vajza nga Lushnja, ka mësuar se një modele nga Kosova e quajtur Ziza Pajaziti, ka frekuentuar në takim special në burgn e Drenovës të dashurin e Kleas, Laert Haxhiu.

    Pas zbulimit të tradhtisë, Klea Gjata, ka refuzuar takimet e mëtejshme në burg me Laert Haxhiun, duke çuar në një konflikt të vazhdueshëm me të. Sipas burimeve të policisë së Tiranës, kjo pistë dhe ky konflikt mund të jetë bërë shkak për vendosjen e tritolit në banesën ku jeton nëna e Klea Gjatës, e cila fatmirësisht nuk ka pësuar dëmtime nga shpërthimi I tritolit.

    Kujtojmë se emri i Klea Gjatës doli në media si e dashura besnike e Laert Haxhiut, kur njëri nga anëtarët Artan Tafani, shfaqi pendësn dhe foli për prokurorinë e Elbasanit, disa nga krimet e kryera nga banda e Laert Haxhiut.

    Pas dëshmisë së tij, policia dhe prokuroria urdhëruan arrestimin e Klea Gjatës për akuzën e “Moskallëzimit të krimit”, e cila ka qëndruar 6 muaj në burg dhe njëherësh ju sekuestrua një automjet tip “Benz”, me të cilin lëvizte herë pas here Laert Haxhiu, gjatë kohës kur ishte në kërkim./Nga Elton Qyno

  • Tritol banesës së Klea Gjatës, ish-të dashurës së Laert Haxhiut

    Tritol banesës së Klea Gjatës, ish-të dashurës së Laert Haxhiut

    Klea Gjata dhe Laert Haxhiu

    LUSHNJË-Një shërthim me tritol është raportuar gjatë natës në Lushnjë. Ngjarja ka ndodhur në rrugën ‘Gafurr Muço’. Fatmirësisht si pasojë e shpërthimit nuk raportohet për të lënduar, por ka vetëm dëme materiale. Paraprakisht bëhet me dije se lënda plasëse është vendosur në banesën në pronësi të shtetases Shaq Gjata, e ëma e Klea Gjatës. Kjo e fundit nuk është një emër i panjohur për autoritetet, pasi është ish-e dashura e Laer Haxhiut.
    Pistat e Policisë janë përqendruar te lidhja që Klea Gjata ka me Laert Haxhiun. Ndërkohë nuk përjashtohet as pista e inskenimit, pasi e reja mund të ketë stisur ngjarjen për të kërkuar azil në një shtet në perëndim.
    29-vjeçarja u arrestua më 2023 si pjesë e grupit të Laert Haxhiut, gjatë operacionit të koduar “Never Forget” pas dëshmisë se bashkëpunëtorit të drejtësisë Artan Tafani. Ajo u arrestua për ‘moskallëzim krimi’ dhe ‘përkrahje të autorit të krimit’. Asakohe dyshohej se Klea Gjata ishte e përfshirë në vrasjen e Alban Semakut në vitin 2021. E reja u lirua më 21 maj të 2024-ës.
    Në kuadër të hetimeve Klea Gjatës iu sekuestrua edhe makina luksoze GLK në ngjyrë të zezë, në pronësi të nënës së saj. Nga hetimet rezulton se mjeti është përmendur edhe nga Tafani, i cili ka thënë se Klea kishte dijeni për të gjitha krimet e Laertit, dhe në disa raste madje kishte shërbyer si shofere e tij. 
    Njoftimi i policisë:
    Rreth orës 01:00, në lagjen “Gafurr Muço”, në murin e jashtëm në katin e parë të banesës së shtetases Sh. Gj., 57 vjeçe, është hedhur dhe ka shpërthyer një sasi e vogël lëndë plasëse. Nga shpërthimi janë shkaktuar dëme të vogla materiale. Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, si dhe për identifikimin dhe kapjen e autorit/ëve./ZËRI

  • Shpërthim me tritol në banesën e Klea Gjatës, e dashura e të dënuarit përjetë Laert Haxhiu

    Shpërthim me tritol në banesën e Klea Gjatës, e dashura e të dënuarit përjetë Laert Haxhiu

    Një shpërthim i fuqishëm me lëndë eksplozive tronditi lagjen Gafurr Muça në Lushnje, gjatë orëve të para të mëngjesit.
    Ngjarja ndodhi në katin e parë të një pallati, ku ishte vendosur një sasi tritoli në hyrje të banesës së Shaqe Gjatës, nënës së Klea Gjatës, e njohur si e dashura e Laert Haxhiut, një emër i njohur për lidhje me botën e krimit.

    Sipas burimeve nga vendngjarja, shpërthimi ka shkaktuar dëme të mëdha materiale në banesë, në fasadën e pallatit, dhe në disa automjete të parkuara pranë.
    Fatmirësisht nuk raportohet për të lënduar, por banorët e pallatit janë tronditur nga fuqia e shpërthimit.
    29-vjeçarja u arrestua më 28 shtator 2023 në kuadër të operacionit të koduar policor “Never Forget”, pas dëshmisë së të penduarit të drejtësisë Artan Tafani, i cili u zbërthye para grupit të hetimor duke zbardhur 6 krime të kryera nga grupi i autorit të masakrës së Lushnjes.
    E reja nga Lushnja dyshohej se ishte përfshirë në vrasjen e Alban Semakut në vitin 2021.
    Ndaj Klea Gjatës u ngrit akuza për veprat penale “Përkrahja e autorit të krimit” dhe “Moskallëzimi i krimit”.
    Por Klea Gjata u lirua me vendim të GJKKO-së më 21 Mars 2024, ku ndaj saj u caktua masa e sigurimit personal “Ndalimi i daljes jashtë shtetit”

     

  • Tronditet Lushnja! Shpërthim me tritol në banesën e Klea Gjatës, të dashurës së Laert Haxhiut

    Tronditet Lushnja! Shpërthim me tritol në banesën e Klea Gjatës, të dashurës së Laert Haxhiut

    Një shpërthim i fuqishëm me lëndë eksplozive tronditi lagjen Gafurr Muça gjatë orëve të para të mëngjesit.
    Ngjarja ndodhi në katin e parë të një pallati, ku ishte vendosur një sasi tritoli në hyrje të banesës së Shaqe Gjatës, nënës së Klea Gjatës, e njohur si e dashura e Laert Haxhiut, një emër i përfolur për lidhje me botën e krimit.
    Sipas burimeve nga vendngjarja, shpërthimi ka shkaktuar dëme të mëdha materiale në banesë, në fasadën e pallatit, dhe në disa automjete të parkuara pranë. Fatmirësisht nuk raportohet për të lënduar, por banorët e pallatit janë tronditur nga fuqia e shpërthimit.

  • Laert Haxhiu nuk heq dorë! I gjendet sërish telefon në qeli, herën e parë ‘i hëngri kokën’ drejtorit të burgut

    Laert Haxhiu nuk heq dorë! I gjendet sërish telefon në qeli, herën e parë ‘i hëngri kokën’ drejtorit të burgut

    laert haxhiu, foto ilustruese

    DRENOVË- Një telefon celular është gjetur në burgun e Drenovës, që dyshohet se është përdorur nga Laert Haxhiu, i dyshuar për disa ngjarje të rënda kriminale. Telefoni që është kapur i përkiste një të dënuari për lëndë narkotike, por dyshohet se përdorej nga Haxhiu. Dyshimet lindën pasi telefoni është kapur në sektorin ku vuan dënimin Haxhiu, por më shumë pritet të kuptohet nga hetimet që SHKB dhe Prokuroria e Korçës po kryejnë.
    Një rast i ngjashëm u zbulua dhe në muajin Korrik të këtij viti, ku Drejtoria e Përgjithshme e Burgjeve ndërhyu duke shkarkuar drejtuesin e IEVP-së Fatjon Fasho, si dhe shefin e sektorit Sokol Kacoli.

    Laert Haxhiu është dënuar me burg përjetë për masakrën e Lushnjes. “Masakra e Lushnjes” ka ndodhur në shtator të vitit 2017. Shënjestër ishte Xhulio Shkurti, nipi i Aldo Bares, por të vdekur mbetën Jurgen Hoxha dhe Zamir Latifi. Laert Haxhiu akuzohet nga autoritetet shqiptare për 16 vepra të ndryshme penale, që përfshijnë vrasje, atentate, plagosje, grabitje e shumë të tjera, të kryera në formën e grupit kriminal. Dosja u zbërthye pas dëshmisë së të penduarit të drejtësisë, Marjus Tafani. Laert Haxhiu u arrestua në Selanik të Greqisë dhe më pas, pas një procesi të gjatë gjyqësor në vendin fqinjë u ekstradua në Shqipëri. /ZËRI 

  • Laert Vasili ngushëllon Gjestin për humbjen e vëllait të tij: Zoti të dhëntë forcë

    Laert Vasili ngushëllon Gjestin për humbjen e vëllait të tij: Zoti të dhëntë forcë

    Lajmi i hidhur për ndarjen nga jeta të vëllait të Besart Kelmendit ka tronditur opinionin publik dhe miqtë e tij të shumtë. Aktori Laert Vasili ka reaguar me një mesazh ngushëllimi, duke i shprehur solidaritetin dhe dhimbjen e tij për këtë humbje të papritur.
    “Ndarja nga jeta e vëllait të Besartit, në një moshë kaq të hershme, na ka tronditur të gjithëve. I shpreh ngushëllimet e mia më të sinqerta Besartit dhe familjes Kelmendi për këtë humbje të madhe e të papritur,” – shkruan Vasili në një postim në rrjetet sociale.
    Në video shfaqet momenti ku Vasili e përqafon dhe e puth në ballë Besartin, duke i dhënë mbështetje morale në këto ditë të vështira.
    Screenshot
    Si ndodhi aksidenti?
    Aksidenti i rëndë ndodhi në fshatin Qungur në komunën e Pejës pasditen e sotme, ku si pasojë ka humbur jetën Eldion Kelmendi, vëllai i reperit të njohur nga Peja, Gjesti dhe nje tjeter mbeti i plagosur.
    Mësohet se i riu ka ndërruar jetë në vendngjarje. Aksidenti ndodhi rreth orës 14:00, kur një veturë është përplasur me një motor. Po ashtu, është raportuar se një tjetër banor i fshatit me iniciale K.B është lënduar rëndë dhe aktualisht ndodhet në trajtim në spitalin e Pejës. Banorët e zonës prej të cilëve u mësuan detajet kanë shprehur ngushëllimet e tyre dhe kanë kërkuar që të zbardhen sa më parë rrethanat e aksidentit.
    Hetimet janë në vazhdim. Po ashtu ende nuk kemi një reagim nga reperi Gjesti, i cili ka qenë fituesi i edicionit të shkuar të Big Brother VIP Albania, aty ku tregoi edhe lidhjen e veçantë që kishte me vëllain e tij.

  • Merr fund arratia e pronarit të “Stockholm”! Kush është Ferhat Kraja, biznesmeni që dhunoi kundërshtarin e tij

    Merr fund arratia e pronarit të “Stockholm”! Kush është Ferhat Kraja, biznesmeni që dhunoi kundërshtarin e tij

    Policia e Tiranës ka bërë të mundur mbrëmjen e së premtes arrestimin e ish-kryetarit të Forumit Rinor të Partisë Demokratike, Kid Kazazin dhe 31-vjeçarin Ferhat Kraja.
    Kazazi kërkohej nga blutë prej tre muajsh lidhur me një vrasje të mbetur në tentativë në qytetin e Durrësit, ndërkohë që miku i tij Kraja për ngjarjen e regjistruar në korrik të këtij viti ku dhunoi brutalisht pronarin e lokalit “Tokyo”, Laert Kasajn.
    Shërbimet e Komisariatit nr.2 të kryeqytetit bënë të mundur arrestimin e Krajas i cili në momentin kur dhe u kap ndodhej në automjet në zonën e “Komunës së Parisit” së bashku me mikun e tij, Kid Kazazin.

    Ferhat Kraja

    Kujtojmë se sherri brutal u regjistrua në korrik të 2025 në brendësi të kompleksit “Deliorgji” në Tiranë. 31-vjeçari Kraja i cili është dhe pronari i lokalit “Stockholm”, që ndodhet përballë kompleksit ku ndodhi ngjarja, së bashku me disa persona të tjerë dhunuan në mënyrë barbare Laert Kasajn.

    Laert Kasaj, pasi u dhunua

    Sherri i cili nisi për aksionin e lirimit të hapësirave publike përfundoi me dhunimin e Kasajt i cili ashtu sikurse kemi raportuar dhe më herët si pasojë e grushteve të marra përfundoi në spital me plagë në të gjithë trupin.
    Nga dëshmitë e bëra me dije më herët, nga dëshmitarët, përplasja fizike erdhi për shkak se Kaja dyshonte se Kasaj e kishte denoncuar për zaptimin e hapësirave publike. Madje, në momentin e sulmit, njëri prej personave të përfshirë në këtë sherr u drejtua me fjalët: “Pse më ke denoncuar?”.
    “Specialistët e Komisariatit të Policisë Nr. 2: shpallën në kërkim shtetasin F. K., 31 vjeç dhe O. K., 30 vjeç, pasi me datë 21.07.2025, rreth orës 22:30, në Rrugën e Kavajës, tek kompleksi “Delijorgji” dyshohet për motive të dobëta, në bashkëpunim me njëri-tjetrin, kanë goditur me grushte dyshohet dhe me sende të forta shtetasit E. K dhe L. K, të cilët pas marrjes së asistencës mjekësore u larguan për në banesë. Punohet për kapjen e tyre dhe dokumentimin e plotë të rastit”, thuhej në njoftimin e Policisë më herët.

  • Sërish erë korrupsioni te AKSHI! Laert Kasaj merr 860 milionë nga Mirlinda Karçanaj 

    Sërish erë korrupsioni te AKSHI! Laert Kasaj merr 860 milionë nga Mirlinda Karçanaj 

    Një tender i dyshimtë me vlerë qindra milionë lekë ka rënë sërish në duart e biznesmenit të njohur Laert Kasaj, i cili vetëm pak javë më parë u bë protagonist i një ngjarjeje të rëndë në Tiranë.
    Agjencia Kombëtare e Shoqërisë së Informacionit (AKSHI) shpalli fituese kompaninë RATECH, pjesë e R&M Group, në tenderin me objekt “Mirëmbajtja e sallës së monitorimit për Drejtorinë e Përgjithshme të Burgjeve”. Fondi limit i këtij tenderi ishte 79,996,200 lekë të reja pa TVSH ose rreth 960 milionë lekë të vjetra me TVSH, ndërsa vlera fituese u shpall 71,996,600 lekë pa TVSH ose rreth 860 milionë lekë të vjetra me TVSH. Në përqindje, kjo përbën 90% të fondit limit, një shifër tipike për tenderat e paracaktuar, ku nuk ka konkurrencë reale.

    Dokumentet e tenderit tregojnë se në garë kanë marrë pjesë pesë kompani. Nga këto, tre ofruan çmime më të ulëta se kompania e Kasaj, por pavarësisht kësaj, ato u skualifikuan. Ndërkohë, një kompani tjetër nuk paraqiti fare ofertë, duke shtuar edhe më shumë dyshimet se procesi ishte i manipuluar që në fillim. Kjo është një skemë e njohur në tenderat publikë shqiptarë: firmat e “shokëve” futen për të rritur artificialisht numrin e pjesëmarrësve, por fituesi është vendosur paraprakisht.

    RATECH, fituesja e tenderit, është e regjistruar formalisht në emër të Migen Kasajt, me administrator Laert Kasajn. Por sipas të dhënave, “de facto” pronar është vetë Laert Kasaj. Për të shmangur ekspozimin, ai në korrik 2024 ia dhuroi kompaninë të vëllait, ndërsa në praktikë vijon ta kontrollojë vetë. Ky manovrim juridik është përdorur shpesh nga biznesmenë të lidhur me pushtetin për të fshehur konfliktet e interesit dhe për të shmangur verifikimet e institucioneve.

    Kjo aferë tenderash vjen vetëm pak kohë pas një episodi të bujshëm ku Kasaj u përfshi si viktimë. Më 21 korrik 2025, rreth orës 22:30, ai u dhunua brutalisht në kompleksin “Delijorgji” në Tiranë. Sipas burimeve, sulmuesit dyshohet të kenë qenë pronarët e barit “Stockholm”, përballë kompleksit, të cilët nuk e kanë përtypur mirë një denoncim të mundshëm të Kasajt pranë kryeministrit, lidhur me uzurpimin e hapësirave publike dhe vendosjen e tendave pa leje nga lokalet e zonës. Për këtë arsye, në rrethin e biznesit ai u etiketua si “spiun”.

    Ironia është se vetëm pak javë pas dhunimit, Kasaj përfitoi një kontratë të majme publike me vlerë 860 milionë lekë të vjetra.
    Ky rast ngre pikëpyetje të mëdha mbi mënyrën se si AKSHI menaxhon fondet publike dhe se si kompani të lidhura me individë të kontestuar arrijnë të përfitojnë kontrata kaq të mëdha, pavarësisht se ka oferta më të ulëta dhe më konkurruese në garë. Modeli është i njëjtë: tenderat duket se bëhen për sy e faqe, ndërsa paratë shkojnë tek të njëjtët emra.
    Pra, ndërsa pak javë më parë u përfol si “spiun” dhe u dhunua fizikisht, sot Kasaj është përfitues i rreth 860 milionë lekëve nga një tender publik i AKSHI-t, me të gjitha gjasat i fituar në mënyrë të dyshimtë.
    /JOQ/

  • Lifestyle I martuar dhe me fëmijë/ Habit Laert Vasili: Vjen e më thotë që është i yti, perlë…

    Lifestyle I martuar dhe me fëmijë/ Habit Laert Vasili: Vjen e më thotë që është i yti, perlë…