Lajmidites.com

Tag: Krujë

  • Gilmando Dani u ndoq që nga Spanja? Detajet: Zona ku lëvizën autorët, pa drita

    Gilmando Dani u ndoq që nga Spanja? Detajet: Zona ku lëvizën autorët, pa drita

    Të tjera detaje janë zbuluar nga ngjarja e rëndë që ndodhi në Rinas, ku në një atentat u vra Gilmando Dani dhe u plagos rëndë shoku i tij, Muçi Shaljani (Sheqeri), i cili rezulton të jetë agjent i Agjencisë së Mbikëqyrjes Policore.
    Të dy po ktheheshin nga Barcelona dhe për këtë arsye hetuesit dyshojnë se autorët kanë patur informatorë që në Spanjë për arsye se avioni është vonuar me disa orë.
    Linja duhej të vinte në Shqipëri që në orët e para të mëngjesit, por pastaj udhëtimi është shtyrë për në drekë. Autorët kanë pritur me makinën tip “Toyota” në rrethrrotullimin pranë aeroportit ekzaktësisht për 10 minuta të ndaluar.

    E gjithë zona që në momentin e ardhjes së makinës nga Nikla deri në Rinas dhe më pas largimit në të njëjtin drejtim ka qenë pa energji elektrike. Kjo për hetuesit ka dyshime të forta pasi nga mungesa e energjisë asnjë kamera nuk e ka fiksuar lëvizjet e mjetit të autorit.
    Policia ka këqyrur kamerat e shumta të bizneseve dhe aeroportit për të zbardhur më mirë dinamikën. Autorët në “Toyota” kanë qenë katër. Tre prej tyre kanë patur rolin e qitësit dhe njëri si shofer. Ata kanë qëlluar me breshëri ndaj makinës tip “Benz” ku Dani udhëtonte si pasagjer dhe miku i tij, Shaljani e drejtonte. Madje njëri prej autorëve është shkëputur në një moment për t’u afruar dhe për të qëlluar në krahun ku ka qenë ulur Gilmando Dani.
    Më pas ata janë arratisur me shpejtësi për të shkuar drejt fshatit Halil të Krujës. Atje kanë djegur makinën dhe kanë humbur gjurmët. Targat e kësaj makine rezultojnë të vjedhura në Greqi në vitin e kaluar. Makina nuk është përcaktuar nëse është e vjedhur apo jo, pasi për shkak të djegies së mjetit nuk është rikuperuar numri i shasisë.
    Hetuesit po verifikojnë çdo lëvizje që ka ndodhur në aeroportin e Rinasit pak para atentatit. Në fokus janë ata që kanë qëndruar më gjatë dhe janë larguar sapo kanë dalë Dani dhe Shaljani. Gjithsesi deri më tani policia nuk ka asnjë emër konkret të dyshuar.
    Shënjestra e këtij atentati ka qenë Gilmando Dani, i cili ndërroi jetë menjëherë në vendin e ngjarjes. Ai ka qenë emër i njohur për drejtësinë pasi njihej si pjesëtar i grupit të Emiljano Shullazit. Nga ana tjetër, shoku i tij Muçi Shaljani, i cili ndodhet në gjendje të rëndë shëndetësore, rezultoi të ishte agjent i AMP-së.
    DSIK-ja, institucion që verifikon pastërtinë e figurës për punonjësit e agjencisë bëri me dije se Shaljani nuk rezulton të ketë certifikatë sigurie. Ai ishte punësuar prej shtatorit të këtij viti kur AMP drejtohej nga Artiol Saliasi dhe ka një kontratë 3-mujore deri në mes të dhjetorit.
    Drejtori aktual i AMP-së, Eduart Merkaj ka pezulluar zinxhirin komandues të Forcës së Posaçme Operacionale deri në zbardhjen e plotë të rrethanave të këtij atentati. Po ashtu ka nisur një verifikim i brendshëm për të zbuluar se si Shaljani është rekrutuar brenda agjencisë.

  • Gilmando Dani u ndoq që nga Spanja? Detajet nga atentati: Zona ku lëvizën autorët, pa drita

    Gilmando Dani u ndoq që nga Spanja? Detajet nga atentati: Zona ku lëvizën autorët, pa drita

    Të tjera detaje janë zbuluar nga ngjarja e rëndë që ndodhi në Rinas, ku në një atentat u vra Gilmando Dani dhe u plagos rëndë shoku i tij, Muçi Shaljani (Sheqeri), i cili rezulton të jetë agjent i Agjencisë së Mbikëqyrjes Policore.
    Të dy po ktheheshin nga Barcelona dhe për këtë arsye hetuesit dyshojnë se autorët kanë patur informatorë që në Spanjë për arsye se avioni është vonuar me disa orë.
    Linja duhej të vinte në Shqipëri që në orët e para të mëngjesit, por pastaj udhëtimi është shtyrë për në drekë. Autorët kanë pritur me makinën tip “Toyota” në rrethrrotullimin pranë aeroportit ekzaktësisht për 10 minuta të ndaluar.

    E gjithë zona që në momentin e ardhjes së makinës nga Nikla deri në Rinas dhe më pas largimit në të njëjtin drejtim ka qenë pa energji elektrike. Kjo për hetuesit ka dyshime të forta pasi nga mungesa e energjisë asnjë kamera nuk e ka fiksuar lëvizjet e mjetit të autorit.
    Policia ka këqyrur kamerat e shumta të bizneseve dhe aeroportit për të zbardhur më mirë dinamikën. Autorët në “Toyota” kanë qenë katër. Tre prej tyre kanë patur rolin e qitësit dhe njëri si shofer. Ata kanë qëlluar me breshëri ndaj makinës tip “Benz” ku Dani udhëtonte si pasagjer dhe miku i tij, Shaljani e drejtonte. Madje njëri prej autorëve është shkëputur në një moment për t’u afruar dhe për të qëlluar në krahun ku ka qenë ulur Gilmando Dani.
    Më pas ata janë arratisur me shpejtësi për të shkuar drejt fshatit Halil të Krujës. Atje kanë djegur makinën dhe kanë humbur gjurmët. Targat e kësaj makine rezultojnë të vjedhura në Greqi në vitin e kaluar. Makina nuk është përcaktuar nëse është e vjedhur apo jo, pasi për shkak të djegies së mjetit nuk është rikuperuar numri i shasisë.
    Hetuesit po verifikojnë çdo lëvizje që ka ndodhur në aeroportin e Rinasit pak para atentatit. Në fokus janë ata që kanë qëndruar më gjatë dhe janë larguar sapo kanë dalë Dani dhe Shaljani. Gjithsesi deri më tani policia nuk ka asnjë emër konkret të dyshuar.
    Shënjestra e këtij atentati ka qenë Gilmando Dani, i cili ndërroi jetë menjëherë në vendin e ngjarjes. Ai ka qenë emër i njohur për drejtësinë pasi njihej si pjesëtar i grupit të Emiljano Shullazit. Nga ana tjetër, shoku i tij Muçi Shaljani, i cili ndodhet në gjendje të rëndë shëndetësore, rezultoi të ishte agjent i AMP-së.
    DSIK-ja, institucion që verifikon pastërtinë e figurës për punonjësit e agjencisë bëri me dije se Shaljani nuk rezulton të ketë certifikatë sigurie. Ai ishte punësuar prej shtatorit të këtij viti kur AMP drejtohej nga Artiol Saliasi dhe ka një kontratë 3-mujore deri në mes të dhjetorit.
    Drejtori aktual i AMP-së, Eduart Merkaj ka pezulluar zinxhirin komandues të Forcës së Posaçme Operacionale deri në zbardhjen e plotë të rrethanave të këtij atentati. Po ashtu ka nisur një verifikim i brendshëm për të zbuluar se si Shaljani është rekrutuar brenda agjencisë.

  • Atentati në Rinas, Berisha: Vrasja për llogari të bandave më të afërta me qeverinë

    Atentati në Rinas, Berisha: Vrasja për llogari të bandave më të afërta me qeverinë

    Kreu i Partisë Demokratike, Sali Berisha ka reaguar në lidhje me atentatin e një dite më parë në Rinas ku mbeti i vrarë Gilmando Dani dhe u plagos Muçi Shaljani “Sheqeri”.
    Sipas Berishës ngjarja u patronua kryekëput nga shteti për llogari të bandave më të afërta me qeverinë se sa banda e Shullazit.
    “Ekzekutimi publik i djeshëm i Gilmando Danit, eksponent kryesor i organizatës kriminale të Emiljano Shullazit, dhe plagosja e rëndë e Muçi Shaljanit apo Sheqerit, në pamje të parë shofer i drejtorit të shërbimeve inteligjente të Policisë së Shtetit dhe inspektor policie, por në fakt një bos, edhe ky bashkë me vëllanë e vet i krimit të organizuar dhe drogës, është një ngjarje e cila u patronua kryekëput nga shteti për llogari të bandave më të afërta me qeverinë se sa banda e Shullazit.
    Vendi i ekzekutimit publik të tyre, në protokollet e sigurisë publike është vendi më i ruajtur se çdo vend tjetër.
    Në atë zonë, përveç patrullës së policisë së rendit, është patrulla e policisë rrugore dhe po aty ngjitur është furgoni i FNSH-së, i instaluar aty që pas vjedhjes së shekullit të parave në aeroportin e Rinasit.
    Është edhe një njësi, e cila rri aty në mbrojtje të sallonit të VIP-ave, kur kalojnë qeveritarët.
    Pra, nuk ekziston asnjë zonë tjetër, asnjë territor tjetër në të cilin të kryqëzohen në mbikëqyrje kaq shumë forca policore dhe speciale.
    Është gjithsej 100 metër nga rajoni i policisë së Rinasit, është pak metra nga dalja e sallonit të VIP-ave.
    Pra, atentatorët apo vrasësit, pasi shkrehën breshëri të shumta mbi makinën që e prisnin të sigurt, dhe i kishin zënë pritë pikërisht aty që nuk mund të zije pritë kurrë pa lejen e shtetit, pas ekzekutimit u larguan të qetë dhe përshkruan pa asnjë lloj telashi apo andralle të gjithë rrugën Rinas-Fushë Krujë, të gjithë rrugën Fushë Krujë pothuaj Krujë.
    Fshati Halil është pranë Krujës, ngjitur me kalanë e Zgërdheshit. Dhe ata shkuan në Zgërdhesh dhe asnjë lloj përpjekje nuk u bë nga narkopolicia për të ndaluar vrasësit e Gilmando Danit dhe ata që plagosën rëndë Mustafa Shaljanin apo Sheqerin”, tha Berisha.

  • Atentati mafioz në Rinas, flet dëshmitari: Jam i tmerruar, ishte si film, pashë kallashnikovin kur po kaloja

    Atentati mafioz në Rinas, flet dëshmitari: Jam i tmerruar, ishte si film, pashë kallashnikovin kur po kaloja

    Detaje të reja janë zbardhur lidhur me atentatin e ndodhur ditën e djeshme në Rinas, ku si pasojë e një atentati mbeti i vrarë Glimando Dani dhe u plagos Muçi Sheqeri. Një dëshmitar që ishte prezent në momentin që ndodhi atentati mafioz, ka folur për “Euronews Albania”.
    “Kur po kaloja, dëgjova të shtënat. U tremba dhe pashë kallashin që u përdor. Automjeti u ndal, një person u vra dhe tjetri u plagos. Për mua është si një film, jam i shokuar dhe i tmerruar. Na largoi policia. Ata erdhën shpejt, por në atë moment nuk kishte prezencë policie,” rrëfen dëshmitari.
    Dani, krahu i djathtë i Emiljano Shullazit u ekzekutua në një atentat mafioz pasditen e së martës. Ngjarja ndodhi rreth orës 14:00 menjëherë pasi viktima dhe i plagosuri mbërritën nga Barcelona ku ishin larguar në datën 7 nëntor. Në momentin kur janë nisur drejt Tiranës me automjetin tip Benz me targa AB 099UO, autorët me një tjetër makinë i zunë pritë dhe i qëlluan me breshëri plumbash.
    Në vendin e atentatit janë gjetur mbi 50 gëzhoje arme kallashnikov, të cilat janë zbrazur me breshëri nga të paktën 3 armë. Rreth 40 minuta pas atentatit policia gjeti të djegur automjetin e autorëve në fshatin Halil të Fushë-Krujës dhe brenda tij 4 armë; 3 kallashnikovë dhe 1 pistoletë që dyshohet janë përdorur në ekzekutimin e Danit.

  • Atentati në Rinas/ Autorët u larguan nga ‘rrugica e grabitësve”, çfarë zbuluan kamerat e sigurisë

    Atentati në Rinas/ Autorët u larguan nga ‘rrugica e grabitësve”, çfarë zbuluan kamerat e sigurisë

    Detaje të reja janë zbardhur një ditë pas atentatit mafioz në Rinas, ku mbeti i vrarë, Gilmando Dani, i njohur si krahu i djathtë i Emiljano Shullazit, ndërsa u plagos shoferi i tij, Muçi Shaljani agjent i Agjencisë së Mbikëqyrjes Policore.
    Gazetari Ervin Leka tha nga kamerat e sigurisë është zbuluar se makina e autorëve ka ardhur nga rruga që lidh Fushë Krujën me Kamzën ka kaluar Niklën dhe më pas është kthyer për në Rinas disa minuta para atentatit. Gjithashtu dyshohet se autorët ps këqyrjes së kamerave rëzultojnë se kanë qënë 4 një prej tyre në rolin e shoferit. Kujtojmë se në makinën e gjetur të djegur në fshatin Halil të Krujës, u gjetën 4 armë zjarri, 3 kallashnikovë dhe një pistoletë. Në vendin e ngjarjes policia ka sekuestruar mbi 50 gëzhoja dhe që u përkasin kalibrit të njëjtë me armëve të zjarrit që janë gjetur në makinën e djegur.
    Gjithashtu targat e mjetit rezultojnë të vjedhura një vit më parë në Greqi, ndërsa djegia e makinës vështirëson hetimet, për shkak se numri i shasisë nuk është rikuperuar.Mësohet se pas kryerjes së vrasjes autorët kanë ndjekur të njëjtën rrugë për t’u larguar apo siç njihet nga banorët ‘rrugica e grabitësve’, vend ku u gjet i vrarë Admir Murataj, një prej grabitësve të avionit në pistën e Rinasit, ngjarje kjo e ndodhur në prill të vitit 2019

  • Rastësia e çuditshme/ Zona ku kaluan vrasësit e Gilmando Danit pa energji elektrike, kamerat nuk filmuan lëvizjen e Toyotës

    Rastësia e çuditshme/ Zona ku kaluan vrasësit e Gilmando Danit pa energji elektrike, kamerat nuk filmuan lëvizjen e Toyotës

    atentati ne rinas

    TIRANË- Zona nga Nikla në afërsi të Aeroportit të Rinasit ka pasur mungesë të energjisë elektrike mesditën e djeshme, kohë që përkon me atentatin e ndodhur në drejtim të Gilmando Danit dhe Muçi Shaljanit. Autorët e këtij atentati, që dyshohet të jetë një prej më të mirëorganizuarve që ka ndodhur së fundi, kanë ardhur nga Nikla në drejtim të Rinasit, dhe pas kryerjes së krimit, e dogjën mjetin e tyre tip Toyota me targa greke në afërsi të fshatit Halil, për të humbur gjurmët.
    Grupi hetimor i ngritur pas atentatit të ndodhur mesditën e të martës në aeroportin e Rinasit, po vëzhgon veprimet e një të riu, që mund të ketë ndihmuar me informacion autorët e vrasjes së Gilmando Danit, dhe plagosjes së Muçi Shaljanit. Personi në fjalë, një i ri me trup mesatar, ka mbërritur në Rinas rreth orës 13:00, ku ka zbritur nga një makinë tip “Fiat” që u parkua pranë parkimit të aeroportit. Duke iu referuar pamjeve të kamerave të sigurisë, ky shtetas futur brenda aeroportit dhe ka parë në monitor avionët që do të zbresnin në ato minuta. Sipas verifikimeve, avioni i linjës Barcelonë–Tiranë ishte vonuar me rreth 15 minuta, dhe në ato çaste ai është drejtuar drejt tualeteve të aeroportit, për t’u kthyer më pas në vendin ku dalin pasagjerët.
    Nga kqyrja e kamerave të sigurisë rezulton se, sapo kanë mbërritur Dani dhe Muçi, të cilët kishin me vete nga një çantë, personi i dyshuar ka nisur menjëherë telefonatat. Ky shtetas i ka ndjekur nga pas dy personat deri sa ata kanë hipur në makinë, ku sipas informacioneve, qëllimi i tij ishte të tregonte se ku do të ulej shënjestra Gilmando Dani. Sapo dy personat kanë hipur në makinë, i dyshuari është larguar me shpejtësi në këmbë në krahun e kundërt të lëvizjes.
    Ndërkohë që viktima dhe i plagosur, janë larguar nga parkimi, ku kanë bërë pagesën, dhe më pas janë nisur në drejtim të rrethrrotullimit. Sipas policisë, një makinë ka ndaluar përpara automjetit të viktimës, duke qëndruar disa minuta pa lëvizur, dhe besohet se ky ka qenë momenti kur autorët kanë marrë sinjalin për sulm.
    Sapo automjeti i viktimës i është afruar rrethrrotullimit, nga një “Toyota” kanë dalë tre persona, ndërsa një tjetër ka qëndruar në makinë. Me tre armë kallashnikov është shtënë në drejtim të automjetit “Benz”, ku sipas policisë, qëllimi ishte pasagjeri në këtë mjet.
    Sipas pamjeve të kamerave të sigurisë, për rreth 5 sekonda askush nuk ka lëvizur nga mjeti, por më pas është afruar një person i maskuar me kallashnikov, i cili ka shkuar te dera e pasagjerit dhe ka qëlluar disa herë nga xhami, përpara se të largohej.
    Mbi Benzin ku udhëtonte Dani janë derdhur rreth 100 plumba, ndërkohë edhe pse një nga zonat më të frekuentuara dhe lëvizjen më të lartë të qytetarëve, në momentin e krimit në vendin e ngjarjes nuk ndodhej asnjë patrullë policie, çka iu mundësoi autorëve që të largoheshin të pashqetësuar, dhe të digjnin mjetin në fshatin Halilaj të Fushë Krujës./ZËRI 

  • Mbeti i plagosur në vrasjen e Gilmando Danit, nis hetimi për punësimin e Muçi Shaljanit në AMP

    Mbeti i plagosur në vrasjen e Gilmando Danit, nis hetimi për punësimin e Muçi Shaljanit në AMP

    Agjencia e Mbikqyrjes Policore ka nisur verifikimin e brendshëm të procedurave administrative të ndjekura në lidhje me procedurën e rekrutimit ne AMP te Muçi Shaljanit (Sheqeri).
    Me anë të një reagimi për mediat, AMP njofton se drejtori Eduart Merkaj ka urdhëruar pezullimin e zinxhirit komandues të strukturës së Forcës së Posaçme Operacionale deri në zbardhjen e plotë të rrethanave të ngjarjes.
    Sheqeri është punësuar në muajin shtator në AMP, kur institucioni drejtohej nga Artiol Saliasi, pas dorëheqjes së Florjan Sulejmanit.
    Njoftimi i AMP-s:
    Reagim i Agjencisë së Mbikëqyrjes Policore Nisur nga interesi i medias dhe ndjeshmëria e ngjarjes të ndodhur ditën e djeshme në rrethrrotullimin pranë aeroportit “Nënë Tereza”, ku rezulton i përfshirë edhe punonjësi i Agjencisë së Mbikëqyrjes Policore, M.Sh, i cili ka mbetur i plagosur dhe po merr ndihmën mjekësore, AMP ka nisur menjëherë verifikimin e brendshëm të procedurave administrative të ndjekura si edhe praktikën e plotë me agjencitë përkatëse dhe Policinë e Shtetit, në lidhje me procedurën e rekrutimit tij, prej shtatorit 2025. Ndërkohë Drejtori i Përgjithshëm i Agjencisë së Mbikëqyrjes Policore, Eduart Merkaj, ka urdhëruar pezullimin e zinxhirit komandues të strukturës së Forcës së Posaçme Operacionale të AMP-së deri në zbardhjen e plotë të rrethanave të ngjarjes. Në komunikimet në vijim do të bëhen me dije rezultatet e këtyre veprimeve.
    Si ndodhi ngjarja?
    Atentati mafioz ndodhi mesditën e djeshme pranë pranë aeroportit të Rinasit, ku nga breshëria e plumbave u ekzekutua Gilmando Dani, krahu i djathtë i Emiljano Shullazit dhe i plagosur mbeti Muçi Shaljani (Sheqeri). Dani dhe Shaljani po lëviznin me një Benz të bardhë luksoz, kur autorët me një tjetër makinë i zunë pritë dhe i qëlluan me breshëri plumbash.
    Në makinën në pronësi të Elvis Kosovës shofer ishte Muçi Shaljani (punonjës i AMP) dhe Dani ishte pasagjer.  Gilmando Dani kishte ardhur në Shqipëri nga Barcelona, por u ekzekutua vetëm disa minuta pasi kishte hipur në makinë. Pas atentatit, autorët dyshohet se janë larguar në drejtim të Fushë Krujës dhe kanë qenë me një mjet Toyota Yaris me targa greke. Vetëm pak minuta pas ngjarjes, makina e përdorur për vrasjen u gjet e djegur në fshatin Halil

  • Zbriti nga ‘Fiati’ dhe vëzhgoi monitorët e avionëve/ Kush është i riu që ndihmoi vrasësit e Gilmando Danit?

    Zbriti nga ‘Fiati’ dhe vëzhgoi monitorët e avionëve/ Kush është i riu që ndihmoi vrasësit e Gilmando Danit?

    muci shaljani dhe gilmando dani

    TIRANË- Grupi hetimor i ngritur pas atentatit të ndodhur mesditën e të martës në aeroportin e Rinasit, po vëzhgon veprimet e një të riu, që mund të ketë ndihmuar me informacion autorët e vrasjes së Gilmando Danit, dhe plagosjes së Muçi Shaljanit. Personi në fjalë, një i ri me trup mesatar, ka mbërritur në Rinas rreth orës 13:00, ku ka zbritur nga një makinë tip “Fiat” që u parkua pranë parkimit të aeroportit. Duke iu referuar pamjeve të kamerave të sigurisë, ky shtetas futur brenda aeroportit dhe ka parë në monitor avionët që do të zbresnin në ato minuta. Sipas verifikimeve, avioni i linjës Barcelonë–Tiranë ishte vonuar me rreth 15 minuta, dhe në ato çaste ai është drejtuar drejt tualeteve të aeroportit, për t’u kthyer më pas në vendin ku dalin pasagjerët.
    Nga kqyrja e kamerave të sigurisë rezulton se, sapo kanë mbërritur Dani dhe Muçi, të cilët kishin me vete nga një çantë, personi i dyshuar ka nisur menjëherë telefonatat. Ky shtetas i ka ndjekur nga pas dy personat deri sa ata kanë hipur në makinë, ku sipas informacioneve, qëllimi i tij ishte të tregonte se ku do të ulej shënjestra Gilmando Dani. Sapo dy personat kanë hipur në makinë, i dyshuari është larguar me shpejtësi në këmbë në krahun e kundërt të lëvizjes.
    Ndërkohë që viktima dhe i plagosur, janë larguar nga parkimi, ku kanë bërë pagesën, dhe më pas janë nisur në drejtim të rrethrrotullimit. Sipas policisë, një makinë ka ndaluar përpara automjetit të viktimës, duke qëndruar disa minuta pa lëvizur, dhe besohet se ky ka qenë momenti kur autorët kanë marrë sinjalin për sulm.
    Sapo automjeti i viktimës i është afruar rrethrrotullimit, nga një “Toyota” kanë dalë tre persona, ndërsa një tjetër ka qëndruar në makinë. Me tre armë kallashnikov është shtënë në drejtim të automjetit “Benz”, ku sipas policisë, qëllimi ishte pasagjeri në këtë mjet.
    Sipas pamjeve të kamerave të sigurisë, për rreth 5 sekonda askush nuk ka lëvizur nga mjeti, por më pas është afruar një person i maskuar me kallashnikov, i cili ka shkuar te dera e pasagjerit dhe ka qëlluar disa herë nga xhami, përpara se të largohej.
    Mbi Benzin ku udhëtonte Dani janë derdhur rreth 100 plumba, ndërkohë edhe pse një nga zonat më të frekuentuara dhe lëvizjen më të lartë të qytetarëve, në momentin e krimit në vendin e ngjarjes nuk ndodhej asnjë patrullë policie, çka iu mundësoi autorëve që të largoheshin të pashqetësuar, dhe të digjnin mjetin në fshatin Halilaj të Fushë Krujës.

  • Ekzekutimi i Gilmando Danit, FNSH kontrolle në Fushë-Krujë deri në 3 të mëngjesit

    Ekzekutimi i Gilmando Danit, FNSH kontrolle në Fushë-Krujë deri në 3 të mëngjesit

    Pas atentatit të ndodhur të martën pasdite në Aeroportin e Rinasit, ku mbeti i vrarë Gilmando Dani dhe i plagosur Mustafa Shaljani, Forcat e Ndërhyrjes së Shpejtë të Tiranës kanë kryer një operacion të madh kërkimi në zonën e Fushë-Krujës, raporton A2 CNN.
    Sipas burimeve, 5 grupe të FNSH kanë qëndruar nga ora 23:00 deri në orën 3:00 të mëngjesit në zonë, duke kryer kontrolle në lokale e banesa, si dhe duke ndaluar automjete të shumta për kontrolle. A2 CNN mëson gjithashtu se janë shoqëruar disa persona.
    Ndërkohë, mësohet se Mustafa Sheqeri, i cili ishte punonjës i Agjencisë së Mbikëqyrjes Policore, vijon të mbetet në gjendje të rëndë në spitalin e Traumës. A2 CNN mëson se Sheqeri, i cili ishte drejtues i automjetit tip “Mercedes Benz” me të cilin udhëtonte viktima Gilmando Dani, është i intubuar dhe ndodhet ne reanimacion.
    Si u realizua atentati?
    Gilmando Dani u ekzekutua në rrethrrotullimin para hyrjes së Aeroportit të Rinasit, pasi sapo ishte kthyer nga Barcelona. Mbi makinën ku ai po udhëtonte me mikun e tij Mustafa Shaljani (Sheqeri) u lëshuan një breshëri plumbash, duke e lënë të vdekur në vend Danin, i cili njihet si njeriu më i afërt i Emiljano Shullazit.
    Në fillim, autorët kanë qëlluar nga makina e tyre, pasi janë futur paralel mjetit tjetër, raporton gazetari Igli Çelmeta. Makina tip Benz ku ndodhej viktima Dani humb kontrollin dhe te rrethrrotullimi i Rinasit ecën drejt. Më pas, mjeti Toyota i autorëve i del para dhe njëri prej tyre zbret nga makina dhe qëllon nga shumë afër. Autori që ka zbritur nga makina ka qenë i maskuar.
    Para makinës ku ndodhej Gilmando Dani dhe Mustafa Sheqeri ishte një taksi që po kalonte në ato momente. Dyshohet se ka pasur kundërpërgjigje me armë edhe nga makina ku ndodheshin Dani dhe Sheqeri.
    Në automjetin e djegur të autorëve në fshatin Halil janë gjetur 3 kallashnikovë dhe një pistoletë. Armët janë dërguar për ekzaminime të mëtejshme.

  • “Atentati ishte planifikuar për dje”, Karamuço: Është identifikuar një person, informacioni ka ardhur nga Spanja

    “Atentati ishte planifikuar për dje”, Karamuço: Është identifikuar një person, informacioni ka ardhur nga Spanja

    Gilmando Dani mbeti i vrarë këtë të martë, 11 nëntor, në një atentat mafioz, te rrethrrotullimi i aeroportit të Rinasit.
    47-vjeçari Dani ishte pasagjer në një makinë të bardhë. Shoferi i makinës, i identifikuar si 40-vjeçari Muçi Shaljani alias Sheqeri, mbeti i plagosur rëndë.
    Eksperti i Kriminalistikës, Ervin Karamuço” tha se grupi i atentatorëve kanë qenë të mirëorganizuar dhe kanë gjetur një kohë kur kishte shumë njerëz dhe fluks. Atentati u krye në zonë ku mungonte patrulla policore, dhe u zgjodh rrethrrotullimi për shkak se shpejtësia është e ulët, gjë që i ndihmonte për të qëlluar drejt makinës ku ndodhej Dani.Karamuço shtoi se pas kësaj ngjarjeje kriminale ka një të shkuar të errët kriminale, për shkak të dosjes kriminale të Gilmando Danit, lidhjet e tij me grupet kriminale. Eksperti shtoi se ngjarja lidhet me 2-3 grupe kriminale, të lidhura dhe me grupe të tjera ndërkombëtare.
    Sipas Karamuços policia ka rënë në gjurmët e një personi, i cili është marrë si i dyshuar.“Kjo ngjarje ka ndodhur ditën, në një zonë ku duhet të kishte policie. Ka ndodhur nga një trupë elitë, e specializuar për këto atentate. Kjo ngjarje ishte planifikuar për t’u bërë mbrëmë, por ngaqë u anulua fluturimi nga Barcelona, ndodhi sot. Ndodhi në mes të ditës, kanë rrezikuar shumë qytetarët, klientët dhe turistët. Objektivi kryesor ka qenë viktima dhe shoferi. Është zgjedhur rrethrrotullimi për shkak se atje ishte shpejtësia më e ulët. Më pas kanë përdorur një rrugë dytësore për të shkuar në Krujë, pra kanë qenë njohës të mirë të zonës.
    Policia ka rënë në gjurmët e një personi që ka vazhduar personat, është identifikuar, është marrë si i dyshuar. Pas kësaj ngjarje ka një të shkuar kriminale, me grupe kriminale dhe transnacionale”, tha Karamuço.Më tej eksperti i kriminalistikës tha se informacionet për atentatorët mund të kenë ardhur edhe nga Spanja.
    “Policia ka dyshime, si informacionet mund të jenë marrë edhe nga Spanja. Nga ana tjetër po kalojnë në sitë të gjitha kamerat e aeroportit që mund, t’i kenë ndjekur. Janë shumë aspekte hetimore që po kalojnë në një volum të madh, për të shkuar deri te provat.
    Deri tani flitet për tre persona, dy qitës dhe një i tretë që është afruar me armë brezi dhe ka qëlluar nga afër pasagjerin. Janë grupe elitë, që polica e shtetit do të ketë probleme nëse nuk i gjen dhe i burgos. Kemi pasur raste që janë marrë ish-efektivë që janë huazuar për të tilla ngjarje”, u shpreh Karamuço.