Ditën e hënë vendi ynë do të jetë në ndikim të masave ajrore të qëndrueshme.
Moti parashikohet të jetë me kthjellime dhe alternime vranësirash.
Era me drejtim nga kuadrati i veriut me shpejtësi mesatare deri në 7m/sek.
Deti – Valëzimi në detet Adriatik dhe Jon i forcës 1-2 ballë.
Top Channel
Ditën e diel vendi ynë do të jetë në ndikim të masave ajrore relativisht të paqëndrueshme.
Moti parashikohet të jetë me vranësira dhe intervale kthjellimesh.
Reshje shiu me intensitet të ulët deri në orët e mesditës në jug të vendit.
Era me drejtim nga kuadrati i veriut me shpejtësi mesatare deri në 7m/sek.
Deti – Valëzimi në detet Adriatik dhe Jon i forcës 2-4 ballë.
Top Channel
Dubrovniku është ‘pushtuar’ nga mbeturinat e Shqipërisë. Autoritet kroate kanë deklaruar se plazhi Banje është “përmbytur” nga mbeturinat e sjella nga deti, kryesisht mga Shqipëria. Ndërkohë Kroacia mund të vendosë kushte për integrimin në Bashkimit Europian sa i përket standardeve mjedisore.
Plazhi i famshëm Banje në Dubrovnik është përmbytur nga mbeturinash të sjella nga deti, kryesisht nga Shqipëria, një problem i përsëritur prej vitesh që, sipas mediave evropiane, po shton presionin ndaj Tiranës nga ana e Kroacisë që mund të vendosë kushte për integrimin në Bashkimit Europian.
Sipas autoriteteve kroate kjo ndotje masive përsëritet çdo vit. Shkaku kryesor lidhet me rrymat detare dhe kushtet e motit, sidomos gjatë dimrit, të cilat shtyjnë drejt Kroacisë sasi të mëdha mbeturinash që, pretendohet se vijnë nga Shqipëria.
Mediat evropiane raportojnë se problemi është i njohur edhe në nivel të Bashkimit Evropian, ku dihet se Shqipëria riciklon shumë pak, ka vendgrumbullime masive mbeturinash në qiell të hapur ku një pjesë e tyre përfundon në lumenj, duke përfunduar më pas në Adriatik.
Kjo situatë ka shkaktuar irritim në vendet fqinje dhe po përdoret si argument nga Kroacia për të kërkuar më shumë angazhim nga Tirana dhe presion të shtuar nga Brukseli lidhur me standardet mjedisore në kuadër të procesit të integrimit.
Ditën e mërkurë vendi ynë do të ndikohet nga kushte atmosferike të paqëndrueshme.
Moti parashikohet të jetë me vranësira mesatare deri të dendura. Reshje shiu të herëpashershme që në orët e para të 24-orëshit deri në orët e mëngjesit në pjesën më të madhe të vendit me intensitet të ulët, ndërsa në veriperëndim dhe në jugperëndim, reshje shiu me intensitet kryesisht mesatar, hera-herës shtrëngata shiu shoqëruar me shkarkesa elektrike. Gjatë ditës reshjet e shiut do të mbeten prezente të herëpashershme me intensitet të ulët në pjesën më të madhe të vendit. Në orët e mbrëmjes reshjet e shiut ndërpriten. Në lartësinë mbi 600-700 metra në verilindje dhe në lartësinë mbi 1000 metra në juglindje, reshje bore me intensitet të ulët, në Alpe dhe verilindje me intensitet deri mesatar.
Era do të fryjë me drejtim nga juglinjda-veriperëndimi me shpejtësi mesatare 7m/s, e cila hera-herës përgjatë vijës bredgetare dhe zonave luginore pritet të fitoi shpejtësi deir në 18m/sDeti – Valëzimi në detet Adriatik dhe Jon i forcës 3-4 ballë.
Top Channel
Një tjetër sprovë atmosferike ka prekur Bashkinë e Finiqit, ndërsa ekipet e terrenit po punojnë pa ndërprerje për të menaxhuar situatën. Kryebashkiaku i Finiqit, Romeo Çakuli, ka reaguar me një mesazh publik ku shpreh mirënjohjen dhe respektin për punonjësit që po përballen me vështirësitë e motit.
“Respekt për djemtë e stafit që, nën kushte të vështira, ndërhyjnë dhe përballen me guxim me çdo situatë,” shkruan Çakuli, duke garantuar se strukturat e bashkisë janë në terren dhe të përgatitura për çdo emergjencë.
Kryebashkiaku u bën thirrje qytetarëve të Finiqit të mos hezitojnë të kërkojnë ndihmë apo informacion, duke publikuar edhe kontaktet e përgjegjësve:
🔹 Nënkryetari: Vangjel Angjeli – 068 835 9024
🔹 Nënkryetari: Jani Harisi – 069 285 6187
🔹 Drejtori i Shërbimeve Publike dhe Mbrojtjes së Mjedisit: Sotir Kendra – 068 545 9487
Çakuli siguron se bashkia është në ndjekje të situatës dhe se do të ndërhyjë aty ku ka nevojë, duke vënë në prioritet sigurinë e qytetarëve.
Moti i ftohtë dhe situata gripale në vend ka bërë që shumë persona t’i drejtohet qendrave shëndetësore për vizita.
Në këto kushte mjekët këshillojnë të ushqeheni shëndetshëm duke pirë sa më shumë lëngje si dhe të visheni trashë për të evituar temperaturat e ulëta.
Ekziston një shurup i bërë në kushte shtëpie që largon kollën torturuese brenda 24 orëve.
Përbërësit për shurupin:
2 gota ujë
1 limon
1 qepë
2 lugë mjaltë
Fillimisht vendosni ujin në zjarr që të vlojë. Më pas priteni qepën në copa rreth 15 mm të trasha dhe gatuajini për 15 minuta së bashku me ujin.
Largojini më pas nga zjarri dhe lërini të qëndrojnë mënjanë për rreth 15 minuta. Më pas shtoni në të 2 lugë mjaltë dhe përziejeni mirë derisa ai të shkrihet i tëri.
Mos harroni të hidhni në të edhe lëngun e limonit të shtrydhur. Mund ta konsumoni tre herë në ditë këtë përzierje në rastet kur ju keni kollë dhe jeni ftohur dhe do të habiteni nga rezultati që do të japë në vetëm një ditë.
Ditën e premte vendi ynë do të ndikohet nga kushte atmosferike të paqëndrueshme.
Moti parashikohet të jetë me vranësira mesatare deri të dendura.
Reshjet e shiut parashikohen të jenë prezente që në orët e para të 24-orëshit deri në orët e mëngjesit me intensitet të ulët deri mesatar në pjesën më të madhe të vendit, në zonën jugore reshje shiu me intensitet mesatar deri të lartë, hera-herës shtrëngata shiu.
Gjatë ditës reshjet e shiut mbeten prezentë të herëpashershme me intensitet të ulët deri mesatar në pjesën më të madhe të vendit, ndërsa në veriperëndim dhe jugperëndim reshje shiu hera-herës me intensitet deri të lartë.
Në majat e maleve në verilindje- lindje dhe në Alpe reshje bore me intensitet të ulët e lokalisht deri mesatar.
Era do të fryjë me drejtim nga kudrati i jugut me shpejtësi mesatare 7m/s, e cila hera-herës përgjatë vijës bredgetare dhe zonave luginore pritet të fitoi shpejtësi deir në 20m/s
Deti – Valëzimi në detet Adriatik dhe Jon i forcës 4-6 ballë.
Top Channel
Kronikë E Shtunë, 15 Nëntor 2025 08:11
Vendi paraqitet sot nën kushte të qëndrueshme atmosferike, duke sjellë një ditë kryesisht me diell dhe me vranësira të larta e të holla, që do të shfaqen vetëm herë pas here në zonat e ndryshme.
Sipas parashikimeve, moti do të mbetet i kthjellët në pjesën më të madhe të territorit, pa reshje dhe me një panoramë të qetë.
Era do të fryjë nga juglindja në verilindje me një shpejtësi mesatare rreth 4 m/s, ndërsa herë pas here mund të arrijë deri në 7 m/s. Në brigje, pritet valëzim i lehtë, me forcë 1–2 ballë.
Ministri i Mbrojtjes, Pirro Vengu ka bërë dje me dije rritjen e pagave për ushtarakët në Forcat e Armatosura. Përmes një postimi në rrjetet sociale Vengu theksoi se me projektbuxhetin e vitit 2026, rritja për kategoritë Ushtari IV deri te Gjeneral Lejtnanti do të jetë +5,875 lekë. Ndër të tjera ai shtoi se kjo rritje pagash vjen, jo vetëm si pjesë e politikës së qëndrueshme dhe vendimeve të qeverisë për garantimin e kushteve më të mira të punës dhe jetesës, por edhe si një vlerësim për ata të cilët shërbejnë me përkushtim. “Më shumë vlerësim për ata që shërbejnë me përkushtim. Rritja e pagave për ushtarakët në Forcat e Armatosura është pjesë e politikës së qëndrueshme dhe vendimeve të Qeverisë Shqiptare për të garantuar kushte më të mira pune dhe jetese. Me Projektbuxhetin 2026, pagat përfshijnë rritje që shkon deri në +5,875 lekë, nga Ushtari IV deri te Gjeneral Lejtnanti, së bashku me shtesa për kushte pune dhe trajtim ushqimor”, shkruan ministri Vengu në “Facebook”.
Si pritet të rriten pagat për ushtarakët:
Ushtar IV: + 2 mijë e 13 lekë dhe shtesa plus shtesa për kushte pune dhe trajtim ushqimor.
Tetar: + 2 mijë e 63 lekë plus shtesa për kushte pune dhe trajtim ushqimor
Kryekapter: + 2 mijë e 400 lekë plus shtesa për kushte pune dhe trajtim ushqimor
Oficerë/Major: +2 mijë e 963 mijë lekë plus shtesa për kushte pune dhe trajtim ushqimor
Oficerë/Nënkolonel: + 3 mijë e 488 lekë plus shtesa për kushte pune dhe trajtim ushqimor
Oficerë/Kolonel: + 4 mijë e 88 lekë plus shtesa për kushte pune dhe trajtim ushqimor
Oficerë të lartë, Gjeneral Brigade: + 4 mijë e 750 lekë plus shtesa për kushte pune dhe trajtim ushqimor
Oficerë të lartë, Gjeneral Lejtnant: + 5 mijë e 875 lekë plus shtesa për kushte pune dhe trajtim ushqimor
Ministri i Financave flet për pagat
Ndërkohë gati 100 milionë euro janë parashikuar në projektbuxhetin e vitit të ardhshëm për rritjen e pagave në administratën qendrore dhe vendore. Ministri i Financave, Petrit Malaj zbuloi në Komisionin e Ekonomisë se do të jenë 144 mijë punonjës që do të përfitojnë. “Kostoja e përgjithshme e këtyre ndërhyrjeve në paga, përfshirë edhe rritjen e pagës minimale dhe indeksimin periodik, është vlerësuar në rreth 10 miliardë lekë dhe prek mbi 144.000 punonjës në administratën qendrore dhe vendore. Në tërësi ky buxhet përfaqëson një balancë të qëndrueshme midis politikave sociale dhe disiplinës fiskale, duke krijuar hapësirë reale për zhvillim, drejtësi sociale dhe përmirësim të standardeve të jetesës”, tha Malaj. Malaj dha edhe disa shembuj se si do të rriten pagat për kategori të caktuara nga mësuesit tek bluzat e bardha.
“Pagat e mësuesit të shkollës nëntëvjeçare do të rriten me 3000 lekë në muaj duke e çuar pagën mesatare bruto të këtyre mësuesve nga 96300 lekë në muaj në rreth 100000 lekë në muaj. Paga mesatare bruto, e mjekut të përgjithshëm, me rritjen e parashikuar, do të arrijë në rreth 143,446 lekë në muaj, ndërsa ajo e infermierëve do të arrijë në 92,526 lekë në muaj. Paga bruto mesatare në administratën publike, për punonjësit buxhetorë në vitin 2026 do të shkojë rreth 112,000 lekë në muaj”, tha Malaj. Për herë të parë në vitin e ardhshëm pagat e administratës publike do të indeksohen me 2.5%, për të kompensuar rritjen e inflacionit. Qeveria pret që indeksimi i pagave me normën e inflacionit të ndiqet edhe nga privati.
A do ketë bonus fundviti për pensionistët në 2026?
Nga ana tjetër, dje në mbledhjen e Komisionit të Ekonomisë për projektbuxhetin e vitit 2026, deputeti i Lëvizjes Bashkë, Redi Muçi, pyeti ministrin e Ekonomisë, Petrit Malaj, nëse pensionistët do të marrin bonus në fundvitin që vjen. Z. Malaj theksoi se diçka e tillë nuk parashikohet në projektbuxhetin për vitin e ardhshëm, por theksoi se përcaktuese për bonusin e dhjetorit 2026 do të jetë rritja ekonomike e vendit. “Në varësi të rritjes ekonomike do të vendosim nëse do të japim bonus fundviti në vitin 2026. Në projektbuxhet nuk është parashikuar, por me akt normativ në varësi të rritjes ekonomike do japim bonusin”, deklaroi dje Malaj.
Ditën e sotme (11 nëntor) vendi ynë do të ndikohet nga kushte atmosferike të paqëndrueshme.
Paradite pritet mot me vranësira të dendura dhe reshje shiu të herëpashershme që do të prekin pjesën më të madhe të vendit, kryesisht me intensitet të ulët dhe lokalisht në zonën qendrore deri mesatar.
Pas orëve të mëngjesit, vranësirat do të vijnë gradualisht në pakësim, ndërsa në orët e pasdites pritet mot me kthjellime dhe vranësira të pakta. Reshjet e shiut do të mbeten prezente deri në mesditë në qendër dhe jug të vendit, për t’u lokalizuar më pas vetëm përgjatë relieveve malore. Në mbrëmje reshjet do të ndërpriten në të gjithë territorin.
Era – Do të fryjë me drejtim veriperëndim–verilindje, me shpejtësi mesatare rreth 7 m/s. Në zonat bregdetare dhe luginore, era pritet të arrijë shpejtësi deri në 15 m/s.
Deti do të jetë me valëzim në detet Adriatik dhe Jon do të jetë i forcës 3–4 ballë.