Lajmidites.com

Tag: kushtetutën

  • Dekreti për zgjedhjet e pjesshme/ Vasili: Begaj vetëm Kushtetutën e Ramës di, presidencë e degraduar

    Dekreti për zgjedhjet e pjesshme/ Vasili: Begaj vetëm Kushtetutën e Ramës di, presidencë e degraduar

    Ish deputeti i PL, Petrit Vasili ka reaguar pas dekretimit të zgjedhjeve nga Presidenti i Republikës, Bajram Begaj.

    Përmes një statusi në rrjetet sociale, duke ironizuar dekretin e kreut të shtetit, Vasili shkruan se Begaj të vetmen Kushtetutë që njeh, është ajo e Ramës, ndërsa atë të vërtetën nuk i di as shtëpinë.

    Sipas Vasilit, ankimimi në Kushtetuese nga ana e Veliajt për vendimin e shkarkimit, automatikisht sjell edhe pezullimin e shpalljes së zgjedhjeve.

    Statusi

    Ky Begaj vetëm Kushtetutën e Ramës di, se Kushtetutës së Shqipërisë as ja di shtëpinë se ku e ka.

    Prandaj ky Begaj dekretoi zgjedhjet për Bashkinë e Tiranës, megjithëse Vendimi i shkarkimit të Veliajt është ankimuar në Gjykatë Kushtetuese, ankim që sjell automatikisht pezullimin e shpalljes së zgjedhjeve.

    Kushtetuta në nenin 115 përcakton:

    Neni 115

    ” 2. Organi i shpërndarë ose i shkarkuar mund të ankohet në Gjykatën

    Kushtetuese brenda 15 ditëve, dhe në këtë rast Vendimi i Këshillit të Ministrave pezullohet.”

    Po ku e le Rama, Begajn që të lexojë Kushtetutën.

    Ndaj mos u merrni hiç me presidence e degraduar gjer në dhimbje.

  • VIDEO/ Kalemaj: Nëse Presidenti shpall zgjedhjet për Tiranën, shkel Kushtetutën dhe mbron politikisht Edi Ramën

    VIDEO/ Kalemaj: Nëse Presidenti shpall zgjedhjet për Tiranën, shkel Kushtetutën dhe mbron politikisht Edi Ramën

     

    Analisti Ilir Kalemaj, i ftuar në emisionin ‘A Shoë’ me Adi Krastën në SYRI TV, ka komentuar kërkesën e Kryeministrit Edi Rama drejtuar Presidencës për të shpallur datën e zgjedhjeve në Tiranë, pas vendimit për shkarkimin e kryebashkiakut Erion Veliaj.

    Kalemaj tha se kemi të bëjmë me një president që ka vepruar si ‘noter’ i qeverisë.

    ‘Kemi të bëjmë me një president noter, që thjesht ka noterizuar çdo letër që ka shkuar nga Këshilli i Ministrave dhe nga Edi Rama. Kujtojmë këtu Komisionet Hetimore, që më pas u shpallën antikushtetuese nga Gjykata Kushtetuese, e shumë të tjera. Ai i ka shërbyer besnikërisht, sikur të ishte anëtar partie e jo president mbi palët.’

    Duke iu referuar situatës aktuale me bashkitë pa kryetarë, Kalemaj u shpreh se, ‘në rastin konkret kemi të bëjmë me një gjë fare të qartë; kemi 6 bashki të cilat kanë mbetur pa kryetar bashkie. Tirana ka 7 muaj pa kryetar bashkie dhe vendosën ta shkarkojmë, megjithëse ishte opozita që kishte kërkuar me ngulm për muaj të tërë shkarkimin e Veliajt për çështje shumë më serioze, si inceneratorët. Në fund të ditës vendosën ta shkarkonin dhe kumti u dha në asamblenë e PS.’

    Kalemaj përmendi edhe faktin që Veliaj e ka çuar çështjen në Gjykatën Kushtetuese.

    ‘Erion Veliaj sikundër pritej e çoi në Gjykatën Kushtetuese dhe në momentin që kjo gjykatë është shprehur fare qartë, dhe ka dhënë një njoftim publik që e ka pranuar dosjen e Erion Veliajt, hyn në fuqi neni 115 i Kushtetutës dhe ky nen është taksativ.’

    Duke komentuar për rolin e Presidentit të Republikës, Kalemaj u shpreh i prerë se, nëse shkel nenin 115, ai shkel Kushtetutën.

    ‘Nëse ai në kundërshtim me frymën dhe gërmën e nenit 115 të Kushtetutës, nxiton dhe e pranon kërkesën për shpalljen e zgjedhjeve edhe për bashkinë Tiranë krahas bashkive Mat, Cërrik, Berat, Tepelenë dhe Vlorë, aty ka shkelur kushtetutën fare qartë, nëse do guxonte të shkonte deri në ekstrem për të mbrojtur politikisht mazhorancën dhe për t’i bërë një shërbim deri në fund.’

    Sipas Kalemajt, një vendim i tillë do të kërkonte zhvillimin e zgjedhjeve brenda një afati të shkurtër:

    ‘Natyrisht kjo pastaj do të kërkonte që zgjedhjet të zhvillohen brenda 45 ditësh, që i bie deri në mes të nëntorit.’, tha Ilir Kalemaj në SYRI TV.

     

  • Zgjedhjet e pjesshme në gjashtë bashki/ Begaj flet për afatet: Do veproj sipas Kushtetutës

    Zgjedhjet e pjesshme në gjashtë bashki/ Begaj flet për afatet: Do veproj sipas Kushtetutës

    Presidenti i Republikës, Bajram Begaj, thotë se do të zbatojë ligjin dhe Kushtetutën sa i përket caktimit të datës së zgjedhjeve të pjesshme, që priten të zhvillohen në gjashtë Bashki, mes tyre dhe në Tiranë.
    Ai theksoi në një emision televuiziv se institucioni i kreut të shtetit pret njoftimin e vakancave nga qeveria dhe pastaj do të vihet në lëvizje për të konkretizuar dhe dekretuar datën e mbajtjes së zgjedhjeve.
    Pas këtij hapi, Begaj thekson se brenda 48 orësh do duhet të shpallë sipas Kushtetutës “organizimin e zgjedhjeve të jashtëzakonshme në këto bashki”.
    -Duket se qeveria është e interesuar për nisjen e një reforme zgjedhore siç e kërkojnë edhe BE që kërkon që kjo reformë të jetë gjithëpërfshirëse, por opozita duket për momentin është një hap pas. Por të flasim për diçka që lidhet drejtpërdrejt me detyrën tuaj kushtetuese si President. Një ditë më parë mori fund edhe procesi i shkarkimit të kreut të Bashkisë Tiranë Erion Veliaj, nga qeveria qendrore, pas kërkesës së miratuar nga Këshilli Bashkiak. Kjo e çon në 6 numrin e bashkive që sot janë pa kryetar bashkie. Kryeministri Rama e ka bërë të qartë që Tirana nuk mund të qëndrojë më në këtë situatë me një kryetar të burgosur njëkohësisht në detyrë dhe ndërkohë ka caktuar edhe emrin e kandidatit. Çka do të thotë se presioni është në rritje ndaj institucionin të Presidentit që të shpallë një datë zgjedhjesh të parakohshme. Nga pikëpamja kushtetuese, kjo kohë mesa kuptoj unë është mes tetorit dhe nëntorit, a jeni në prag të një vendimmarrje?
    Konstatimi juaj është i drejtë, pushteti lokal është shumë i rëndësishëm sepse ka të bëjë drejtpërdrejtë me ndikimin në jetën e qytetarëve. Dhe për fatin e keq Presidenti është pjesë fundore e këtij procesi ligjor. Domethënë që, unë nuk jam duke analizuar se nuk kam çfarë të analizoj për zgjedhjet në momentin që unë vihem në dijeni për vakancat e pushtetit lokal për zgjedhje të jashtëzakonshme patjetër do të shpall zgjedhjet brenda detyrimit kushtetues të 48 orëve dhe për periudhën nga 30 deri 45 ditë nga momenti që unë marr njoftimin. Do të thotë Presidenti i Republikës ka vetëm një proces fundor. Pra, duhet të marr njoftimin nga kryeministria.
    -Pra, nga kryeministri duhet të merrni njoftimin zyrtar që për X bashki…
    Për këto bashki ka vakancë, atëherë jam i detyruar që brenda 48 orësh të shpall organizimin e zgjedhjeve të jashtëzakonshme në këto bashki
    -Dhe i bie që do respektoni edhe Kushtetutën e cila kërkon që këto zgjedhje të mbahen mes tetorit dhe nëntorit
    Sapo e thashë, që unë jam i detyruar të zbatoj Kushtetutën.
    -Z.President, na e ndjeni këmbënguljen pasi nuk jemi mësuar të kemi një President normal. Kemi patur gjithmonë presidentë që kanë ardhur nga politikat që herë kanë qenë të ndikuar, herë të motivuar, anormaliteti ka qenë normalitet për ne ndaj ndjesë që këmbëngul te kjo pjesë. Por kur dëgjojmë një President që thotë do respektoj vetëm kushtetutën ndihemi pak …
    Nuk kam asnjë interes politik dhe për mua i vetmi udhëheqës në punën time është Kushtetuta.

  • “Autogolat e një opozite të ndryshkur”, Dash Sula ‘sulmon’ PD: Berisha kërkon rrëmujë që të mos i kujtojnë “Nenin Basha”

    “Autogolat e një opozite të ndryshkur”, Dash Sula ‘sulmon’ PD: Berisha kërkon rrëmujë që të mos i kujtojnë “Nenin Basha”

    Ish deputeti i Partisë Demokratike, Dashnor Sula ka shprehur pakënaqësitë lidhur me pjesëmarrjen e opozitës në konferencën e kryetarëve.

    Në një reagim të gjatë në rrjetet sociale, Sula shkruan se PD ulet në një tryezë me Niko Peleshin dhe ‘bën sikur do ta shkarkojë’.
    Sula pretendon se në mbledhjen e grupit të PD pas seancës së të enjtes, 80% e deputetëve kishin qenë kundër sjelljes së kolegëve të tyre që hidhnin kushtetutën para ambasadorëve.
    Reagimi i plotë i Sulës:
    Autogolat e një opozite të ndryshkur! Këtë fillim javë në orën 11, Kryetari i Parlamentit, Niko Peleshi paska thirrur ne Konferencë Kryetaresh kryesinë e vogël të PS dhe PD për te diskutuar mbi emrat qe do jenë në komisione.
    Pra, Partia Demokratike e cila i hoqi shansin vetes për të“çjerrur maskën e propagandës” qeverisë duke zbërthyer problemet e programit, sot do ulet në një tryezë me Niko Peleshin që bën sikur do ta shkarkojë. Pra, pasi bënë sikur ishin të revoltuar me Diellën dhe Nikon, sot këtij të fundit do i luten: më vendos këtë deputet në komision e atë deputet në një komision tjetër. Na jep një zyrë këtu e një zyrë aty. Na fut në punë këtë e hiq atë. Ndërkohë shqiptarët nuk morën vesh asgjë nga program I qeverisë, nëse do të rritet pensioni, rroga, a do ketë më shumë investime pasi ata që duhet të tregonin se janë ndryshe nga ata që i akuzojnë se shkelin ligjin, vetë flakin Kushtetutën dhe rregulloren duke treguar zero respekt Kushtetutën e vendit.
    Në mes të gjithë kësaj situate absurde të një opozite të ndryshkur në ide dhe me zero respekt për Kushtetutën, mësova një informacion pozitiv: Në mbledhjen e grupit të PD pas seancës së të enjtes, 70-80% e deputetëve kishin qenë kundër sjelljes së kolegëve të tyre që hidhnin kushtetutën si rreckë para ambasadorëve e që i hoqën mundësinë e pakët për të sulmuar Ramën në prezencën e tij. Të vetmit që mbështesnin atë që ndodhi më thonë se ishte, kryetari i PD, Sekretari i Përgjithshëm dhe Kryetari i Grupit të PD.
    Zero surprizë për këtë fakt. Të tre ata që pëlqyen dhe shkaktuan atë skenë të enjten e kaluar kërkojnë rrëmujë në mënyrë që të shmangin llogaridhënien e të ruajn statuskuonë.
    1-Kryetari i Partisë Demomratike kërkon vetëm rrëmujë që të mos i kujtojnë “Nenin Basha”.
    2-Sekretari i Përgjithshëm, i falet në gjunjë kryetarit të partisë, vetëm që të qëndrojë numri dy i partisë e të mos lejojë njeri të sulmojnë ata që mbron ai.
    3- Kryetari i Grupit kërkon amulli që të merren të gjithë me zhurmat kot dhe të mos përmend njeri se drejton grupin një njeri që sdrejtonte dot as ekipin në fushatë.
    Me pak fjalë nuk iu intereson se qytetarët nuk morën vesh se cfarë kishte programi, por u intereson amullia që të ruhet statuskuoja. Të tre e dinë shumë mirë se në një politikë normale analiza do bëhet te rezultatet ndaj i qëndrojnë larg.
    Më e keqja është se në këtë budallallëk janë edhe arrogantë. Pasi shpërdoruan mundësinë për të demaskuar qeverinë e re, bëjnë një mbledhje në seli dhe dalin me vendim politik: I lutemi Niko Peleshit ta ripërsërisë edhe një herë atë seancë. Si intereson fare se dalin qesharakë. Bëjnë vetëm autogola.
    Përballë një mazhorance kaq të madhe dhe në mandatin e 4, duhet një opozitë e ndershme, një opozitë me ide dhe alternativa në mënyrë që ta kontrollojë, jo një opozitë që ka kryetar një njeri që as një kredi nuk merr dot e jo më të qeverisë vendin.

    Top Channel

  • “Peleshi shkeli Kushtetutën”, PD depoziton kërkesën për shkarkimin e kreut të Kuvendit

    “Peleshi shkeli Kushtetutën”, PD depoziton kërkesën për shkarkimin e kreut të Kuvendit

    Partia Demokratike depozitoi sot në Parlament kërkesën për shkarkimin e kryetarit të Kuvendit Niko Peleshi.
    Në këtë kërkesë opozita liston shkeljet të cilat sipas saj kryeparlamentari Peleshi kreu në seancën për miratimin e qeverisë duke vënë në dukje se; Peleshi nuk mundësoi paraqitjen e programit politik nga kryeministri përpara procesit të votimit, iu mohoi të drejtën deputetëve për të bërë pyetje para votimit; nuk lejoi të zhvillohej debati parlamentar për qeverinë.
    Pjesë e kërkesës janë edhe shkeljet e pretenduara që Niko Peleshi kreu në seancën ku u miratuan ndryshimet në rregulloren e Parlamentit.

    “Kryetari i Kuvendit në këtë periudhë të shkurtër të drejtimit të Kuvendit të Shqipërisë, ka dëshmuar mungesë të plotë të angazhimit për të ushtruar funksionin në përputhje me Kushtetutën dhe Rregulloren e Kuvendit duke u sjellë si një vartës i kryeministrit,” shkruhet në kërkesën e PD për shkarkimin e Niko Peleshit.
    /vizionplus.tv

  • “Niko Peleshi ka shkelur Kushtetutën”/ Berisha e Gjekmarkaj: Të kërkojmë mocion për shkarkimin e tij si kryeparlamentar

    “Niko Peleshi ka shkelur Kushtetutën”/ Berisha e Gjekmarkaj: Të kërkojmë mocion për shkarkimin e tij si kryeparlamentar

    Kreu i Partisë Demokratike, Sali Berisha dhe nënkryetari i Kuvendit, Agron Gjekmarkaj ka hedhur idenë e shkarkimit të kryetarit të Parlamentit, Niko Peleshi.
    Burime për gazetarin Osman Stafa nga brenda mbledhjes së Grupit Parlamentar të PD, bëjnë të ditur se demokratët kanë deklaruar se “Niko Peleshi ka shkelur hapur Kushtetutën”.
    Gjekmarkaj gjithashtu është shprehur që të kërkojnë përsëritjen e seancës së datës 18 shtator, ku për shkak te tensioneve nuk u debatua për programin qeverisës.
    Edhe Berisha ka deklaruar “Unë mendoj se duhet ta bëjmë kërkesën për përsëritjen e seancës, dhe po ashtu edhe të kërkojmë mocion për shkarkim për Niko Peleshin”.

  • VIDEO / “Lëre mo lëre”, momenti kur Bardhi hedh Kushtetutën drejt Ramës!

    VIDEO / “Lëre mo lëre”, momenti kur Bardhi hedh Kushtetutën drejt Ramës!

    Ashtu siç nuk ishte parashikuar, seanca e sotme, 18 shtator, zgjati vetëm 26 minuta aspak të qeta.
    Kryeministri Edi Rama nuk e mbajti të plotë fjalën e tij mbi programin e qeverisjes, ndërsa përbërja e Këshillit të Ministrave u votua teksa në sallë opozita kishte shpërthyer në akuza dhe madje duke hedhur objekte në drejtim të kundërshtarëve politikë.

    Në një moment, kryetari i grupit parlamentar të PD-së, Gazment Bardhi, gjuajti rregulloren dhe librin e Kushtetutës në drejtim të kryeministrit Rama.
    “Lëre mo lëre”, dëgjohet t’i thotë Rama punonjësve të Gardës.

  • ‘PS po shkel Kushtetutën!’, Bozdo: Republikë bananesh, Kuvendi s’pyet më për rregulla

    ‘PS po shkel Kushtetutën!’, Bozdo: Republikë bananesh, Kuvendi s’pyet më për rregulla

    Ligjvënësi demokrat, Enno Bozdo e konsideron një shkelje të rëndë të Kushtetutës, ndryshimin e rregullores së Kuvendit si dhe ndryshimin e numrit të Komisioneve Parlamentare, në atë që e cilëson, një prishje të një tradite konsensuale 30-vjeçare.
    Në një intervistë televizive Bozdo tha se për këto ndryshime, nuk u zhvillua një mbledhje e Këshillit të Mandateve siç e parashikon procedura, porse është goditur rëndë nga nga 5 kushtet e vëna për procesin integrues të vendit, dakordësia mes palëve.
    Sipas deputetit të PD, mazhoranca nuk kishte asnjë lloj nxitimi për të ndërmarrë një nisma të tilla, por kjo u bë me qëllim për t’i dhënë një mesazh të qartë, publikut, opozitës dhe ndërkombëtarëve, se ne nuk pyesim askënd në shkeljen e Kushtetutës së vendit.
    ‘I kam parë me shqetësim, pasi bëhet fjalë për disa shkelje. Ne u njohëm me kërkesën e  mazhorancën për të ndryshuar rregulloren e Kuvendet e komisionet në deklaratat politike të Ramës rreth një javë më parë, dhe sipas traditës parlamente në 30 vite, si rregull një grup deputetësh, ia përcjellin këtë komisionit të mandateve dhe rregullores. Nis debatet pastaj për këto ndryshime.
    Në të gjithë historinë tonë të kulturës demokratike, ka pasur një konsensus të shkruar një nga 5 kushtet e integrimit. Jo vetëm që s’iu nënshtruar debatit në këshillin e mandateve, por prishet konsensusi. Por shqetësuese është shkelja e Kushtetutës. Rregullorja e ka të qartë për ndryshimet. Logjika të thotë që ka qenë e programuar. Lidershipi i PS s’ka pse të ketë asnjë preokupim për ta futur Kuvendin në këtë situatë. Po shkelim kushtetutën dhe rregulloren e parlamentit. Kemi thyer edhe konsensusin 30-vjeçar.
    Procedura është gjithçka në një shtet serioz. S’ka asnjë lloj nxitimi, por për t’i dhënë mesazh publikut e opozitës që ne s’pyesim për Kushtetutën. Ne do bëjmë në parlament çfarë na do qejfi. Ky është mesazhi që kemi marrë atë ditë në parlament. Për mua ka qenë e kalkuluar, s’kishte asnjë urgjencë për këtë, për të dhënë mesazh publikut, ndërkombëtarëve, opozitës e deputetëve të saj që s’ju pyesim dhe në parlament bëjmë çfarë të duam.
    Ne do ndjekim të gjitha rrugët tona ligjore, opozita jonë do të jetë në çdo dritare ku do të dëgjohemi dhe këtyre vendimeve u qëndrojmë’, tha Bozdo.

  • “Rama bie ndesh me Kushtetutën, Kuvendi po degradon çdo ditë”, Mediu paralajmëron: Shqipëria është kthyer në…

    “Rama bie ndesh me Kushtetutën, Kuvendi po degradon çdo ditë”, Mediu paralajmëron: Shqipëria është kthyer në…

    Kryetari i Partisë Republikane dhe deputet i zgjedhur, Fatmir Mediu, i ftuar në një emision televiziv, e cilësoi Republikën e Shqipërisë si kryeministrore, me gjithë pushtetet në dorë të një njeriu të vetëm.
    Sipas Mediut, me ndryshimet që bën kryeministri, jo vetëm që bien ndesh me Kushtetutën, por kërkon të kontrollojë gjithë Kuvendin, përfshi edhe opozitën.Fatmir Mediu: “Një nga shqetësimet më të mëdha të SHBA-së dhe që e ka përcjellë edhe ambadada amerikane në Tiranë janë kartelet e drogës. Shumë shqiptarë janë të përfshirë në trafiqe në Amerikën e Jugut. Kjo i është thënë edhe kreut të SPAK në vizitën e fundit në SHBA.
    Ky Parlament po degradon gjithnjë e më shumë. Kjo tashmë është një republikë kryeministrore. Me ndryshimet që bën jo vetëm që bien ndesh me Kushtetutën, por kërkon të kontrollojë gjithë Kuvendin, përfshi edhe opozitën. Konstutimi i komisioneve duhej diskutuar. Ai është deputet i zgjedhur dhe nuk mund të kontrollojë Parlamentin, duhet të jetë e kundërta. Parlamenti nuk është vetëm debat, nuk ka proces ligjbërës më.”

  • Shpërthen keq Gjekmarkaj: Rama, neo-otoman! Po tenton të zhdukë opozitën dhe Kushtetutën

    Shpërthen keq Gjekmarkaj: Rama, neo-otoman! Po tenton të zhdukë opozitën dhe Kushtetutën

    Një sesion sfidash dhe betejash, po aq sa paradoksal e ka cilësuar deputeti demokrat Agron Gjekmarkaj këtë sesion të ri parlamentar. Në një kohë kur opozita i cilëson farsë zgjedhjet e 11 majit, zgjedh të shkojë në Kuvend për të shfrytëzuar çdo mundësi komunikimi me qytetarët, por edhe me ndërkombëtarët. Në studion e “Off the record” me Andrea Dangllin në A2 CNN, Gjekmarkaj ngriti akuza ndaj kryeministrit Edi Rama, i cili sipas tij ka krijuar një realitet neo-otoman.
    “Ky është sesion sfidash e betejash për opozitën. E di që duket paradoksale, jemi në parlament dhe nuk njohim 11 majin. Në vend të zgjedhjeve patëm një farsë në çdo aspekt. E tha raporti i OSBE që partia dhe shteti janë një. Zgjedhje të manipuluara e fasadë që ne do ti denoncojmë dhe nuk do të reshtim ta bëjmë sërish. Jemi në parlament edhe për këtë dhe për të shfrytëzuar çdo hapësirë të mbetur për të komunikuar me shqiptarët e ndërkombëtarët. Paraditen në parlament nuk e ndaja dot që jemi në realitet neo-otoman apo neo-komunist? Jemi në realitet paradoksal dhe e ndjeja në çdo minutë e orë që isha në parlament”, tha ai në A2 CNN.
    Gjekmarkaj shkon më tej me akuzat ndaj kreut të qeverisë duke shtuar se ai po tenton të opozitën dhe Kushtetutën.
    “Flitet për Europën, kapituj e parime dhe sjellja është ose neo-otomane ose neo-komuniste për të zhdukur dhe mbyllur gojën opozitës, për të kthyer kushtetutën dhe pastaj rregullorja e kuvendit e dhunuar nga socialistët duke ndryshuar krejt strukturën për të zvogëluar opozitën”, tha ai.
    Sjelljen e opozitës në Kuvend e shikon si pasojë të sjelljes së mazhorancës.
    “Nuk janë fajet tona që historia përsëritet. Duhet të ishte histori progresi, jo honesh ngjitjesh e rëniesh. Ne jemi në moment rënie, kemi ceduar te zgjedhjet ,liria ekonomike e media jemi në regres”, u shpreh Gjekmarkaj.