Lajmidites.com

Tag: kredi

  • Dashnor Sula: Mbi 65 vjeç s’të japin kredi në bankë, ne i japim partinë një 81-vjeçari!

    Dashnor Sula: Mbi 65 vjeç s’të japin kredi në bankë, ne i japim partinë një 81-vjeçari!

    Ish-deputeti i Partisë Demokratike, Dashnor Sula, ka reaguar ashpër mbi situatën e brendshme të opozitës, duke e krahasuar atë me kriteret e bankave për dhënien e kredive.
    Në një intervistë për TemA, Sula u shpreh se një person mbi 65 vjeç nuk mund të marrë kredi në bankë, ndërkohë që sipas tij, opozita i ka besuar drejtimin një 81-vjeçari.

    Sipas ish-deputetit, demokracia funksionon vetëm kur qeveria ka përballë një opozitë të fortë, e cila e kontrollon dhe e denoncon. Por ai shtoi se aktualisht kjo balancë mungon, duke e lënë hapësirë arrogancës dhe korrupsionit të qeverisë.
    “Një qeveri e mirë, e përgjegjshme është kur ka përballë një opozitë të fortë, që e kontrollon, që e denoncon,” theksoi Sula, “kurse një qeveri bëhet arrogante, bëhet e korruptuar, ka përballë një opozitë të mbaruar. Kaq thjeshtë është.”
    Në fund, ai paralajmëroi se pa një opozitë funksionale, natyra njerëzore e pushtetit do të shpjerë drejt abuzimit.

  • Sula: Mbi 65 vjeç s’të japin kredi në bankë, ne i japim partinë një 81-vjeçari

    Sula: Mbi 65 vjeç s’të japin kredi në bankë, ne i japim partinë një 81-vjeçari

    Ish-deputeti i Partisë Demokratike, Dashnor Sula, ka reaguar ashpër mbi situatën e brendshme të opozitës, duke e krahasuar atë me kriteret e bankave për dhënien e kredive.
    Në një intervistë për TemA, Sula u shpreh se një person mbi 65 vjeç nuk mund të marrë kredi në bankë, ndërkohë që sipas tij, opozita i ka besuar drejtimin një 81-vjeçari.
    Sipas ish-deputetit, demokracia funksionon vetëm kur qeveria ka përballë një opozitë të fortë, e cila e kontrollon dhe e denoncon. Por ai shtoi se aktualisht kjo balancë mungon, duke e lënë hapësirë arrogancës dhe korrupsionit të qeverisë.
    “Një qeveri e mirë, e përgjegjshme është kur ka përballë një opozitë të fortë, që e kontrollon, që e denoncon,” theksoi Sula, “kurse një qeveri bëhet arrogante, bëhet e korruptuar, ka përballë një opozitë të mbaruar. Kaq thjeshtë është.
    Në fund, ai paralajmëroi se pa një opozitë funksionale, natyra njerëzore e pushtetit do të shpjerë drejt abuzimit.
     

  • Von der Leyen paralajmëron sanksione të reja ndaj Rusisë dhe kredi të re për Ukrainën

    Von der Leyen paralajmëron sanksione të reja ndaj Rusisë dhe kredi të re për Ukrainën

    Presidentja e Komisionit Evropian, Ursula von der Leyen, shpalosi të mërkurën në Parlamentin Evropian një vizion të gjerë mbi sfidat dhe prioritetet e Bashkimit Evropian, duke dhënë një vështrim të parë në raundin e ardhshëm të sanksioneve kundër Rusisë dhe duke propozuar një kredi të posaçme dëmshpërblimi për Ukrainën.

    Në fjalimin 73-minutësh mbi Gjendjen e Bashkimit Evropian, von der Leyen trajtoi një numër të madh çështjesh, nga migracioni i parregullt dhe fatkeqësitë natyrore, deri tek dezinformimi në internet dhe tranzicioni i gjelbër. Por ishte agresioni rus ndaj Ukrainës që zuri qendërvëmendjen.

    “Evropa është në një luftë – një luftë për një kontinent të tërë dhe në paqe”, deklaroi ajo, duke e bërë të qartë se mbështetja për Kievin mbetet prioritet absolut.

    Sanksione të reja ndaj Rusisë

    Von der Leyen njoftoi se paketa e 19-të e sanksioneve të BE-së do të synojë “flotën në hije” që Rusia përdor për të shmangur kufizimet mbi naftën, si dhe vendet e treta që ndihmojnë në anashkalimin e masave. Ajo paralajmëroi se Komisioni po shqyrton mundësinë e përshpejtimit të heqjes graduale të energjisë ruse, pavarësisht se plani ekzistues parashikon ndalimin e plotë të blerjeve deri në vitin 2027.

    Kjo lëvizje lidhet ngushtë me presionin e shtuar nga administrata e Donald Trump, e cila kërkon që aleatët evropianë të ndërpresin plotësisht varësinë nga energjia ruse dhe të aplikojnë tarifa të forta ndaj vendeve si Kina dhe India, që janë klientët kryesorë të Moskës.

    “Ne jemi të gatshëm të ndërmarrim masa të forta kundër Rusisë, por partnerët tanë evropianë duhet të bashkohen plotësisht me ne”, tha sekretari amerikan i Thesarit, Scott Bessent, pas një takimi në Uashington me përfaqësues të BE-së.

    Kredi e posaçme për Ukrainën

    Një nga propozimet më të rëndësishme të von der Leyen lidhet me përdorimin e aseteve të ngrira ruse. BE-ja mban mbi 210 miliardë euro të Bankës Qendrore të Rusisë, të cilat aktualisht gjenerojnë fitime të papritura. Këto fonde, sipas saj, do të shfrytëzohen për të garantuar një “Kredi Dëmshpërblimi” për Ukrainën, duke e lehtësuar vendin nga barrët buxhetore dhe kostot e rindërtimit.

    “Asetet vetë nuk do të preken dhe rreziku do të ndahet kolektivisht. Ukraina do ta shlyejë kredinë vetëm pasi Rusia të paguajë dëmshpërblimet”, theksoi von der Leyen.

    Aleanca e dronëve dhe ndihma ushtarake

    Përveç mbështetjes financiare, presidentja e Komisionit njoftoi krijimin e një programi të ri ushtarak – “Avantazh Ushtarak Cilësor” – i cili do të investojë në kapacitetet që i nevojiten ushtrisë ukrainase. Një element tjetër është “Aleanca e Dronëve” mes BE-së dhe Ukrainës, që do të fuqizohet me 6 miliardë euro nga kredia e G7-ës.

    “Ukraina ka zgjuarsinë. Ajo që i duhet tani është shkalla. Dhe së bashku, ne mund ta sigurojmë atë”, tha ajo.

    Mbështetje politike dhe humanitare

    Von der Leyen foli gjithashtu për kthimin e fëmijëve ukrainas të rrëmbyer nga forcat ruse, duke paralajmëruar një samit të posaçëm për këtë çështje. Presidenti ukrainas Volodymyr Zelenskyy reagoi menjëherë, duke falënderuar BE-në për mbështetjen dhe duke e cilësuar atë vendimtare për sigurinë e të gjithë kontinentit.

    “Siguria e Ukrainës është siguria e Evropës. Së bashku – Ukraina, Evropa, SHBA-ja, G7 – mund të arrijmë paqe të qëndrueshme dhe të garantuar”, tha Zelenskyy.

  • Pse shqiptarët po marrin më shumë kredi? Ja si përgjigjet Banka e Shqipërisë

    Pse shqiptarët po marrin më shumë kredi? Ja si përgjigjet Banka e Shqipërisë

    Në një intervistë për emisionin “Aldo Morning Show” në Tv Klan, Drejtori i Departamentit të Stabilitetit Financiar (DSF) në Bankën e Shqipërisë, Klodian Shehu, dha një pasqyrë të thelluar mbi tendencat e fundit në sektorin e kreditimit në vend. Ai konfirmoi se gjatë periudhës së fundit, ka pasur një rritje të dukshme të numrit të kredive të marra nga shqiptarët, me një përqendrim të veçantë në kreditë për individët dhe familjet.
    Sipas Shehut, kontributi kryesor në këtë rritje i përket kredive për blerje shtëpie, të cilat përbëjnë pothuajse dy të tretat e totalit të kredive të marra nga individët. Ai theksoi gjithashtu se normat e interesit kanë pësuar një ulje të ndjeshme gjatë kësaj periudhe, duke krijuar një klimë më të favorshme për marrjen e kredive, sidomos në lekë.
    Pyetja që shumë shqiptarë po i bëjnë vetes është nëse është momenti i duhur për të marrë kredi. Drejtori Shehu thekson se, sa i takon normave të interesit, kushtet janë në nivelet më të ulëta historike, duke e bërë marrjen e kredisë një opsion të favorshëm për shumë familje dhe individë që planifikojnë investime në pasuri të paluajtshme apo projekte të tjera personale.
    Aldo: A është e vërtetë që në shqiptarët po marrin më shumë kredi se më parë?
    Klodian Shehu: Është e vërtetë, të paktën me të dhënat që kemi ne dhe analizat që bëjmë ka një rritje të numrit të kreditimit dhe kontributin kryesor në këtë rritje e jep kredia për individët, kredia për familjet, por dhe kredia për bizneset.
    Aldo: Në bazë të informacioneve që ke, për çfarë arsyesh e marrin më shumë njerëzit kredinë?
    Klodian Shehu: Kredia që merret më shumë aktualisht, është kredia për blerje shtëpie. Megjithatë ka kredi për natyra dhe qëllime të ndryshme që marrin individët. Por, kredia për blerje shtëpie është gati 2/3 e gjithë kredisë që marrin individët.
    Aldo: Janë ulur vërtet interesat?
    Klodian Shehu: Kredia që japin bankat në përgjithësi është kredi në lek dhe kredi në valutë. Pjesa më e madhe është kredi në lekë, normat e interesit në përgjithësi kanë ardhur në rënie si për lekun ashtu edhe për valutën. Aktualisht norma e interesit për kredinë në lekë është diku tek 7-7.2%, ndërsa për kredinë në valutë është disi më e ulët. Megjithatë në kredinë për blerje shtëpish, mesatare, është rreth 3.8-4% dhe është më e ulët se sa norma e kredisë për valutën.
    Aldo: A ja vlen që të marrësh tani në këto momente një kredi?
    Klodian Shehu: Kjo është një pyetje që është pak e vështirë për t’iu përgjigjur me po ose jo. Duke u nisur vetëm nga niveli i normës së interesit, mund të thuhet që situata apo kushtet për të marrë një kredi tani janë të përshtatshme, sepse norma e interesit tani mund të themi që ka qenë në nivelet më të ulëta që ka qenë ndonjëherë për lekun, por edhe për valutën.

  • “Ka emra shumë interesantë”, çfarë deklaroi Kryemadhi në SPAK?

    “Ka emra shumë interesantë”, çfarë deklaroi Kryemadhi në SPAK?

    Monika Kryemadhi, është paraqitur sot, 1 shtator, në ambientet e Prokurorisë së Posaçme AntiKorrupsion (SPAK). Në një prononcim për mediat, Kryemadhi deklaroi se po përballet me akuza absurde, të cilat lidhen me një kredi të marrë në vitin 2010.
    “Vepra penale, qoftë për mua apo për mamanë time, quhet pse unë kam marrë një kredi në vitin 2010 dhe kjo kredi qenka e paligjshme, edhe pse ajo është shlyer për 4-5 vjet, ndërkohë që mamaja ime e ka shlyer për 9 muaj. Ka një analizë financiare nga SPAK, por kemi edhe ne tonën. Personi që ka bërë analizën nuk është ekspert, ndërsa i yni është i licencuar nga Ministria”, u shpreh Kryemadhi.
    Ajo shtoi se nga ana e prokurorëve sheh “shpërdorim detyre dhe tejkalim kompetencash, përpos diskriminimit dhe intimidimit të dëshmitarëve”. Kryemadhi nënvizoi se emrat e përfshirë në këtë çështje janë “shumë interesantë”, duke aluduar për prapaskena më të thella politike e juridike.
    Kujtojmë se më 29 gusht, Prokuroria e Posaçme ka çuar në gjyq ish-presidentin e vendit Ilir Meta dhe Kryemadhin, ndaj të cilëve rëndojnë tre akuza, atë të korrupsionit, pastrimit të parave dhe mosdeklarimit të pasurisë.
    Për dyshimet se kanë ndihmuar në pastrimin e parave, në gjyq është çuar edhe Fatime Kryemadhi, nëna e Monika Kryemadhit dhe Ema Çoku. SPAK thotë se hetimet për Metën dhe Kryemadhin kanë zbuluar disa skema korrupsioni dhe përdorimi të pushtetit politik. Tanimë pritet që Gjykata e Posaçme AntiKorrupsion të caktojë këtë muaj një seancë paraprake për të shqyrtuar kërkesën e SPAK.

  • “Ka emra shumë interesantë”, çfarë deklaroi Monika Kryemadhi në SPAK?

    “Ka emra shumë interesantë”, çfarë deklaroi Monika Kryemadhi në SPAK?

    Monika Kryemadhi, është paraqitur sot, 1 shtator, në ambientet e Prokurorisë së Posaçme AntiKorrupsion (SPAK).
    Në një prononcim për mediat, Kryemadhi deklaroi se po përballet me akuza absurde, të cilat lidhen me një kredi të marrë në vitin 2010.
    “Vepra penale, qoftë për mua apo për mamanë time, quhet pse unë kam marrë një kredi në vitin 2010 dhe kjo kredi qenka e paligjshme, edhe pse ajo është shlyer për 4-5 vjet, ndërkohë që mamaja ime e ka shlyer për 9 muaj. Ka një analizë financiare nga SPAK, por kemi edhe ne tonën. Personi që ka bërë analizën nuk është ekspert, ndërsa i yni është i licencuar nga Ministria”, u shpreh Kryemadhi.
    Ajo shtoi se nga ana e prokurorëve sheh “shpërdorim detyre dhe tejkalim kompetencash, përpos diskriminimit dhe intimidimit të dëshmitarëve”.
    Kryemadhi nënvizoi se emrat e përfshirë në këtë çështje janë “shumë interesantë”, duke aluduar për prapaskena më të thella politike e juridike.
    Kujtojmë se më 29 gusht, Prokuroria e Posaçme ka çuar në gjyq ish-presidentin e vendit Ilir Meta dhe Kryemadhin, ndaj të cilëve rëndojnë tre akuza, atë të korrupsionit, pastrimit të parave dhe mosdeklarimit të pasurisë.
    Për dyshimet se kanë ndihmuar në pastrimin e parave, në gjyq është çuar edhe Fatime Kryemadhi, nëna e Monika Kryemadhit dhe Ema Çoku.
    SPAK thotë se hetimet për Metën dhe Kryemadhin kanë zbuluar disa skema korrupsioni dhe përdorimi të pushtetit politik.
    Tanimë pritet që Gjykata e Posaçme AntiKorrupsion të caktojë këtë muaj një seancë paraprake për të shqyrtuar kërkesën e SPAK.

  • Turizmi e ndërtimi më pak kredi! Bizneset morën 19.1 miliardë lekë nga bankat, bujqësia vijon keqfinancimin

    Turizmi e ndërtimi më pak kredi! Bizneset morën 19.1 miliardë lekë nga bankat, bujqësia vijon keqfinancimin

    Për likuiditet apo edhe investime, bizneset kanë marrë më shumë kredi për të zhvilluar aktivitetin e tyre në 7 muajt e parë të vitit. 19.1 miliardë lekë morën hua korporatat jofinanciare private vetëm në muajin korrik sipas të dhënave të Bankës së Shqipërisë.

    Por ndalur sipas sektorëve të shfaqet një panoramë e ndryshme, me bizneset të cilat vijojnë të financohen nga bankat dhe të tjera të cilat pësojnë tkurrje të vazhdueshme.

    Më shumë kredi në vendin tonë ka marrë sektori i tregtisë, në 8.5 miliardë lekë vetëm 1 muaj më parë, ndërsa financimin më të lartë me hua e përfitoi në fillim të sezonit veror.

    Ndërkohë, një ndikim pozitiv në rritjen e portofolit të kredisë për biznese ka dhënë edhe sektori i industrisë, ritmet e rritjes së të cilit rikthyen në terren pozitiv kontributin e këtij sektori. Brenda këtij sektori është dega e industrisë përpunuese, e cila fitoi më shumë financim nga bankat me 2.7 miliardë lekë, pasuar nga ajo nxjerrëse 488 milionë lekë, një rritje e ndjeshme krahasuar me të njëjtën periudhë të një viti më parë.

    Më shumë kredi kanë përfituar dhe aktivitetet e pasurive të paluajtshme si dhe informacioni dhe komunikacioni.

    Sektorët të cilët kanë pësuar rënie të kreditimit dhe më të keqfinancuarit janë edhe më të shumtë. Ndërtimi ndonëse një nga kontribuuesit më kryesor në rritjen ekonomike të vendit, ka pësuar një tkurrje me 34% të huasë duke zbritur në 2.1 miliardë lekë. Ndërsa edhe kredia për sektorin e turizmit ka pësuar rënie. Bizneset e akomodimit dhe shërbimit ushqimor kanë përfituar 1.2 miliardë lekë kredi, rënie në krahasim mujor ndërsa vjetor një rritje e lehtë.

    Bujqësia vijon të jetë një ndër sektorët më të keqfinancuar edhe pse në të punon rreth 40% e popullsisë. 188 milionë lekë janë dhënë kredi në muajin korrik nga 207 milionë lekë në korrik 2024.

     

  • Më pak kredi turizmi e ndërtimi! Bizneset morën 19.1 miliardë lekë hua nga bankat, bujqësia vijon keqfinancimin

    Më pak kredi turizmi e ndërtimi! Bizneset morën 19.1 miliardë lekë hua nga bankat, bujqësia vijon keqfinancimin

    Për likuiditet apo edhe investime, bizneset kanë marrë më shumë kredi për të zhvilluar aktivitetin e tyre në 7 muajt e parë të vitit. 19.1 miliardë lekë morën hua koorporatat jofinanciare private vetëm në muajin korrik sipas të dhënave të Bankës së Shqipërisë.

    Por ndalur sipas sektorëve të shfaqet një panoramë e ndryshme, me bizneset të cilat vijojnë të financohen nga bankat dhe të tjera të cilat pësojnë tkurrje të vazhdueshme.
    Më shumë kredi në vendin tonë ka marrë sektori i tregtisë, në 8.5 miliardë lekë vetëm 1 muaj më parë, ndërsa financimin më të lartë me hua e përfitoi në fillim të sezonit veror.
    Ndërkohë, një ndikim pozitiv në rritjen e portofolit të kredisë për biznese ka dhënë edhe sektori i industrisë, ritmet e rritjes së të cilit rikthyen në terren pozitiv kontributin e këtij sektori. Brenda këtij sektori është dega e industrisë përpunuese, e cila fitoi më shumë financim nga bankat me 2.7 miliardë lekë, pasuar nga ajo nxjerrëse 488 milionë lekë, një rritje e ndjeshme krahasuar me të njëjtën periudhë të një viti më parë.
    Më shumë kredi kanë përfituar dhe aktivitetet e pasurive të paluajtshme si dhe informacioni dhe komunikacioni.
    Sektorët të cilët kanë pësuar rënie të kreditimit dhe më të keqfinancuarit janë edhe më të shumtë. Ndërtimi ndonëse një nga kontribuesit më kryesor në rritjen ekonomike të vendit, ka pësuar një tkurrje me 34% të huasë duke zbritur në 2.1 miliardë lekë. Ndërsa edhe kredia për sektorin e turizmit ka pësuar rënie. Bizneset e akomodimit dhe shërbimit ushqimor kanë përfituar 1.2 miliardë lekë kredi, rënie në krahasim mujor ndërsa vjetor një rritje e lehtë.
    Bujqësia vijon të jetë një ndër sektorët më të keqfinancuar edhe pse në të punon rreth 40% e popullsisë. 188 milionë lekë janë dhënë kredi në muajin korrik nga 207 milionë lekë në korrik 2024.

    Top Channel

  • Raporti/ Bie me 37% kredia për blerje banese në korrik, bankat tregohen ‘dorështrënguara’ pas kufizimeve të BSH-së

    Raporti/ Bie me 37% kredia për blerje banese në korrik, bankat tregohen ‘dorështrënguara’ pas kufizimeve të BSH-së

    Vendimi i Bankës së Shqipërisë për të kufizuar vlerën e kredive për banesave, u reflektua menjëherë në muajin e parë që hyri në fuqi. Pas muajve në rritje, vlera e kredive për blerje banese ka shënuar rënie në korrik. Bankat dhanë 27.4 milionë euro më pak kredi për shtëpi

    ***
    Epoka e kredive sa 90% apo 100% e vlerës së pronës duket se mbaroi! Menjëherë pas hyrjes në fuqi të vendimit të Bankës së Shqipërisë për kufizimin e huave me qëllim blerje banese, vlera e huasë ka rënë me 37% nga muaji qershor në muajin korrik.

    Në total në korrik bankat kanë aprovuar vetëm 46.6 milionë euro kredi të reja për blerje banese, me rënie prej 27.4 milionë euro krahasuar me muajin qershor po të këtij viti, kur u miratuan gati 74 milionë euro kredi për të blerë banesë.

    Më 1 korrik në të gjithë sektorin bankar nisi zbatimi i vendimit të Këshillit Mbikëqyrës të Bankës së Shqipërisë që kufizon kredidhënien për blerje banese në disa tavane.

    85% të vlerës së pronës mund të financojë banka nëse është banesë e parë dhe huaja kërkohet në lekë, dhe për këtë kësti mujor nuk mund të jetë më shumë se 40% e të ardhurave të kredimarrësit.

    Ndërsa për shtëpinë e dytë e në vijim kredia ulet në 80% të vlerës së saj dhe kësti maksimumi sa 35% e të ardhurave mujore.

    Pra kur banesa kushton 100 mijë euro, nëse kredia kërkohet në lekë, banka të financon maksimumi 85 mijë euro me kredi. Ndërsa kësti mujor varet tërësisht nga e ardhura mujore, nëse është 1000 euro në muaj, kësti do jetë maksimumi 400 euro. Duke limituar këstin mujor të kredimarrësit, ulet edhe vlera e kredisë pasi maksimumi shlyerjes së saj është 30 vite.

    Kurse për huatë në monedhë të huaj, financimi për banesën e parë ulet në 75% dhe kësti mujor 35%, ndërsa për shtëpinë e dytë e në vijim kredia mbulon vetëm 70% të vlerës që ka prona dhe kësti jo më shumë se 30% të ardhurave mujore të kredimarrësit.

    Ky kufizim u bë sipas bankave për të kthyer në normalitet çmimet e pronave pasi gjykohet se shtrenjtimi i tyre është mbështetur edhe nga rritja e shpejtë e kredisë për blerjen e tyre, por edhe për të mbrojtur vetë bankat nga ekspozimi i lartë në sektorin e pasurive të paluajtshme.

    KREDIA PËR BLERJE BANESE

    Qershor 2025        74 mln euro

    Korrik 2025       46.6 mln euro

    Rënia                -27.4 mln euro

    TAVANET PËR BLERJE BANESE (KREDI NË LEKË)

    Banesa 1            85% kredi

    Kësti i kredisë     deri 40% e të ardhurave

    Banesa 2 +        80% kredi

    Kësti i kredisë      deri 35% e të ardhurave

    TAVANET PËR BLERJE BANESE (KREDI NË VALUTË)

    Banesa 1                75% kredi

    Kësti i kredisë      deri 35% e të ardhurave

    Banesa 2 +            70% kredi

    Kësti i kredisë      deri 30% e të ardhurave

     

  • “Hotele që kanë marrë kredi”/ Ekspertja e ekonomisë: Turizmi solli numër të madh vizitorësh, por jo fitime për…

    “Hotele që kanë marrë kredi”/ Ekspertja e ekonomisë: Turizmi solli numër të madh vizitorësh, por jo fitime për…

    Ekspertja e ekonomisë, Romina Radonshiqi, në një intervistëtelevizive, tha se pavarësisht rritjes së numrit të turistëve, bizneset e sektorit janë të pakënaqura për shkak të të ardhurave të ulëta dhe qëndrimit të shkurtër të vizitorëve.
    “Nëse flasim për sezonin turistik në fakt strukturat akomoduese, ato të cilat janë zonat bregdetare dhe të themi që kanë investuar sepse ne kemi një të dhënë që është rritja e kreditimit dhe kjo rritje sidomos nga aspekti i biznesit, një pjesë e mirë e kreditimit është rritur për shkak dhe vetë të turizmit, pra bare restorante, struktura akomosuese pra hotele të cilët kanë marr kredi dhe kanë investuar për të rifreskuar apo rimodeluar sipas standarteve të ballkanit perëndor.
    Çështja është që janë munduar të investohen në turizëm qoftë në burim njerëzor, qoftë në trajnime të burimeve njerëzore, si aspekt shumë i rëndësishëm, por edhe në vetë investime fizike për të pasur atë akomoditeti.
    Të gjitha bizneset që merren me turizëm janë të pakënaqur. Pra, dukej sikur ky vit do të ishte një boom turistësh. Sipas statistikave kemi një numër të madh turistësh por çështja është se tipologjia e turistëve në Shqipëri janë të tipit me nivel të ulët të ardhurash, së dyti me pak ditë qëndrimi dhe një pjesë e mirë e tyre janë përqëndruar në disa atraksione turistike, siç mund të jetë për shembull vetë tirana dhe më pas turistët e huaj, zgjedhin të bëjnë turizëm ditor në një qytet, duke u larguar nga një qytet në një tjetër”, u shpreh Radonshiqi.