Lajmidites.com

Tag: kryetari

  • Berisha dyshon për sulmin ndaj SPAK: Akt i rëndë. Mund të jetë edhe vetëhakerim, për përplasje brenda PS

    Berisha dyshon për sulmin ndaj SPAK: Akt i rëndë. Mund të jetë edhe vetëhakerim, për përplasje brenda PS

    Kryetari i Partisë Demokratike, Sali Berisha, komentoi hakerimin e një prej institucioneve më të rëndësishme në vend, SPAK-ut, duke e cilësuar një akt të rëndë. Gjatë një konference me gazetarët, Berisha ngriti disa pikëpyetje për këtë sulm ndaj SPAK-ut, pa përjashtuar nga ky sulm edhe vetë prokurorët e posaçëm.
    “U kthye koha që dosja para se të shkojë në gjykatë shkon në PS. A është hakerim apo vetëhakerim, unë nuk e di, por është shumë e rëndë. Duan t’ia faturojnë Xhafës, por unë nuk di të të them, por këto po përdoren, edhe Fatmirit po i vijnë rrotull dhe po e akuzojnë se ka hakeruar kompjuterat e SKAP-ut, për të më revoltuar mua edhe dosjen time, atë u them publikojeni sa ta keni.”, tha Berisha.
    Berisha komentoi edhe raportin vjetor të SPAK-ut dhe shqetësimin e Prokurorisë së Posaçme për rënien e referimeve të veprave penale nga policia në organin e akuzës.

    “Pse ka ndodhur kjo, ta them unë ty. Proda është ‘Matrix’. Ky Ilir Matrixi shkoi aty për të bërë pikërisht për të bërë këtë gjë, pikërisht për të mbrojtur krimin, për të fshehur dosjet e krimit dhe për të mos i dorëzuar. E dinë të gjithë aty, se ai është ‘Matrix’. Ministri vetë është një ushtar i Pojës, ky Hoxha apo Hoxhaj, se nuk merret vesh si e ka, se njëherë thotë jam kështu, e jam ashtu.”
    Por nga ana tjetër, kryetari i PD, Sali Berisha, i cili është një prej politikanëve që ka kritikuar më shumë SPAK-un, shmangu komentet për atë pjesë të raportit vjetor të SPAK-ut ku reflektohej shqetësimi për presionin politik mbi Prokurorinë e Posaçme.

  • LAJM I FUNDIT! ‘Shuhet’ ish-kryetari i Bashkisë së Korçës

    LAJM I FUNDIT! ‘Shuhet’ ish-kryetari i Bashkisë së Korçës

    Ka ndërruar jetë në moshën 83-vjeçare ish kryetari i Bashkisë së Korçës, Robert Kotmilo, i cili shërbeu si i tillë në periudhën më të errët të Shqipërisë në vitin 1997 (1996-200).
    Kotmilo edhe duke qenë kryetar i bashkisë më të madhe në juglindje të vendit ka ndërruar jetë i vetëm në banesën e tij, në kushte shumë të vështira ekonomike, madje mësohet se për të janë kujdesur organizata humanitare dhe në mënyrë të veçantë Mitropolia e Korçës.
    Robert Kotmilo për aq kohë sa shërbeu si kryebashkiak për të gjithë korçarët dhe jo vetëm mbetet një prej intelektualëve më të zotë që ka pasur Bashkia e Korçës.
    Ai do të mbahet mend edhe për menaxhimin që i bëri situatës me shtetasit kosovarë që kaluan disa muaj në qytetin e Korçës. Ai do të kujtohet si një intelektual, njeri fjalë pak, punë shumë dhe i pa korruptuar. Kjo e fundit merr kuptim edhe nga fakti se ai jetonte në një banesë gati të rrënuar dhe në kushte tepër të vështira ekonomike.

     

  • PD prezanton programin e urgjencës për bujqësinë në qytetin e Vlorës, Leskaj: Synojmë përmirësimin e kushteve ekonomike për…

    PD prezanton programin e urgjencës për bujqësinë në qytetin e Vlorës, Leskaj: Synojmë përmirësimin e kushteve ekonomike për…

    Drejtuesi politik Bujar Leskaj në një takim të mbajtur në qytetin e Vlorës, prezantoi kandidatin për deputet, z. Ridvan Mersini, i cili paraqiti programin e urgjencës të Partisë Demokratike dhe pikat kyçe të programit të PD-së për zhvillimin e bujqësisë në Shqipëri.

    Ky program synon përmirësimin e kushteve ekonomike për qytetarët dhe fermerët, duke ofruar mbështetje të drejtpërdrejtë për sektorin bujqësor, që është thelbësor për ekonominë e vendit. 

    Në këtë aktivitet ishte i shoqëruar nga kandidati për deputet, z. Atird Hoxha, kryetari i PD Selenicë, z. Leonard Rakipaj, ish-kryetari i Bashkisë Selenicë, z. Përparimi Shameti, dhe një grup tjetër drejtuesish të PD Selenicë, të cilët mbështesin këtë program dhe angazhimin e opozitës për një Shqipëri më të mirë.

    Postimi i Plotë:

    Sot me datë 30.03.2024: Në Golimbas, Sevaster, prezantuam kandidatin për deputet z.Ridvan Mersini dhe parkuam programin e urgjencës dhe pikat nga programi i PD-së për bujqësinë:
    [✅] Jetëgjatësia minimale 200 euro
    [✅] Paga minimale 500 euro
    [✅] Pensioni minimal 200 euro
    [✅] Paga mesatare 1200 euro
    [✅] Mbështetje për fermerët:
    [✅] Subvencione për çdo njësi prodhimi, kokë bagëtie dhe fidane të blera nga fermerët.
    [✅] Mbrojtja sezonale e produkteve bujqësore.
    [✅] Nafta do të subvencionohet gjerësisht në nivelin e kostos.
    [✅] Zhvillimi i infrastrukturës bujqësore do të mbështetet nga investime thelbësore.
    [✅] Mbështetje me grante dhe kredi të buta për fermerët dhe agropërpunuesit.
    [✅] Kompensimi financiar me çmimin bazë për stokun e prodhimit.
    Unë kam qenë i shoqëruar nga kandidati për deputet z. Atird Hoxha, kryetari i PD Selenicë z. Leonard Rakipaj, ish-kryetar i Bashkisë Selenicë m. Përparimi Shameti, ish-kryetari i PD Selenicë z. Sezai Balilaj, sekretari i degës z. Dëfrim Tragaj, nënkryetari i PD Selenicë z. Xhuljo Maraj dhe shefi i grupseksionit Z. Alloy Bedri.
    Votoni nr. 1: Koalicioni “Partia Demokratike – Aleanca për Shqipërinë e Madhe

     

  • Berisha: Kjo natë e bekuar Bajrami u sjelltë shqiptarëve kudo fat dhe gëzime!

    Berisha: Kjo natë e bekuar Bajrami u sjelltë shqiptarëve kudo fat dhe gëzime!

    Berisha: Kjo natë e bekuar Bajrami u sjelltë shqiptarëve kudo fat dhe gëzime!Kryetari i Partisë Demokratike, Prof. Dr. Sali Berisha, ka marrë pjesë këtë të shtunë në një iftar të shtruar për besimtarët myslimanë të Degës 12 nga kandidati i Opozitës për Qarkun Tiranë, Ethem Aga.

    Gjatë fjalës së tij, Kryetari i PD, Sali Berisha shprehu nderimin më të madh për të gjithë ata që agjëruan gjatë muajit të Ramazanit, duke e cilësuar këtë sakrificë si një veprim që lartëson moralin dhe afron njeriun më shumë me Zotin. Berisha falënderoi familjen Aga për mikpritjen e iftarit dhe uroi që sakrifica e shqiptarëve të pranohet nga Zoti dhe të shndërrohet në të mira për të gjithë.

    “Së pari, unë dua të përulem me nderimin më të madh para të gjithëve ju këtu, para të gjthë atyre shqiptarëve, burra e gra, djem e vajza që agjëruan muajin e madhërueshëm të Ramazanit në një sakrificë që fisnikëron dhe lartëson moralin dhe shpirtin e njeriut. Në një sakrificë që afron njeriun më shumë me Zotin.

    Me këtë rast, duke falëndëruar më mirënjohje familjen Aga për këtë iftar, uroj nga zemra që sakrifica juaj, sakrifica e mbarë shqiptarëve të pranohet nga i gjithëfuqishmi dhe të shndërrohet në të mira, të shndërrohet në guxim, të shndërrohet në mirë për secilin prej jush dhe për çdo shqiptar.

    Në këtë natë të bekuar Bajrami, Kryetari i PD, i uroi shqiptarëve fat e mbarësi dhe shprehu dëshirën që vitin e ardhshëm të festojnë me besim më të madh tek Zoti dhe tek Shqipëria më shpresën për një të ardhme më të mirë

    Le të urojmë ne sonte këtë natë të bekuar, natë Bajrami. Shqiptarëve kudo që janë me fat dhe gëzime natën e Bajramit dhe Bajramin. Le të urojmë që vitin që vjen t’i festojmë siç na do zemra, siç e meritojmë. T’i festojmë me besim më të madh te Zoti, t’i festojmë me besim më të madh tek Shqipëria, t’i festojmë me shpresë të kthyer edhe njëherë për një të ardhme që meritojmë”, tha Berisha.

    Kryetari i PD, Sali Berisha, e mbylli fjalën e tij me urimet më të përzemërta për festën e Bajramit.

    Dhe njëherë, gëzuar këtë natë të bekuar dhe urimet më të përzemërta për Bajramin.

    Faleminderit shumë!

  • Berisha: Rama me familjen e tij rrëmbeu 24 hektarë tokë të kishës ortodokse me ndihmën e kreut të arkivave

    Berisha: Rama me familjen e tij rrëmbeu 24 hektarë tokë të kishës ortodokse me ndihmën e kreut të arkivave

    Kryetari i Partisë Demokratike, Sali Berisha, në konferencën me gazetarët ka bërë akuza të forta ndaj kryeministrit Rama për plaçkitje që ka ndodhur në lidhje me një tokë të kishës ortodokse. Sipas Berishës, Rama dhe familja e tij, përfshirë nënën dhe vëllain e tij, kanë uzurpuar 24 hektarë tokë, duke falsifikuar dokumente dhe shkelur ligjet për të fituar pronësinë mbi këtë pasuri. Pjesë e akuzës është dhe përdorimi i dëshmive të dyshimta dhe të dyshuar për falsifikim, që lidhen me periudhën e Luftës së Dytë Botërore dhe pretendimet për trashëgiminë nga stërgjyshi i Ramës, Thoma Koleka.
    Berisha theksoi se asnjë dokument kadastral nuk provon se toka ka qenë ndonjëherë në pronësi të familjes Koleka, dhe se aktet ligjore dhe gjyqësore janë manipuluar për të mbështetur këtë pretendim.
    Kryetari i PD tha gjatë konferencës se toka e uzurpuar ndodhet në një zonë të bukur dhe të vlerësuar ndërkombëtarisht, pranë kanionit të Gjipesë dhe manastirit të Skutarisë. Investigimi i gazetarit Armand Maho zbardhi falsitetin e këtij procesi dhe përdorimin e mbrojtjes nga figura si Skapi dhe Sadushi të partisë. Berisha shtoi gjithashtu gjatë fjalës së tij ndërtimin pa leje të fshatrave turistike nga Vilma Nushi, e lidhur me Ramën, dhe denoncon censurën nga mediat e mëdha.
    Lideri opozitar deklaroi se dosja që përfshin Edi Ramën dhe lidhjet e tij me aktivitete të dyshimta do të dërgohet në institucione ndërkombëtare dhe media të gjithë botës. Ai gjithashtu solli në vëmendje edhe dosjen 184, e cila ka zbuluar përfshirjen direkte të Ramës dhe Taulant Ballës në çështje të sigurisë kombëtare, përfshirë eksportin e të dhënave të sistemit TIMS në drejtime armiqësore. Berisha tha se operacioni u krye me urdhër të Ramës dhe Ballës, dhe se ato informacione janë mbajtur larg hetimeve nga SPAK.
    Kryetari i PD, Sali Berisha e konsideroi mbylljen e TikTok si një akt të turpshëm censurë, pa asnjë bazë ligjore, duke e krahasuar këtë me vendimet autoritare të diktatorëve të kaluar. Berisha akuzoi Edi Ramën për shkeljen e lirisë së shprehjes, duke theksuar se, ashtu si babai i tij, Kristaq Rama, që ndalonte kritikat, edhe Rama nuk duron kritikat e të rinjve në TikTok. Berisha ftoi të rinjtë të përdorin VPN për të shpërfillur censurën dhe të vazhdojnë luftën për lirinë e fjalës dhe kundër censurës.

  • 59 viktimat në Koçan, jep dorëheqjen kryetari i Komunës

    59 viktimat në Koçan, jep dorëheqjen kryetari i Komunës

    Kryetari i Komunës së Koçanit, Ljupço Papazov ka njoftuar në rrjetet sociale se ka dhënë dorëheqjen e parevokueshme pas tragjedisë në diskon Pulse ku 59 persona humbën jetën e shumë të tjerë mbetën të lënduar.
    “Nuk ka fjalë që mund të përshkruajnë dhimbjen që ne të gjithë ndjejmë. Ata fëmijë ishin fëmijët tanë. Unë i njihja shumicën prej tyre, i njihja familjet e tyre dhe disa prej tyre ishin miq të familjes. Tronditja dhe thyerja e zemrës që ndjej do të zgjasë gjithë jetën time. Kjo tragjedi e ka lënë në errësirë ​​Koçanin dhe Maqedoninë dhe boshllëku që ka mbetur është i padurueshëm”,-ka shkruar Papazov.

    Ai ka theksuar se të gjitha institucionet kompetente duhet të hetojnë përgjegjësinë e të gjithë të përfshirëve në këtë ngjarje.
    “Kërkoj nga të gjitha institucionet kompetente që të hetojnë përgjegjësinë e të gjithë të përfshirëve! Dështimi për të vepruar është gjithashtu një përgjegjësi. Të gjitha detajet duhet të hetohen, të gjitha lëshimet duhet të gjenden dhe të gjithë personat që kontribuan në këtë tragjedi duhet të mbajnë përgjegjësi. Unë vihem plotësisht në dispozicion të institucioneve. Edhe pse me ligj nuk kam pasur autoritet të drejtpërdrejtë në këtë rast, jam i përgatitur t’u përgjigjem të gjitha pyetjeve për gjithçka, si dhe për veprimet e mia personale”,- tha Papazov.

  • Kush ia çoi informacionin Veliajt për ngjarjet në bashki? Andi Seferi: Kryetari mori përsipër…

    Kush ia çoi informacionin Veliajt për ngjarjet në bashki? Andi Seferi: Kryetari mori përsipër…

    Kandidat i PS për deputet, Andi Seferi, gjatë një interviste për gazetarin Besard Jacaj në Klan News, hodhi poshtë deklaratat që janë bërë për përplasje në Bashkinë e Tiranës.

    Duke mos komentuar gjatë ai tha se përgjigjja e dhënë nga kryebashkiaku Erion Veliaj para disa ditësh se nga keqinformimi firmosi shkarkimin e Anuela Ristanit si kryetare dhe emëroi Sara Goxhajn, është realiteti i ngjarjes dhe se punët në bashki vijojnë normalisht.

    “Është një detyrim qytetar për 10 vitet që kam qenë pjesë e Bashkisë së Tiranës për të ezauruar disa pikëpyetje, të cilat janë shumë të thjeshta në kuadrin logjik sepse nga njëra anë me përgjigjen e dhënë nga kryetari Veliaj para 3-4 ditësh shteroi si argument. Pra mori përsipër nga keqinformimi këto lloj firmosje të kompetencave. Dhe nuk do doja të argumentoja asnjë lloj deklarate partiake.

    Dhe nga ana tjetër do doja të nënvizoja një fakt shumë të rëndësishëm sot kishim një mbledhje me drejtorët e përgjithshëm pikërisht për ecurinë e punëve të Tiranës dhe qytetarët e Tiranës më shumë se kush do tjetër janë dëshmitarë se sa normalisht vijon jeta e këtij qyteti”, tha Seferi.

    Ndërsa sa i përket mënyrës se si Erion Veliajt i shkoj informacioni për atë çfarë po ndodhte në Bashkinë e Tiranës Seferi tha: “Nuk ka rëndësi se çfarë makine, çfarë targe, çfarë mënyre, çfarë personi. Jam shumë i qetë për mënyrën se si kryetari mori përsipër mosinformim real të gjësë dhe vazhdoi me urdhrat”.

    Andi Seferi tha se arrestimi i kryebashkiakut Veliaj në krye të detyrës ishte shumë e rëndë për bashkëpunëtorët.

    “Për të gjithë ne bashkëpunëtorët është një ngjarje shumë e rëndë. Pra të jesh duke punuar dhe të ndalohet kryetari i bashkisë është një ngjarje shumë e rëndë. Por shpresoj shumë që drejtësia të veprojë, të vihet në vend dhe të vazhdojmë si njësoj si përpara”, tha Seferi.