PSG do të përballet me Chelsean këtë të dielë, në finalen e madhe të Kupës së Botës për Klube.
Pascal Dupraz, ish-trajneri i Ligue 1 është shprehur së fundmi, se në rast se triumfojnë parisienët, atëherë Topi i Artë do të fitohet nga Ousmane Dembele.
“Nëse PSG fiton kundër Chelseat, për mua është mbyllur puna, Dembele duhet ta fitojë Topin e Artë”, tha Dupraz. Dembele ka zhvilluar sezon fantastik me PSG, duke ndihmuar ekipin në arritjen e objektivave.
12 Korrik 2025
11:35
Telesport
Finalja e Kupës së Botës për Klube është afër, por përpara të dielës, ylli i Chelsea-t, Enzo Fernandez, ka gjetur një moment për të dhënë alarmin: “Të luash gjatë orëve më të nxehta të ditës është shumë e rrezikshme”.
Fernandez nuk po flet rastësisht, duke pasur parasysh se ndeshja vendimtare për titullin kundër PSG-së në stadiumin MetLife është planifikuar për në orën 3:00 pasdite sipas orës lokale.
“Nxehtësia është e pabesueshme. Ditën tjetër kundër Fluminense, ndjeva pak marramendje dhe më duhej të ulesha. E përsëris, të luash në këto temperatura është shumë e rrezikshme”, tha argjentinasi para seancës stërvitore të Chelseat për Sports Illustrated.
Temperatura të larta deri në 31 gradë Celsius dhe lagështi shumë e lartë priten të dielën.
“Padyshim, për spektaklin, për ata që vijnë në stadium për të shijuar ndeshjen dhe për ata që e shikojnë në shtëpi, ritmi i lojës nuk është i njëjtë; ngadalëson gjithçka. Shpresojmë që të ndryshojnë oraret për ta bërë spektaklin më të mirë”, shtoi kampioni i Kupës së Botës 2022.
10 Korrik 2025
13:10
Telesport
Stadiumi “MeLife” në Nju Jork do të presë finalen e shumëpritur të Kupës së Botës për Klube, e planifikuar për të dielën, më 13 korrik në orën 21:00.
Trofeu do të diskutohet midis Chelsea, të udhëhequr nga italiani Enzo Maresca, dhe PSG-së së spanjollit Luis Enrique.
Skuadra franceze, fituese e Champions League, shihet si favorite, teksa synon një tjetër triumf, këtë herë në Kupën e Botës.
Këtë sezon ajo i ka fituar të gjitha trofetë e disponueshëm, si në vend ashtu edhe në Evropë. Ndërsa Chelsea triumfoi në Conference League.
Ndaj, ndeshja është e garantuar se do të jetë spektakolare. I pranishëm në stadium do të jetë edhe Donald Trump, Presidenti i Shteteve të Bashkuara të Amerikës.
Kreu i shtetit e ka deklaruar më herët se do të jetë në këtë finale.
Adriatik BALLA
Finalja e Kupës së Botës për Klube, që do të zhvillohet të dielën më 13 korrik në stadiumin “MetLife”, do të shërbejë si provë për finalen e Botërorit 2026, pasi ky stadium, shtëpia e skuadrave të NFL-së Nju Jork Jets dhe Nju Jork Giants, do të jetë edhe vendi ku do të luhet finalja e madhe e Kupës së Botës 2026. Finalja do të mbahet për herë të parë në histori në tre vende njëkohësisht, SHBA, Kanada dhe Meksikë, me një rekord pjesëmarrjeje prej 48 kombëtaresh. FIFA tashmë ka zhvendosur departamentin e saj ligjor në Miami, ku janë vendosur edhe punonjësit përgjegjës për organizimin operacional të turneut aktual të Kupës së Botës për Klube dhe të Botërorit 2026.
“Do të shkoj në ndeshje”, deklaroi presidenti amerikan Donald Trump për gazetarët. Deklarata vjen menjëherë pas njoftimit të presidentit të FIFA-s, Xhani Infantino, për hapjen e një zyre të re të FIFA-s në “Trump Toëer”, duke thelluar më tej praninë e organizatës në territorin amerikan një vit para Botërorit. “FIFA është një organizatë globale dhe, për të qenë e tillë, duhet të ketë prezencë lokale, kudo.
Prandaj është e rëndësishme të jemi në Nju Jork, jo vetëm për turneun e këtij viti dhe për Kupën e Botës vitin e ardhshëm, por edhe për funksionimin e zyrave tona”, deklaroi Infantino. Ai shtoi gjithashtu se FIFA ka marrë “mbështetje të jashtëzakonshme nga qeveria amerikane dhe nga vetë presidenti” përmes grupit të punës të Shtëpisë së Bardhë që merret me organizimin e Kupës së Botës për Klube dhe Botërorit të vitit të ardhshëm. Gjithashtu, FIFA njoftoi se trofeu i Kupës së Botës për Klube do të ekspozohet në “Trump Toëer” nga e marta deri të shtunën, në prag të finales. Presidenti Trump nuk i ka shmangur reflektorët e sportit gjatë mandatit të tij të dytë.
Ai u bë presidenti i parë në detyrë që ndoqi finalen e Super Boul në muajin shkurt, ndërsa në maj shpalli nga Zyra Ovale se Uashingtoni do të jetë mikpritës i NFL Draft në vitin 2027. Megjithatë, politikat e tij të rrepta ndaj emigracionit dhe ndalimi i hyrjes së shtetasve nga 12 vende kanë ngjallur shqetësime lidhur me organizimin e Botërorit 2026. Pavarësisht kësaj, presidenti i FIFA-s ka garantuar se SHBA do të mirëpresë të gjithë botën në ngjarjen më të madhe të futbollit ndërkombëtar. Një dokument i siguruar muajin e kaluar nga agjencia Reuters tregon se administrata Trump po shqyrton mundësinë e zgjerimit të ndjeshëm të kufizimeve të udhëtimit, duke përfshirë ndalimin e hyrjes në SHBA për shtetas nga 36 vende të tjera.
Turneu i zgjeruar, ku marrin pjesë shumë nga ekipet më të mira të botës, shihet gjerësisht si një “provë gjenerale” për Kupën e Botës 2026, e cila do të bashkë-organizohet nga Shtetet e Bashkuara, Kanadaja dhe Meksika me një rekord prej 48 ekipesh kombëtare.
“Do të shkoj të shoh ndeshjen“, u tha Trump gazetarëve. Lajmi erdhi menjëherë pasi Presidenti i FIFA-s, Gianni Infantino, njoftoi hapjen e një zyre për konfederatën botërore të futbollit në “Trump Tower”, duke forcuar më tej praninë e saj në tokën amerikane një vit para Kupës së Botës 2026 , e cila do të mbahet në Shtetet e Bashkuara, Meksikë dhe Kanada.
Finalja e Kupës së Botës për Klube të dielën në stadiumin MetLife do të shërbejë si një “provë gjenerale” për finalen e vitit të ardhshëm.
FIFA e kishte zhvendosur tashmë departamentin e saj ligjor në Miami, ku punojnë edhe të gjithë punonjësit e përfshirë në zbatimin operativ të Kupës së Botës për Klube, që po mbahet aktualisht në Shtetet e Bashkuara, si dhe Kupës së Botës 2026.
FIFA njoftoi gjithashtu se trofeu i Kupës së Botës për Klube do të jetë i ekspozuar në Trump Tower nga e marta deri të shtunën, në prag të finales.
Trump nuk është shmangur nga vëmendja e sportit gjatë mandatit të tij të dytë, duke u bërë presidenti i parë në detyrë që mori pjesë në Super Bowl në shkurt dhe duke njoftuar nga Zyra Ovale në maj se Uashingtoni do të priste Draftin e NFL-së 2027.
Turneu i zgjeruar, ku marrin pjesë shumë nga ekipet më të mira të botës, shihet gjerësisht si një “provë gjenerale” për Kupën e Botës 2026, e cila do të bashkë-organizohet nga Shtetet e Bashkuara, Kanadaja dhe Meksika me një rekord prej 48 ekipesh kombëtare.
“Do të shkoj të shoh ndeshjen“, u tha Trump gazetarëve. Lajmi erdhi menjëherë pasi Presidenti i FIFA-s, Gianni Infantino, njoftoi hapjen e një zyre për konfederatën botërore të futbollit në “Trump Tower”, duke forcuar më tej praninë e saj në tokën amerikane një vit para Kupës së Botës 2026 , e cila do të mbahet në Shtetet e Bashkuara, Meksikë dhe Kanada.
Finalja e Kupës së Botës për Klube të dielën në stadiumin MetLife do të shërbejë si një “provë gjenerale” për finalen e vitit të ardhshëm.
FIFA e kishte zhvendosur tashmë departamentin e saj ligjor në Miami, ku punojnë edhe të gjithë punonjësit e përfshirë në zbatimin operativ të Kupës së Botës për Klube, që po mbahet aktualisht në Shtetet e Bashkuara, si dhe Kupës së Botës 2026.
FIFA njoftoi gjithashtu se trofeu i Kupës së Botës për Klube do të jetë i ekspozuar në Trump Tower nga e marta deri të shtunën, në prag të finales.
Trump nuk është shmangur nga vëmendja e sportit gjatë mandatit të tij të dytë, duke u bërë presidenti i parë në detyrë që mori pjesë në Super Bowl në shkurt dhe duke njoftuar nga Zyra Ovale në maj se Uashingtoni do të priste Draftin e NFL-së 2027.
Top Channel
9 Korrik 2025
9:17
Telesport
Në një veprim të papritur përpara gjysmëfinales të Kupës së Botës për klube kundër Real Madrid, trajneri i PSG, Luis Enrique, ka larguar nga ekipi dy lojtarë kyç.
Bëhet fjalë për William Pacho që mori një karton të kuq në minutën e 82-të, i ndjekur shpejt nga Lucas Hernandez, që gjithashtu mori të kuqe në kohën shtesë.
Të dy lojtarët tani përballen me një pezullim prej dy ndeshjesh, duke humbur si gjysmëfinalen e sotme ndaj madrilenëve ashtu dhe një finale të mundshme ndaj Chelsea (mundi 2-0 Fluminense)
Kjo ka bërë që klubi francez t’i përjashtojë ata nga skuadra e Kupës së Botës për klube.
Në mungesë të tyre, trajneri Luis Enrique do të mbështetet në një dyshe mbrojtëse të Lucas Beraldo dhe Marquinhos me përvojë. Kjo e lë ekipin me një mbrojtës të vetëm rezervë: talentin premtues të të rinjve Noham Kamara.
Pavarësisht kësaj, ekipi mirëpret përsëri Achraf Hakimi dhe Fabian Ruiz, të cilët janë stërvitur individualisht. Të dy lojtarët mund të jenë gati për t’u përballur me Real Madrid.
Chelsea është kualifikuar për në finalen e Kupës së Botës për Klube, teksa triumfoi 0-2 ndaj Fluminenses.
Ndeshja nisi me ritëm të lartë, me skuadrat që u vendosën në kërkim të golit. Takimi u zhbllokua në minutën e 18-të, me anë të një goli të bukur të Joao Pedros.
Brazilianët provuan të reagonin por e patën mjaft të vështirë. Pjesa e dytë ishte interesante, ku nuk munguan rastet. Joao Pedro dyfishoi shifrat në të 56-tën, duke i dhuruar biletën për në finalen e madhe Bluve të Londrës.
E vetmja skuadër jo-evropiane që arriti në gjysmëfinalet e Kupës së Botës për Klube, Fluminense, do të përballet sot me Chelsea, ku do të përpiqet të shkojë në finale. Një sfidë që ishte në fatin e Thiago Silva, ish-legjendës së “Blues”, i cili ka qenë kapiteni i skuadrës londineze.
“Pritshmëritë janë të larta, ashtu si edhe tensioni“, tha mbrojtësi brazilian, i cili do të mbushë 41 vjeç në shtator, “sidomos për mua, pasi do të përballem me Chelsean në gjysmëfinalen e Kupës së Botës për Klube”, tha Thiago Silva para ndeshjes me Chelsea.
Më tej, lojtari i Fluminense, shtoi: “Po përpiqem të ndihmoj stafin e trajnerëve duke ofruar detaje të vogla, interesante rreth kundërshtarëve tanë, diçka që do të mbetet mes nesh. Mendoj se ata janë të përgatitur për këtë ndeshje dhe pastaj kemi një bazë të veçantë tifozësh në anën tonë. Shpresoj që të funksionojë edhe nesër“.
“Nuk e njoh shumë mirë Enzo Maresca, por njoh shumë nga lojtarët e Chelsea, flas me ta praktikisht çdo javë dhe jam shumë afër disa prej tyre. Jam i lumtur me këtë ndeshje, do të jetë një ditë e veçantë për mua, por do të jetë edhe më shumë nëse kualifikohemi“, u shpreh Thiago Silva.
7 Korrik 2025
10:58
Telesport
Meksika mundi Shtetet e Bashkuara të Amerikës 2-1 në finale, për të fituar titullin e 10-të rekord të Kupës së Artë të Concacaf. Chris Richards i dha Amerikës një epërsi prej katër minutash në ndeshjen e luajtur në Houston.
Por Raúl Jiménez barazoi për Meksikën në minutën e 27-të me golin e tij të tretë në Kupën e Artë. Më pas, në pjesën e dytë, Edson Álvarez shënoi golin e fitores në minutën e 77-të, pasi një rishikim video rrëzoi një vendim për pozicion jashtë loje.
Goli i Álvarez u konfirmua nga VAR dhe Meksika ka arritur të mbrojë titullin e saj të vitit 2023. Që atëherë, duke përmirësuar rekordin e saj 6-2 në finalet e Kupës së Artë kundër Shteteve të Bashkuara të Amerikës.