Lajmidites.com

Tag: kredi

  • Më shumë kredi për shtëpi, ekspertët: Qytetarët interesohen për të blerë banesa, tregu mbetet aktiv

    Më shumë kredi për shtëpi, ekspertët: Qytetarët interesohen për të blerë banesa, tregu mbetet aktiv

    Çmimet në rritje si dhe as masat kufizuese nga ana e Bankës së Shqipërisë duket se nuk i kanë privuar shumë qytetarët në vendimin e tyre për të blerë një shtëpi me kredi.

    Të dhënat e bankës qendrore tregojnë se për muajin tetor kredia për shtëpi arriti në 4.7 miliardë lekë, një rritje me 35% krahasuar me të njëjtën periudhë të një viti më parë.
    Është kredia për individët, duke përfshirë edhe segmentin më të madh të saj, kredinë për shtëpi që po jep kontributin kryesor në rritjen e kredisë për ekonominë gjatë këtij viti.
    “Shifrat e muajit tetor tregojnë se aplikimet për kredi nuk janë ndikuar ndjeshëm nga masat. Familjet që përmbushin kriteret vijojnë normalisht procesin e blerjes së banesës”, shprehet ekspertja e ekonomisë, Romina Radonshiqi.
    Në 10 muaj kredia për banesa në 2025 arriti vlerën më të lartë në 5-vjecarin e fundit me 54.7 mld lekë. Këtë ecuri ekspertët e tregut e lidhin me kërkesën e lartë për strehim të qytetarëve.
    “Është e rëndësishme të vlerësohen tendencat në muajt në vijim për të parë nëse masat do të kenë efekt dhe si do të reagojë tregu i huamarrjes”, shton Radonshiqi.
    Banka e Shqipërisë vendosi tavan kredisë ndaj vlerës në monedhën Lekë në 85% për shtëpinë e parë dhe 80% për shtëpinë e dytë, ndërsa në valutë të huaj 75% për shtëpinë e parë dhe 70% për shtëpinë e dytë. Këto masa FMN I vlerësoi të duhura dhe sugjeroi vijim e përhershëm të tyre.

    Top Channel

  • “Zhbllokoni asetet e ngrira ruse”- Ukraina kërkesë BE: Na duhet një kredi për luftën kundër Rusisë

    “Zhbllokoni asetet e ngrira ruse”- Ukraina kërkesë BE: Na duhet një kredi për luftën kundër Rusisë

    Zyrtarët paralajmërojnë se Ukraina ka ende nevojë të madhe për mbështetje të mëtejshme financiare nga aleatët.
    Sipas mediave të huaja, Kievi i ka bërë një thirrje të re BE-së që të zhbllokojë miliarda dollarë asete të ngrira ruse dhe t’i përdorë ato për të financuar një kredi në mbështetje të luftës së saj kundër Rusisë.
    Kjo kërkesë vjen pasi Ukraina siguroi një miratim paraprak për 8.2 miliardë dollarë (6.19 miliardë paund) nga Fondi Monetar Ndërkombëtar (FMN) për të ndihmuar vendin të ruajë stabilitetin makroekonomik dhe të forcojë financat publike.
    Pavarësisht programit, Ministria e Financave e Ukrainës thotë se nevoja për “financim të jashtëm në kohë dhe në shkallë të gjerë” mbetet “kritike”.
    Ministri i Jashtëm ukrainas, Andrii Sybiha u ka bërë thirrje partnerëve të Ukrainës në BE që të miratojnë zhbllokimin e aseteve të ngrira ruse. Ai thotë se ato mund të përdoren për të financuar një kredi prej 140 miliardë eurosh (105.69 miliardë paund).
    Sybiha u thotë gazetarëve:
    “Është e rëndësishme për ne të marrim një rezultat pozitiv në lidhje me kredinë e dëmshpërblimit, pra është përdorimi aktual i aseteve të ngrira ruse.”
    Ai shton se është gjithashtu jetike që iniciativa PURL, përmes së cilës aleatët e NATO-s blejnë armë dhe pajisje amerikane për Ukrainën, të zgjerohet.

  • “Investoni në projekte që të keni përfitime”/ Si “fallxhorja” mashtronte qytetarët në Australi, përfitoi 46 mln dollarë nga parashikimet e rreme

    “Investoni në projekte që të keni përfitime”/ Si “fallxhorja” mashtronte qytetarët në Australi, përfitoi 46 mln dollarë nga parashikimet e rreme

    Policia australiane ka arrestuar një nënë dhe vajzën e saj, të cilat akuzohen për një mashtrim financiar nga komuniteti vietnamez në Australi, duke i mashtruar ata për një shumë prej 46 milionë dollarësh australianë.

    Të dyshuarat janë një pjesë e një sindikate të sofistikuar kriminale që operon në pastrim parash dhe mashtrime financiare.
    Arrestimi i dyshes u bë në Sydney, në një rezidencë të luksit në Dover Heights. Policia sekuestroi pasuri të shumta gjatë arrestimeve, përfshirë një shufër ari 40 gramëshe, çanta luksoze, dhe dokumente financiare që lidhin dyshen me aktivitetet e paligjshme. Hetimet janë zgjeruar, me sekuestrimin e aseteve të tjera që arrijnë deri në 60 milionë dollarë australianë.
    Sipas hetimeve, nëna, e cila ishte një fallxhore dhe mjeshtër i feng shui-t, përdorte ndikimin e saj në komunitetin vietnamez për të bindur viktimat të merrnin kredi, duke premtuar se ata do të bëheshin miliarderë në të ardhmen.
    Dyshimet janë se viktimat, shpesh njerëz të papërgatitur financiarisht, u futën në borxhe për të investuar në projekte të pasigurta, me shpresën se do të merrnin ndihmën e një “miliarderi” që kishte parashikuar fallxhorja.
    Ky rast ka zënë përmasa të mëdha, pasi operacioni “Strike Force Myddleton” ka zbuluar një sindikatë të përfshirë në mashtrime të gjera me kredi për makina luksoze dhe pastrimin e parave. Hetuesit besojnë se grupi përdorte identitete të vjedhura për të marrë kredi për makina që nuk ekzistonin, dhe për të blerë prona të shtrenjta në Sydney.
    Policia pret arrestime të tjera, duke përfshirë profesionistë të ndryshëm si avokatë, kontabilistë dhe zhvillues të pasurive.
     

    Top Channel

  • Kredi apo qira? Eksperti i pronave: Çmimet në Tiranë nuk pasqyrojnë realitetin! Kujdes nga investimi i pallateve në gropë

    Kredi apo qira? Eksperti i pronave: Çmimet në Tiranë nuk pasqyrojnë realitetin! Kujdes nga investimi i pallateve në gropë

    Teksa çmimi i banesave vijon të rritet dhe po të njëjtën kurbë po ndjek edhe çmimi i qirave, për qytetarët është bërë tepër e vështirë të marrin një vendim nëse duhet të marrin kredi për të blerë një banesë apo të qëndrojnë me qira.
    Eksperti i pasurive të paluajtshme, Armand Shkëmbi, në emisionin “Mirëmngjes Shqipëri” në RTSH, shprehet se tregu i banesave në Tiranë ndodhet në një fazë të tejngopur, ku çmimet nuk pasqyrojnë realisht fuqinë blerëse të shqiptarëve, por janë rezultat i një deformimi të tregut. Sipas tij, në kryeqytet ka rreth 70 mijë apartamente bosh, çka ka ndikuar drejtpërdrejt në mbajtjen e çmimeve të larta si në shitje, ashtu edhe në qira.
    “Tiranën nuk e shoh aq pozitive në 5 vitet e ardhshme, pasi e ka arritur kulmin e vet dhe është e mbingopur me ndërtime. Deri tani ka rreth 70 mijë apartamente bosh, dhe kjo është një nga arsyet pse çmimet janë kaq të larta në shitje dhe qira. Nëse politika ndërhyn me iniciativa që motivojnë pronarët e apartamenteve bosh t’i nxjerrin në treg për qira ose shitje, për shembull duke taksuar më shumë pronën e dytë, atëherë nuk do të kishim arsye për këtë nivel të lartë çmimesh. Pagat tona nuk janë në nivelin për të përballuar këto çmime. Çmimet në Tiranë nuk pasqyrojnë realisht ekonominë e shqiptarëve, por një deformim të tregut, ku kemi një volum të jashtëzakonshëm pronash të blera që qëndrojnë të mbyllura me çelës bosh. Rreth 40% e popullsisë shqiptare jeton në emigracion, dhe një pjesë e tyre ka investuar në Tiranë duke blerë prona. Por minimumi duhet t’i fusin në treg, qoftë edhe me qira, sepse kjo do ta çlironte shumë tregun,” thekson Shkëmbi.
    Shkëmbi u bën thirrje qytetarëve që të tregojnë kujdes me investimet në pallate ende në ndërtim, të njohura ndryshe si “gropa ndërtimi”, pasi sipas tij, ky është një investim me risk të lartë.
    “Nuk u sugjeroj njerëzve që spekulojnë dhe investojnë në gropa ndërtimi me idenë se do të rriten çmimet. Duhet të tregojnë kujdes. Ata që blejnë për banim ose për ta dhënë me qira janë në rregull, por një numër i konsiderueshëm shqiptarësh kanë zbuluar “trendin” e futjes së lekëve në pallate ende në ndërtim me idenë se do të fitojnë kur ndërtesa të përfundojë. Një pjesë e mirë ia ka dalë t’i shesë me fitim, por kjo është me rrezik. Çfarë ndodh këtu? Potencialisht, firma ndërtuese mund të falimentojë, ndërtimi mund të mos përfundojë, ose mund të ketë luhatje ekonomike dhe ti mund të mbetesh brenda me lekët e tua. Nëse firma e ndërtimit ofron kredi në bashkëpunim me bankat, kjo është ndryshe, por unë nuk jam për spekulimin, sidomos kur njerëzit nuk janë të vetëdijshëm për riskun. Shprehja “hajde t’i fusim lekët në gropë se ndoshta na del më mirë” është shumë e rrezikshme”, paralajmëroi ai.
    Eksperti thekson se në rastet kur ndërtuesi bashkëpunon me banka për kredi, rreziku është më i ulët, por megjithatë, sipas tij, “spekulimi pa ndërgjegjësim për riskun është shumë i rrezikshëm.”
    Sipas Shkëmbit, çmimet e apartamenteve në kryeqytet janë “të kripura”, duke bërë që shumë familje të reja të zgjedhin qiranë, e cila gjithashtu është rritur ndjeshëm për shkak të kërkesës së lartë.
    “Çdo çift i ri që ka mundësi të marrë kredi, duhet ta bëjë këtë. Në kulturën tonë nuk e kemi shumë qejf kredinë sepse na duket si borxh, por sot jetojmë në kohën e marrjes së kredisë bankare. Rreth 55% e njerëzve në Tiranë dhe në të gjithë vendin marrin kredi për të blerë shtëpi, përgjithësisht të rinjtë,” — sqaron Shkëmbi.
    Ai këshillon që kredia të merret në lekë, pasi euro ka luhatje dhe kjo mund të ndikojë në koston përfundimtare që përballon konsumatori. Në lidhje me preferencat e blerësve, Shkëmbi tregon se shqiptarët po bëhen më kërkues dhe më të kujdesshëm.
    “Shqiptarët kanë filluar të rrisin kërkesat për një shtëpi. Nëse më parë zgjidhnin vetëm sipas metrit katror ose zonës, tani kanë kërkesa të tjera. Deri dje nuk kërkonin post parkimi, ndërsa sot është një nga nevojat më të rëndësishme. Një tjetër kërkesë është afërsia me shkollën e fëmijëve për lehtësi në përditshmëri. Ka zona të Tiranës, si Astiri, që ende nuk kanë shkolla të mjaftueshme. Liqeni mbetet ndër zonat më të kërkuara nga njerëzit që duan të shëtisin dhe të ecin në natyrë”, tha ai.
    Zona më e shtrenjtë për të banuar mbetet sheshi “Skënderbej” dhe ish-Blloku, ku çmimet variojnë nga 3,500 deri në 4,000 euro për metër katror.
    “Zona më e shtrenjtë për të banuar është sheshi “Skënderbej” dhe Blloku, ku çmimet shkojnë nga 3,500 deri në 4,000 euro për metër katror. Është më mirë që kredia të merret në lekë, pasi euro ka luhatje. Ka ndikuar pak rënia e euros, sepse kostoja e punës së ndërtuesve është në lekë dhe rritja e saj i transferohet apartamentit, pra konsumatorit final”, tha ai.
    Në lidhje me trendin e ardhshëm të tregut, Shkëmbi vlerëson se qytetet bregdetare do të jenë më tërheqëse për banim.
    “Kërkesa nuk vjen vetëm nga shqiptarët vendas, por edhe nga ata në emigrim, si dhe nga qytetarë të Kosovës, Maqedonisë së Veriut dhe Europës Qendrore,” tha ai.

  • Shqiptarët nuk ndalen/ Bankat ‘mbyten’ nga kërkesat e kredive për blerje banesash

    Shqiptarët nuk ndalen/ Bankat ‘mbyten’ nga kërkesat e kredive për blerje banesash

    Kredia për shtëpi ka vazhduar rritjen gjatë tremujorit të tretë të vitit, pavarësisht nisjes së aplikimit të masave kufizuese të Bankës së Shqipërisë.
    Statistikat e Bankës Qendrore tregojnë se në tremujorin e tretë, sektori bankar dha gjithsej rreht 13.8 miliardë lekë kredi të re për blerjen e banesave, me një rritje prej 16% krahasuar me të njëjtën periudhë të vitit të kaluar.
    Të dhënat progresive të 9-mujorit tregojnë se vlera e kredisë për blerje banesash ka arritur një rekord të ri historik për këtë vit. Gjatë nëntë muajve, sektori bankar disbursoi gjithsej 50 miliardë kredi, 27% më shumë krahasuar me të njëjtën periudhë të vitit 2024.
    Portofoli aktiv total në fund të shtatorit arriti vlerën e 236 miliardë lekëve. Krahasuar me një vit më parë, ky portofol është zgjeruar me pothuajse 18%.
    Kredia për individët, duke përfshirë edhe segmentin më të madh të saj, kredinë për shtëpi, po jep kontributin kryesor në rritjen e kredisë për ekonominë gjatë këtij viti.
    Që prej 1 korrikut të këtij viti, bankat janë të detyruara të respektojnë disa kritere të administrimit të rrezikut, konkretisht për treguesit “Raporti i kredisë ndaj vlerës” (përqindja e çmimit të blerjes së banesës që banka merr përsipër të financojë nëpërmjet kredisë) dhe “Raporti i shërbimit të borxhit ndaj të ardhurave” (raportin mes këstit ose kësteve të kredisë për prona ndaj të ardhurave të huamarrësve).
    Raporti tavan i kredisë ndaj vlerës në monedhën Lekë do të jetë 85% për shtëpinë e parë dhe 80% për shtëpinë e dytë, ndërsa në valutë të huaj 75% për shtëpinë e parë dhe 70% për shtëpinë e dytë.
    Raporti i shërbimit të borxhit ndaj të ardhurave për kreditë në Lekë do të jetë në nivelin 40% për shtëpinë e parë dhe 35% për shtëpinë e dytë. Në valutë të huaj, niveli tavan do të jetë 35% për shtëpinë e parë dhe 30% për shtëpinë e dytë.
    Sipas Bankës së Shqipërisë, zbatimi i këtyre kufijve do të mundësojë uljen e rrezikut të dështimit të huamarrësve dhe pakësimin e humbjeve bankare të lidhura me këto kredi, si pasojë e zhvillimeve eventuale të pafavorshme në çmimet e pronave të paluajtshme ose në kuadrin makroekonomik të vendit.
    Në fakt, kritere të ngjashme janë aplikuar gjithmonë nga bankat në politikat e tyre të brendshme, por megjithatë në vitet e fundit është vërejtur një rritje e rasteve kur bankat kanë ofruar kredi në tejkalim të kufijve të mësipërm./Monitor

  • Masat kufizuese nuk e frenuan rritjen e kredisë për shtëpi në tremujorin e parë të aplikimit

    Masat kufizuese nuk e frenuan rritjen e kredisë për shtëpi në tremujorin e parë të aplikimit

    Kredia për shtëpi ka vazhduar rritjen gjatë tremujorit të tretë të vitit, pavarësisht nisjes së aplikimit të masave kufizuese të Bankës së Shqipërisë.Statistikat e Bankës Qendrore tregojnë se në tremujorin e tretë, sektori bankar dha gjithsej rreht 13.8 miliardë lekë kredi të re për blerjen e banesave, me një rritje prej 16% krahasuar me të njëjtën periudhë të vitit të kaluar.Të dhënat progresive të 9-mujorit tregojnë se vlera e kredisë për blerje banesash ka arritur një rekord të ri historik për këtë vit. Gjatë nëntë muajve, sektori bankar disbursoi gjithsej 50 miliardë kredi, 27% më shumë krahasuar me të njëjtën periudhë të vitit 2024.Portofoli aktiv total në fund të shtatorit arriti vlerën e 236 miliardë lekëve. Krahasuar me një vit më parë, ky portofol është zgjeruar me pothuajse 18%.Kredia për individët, duke përfshirë edhe segmentin më të madh të saj, kredinë për shtëpi, po jep kontributin kryesor në rritjen e kredisë për ekonominë gjatë këtij viti.Që prej 1 korrikut të këtij viti, bankat janë të detyruara të respektojnë disa kritere të administrimit të rrezikut, konkretisht për treguesit “Raporti i kredisë ndaj vlerës” (përqindja e çmimit të blerjes së banesës që banka merr përsipër të financojë nëpërmjet kredisë) dhe “Raporti i shërbimit të borxhit ndaj të ardhurave” (raportin mes këstit ose kësteve të kredisë për prona ndaj të ardhurave të huamarrësve).Raporti tavan i kredisë ndaj vlerës në monedhën Lekë do të jetë 85% për shtëpinë e parë dhe 80% për shtëpinë e dytë, ndërsa në valutë të huaj 75% për shtëpinë e parë dhe 70% për shtëpinë e dytë.Raporti i shërbimit të borxhit ndaj të ardhurave për kreditë në Lekë do të jetë në nivelin 40% për shtëpinë e parë dhe 35% për shtëpinë e dytë. Në valutë të huaj, niveli tavan do të jetë 35% për shtëpinë e parë dhe 30% për shtëpinë e dytë.Sipas Bankës së Shqipërisë, zbatimi i këtyre kufijve do të mundësojë uljen e rrezikut të dështimit të huamarrësve dhe pakësimin e humbjeve bankare të lidhura me këto kredi, si pasojë e zhvillimeve eventuale të pafavorshme në çmimet e pronave të paluajtshme ose në kuadrin makroekonomik të vendit.Në fakt, kritere të ngjashme janë aplikuar gjithmonë nga bankat në politikat e tyre të brendshme, por megjithatë në vitet e fundit është vërejtur një rritje e rasteve kur bankat kanë ofruar kredi në tejkalim të kufijve të mësipërm.Burimi: Banka e ShqipërisëKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • 11 milionë lekë kredi “gllabërojnë” dy shtëpi! Vajza vë duart në kokë, babai s’e prish gjakun

    11 milionë lekë kredi “gllabërojnë” dy shtëpi! Vajza vë duart në kokë, babai s’e prish gjakun

    Anjeza, e cila gjendet përballë të atit, Fatmirit në “Shihemi në Gjyq” në “E Diela Shqiptare” në Tv Klan, kërkon të dijë ç’po ndodh me shtëpinë e saj. Ajo e ka blerë këtë shtëpi, e ka rinovuar dhe tani po përpiqet ta shesë, por rezulton që prona është e bllokuar për shkak të një kredie. Bëhet fjalë jo vetëm për këtë shtëpi, por edhe për shtëpinë e prindërve.

    Ajo tregon se në vitin 2009 ka firmosur si garantuese për të atin për një kredi prej 5000 eurosh. Prej viti 2014, Anjeza dhe pjesa tjetër e familjes jetojnë në Gjermani, kurse Fatmiri në Shqipëri. Familja i dërgon vazhdimisht para këtij të fundit dhe sipas Anjezës, mendohej se kredia ishte shlyer. Sipas asaj që tregon Fatmiri, e vërteta është krejt ndryshe.

    Fatmir: Kam marrë një kredi, jo një, po dy kam marrë. Në atë kohë kisha një lokal.

    Eni Çobani: Më fal tani, ke marrë një apo dy se ka ndryshim të madh, vajza ka ardhur për një.

    Anjeza: Si dy kredi, si? Si dy kredi? Çfarë janë këto dy kredi? Nuk di unë të kesh marrë dy kredi ti.

    Fatmir: Rri aty!

    Anjeza: Si, znj. Eni, dy kredi?

    Eni Çobani: Po tani ti po e dëgjoj babain pra, ka marrë dy kredi, pra ka marrë një 5 milionë dhe një tjetër, çfarë?

    Fatmir: Edhe një 2 milionësh.

    Anjeza: Si?!

    Fatmir: I kam marrë.

    Anjeza: Znj. Eni, unë jam në dijeni vetëm për 5000 euro, 5 milionë lekë, kam hyrë garant te ky zotëria.

    Eni Çobani: Po, je dorëzanë për babin, apo jo?

    Anjeza: Po, për ta ndihmuar të rregullojë atë restorant.

    Eni Çobani: Në çfarë viti?

    Anjeza: Në 2009.

    Eni Çobani: Historia fillon në 2009, je në 2025.

    Anjeza: Ua, ua!

    Kur Fatmiri pyetet për shumën totale të kredisë së dytë, pretendon se nuk është më shumë se 4-5 milionë lekë, por Eni Çobani e vendos para fakteve. Sa i përket parave që i ka dërguar familja, Fatmiri nuk e vë ujin në zjarr, thjesht thotë se i ka shpenzuar për të shijuar jetën.

    Eni Çobani: Janë 6 milionë! Në total janë 11 milionë dhe ke që në 2009 që nuk i ke shlyer.

    Anjeza: Babi, si i ke bërë gjithë këto lekë? Ku i ke çuar?

    Fatmir: Ik ore babë atje!

    Anjeza: Si more? Ku do t’i gjejmë gjithë ato? Si na çove në këtë gjendje?

    Fatmir: Shko andej se s’të jap llogari ty!

    Anjeza: Si s’më jep llogari, ke gjithë këto vite që jeton…të sjellim lekë, të sjellim çdo gjë, të futëm në shtëpi. Tani të na marrin edhe shtëpinë?

    Fatmir: Unë kam hall tjetër se na kanë marrë shtëpinë, ti ke hall tjetër tani!

    Anjeza: Ua!

    Fatmir: Unë kam hall tjetër tani, dua të zgjidhet problemi i shtëpisë. Mos zgjidh problemin e lekëve tani!

    Anjeza: Problemin e shtëpisë zgjidhe ti!

    Eni Çobani: Për shtëpinë ka ardhur!

    Fatmir: Ç’më sjell te lekët? Ato lekë i ke prurë, i kam harxhuar e mbaroi!

    Anjeza: Ku i ke çuar ato lekë?

    Fatmir: Vetëm kam qenë unë këtu!

    Anjeza: I harxhove rrugëve?

    Fatmir: Ec, ec, mos më trego mua rrugët!

  • Kredi e butë me garanci sovrane! Deri në 25 mln lekë, fermerët dhe ndërmarrjet mund të aplikojnë në bankë

    Kredi e butë me garanci sovrane! Deri në 25 mln lekë, fermerët dhe ndërmarrjet mund të aplikojnë në bankë

    Fermerët dhe agrobizneset tashmë mund të përfitojnë nga një skemë e re financimi me interes vetëm 2% dhe garanci shtetërore deri në 70% të kolateralit.
    Drejtoresha e Përgjithshme e Agjencisë për Zhvillimin Rural, Ardita Kuçi, tha se kjo kredi synon të mbështesë çdo fermer në ngritjen e një agrobiznesi të qëndrueshëm.
    “Kanë mbetur pothuajse tre javë kohë nga mbyllja e aplikimeve për kredinë e butë me garanci sovrane, pranë bankave të nivelit të dytë dhe kemi marrë një sërë pyetjesh nga fermerët e interesuar për këtë instrument shumë të rëndësishëm financiar që ju vjen në ndihmë agrobizneseve, fermerëve, në kushte të tyre të veprimtarisë. Kushtet kryesorë të kredisë janë një normë interesi me 2 për qind, mbulim kolateral me garanci sovrani 79 për qind, afat shlyerje 3-5 vite si dhe vlerat maksimale e kredisë deri në 25 milion lekë për subjekt për fermer”, tha Kuçi.
    Ajo theksoi se skema përfshin kritere të qarta dhe transparente që duhet të plotësohen gjatë aplikimit. Kuçi shtoi se fermerët që janë pjesë e Skemës Kombëtare mund të përfitojnë gjithashtu deri në 50% grant shtesë. Kjo paketë financiare pritet të nxisë zhvillimin e bujqësisë, agroturizmit dhe produkteve vendase.
    “Po, patjetër që mund të përfitoni për sa kohë përmbushni kriteret e bankës dhe kredia e re përdoret për investime për bujqësi”, nënvizoi drejtoresha e Përgjithshme e Agjencisë për Zhvillimin Rural.
    Aplikimet janë të hapura deri më 20 nëntor 2025 pranë bankave të Nivelit të Dytë. Kredia e Butë me garanci sovrane shihet si një hap i rëndësishëm drejt forcimit të ekonomisë rurale dhe rritjes së prodhimit vendas.

  • Masat kufizuese të BSH japin efektet e para: Qytetarët përballen me vështirësi në marrjen e një kredie

    Masat kufizuese të BSH japin efektet e para: Qytetarët përballen me vështirësi në marrjen e një kredie

    Bankat tregtare kanë hezituar t’i japin kredi qytetarëve gjatë tremujorit të tretë të vitit. Sipas vrojtimit të aktivitetit kreditues të Bankës së Shqipërisë, hezitimi i bankave u pasqyrua në standarde, kushte e terma kreditimi të shtrënguara, si edhe në numër më të lartë refuzimesh për kredi, sidomos në ato për blerjen e banesave.

    Kufizimet e vendosura në korrik të këtij viti nga Banka e Shqipërisë mbi raportin e kredisë ndaj vlerës së disbursuar dhe mbi raportin e shërbimit të borxhit ndaj të ardhurave në kreditë e reja për pasuritë e paluajtshme, u raportuan po ashtu nga bankat si faktorë që vepruan në kahun shtrëngues të standardeve të kreditimit. Për të blerë shtëpinë e parë, bankat tregtare nuk do të jepnin kredi më shumë se 85% të vlerës së banesës. Ndërkohë, për shtëpitë e dyta, bankat tregtare nuk do të jepnin kredi më shumë se 80% të çmimit të banesës. Kësti duhet të jetë 40% e të ardhurave të kredimarrësit për monedhën lekë dhe 35% për monedhën në valutë të huaj.

    Rreziku i perceptuar ndaj kolateralit, aftësia paguese e kredimarrësve dhe zhvillimet aktuale e të pritura në tregun e banesave ndikuan gjithashtu në shtrëngimin e standardeve.

    Për shkak të të ardhurave të disponueshme, historikut të punësimit dhe mungesës së kolateralit, bankat kanë refuzuar më shumë kredi. Megjithatë, edhe kërkesa e qytetarëve për kredi ishte në rënie, si në blerjen e banesave, ashtu edhe në financimin e konsumit.

    Faktorët që sollën rënien e kërkesës për kredi sipas gjykimit të bankave ishin nevojat më të ulëta në financimin për blerjen e banesave, zhvillimet aktuale e të pritura në tregun e banesave, përdorimi i burimeve alternative të financimit dhe kufizimet rregullatore që hynë në fuqi në korrik 2025.

    Në tremujorin e fundit të vitit, bankat presin që kërkesa për kredi të jetë më e ulët në kreditë për blerjen e banesave dhe më e lartë në kreditë konsumatore, me qëllim blerjen e mallrave dhe shërbimeve për konsum vetjak.

    Scan

  • Kredi për shtëpi? Bankat bëhen më të rrepta, qytetarët përballen me refuzime rekord

    Kredi për shtëpi? Bankat bëhen më të rrepta, qytetarët përballen me refuzime rekord

    Bankat tregtare kanë hezituar t’i japin kredi qytetarëve gjatë tremujorit të tretë të vitit. Sipas vrojtimit të aktivitetit kreditues të Bankës së Shqipërisë, hezitimi i bankave u pasqyrua në standarde, kushte e terma kreditimi të shtrënguara, si edhe në numër më të lartë refuzimesh për kredi, sidomos në ato për blerjen e banesave.
    Kufizimet e vendosura në korrik të këtij viti nga Banka e Shqipërisë mbi raportin e kredisë ndaj vlerës së disbursuar dhe mbi raportin e shërbimit të borxhit ndaj të ardhurave në kreditë e reja për pasuritë e paluajtshme, u raportuan po ashtu nga bankat si faktorë që vepruan në kahun shtrëngues të standardeve të kreditimit. Për të blerë shtëpinë e parë, bankat tregtare nuk do të jepnin kredi më shumë se 85% të vlerës së banesës. Ndërkohë, për shtëpitë e dyta, bankat tregtare nuk do të jepnin kredi më shumë se 80% të çmimit të banesës. Kësti duhet të jetë 40% e të ardhurave të kredimarrësit për monedhën lekë dhe 35% për monedhën në valutë të huaj.
    Rreziku i perceptuar ndaj kolateralit, aftësia paguese e kredimarrësve dhe zhvillimet aktuale e të pritura në tregun e banesave ndikuan gjithashtu në shtrëngimin e standardeve.
    Për shkak të të ardhurave të disponueshme, historikut të punësimit dhe mungesës së kolateralit, bankat kanë refuzuar më shumë kredi. Megjithatë, edhe kërkesa e qytetarëve për kredi ishte në rënie, si në blerjen e banesave, ashtu edhe në financimin e konsumit.
    Faktorët që sollën rënien e kërkesës për kredi sipas gjykimit të bankave ishin nevojat më të ulëta në financimin për blerjen e banesave, zhvillimet aktuale e të pritura në tregun e banesave, përdorimi i burimeve alternative të financimit dhe kufizimet rregullatore që hynë në fuqi në korrik 2025.
    Në tremujorin e fundit të vitit, bankat presin që kërkesa për kredi të jetë më e ulët në kreditë për blerjen e banesave dhe më e lartë në kreditë konsumatore, me qëllim blerjen e mallrave dhe shërbimeve për konsum vetjak.