Sokol Kushta, legjenda e madhe e futbollit shqiptar, ishte i ftuar në emisionin “Mega Sport” që transmetohet në “A2 CNN”. Kushta është ndalur te ndeshja Serbi-Shqipëri e fituar nga ne në shifrat 0-1 dhe ka prekur edhe temën e Armando Brojës.
“Kam vënë re një detaj të bukur nga ndeshja Serbi-Shqipëri që lidhet me Brojën. Normalisht njëherë 2-3 vitet e mungesës së tij nga dëmtimi janë shumë dhe pasojat do të vuhen, është dëmtim shumë i rëndë. Mua më pëlqeu fakti që Broja në një moment kundër Serbisë bëri tërheqjen në mesfushë dhe pastaj shkëputjen. Topi iu hodh në zonën boshe të krijuar dhe Broja e arriti atë. Pra tani ka filluar që Broja të futet në ingranazhin e Kombëtares, që ekipi të kuptojë lojën e tij dhe t’i marrë sa më shumë”, tha Kushta. Gjithashtu legjenda e futbollit shqiptar ka dhënë mendimin e tij për Flamurtarin.
“Janë disa ushqime që vijnë nga jashtë, të paketuara, por janë të skaduara. E thashë që pa filluar kampionati, kur pashë CV e lojtarëve të Flamurtarit, janë të skaduar. Kur pashë metodikën e punës së trajnerit, stërvitjen, angazhimin e lojtarëve, e dija fatin e ekipit. Stadiumi është i bukur, është i mirë për të zhvilluar kampionatin, por aktorët janë të skaduar. Pashë ndeshjen Flamurtari-Egnatia, 8000 njerëz në stadium, kisha kohë pa i parë kaq shumë, por të gjithë ishin të zhgënjyer me performancën e ndeshjes. Gabim i arbitrave me Flamurtarin? Njerëzit kur nuk munden, justifikohen dhe gjejnë vend për t’u kapur. Flamurtari ha tre gola dhe thotë se përse u quajt goli i tretë se ishte pozicion jashtë loje, puna jonë është të ngremë pyetjen pse vijnë këto tre golat”, tha Kushta. /Sport Ekspres/?
Tag: kushta
-
“Stadium i mirë me lojtarë të skaduar”! Sokol Kushta flet pa doreza për Flamurtarin: Ha 3 gola dhe përse goli i 3 ishte…jashtë loje
-
Sokol Kushta tregon detajin nga ndeshja Serbi-Shqipëri: Më pëlqeu diçka nga Armando Broja, ja pse po ndryshon situata tani
Sokol Kushta, legjenda e madhe e futbollit shqiptar, ishte i ftuar në emisionin “Mega Sport” që transmetohet në “A2 CNN”. Kushta është ndalur te ndeshja Serbi-Shqipëri e fituar nga ne në shifrat 0-1 dhe ka prekur edhe temën e Armando Brojës.
“Kam vënë re një detaj të bukur nga ndeshja Serbi-Shqipëri që lidhet me Brojën. Normalisht njëherë 2-3 vitet e mungesës së tij nga dëmtimi janë shumë dhe pasojat do të vuhen, është dëmtim shumë i rëndë. Mua më pëlqeu fakti që Broja në një moment kundër Serbisë bëri tërheqjen në mesfushë dhe pastaj shkëputjen. Topi iu hodh në zonën boshe të krijuar dhe Broja e arriti atë. Pra tani ka filluar që Broja të futet në ingranazhin e Kombëtares, që ekipi të kuptojë lojën e tij dhe t’i marrë sa më shumë”, tha Kushta. /Sport Ekspres/? -
Media serbe i referohet Kushtës si “xhelati i Partizanit”: Ndeshje aspak e zakonshme, parashikoj të dalë barazim
Ish-futbollisti i Shqipërisë, Sokol Kushta, ka folur për ndeshjen mes Serbisë dhe Shqipërisë, duke theksuar se do të jetë e mbushur me emocione. “Përjetimet nuk janë të njëjta për tifozët dhe lojtarët. As perceptimi i ndeshjes nuk është njësoj për të gjithë. Edhe brenda ekipit, disa do të jenë më të ngarkuar emocionalisht, disa jo. Për disa kjo ndeshje ka edhe domethënie politike, por shumë të tjerë e shohin thjesht si sfidë sportive”, – shkruan media serbe “Blic”.
Ai shtoi se kjo është një përballje që kërkon vëmendje maksimale dhe se “mendimet patriotike e politike duhet të lihen mënjanë, sepse ekipet duhet të fokusohen vetëm te futbolli”. Kushta, i njohur për tifozët serbë si “xhelati i Partizanit të Beogradit”, pasi në vitin 1987 eliminoi klubin serb nga Kupa UEFA me Flamurtarin e tij, theksoi më tej: “Jam i bindur që Serbia do të hyjë në fushë për të fituar, por ndeshja nuk do të jetë e zakonshme për askënd”.
Sokol Kushta theksoi se Serbia është më e tensionuar, sepse nuk i mjafton barazimi, ndërsa për Shqipërinë ky mund të jetë avantazh i madh psikologjik. “Serbia nuk mund të kënaqet me barazim, gjë që ia shton presionin. Kjo është një armë plus për neve, sepse na mjafton një pikë në fund. Nga ana tjetër, shoh një Serbi me shumë probleme. Për mendimin tim, kjo është Serbia më e dobët në historinë e saj ndërkombëtare. Dikur kishte ekipe të shkëlqyera, që nga koha e Jugosllavisë, por sot ka vetëm një kombëtare normale”, – nënvizoi Kushta.
Në fund, ish-futbollisti i Flamurtarit bëri parashikimin e tij për ndeshjen e sotme: “Një barazim do të na mbante në garë për ‘play-off’. Nuk jam skeptik, por optimist, besoj se Shqipëria do të marrë një rezultat pozitiv. Serbia ka probleme dhe kjo është përparësia jonë. Edhe një barazim ka vlerë, ndërsa fitorja, sado e vështirë të duket, do të ishte diçka madhështore”. -
“Serbia ka ekipin më të dobët në historinë e saj” Sokol Kushta në “rreth”,’Kurir’: Tani ata i kanë kaluar të gjithë kufijtë
Sokol Kushta, një ish-futbollist shqiptar, e nënvlerësoi rëndë ekipin kombëtar serb të futbollit. Ai mbahet mend mirë nga tifozët e Partizanit, veçanërisht ata më të vjetër, sepse ishte golashënuesi i Flamurtarit kundër Partizanit të Beogradit në shtator të vitit 1987. Atëherë klubi shqiptar shkaktoi sensacionin më të madh dhe e eliminoi Partizanin nga raundi i parë i Kupës UEFA.
Ndër të tjera Kurir shkruan sot:
Kushta është i bindur se Serbia do të shkojë për fitore, sepse siç thotë ai, një barazim nuk është në interesin e tyre më të mirë.
E gjithë kjo për të cilën kam folur mund ta ndihmojë ekipin tonë të duket më i qetë. Serbia nuk interesohet për një barazim dhe kjo i ngarkon më shumë. E theksoj, është një armë plus për ekipin tonë, sepse një barazim në fund na përshtatet. Nga ana tjetër, e shoh Serbinë me probleme. Sipas mendimit tim, kjo është Serbia më e dobët në historinë e ndeshjeve ndërkombëtare! Ata gjithmonë kanë pasur një ekip të shkëlqyer, me lojtarë të shkëlqyer, si gjatë Jugosllavisë ashtu edhe më vonë në Serbi. Ndërsa sot kanë një ekip normal, unë do ta quaja më të dobëtin në historinë e tyre.
Megjithatë, Kushta jo vetëm që e nënçmon Serbinë, por kritikon edhe trajnerin shqiptar Silvin.
Ai ka ndryshuar që nga momenti që mori pasaportën shqiptare. Veprimet e tij në ekipin kombëtar kanë qenë të gabuara kohët e fundit dhe e them këtë me bindje. Sot bëj pyetjen që të gjithë bëjnë: Pse Shpendi dhe Mehmeti nuk janë në ekipin kombëtar? Sipas mendimit tim, ky trajner duhet të largohet! Menaxhimi i ekipit kombëtar nuk është i mirë. Është detyrë e stafit të trajnerëve të shikojnë elementët, të rindërtojnë grupin, të sjellin lojtarë që janë në formë. Pse nuk e bënë këtë?
– Ata (serbët) ishin, janë dhe do të jenë rivalët tanë. Kjo nuk ndryshon dhe nuk do të ndryshojë. Keni të drejtë të pyesni se ku është ndryshimi midis ngjarjeve të vitit 1987 dhe 2014? Unë ju them se asgjë nuk ndryshon, filozofia e tyre është e njëjtë, i njëjti agresivitet. Serbia nuk ka ndryshuar asnjë grimcë. Në vitin 1987, dola në qytet një ditë para ndeshjes. Me sa duket gjithçka ishte paqësore dhe e mirë. Por në momentin e ndeshjes, situata në stadium si në vitin 1987 ashtu edhe në vitin 2014 ishte e njëjtë. Asnjë ndryshim, i njëjti agresivitet si me Flamurtarin ashtu edhe me ekipin kombëtar. Sot, jeta është më moderne, por mentaliteti i tyre në këtë drejtim është i njëjtë. Ne punuam shumë në anën sportive atëherë. Ndoshta për shkak të faktit të thjeshtë, menduam, le ta mposhtim Partizanin dhe të shkojmë përsëri jashtë shtetit. Pra, qëllimet e asaj kohe duken të pakuptimta sot, por kështu ishte. Dhe ndërsa shumë gjëra kanë ndryshuar që atëherë, qëndrimi i tyre antishqiptar ka mbetur në të njëjtin nivel. Por, e theksoj, lojtarët tanë duhet të përqendrohen vetëm te ana sportive.
Shqiptari guxoi dhe parashikoi barazim, megjithëse pret fitore.
Dëshira është një gjë, mundësia është një tjetër. Megjithatë, mund të them se me një barazim mbetemi në garën për play-off. Me cilin kundërshtar do të përballemi në play-off është diçka krejtësisht tjetër, duhet të mendojmë së pari për këtë ndeshje. Nuk jam skeptik nga natyra, përkundrazi, jam optimist dhe besoj se skuadra do të marrë një rezultat pozitiv. Dhe është mjaft normale të shpresojmë për këtë rezultat. Kundërshtari aktualisht po ka probleme, ky është një avantazh për skuadrën tonë dhe ne duhet ta përdorim këtë avantazh. Dhe meqenëse kemi folur tashmë për vlerat, mund të them se edhe një barazim është një vlerë. Një fitore, e cila duket jorealiste, do të ishte diçka madhështore – theksoi Sokolj Kušta.
Fjalët e ish-futbollistit shqiptar Sokolj Kushta duhet të jenë një motivim i madh për futbollistët serbë dhe trajnerin Dragan Stojković Piksi. Ka kaluar shumë kohë që kur dikush e ka nënvlerësuar dhe nënçmuar futbollin serb dhe ekipin kombëtar në këtë mënyrë.
Vazhdo leximin
-
Sokol Kushta shënjestron Silvinjon: Gaboi, i duhet një reflektim i thellë
Adriatik BALLA
Trajneri Silvinjo vijon të marrë kritika të shumta në media dhe rrjetet sociale pas dy barazimeve të fundit të Shqipërisë në grupin K eliminator për finalet e Botërorit të vitit 2026. Barazimi me Serbinë nuk ishte fundi i botës, por më shumë trajnerin e “vrau” barazimi ndaj Letonisë, ku skuadra në fushë nuk tregoi as futboll cilësor e as nuk përmbushi ndonjë objektiv në rezultat. Në këto kushte, analizat që kanë bërë specialistët kanë nxjerrë “zbuluar” Silvinjon, pasi zgjedhjet e tij dukshëm çalonin dhe këtu nuk ka vend për justifikimin që vjen si pasojë e disa mungesave të rëndësishme në mbrojtje.
Shkurt, Silvinjo ka nisur të çedojë në krye të skuadrës, ka probleme organizimi, por me sa duket edhe të seleksionimit të formacionit, pasi angazhon dhe u jep besim lojtarëve që nuk gëzojnë formën më të mirë dhe vijnë nga dëmtimet, si Manaj, e lë në stol prej shumë kohësh Muçin e Asanin, apo dhe ndonjë tjetër, duke mos i marrë skuadrës më të mirën e vet. Listës së gjatë të specialistëve që kritikuan Silvinjon i shtohet së fundmi edhe një prej ikonave të futbollit tonë, Sokol Kushta, që e sheh analizën e tij edhe në një plan më të gjerë, pasi Silvinjo tregoi shenja arrogance pas ndeshjes me Letoninë, duke u kapur me gazetarët etj.
Qëndrimi i Sokol Kushtës
Në postimin e tij Sokol Kushta tregohet i drejtpërdrejtë dhe kritik me Silvinjon. “Mbas barazimit të paralajmëruar në Riga, duhet se s’bën një reflektim nga të gjitha strukturat që merren me kombëtaren. Në momentin kur doli formacioni, diskutoja me bashkëlojtarë të mi që sot trajneri sikur s’do të fitojmë, dhe argumenti është i thjeshtë. Filloi me formacionin më të keq të pjesës së parë me Serbinë, minus Hysajn që ishte lojtari më i mirë yni. Unë dhe shumë lojtarë të kombëtares na intereson kombi dhe kombëtarja jo kush është trajner, pasi janë me datë skadence. Dhe ky trajner bën veprime që unë nuk mundet t’i kuptoj. Kur Hysaj nuk loz mirë nuk e lëviz, kur Manaj është në gjendje të keqe fizike dhe psikologjike ai jo vetëm e rifut në lojë por e vë dhe kapiten. Kjo është kapriço e një arroganti që paguhet shumë për kombëtaren tonë.
Dhe në fund del kundër të gjithëve dhe thotë një sulmues bën dhe 4 gola (dmth ju s’dini nga taktika ime). Kur dhe tifozi më normal e kuptonte që ekipi kundërshtar ishte parkuar i gjithë në mbrojtje dhe duhet të loznim me Brojën, Dakun, Muçin në sulm. Me Hysajn djathtas dhe Mitajn majtas, pasi të dy e lozin mirë krahun. Shehun dhe Asllanin në qendër, si dhe tre mbrojtësat që kemi. Shumë e thjeshtë dhe do qe shumë efektive. Ndërkohë, Uzunin, Hoxhën me Bajramin dhe Ramadanin i kishe forca të gatshme për lojë. Por jo ndërrime në min e 80-të. Pa sens logjike. Silvinjo kur jep intervista nuk duhet të hajë kapriço me gazetarët dhe ish lojtarë të Kombëtares, me terma pa bazë futbolli, por me argumente dhe respekt. Po të qe në Brazil ose në një shtet tjetër trajner dhe të jepte ato përgjigje arrogante kundrejt ish lojtareve të kombëtares ose gazetarëve 24 orë nuk do të ishte më trajner, duhet reflektim”, shkruan Kushta në profilin e tij në rrjetin social facebook -
Futbollisti i mirënjohur Sokol Kushta, heroi shqiptar antiserb, po e ndjek ndeshjen nga Vlora. Nuk gjeti biletë!
Sonte futbollisti i mirënjohur, Sokol Kushta, po e ndjek ndeshjen Shqipëri-Serbi nga Vlora, sepse nuk gjeti dot biletë për këtë supërndeshje.
Sokol Kushta është një nga ish-futbollistët e Flamurtarit që u ka shënuar serbëve, kjo në Beograd. Në vitin 1987 Flamurtari i tij trondiste Partizanin e Beogradit duke i eliminuar nga Evropa.Ai po e ndjek ndeshjen me Shkëlqim Hajdarin në Lungomare, Vlorë.
-
I ka shënuar serbëve dhe e di mirë si i tundet rrjeta, këshilla e Sokol Kushtës: Futuni për futboll dhe fitoni, pastaj bëhet vet politike…
Sokol Kushta e di shumë mirë sesi i shënohet serbëve, e ka bërë në të kaluarën. Në një prononcim për emisionin “Max Sport” që transmetohet në “MCN TV”, Kushta ka folur sa i përket ndeshjes Shqipëri-Serbi që na pret, duke dhënë edhe një këshillë të vlefshme. Ai i ka kërkuar lojtarëve që të mos hyjnë me mendime patriotike dhe të harrojnë se çfarë duhet të bëjnë në fushë, por ta marrin ndeshjen sportivisht, të fitojnë dhe më pas gjërat do të shkojnë padyshim edhe në krahun politik të mundjes së Serbisë.
“Presioni nuk duhet të jetë negativ, por pozitiv. Presioni duhet të jetë pozitiv, jo të futemi me idenë se serbi duhet rrahur se është i keq, të shohim anën sportive. Ta kthejnë në forcë dhe motivim presionin, të shohin anën sportive dhe nëse fitojmë, të nesërmen gjërat kanalizohen vet edhe në anën politike. Duke qenë se luajmë në shtëpi, ne kemi 60% shanse të fitojmë. I kemi të gjitha favoret në anët tona, por më pas në fushë duhet të flasin lojtarët”, tha Kushta. /Sport Ekspres/ -
“Sokol Kushta duhet t’i mbaj fjalim lojtarëve para Serbisë”, Ilir Alliu i jep një mendim Silvinjos: Duhet ta ftoj, nuk kemi pasur si ai
Ilir Alliu, ish-futbollisti i Kombëtares ishte i ftuar në emisionin “Max Sport” që transmetohet në “EuroNeës”. Alliu ka hedhur një ide të vecantë duke i bërë një thirrje Silvinjos për të ftuar Sokol Kushtën që të mbaj një fjalim para ekipit duke qenë një figurë që ka përballur një presion dhe emocion të tillë, në një ndeshje si ajo kundër Serbisë, për t’ia lehtësuar sadopak barrën futbollistëve.
“Do të jetë shumë e mirë dhe e domosdoshme që të përdorim modelin kundër Serbisë, lojtarët që kanë luajtur në ndeshje të tilla dhe me ngarkesa të tilla. Do isha shumë pro idesë që Sokol Kushta të mbante një fjalim para lojtarëve para ndeshjes me Serbinë, do flasi me forcën e shembullit që ka përballuar ndeshje të këtij intensiteti dhe në një periudhë shumë më të vështirë se tani.
Atëherë futbolli jugosllov ka qenë në formë shumë më të mirë sesa ekipi që ka Serbia tani. Në kujtesën time, futbollist me mentalitetin e duhur për të hyrë në fushë si Sokol Kushta as nuk kemi pasur dhe as nuk kemi, me aq sa e kam njour unë”, tha Alliu. /Sport Ekspres/
-
“Nuk e kam problemin te paratë që do fitoj në Europë, por te pikët”! Ish-trajneri i Partizanit tregon se çfarë i tha Gaz Demi për rastin e dështimit
Legjenda e futbollit shqiptar, Sokol Kushta, ishte i pranishëm sot në stadium për të parë ndeshjen Partizani-Elbasani. Kushta është parë duke duartrokitur golin e Prekës, në avantazhin e Partizanit. Ndërkohë në mbrëmje, Kushta ishte i ftuar në emisionin “Max Sport” që transmetohet në “EuroNeës Albania”.
“Më pëlqeu shumë kjo ndeshje sot. Ishte një ndeshje e luftuar, e bukur. Më ftoi në stadium Skënder Gega, më tha që të isha në stadium. Por edhe Gaz Demi më kërkoi që në këto ndeshjet e rëndësishme të jem i pranishëm në stadium.
Për mua arbitri ka qenë shumë fenomenal sot, nuk ka bërë asnjë gabim të vetëm. Dua t’i jap përgëzime edhe tifozerive të dy ekipeve, ishin fantastik. Këto janë ndeshje ku trajneri stopon, ia thashë Gegës se ishte shumë i ngarkuar para ndeshjes, në shumë presion.
I thashë që të ishte i qetë pasi në ndeshje të tilla janë lojtarët që ose të nderojnë, ose të fundosin. Janë lojtarët që dalin për të marrë përsipër ekipin, këto ndeshje janë të tilla, shikoni atë që ndodhi te Skënderbeu-Bylis”, tha Kushta.
Nga ana tjetër, në bisedë ka ndërhyrë edhe ish-trajneri i Partizanit, Dritan Mehmeti, që tregoi një sekret nga biseda me Gaz Demin, sesi e përjeton dhe çfarë mendon ai nëse të kuqtë dështojnë një sezon në Europë.
“Presidenti Demi ka shpenzuar me vite, kam qenë katër vite te Partizani. Më e vështira te Partizani sot nëse do dështonte do ishte ulje e pikëve në UEFA se aspekti ekonomik. Presidenti Demi nuk do e vuante shumë aspektin e fitimeve që do të marrë në Europë sa ulja e pikëve në UEFA. Kur kam qenë unë trajner te Partizani më ka thënë: “Nuk e kam problemin te paratë që do fitojë në UEFA, por për pikët që do më ulen nëse nuk kalojmë në Europë këtë vit”. Për Partizani, Europa është objektivi më minimal”, tha Mehmeti. /Sport Ekspres/ ? -
“E çfarë të them unë, është i zgjuar Sinan Idrizi tani?”! Kritika nga Sokol Kushta: Humbi 300 mijë euro me futbollistë që nuk luajtën 1 sekondë
Flamurtari është rikthyer në elitën e futbollit shqiptar. Sokol Kushta ishte i ftuar në “Max Sport” që transmetohet në “Euro Neës Albania”, ku përveç Partizani, ka folur edhe për Flamurtarin. Kushta ka dhënë kritika për Sinan Idrizin, përtej komplimenteve, duke thënë se ka bërë disa gabime.
“Një nga problemet e Flamurtarit, mora nja 5 lojtarë që nuk i përdori fare. Sado i zgjuar të jesh në jetën e përditshme, në biznes, futbolli është labirint, një errësirë. Sinani nuk do ta kuptojë kurrë nëse do të eci me njerëz të paaftë, që të marrin 7 lojtarë që ka paguar 300 mijë euro Sinani dhe nuk luajtën 1 sekondë në fushë. Cfarë të them unë, është i zgjuar Sinani? Është i zgjuar për punët e tij, ne jemi në futboll këtu.
Ai ka humbur 300 mijë euro për këta lojtarë. Erdhi Murataj, super lojtar, por ishte i dëmtuar. Sinani pagoi lekët, cfarë t’i them unë, bravo Sinanit që pagoj lekët? Mirë bëri, po përse i pagoj? Erdhi Telushi që nuk luajti, cfarë t’i them unë, veprove drejt? T’i them që jam i gëzuar që doli në vendin e dytë? Nuk jam i gëzuar, Flamurtari duhej të ishte 10 pikë para Vorës me ata lojtarë që bleu”, tha Kushta. /Sport Ekspres/ ?