Lajmidites.com

Tag: kremlini

  • Kremlini: Jemi të interesuar për negociata, pavarësisht sulmeve ndaj Kievit

    Kremlini: Jemi të interesuar për negociata, pavarësisht sulmeve ndaj Kievit

    Kremlini është rikthyer me deklarata pas sulmeve ruse që ndodhën në Kiev gjatë natës.

    Sipas zyrtarëve ukrainas, të paktën 15 persona, përfshirë një fëmijë 2-vjeçar, u vranë nga granatimet. Ministria ruse e Mbrojtjes ka thënë tashmë se sulmet synojnë vetëm objektiva ushtarake, me Kremlinin që e përsërit këtë qëndrim.
    Në të njëjtën kohë, zëdhënësi i Kremlinit, Dmitry Peskov, tha se Rusia mbetet e interesuar në negociata për të arritur qëllimet e saj: “Operacioni ushtarak special vazhdon”, tha ai, duke iu referuar pushtimit në shkallë të plotë të Ukrainës nga Rusia, i cili filloi në shkurt 2022.
    “Ju e shihni që sulmet ndaj infrastrukturës ruse vazhdojnë dhe shpesh infrastruktura civile në Rusi është në shënjestër të regjimit të Kievit.” Ai shtoi: “Në të njëjtën kohë, Rusia do të ruajë interesin e saj për të vazhduar procesin e negociatave me qëllim arritjen e qëllimeve që kemi vendosur përmes mjeteve politike dhe diplomatike.”
    Duke iu përgjigjur një pyetjeje në lidhje me perspektivën e një armëpushimi, ai tha se çdo propozim që mund të kontribuojë në paqe duhet të diskutohet “me diskrecion”. “Nuk janë arritur marrëveshje për këtë çështje”, tha ai.
    “E përsëris përsëri – çdo gjë që mund të diskutohet në kontekstin e gjetjes së mënyrave për të ecur drejt një zgjidhjeje duhet të diskutohet me diskrecion.”

    Top Channel

  • Rafti i librave të Putinit, si Kremlini po i paraqet pamjet e vjetra si të reja

    Rafti i librave të Putinit, si Kremlini po i paraqet pamjet e vjetra si të reja

    Rafti i librave mund të tregojë shumë për pronarin. Në rastin e presidentit të Rusisë, Vladimir Putin, rregullimi më i fundit i librave në një dollap pas tavolinës së tij tregon se Kremlini i ka paraqitur pamjet e vjetra të takimeve në zyrën e tij si video të reja të paktën pesë herë këtë vit, ka zbuluar njësia hulumtuese ruse e Radios Evropa e Lirë, Systema.
    Takimet e shpeshta ballë për ballë të Putinit me guvernatorë rajonalë, drejtues të agjencive shtetërore dhe të tjerë në zyrën e tij në Pallatin e Senatit në Kremlin, janë pjesë e përhershme e programeve të lajmeve në televizionet shtetërore, si pjesë e një përpjekjeje për t’iu treguar rusëve se ai po i menaxhon vazhdimisht punët në gjithë vendin dhe po i mban zyrtarët nën kontroll.
    Por, pesë takime të paraqitura si ngjarje të ditës në prill dhe maj, në fakt ishin incizuar muaj më parë, ka gjetur Systema.
    Librat në dollapin me dyer prej xhami e tradhtuan atë: në pesë raste, pamjet tregojnë një renditje librash që ishte përdorur para se të ndryshohej në fund të shkurtit.
    Ndër ndryshimet e tjera të bëra në rirregullimin e shkurtit, një kopje e lidhur e Kushtetutës ruse, e vendosur me ballë përpara, u zhvendos nga ana e djathtë e dollapit në anën e majtë.
    Përveçse hedhin dritë mbi praktikat e Kremlinit, këto mashtrime ngrenë pyetje për vendndodhjen e Putinit – dhe çfarë po bënte ai – në ditët përkatëse.
    Ka kohë që gazetarët janë të vetëdijshëm se administrata e Putinit mban pamje të gatshme për t’i përdorur më vonë.

    Kremlini ruan me fanatizëm të dhënat për shëndetin dhe jetën private të Putinit, 72 vjeç, dhe kur ai zhduket nga sytë e publikut për disa ditë, raportet televizive shqyrtohen me kujdes për shenja nëse po fshihen gjurmët e vendndodhjes së tij.
    Katër nga rastet e përdorimit të pamjeve të vjetra këtë vit ndodhën në ditët para se Putini të takohej në Shën Petersburg më 11 prill me Steve Witkoff, një i dërguar i posaçëm i presidentit amerikan, Donald Trump, i cili ka shkuar disa herë në Rusi për të biseduar për përpjekjet e Trumpit për ta ndërmjetësuar përfundimin e luftës në Ukrainë, e cika ka hyrë në vitin e katërt pasi Putini urdhëroi pushtimin e plotë në shkurt 2022.
    Pamje të publikuara më 2 dhe 7 prill tregonin Putinin duke u takuar me kreun e rajonit Buryatia dhe shefin e Aeroflot-it, përkatësisht, ndërsa video të 9 dhe 10 prillit e shfaqnin atë duke u takuar veçmas me dy zyrtarë të tjerë. Të gjitha këto pamje shfaqnin dollapin e librave në renditjen e para shkurtit.
    Putini nuk u shfaq në publik apo në ndonjë takim grupor ose aktivitet më të madh nga 2 deri më 10 prill.
    Një tjetër përdorim i pamjeve të para shkurtit ndodhi më 12 maj, kur Kremlini publikoi video që e shfaqte Putinin në zyrën e tij duke u takuar me guvernatorin e rajonit Ivanovo, Stanislav Voskresensky.
    Dymbëdhjetë maji ishte 42-vjetori i ditëlindjes së Alina Kabayevas, fitueses së medaljes së artë olimpike në gjimnastikën ritmike në vitin 2004, për të cilën thuhet bujshëm se është partnerja e kamotshme e Putinit dhe nëna e të paktën dy fëmijëve të tij.
    Putini dhe gruaja e tij, Lyudmila, u shkurorëzuan në vitin 2014.
    Zëdhënësi i Putinit, Dmitry Peskov, nuk iu përgjigj një pyetjeje të Systema në Telegram për të marrë një koment.

  • Putin telefonon homologun e Afrikës së Jugut, Kremlini: Ramaphosa shprehu mbështetje për zgjidhjen paqësore të krizës ukrainase

    Putin telefonon homologun e Afrikës së Jugut, Kremlini: Ramaphosa shprehu mbështetje për zgjidhjen paqësore të krizës ukrainase

    Presidenti rus Vladimir Putin ka zhvilluar një bisedë telefonike me homologun e tij të Afrikës së Jugut, Cyril Ramaphosa, për të ndarë rezultatet e samitit të tij në Alaskë me Presidentin e SHBA-së Donald Trump, sipas Kremlinit.

    “Cyril Ramaphosa shprehu mbështetje për përpjekjet e vazhdueshme diplomatike që synojnë një zgjidhje paqësore të krizës ukrainase”, tha Kremlini në njoftimin e tij të bisedës telefonike.
    “U konfirmua angazhimi i ndërsjellë për të zhvilluar më tej partneritetin gjithëpërfshirës strategjik ruso-afrikano-jugor dhe bashkëpunimin e ngushtë midis dy vendeve në platformat ndërkombëtare”, shtoi Kremlini.
    Sot pasdite pritet takimi mes presidentit amerikan, Donald Trump dhe atij ukrainas, Volodymyr Zelensky. Pak ditë më parë, Trump zhvilloi një takim ‘kokë më kokë’ me liderin rus, Vladimir Putin.

    Top Channel

  • Lavrov provokon me bluzën para takimit Trump-Putin: Kremlini ka një qëndrim të qartë!

    Lavrov provokon me bluzën para takimit Trump-Putin: Kremlini ka një qëndrim të qartë!

    Ministri i Jashtëm rus Sergej Lavrov tha se Moska do t’i paraqesë një “pozicion të qartë dhe të kuptueshëm” Presidentit të SHBA-së Donald Trump gjatë samitit me Presidentin rus Vladimir Putin.

    Lavrov foli shkurt me gazetarët ndërsa mbërriti në një hotel në Anchorage të enjten, i veshur me një pulovër me mbishkrimin “CCCP”, Bashkimi i Republikave Socialiste Sovjetike.
    Lavrov tha se Kremlini shpreson ta vazhdojë këtë “bisedë të dobishme” në samitin e sotëm, sipas CNN.
    “Ne nuk bëjmë kurrë plane paraprakisht. Ne e dimë që kemi argumente, një qëndrim të qartë dhe të kuptueshëm. Ne do ta paraqesim atë”, tha Lavrov.
    “Shumë është bërë tashmë gjatë vizitave të të dërguarit të posaçëm të presidentit amerikan, Witkoff… Shpresoj që nesër do ta vazhdojmë këtë bisedë të dobishme.”

    Top Channel

  • “Gabim i madh të parashikohet rezultati i samitit Trump-Putin”, Kremlini: Rusia nuk ka në plan të nënshkruajë ndonjë dokument

    “Gabim i madh të parashikohet rezultati i samitit Trump-Putin”, Kremlini: Rusia nuk ka në plan të nënshkruajë ndonjë dokument

    Kremlini ka paralajmëruar të enjten se do të ishte një gabim i madh të bëhen parashikime për rezultatin e samitit të ardhshëm në Alaska, ku pritet të marrin pjesë presidenti amerikan Donald Trump dhe homologu i tij rus Vladimir Putin.
    Zëdhënësi i Kremlinit, Dmitry Peskov
    Lajmi raportohet nga agjencia ruse Interfax.
    Zëdhënësi i Kremlinit, Dmitry Peskov, u shpreh se nuk ka plane për nënshkrimin e ndonjë dokumenti pas takimit të së premtes, i cili do të mbahet në qytetin Anchorage të Alaskës.
    Deklaratat vijnë vetëm një ditë para takimit të shumëpritur, që pritet të përqendrohet në çështje kyçe si lufta në Ukrainë dhe tensionet mes dy fuqive globale.

  • Kremlini zbulon orarin e takimit Putin-Trump në Alaskë

    Kremlini zbulon orarin e takimit Putin-Trump në Alaskë

    Kremlini konfirmoi sot orarin e takimit të shumëpritur midis presidentit rus Vladimir Putin dhe presidentit amerikan Donald Trump në Alaskë, ku  bisedimet pritet të nisin nesër rreth orës 11:30 të mëngjesit  (21:30 me oren tonë).
    Lufta e Rusisë kundër Ukrainës do të jetë në krye të axhendës, sipas këshilltarit për politikën e jashtme të Kremlinit, Yuri Ushakov, të cituar nga agjencitë ruse të lajmeve.
    Trump dhe Putin do të mbajnë një konferencë të përbashkët për shtyp pas konsultimeve. Përveç Ushakovit në delegacionin e nivelit të lartë rus do të jenë ministri i Jashtëm Sergei Lavrov, ministri  i Mbrojtjes Andrey Belousov, ministr i  Financave Anton Siluanov dhe kryenegociatori i Kremlinit për Shtetet e Bashkuara të Amerikës, Kirill Dmitriev.
    Takimi do të mbahet në bazën ushtarake Elmendorf-Richardson në Anchorage, qyteti më i madh i Alaskës, dhe do të jetë përballja e parë mes dy udhëheqësve që nga marrja e detyrës nga Trump në janar dhe që nga nisja e pushtimit të plotë rus të Ukrainës nga Putini në shkurt 2022.
    Presidenti ukrainas Volodymyr Zelensky dhe aleatët e tij evropianë po e ndjekin me shqetësim rezultatin e takimit, mes frikës se bisedimet mund të çojnë në një marrëveshje për lëshime territoriale ndaj Rusisë, të cilat Kievi i ka hedhur poshtë në mënyrë kategorike.

  • Analiza e CNN: Ja cilat janë pesë skenarët se si mund të përfundojë lu*ta Rusi-Ukrainë

    Analiza e CNN: Ja cilat janë pesë skenarët se si mund të përfundojë lu*ta Rusi-Ukrainë

    Një takim Trump-Putin është propozuar nga të dyja palët për njëfarë kohe. Pra, pse mund të dëshirojë secila palë që kjo të ndodhë tani?
    Presidenti i SHBA-së, Donald Trump, dëshiron të përdorë forcën e personalitetit të tij për të arritur një marrëveshje, duke besuar se gjashtë muaj kokëfortësie nga Moska mund të kapërcehen duke u takuar ballë për ballë me Kremlinin.

    Ai duket se ende i përmbahet idesë se Kremlini mund të bindet që të ndalojë luftën , pavarësisht se homologu i tij rus kohët e fundit sugjeroi qëndrimin maksimalist se populli rus dhe ai ukrainas janë një, dhe kudo që shkel një ushtar rus është Rusia.

    Udhëheqësi rus Vladimir Putin dëshiron të fitojë kohë, pasi ka refuzuar tashmë një propozim për armëpushim pa kushte nga Europa, SHBA-ja dhe Ukraina në maj, duke ofruar në vend të kësaj dy pauza të njëanshme, të shkurtra dhe të parëndësishme.
    Forcat e tij po përparojnë në vijën e frontit në një ofensivë verore që mund ta afrojë atë mjaftueshëm me qëllimet e tij sa negociatat në vjeshtë të jenë mbi një status quo shumë të ndryshme në luftë.
    Nëse të dy burrat takohen, një objektiv i dukshëm amerikan është një samit trepalësh me Presidentin ukrainas Volodymyr Zelensky për të diskutuar përfundimin e luftës – i njëjti format i samitit që Rusia e hodhi poshtë në Stamboll në maj.
    Qëllimi rus ka të ngjarë t’i lejojë Putinit ta tërheqë Trumpin përsëri në orbitën e narrativës së Moskës.
    Megjithatë, një samit – i propozuar më parë, i shtyrë më parë – mund të ndodhë këtë herë, dhe kjo ngre pyetjen se si mund të përfundojë lufta.
    Ja pesë skenarë të mundshëm
    1. Putini pranon një armëpushim pa kushte
    Shumë e pamundur. Është e pamundur që Putini të bjerë dakord për një armëpushim në të cilin vijat e frontit do të mbeten ashtu siç janë – Shtetet e Bashkuara, Evropa dhe Ukraina e kërkuan tashmë një pauzë të tillë në maj, nën kërcënimin e sanksioneve, dhe Rusia e hodhi poshtë atë.
    Trump u tërhoq nga sanksionet, duke preferuar bisedime të nivelit të ulët në Stamboll të cilat nuk çuan askund.
    Një armëpushim 30-ditor në fillim të këtij viti kundër infrastrukturës energjetike u takua me respektim ose sukses të kufizuar.
    Kremlini aktualisht po i shndërron fitimet graduale në vijën e frontit në avantazhe strategjike dhe nuk do të shihte asnjë kuptim në ndalimin e këtij progresi tani, ndërsa ai arrin kulmin e tij.
    As kërcënimi i sanksioneve dytësore kundër Kinës dhe Indisë – të cilat duken rezistente ndaj presionit të SHBA-së – nuk do ta ndryshojë atë llogaritje të menjëhershme ushtarake për pjesën e mbetur të verës. Të paktën deri në tetor, Putini do të dëshirojë të luftojë sepse po fiton.
    2. Pragmatizëm dhe më shumë biseda
    Bisedimet mund të bien dakord për bisedime të tjera më vonë, të cilat do të vulosin fitimet ruse kur të vijë dimri, duke ngrirë vijat e frontit ushtarakisht dhe fjalë për fjalë rreth tetorit.
    Putini mund t’i ketë marrë qytetet lindore të Pokrovskut, Kostiantynivkës dhe Kupianskut deri atëherë, duke i dhënë atij një pozicion të fortë për të qëndruar jashtë dimrit dhe për t’u riorganizuar.
    Rusia mund të luftojë përsëri në vitin 2026, ose të përdorë diplomacinë për t’i bërë këto fitime të përhershme.
    Putini gjithashtu mund të ngrejë spektrin e zgjedhjeve në Ukrainë – të vonuara për shkak të luftës, dhe për një kohë të shkurtër një temë diskutimi nga Trumpi – për të vënë në pikëpyetje legjitimitetin e Zelenskyt dhe madje ta rrëzojë atë nga një kandidat më pro-rus.
    3. Ukraina në një farë mënyre i përballon dy vitet e ardhshme
    Në këtë skenar, ndihma ushtarake amerikane dhe evropiane për Ukrainën i ndihmon ata të minimizojnë lëshimet në vijën e frontit në muajt në vijim dhe e shtyn Putinin të kërkojë të flasë, pasi ushtria e tij ka dështuar përsëri të japë rezultate.
    Pokrovsk mund të bjerë dhe fortesat e tjera të Ukrainës lindore mund të kërcënohen, por Ukraina mund të shohë përparimin rus të ngadaltë, siç ka bërë më parë, dhe Kremlini madje mund të ndiejë ndikimin e sanksioneve dhe një ekonomie të mbinxehur.
    Fuqitë evropiane kanë formuluar tashmë plane të avancuara për një “forcë sigurie” që do të vendoset në Ukrainë si pjesë e garancive të sigurisë.
    Këto dhjetëra mijëra trupa evropiane të NATO-s mund të qëndrojnë rreth Kievit dhe qyteteve të tjera të mëdha, duke ofruar ndihmë logjistike dhe inteligjence për Ukrainën ndërsa ajo rindërtohet, dhe duke krijuar një pengesë të mjaftueshme që Moska të vendosë t’i lërë vijat e frontit ashtu siç janë. Kjo është më e mira që Ukraina mund të shpresojë.
    4. Katastrofë për Ukrainën dhe NATO-n
    Putini mund t’i shihte saktë çarjet në unitetin perëndimor pas një samiti me Trumpin që përmirëson marrëdhëniet SHBA-Rusi, por e lë Ukrainën të kujdeset vetë për veten.
    Evropa mund të bëjë çmos për të mbështetur Kievin, por të dështojë në ndryshimin e ekuilibrit pa mbështetjen amerikane.
    Putini mund të shohë që fitimet e vogla në lindje të Ukrainës të transformohen në shpartallimin e ngadaltë të forcave ukrainase në terrenin e sheshtë dhe të hapur midis Donbasit dhe qyteteve qendrore të Dnipros, Zaporizhzhisë dhe kryeqytetit.
    Mbrojtja ukrainase mund të jetë e dobët dhe kriza e fuqisë punëtore ushtarake e Kievit shndërrohet në një katastrofë politike kur Zelensky kërkon mobilizim më të gjerë për të mbështetur mbrojtjen e vendit.
    Siguria e Kievit duket përsëri në rrezik. Forcat e Putinit lëvizin përpara. Fuqitë e Evropës vlerësojnë se do të ishte më mirë të luftonin Rusinë në Ukrainë sesa më vonë brenda territorit aktual të Bashkimit Evropian.
    Por udhëheqësve të Evropës në fund të fundit u mungon mandati politik për t’u bashkuar me një luftë për tokë brenda Ukrainës. Putini ecën përpara. NATO nuk arrin të japë një përgjigje të unifikuar.
    Ky është makthi i Evropës, por është tashmë fundi i një Ukraine sovrane.
    5. Fatkeqësi për Putinin, një përsëritje e sovjetikëve në Afganistan
    Rusia mund të gabojë, duke shpenzuar mijëra jetë ushtarësh në javë, për përfitime relativisht të vogla, dhe duke parë sanksionet të shkatërrojnë aleancën e tij me Kinën dhe të ardhurat nga India.
    Rezervat financiare të fondit sovran të pasurisë së Moskës mund të ulen dhe të ardhurat e saj të bien.
    Mospajtimi midis elitës së Moskës mund të rritet për mënyrën se si Kremlini ka shpërfillur pengesat diplomatike në luftën e saj të zgjedhur, në favor të kokëfortësisë ushtarake dhe një konflikti të paqëndrueshëm me NATO-n.
    Trump bëhet një palaço e çalë dhe fokusi i SHBA-së pas zgjedhjeve të mesit të mandatit kthehet në normat tradicionale të politikës së jashtme të kundërshtimit të Moskës dhe mbështetësit të saj Pekinit.
    Në këtë skenar, Kremlini mund të përballet me një moment ku rezistenca e tij ndaj shqetësimeve banale të realitetit dhe vështirësive ekonomike të popullit të vet, bëhet toksike.
    Llogaritje të ngjashme të dobëta politike mbështetën pushtimin e Afganistanit nga sovjetikët, i cili në fund të fundit ishte i pafrytshëm, në një tjetër luftë të zgjedhur.
    Momente të ngjashme të dobësisë së papritur të Kremlinit kanë dalë tashmë në luftën e Ukrainës, si kur shoku i besuar i Putinit, Yevgeny Prigozhin, duket se është përpjekur të udhëheqë një revoltë jetëshkurtër në kryeqytet.
    Putini është i fortë në sipërfaqe, derisa të duket i brishtë, dhe pastaj mund të ekspozohet si kritikisht i dobët. Kjo i ka ndodhur më parë si Rusisë sovjetike ekspansioniste, ashtu edhe Putinit.
    Problemi me këtë skenar është se ai mbetet shpresa më e mirë e strategëve perëndimorë, të cilët nuk mund ta pranojnë as hyrjen e plotë të NATO-s në luftë për të ndihmuar Ukrainën të fitojë, as aftësinë e Kievit për ta shtyrë Moskën prapa ushtarakisht./CNN

  • Si rusët e bënë “të padukshëm” Kremlinin gjatë Luftës së Dytë Botërore

    Si rusët e bënë “të padukshëm” Kremlinin gjatë Luftës së Dytë Botërore

    Gjatë konfliktit të Bashkimit Sovjetik me Gjermaninë naziste gjatë Luftës së Dytë Botërore, shumë nga qytetet e tyre u shndërruan në gërmadha. Ndërtesat dhe objektet me rëndësi historike dhe kulturore ose u shkatërruan ose u vodhën. Megjithatë, në mënyrë të pabesueshme, Kremlini mbijetoi.

    Ai u godit nga mbi 150 bomba fosfor gjatë tetë sulmeve ajrore. Megjithatë Kremlini nuk ra kurrë.

    Si arritën sovjetikët të mbanin një strukturë kaq të madhe dhe të çmuar larg rrezikut?

    recommended by

    Kremlini dhe beteja me gjermanët

    Kremlini është një kompleks i madh i fortifikuar në qendër të Moskës, dhe shërben gjithashtu si rezidenca zyrtare e presidentit të Federatës Ruse. Muret e saj mbresëlënëse u ndërtuan në fund të shekullit të 15-të dhe përfshijnë disa nga arkitekturat më të pabesueshme në botë.

    Megjithëse zona është gjithashtu shtëpia e disa prej ndërtesave më të fuqishme dhe më të rëndësishme politike. Si zemra e qytetit dhe një simbol i fuqishëm i fuqisë ruse dhe sovjetike, është një vend jashtëzakonisht domethënës dhe i vlefshëm. Si rezultat, mbajtja e tij e sigurt gjatë Luftës së Dytë Botërore ishte e një rëndësie të madhe.

    Nga viti 1938 deri në vitin 1953, Nikolai Spiridonov shërbeu si komandant i Kremlinit. Spiridonov kishte shqetësime për sigurinë e vendndodhjes sapo filloi lufta dhe i dërgoi një mesazh Komisarit Popullor për Punët e Brendshme dhe Lavrentiy Beria.

    Pas kësaj, Beria filloi punën për “fshehjen” e Kremlinit. Megjithatë, fshehja e kalasë prej 2,960,000 metrash katrorë nuk ishte punë e thjeshtë. Përveç sipërfaqes së tij të madhe, Kremlini përmbante ndërtesa me lartësi të ndryshme, duke përfshirë kullën Troitskaya rreth 80m.

    Më 22 korrik 1941, frika për sigurinë e Kremlinit u justifikua kur një bombë gjermane 250 kg u përplas në Pallatin e Kremlinit. Për fat të mirë, bomba nuk shpërtheu, por theksoi nevojën për të mbrojtur kompleksin.

    Të gjitha çatitë në Kremlin janë lyer me ngjyrë kafe të errët, me ngjyrë ndryshku, për t’i bërë ato të ngatërrohen me çatitë e tjera të Moskës nga ajri. Zonat aktuale të Kremlinit, shumica e të cilave ishin me kalldrëm, ishin të mbuluara me rërë, ndërsa tendat e lyera që të dukeshin si çatitë ishin vendosur mbi kopshtet e kompleksit, raporton abcnews.al.

    Edhe vetë kullat ishin të lyera me ngjyra të ndryshme dhe të mbuluara me struktura druri. Mauzoleumi i Leninit ishte veçanërisht i rëndësishëm, kështu që trupi i tij u transportua larg nga Moska gjatë luftës dhe mauzoleumi u fsheh nga një tendë e madhe prej druri.

    Ndërsa shumica në Kremlin u përpoqën sa më shumë për ta mbrojtur atë, pjesa tjetër e Moskës ishte ende e pambrojtur. Popullsia e qytetit prej afro 5 milionë banorësh filloi punë për ndërtimin e mbrojtjeve dhe fortifikimeve.

    Fatmirësisht shumë prej tyre u trajnuan për mbrojtjen civile para luftës, kështu që kur disa vite më vonë erdhi koha për të mbrojtur qytetin, ata ishin të përgatitur. Qindra mijëra qytetarë ndërtuan pengesa, barrikada dhe ura mbrojtjeje. Madje jashtë qytetit u ndërtuan dy linja mbrojtëse.

    Puna përfshinte shtimin e ndërtesave false në të gjithë qytetin për “maskimin” e atyre reale. Zonat e pabanuara u mbushën me rrugë dhe ndërtesa false, ndërsa ato reale u mbuluan për t’u dukur si dhe nga ajri.

    Strukturat e rreme prej druri të ndërtuara për t’u ngjasuar shtëpive dhe ndërtesave nga ajri u vendosën në autostradën e Leningradit. Në një rast kamuflazhi mbrojtës u përdor për ta bërë Teatrin Bolshoi të dukej si një varg ndërtesash të zakonshme apartamentesh.

    Për të mbrojtur fabrikat, kopjet e rreme të karbonit u krijuan dhe u ngritën në zona shumë larg nga ku ishin në të vërtetë, ndërsa origjinalet ishin të kamufluara. Në tetor 1941, me afrimin e forcave gjermane, Stalini urdhëroi që qeveria të evakuonte qytetin.

    Kjo shkaktoi një panik të menjëhershëm brenda popullatës së përgjithshme, e cila në mënyrë të dëshpëruar u përpoq të largohej nga qyteti, duke mbushur vagonët e trenave dhe duke ngadalësuar përpjekjet e evakuimit.

    Stalini njoftoi se do të qëndronte në qytet, gjë që qetësoi situatën. Por gjermanët, hasën një qytet të përgatitur dhe të fortifikuar. Ajo që ata prisnin të ishte një fitore me avull u ngadalësua në një luftë rrënimi, një luftë që ata nuk do ta fitonin kurrë./ Përktheu: abcnews.al

  • Moska dridhet/ Kremlini pranon: Nëndetëset amerikane janë operative

    Moska dridhet/ Kremlini pranon: Nëndetëset amerikane janë operative

    Kremlini konfirmon se nëndetëset bërthamore amerikane janë tashmë operative pranë Rusisë, në përgjigje të tensioneve të fundit mes dy vendeve.

    Presidenti amerikan Trump njoftoi vendosjen e dy nëndetëseve në “zona të përshtatshme” pranë Rusisë, ndërsa Ukraina ka shpallur alarm ajror për rrezik nga raketat pas ngritjes së një avioni luftarak rus MiG-31K.

    Gjatë natës, Rusia ka interceptuar 61 dronë ukrainas që hynin në territorin e saj, ndërsa një person u vra në sulmin rus në rajonin Kherson të Ukrainës.

    Në anën tjetër, zyrtarët rusë vazhdojnë kontaktet me përfaqësues amerikanë, duke mos përjashtuar një takim të mundshëm mes Putinit dhe përfaqësuesve të SHBA-së.

    Ambasadori rus: “Nuk duhet t’i besojmë Italisë”

    “Dy viruse të rinj kanë zëvendësuar Covid-in brenda elitave italiane: rusofobia dhe ukrofilia, që po marrin forma veçanërisht agresive”. Kështu deklaroi ambasadori rus në Itali, Alexei Paramonov, në një intervistë për gazetën Izvestia, duke shtuar se Rusia “nuk duhet t’u besojë aspak bashkëbiseduesve zyrtarë italianë”.

    “Në përgjithësi – tha Paramonov – udhëheqja italiane mbetet plotësisht e mbyllur ndaj kontakteve zyrtare me palën ruse në të gjitha nivelet” dhe drejtuesit italianë “nuk lodhen kurrë së përsërituri, fjalët mbi besnikërinë ndaj NATO-s dhe gatishmërinë për të zbatuar gjithçka që vjen nga kjo organizatë agresive dhe shkatërruese”.

    Kjo përfshin edhe rritjen e shpenzimeve ushtarake deri në 5% të PBB-së, që “për Italinë do të thotë një katastrofë e vërtetë ekonomike”. “Autoritetet – vijon ambasadori – nuk rreshtin së thëni se kjo duhet bërë për të qenë të gatshëm të zmbrapsin një pushtim rus”, por “kjo është një gënjeshtër e pastër”.

    “Nga autoritetet italiane – vazhdon Paramonov – dëgjojmë vazhdimisht deklarata qetësuese që Italia nuk është në luftë me Rusinë, që nuk do të dërgojë personel ushtarak në territorin ukrainas në zonat e luftimeve dhe nuk lejon autoritetet ukrainase të përdorin armët e dhuruara për të goditur thellë në Federatën Ruse”.

    Por, në realitet, Moska nuk mund t’u besojë shumë këtyre fjalëve sepse prej vitesh “vendet e Perëndimit kolektiv, përfshirë Italinë, kanë tentuar të paraqesin qëndrimet dhe veprimet e tyre në një dritë më të mirë dhe më miqësore nga sa janë në të vërtetë”. Për këtë arsye, përfundon diplomati, “tani nuk duhet t’u besojmë aspak bashkëbiseduesve tanë zyrtarë italianë”.

    Kremlini: “Putin gati të takojë Zelenskyn pas punës përgatitore”

    Moska ndaj SHBA-ve: “Duhet kujdes me deklaratat për çështjet bërthamore”

    “Moska i trajton me kujdes deklaratat që lidhen me çështjet bërthamore dhe mendon se të gjithë duhet të jenë të kujdesshëm në këtë temë”. Kështu deklaroi zëdhënësi i Kremlinit, Dmitry Peskov, i cituar nga agjencia Ria Novosti, në lidhje me njoftimin e presidentit amerikan Donald Trump për dërgimin e dy nëndetëseve bërthamore në zonat “më afër” Rusisë.

    Trump-Medvedev, Kremlini: “Për politikën e jashtme vendos Putini”

    Kremlini deklaroi se, për çështjet e politikës së jashtme, duhet t’i kushtohet vëmendje deklaratave të presidentit Vladimir Putin dhe jo zyrtarëve të tjerë. Kështu u shpreh për shtypin zëdhënësi i Kremlinit, Dmitry Peskov, duke komentuar përplasjen në rrjetet sociale mes presidentit amerikan Donald Trump dhe nënkryetarit të Këshillit të Sigurisë ruse, Dmitry Medvedev.

    “Gjithçka që ka rëndësi, padyshim, është qëndrimi i presidentit Putin. Në vendin tonë, politika e jashtme përcaktohet nga kreu i shtetit”, theksoi Peskov, i pyetur nëse Kremlini do t’i kërkojë Medvedevit të zbusë tonet e deklaratave të tij në lidhje me politikën e jashtme.

    “Në çdo vend, anëtarët e lidershipit kanë pikëpamje të ndryshme mbi çështjet aktuale. Ka figura me qëndrime shumë, shumë të ashpra edhe në SHBA dhe në vendet evropiane, kështu që kjo është gjithmonë kështu”, vuri në dukje zëdhënësi.

    Kremlini: “E qartë që nëndetëset amerikane janë tashmë operative”

    “Është e qartë që nëndetëset amerikane janë tashmë në shërbim operacional, sepse është një proces në zhvillim”, deklaroi sot zëdhënësi i Kremlinit, Dmitri Peskov. Presidenti amerikan Donald Trump njoftoi të premten se kishte urdhëruar vendosjen e dy nëndetëseve bërthamore në “zona të përshtatshme” si përgjigje ndaj deklaratave të fundit të Dmitri Medvedevit, nënkryetar i Këshillit të Sigurisë së Rusisë.

    “Në këtë rast, është e qartë që nëndetëset amerikane janë tashmë operative. Është një proces që po vazhdon”, u tha Peskov gazetarëve, duke komentuar deklaratën e presidentit amerikan. “Kjo situatë nuk përbën një përshkallëzim, thjesht po diskutohen tema të ndjeshme dhe disa njerëz i perceptojnë ato në mënyrë shumë emocionale”, shtoi zëdhënësi i Putinit.

    Kremlini: “Kontaktet me Witkoff gjithmonë të dobishme”. Nuk përjashtohet takim me Putinin këtë javë

    Kontaktet e udhëheqjes ruse me të dërguarin special amerikan Steve Witkoff janë gjithmonë “të rëndësishme, domethënëse dhe shumë të dobishme”. Kështu deklaroi zëdhënësi i Kremlinit, Dmitry Peskov, pasi presidenti amerikan Donald Trump njoftoi se Witkoff pritet të jetë në Moskë të mërkurën ose të enjten.

    Trump: “Nëndetëset amerikane ndodhen tashmë në rajon”

    Donald Trump deklaroi dje se nëndetëset bërthamore amerikane “janë tashmë në rajon”, dy ditë pas njoftimit se Pentagoni po i poziciononte ato afër Rusisë. Lajmin e raporton gazeta The Hill. “Kam dhënë tashmë një deklaratë dhe përgjigja është po, ndodhen në rajonin ku duhet të jenë,” tha Trump për mediat gjatë kthimit të tij në Washington, kur u pyet nëse nëndetëset ishin dislokuar tashmë.

    Kiev: “Rrezik nga raketat, alarm ajror në të gjithë Ukrainën”

    Gjendja e alarmit ajror u shpall në të gjithë Ukrainën për shkak të ngritjes së një MiG-31K nga Rusia, raporton Ukrinform. “E gjithë Ukraina është në rrezik raketor! Është regjistruar ngritja e një MiG-31K,” njoftoi Forca Ajrore e Kievit në Telegram.

    Rusia: “Gjatë natës janë ndërprerë 61 dronë ukrainas”

    Sistemet e mbrojtjes ajrore të Rusisë kanë ndërprerë 61 dronë ukrainas që ishin futur në territorin rus gjatë natës. Sipas agjencisë ruse Tass, sulmi shkaktoi një zjarr në një stacion treni në rajonin e Volgogradit, në jug të vendit, por nuk pati dëme të tjera. Sulmi, sipas Tass, kishte në shënjestër edhe struktura të tjera energjetike dhe të transportit.

    Ukrainë: Sulm rus në Kherson, një i vdekur

    Një burrë 46-vjeçar humbi jetën në një bombardim rus në Antonivka, në rajonin e Khersonit. Lajmin e bëri të ditur përmes Telegram-it kreu i administratës ushtarake rajonale të Khersonit, Oleksandr Prokudin.

  • Trump afat Rusisë për luftën në Ukrainë, Kremlini: Sanksionet s’na bëjnë përshtypje

    Trump afat Rusisë për luftën në Ukrainë, Kremlini: Sanksionet s’na bëjnë përshtypje

    Kremlini tha të martën se po vazhdon të monitorojë deklaratat e Presidentit të SHBA-së Donald Trump në lidhje me sanksionet kundër Moskës, por Rusia është bërë imune ndaj masave të tilla, të cilat i ka përjetuar prej kohësh.

    Presidenti Trump tha të martën se Shtetet e Bashkuara do të fillojnë të vendosin tarifa dhe masa të tjera ndaj Rusisë brenda 10 ditësh nëse Moska nuk bën përparim drejt përfundimit të luftës në Ukrainë, e cila ka vazhduar për më shumë se tre vjet e gjysmë.
    “Kemi jetuar nën barrën e shumë sanksioneve për një kohë mjaft të gjatë, ekonomia jonë po operon nën shumë kufizime”, u tha gazetarëve zëdhënësi i Kremlinit, Dmitry Peskov.

    “Ndërkohë, sigurisht, kemi zhvilluar njëfarë imuniteti ndaj kësaj çështjeje dhe vazhdojmë të marrim në konsideratë të gjitha deklaratat që vijnë nga Trump dhe përfaqësues të tjerë ndërkombëtarë mbi këtë çështje”, tha ai./vizionplus.tv