Sezoni 2025–2026 në Kategorinë e Parë po karakterizohet nga një numër i lartë ndryshimesh trajnerësh. Pas javës së 14-të, kanë ndodhur tetë dorëheqje ose shkarkime, duke vendosur një mesatare prej një trajneri të larguar çdo 1.75 javë.
Së fundmi, Shpëtim Duro la drejtimin e Besës, ekip që ndryshon trajner për herë të tretë këtë sezon. Edhe Kukësi ka kaluar dy herë ndryshim në pankinë dhe aktualisht drejtohet nga një staf provizor.
Largimet kanë nisur që pas javës së dytë me Emiljano Çelën dhe kanë vijuar pothuajse në çdo javë ndeshjesh. Ndër emrat e tjerë të larguar janë Erjon Xhafa te Lushnja, Ardian Mema te Pogradeci, Sedat Pajaziti nga Kukësi , Stefano Senigagliesi nga Laçi, Besmir Shabani nga Luftëtari dhe Bledar Devolli nga Kukësi. Disa prej tyre kanë drejtuar më shumë se një skuadër gjatë këtij edicioni.
Situata tregon një kampionat me lëvizshmëri të lartë në drejtim teknik dhe me nevojë të theksuar për stabilitet.
Tag: kukësi
-
Krizë te ekipet e Kategorisë së Parë, 8 trajnerë të larguar
-
Kastrioti ndal Laçin, Pogradeci ndjen forcën e Ilirisë, Kukësi më në fund….tri pikë
Kastrioti i Krujës gati sa nuk surprizoi Laçin në “Redi Maloku”. Shifrat në fund të pjesës së parë ishin 2-0 ndërsa në të dytën bardhezinjtë shënuan po aq gola për 2-2 final. Në Gjirokastër AF Luftëtari me Bledar Devollin debutues u thye 0-2 nga Apolonia ndërsa sfida kryesore e ditës luajtur në Pogradec (Pogradeci- Iliria) përfundoi pa gola 0-0.
Zgjohet Kukësi teksa arrin të fitojë 2-0 me matjanët e Burrelit në “Kukës Arena”. Kjo ishte fitorja e dytë sezonale për verilindorët ndërsa tani kanë ngushtuar diferencën me Luftëtarin e Lushnjën në 2 dhe 4 pikë.
Kategoria e Parë, java e 13-të:
Rezultatet:
Kastrioti – Laçi 2-2
AF Luftëtari- Apolonia 0-2
Pogradeci – Iliria 0-0
Kukësi-Burreli 2-0
Luajtur dje:
Besa-Korabi 3-1
Skënderbeu-Lushnja 4-3 /Sportiim.al/
Vazhdo leximin
-
Kategoria e Parë, renditja/ Laci bën hap të gabuar kundër Besës, Lushnja fiton, Kukësi drejt Kategorisë së Dytë
Në ditën e sotme janë zhvilluar katër takime në Kategorinë e Parë. Korabi ka arritur të fitojë ndaj Kukësit duke thelluar akoma më shumë krizën e verilindorëve. Kukësi gjendet me pikë në vendin e fundit dhe me këtë ritëm, duket i rënë në Kategorinë e Dytë. Nga krahu tjetër Lushnja ka fituar ndaj Ilirisë 1-0.
Një fitore e madhe e djemëve të Bicajt që mundin Ilirinë, duke e hequr akoma më shumë nga dy vendet e para. Besa ka ndalur Lacin në barazimin 0-0, me kurbinasit që nuk përfituan dot nga gabimi i Pogradecit për t’u shkëputur në vendin e dytë. Kastrioti fitoi ndaj Luftëtarit 3-1, për të dalë nga zona e ftohtë e klasifikimit. /Sport Ekspres/
Besa-Laci 0-0Kastrioti-Luftëtari 3-1Korabi-Kukësi 1-0Lushnja-Iliria 1-0 -
Tirana, gjeneratori i ekonomisë/ Thellohet diferenca rajonale, Kukësi me të ardhurat më të ulëta për frymë
A po rritet ekonomia shqiptare apo vetëm Tirana? Shifrat tregojnë se kryeqyteti po mban mbi supe gjysmën e gjithë rritjes kombëtare ndërsa pjesa tjetër e vendit po ecën shumë më ngadalë.
Sipas të dhënave të INSTAT ekonomia shqiptare në 2023 u rrit me 4.02% ndërsa Tirana kontribuoi me mbi 2%. Por cilat qarqe e pasojnë më tej kryeqytetin?
Teksa Tirana mban rolin e saj dominues si qendra kryesore financiare, tregtare dhe administrative e vendit, pas saj renditen qarqet Fier dhe Durrës, që mbeten nyje të rëndësishme për industrinë dhe transportin, ndërsa Elbasani dhe Vlora tregojnë një aktivitet të konsiderueshëm ekonomik në zonat qendrore dhe bregdetare. Qarqet Shkodër dhe Korçë mbajnë një peshë të moderuar. Berati, Lezha, Dibra, Gjirokastra dhe Kukësi përbëjnë qarqet me kontributin më të ulët në PBB.
Kjo tablo tregon se hendeku ekonomik mes Tiranës dhe pjesës tjetër të vendit mund të thellohet edhe më shumë.
Edhe sipas PBB për frymë diferencat rajonale janë të thella.
Vlera ekonomike e prodhuar mesatarisht nga një person brenda periudhës 1 vjetore u vërejt medoemos në rajonin qendror përfshirë këtu Tiranën me 1.36 milionë lekë për frymë më pas vijon me Durrësin e Fierin mbi 1 milionë lekë për frymë. Në fund të listës qëndrojnë Kukësi, Dibra dhe Berati, që kanë PBB për frymë shumë më të ulët se pjesa tjetër e vendit.
Një rezultat i tillë ku rritja e lartë ekonomike dhe PBB-ja për frymë e përqendruar është e përqendruar kryesisht në Tiranë dhe disa qarqe bregdetare, tregon një zhvillim të pabalancuar rajonal.
Duke bërë kështu që mundësitë ekonomike, investimet dhe punësimi të drejtohen në pak zona, ndërsa rajonet e tjera mbeten prapa. Kjo bën që të rritet hendeku social dhe ekonomik mes qarqeve, duke nxitur migrimin drejt qendrave urbane dhe duke e kthyer në një sfidë zhvillimin e qëndrueshëm gjithëvendor.Top Channel
-
Kategoria e Parë: Skënderbeu fiton në frymën e fundit, Kukësi dhe Luftëtari befasohen në shtëpi
Java e 10-të e Kategorisë së Parë u mbyll me ndeshjen Skënderbeu – Korabi. Korçarët u rikthyen te fitorja në shtëpi, pasi mundën Korabin 3-2, falë një goli në minutat shtesë.
Në ndeshjet e tjera të luajtura po ditën e sotme, Besa mori fitoren e dytë radhazi, pasi mposhti AF Luftëtarin në transfertë 2-1. Me të njëjtin rezultat 2-1 fitoi edhe Laçi ndaj Lushnjes.
Pogradeci fitoi minimalisht 1-0 ndaj Apolonisë në shtëpi. Kastrioti vazhdon ecurinë e mirë dhe pas fitores me Skënderbeun, mundi edhe Kukësin në transfertë 1-0.
Vetëm një ndeshje u mbyll në barazim, Iliria – Burreli 2-2.
Kategoria e Parë, java 10
Iliria – Burreli 2-2
Kukësi – Kastrioti 0-1
AF Luftëtari – Besa 1-2
Laçi – Lushnja 2-1
Pogradeci – Apolonia 1-0
Skënderbeu – Korabi 3-2
Pas përfundimit të javës së 10-të, Skënderbeu mban vendin e parë me 25 pikë, ndërsa Laçi renditet i dyti me 20 pikë. -
Kategoria e Parë, rezultatet/ Kukësi rrezikon seriozisht Kategorinë e Dytë, Pogradeci kërkon të prish planet e Superiores
Në Kategorinë e Parë janë zhvilluar disa takime në ditën e sotme. Laci ka arritur të fitojë kundër Lushnjes në shifrat 2-1. Me këtë fitore, kurbinasit mbajnë vendin e dytë, dy pikë më pak se Skënderbeu kryesues, por me një ndeshje më shumë të luajtur.
Dy ekipet që jemi mësuar t’i shohim në Superiore, këtë herë do të kenë rivalitetin e fortë të Pogradecit. Pogradeci ka mundur Apoloninë 1-0 dhe vjen në vendin e tretë me dy pikë më pak sesa Laci. Ndërkohë Iliria e Fushë Krujës ka barazuar 2-2 me Burrelin duke lënë vendin për Pogradecin. Ajo që bie në sy është padyshim një tjetër humbje e Kukësit me Kastriotin, me verilindorët që mbajnë vendin e fundit në Kategorinë e Parë me vetëm 5 pikë, dukshëm në rrezikun e madh të dërgimit në Kategorinë e Dytë. /Sport Ekspres/
Luftëtari-Besa 1-2 (Lala 34’/ Chinëendu 30′, Spahiu 38′)Iliria-Burreli 2-2 (Jakubu 74′, Veriu 92’/ Fetaj 23′, Rrapi 79′)Kukësi-Kastrioti 0-1 (Idris 2′)Laçi-Lushnja 2-1 (Myrta 2′, Cena 88’/ Ribaudo 10′)Pogradeci-Apolonia 1-0 (Kasmollari 17′) -
Sfida e nxënësve që kërkojnë arsim dhe punë / Çdo ditë nga Kukësi në…
Në Qendrën e Kompetencës “11 Marsi” në Prizren, çdo mëngjes dëgjohen zëra të rinj që vijnë nga kufiri. Nxënës nga Kukësi, Hasi dhe Tropoja kanë zgjedhur këtë shkollë për t’u përgatitur për tregun e punës.
Në mungesë të programeve të arsimit profesional në vendlindjet e tyre, ata orientohen drejt arsimit profesional kosovar, i cili ofron edhe sistemin dual, kombinim i mësimit teorik dhe praktikës në biznese, me pagesë mujore.
Arsimi profesional dhe sistemi dual, që ndërthur mësimin me praktikën në biznese, po bëhet një magnet për të rinjtë që kërkojnë më shumë mundësi dhe kushte më të mira arsimimi.
Por për nxënësit nga Kukësi, Hasi dhe Tropoja, rruga drejt dijes mbetet një sfidë. Për shkak të mungesës së alternativave, ata udhëtojnë çdo ditë drejt Prizrenit, duke paguar rreth 5 euro vajtje-ardhje, ose jetojnë me qira. Nxënësit kërkojnë krijimin e një linje të rregullt transporti publik mes Kukësit dhe Prizrenit, si dhe mbështetje me bursë nga shteti shqiptar.
Aktualisht, në Kukës funksionon vetëm një klasë me rreth 40 nxënës të arsimit profesional pranë gjimnazit “Havzi Nela”, në degën e Teknologjisë së Informacionit dhe Komunikimit (TIK). Dy degë të tjera të hapura vite më parë nuk kanë rezistuar kohës.
Në Qendrën e Kompetencës “11 Marsi”, nxënësit nga verilindja e Shqipërisë gjejnë jo vetëm dije, por edhe mundësi reale për t’u integruar në tregun e punës.
Ky model tregon se bashkëpunimi ndërkufitar në arsim mund të funksionojë edhe pa marrëveshje formale, duke u mbështetur në vullnet dhe vizion për të ardhmen. -
Sfida e nxënësve që kërkojnë arsim dhe punë – Çdo ditë nga Kukësi në
Në Qendrën e Kompetencës “11 Marsi” në Prizren, çdo mëngjes dëgjohen zëra të rinj që vijnë nga kufiri. Nxënës nga Kukësi, Hasi dhe Tropoja kanë zgjedhur këtë shkollë për t’u përgatitur për tregun e punës.
Në mungesë të programeve të arsimit profesional në vendlindjet e tyre, ata orientohen drejt arsimit profesional kosovar, i cili ofron edhe sistemin dual, kombinim i mësimit teorik dhe praktikës në biznese, me pagesë mujore.
Arsimi profesional dhe sistemi dual, që ndërthur mësimin me praktikën në biznese, po bëhet një magnet për të rinjtë që kërkojnë më shumë mundësi dhe kushte më të mira arsimimi.
Por për nxënësit nga Kukësi, Hasi dhe Tropoja, rruga drejt dijes mbetet një sfidë. Për shkak të mungesës së alternativave, ata udhëtojnë çdo ditë drejt Prizrenit, duke paguar rreth 5 euro vajtje-ardhje, ose jetojnë me qira. Nxënësit kërkojnë krijimin e një linje të rregullt transporti publik mes Kukësit dhe Prizrenit, si dhe mbështetje me bursë nga shteti shqiptar.
Aktualisht, në Kukës funksionon vetëm një klasë me rreth 40 nxënës të arsimit profesional pranë gjimnazit “Havzi Nela”, në degën e Teknologjisë së Informacionit dhe Komunikimit (TIK). Dy degë të tjera të hapura vite më parë nuk kanë rezistuar kohës.
Në Qendrën e Kompetencës “11 Marsi”, nxënësit nga verilindja e Shqipërisë gjejnë jo vetëm dije, por edhe mundësi reale për t’u integruar në tregun e punës.
Ky model tregon se bashkëpunimi ndërkufitar në arsim mund të funksionojë edhe pa marrëveshje formale, duke u mbështetur në vullnet dhe vizion për të ardhmen. -
Kategoria e Parë/ Kukësi dhe Kastrioti ngecin në zonën e ftohtë, Laçi dhe Pogradeci “tregojnë dhëmbët”
Para pak minutash janë mbyllur tre sfida shumë të rëndësishme në Kategorinë e Parë. Kukësi nuk arrin dot që të dalë nga zona e ftohtë, por i vetmi sinjal pozitiv është fakti se pas disa humbjesh radhazi, këtë herë dalin të paktën me një pikë. Kukësi barazoi 2-2 ndaj Luftëtarit, ndërsa në krahun tjetër ishte Laçi që tregoi dhëmbët me Burrelin. Një fitore e thëllë në shifrat 4-0, po ashtu si edhe Pogradeci që nga krahu tjetër po me të njëjtat shifra, fitoi kundër Kastriotit. /Sport Ekspres/
Kukësi 2 – 2 Luftëtari (Sadiq 44′, Dragoshi 45+4′ / Nyanguila 11′, Isteri 45+3′)
Laçi 4 – 0 Burreli (Traore 36′, 66′, Jiakponna 61′, Kalaj 82′)
Pogradeci 4 – 0 Kastrioti (Greca 11′, Pius 55′, Babatunde 62′, Santi 89′)