Lajmidites.com

Tag: krrashi

  • Mori përpara 9 makina në Tiranë, Gjykata lë në burg Imer Krrashin: Isha në ankth, marr mjekime për depresionin

    Mori përpara 9 makina në Tiranë, Gjykata lë në burg Imer Krrashin: Isha në ankth, marr mjekime për depresionin

    Imer Krrashi

    TIRANË- Gjykata e Tiranës ka lënë në burg Imer Krrashin alias Uka, i cili u arrestua pak ditë më parë teksa tentoi t’i arratisej policisë. Ngjarja ndodhi në zonën e Liqenit të Thatë në Tiranë, ku Imer Krrashi nuk i ndaloi policisë dhe iku me shpejtësi duke shkaktuar aksidentin masiv, ndërsa si pasojë e përplasjes, një efektiv Policie dhe bashkëshortja kanë marrë lëndime të lehta. Pas ndjekjes intensive u bë ndalimi i automjetit dhe Krrashi është vendosur në pranga. Gjatë kontrollit të automjetit i është gjetur edhe arma e zjarrit pistoletë. 

    Megjthatë, Krrashi është shprehur i penduar për ngjarjen. Ai ka deklaruar se ka qenë në gjendje paniku dhe ankthi dhe merr mjekime për depresion. Më tej, ai është shprehur i gatshëm për të marrë përsipër dëmshpërblimet dhe të paguajë dëmet ndaj personave që ka lënduar apo automjetet e tyre.
    “Jam penduar për ngjarjen. Kam qenë në gjendje paniku dhe ankthi, nëna më vuan nga kanceri, ndërsa babai më ka ndërruar jetë pak kohë më parë të cilën e kam përjetuar keq. Kam qenë në gjendje ankthi dhe paniku. Marr mjekime për ankthin dhe depresionin. Kam qenë në gjendje të rënduar. Marr përsipër të dëmshpërblej pasojat e veprimeve të mia, të paguaj dëmet ndaj personave që janë lënduar apo dëmtuar mjetet”, mësohet se ka deklaruar Krrashi.

    Në vitin 2022, Imer Krrashi ra në prangat e policisë italiane në Trentino, pasi kryente vjedhje së bashku me disa persona të tjerë. Njëri prej tyre ishte edhe Edison Pula, i dënuar në Shqipëri me 20 vite burg për një atentat me eksploziv ndaj ish-policit Gentjan Bejtja, ngjarje e ndodhur në Larushk, ku ish-punonjësi i policisë mbeti i plagosur rëndë.
    Imeri dhe Edisoni, të dy nga Fushë-Kruja, u arrestuan në një qendër tregtare në Itali, pasi më 14 nëntor 2021 kishin kryer një vjedhje në Marok të Mogliano Veneto, brenda vilës së biznesmenit italian Giancarlo Miotto. Imer Krrashi përdorte edhe identitete të tjera, si: Imer Masha dhe Imer Uka. Këto identitete të rreme i shfrytëzonte për të kryer vjedhje në Itali./ZËRI

  • “Isha në panik e ankth”/ I iku policisë dhe përplasi disa makina, Gjykata lë në burg Imer Krrashin

    “Isha në panik e ankth”/ I iku policisë dhe përplasi disa makina, Gjykata lë në burg Imer Krrashin

    Gjykata e Tiranës ka lënë në burg 31-vjeçarin Imer Krrashi, i njohur edhe me identitetin alias Uka, i cili u arrestua pas një ndjekjeje të rrezikshme policore në zonën e Liqenit të Thatë, në Tiranë. Ai akuzohet për armëmbajtje pa leje dhe kundërshtim të forcave të rendit, pasi gjatë tentativës për t’i shpëtuar ndalimit, shkaktoi një aksident me disa automjete dhe një motor.
    Në përplasjen e shkaktuar nga arratisja e tij, u plagosën një efektiv policie jashtë orarit të punës dhe bashkëshortja e tij, të cilët ndodheshin në motorin e goditur. Krrashi refuzoi urdhrin e policisë për të ndaluar dhe, sipas pamjeve të publikuara nga Policia e Shtetit, u largua me shpejtësi sapo u pyet nëse kishte armë me vete.
    Pas arrestimit, atij iu sekuestrua një armë zjarri e llojit pistoletë. Para trupit gjykues, i riu kërkoi ndjesë, duke pretenduar se ishte në gjendje ankthi dhe paniku për shkak të gjendjes familjare dhe shëndetësore.
    “Jam penduar për ngjarjen. Kam qenë në gjendje paniku dhe ankthi, nëna më vuan nga kanceri, ndërsa babai më ka ndërruar jetë pak kohë më parë të cilën e kam përjetuar keq. Kam qenë në gjendje ankthi dhe paniku. Marr mjekime për ankthin dhe depresionin. Kam qenë në gjendje të rënduar. Marr përsipër të dëmshpërblej pasojat e veprimeve të mia, të paguaj dëmet ndaj personave që janë lënduar apo dëmtuar mjetet”.
    Imer Krrashi nuk është emër i panjohur për drejtësinë. Ai është i dënuar më herët në Itali për vjedhje, si pjesë e grupit kriminal të Edison Pulës. Të dy u arrestuan në shkurt të vitit 2022 në Itali, ku akuzoheshin për dhjetëra vjedhje, përfshirë një ngjarje të bujshme në nëntor 2021, në Marok, brenda vilës së biznesmenit italian Giancarlo Miotto.
    Ndaj Krrashit vijojnë hetimet për incidentin e fundit, ndërsa autoritetet po verifikojnë nëse arma e sekuestruar është përdorur në ngjarje të tjera kriminale.

  • Shkaktoi aksidentin masiv në tentativë për t’i ikur policisë, Imer Krrashi ‘kyç’ gojën për armën që iu gjet në makinë

    Shkaktoi aksidentin masiv në tentativë për t’i ikur policisë, Imer Krrashi ‘kyç’ gojën për armën që iu gjet në makinë

    Imer Krrashi

    TIRANË- Imer Krrashi ka refuzuar të deklarojë para hetuesve për atmën e gjetur në makinën me të cilën lëvizte në kryeqytet. Burimet pranë grupit hetimor bëjnë me dije se ai ka kërkuar të flasë në një moment të dytë. 31-vjeçari u arrestuar të dielën pasi tentoi t’i ikte me shpejtësi policisë për shkak se lëvizte me armë zjarri, duke shkaktuar dhe një aksidenti masiv ku u përfshinë 7 makina dhe një motor.
    Policia kishte informacion të saktë për vendndodhjen e tij, pasi Krrashi jetonte me bashkëshorten në një banesë me qira në afërsi të Liqenit të Thatë. Mësohet se automjeti me targa gjermane, brenda të cilit u gjet arma, rezulton i regjistruar në emër të tij.
    Në vitin 2022, Imer Krrashi ra në prangat e policisë italiane në Trentino, pasi kryente vjedhje së bashku me disa persona të tjerë. Njëri prej tyre ishte edhe Edison Pula, i dënuar në Shqipëri me 20 vite burg për një atentat me eksploziv ndaj ish-policit Gentjan Bejtja, ngjarje e ndodhur në Larushk, ku ish-punonjësi i policisë mbeti i plagosur rëndë.
    Imeri dhe Edisoni, të dy nga Fushë-Kruja, u arrestuan në një qendër tregtare në Itali, pasi më 14 nëntor 2021 kishin kryer një vjedhje në Marok të Mogliano Veneto, brenda vilës së biznesmenit italian Giancarlo Miotto. Imer Krrashi përdorte edhe identitete të tjera, si: Imer Masha dhe Imer Uka. Këto identitete të rreme i shfrytëzonte për të kryer vjedhje në Itali./ZËRI

  • Publikohet foto, ky është 31-vjeçari me 3 emra që përplasi efektivin me motor dhe tentoi t’i ikë policisë

    Publikohet foto, ky është 31-vjeçari me 3 emra që përplasi efektivin me motor dhe tentoi t’i ikë policisë

    Personi në foto është Imer Krrashi, i cili përdorte edhe emra të tjerë si Imer Masha dhe Imer Uka, dhe tentoi që t’i largohej policisë sot në Tiranë, pasi u ndalua për kontroll në zonën e Liqenit të Thatë.
    Krrashi nuk është emër i panjohur për drejtësinë. Ai është dënuar në Itali për vjedhje, ndërsa ka qenë edhe pjesë e grupit të Edison Pulës.
    Edison Pula dhe Imer Krrashi u arrestuan në shkurt të vitit 2022 nga policia italiane. Pula, 27- vjeç në atë kohë akuzohej për 50 vjedhje në Trentino. Ata ishin protagonistët e shumë ngjarjeje kriminale, por njëra prej të cilave ka bërë më shumë bujë është më 14 nëntor 2021, në Marok të Mogliano Veneto, brenda vilës së biznesmenit Giancarlo Miotto.

  • Nuk iu bind policisë dhe përplasi 9 makina/ Zbulohet e shkuara e errët e Imer Krrashit, i akuzuar për dhunë dhe grabitje

    Nuk iu bind policisë dhe përplasi 9 makina/ Zbulohet e shkuara e errët e Imer Krrashit, i akuzuar për dhunë dhe grabitje

    Personi në foto është Imer Krrashi, i cili tentoi t’i ikte policisë sot në afërsi të Saukut, por përplasi disa persona.

    Teksa ndiqej nga forcat Shqiponja, Krrashi i armatosur ka përplasur 9 makina, përfshirë një motor. Si pasojë e përplasjes, një polic jashtë shërbimit së bashku me bashkëshorten kanë mbetur të lënduar.
    Polici ndodhet në gjendje të rëndë shëndetësore, si pasojë e përplasjes. Autori është arrestuar nga forcat policore, teksa iu gjet edhe arma.
    Imer Krrashi, i cili përdorte edhe emrat Imer Masha dhe Imer Uka, është emër i njohur për drejtësinë. Ai është akuzuar më parë për vjedhje me dhunë, kanosje, mosbindje dhe plagosje e lehtë.

    Top Channel

  • VIDEO +FOTO/ Tentoi t’u ikte ‘Shqiponjave’, 31-vjeçari i rrezikshëm që përplasi 9 makina, pjesë e grupit të Marklen Hakës

    VIDEO +FOTO/ Tentoi t’u ikte ‘Shqiponjave’, 31-vjeçari i rrezikshëm që përplasi 9 makina, pjesë e grupit të Marklen Hakës

    Ky është 31-vjeçari Imer Krrashi, i cili tentoi t’i shpëtojë policisë gjatë një kontrolli pas informacioneve se ky shtetas qarkullonte me armë zjarri pa leje.

    Krrashi përfundoi në prangat e bluve të kryeqytetit, ndërsa të dëmtuar mbetën 9 automjete dhe 1 motor.

    Drejtuesi i motoçikletës, një punonjës policie jashtë shërbimit, po udhëtonte së bashku me bashkëshorten nga Liqeni Thatë në drejtim të zonës së Teg-ut, kur u përplas nga Krrashi dhe për pasojë përfundoi përpara një tjetër mjeti që u përfshi në aksident.

    Shkak për aksidentimin e 9 automjeteve dhe të motorit, u bë refuzimi nga ana e 31-vjeçarit për t’iu nënshtruar kontrollit.

    ‘Në momentin që drejtuesi i automjetit është njohur me urdhrin e Policisë, ka refuzuar urdhrin për kontroll dhe është larguar me shpejtësi të madhe, duke rrezikuar punonjësit e Policisë që ishin duke komunikuar me të’, thuhet në njoftimin e Policisë.

    Dy të lënduarit ndodhen në spital jashtë rrezikut për jetën.

    31-vjeçarit iu gjet në makinë arma për të cilën forcat Shqiponja kishin dyshime, që në momentin që e ndaluan.

    Imer Krrashi, rezulton person me precedent të theksuar kriminal dhe me rrezikshmëri të lartë shoqërore, ndërsa është shoqëruar në ambientet e Komisariatit të Policisë Nr. 1, për veprime të mëtejshme procedurale.

    31-vjeçari, Imer Krrashi më herët quhej Imer Masha nga Kruja dhe dyshohet se është pjesë e grupit të Marklen Hakës.

    Njoftimi

    Shërbimet e Drejtorisë Vendore të Policisë Tiranë, në vijim të punës për kontrollin e territorit dhe të personave që mund të qarkullojnë me armë zjarri apo të transportojnë lëndë narkotike, bazuar edhe në informacionin e marrë në rrugë operative se një automjet po lëvizte në unazë, në drejtim të TEG-ut, dhe drejtuesi i automjetit mund të ishte i armatosur, rreth orës 12:30, tek Liqeni i Thatë, Forca e Posaçme “Shqiponja” i ka bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.

    Pas ndalimit të automjetit të dyshuar, shërbimet e Policisë i kanë bërë të ditur drejtuesit të automjetit se ndaj tij dhe automjetit do të ushtrohej kontroll. Në momentin që drejtuesi i automjetit është njohur me urdhrin e Policisë, ka refuzuar urdhrin për kontroll dhe është larguar me shpejtësi të madhe, duke rrezikuar punonjësit e Policisë që ishin duke komunikuar me të.

    Bazuar në informacionin e marrë se ky shtetas mund të kishte armë me vete, në refuzimin për kontroll nga drejtuesi i automjetit dhe largimin me shpejtësi në drejtim të TEG-ut, shërbimet e Policisë janë vënë në ndjekje të automjetit, i cili, për shkak edhe të trafikut të rënduar, ka përplasur 9 automjete dhe 1 motomjet, në të cilin qarkullonin shtetasit E. R., 52 vjeç (punonjës policie jashtë shërbimit) dhe bashkëshortja e tij, shtetasja O. R., 46 vjeçe, të cilët ndodhen në spital, jashtë rrezikut për jetën.

    Shërbimet e Policisë, pas një ndjekjeje intensive, bënë të mundur bllokimin e automjetit dhe të drejtuesit të tij, shtetasit I. K, alias I. M, alias I. U.

    Gjatë kontrollit të automjetit, punonjësit e Policisë së Forcës së Posaçme “Shqiponja” gjetën dhe sekuestruan një armë zjarri pistoletë.

    Shtetasi I. K., me precedent të theksuar kriminal dhe me rrezikshmëri të lartë shoqërore është shoqëruar në ambientet e Komisariatit të Policisë Nr. 1, për veprime të mëtejshme procedurale.

  • Metamorfoza e Imer Krrashit: Nga “skifter” në Itali, në “piloti Fast & Furious” në Shqipëri

    Metamorfoza e Imer Krrashit: Nga “skifter” në Itali, në “piloti Fast & Furious” në Shqipëri

    Imer Krrashi

    TIRANË- Imer Krrashi sot nuk iu bind forcave të policisë “Shqiponja” për të kryer një kontroll në makinën e tij. Ai zgjodhi “t’i jepte gaz” për të shpëtuar nga policia, pasi në automjet mbante një armë zjarri të tipit pistoletë. Si pasojë e shpejtësisë së lartë, ai përplasi shtatë makina dhe një motor. Nga kjo ngjarje mbetën të plagosur një oficer policie dhe bashkëshortja e tij, të cilët udhëtonin me motor.

    Nga adrenalina në autostradën e Tiranës, tek vjedhjet e banesave në Itali!
    Në vitin 2022, Imer Krrashi ra në prangat e policisë italiane në Trentino, pasi kryente vjedhje së bashku me disa persona të tjerë. Njëri prej tyre ishte edhe Edison Pula, i dënuar në Shqipëri me 20 vite burg për një atentat me eksploziv ndaj ish-policit Gentjan Bejtja, ngjarje e ndodhur në Larushk, ku ish-punonjësi i policisë mbeti i plagosur rëndë.
    Imeri dhe Edisoni, të dy nga Fushë-Kruja, u arrestuan në një qendër tregtare në Itali, pasi më 14 nëntor 2021 kishin kryer një vjedhje në Marok të Mogliano Veneto, brenda vilës së biznesmenit italian Giancarlo Miotto. Imer Krrashi përdorte edhe identitete të tjera, si: Imer Masha dhe Imer Uka. Këto identitete të rreme i shfrytëzonte për të kryer vjedhje në Itali.
    Tashmë ai ndodhet në prangat e policisë, ku pritet të dalë para trupës gjykuese, me akuzat “Armëmbajtje pa leje”, “Mosbindje ndaj urdhërit të punonjësit të policisë së rendit publik” dhe “Tentativë për vrasje”./ZËRI

  • Droga në Yzberisht, lihet në burg 61-vjeçari. Çfarë deklaroi në gjykatë

    Droga në Yzberisht, lihet në burg 61-vjeçari. Çfarë deklaroi në gjykatë

    Gjykata e Tiranës ka vendosur masën e sigurisë “arrest me burg” për 61-vjeçarin Shkëlqim Krrashi, i cili u kap gjatë operacionit policor të koduar “Shape” me një sasi të konsiderueshme droge dhe armë.
    Seanca u zhvillua me dyer të mbyllura, ku Krrashi deklaroi se lënda narkotike i kishte mbetur në një automjet në pronësi të tij prej disa vitesh, ndërsa shtoi se arma e gjahut që iu gjet ishte me leje.
    Pavarësisht pretendimeve të tij, gjykata vendosi që i dyshuari të vijojë të mbahet i izoluar. Gjatë operacionit, policia sekuestrua 17 kilogramë kanabis në formë çokollate, 22.5 litra vaj kanabisi, 65 gramë kokainë, një pistoletë dhe një armë gjahu.
    Sipas vlerësimeve paraprake, sasia e drogës së gjetur kap vlerën e rreth 500 mijë eurove në treg. Krrashi, i cili jetonte në zonën e Yzberishtit, pritet të hetohet për trafikim të lëndëve narkotike dhe armëmbajtje pa leje.

  • Kishte kthyer banesën në ‘laborator’ droge, lihet në burg 61-vjeçari në Tiranë (Emri)

    Kishte kthyer banesën në ‘laborator’ droge, lihet në burg 61-vjeçari në Tiranë (Emri)

    Shkëlqim Krrashi, 61-vjeçari i arrestuar dy ditë më parë nga policia e Tiranës pasi brenda banesës iu gjet 17 kg kanabis dhe 22.5 litra vaj kanabisi me vlerë 500 mijë euro, është lënë në burg nga Gjykata e Tiranës.
    Gazetari Sokol Dema raporton se në seancën me dyer të mbyllura, Krrashi deklaroi se lënda narkotike i kishte mbetur prej vitesh në një automjet në pronësi të tij, ndërsa arma e gjahut ishte me leje. Megjithatë, gjykata vendosi që 61-vjeçari, banues në Yzberisht, të vijojë të mbahet i izoluar.
    Gjatë operacionit të koduar “Shape”, Antidroga sekuestroi 17 kg kanabis në formë çokollate, 22.5 litra vaj kanabisi, 65 gramë kokainë, një pistoletë dhe një armë gjahu.
    61-vjeçari, pa precedentë penalë, e siguronte kanabisin dhe vajin në Maqedoninë e Veriut. Kokainën e shiste në doza të vogla, ndërsa kanabisin dhe vajin e shiste me shumicë.

  • DETAJE: 500 mijë euro drogë me “dragua”, si e ktheu shtëpinë në laborator Shkëlqim Krrashi?

    DETAJE: 500 mijë euro drogë me “dragua”, si e ktheu shtëpinë në laborator Shkëlqim Krrashi?

    Askush nuk do ta mendonte se në katin e fundit të pallatit Shkëlqim Krrashi do të vendoste që të ndërtonte një laborator droge.
    61 vjeç, pa asnjë precedent penal kishte vendosur të përpunonte jo vetëm kanabis, por edhe kokainë në një banesë në Yzberisht të Tiranës.
    6 muaj më parë agjentët e policisë morën informacion se Krrashi shiste kokainë në këtë zonë, në doza të vogla.
    Por pasi u mbajt nën vëzhgim për muaj të terë, u zbulua baza e përpunimit të lëndës narkotike.
    Gjatë kontrollit në banesë, agjentët e Antidrogës gjetën dhe sekuestruan rreth 17 kilogramë kanabis në formën e çokollatës dhe me stemën e dragoit dhe 22.5 litra vaj kanabisi, të dyja me vlerë totale rreth 500 000 euro.
    Gjithashtu u sekuestrua një sasi kokaine, 1 pistoletë dhe 1 armë gjahu.
    61-vjeçari nga Bulqiza rezultoi se kanabisin dhe vajin e tij e sillte nga Maqedonia e Veriut. Hetimet e Antidrogës së Tiranës zbuluan se 61-vjeçari Krrashi, lëndën narkotike të llojit kokainë, e sillte kryesisht në zonën e Yzberishtit në doza të vogla. Ndërsa kanabisin dhe vajin e shiste me shumicë.
    Por në kaq muaj hetim në pranga ka rënë vetëm 61-vjeçari. Ai nuk ka deklaruar persona të tjerë me të cilët mund të ketë bashkëpunuar. Por policia është ende duke vijuar hetimet për të identifikuar persona të tjerë të përfshirë në këtë aktivitet kriminal.