Lajmidites.com

Tag: kushton

  • Ky është shteti më i lirë në botë për të jetuar… një litër benzinë kushton vetëm 0,71 €

    Ky është shteti më i lirë në botë për të jetuar… një litër benzinë kushton vetëm 0,71 €

     

    Për të pestin vit me radhë, Vietnam është shpallur vendi më i lirë në botë për të jetuar, sipas raportit të InterNations.

    Ky vlerësim nuk vlen vetëm për vendasit, por edhe për turistët e huaj apo të huajt që zgjedhin të jetojnë e punojnë aty.

    Sipas të dhënave, 89% e punonjësve ndërkombëtarë të vendosur në Vietnam shprehen të kënaqur me koston e ulët të jetesës, ndërsa 87% pohojnë se të ardhurat e tyre janë më se të mjaftueshme për një jetë komode.

    Vendi është kthyer në një destinacion të preferuar për historinë, kuzhinën e pasur dhe peizazhet e larmishme. Po ashtu, konsiderohet një shtet i sigurt dhe i qëndrueshëm, duke u renditur i 38-ti mes 163 vendeve në Indeksin Global të Paqes.

    Çmimet në Vietnam janë dukshëm të ulëta: Një vakt në restorant ekonomik kushton vetëm 1,61 €, ndërsa një darkë për dy persona rreth 23 €. Një kilogram banane shitet 0,87 €, ndërsa litri i benzinës kushton vetëm 0,71 €.

    Abonimi mujor i transportit publik është 6,90 €, ndërsa një udhëtim me taksi për 1 km kushton vetëm 0,46 €.

    Ky raport e vendos Vietnamin në krye të listës së 10 vendeve më të lira për të jetuar, ndjekur nga Kolumbia, Panama, Kina, Tailanda, Indonezia, Filipinet, Meksika, Malajzia dhe Brazili.

  • Çdo gotë Coca-Cola ju kushton 12 minuta jetë, ja çfarë thonë studimet

    Çdo gotë Coca-Cola ju kushton 12 minuta jetë, ja çfarë thonë studimet

    Një studim i fundit ka treguar se pirja e një shisheje ose gote Coke lidhet me humbjen e rreth 12 minutave jetëgjatësi. Arsyeja qëndron te përbërësit e saj: sasi të larta sheqeri, kalori bosh dhe aditivë artificialë që ndikojnë drejtpërdrejt në metabolizëm, zemër dhe shëndet afatgjatë.Edhe pse një gotë mund të duket e padëmshme, efektet e përditshme grumbullohen, duke ndikuar në mënyrë të konsiderueshme në cilësinë e jetës.

    Studiuesit theksojnë se nuk bëhet fjalë për të ndaluar plotësisht konsumin e gazuarve, por për të kuptuar kompromisin që bëjmë sa herë zgjedhim një pije të tillë. Zgjedhjet e vogla të përditshme, të përsëritura me vite, kthehen në faktorë të mëdhenj për shëndetin.

    Këshilla e ekspertëve është të përdoret me kujdes, të mos bëhet zakon ditor dhe të zëvendësohet shpesh me alternativa më të shëndetshme si uji, çaji bimor apo lëngjet natyrale. Vendimet e ndërgjegjshme sot mund të sjellin një jetë më të gjatë dhe më të shëndetshme nesër.

    Burimi: Quick Facts, studime mbi ndikimin e ushqimit në jetëgjatësi.

  • Nafta në Shqipëri kushton më shumë se në Monakon e miliarderëve

    Nafta në Shqipëri kushton më shumë se në Monakon e miliarderëve

    Shqipëria është vendi i parë në Rajon, i pesti në Evropë dhe i shtati në botë për çmimin më të lartë të naftës. Në pikat e karburanteve një litër naftë kushton mesatarisht 174 lekë.. me kursin aktual të këmbimit 2.08 dollarë.
    Në Ballkanin Perëndimor, në vendin e dytë renditet Serbia me një litër naftë që shitet për rreth 1.9 dollarë në pikat e karburanteve. Krahasuar me Bosnje-Hercegovinën, Maqedoninë e Veriut apo Kosovën, lënda djegëse në Shqipëri kushton gati 2-fish më shumë.
    “Krahasuar me Kosovën, Maqedoninë apo Malin e Zi ka shumë diferencë. Jemi shumë më të shtrenjtë.”, thotë një drejtues automjeti.
    Në Evropë, çmim më të shtrenjtë të naftës ka Islanda, Lihtenshtejni, Zvicra dhe Danimarka. Shqipëria, e renditur e pesta ndërkohë le pas shtete si Irlanda apo Monako e njerëzve më të pasur të botës. Në botë është Hong-Kongu shteti me çmimin më të lartë për një litër naftë, mbi 3.5 euro.
    “Na ka ikur truri. Janë rritur çmimet. Nuk është e këndshme po… Shumë të shtrenjta në krahasim me rrogat që marrim”, thotë një tjetër.
    Çdo litër naftë që shitet në pikat e karburanteve është i përbërë nga çmimi me të cilin lënda djegëse blihet në bursa dhe taksat e tarifat që aplikohen nga qeveria. Në bursë, çmimi i naftës së papërpunuar ka rënë në 689 dollarë për ton nga 750 një muaj më parë. Po ashtu, dollari vijon të zhvlerësohet. Çmimet e karburanteve rrjedhimisht do duhej të ishin më të lira.
    “I bëjmë rritje kryeministrit të hapi rafineritë që të ulet çmimi. Janë çmimet më të larat në vitet e fundit.”
    Shqipëria ka importuar këtë vit më shumë karburant se kurrë më parë. Të dhënat nga Ministria e Financave tregojnë se në harkun e muajve janar-qershor u blenë nga jashtë mbi 345 mijë tonë karburant. Në raport me të njëjtën periudhë kohore të një viti më parë, importet janë zgjeruar me mbi 44 mijë tonë. (A2 News)

  • Ambasada amerikane: Ngërçi politik po i kushton Kosovës, udhëheqësit duhet ta prioritizojnë progresin dhe stabilitetin

    Ambasada amerikane: Ngërçi politik po i kushton Kosovës, udhëheqësit duhet ta prioritizojnë progresin dhe stabilitetin

    KOSOVË- Ambasada amerikane në Prishtinë ka thënë të enjten se Kosovës po i kushton ngërçi politik dhe u ka bërë thirrje udhëheqësve politikë ta bëjnë prioritet progresin dhe stabilitetin e vendit.
    Në një përgjigje me shkrim për Radion Evropa e Lirë, një zëdhënes i Ambasadës tha se partitë parlamentare në Kosovë duhet të punojnë së bashku për t’i themeluar institucionet e reja në përputhje me Kushtetutën e vendit dhe vendimet e Gjykatës Kushtetuese.
    “Kjo bllokadë e vazhdueshme politike po i kushton Kosovës me humbje të mundësive. Është koha që udhëheqësia të vendosë përparësi tek progresi dhe stabiliteti, për të mirën e të gjithë qytetarëve”, tha ajo.
    Kjo deklaratë e Ambasadës amerikane vjen një ditë pas dështimit më të fundit të deputetëve për ta zhbllokuar ngërçin, gati pesë muaj pas zgjedhjeve parlamentare.
    Deputetët u mblodhën të mërkurën për vazhdimin e seancës konstituive, pasi dy ditë më parë gjykata më e lartë e vendit e publikoi aktgjykimin e plotë lidhur me këtë çështje, i cili i detyron ata ta bëjnë Kuvendin e ri brenda një afati prej 30 ditëve, i cili skadon më 18 shtator.
    Megjithatë, konstituimi dështoi pasi asnjëra prej dy kandidateve të propozuara nga partia fituese e zgjedhjeve Lëvizja Vetëvendosje – Albulena Haxhiu dhe Donika Gërvalla – nuk arritën t’i marrin më shumë se 57 vota, që është 4 vota më pak se të paktën 61 votat e kërkuara për t’u zgjedhur.
    Të mërkurën, edhe Bashkimi Evropian dhe Ambasada italiane në Prishtinë u bënë thirrje partive parlamentare t’i themelojnë institucionet e reja sa më parë.
    Pas seancës, Vetëvendosje i akuzoi partitë e tjera të mëdha në Kuvend, si PDK, LDK dhe AAK, se me këtë dëshmuan se emri i Haxhiut nuk ishte problemi kryesor, por se ato “po synojnë bllokimin e formimit të institucioneve”.
    PDK-ja përsëriti qëndrimin se ka votë vetëm për një kandidat të Vetëvendosjes, i cili nuk ka qenë pjesë e Qeverisë në mandatin paraprak.
    LDK-ja tha Vetëvendosje e ka ditur që Haxhiu dhe Gërvalla nuk kanë vota të mjaftueshme. Në të kaluarën, LDK ka thënë vazhdimisht se nuk e voton asnjë kandidat të Vetëvendosjes për kryeparlamentar.
    Ndërkaq, AAK-ja tha se pret që edhe në seancën e radhës Vetëvendosje të propozojë emra për të cilët nuk ka mbështetje.
    Kosova mbajti zgjedhje parlamentare në shkurt, por nuk ka qenë në gjendje t’i themelojë institucionet e reja prej atëherë.
    E gjithë kjo krizë disamujore vjen si pasojë e mungesës së një marrëveshje politike mes partive parlamentare, pasi asnjëra parti nuk e fitoi shumicën për të qeverisur e vetme.
    Vetëvendosje i fitoi 48 ulëse, PDK-ja doli e dyta me 24 ulëse, LDK-ja e treta me 20, pasuar nga Lista Serbe – partia më e madhe e serbëve në Kosovë – me 9, dhe koalicioni mes AAK-së dhe Nismës Socialdemokrate, me 8 të tilla.
    Edhe 11 ulëse tjera janë të pakicave./REL

  • Hansi Flick ka një ëndërr, por kushton 100 mln euro! Lojtari duket se ka pranuar…

    Hansi Flick ka një ëndërr, por kushton 100 mln euro! Lojtari duket se ka pranuar…

    20 Gusht 2025

    17:48

    Telesport

    Barcelona ka një ëndërr dhe quhet Julian Alvarez.
    Me largimin e Robert Lewandowski në verën e ardhshme, katalanasit kanë nevojë për një sulmues të klasit botëror. Lojtari i Atletico Madrid është prioriteti absolut i Barcelonës.
    Operacioni nuk do të ishte i lehtë, sepse argjentinasi kushton 80 deri në 100 mln euro. Barcelona është e bindur se dëshira e lojtarit mund ta ndihmojë për ta realizuar këtë objektiv kaq madhor.

  • Rri në shezlong, paguaj sa për apartament me qira! Ja plazhet më të shtrenjta

    Rri në shezlong, paguaj sa për apartament me qira! Ja plazhet më të shtrenjta

    Nëse po planifikoni një pushim veror në plazhet më të bukura të Europës, përgatituni për çmime të kripura dhe rezervime me javë përpara.
    Plazhet më të njohura të Mesdheut, nga bregdeti vezullues i Amalfit në Itali deri te gjiret e nxehta të Ibizës, janë gjithnjë e më shumë nën menaxhim privat, dhe vetëm një vend i zakonshëm në buzë të detit mund të kushtojë sa një natë në një hotel luksoz.
    Në kulmin e sezonit veror, 2 shezlongë me çadër mund të kushtojnë nga 20 deri në 50 paund në ditë, ndërsa në resortet luksoze, çmimet arrijnë qindra euro.
    Rekordin e mban Club La Cabane në Costa del Sol, ku një krevat plazhi për tre persona kushton deri në 1,200 euro dhe përfshin vetëm një kupon 200 euro për shampanjë.
    Në bregun e famshëm të Positanos, në Arienzo Beach Club, një paketë “Perfect Beach Day” kushton 600 euro për dy persona, përfshirë drekë, shampanjën dhe peshqirët e plazhi. Në La Scogliera, çmimi shkon deri në 848 euro për dy shezlongë, pa përfshirë ushqimin.
    Në Itali, rritja e çmimeve ka shkaktuar zemërim mes banorëve, me çmimet që janë rritur me 17% në katër vitet e fundit. Në disa resorte si Alassio, shezlongët arrijnë në 340 euro në ditë.
    Edhe në ishujt e Spanjës, si Mallorca dhe Ibiza, çmimet janë të kripura. Në UM Beach House në Mallorca, një krevat kushton 700 euro, ndërsa në Atzaro Beach në Ibiza, çmimi është 350 euro.
    Në Monako, një shezlong në Monte-Carlo Beach Club kushton 350 euro, ndërsa në jug të Francës, në La Réserve à la Plage, çmimi është 250 euro për dy shezlongë.
    Megjithatë, plazhet më pak të njohura ofrojnë alternativa më të përballueshme për shembull, në Playa Esmeralda në Costa Smeralda të Sardenjës, një palë shezlongë kushtojnë vetëm 15 euro në ditë.

  • Çmimi bie në 6 lekë/ Braçe apel për qytetarët dhe bizneset: Blini sa më shumë shalqinj, të shpëtojmë bujqit

    Çmimi bie në 6 lekë/ Braçe apel për qytetarët dhe bizneset: Blini sa më shumë shalqinj, të shpëtojmë bujqit

    Foto ilustruese

    TIRANË- Deputeti socialist, Eion Braçe, ka ngritur alarmin për çmimin e shalqirit në Divjakë, që ka zbritur në 6 lekë për kilogram. Sipas Braçes, kjo është një goditje për bujqit vendas, pasi nuk mund të përballojë as koston e punëtorit që e vjel. Përmes një reagimi në rrjetet sociale, Braçe ka bërë apel për qytetarët dhe bizneset që të blejnë shalqi tek bujqit vendas. “Duhen shpëtuar bujqit, që ata të prodhojnë vitin tjetër e ne të ushqehemi”, thekson Braçe ndër të tjera.
    Për me tepër, Braçe ka bërë një thirrje edhe për hotelet, restorantet e beach bareve që të përfshijnë shalqirin sa më shumë në menu. “Bëjeni menu masive shalqinin. Jepeni edhe jashtë faturës së mëngjesit, drekë e darkë, se nuk u kushton gjë”, shkruan Braçe.

    Postimi i plotë:
    SHALQINI ESHTE FRUTI I GUSHTIT!
    I SHENDETIT, VECANERISHT GJATE DITEVE TE NXEHTA,
    NDIHMON NE GJITHCKA!
    SHALQINI ESHTE NE KRIZE TE THELLE;
    CMIMI SOT NE DIVJAKE 6 LEKE PER KILOGRAME!
    (As kostoja e punetorit per ta vjele nuk del me kaq leke).
    Ka marre mund, sakrifica dhe para-shpenzime, kosto,
    te prodhohej.
    A MUND TU BEJ NJE LUTJE TE GJITHEVE?;
    BLINI SHALQI TANI, JO THJESHT SE ESHTE I SHENDETSHEM, FRUTI ME I SHENDETSHEM I GUSHTIT,
    POR EDHE PER TE NDIHMUAR, SHPETUAR BUJQIT!
    NUK JU KUSHTON ASGJE!
    Te njejten LUTJE kam per HOTELET, RESTORANTET, BARET E BEACH BAREt:
    BEJENI MENU MASIVE SHALQININ!
    JEPENI EDHE JASHTE FATURES SE MENGJESI, DREKE E DARKE, SE NUK U KUSHTON GJE!
    DUHEN SHPETUAR BUJQIT, QE ATA TE PRODHOJNE VITIN TJETER E NE TE USHQEHENI!
    PA BUJQ NUK KA USHQIM TE MIRE!/ZËRI

  • Braçe i lutet qytetarëve dhe biznesmenëve: Blini sa më shumë shalqinj, nuk ju kushton asgjë

    Braçe i lutet qytetarëve dhe biznesmenëve: Blini sa më shumë shalqinj, nuk ju kushton asgjë

    Mëngjesin e kësaj të diele deputeti i Partisë Socialiste, Erion Braçe e ka nisur me një apel dhe lutje për të gjithë qytetarët dhe pronarët e restoranteve, hoteleve e bareve.
    Në llogarinë e tij në “Instagram”, e cila tanimë njihet edhe si “dritarja” ku pasqyrohen një sërë problemesh në vendin tonë, Braçe ka ngritur alarmin për çmimin e shalqinit duke thënë se është i pamjaftueshëm dhe nuk mund të përballojë as koston e punëtorit që e vjel.
    Për këtë arsye, ai u ka bërë thirrje qytetarëve që të blejnë sa më shumë shalqi, ndërkohë që biznesmenët ta përfshijnë atë në menutë e restoranteve dhe ‘beach bareve’ të tyre.
    “Duhen shpëtuar bujqit, që ata të prodhojnë vitin tjetër e ne të ushqehemi”, thekson Braçe ndër të tjera.
    Postimi i plotë:
    SHALQINI ESHTE FRUTI I GUSHTIT!
    I SHENDETIT, VECANERISHT GJATE DITEVE TE NXEHTA,
    NDIHMON NE GJITHCKA!
    SHALQINI ESHTE NE KRIZE TE THELLE;
    CMIMI SOT NE DIVJAKE 6 LEKE PER KILOGRAME!
    (As kostoja e punetorit per ta vjele nuk del me kaq leke).
    Ka marre mund, sakrifica dhe para-shpenzime, kosto,
    te prodhohej.
    A MUND TU BEJ NJE LUTJE TE GJITHEVE?;
    BLINI SHALQI TANI, JO THJESHT SE ESHTE I SHENDETSHEM, FRUTI ME I SHENDETSHEM I GUSHTIT,
    POR EDHE PER TE NDIHMUAR, SHPETUAR BUJQIT!
    NUK JU KUSHTON ASGJE!
    Te njejten LUTJE kam per HOTELET, RESTORANTET, BARET E BEACH BAREt:
    BEJENI MENU MASIVE SHALQININ!
    JEPENI EDHE JASHTE FATURES SE MENGJESI, DREKE E DARKE, SE NUK U KUSHTON GJE!
    DUHEN SHPETUAR BUJQIT, QE ATA TE PRODHOJNE VITIN TJETER E NE TE USHQEHENI!
    PA BUJQ NUK KA USHQIM TE MIRE!

  • Sa shumë po konsumon Europa kafe dhe kush paguan më shumë për filxhan?

    Sa shumë po konsumon Europa kafe dhe kush paguan më shumë për filxhan?

    A po paguani më shumë seç duhet për kafenë tuaj?Për shumë prej nesh, një filxhan kafe, ose disa, është një rit i përditshëm që na ndihmon të përballojmë ditën e punës. Në 2023-24, u konsumuan rreth 10.62 miliardë kilogramë kafe në botë, sipas Statista.Disa mjaftohen me një kafe të lirë të përgatitur në zyrë, ndërsa të tjerë preferojnë një “kafe luksoze”, shpesh e përgatitur nga barista me përparëse. Por sa na kushton kjo kënaqësi në Europë?Sa kafe blejnë europianët?Sipas një sondazhi të Pressat (janar-mars 2025), britanikët kryesojnë për konsumin e kafesë me 1.96 filxhanë në ditë, ndjekur nga Belgjika (1.79), Polonia (1.77), Franca (1.76) dhe Rumania (1.68). Ndër vendet më kursimtare janë Luksemburgu (0.82), Hungaria (0.83), Çekia (0.84) dhe Suedia (0.9).Megjithëse Franca është ndër konsumatorët më të mëdhenj, ajo ka edhe çmimin më të lartë për një filxhan kafeje takeaway (me vete): mesatarisht 3.42 euro. E preferuara e francezëve? Caffe latte (17%), jo espresso siç besohet zakonisht.Në vend të dytë renditet Lituania (3.39 euro), ku kapucino dhe kortado janë më të përhapurat. Ndërkohë, çmimi më i ulët është në Danimarkë (1.89 euro), ku preferohet Americano dhe konsumohen mesatarisht 1.32 kafe në ditë.Vetëm Danimarka ka një çmim nën 2 euro. Vendet më afër janë Sllovakia (2.08 euro) dhe Qipro (2.09 euro).Indeksi i kapucino-sSipas Numbeo, kappuccino më i shtrenjtë në kryeqytetet europiane blihet në Kopenhagen: mesatarisht 5.81 euro. Islanda (5.33 euro) dhe Zvicra (5.27 euro) ndjekin pas. Në Skandinavi, Mbretërinë e Bashkuar, Belgjikë, Holandë dhe Austri, çmimet kapërcejnë 4 euro.Në anën tjetër janë vendet e Europës Lindore, Ballkanit dhe Italia. Në Romë, një kapucino kushton 1.53 euro. Më lirët janë Kosova (1.27 euro) dhe Ukraina (1.36 euro). Në Varshavë, cappuccino kushton 3.64 euro, më shtrenjtë se të gjitha vendet fqinje të Polonisë, përveç Gjermanisë.Në rajonin e Ballkanit, Shqipëria ka një çmim mesatar 1.76 euro për një kapucino, duke e renditur ndër vendet me koston më të ulët në Europë.A po na mashtrojnë me çmimet?Një espresso kërkon 7-9g kafe, që kushton rreth 0.00009 euro për dozë, bazuar në çmimet e kafesë arabika, dukshëm më lirë sesa çmimi final. Por kjo nuk përfshin koston e stafit, gotave prej kartoni, energjisë, qumështit apo shurupit.Kostoja mesatare e energjisë për bizneset në BE është 155.80 euro/MWh (2024). Irlanda paguan më shumë (254.30 euro), e ndjekur nga Kroacia, Hungaria dhe Luksemburgu (të gjitha mbi 200 euro). Vendet me energjinë më të lirë janë Norvegjia (79.10 euro), Spanja dhe Italia.A përputhen çmimet me pagat?Në Francë, paga mesatare neto është 32,354 euro dhe një kafe përbën 0.0106% të të ardhurave. Në Danimarkë, me pagë 43,913 euro, kjo shifër është vetëm 0.004%. Lituanezët kanë pagën më të ulët (15,909 euro), ndërsa kostoja për kafe është 0.021% e pagës, pra, vlera më e ulët.Në Luksemburg, me një pagë mesatare 50,410 euro dhe çmim kafeje 3 euro, përqindja është 0.005%, ndër më të leverdishmet.Sa kappuccino blen një paga?Sipas Numbeo, në Romë mund të blihen 1,399 kapucino në muaj me pagën mesatare. Berna në Zvicër ndjek me 1,378, pastaj Luksemburgu me 1,347.Indeksi ndan Europën në dy pjesë: në Perëndim (përjashto Portugalinë) një pagë të lejon të blesh mbi 750 kapucino në muaj, ndërsa në Lindje ky numër është ndjeshëm më i ulët.Në rajonin e Ballkanit, Shqipëria renditet në nivel mesatar me 451 filxhanë kapucino, që mund të blihen me pagën mesatare mujore, më pak se Mali i Zi (585), Kosova (522) dhe Maqedonia e Veriut (401), por dukshëm më mirë se Greqia, ku një pagë mesatare mjafton vetëm për 310 filxhanë. / Euronews, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Barcelona ka një ëndërr, por kushton minimalisht 100 mln euro

    Barcelona ka një ëndërr, por kushton minimalisht 100 mln euro

    8 Korrik 2025

    16:32

    Telesport

    Barcelona ka një ëndërr. Klubi katalanas do ta kalojë zhgënjimin e Nico Williams duke bërë një transferim edhe më të bujshëm se ai i spanjollit.
    Dëshira është Julian Alvarez, sulmuesi i talentuar i Atletico Madrid. Fituesi i Kupës së Botës me Argjentinën është objektii numër 1 i trajnerit Hansi Flick, i cili ka nevojë për një lojtar të kompletuar në sulm, duke qenë se Robert Lewandowski është në fund karriere.
    Atletico Madrid nuk do të pranojë oferta nën 100 mln euro. Barcelona do të bëjë një sakrificë të madhe për ta mbuluar këtë shifër me të gjitha kushtet.