Lajmidites.com

Tag: kupës

  • Sot duelet e kthimit gjysmëfinale të Kupës së Shqipërisë, 4 ekipe në garë për trofeun

    Sot duelet e kthimit gjysmëfinale të Kupës së Shqipërisë, 4 ekipe në garë për trofeun

    Adriatik BALLA
    Sot do të marrë udhë finalja e Kupës së Shqipërisë, si në futbollin e meshkujve dhe atë të femrave. Duhet thënë se Vllaznia, Dinamo, Egnatia dhe Partizani janë katër ekipet në garë për trofeun e parë sezonal, por njëherësh dhe për objektivin për të kapur pjesëmarrjen në Europë nëpërmjet Kupës. Gjithçka duket e hapur, pavarësisht nga rezultatet e ndeshjeve të para gjysmëfinale. Ndaj sot ka interes të shtuar për dy ndeshjet e kupës tek meshkujt dhe dy takimet e tjera tek femra.
    Kështu, pikërisht sot, do të luhen ndeshjet e kthimit gjysmëfinale të Kupës së Shqipërisë, që do të përcaktojnë edhe ekipet që do të përballen në finalen e madhe të 1 majit. Në orën 19:00 do të luhet sfida mes Partizanit dhe Egnatias, me të kuqtë që vijnë me avantazhin 1-0 nga takimi i parë. Ndeshja do të zhvillohet në “Arena e Demave”. Në ndeshjen tjetër gjysmëfinale mes Dinamo Siti dhe Vllaznisë, gjithçka është e hapur pasi ndeshja e parë përfundoi me rezultatin 0-0. Ky takim do të luhet në “Elbasan Arena” në orën 19:00.
    Partizani më mirë në statistika se Egnatia
    Partizani ka avantazh jo vetëm rezultatin nga gjysmëfinalja e parë, pro edhe elementin fushë. një tjetër avantazh lidhet me përplasjet direkte mes dy skuadrave, ku të kuqtë gjithashtu dinë të fitojnë në duelet e mëdha e vendimtare, gjë që tregon se janë klub me reputacion dhe skuadër me ambicie. Sa u përket betejave të këtij sezoni, Partizani, edhe pse një skuadër më pak e fortë në letër, ka arritur t’i mposhtë rregullisht rrogozhinasit.
    Deri më tani, dy skuadrat janë ndeshur plot pesë herë në këtë sezon, ku në tri raste ka fituar Partizani, një sfidë është mbyllur barazim dhe një tjetër është fituar nga Egnatia. Të kuqtë fitonin ndeshjen e fazës së parë, teksa më pas vinte një barazim e një fitore e rrogozhinasve. Së fundmi, Partizani e mposhti dy herë Egnatian, duke fituar gjysmëfinalen e parë të Kupës me shifrat 0-1 dhe me të njëjtin rezultat edhe në kampionat. Kjo është e gjashta dhe mbetet një nga betejat më vendimtare dhe me siguri Egnatia kërkon revanshin.
    Futboll femra, gjysmëfinalet e Kupës
    Nuk ka vetëm gjysmëfinale meshkujsh sot në futboll, por surpriza e befasi do të ketë edhe tek femrat. Kështu, ndeshjet e kthimit gjysmëfinale të Kupës së Shqipërisë për vajza do të luhen ditën e mërkurë. Sfida Tirana – Egnatia do të zhvillohet në orën 13:00. Egnatia ka hedhur një hap të sigurt drejt finales, pas fitores 4-1 në ndeshjen e parë gjysmëfinale të këtij kompeticioni. Edhe Apolonia është thuajse e kualifikuar në finalen e edicionit të 16-të të Kupës së Shqipërisë pas triumfit 4-0 ndaj Kinostudios në takimin e parë gjysmëfinal.
    Ndeshja Apolonia – Kinostudio do të luhet në ora 14:00. Mbetet të shihet si do të shkojnë ndeshjet e sotme dhe çfarë rezultatesh do të prodhojnë, por Partizani duket i avantazhuar falë fitores në gjysmëfinalen e parë, sikurse dhe Dinamo duket në pozita më komode në këtë duel të dytë me shkodranët falë barazimit në gjysmëfinalen e parë.

  • Inter-Milan për biletën e finales së Kupës, një ‘sy’ te …kartonët

    Inter-Milan për biletën e finales së Kupës, një ‘sy’ te …kartonët

    Nesër në mbrëmje në ‘San Siro’ do të luhet bileta e finales së Kupës së Italisë ndërmjet Interit dhe Milanit.

    Ai vjen nga barazimi i ndeshjes së parë 1-1, i shënuar nga golat e Tami Abraham dhe Hakan Çalhanoglu.

    ‘Madonina’ në fakt do të duhet të luhet me kujdes pasi shumë nga futbollistët e të dyja skuadrave rrezikojnë finalen e cila me shumë mundësi do të përballet me Bolonjën (Bolonja- Empoli e vajtjes 0-3 për Bolonjën).

    Në ekipin vendas të Interit ata që rezikojnë janë Açerbi, Bisek dhe Dumfris, ky i fundit mungon për shkak të një dëmtimi muskulor të pësuar kundër Atalantës. Midis kuqezinjëve që rrezikojnë të s’kualifikohen në finale janë Hernandez, Reijnders dhe Terraçiano.

    Vazhdo leximin

  • Gjysmëfinalet e Kupës së Shqipërisë/ Partizani përballet me Egnatian, Vllaznia sfidon Dinamo City-n në “Elbasan Arena”

    Gjysmëfinalet e Kupës së Shqipërisë/ Partizani përballet me Egnatian, Vllaznia sfidon Dinamo City-n në “Elbasan Arena”

    Ditën e mërkurë do të luhen ndeshjet e kthimit gjysmëfinale të Kupës së Shqipërisë, që do të përcaktojnë edhe ekipet që do të përballen në finalen e madhe të 1 majit.
    Në orën 19:00 do të luhet sfida mes Partizanit dhe Egnatias, me të kuqtë që vijnë me avantazhin 1-0 nga takimi i parë. Ndeshja do të zhvillohet në “Arena e Demave”.
    Në ndeshjen tjetër gjysmëfinale mes Dinamo City dhe Vllaznisë, gjithçka është e hapur pasi ndeshja e parë përfundoi me rezultatin 0-0. Ky takim do të luhet në “Elbasan Arena” në orën 19:00.

  • Pritet spektakël dhe emocione të zjarrta, gjysmëfinalet e Kupës së Italisë për të mos u humbur

    Pritet spektakël dhe emocione të zjarrta, gjysmëfinalet e Kupës së Italisë për të mos u humbur

    Kupa e Italisë në një moment vendimtar. Luhen gjysmëfinalet, ndeshjet e kthimit, prej të cilave do të dalin emrat e dy skuadrave që do të luftojnë për trofeun.
    Me Derbin e Milanos, aktin e fundit për këtë sezon të derbit që të gjithë e presin, të mërkurën, ora 21:00, është sërish koha për “të dalë në skenë” dhe për të dhuruar spektakël.
    Dy skuadra, një rivalitet që ka shënjuar historinë e futbollit, në lojë një vend në finale dhe synimi për të ngritur trofeun prestigjioz. Në një ndeshje që duket se përcakton trajektoren në vijim të Kupës së Italisë, dy ekipet e kryeqendrës lombarde shkojnë nga dy rrugëtime krejtësisht të ndryshme. Teksa “zikaltrit” e Inzagit synojnë tripletën, në një sezon që mund të kurorëzojë për ta edhe ëndrrën “Champions”, “djajtë e kuq”, tashmë në një kaos dominues që shkon përtej historisë legjendare, kanë vetëm një mision, të shpëtojnë një sezon krejtësisht për t’u harruar, duke siguruar të dytin trofe, pas atij të Superkupës, duke qenë se kampionati dhe “Zona Champions” tashmë janë parashkruar.
    E megjithatë, Il Derby della Madonnina dhuron emocione të zjarrta sa herë luhet dhe e papritura mund të ndodhë deri në minutën e fundit.
    Një tjetër vend në finale do të luhet me Bolonjës dhe Empolit, të enjten, në orën 21:00. Dy surprizat e mëdha të rrugëtimit “COPPA ITALIA 2025” tentojnë të shkruajnë një kapitull të ri në futbollin italian. Të papërmbajtshëm në kampionat, aq sa për të rihapur letrat në fund të tij, me një gol befasues të Orsolinit, Bolonja, skuadra që nuk do të ndalet, tenton sipërmarrjen titanike, të fitojë trofeun e Kupës së Italisë, ndërkohë që edhe Empoli ëndërron “goditjen e madhe” në historinë e vet si skuadër, edhe pse, pas humbjes në shtëpi në raundin e parë, në letër duket e pamundur. Por në futboll, e pamundura nuk ekziston.

  • Gjysmëfinalet e kupës së Italisë, emocione për të mos u humbur

    Gjysmëfinalet e kupës së Italisë, emocione për të mos u humbur

    KUPA E ITALISË në një moment vendimtar. Luhen gjysmëfinalet, ndeshjet e kthimit, prej të cilave do të dalin emrat e dy skuadrave që do të luftojnë për trofeun.
    Me Derbin e Milanos, aktin e fundit për këtë sezon të derbit që të gjithë e presin, të mërkurën, ora 21:00, në Tring Sport 1, është sërish koha për “të dalë në skenë” dhe për të dhuruar spektakël.

    Dy skuadra, një rivalitet që ka shënjuar historinë e futbollit, në lojë një vend në finale dhe synimi për të ngritur trofeun prestigjioz. Në një ndeshje që duket se përcakton trajektoren në vijim të Kupës së Italisë, dy ekipet e kryeqendrës lombarde shkojnë nga dy rrugëtime krejtësisht të ndryshme. Teksa “zikaltrit” e Inzagit synojnë tripletën, në një sezon që mund të kurorëzojë për ta edhe ëndrrën “Champions”, “djajtë e kuq”, tashmë në një kaos dominues që shkon përtej historisë legjendare, kanë vetëm një mision, të shpëtojnë një sezon krejtësisht për t’u harruar, duke siguruar të dytin trofe, pas atij të Superkupës, duke qenë se kampionati dhe “Zona Champions” tashmë janë parashkruar.
    E megjithatë, Il Derby della Madonnina dhuron emocione të zjarrta sa herë luhet dhe e papritura mund të ndodhë deri në minutën e fundit.

    Një tjetër vend në finale do të luhet me Bolonjës dhe Empolit, të enjten, në orën 21:00, në Tring Sport 1. Dy surprizat e mëdha të rrugëtimit “COPPA ITALIA 2025” tentojnë të shkruajnë një kapitull të ri në futbollin italian. Të papërmbajtshëm në kampionat, aq sa për të rihapur letrat në fund të tij, me një gol befasues të Orsolinit, Bolonja, skuadra që nuk do të ndalet, tenton sipërmarrjen titanike, të fitojë trofeun e Kupës së Italisë, ndërkohë që edhe Empoli ëndërron “goditjen e madhe” në historinë e vet si skuadër, edhe pse, pas humbjes në shtëpi në raundin e parë, në letër duket e pamundur. Por në futboll, e pamundura nuk ekziston.
    Futbolli italian dhuron 2 takime për të mos u humbur, ekskluzivisht dhe vetëm në TRING SPORT, platformën më të madhe sportive në vend.

  • Dalmat: E shoh të lodhur Interin, jam i shqetësuar për derbin e Kupës

    Dalmat: E shoh të lodhur Interin, jam i shqetësuar për derbin e Kupës

    Në një intervistë për “L’Interista”, Stéphane Dalmat ka komentuar situatën aktuale të Interit: “Jam pak i shqetësuar, sepse Interi po luan shumë ndeshje. Është e vërtetë që ka një skuadër të madhe, por lodhja, fizike dhe psikologjike, po fillon të ndihet. Megjithatë, Inzaghi po e menaxhon mirë grupin dhe shoh shumë stabilitet te lojtarët. Shpresoj që Interi të fitojë në gjysmëfinalen e kthimit të Kupës së Italisë”.
    Sa ndjehet mungesa e Thuram?Kur mungon një si Thuram, ndjehet menjëherë. Correa nuk është në të njëjtin nivel dhe sipas mendimit tim, Arnautovic e meriton të luajë. Ai po kalon një moment të mirë, për mua duhet të jetë zgjidhja e tretë në sulmin zikaltër. Më vjen keq për Correa dhe Taremi, por nuk kanë treguar asgjë.
    Si e parashikoni ndeshjen Inter-Barcelona në Champions?Do të jetë një sfidë e bukur mes dy skuadrave të mëdha. Nga të katër ekipet gjysmëfinaliste, Barça është më e vështira. Ndeshja e parë do të jetë vendimtare për të ëndërruar finalen.
    Është vetëm lodhje apo ka edhe shpërqendrim tek Interi?Besoj se është kryesisht lodhje. Me gjithë ato ndeshje në të gjitha kompeticionet, është normale që mendja të lodhet. Të kalon nëpër mendje se, pavarësisht çfarë ke bërë deri tani, gjithçka mund të shkojë dëm.

  • Zyrtare: Caktohet gjyqtari i finales së Kupës së Mbretit, Barcelona-Real

    Zyrtare: Caktohet gjyqtari i finales së Kupës së Mbretit, Barcelona-Real

    21 Prill 2025

    18:03

    Telesport

    Sot u zyrtarizua gjyqtari kryesor në finalen e Kupës së Mbretit, Barcelona – Real Madrid, sfidë e cila do të luhet më 26 prill.
    Eshtë caktuar gjyqtari Ricardo de Burgos Bengoetxea, i ndihmuar nga Pablo Gonzalez Fuertes në VAR.
    Në media thuhej se gjyqtari Soto Grado ishte favoriti absolut për këtë takim të rëndësishëm, por në fun Bengoetxea fitoi vendin e tij.
    Kjo do të jetë finalja e parë e Kupës së Mbretit për të, por më parë ai ka gjykuar në dy ndeshje El Clasico.

  • Finalja e Kupës së Mbretit mes Barcelonës dhe Real Madridit, zyrtarizohet gjyqtari

    Finalja e Kupës së Mbretit mes Barcelonës dhe Real Madridit, zyrtarizohet gjyqtari

    Federata Spanjolle e Futbollit ka konfirmuar emrin e gjyqtarit që do të drejtojë finalen e Kupës së Mbretit, që do të zhvillohet të shtunën, më 26 prill, mes Barcelonës dhe Real Madridit. Ricardo de Burgos Bengoetxea do të jetë arbitri kryesor i takimit, ndërsa në dhomën e VAR-it do të asistojë Pablo Gonzalez Fuertes.
    Edhe pse fillimisht favorit për këtë ndeshje ishte gjyqtari Soto Grado, ai humbi terren në javët e fundit, duke i hapur rrugën De Burgos Bengoetxea-s që të marrë drejtimin e një prej ndeshjeve më të mëdha të sezonit.
    Kjo do të jetë finalja e parë e Kupës së Mbretit për De Burgos Bengoetxea, por jo hera e parë që ai gjykon një “El Clasico”. Ai ka arbitruar më parë dy finale të Superkupës së Spanjës mes këtyre dy skuadrave. Në vitin 2018, kur Superkupa luhej me dy ndeshje, Real Madridi mposhti Barcelonën 3-1. Ndërsa në finalen e vitit 2023, në formatin aktual, Barcelona triumfoi me të njëjtin rezultat, 3-1 ndaj Realit.
    Statistikat e drejtimit të ndeshjeve nga De Burgos tregojnë një bilanc pozitiv për Barcelonën, e cila nën arbitrazhin e tij ka regjistruar 25 fitore, një barazim dhe pesë humbje. Ndërkohë, Real Madridi ka arritur 16 fitore, katër barazime dhe po aq humbje – pesë.
    Finalja pritet me interes të madh, ndërsa vendimet e arbitrit do të jenë si gjithmonë nën vëzhgim të rreptë në një sfidë me kaq peshë.

  • Ancelotti: Kjo ndeshje na dha lajme të mira, të shohim nëse mund të vazhdojmë kështu

    Ancelotti: Kjo ndeshje na dha lajme të mira, të shohim nëse mund të vazhdojmë kështu

    Carlo Ancelotti theksoi rëndësinë e fitores për të rikuperuar besimin dhe mos humbur ritmin në garën e titullit në La Liga. Ai nënvizoi mungesën e thirrjes nga VAR-i për të rishikuar penalltinë e mundshme ndaj Bellingham dhe u shfaq ironik për këtë: “Ky është futbolli modern”. “Don Carlo” gjithashtu lavdëroi Viniciusin dhe pjesën e dytë shumë të mirë të skuadrës së tij.
    Për gjykimin: “Goli i anuluar i Vinicius nuk ka dyshime, sepse është automatik. E çuditshme që nuk e thirrën arbitrin për ta verifikuar penalltinë ndaj Bellingham. Ky është futbolli modern”.
    Për penalltinë e së shtunës në “Montjuïc”: “Futbolli modern është ky. Marcelino është dakord me mua…”
    Çfarë i tha Valverdes: “Ka qenë vendimtar me golin, në pjesën e dytë kemi bërë shumë mirë në të gjitha aspektet, skuadra e ka përmbushur detyrën dhe Fede në fund ka qenë çelësi”.
    A ka provuar diçka për finalen e Kupës: “Jo, kam zgjedhur një 11-she për të pasur më shumë kontroll me Luka dhe Ceballos, që bëri mirë në 60 minuta, sepse vinte nga një dëmtim. Kemi kohë për ta përgatitur finalen e kupës, kjo fitore na bën mirë”.
    Për pjesën e dytë më të mirë: “Në pjesën e parë patëm më shumë kontroll, nuk u vumë në presion nga Athletic, por në të vërtetë nuk krijuam raste. Mendoj se ndeshja ishte e mirë, nuk pësuam gol, ishim agresivë dhe solidë. Ka lajme të mira dhe shpresoj të përmirësohemi më tej”.
    Për Vinicius: “Është një lojtar i jashtëzakonshëm, ka qëndrim fantastik, dha dy-tri pasime për gol, ka qenë vendimtar si gjithmonë”.
    A mund të luajë më shpesh me 4-4-2: “Formacioni im i preferuar është 4-4-2, sepse mendoj se mbrohemi më mire. Kam shumë simpati për të, sepse është sistemi më i mirë në aspektin mbrojtës”.
    Qëndrimi i publikut: “Nuk kisha dyshim se tifozët do të na mbështesnin, ishin shumë mirë si gjithmonë. Ata si ne besojnë se mund të arrijmë diçka këtë sezon”.
    Për portierin në finalen e Kupës: “Ose Lunin, ose Courtois, nuk përjashtoj as Fran González, që ka bërë mirë kur ka luajtur”.
    Gjendja e Vinicius: “Nuk kanë qenë ditë të lumtura për të dhe as për ne, por më pëlqeu ajo që bëri. Gjithmonë është shumë i rëndësishëm për ne”.
    Pse nuk e ka përdorur më shpesh 4-4-2: “Kjo nuk do të thotë që duhet të luaj me katër mesfushorë. Ndonjëherë sulmuesit kanë qenë Mbappé dhe Vini, si dhe Jude majtas, por ishte një 4-4-2. Mund të luash kështu edhe me gjashtë mesfushorë, kemi anësorë që mund të luajnë në mes”.
    A mund të luajë Bellingham si “9 fals” në finalen e Kupës: “Ajo pozitë na dha shumë përparësi sezonin e kaluar. Sot e bëri shumë mirë, sidomos në pjesën e dytë, sepse sulmuam më shumë dhe e meritonte të shënonte”.

  • Mesi deklaron: Doja kthimin te Barça por…

    Mesi deklaron: Doja kthimin te Barça por…

    Kampioni i botës në Katar 2024 Lionel Mesi flet me zemër të hapur.

    Në një intervistë me kanalin në YouTube ‘Simplemente Fútbol’, sulmuesi aktual i Inter Majemit pranoi se ëndrra e tij, pas fitimit të Kupës së Botës në Katar në vitin 2022, ishte të kthehej në Barcelonë, por diçka shkoi keq:

    “Pas Kupës së Botës, nuk e shihja veten duke luajtur për ndonjë ekip tjetër evropian përveç Barcelonës. Qëllimi im ishte të kthehesha. Të kthehesha në shtëpinë time, ku filloi gjithçka. Por për fat të keq nuk ishte e mundur”.

    Vazhdo leximin