Lajmidites.com

Tag: kuqezi

  • Thirrja nga Rama: Bashkohuni me PS-në për ta vendosur flamurin kuqezi në oborrin e BE-së

    Thirrja nga Rama: Bashkohuni me PS-në për ta vendosur flamurin kuqezi në oborrin e BE-së

    Kryeministri Edi Rama edhe këtë të enjte i bën thirrje qytetarëve të votojnë Partinë Socialiste në zgjedhjet e 11 majit.
    Rama ndau në rrjetet sociale simbolin e dorës, e zgjedhur nga Partia Socialiste për të treguar renditjen në vendin e pestë në listën e subjekteve politike që garojnë për zgjedhjet e 11 majit.

    Kryeministri u kërkoi qytetarëve që t’i bashkohen PS-së për ta vendosur flamurin kuqezi në oborrin e Bashkimit Europian.
    ”Voto 5. Bashkohu me mua e PS më 11 maj, me dashuri për Shqipërinë dhe vendosmëri për ta vendosur flamurin kuqezi në oborrin e Bashkimit Europian”, shkruan Rama.

  • Kuqezinjtë po shkëlqejnë! Juljan Shehu shënon dhe shpallet lojtari i ndeshjes, Muçi & Seferi realizojnë në Kupë

    Kuqezinjtë po shkëlqejnë! Juljan Shehu shënon dhe shpallet lojtari i ndeshjes, Muçi & Seferi realizojnë në Kupë

    Legjionarët shqiptarë kanë regjistruar paraqitje pozitive me klubet e tyre në arenën ndërkombëtare. Juljan Shehu vazhdon të jetë protagonist me Widzew Lodz. Pas debutimit me Kombëtaren, mesfushori kuqezi ka gjetur rrugën e rrjetës në dy ndeshjet e fundit, ndërsa këtë fundjavë shënoi ndaj Lechia Gdansk në fitoren 2-0 të Widzew Lodz.
    Përveç golit, Shehu zhvilloi një ndeshje shumë të mirë dhe u shpall lojtari i ndeshjes, me notën 7.9 nga sajti i specializuar për statistika, Sofascore.
    Ernest Muçi u rikthye te goli në Turqi me fanellën e Besiktas. Sulmuesi kuqezi realizoi një gol të bukur në çerekfinalen e Kupës së Turqisë ndaj Goztepe, por pavarësisht golit të tij, Besiktas u eliminua pas humbjes 1-3.
    Një tjetër paraqitje pozitive në çerekfinalet e Kupës së Turqisë regjistroi edhe Taulant Seferi me Bodrumspor. Ai shënoi në minutën e 15-të dhe asistoi për golin e dytë në të 20-ën ndaj Trabzonspor. Megjithatë, në fund Bodrumspor u eliminua pasi ndeshja përfundoi 3-2 për Trabzonspor pas kohës shtesë.
    Rrugën e rrjetës këtë fundjavë e gjeti edhe Jon Mersinaj me skuadrën e tij në Kroaci, Osijek. Një gol historik për mbrojtësin kuqezi, i cili shënoi për herë të parë pas 123 ndeshjesh në kampionatin kroat me Lokomotiva Zagreb dhe Osijek.
    Nga lojtarët e Kombëtares, u aktivizuan si titullarë me skuadrat e tyre: Elhan Kastrati, Simon Simoni, Marash Kumbulla, Berat Gjimshiti, Arlind Ajeti, Enea Mihaj, Ylber Ramadani, Kristjan Asllani, Adrion Pajaziti, Arbnor Muja, Jasir Asani, Myrto Uzuni, Rey Manaj dhe Mirlind Daku.
    Ndërsa si zëvendësues dhanë kontributin e tyre: Medon Berisha, Qazim Laçi, Nedim Bajrami, Anis Mehmeti, Arbër Hoxha dhe Armando Broja.

  • Paraqitjet e legjionarëve/ Shehu shënon sërish dhe shpallet lojtari i ndeshjes, Muçi & Seferi realizojnë në Kupën e Turqisë

    Paraqitjet e legjionarëve/ Shehu shënon sërish dhe shpallet lojtari i ndeshjes, Muçi & Seferi realizojnë në Kupën e Turqisë

    Legjionarët shqiptarë kanë regjistruar paraqitje pozitive me klubet e tyre në arenën ndërkombëtare.
    Juljan Shehu vazhdon të jetë protagonist me Widzew Lodz. Pas debutimit me Kombëtaren, mesfushori kuqezi ka gjetur rrugën e rrjetës në dy ndeshjet e fundit, ndërsa këtë fundjavë shënoi ndaj Lechia Gdansk në fitoren 2-0 të Widzew Lodz. Përveç golit, Shehu zhvilloi një ndeshje shumë të mirë dhe u shpall lojtari i ndeshjes, me notën 7.9 nga sajti i specializuar për statistika, Sofascore.
    Ernest Muçi u rikthye te goli në Turqi me fanellën e Besiktas. Sulmuesi kuqezi realizoi një gol të bukur në çerekfinalen e Kupës së Turqisë ndaj Goztepe, por pavarësisht golit të tij, Besiktas u eliminua pas humbjes 1-3.
    Një tjetër paraqitje pozitive në çerekfinalet e Kupës së Turqisë regjistroi edhe Taulant Seferi me Bodrumspor. Ai shënoi në minutën e 15-të dhe asistoi për golin e dytë në të 20-ën ndaj Trabzonspor. Megjithatë, në fund Bodrumspor u eliminua pasi ndeshja përfundoi 3-2 për Trabzonspor pas kohës shtesë.
    Rrugën e rrjetës këtë fundjavë e gjeti edhe Jon Mersinaj me skuadrën e tij në Kroaci, Osijek. Një gol historik për mbrojtësin kuqezi, i cili shënoi për herë të parë pas 123 ndeshjesh në kampionatin kroat me Lokomotiva Zagreb dhe Osijek.
    Nga lojtarët e Kombëtares, u aktivizuan si titullarë me skuadrat e tyre: Elhan Kastrati, Simon Simoni, Marash Kumbulla, Berat Gjimshiti, Arlind Ajeti, Enea Mihaj, Ylber Ramadani, Kristjan Asllani, Adrion Pajaziti, Arbnor Muja, Jasir Asani, Myrto Uzuni, Rey Manaj dhe Mirlind Daku.
    Ndërsa si zëvendësues dhanë kontributin e tyre: Medon Berisha, Qazim Laçi, Nedim Bajrami, Anis Mehmeti, Arbër Hoxha dhe Armando Broja.

  • Vajzat kuqezi fitojnë me goleadë ndaj Kroacisë, Duka: Besojmë te puna dhe pasioni juaj

    Vajzat kuqezi fitojnë me goleadë ndaj Kroacisë, Duka: Besojmë te puna dhe pasioni juaj

    Kombëtarja e vajzave ka marrë fitoren e parë në Ligën e Kombeve. Kuqezazat kanë mposhtur sot Kroacinë në “Loro Boriçi”. Një fitore me goleadë e vajzave të ekipit tonë kombëtar, të cilat kanë triumfuar me shifrat e thella 4-0. Golat u shënuan nga Berisha, Hilaj, Doçi dhe Hamonikaj.
    Kjo fitore është përshëndetur edhe nga kreu i FSHF-së, i cili ka shkruajtur në llogarinë e tij në “Facebook”: “Një fitore e madhe për vajzat kuqezi! Urime Kombëtares shqiptare të vajzave për fitoren e merituar 4-0 ndaj Kroacisë në UEFA Nations League! Ky është një sukses i rëndësishëm që konfirmon përmirësimin dhe rritjen e ekipit tonë kombëtar. Forca dhe suksese në sfidën e radhës në Kroaci! Besojmë te puna juaj, pasioni dhe përkushtimi që tregoni në çdo ndeshje”./Sport Ekspres/

  • Rama ndan videon nga takimi me shqiptarët në Athinë: Emocioni i një të diele kuqezi!

    Rama ndan videon nga takimi me shqiptarët në Athinë: Emocioni i një të diele kuqezi!

    Kryeministri Edi Rama e ka nisur ditën me një video nga takimi me shqiptarët në Athinë, që mbajti pasditen e së dielës.
    “Dhe me emocionin e një të diele kuqezi në Athinë, ju uroj një javë sa më të mbarë”, shkruan Rama krahas pamjeve që poston në rrjetet sociale.

    “Me pasaportën europiane ju do të uleni në cdo tryezë të Europës përgjithmonë si shqiponja”, tha ndër të tjera Kryeministri para emigrantëve shqiptarë në Athinë ditën e djeshme.

  • Kombëtarja shqiptare arrin fitoren e parë në kualifikueset e botërorit, triumfon ndaj Andorrës

    Kombëtarja shqiptare arrin fitoren e parë në kualifikueset e botërorit, triumfon ndaj Andorrës

    Kombëtarja kuqezi lë pas humbjen ndaj Anglisë në Wembley, teksa fiton pastër 3 me 0 ndaj Andorrës, duke i’u gëzuar fitores së parë në këtë fushatë eliminatoresh.
    Shqipëria e nisi menjëherë vrullshëm sfidën dhe me motivimin për të imponuar lojën menjëherë ndaj kundërshtarit.
    Dhe në fakt ndeshja nis në mënyrën më të mirë të mundshme. Minuta e 9 një goditje dënimi nga e djathta e krosuar në mënyrë pefekte nga Asllani, shfrytëzohet nga sulmuesi Rey Manaj që me kokë e çon topin në rrjetë, për golin e avantazhit. Në minutën e 20 do të vinte edhe goli i dytë, pas një aksioni të përkyer, me Brojën që merr një top nga e djathta i ç’markohet mbulimit të mbrojtësit bën një finte ndaj portierit mik, e më pas vendos të pasojë për Rey Manaj, me bomberin e Sivasspor që nuk fal teksa gjen golin e dytë për kuqezinjtë. Falë kësaj dopiete Rey Manaj shkon në kuotën e 10 golave me fanellën kuqezi duke barazuar dy legjenda në historinë e kësaj kombëtareje: Sokol Kushtan dhe Igli Taren.
    Avantazh i dyfishtë brenda 20 minutash lojë që u jep lojtarëve të Sylvinhos qetësinë dhe besimin e duhur. Asllani tentoi dy herë nga distanca portën e miqve por pa sukses, me fraksionin e parë që mbyllet me shifrat 2-0.

  • Bojkotuan takimin dhe u rikthyen pas 15 minutash, çfarë ndodhi me Tifozët Kuqezi në stadium (VIDEO)

    Bojkotuan takimin dhe u rikthyen pas 15 minutash, çfarë ndodhi me Tifozët Kuqezi në stadium (VIDEO)

    Sfida e dytë kualifikuese e Botërorit 2026 mes Shqipërisë dhe Andorrës nisi me një bojkot nga ana e Tifozëve Kuqezi.
    Pas këndimit të himnit, ata vendosën të braktisnin tribunën pas porte, duke boshatisur stadiumin në një ndeshje të rëndësishme. Megjithatë, ata u rikthyen në stadium pas golit të parë të Rei Manajt.
    Kjo ishte si një shenjë proteste nga ana e Tifozëve Kuqezi ndaj Federatës, për ndalimin e shitjeve të biletave për tifogrupe.

  • Rey Manaj synon rekordin i cili mbahet prej 22 vitesh dhe mosha i vjen në ndihmë por duhet vazhdimësia!

    Rey Manaj synon rekordin i cili mbahet prej 22 vitesh dhe mosha i vjen në ndihmë por duhet vazhdimësia!

    Nuk ka qenë një periudhë e lehtë për Manaj këto kohët e fundit por shpërblimi mbërriti në një natë e cila jo vetëm i dhuroi dy gola në fitoren 3-0 ndaj Andorrës në “Arenën Kombëtare”, por gjithashtu edhe kënaqësinë e shiritit të kapitenit pas daljes nga fusha të Berat Gjimshitit.
    Sulmuesi që aktivizohet në Turqi të Sivasspor ishte duke e humbur grumbullimin pasi rrezikoi jo pak shëndetin në një ndeshje kampionati duke u shtruar në spital pas një përplasje që mori në duel me kundërshtarin, teksa megjithatë ishte i vendosur të zbriste në fushë dhe e bëri direkt pas një jave dhe më pas u grumbullua edhe nga Shqipëria.
    Në “Wembley” nuk është se pati mundësi ndërsa në Tiranë ishte nata e tij, sigurisht me dy asist nga Asllani dhe Broja në 20 minutat e para. Manaj festoi me shokët e ekipit dhe i falënderoi ata teksa ndjek një rekord që është ende larg: 18 gola të Bogdanit me fanelën kuqezi, golashënuesi më i mirë në historinë kuqezi.
    Manaj ka tashmë 9 gola dhe renditet në vendin e 10-të, vetëm 1 gol larg Igli Tares dhe Altin Rrakllit, teksa dje ka kaluar Aliaj dhe Bekim Balaj. E nga të gjithë që janë në listë, është i vetmi në aktivitet që mund ta bëjë te kombëtarja pasi sipër ka Rraklli, Salihi, Kushta, Sadiku (ende në aktivitet por jashtë kombëtares prej kohësh tashmë), Cikalleshi, Skela, Bushi dhe pikërisht Bogdani.
    Rekordi Bogdani duket ende larg, pasi do të duhen edhe 9 gola për ta barazuar dhe 10 për ta kaluar, por sulmuesi i Sivasspor është ende 28 vjeç dhe i ka të gjitha shanset që edhe të paktën 4 vite të jetë në këtë formë, që do të thotë të paktën edhe 24-26 ndeshje të tjera për të luajtur.
    Renditja e golashënuesve historikë kuqezi
    Erjon Bogdani 18 gola
    Alban Bushi 14 gola
    Ervin Skela 14 gola
    Sokol Cikalleshi 13 gola
    *Armando Sadiku 12 gola
    Sokol Kushta 11 gola
    Hamdi Salihi 11 gola
    Altin Rraklli 10 gola
    Igli Tare 10 gola
    *Rey Manaj 9 gola
    (* ende ne aktivitet)