Krijohen në laborator miniorganet e para, modele të thjeshtuara të organeve të njeriut. Kjo është një arritje mjaft e rëndësishme, pasi konsiderohet premtuese për krijimin e terapive të reja, kryesisht për diabetin.
Ekipi kërkimor i Mjekësisë Molekulare Max Delbrück ka arritur të rikrijojë pankreasin, duke formuar grupime qelizash që prodhojnë hormonin thelbësor, insulinën.
Deri më sot, të gjitha kërkimet për funksionimin e këtyre qelizave kaq komplekse kanë dështuar. Ndërsa kësaj here, pas 5 vitesh përpjekje, është arritur të organizohen qelizat me një rrjet enësh gjaku. Kjo e bëri të mundur që qelizat prodhuese të insulinës të piqeshin, duke u bërë mjaft të ngjashme me ato të pankreasit real.
Autorët e studimit i kanë transplantuar këto qeliza tek kaviet diabetike, dhe qelizat përgjegjëse për rregullimin e insulinës kanë rezultuar efikase. Ndërkohë, pas 19 javësh, nuk kishte më shenja të sëmundjes, çka është mjaft shpresëdhënëse për të ardhmen e terapive për diabetikët. Klan News
Tag: laborator
-
Prodhohet në laborator minipankreasi/ Ja si krijohet hormoni i insulinës
-
Një përgjigje e fundit kineze për COVID-in
Në një raport mbi reagimin e saj ndaj pandemisë të publikuar dje, më 1 maj, Kina përsëriti pretendimin e saj se COVID-19 mund të ketë origjinën në Shtetet e Bashkuara, pasi administrata e Presidentit Donald Trump kishte pretenduar më parë se virusi doli nga një laborator në Kinë.
Shtëpia e Bardhë hapi një faqe interneti mbi pandeminë COVID-19 më 18 prill, duke pretenduar se koronavirusi e ka origjinën në një laborator në Kinë, duke kritikuar ish-Presidentin Joe Biden, ish-zyrtarin e lartë të shëndetësisë amerikane Anthony Fauci dhe Organizatën Botërore të Shëndetësisë (OBSH).
Por në raportin, të ashtuquajturin “dokument i bardhë” të botuar nga agjencia zyrtare e lajmeve Xinhua, Kina akuzoi SHBA-në për politizimin e çështjes së origjinës së koronavirusit. Ata përmendën një padi në Misuri që rezultoi në një gjykim prej 24 miliardë dollarësh kundër Kinës për grumbullimin e pajisjeve mbrojtëse mjekësore dhe mbulimin e shpërthimit. Kina ndau informacionin përkatës me OBSH-në dhe bashkësinë ndërkombëtare në kohën e duhur, tha dokumenti i bardhë, duke vënë në dukje se një studim i përbashkët nga OBSH-ja dhe Kina arriti në përfundimin se një rrjedhje e virusit nga një laborator ishte “jashtëzakonisht e pamundur”.
SHBA-të nuk duhet të vazhdojnë të “luajnë rolin e shurdh-memecit”, por duhet t’u përgjigjen shqetësimeve legjitime të bashkësisë ndërkombëtare, thuhet në dokumentin e bardhë.
“Prova të konsiderueshme sugjerojnë se COVID-19 mund të jetë shfaqur në Shtetet e Bashkuara më herët se afati kohor i deklaruar zyrtarisht dhe më herët se shpërthimi në Kinë”, tha ajo.
CIA tha në janar se pandemia kishte më shumë të ngjarë të kishte origjinën në një laborator në Kinë sesa në natyrë, pasi agjencia tha për vite me radhë se nuk mund të arrinte në një përfundim për këtë çështje. Ajo tha se kishte “besim të ulët” në vlerësimin e saj të ri dhe vuri në dukje se si origjina laboratorike ashtu edhe ajo natyrore mbeten të besueshme. Megjithatë, një zyrtar nga Komisioni Kombëtar i Shëndetit i Kinës tha se hapi tjetër në punën për gjurmimin e origjinës duhet të përqendrohet në SHBA, sipas Xinhua, e cila citoi deklaratën e tij në dokumentin e bardhë. /tesheshi.com/ -
Emri/ Laborator droge në Britani! U kap me kokainë dhe armë, burg për 41-vjeçarin shqiptar
Shqiptari Lorenc Lika është dënuar më 8 vite e 9 muaj burg pasi është kapur në një laborator kokaine në qendër të Birminghamit në Britaninë e Madhe.
Gjatë kontrollit fizik, autoritetet britanike gjetën një gamë të gjerë pajisjesh të përdorura për procesin e prodhimit të paligjshëm, brenda apartamentit në Bell Barn Road. Mes tyre u gjetën sasi kokainë dhe një pistoletë, të fshehura Brenda një kutie bizhuterish.
Arrestimi i 41-vjeçarit u bë më 25 shkurt, ndërsa në 24 prill u dha dënimi nga gjykata e Birminghamit.Top Channel
-
Shkencëtarët po i kthejnë qelizat e lëkurës në vezë dhe spermatozoide, gjë që mund t’i japë fund infertilitetit
Shkencëtarët po zhvillojnë metoda të reja për prodhimin masiv të spermës dhe vezëve në laborator, të cilat mund të zgjidhin problemet e infertilitetit për shumë njerëz, por gjithashtu sjellin shqetësime etike dhe kërkojnë një rishikim të ligjeve mbi fertilitetin. Vezët dhe spermatozoidet e krijuara në laborator, të njohura si gamete in-vitro (IVG), mund të bëhen realitet brenda një dekade.
IVG-të krijohen nga qelizat e lëkurës ose qelizat staminale të ribërë gjenetikisht, duke ofruar mundësi për zgjidhjen e infertilitetit, duke mundësuar që çdo individ të ketë fëmijë biologjikë dhe madje duke hequr kufizimet e moshës për konceptimin. Kjo teknologji hap mundësi për “prindërimin solo,” ku si vezët ashtu edhe spermatozoidet mund të nxirren nga i njëjti individ, duke ngritur shqetësime për sëmundjet gjenetike recesive për shkak të mungesës së diversitetit gjenetik.
Ndërkohë që prindërimi solo ka të ngjarë të ndalohet, “prindërimi i shumëfishtë,” ku dy çifte kontribuojnë material gjenetik për të krijuar një embrion, mund të merret në konsideratë, pasi ka më pak rreziqe biologjike dhe ka disa precedentë socialë. Disa shqetësime etike përfshijnë mundësinë e një skanimi të gjerë të embrioneve, duke çuar në një formë të eugenikës, dhe mundësinë e shtatzënive me rrezik më të lartë tek nënat më të moshuara.
Kërkuesit tashmë kanë prodhuar me sukses majmunë të shëndetshëm duke përdorur vezë të krijuara në laborator. Në një studim revolucional të publikuar në revistën Nature në vitin 2023, shkencëtarët në Japoni krijuan vezë funksionale krejtësisht nga qelizat staminale. Këto vezë u fekonduan dhe u implantuan në majmunë femra, duke çuar në lindjen e pasardhësve të shëndetshëm dhe fertilë.
Po ashtu, ata prodhuan majmunë të shëndetshëm me dy baballarë biologjikë. Ata krijuan vezë nga qelizat e lëkurës së majmunëve mashkullë dhe përdorën këto vezë për të prodhuar pasardhës, duke treguar mundësitë e teknologjisë IVG për të revolucionarizuar mundësitë riprodhuese.
Ndërsa aplikimi i kësaj teknologjie tek njerëzit ende është në fazën e hetimit, suksesi me majmunët ofron një bazë premtuese për përparime të ardhshme në mjekësinë riprodhuese.
-
Shqipëria laborator i eksperimenteve të Soros/ Këllici: Ja pse strategu i fushtës së Trump, Chris LaCivita zgjodhi PD
Gazeta Standard është portali zyrtar i gazetës se përditshme “Standard”. Parimi ynë është informimi i thelluar i mbeshtetur ne objektivitet dhe investigim. “Behu pjese e lajmit”- eshte motoja jone kryesore qe fton lexuesit te jene pjese e jona
-
Rritje e infertilitetit në të gjithë botën, si ta kuptoni që është koha të shkoni tek një specialist
Steriliteti në Shqipëri prek afërsisht 15-20% të çifteve dhe numri është gjithnjë e më shumë në rritje. Kjo patologji mund të prekë burrat, gratë ose të dy (infertiliteti në çift). Megjithatë, mund të ndodhë edhe që të ketë një pamundësi që ai bashkim i caktuar ndërmjet individëve të krijojë jetë. Riprodhimi i njeriut është një çështje që mbledh kuriozitete dhe mite të rreme, ndër të cilat është fakti që riprodhimi është i dukshëm dhe i thjeshtë. Por fekondimi shpesh mund të bëhet i pamundur ose shumë i vështirë për disa çifte, ndërsa për të tjerët mund të jetë një proces më i gjatë se sa pritej.
Duke u nisur nga supozimi se fertiliteti varet nga dy variablat (femra dhe mashkulli) së bashku, problemet që lidhen me riprodhimin duhet të konsiderohen në çift. Megjithatë, kur përballemi me një pengesë riprodhuese, duhet të kryhen hetime për të vlerësuar aftësitë riprodhuese të të dyve, duke kombinuar rezultatet e fundit të çiftit.
Steriliteti: kur të kontaktoni një gjinekolog të specializuar në fertilitet?Mbi moshën 35 vjeç rekomandohet të prisni 6 muaj pas përpjekjesh të pasuksesshme përpara se të kërkoni ndihmë nga një specialist i fertilitetit. Ndërsa nën 35 vjeç pritja është 12 muaj. Por nuk është gjithmonë kështu. Në rast të problemeve të tilla si endometrioza, një operacioni të mëparshëm në vezore, vezoret policistike, menopauza e hershme, problemet gjenetike ose të shëndetit mashkullor, duhet të kontaktoni gjinekologun tuaj kur të vendosni për riprodhimin. Në këtë mënyrë mund të kryeni një kontroll të plotë të shëndetit dhe mirëqenies gjinekologjike dhe andrologjike.
Teknikat e riprodhimit me asistencë mjekësore
Në këto raste është e nevojshme të kontaktoni një gjinekolog ekspert në fertilitet për të kuptuar, falë analizave specifike që i përshkruhen çiftit, nëse kjo mund të ndihmohet nëpërmjet zgjidhjeve të nivelit të parë (marrëdhënie e synuar me monitorim të ovulacionit apo fekondim artificial), me ose pa ndihmën e barnave hormonale, ose solucioneve të nivelit të dytë (IVF dhe ICSI).
Çfarë është IVF
Është akronimi i Fertilizimit In Vitro me Transferimin e Embrionit. Ai përbëhet nga një teknikë PMA që bëhët jashtë trupit të gruas, në laborator, në të cilën spermatozoidet vihen në kontakt me ovocitet, pra qelizat vezë të marra në numër të ndryshëm bazuar në rezervën ovariane, llojin e stimulimit dhe zgjedhjen e folikulave të dhëna nga stimulimi hormonal. Në IVF, fekondimi ndodh në një mënyrë më “natyrore” sesa ICSI, pa ndërhyrje të drejtpërdrejtë.
ICSI
ICSI do të thotë injeksion intracitoplazmatik i spermës. Sperma përzgjidhet individualisht në laborator në bazë të morfologjisë dhe lëvizshmërisë në mënyrë që të futet në citoplazmën e qelizës vezë, duke lehtësuar fekondimin. Kjo teknikë është shumë e dobishme në rast të problemeve të spermatozoideve.
Transferimi i embrionit
Si pas IVF ashtu edhe ICSI, embrioni kultivohet në laborator për ditët 2 deri në 5 derisa të transferohet në mitër përmes hapit të dytë të PMA që pason marrjen, pra transferimin e embrionit. Transferimi përdor një kateter të hollë i cili futet në mitër, në një distancë të shkurtër nga fundi i saj, nga gjinekologu që merret me Pma, me udhëzime me ultratinguj. Në përfundim të PMA do të presim disa ditë në varësi të moshës së embrionit në transferim për të kryer më pas një kampion gjaku (BetaHcg) i cili do të japë rezultat pozitiv nëse shtatzënia është vendosur./Living -
Smart LAB në Konispol, teknologjia bashkë me abetaren
Nga Thoma Nika
Nuk është më një befasi që edhe Konispoli i largët, të ketë në shkollën e vet një laborator Smart, si pjesë integrale të mësimdhënies, për nxënës të arsimit fillor.
Me kamerën e Blu ne ndoqëm zhvillimin e një ore mësimi për klasën e parë në këtë shkollë.Pamë fëmijë, të cilët, bashkë me gërmat e librit të Abetares, mësojnë të hyjnë edhe në botën digitale, të hapin e kodojnë laptopin e tyre dhe ta bëjnë atë ndihmës të pandarë të përvetësimit të kurrikulës shkollore.
Deri dy vite më parë, kjo as mund të mendohej të ndodhte në Konispol. Por këto dy vitet e fundit, edhe nxënësit e ciklit fillor janë bërë miqësorë me teknologjinë dhe mezi e presin orën e mësimit në këtë laborator, që i fut në botën digitale dhe në platforma interaktive.
Mesuese Salo Sadushi thotë se ky laborator ndihmon shumë për mësimdhënie efektive jo vetëm në lëndën e teknologjisë së informacionit, por edhe në kurrikula të tjera.
Na thanë se në Smart Lab të kësaj shkolle, me nxënës të klasës së dytë të ciklit fillor, është zhvilluar kohët e fundit edhe testimi mbi njohuritë e teknologjisë së informacionit dhe komunikimit, për temat e mësuara në klasën e parë.
Ky laborator i teknologjisë digitale, ashtu si edhe ata të biokimisë dhe gjuhëve të huaja në shkollën e Konispolit, e kanë bërë procesin e të mësuarit më të kënaqshëm e më bashkëkohor, na thotë drejtoresha Bukuri Braho.
Investimi për Smart Lab, nga mësues e prindër në Konispol, vlerësohet si një hap që zhvillon aftësitë digitale qysh në mosha fëminore.