Lajmidites.com

Tag: kryebashkiakun

  • Tjetërsimi i pronës në Livadhë, SPAK kërkon 2 vite burg për ish-kryebashkiakun e Himarës Jorgo Goro

    Tjetërsimi i pronës në Livadhë, SPAK kërkon 2 vite burg për ish-kryebashkiakun e Himarës Jorgo Goro

    Jorgo Goro.

    TIRANË- Struktura e Posaçme kundër Korrupsionit dhe Krimit të Organizuar (SPAK) ka dhënë pretencën për dosjen e dytë në ngarkim të ish-kryebashkiakut të Himarës, Jorgo Goro. Në seancën e sotme, SPAK ka kërkuar dënimin me 2 vite burg për ish-kryebashkiakun. Por nëse shpallet fajtor, për shkak se përfiton nga gjykimi i shkurtuar do t’i ulet 1/3 e dënimit, do të vuajë në qeli 1 vit e 4 muaj.
    Edhe të bashkëpandehurit Vasillaq Strakosha, ish-drejtor i menaxhimit të pronës në Bashkinë Himarë, kërkohet dënimi me 1 vit e 6 muaj. Por për shkak të gjykimit të shkurtuar, dënimi zbret në 1 vit burg.
    Ndërkohë më 13 mars, Gjykata e Posaçme kundër Korrupsionit dhe Krimit të Organizuar dënoi me 2 vite e 20 muaj heqje lirie, Jorgo Goron, pasi u gjet fajtor për veprat penale “shpërdorim detyre” dhe “tjetërsim të provave”. Gjykata e Posaçme ka vendosur po ashtu 2 vite burg për ish-juristin në Hipotekën e Vlorës Vezir Gjikoka (me gjykim të shkurtuar 1 vit e 4 muaj) dhe 3 vite heqje lirie për Jerasimo Bashin (me gjykim të shkurtuar 2 vite burg). Ky i fundit (ish-Drejtor i Mbrojtjes dhe Menaxhimit të Tokës në Bashki) bashkë me Goron kanë ndërmarrë veprime korruptive gjatë ushtrimit të detyrës së tyre, duke tjetërsuar dy prona.
    SPAK, në episodin e parë rezulton se ata kanë çuar për regjistrim një pasuri me dokumentacion të rremë. Ndërsa në të dytin për një sipërfaqe toke kanë konfirmuar një plan rilevimi me një vendndodhje gjeografike krejtësisht të ndryshme nga ajo që i korrespondon dokumentacionit pronësor. Ndaj rreth 10 mijë m2 tokë në zonën e Dhërmiut kaluan në favor të shtetit./ZËRI

  • “Zero je, demokrat komplet”, Rama përplaset me kryebashkiakun e Kavajës në mbledhje

    “Zero je, demokrat komplet”, Rama përplaset me kryebashkiakun e Kavajës në mbledhje

    Diskutimi për çështjen e legalizimeve mori edhe nota politike mes kryeministrit Edi Rama dhe kryebashkiakëve, të cilët raportuan problematikat në institucionet që drejtojnë.  

    Kryeministri Edi Rama është përplasur me kryebashkiakun e Kavajës, Fisnik Qosja, të cilin e quajti “demokrat komplet”.
    Diskutimi u përfshi edhe nga të qeshura mes tyre dhe të pranishmëve.
    Kryebashkiaku i Kavajës: Kemi 60 matje dhe 20 vendime legalizimesh, s’jemi zero.
    Rama: Zero je, je demokrat komplet.
    Kryebashkiaku i Kavajës: Demokrat jam.
    Rama: Këto zerot duhen rikalkuluar, ka mosrakordim të informacionit, duhen kalkuluar.

    Top Channel

  • VIDEO/ Rama ‘bën për 1 lek’ kryebashkiakun e Vlorës në festën e PS

    VIDEO/ Rama ‘bën për 1 lek’ kryebashkiakun e Vlorës në festën e PS

    Ditëlindja e 34 e PS nuk rezultoi të jetë një festë e hareshme për kryebashkiakun e Vlorës, Ermal Dredha, ndryshe nga sa ndodhi në pamje të parë me të pranishmit e tjerë socialistë apo rilindistë.

    Nga video e publikuar në media, dallohet se teksa Dredha iu shfaq përpara kreut të socialistëve në pritjen festive para selisë rozë, Rama nisi hakërrimin ndaj tij.

    Nga pamjet duket se Rama nuk është treguar aspak i kursyer me kritika ndaj Ermal Dredhës.

    Me siguri ato lidhen me situatën e krijuar së fundi në Vlorë për mungesën e ujit të pijshëm, por edhe për zjarrin e vazhdueshëm në fushën e mbetjeve urbane.

  • Çfarë ndodhi në festën e PS? Rama me kritika për kryebashkiakun e Vlorës

    Çfarë ndodhi në festën e PS? Rama me kritika për kryebashkiakun e Vlorës

    Pas fjalimit të kryesocialistit Edi Rama për festën e 34-vjetorit e partisë, ai u ndal mes socialistëve për të biseduar. Ajo që ra në sy ishte biseda me kryetarin e Bashkisë së Vlorës, Ermal Dredha e cila duket me tension. Mësohet se kryeministri Edi Rama e ka kritikuar kryebashkiakun e Vlorës, për zjarret që kanë rënë në fushën e mbetjeve në Vlorë.

    ”Zyshe shyqyr që të kemi”, Rama: Shqetësohuni ditën kur do mungojë Gramozi, atëherë s’do jem as unë

    34 vite PS, Rama me socialistët: Fitorja përgjegjësi e madhe dhe besim për të udhëhequr vendin drejt BE

  • Shtyhet pretenca për ish-kryebashkiakun e Himarës, shkak kërkesa e prokurorit

    Shtyhet pretenca për ish-kryebashkiakun e Himarës, shkak kërkesa e prokurorit

    Shtyhet pretenca për ish-kryebashkiakun e Himarës, Jorgo Goro lidhur me procedimin e dytë penal ndaj tij për shpërdorim detyre dhe tjetërsim të pronës shtetërore.
    Shkak është bërë kërkesa e prokurorit Elvin Gokaj që tha se janë se ka përgatitur konkluzionet përfundimtare në një material prej 75 faqesh, por njëherësh kërkon kohë për të analizuar pretendimet e mbrojtjes të paraqitura në seancën e fundit.

    “Na duhet kohë për të integruar në mënyrë të plotë qëndrimet e mbrojtjes në konkluzionet tona,” u shpreh Gokaj. Seanca e radhës për dhënien e pretencës u caktua për datën 2 korrik, ora 08:30.
    Jorgo Goro akuzohet për shpërdorim detyre në mënyrë në bashkëpunim me ish-drejtorin e tokës dhe menaxhimit të pronës të bashkisë Himarë Vasillaq Strakosha gjithashtu i pandehur në këtë dosje.
    Çështja është ngritur pas kallëzimit të Fredi Belerit, i cili akuzon Goron se në vitin 2016 ka tjetërsuar një sipërfaqe prej 4,263 metra katrorë tokë duke ia kaluar Arqile Bollanos, i komanduar si pasues në krye të Bashkisë Himarë.

  • Hetimet/ Shtyhet seanca për Erion Veliajn

    Hetimet/ Shtyhet seanca për Erion Veliajn

    Gjykata e Posaçme ka shtyrë këtë premte seancën gjyqësore për kryebashkiakun Erion Veliaj, i cili prej muajit shkurt mbahet nën arrest në burg si i dyshuar për disa akuza.

    Seanca e radhës do të mbahet ditën e martë, më 17 qershor, në orën 10:00. Ndërkohë seanca e sotme pritej të niste rreth orës 12:00 dhe do të drejtohej nga gjyqtari Erjon Bani. Nga ana tjetër SPAK pritej të paraqiste informacionin 2 mujor mbi ecurinë e hetimeve, ndërsa mbrojtja mund të kërkojë zëvendësim të masës së sigurisë.

    Mbi kryebashkiakun e Tiranës rëndojnë tre akuza: pastrim parash, korrupsion pasiv në 9 raste, dhe fshehje pasurie, e cila iu shtua para disa ditësh.

    Ai u prangos më 10 shkurt me urdhër gjykate, ndërsa ka kundërshtuar disa herë publikisht akuzat. Pas komunikimit të masës, Veliaj mbahet në ambientet e paraburgimit të Durrësit.

     

  • Shtyhet seanca për kryebashkiakun Erion Veliaj/ Ja kur do të mbahet e rradhës

    Shtyhet seanca për kryebashkiakun Erion Veliaj/ Ja kur do të mbahet e rradhës

    Seanca e radhës do të mbahet ditën e martë, më 17 qershor, në orën 10:00. Ndërkohë seanca e sotme pritej të niste rreth orës 12:00 dhe do të drejtohej nga gjyqtari Erjon Bani. Nga ana tjetër SPAK pritej të paraqiste informacionin 2 mujor mbi ecurinë e hetimeve, ndërsa mbrojtja mund të kërkojë zëvendësim të masës së sigurisë.
    Mbi kryebashkiakun e Tiranës rëndojnë tre akuza: pastrim parash, korrupsion pasiv në 9 raste, dhe fshehje pasurie, e cila iu shtua para disa ditësh. Gjykata e Posaçme ka shtyrë këtë premte seancën gjyqësore për kryebashkiakun Erion Veliaj, i cili prej muajit shkurt mbahet nën arrest në burg si i dyshuar për disa akuza, si korrupsion pasiv dhe pastrim parash.
    Ai u prangos më 10 shkurt me urdhër gjykate, ndërsa ka kundërshtuar disa herë publikisht akuzat. Pas komunikimit të masës, Veliaj mbahet në ambientet e paraburgimit të Durrësit.
     

  • PD padit kryebashkiakun e Maliqit, Ivi Kaso i drejtohet SPAK: Gëzim Topçiu po hedh asfalt elektoral

    PD padit kryebashkiakun e Maliqit, Ivi Kaso i drejtohet SPAK: Gëzim Topçiu po hedh asfalt elektoral

    Partia Demokratike kallëzoi këtë të enjte në SPAK kryebashkiakun e Maliqit Gëzim Topçiu për shpërdorim detyre.

    Drejtuesi politik i qarkut të Korçës, Ivi Kaso, e akuzon Topçiun për punësime elektorale dhe thotë se pavarësisht kufizimeve ligjore, ka kryer procedura prokurimi dhe ka autorizuar asfaltime rrugësh.
    Nga ana e tij kryebashkiaku Topçiu ka hedhur poshtë këto akuza duke deklaruar se gjithçka është konform ligjit dhe se puna e bashkisë në shërbim të banorëve nuk mund të marrë ngjyrime politike

    Top Channel

  • GJKKO lë në burg Erion Veliajn,SPAK ka kryer 114 veprime hetimore për kryebashkiakun

    GJKKO lë në burg Erion Veliajn,SPAK ka kryer 114 veprime hetimore për kryebashkiakun

    Gjykata e Posaçme la në fuqi masën e sigurisë arrest me burg për kryebashkiakun e Tiranës, Erion Veliaj.Sipas Klan News mësohet se për Elman Abulen është vendosur “arrest në shtëpi”.
    SPAK ka theksuar në gjykatë se gjatë këtyre muajve janë kryer 114 veprime hetimore në çështjen në ngarkim të Veliajt.Mes veprimeve të kryera, SPAK thotë se janë akt-ekspertime celularësh, kontrolle dhe marrje dëshmish.