Lajmidites.com

Tag: korrupsionit

  • Meta: Indeksi i Sundimit të Ligjit 2025, përgatitur nga World Justice Project, konfirmon dështimin e thellë të Reformës në Drejtësi

    Meta: Indeksi i Sundimit të Ligjit 2025, përgatitur nga World Justice Project, konfirmon dështimin e thellë të Reformës në Drejtësi

    Nga Ilir Meta-
    Indeksi i Sundimit të Ligjit 2025, përgatitur nga World Justice Project, konfirmon dështimin e thellë të Reformës në Drejtësi dhe “suksesin” e Ramaformës që e ka renditur Shqipërinë edhe pas Vietnamit komunist, sa i përket sundimit të ligjit.

    Shqipëria sot renditet më keq se një dekadë më parë në çdo tregues kryesor, nga lufta kundër korrupsionit, drejtësia penale e civile, nga rendi e siguria, te respektimi i të drejtat themelore, rënia e lirë është evidente.

    Nga vendi i 78-të sa i përket përhapjes së korrupsionit në vitin 2015, tani me krijimin e SPAK-ut jemi në vendin e 105 në botë, duke konfirmuar dështimin e plotë të kësaj strukture në luftën kundër korrupsionit.

    “Sukseset” e Ramaformës përputhen plotësisht me bindjen dhe perceptimin e përgjithshëm të shqiptarëve, të cilët nisur nga kjo situatë e rëndë, gjithmonë e më shumë po largohen nga vendi, në mungesë jo vetëm të shpresës por edhe të drejtësisë.
    Kjo gjendje është alarmante dhe shumë e rëndë sepse drejtësia nuk po funksionon, shteti ligjor është në rënie të lirë dhe pasojat ndihen në çdo aspekt të jetës.
    Shqipëria ka nevojë urgjente për rivendosjen e besimit në drejtësi, barazisë para ligjit dhe ndëshkimin real të korrupsionit në çdo nivel.

  • BE certifikon Vettingun dhe SPAK/ Deklarata në Tiranë, vlerësim për negociatat, politikën e jashtme. Ka edhe detyra

    BE certifikon Vettingun dhe SPAK/ Deklarata në Tiranë, vlerësim për negociatat, politikën e jashtme. Ka edhe detyra

    Rezoluta thjesht e lexuar dhe jo e votuar nga palët për takimin të 20-të të Komitetit Parlamentar të Stabilizim-Asocimit Shqipëri – Bashkimi Europian mbështet ambicien e Shqipërisë për të çuar përpara negociatat e anëtarësimit, e në veçanti ecurinë në hapjen e një numër të grup kapitujve negociues gjatë dymbëdhjetë muajve të fundit, me pritshmërinë për të hapur grupkapitullin e fundit të mbetur përpara përfundimit të vitit.

    Vlerësohet rreshtimi i plotë i Shqipërisë me politikën e jashtme dhe të sigurisë së BE-së.  Rezoluta e vë theksin në avancimin me luftën ndaj korrupsionit dhe krimit të organizuar.
    Demokratja Jorida Tabaku foli për nevojën e avancimit të rrugëtimit europian të Shqipërisë.
    “Ne do të diskutojmë do të debatojmë jemi ballkanas shpeshherë me zë më të lartë me ton më të lartë por për ne rruga europiane është e ardhmja”, u shpreh demokratja Jorida Tabaku.
    Më herët raportuesi për Shqipërinë në Parlamentin Europian Andreas Schieder foli për progres në shtetin ligjor por e vuri theksin në vijimin e luftës me korrupsionit.
    “Është me rëndësi po ashtu hetimi zyrtarëve të lartë për korrupsion që mbetet një problem. Shqipëria ka miratuar strategjinë antikorrupsion e cila duhet përshëndetur. SPAK jashtëzakonisht i pavarur në mënyrën e operimit të vet.  Duhet të pranojmë që  në fund nuk është SPAK-U, që fut njerëzit në burg por gjykatat”, tha Andreas Schieder.
    Gazment Bardhi përpara Eurodeputetëve përsëriti akuzat e përditshme të cilat i artikulon në parlamentin e Shqipërisë për dështim të qeverisë në luftën me korrupsionit.
    ““Sot qeveria shqiptare ka nr. 2 të saj, zv kryeministrja Belinda Balluku një person nën hetim për milionë euro shkelje të barazisë në tendera. Edhe pse është nën hetim vijon të jetë në krahë të Ramës dhe numri 2 i qeverisë. E vështirë të gjesh sukses në këtë qeverisje. Zgjedhjet jo të lira dhe të barabarta. Nuk mund të presësh të luftosh korrupsionit  nga qeveria. Kadastra mos dixhitalizimi e bën të vështirë luftën me korruopsionin”, tha kreu i grupit parlamentar i PD, Gazment Bardhi.
    Shteti së drejtës tha socialisti Ulsi Manja, ka suksese por mbeten shumë sfida përpara.
    “Nuk mund ta bësh Shqipërinë pis siç bën opozita. Ne kemi përgjegjësi të mbyllim kapitujt. Kjo është e matshme”, tha ish-ministri i Drejtësisë, Ulsi Manja.
    114 hetime financiare brenda një viti dhe sekuestrime pronave të krimit. Çdo reformë e jona e matshme dhe e prekshme.
    Ndërsa takimi me eurodeputetët u mbyll me deklaratën e përbashkët të dy bashkëkryetarëve, Balla-Tarkuinio, opozita sqaroi zyrtarisht se nuk u miratua ndonjë deklaratë konsensuale.

    Top Channel

  • BE certifikon Vettingun dhe SPAK: Verbëria e drejtësisë të jetë e aplikueshme tek të gjithë. Kufizoni financimet në zgjedhje

    BE certifikon Vettingun dhe SPAK: Verbëria e drejtësisë të jetë e aplikueshme tek të gjithë. Kufizoni financimet në zgjedhje

    Në ditën e dytë të takimit të 20-të të Komitetit Parlamentar të Stabilizim-Asocimit Shqipëri – Bashkimi Europian është diskutuar për progresin dhe sfidat e institucioneve të shtetit të së drejtës, lufta kundër korrupsionit dhe të gjitha formave të krimit.

    Raportuesi për Shqipërinë në Parlamentin Europian Andreas Schieder foli për progres në shtetin ligjor por e vuri theksin në vijimin e luftës me korrupsionit.
    Andreas Schieder, u shpreh se “Vetingu gjyqtarëve dhe prokurorëve i vështirë por ju çon tek suksesi.
    Verbëria e drejtësisë duhet të jetë e aplikueshme tek të gjithë. Inspektori i drejtësisë aktiv por është i kufizuar. Me rëndësi është që të rriten trajnimet në gjyqësor. Është me rëndësi po ashtu hetimi zyrtarëve të lartë për korrupsion që mbetet një problem.
    Interesant është aplikimi nga qeveria i inteligjencës artificiale.
    Shqipëria ka miratuar strategjinë antikorrupsin e cila duhet përshëndetur. SPAK jashtëzakonisht i pavarur në mënyrën e operimit të vet.
    Duhet të pranojmë që  në fund nuk është SPAK-U, që fut njerëzit në burg por gjykatat. Ka probleme të adresuar në raportin e OSBE ODIHR. Duhen kufizime në financimet e fushatave”.
    Gazment Bardhi përpara Eurodeputetëve përsëriti akuzat e përjavshme të cilat i artikulon në parlamentin e Shqipërisë për dështim të qeverisë në luftën me korrupsionit.
    “E vështirë të gjesh sukses në këtë qeverisje. Zgjedhjet jo të lira dhe të barabarta. Nuk mund të presësh të luftosh korrupsionit  nga qeveria.  Kadastra mos dixhitalizimi e bën të vështirë luftën me korruopsionin”, tha kreu i grupit parlamenatr të PD, Gazment Bardhi.
    Shteti së drejtës, tha socialisti Ulsi Manja, ka suksese, por mbeten shumë sfida përpara. “Nuk mund ta bësh Shqipërinë pis siç bën opozita.  Ne kemi përgjegjësi të mbyllim kapitujt. Kjo është e matshme”, tha Manja.
    114 hetime financiare brenda një viti dhe sekuestrime pronave të krimit. Çdo reformë e jona e matshme dhe e prekeshe.
    Ndërsa Tedi Blushi i PL solli disa shifra nga raportet ndërkombëtare se ku renditet Shqipëria sot në përballjen me korrupsionin dhe krimin e organizuat.
    “100 % përkeqësim drejtësia pas reformës në drejtësi. Me krijimin e SPAK Shqipëria vendi 105 në renditjen e korrupsionit.  Koha për të marrë drejtësi të një shqiptari shkon në 15 vite. Drejtësi e vonuar drejtësi e mohuar me të cilin po përballen shqiptarët”, tha Tedi Blushi.
    Taulant Balla bashkëkryetar i këtij komiteti kundërshtoi qëndrimet e anëtarëve të opozitës në këtë tryezë.

    Top Channel

  • Shqipëria në Zonën e Kuqe të Korrupsionit

    Shqipëria në Zonën e Kuqe të Korrupsionit

    Nga Franci Nuri

    Sot u publikua indeksi « World Justice Project » për vitin 2024/25. Për Shqipërinë verdikti katastrofik i këtij Raporti ndërkombëtar, duhet të na shërbejë si alarm : Drejtësia dhe sistemi gjyqësor janë në krizë të thellë.

    Raporti e thotë qartë: Shqipëria në Zonën e Kuqe të Korrupsionit!

    “Albania ranks 89 out of 142 countries worldwide… Regionally, the country ranks 10 out of 15 in Eastern Europe & Central Asia.”

    “The ‘Absence of Corruption’ indicator positions Albania 107th, placing it in the red zone of corruption.”

    Niveli i korrupsionit tepër i lartë është kthyer në gangrenë për qytetarët Shqiptarë dhe kjo tashmë evidentohet edhe nga raportet serioze ndërkombëtare.

    Shqipëria në zonën e kuqe të korrupsionit !

    Sepse Shqipëria është vendi ku 1km rrugë apo autostradë kushton 3 herë më shtrenjtë kur ndërtohet nga buxheti i Shtetit tonë, por kur fondet vijnë nga donatorët e huaj, çuditësisht po ajo rrugë apo autostradë ndërtohet këtu me çmim 3 herë më të lirë! Ku të ngresh një çerdhe apo të ndërtosh një shkollë, kushton më shumë se në Francë dhe

    Gjermani! Ku litri i karburantit kushton sa në Zvicër, por pagat janë si në Azi.

    Këto janë përfundime të paimagjinueshme për një vend kandidat që pretendon anëtarësim në BE.

    Aty ku ska Drejtësi, nuk ka Shtet ! Dhe pastaj çuditemi nga vrasjet makabre dhe vetëgjyqësia që po rritet dita-ditës në vend…

  • Serbi, pasiguri dhe shtypje në përvjetorin e parë të lëvizjes masive kundër korrupsionit

    Serbi, pasiguri dhe shtypje në përvjetorin e parë të lëvizjes masive kundër korrupsionit

    Vetëm disa ditë para përvjetorit të parë të sulmit me bombë në Novi Sad, ku humbën jetën 16 persona, lëvizja studentore dhe ajo popullore kundër korrupsionit ka bërë thirrje për një demonstratë dhe zgjedhje të parakohshme.

    Megjithëse Serbia ndodhet në një gjendje të paralizuar politike dhe shoqërore, presidenti Aleksandar Vuçiç refuzon idenë e mbajtjes së zgjedhjeve. Ndërkohë, protestat po shtypen gjithnjë e më ashpër nga policia, duke e bërë të pasigurt rezultatin e mobilizimit të paralajmëruar.

    Një marshim simbolik kundër shtypjes dhe korrupsionit në Serbi

    Të nisur nga Novi Pazari, në jug të vendit, një grup studentësh vendosën të arrijnë Novi Sadin, në veri, në këmbë. Janë gjithsej 15 veta, në formë të shkëlqyer fizike – dhe duhet të jenë të tillë për të përshkuar 400 kilometra për 16 ditë, një pjesë e madhe e të cilave kalon nëpër rrugë malore me ngritje e zbritje të vazhdueshme.Të rinjtë priten me entuziazëm kudo ku kalojnë. “Kjo mbështetje e bën ecjen tonë më të lehtë,” shpjegon studenti Enes Džogović në fshatin Mionica, ku banorët lokalë u kishin përgatitur një darkë në mesnatë. “Tashmë nuk ndiejmë më dhimbje apo lodhje,” shton ai.

    Këto marshime, të nisura që në pranverë si simbol i lëvizjes kundër korrupsionit, janë pritur me entuziazëm popullor, duke dëshmuar për pakënaqësinë ndaj presidentit Aleksandar Vuçiç.Në fillim, ato shoqëroheshin nga policia, por reagimi shtetëror është ashpërsuar që nga vera. Studentët nga Novi Pazari nuk morën më asnjë mbështetje policore; në mes të rrugës, ata madje u arrestuan, ndërsa automjetet që i shoqëronin u kontrolluan. Vetëm ndërhyrja e banorëve të një qyteti fqinj bëri që marshimi të vazhdonte.

    Gazetari Zoran Štrika nga Radio 021 në Novi Sad shpjegon:
    “Në fillim policia i injoronte protestuesit, por më pas pati dhunë të organizuar nga mbështetës të pushtetit kundër tyre. Kur qytetarët nisën të pyesnin pse nuk mbroheshin nga policia, kjo u bë një pikë kthese. Në janar, autoritetet shpallën se policia do të mbronte qytetarët. Në mars filloi shtypja policore – me dyshime për përdorim të topit zanor – ndërsa përplasjet e hapura datojnë që nga fundi i qershorit.”

    “Nevoja për të krijuar ndjenjë urrejtjeje”

    Gjatë verës, arrestimet dhe rastet e dhunës policore u shtuan ndjeshëm. Një nga figurat kryesore të lëvizjes studentore, Andrej Tanko, 27 vjeç, u arrestua në gusht pasi gjatë një proteste lagu me pistoletë uji një polic. Ai ndodhet nën arrest shtëpie që prej asaj kohe.

    “Më quajtën terrorist në një media lokale, dhe më pas lajmi u përhap në shtypin kombëtar. Në qershor, kur u bë e qartë se vera nuk do të sillte qetësi për qeverinë, ata filluan të quajnë kundërshtarët ‘terroristë’. Mendoj se donin të krijonin një ndjenjë urrejtjeje ndaj nesh tek një pjesë e popullsisë,” thotë Andrej.

    Të paktën katër studentë të tjerë ndodhen nën arrest shtëpie, ndërsa disa janë në burg. Qindra persona janë arrestuar dhe shumë të tjerë kanë paguar gjoba.

    Sipas Zoran Štrikës, “gjatë dhjetë muajve të parë të protestave, mbi 2,300 persona janë përballur me ligjin – nga ata që morën gjoba për shkelje të vogla, deri te të akuzuarit për vepra penale. Pjesa më e madhe e rasteve është regjistruar pas 28 qershorit, megjithëse numri i protestave ra ndjeshëm pas kësaj date.”

    Përpjekjet për të shuar protestat

    Qeveria po vepron në të gjitha drejtimet për të shtypur protestat. Punonjësit bashkiakë që mbështesin studentët po largohen nga puna. Ministri i Arsimit ka kërcënuar me ndërprerjen e fondeve dhe ngrohjes për universitetet në grevë. Televizioni kryesor i pavarur po përballet me pengesa në transmetim, ndërsa disa drejtues janë zëvendësuar me njerëz pranë pushtetit.

    Në hjimnazin nr. 5 të Beogradit, Ministria e Arsimit ka emëruar një drejtor të përkohshëm për të ndalur protestat në këtë shkollë prestigjioze. Stafi mësimor është ristrukturuar gjerësisht.

    Që nga mesi i tetorit, nxënësit e shkollës së mesme kanë rifilluar bllokimin e shkollës. Kërkesat e tyre janë të qarta: rikthimi i mësuesve të pushuar dhe emërimi i një drejtori jopolitik.Nxënësja Mina thotë: “Që nga 1 shtatori, asgjë s’është normale. Pas katër vitesh shkollë, tani kemi 30 mësues të rinj, shumica pa përvojë. Rreth 30 nga mësuesit tanë të mëparshëm u pushuan nga puna. Sipas meje, kjo është ndëshkim, sepse ata na mbështetën gjatë pushtimit të shkollës para pushimeve verore.”

    Mbështetje nga populli

    Nxënësit kanë mbështetjen e popullsisë lokale, veçanërisht nga “Zbor”, asamble qytetare që organizojnë mbështetjen për protestuesit. Para gjimnazit janë ngritur pika ushqimi dhe pijeve të ngrohta.“Është shumë ftohtë, ndaj përgatis çaj, kafe dhe supë për t’i ngrohur të rinjtë,” thotë një vullnetar. “Do të qëndrojmë gjithë natën, si çdo natë tjetër.”

    Brenda ndërtesës lejohen vetëm nxënësit. Ata kanë organizuar dhoma gjumi dhe hapësira për jetesë, me ndihma që vijnë çdo ditë nga qytetarët – bukë, përhapje, pije, fruta, madje edhe ushqime të gatuara.

    Prindërit i mbështesin fëmijët e tyre, por asnjë mësues nuk është prezent, nga frika e humbjes së vendit të punës.Një prind, Nemanja Milošević, shprehet i zemëruar:
    “Çdo herë që ndonjë mësues kundërshtonte urdhrat e drejtoreshës së përkohshme, pezullohej. Ka pasur shumë presion ndaj fëmijëve dhe përpjekje për të futur politikën në shkollë. Një nga mësuesit e rinj u tha nxënësve se paraardhësi i tij ‘e kishte merituar shkarkimin’ sepse kishte marrë pjesë në protesta.”

    Një marshim simbolik i ri

    Ndërsa situata mbetet e ngrirë, disa studentë po planifikojnë të marrin pjesë në një demonstratë të madhe në Novi Sad më 1 nëntor, duke marshuar në këmbë nga Beogradi. Pritet që rreth 4,500 studentë dhe nxënës të marrin pjesë në këtë marshim simbolik drejt qytetit verior.

    Programi i protestës mbahet në fshehtësi të plotë, ndërsa presidenti Vuçiç pretendon se protestuesit po planifikojnë akte të dhunshme, dhe mediat pro-qeveritare po përhapin teori konspirative për tentativa për “grusht shteti” apo “sulm terrorist”.

    Më 22 tetor, Parlamenti Evropian miratoi një rezolutë me gjuhë të ashpër, ku fajësohen autoritetet serbe për shtypjen e protestave dhe dobësimin e demokracisë. Dokumenti mbron të drejtën e studentëve për të protestuar dhe bën thirrje për zgjedhje të lira – një thirrje që deri më tani është injoruar nga presidenti dhe qeveria serbe. /rfi.fr – Syri.net/ 

  • ‘Askush nuk është mbi ligjin’, Dumani në Gjirokastër, ja mesazhi i fortë që dha për majat e pushtetit

    ‘Askush nuk është mbi ligjin’, Dumani në Gjirokastër, ja mesazhi i fortë që dha për majat e pushtetit

    Kreu i Prokurorisë së Posaçme, Altin Dumani, ka marrë sot pjesë në takimin hyrës të projektit të BE-së për Edukimin dhe Qeverisjen Rajonale “EU4EduGovRegAL” në Universitetin “Eqrem Çabej” në Gjirokastër, financuar nga BE.
    Në takim, Dumani ka mbajtur fjalën e tij para studentëve, ku ka folur për arritjet e SPAK, vlerësimet në raportet ndërkombëtare për luftën ndaj korrupsionit dhe krimit të organizuar dhe ndihmën që i ka dhënë Shqipërisë për të përmirësuar rezultatin në Indeksin Global të Korrupsionit për vitin 2024 të Transparency International.
    Gjatë fjalës së tij, Dumani foli edhe për reformën në drejtësi, ku u shpreh se qëllimi i saj është rritja e pavarësisë së sistemit nga ndikimi politik dhe çlirimi nga korrupsioni. Dumani theksoi se në 6 vite funksionim, SPAK ka arritur të tregojë se askush nuk është mbi ligjin, ku përmendi se janë ngritur akuza ndaj zyrtarëve të lartë publikë, ish-presidentë, ish-kryeministra, ish-ministra, deputetë, gjyqtarë dhe prokurorë.
    Ndër arritjet e rëndësishme të SPAK, ai përmendi goditjen e grupeve të organizuara kriminale. Në fund të fjalës së tij Dumani dha edhe një mesazh për studentët ku tha se puna, profesionalizmi dhe integriteti janë rruga e vetme drejt suksesit të qëndrueshëm. Ai theksoi se ata që vendosin të jenë të ndershëm dhe refuzojnë korrupsionin ndihmojnë në forcimin e drejtësisë dhe e bëjnë më të sigurt rrugën drejt BE-së.
    Fjalimi i plotë:
    Të nderuar përfaqësues të Universitetit “Eqrem Çabej”,Të nderuar profesorë, studentë dhe të ftuar,
    Është kënaqësi për mua të jem sot këtu me ju. Takimet me studentët na japin energji dhe na kthejnë pas në kohë, kur ëndrrat tona ishin më të mëdha se ne. Aktualisht, dua t’ju nxis që të përkushtoheni për t’i realizuar ato, në dobinë tuaj dhe në shërbim të vendit tonë.
    Tema që na ka mbledhur sot është më shumë se një projekt; është një vizion për mënyrën se si duam të jetojmë dhe të kontribuojmë për një shoqëri më të drejtë, të ndershme dhe të denjë për familjen europiane.
    Reforma në drejtësi, e mbështetur dhe koordinuar edhe me partnerët tanë ndërkombëtarë u realizua përmes ndryshimeve thelbësore kushtetuese, ligjore dhe institucionale.
    Qëllimi i kësaj reforme është rritja e pavarësisë të sistemit, veçanërisht nga ndikimi politik, dhe çlirimi i tij nga korrupsioni dhe paaftësia.
    Në cilësinë e Drejtuesit të Strukturës së Posaçme, unë përfaqësoj një institucion, që të gjithë e njohin gjerësisht me akronimin e tij SPAK, i përbërë nga Prokuroria e Posaçme dhe Byroja Kombëtare e Hetimit. Kjo strukturë ka në qendër luftën kundër korrupsionit dhe krimit të organizuar. Ne jemi përpjekur të ndërtojmë një model të bazuar në profesionalizëm, integritet dhe transparencë.
    Në fillim në Prokurorinë e Posaçme, ishim vetëm tetë prokurorë që vinin nga Prokuroria e Krimeve të Rënda. Vitin e kaluar, numri i prokurorëve u plotësua dhe sot jemi 20 prokurorë të posacëm. Gjatë këtyre gjashtë viteve të para jemi përpjekur që vec punës sonë hetimore të ndihmojmë edhe ngritjen dhe konsolidimin e  institucionit.
    Byroja Kombëtare e Hetimit – Pjesë e SPAK është një strukturë e posaçme, e specializuar e Policisë Gjyqësore që heton veprat penale në juridiksionin penal të Prokurorisë së Posaçme. Deri tani ka 60 hetues që punojnë në këtë strukturë dhe ngushtësisht me prokurorët e posaçëm.
    Gjithashtu kemi edhe sektorin e hetuesve financiare, me 12 hetues.
    Veprimtaria e SPAK është vlerësuar në Progres Raportin e Komisionit Evropian për vitin 2024, për rezultatet në luftën kundër korrupsionit të zyrtarëve të lartë, krimit të organizuar dhe mbrojtjen e interesave financiare të Bashkimit Evropian.
    Roli i SPAK ka ndihmuar Shqipërinë të përmirësojë rezultatin e saj me pesë pikë në Indeksin Global të Korrupsionit për vitin 2024, të Transparency International.
    Në vetëm gjashtë vite funksionim, SPAK ka arritur të zbatojë në praktikë parimin se askush nuk është mbi ligjin.
    Janë ngritur akuza të rëndësishme ndaj zyrtarëve të lartë publikë, ish-presidentë, ish-kryeministra, ish-ministra, deputetë, gjyqtarë dhe prokurorë, duke treguar se drejtësia nuk është selektive, por e barabartë për të gjithë.
    Një tjetër arritje e rëndësishme ka qenë goditja e grupeve të organizuara kriminale, përmes hetimeve të ndërlikuara financiare dhe ndërkombëtare, duke përdorur mjete bashkëkohore hetimi, përfshirë ndjekjen e pasurive të përfituara në mënyrë të paligjshme.
    Përmes vendimeve të Gjykatës së Posaçme dhe sekuestrimeve të mëdha të aseteve, përfshirë edhe kriptovalutat, SPAK ka fituar besimin e publikut, një ndër elementët më të rëndësishëm të funksionimit të drejtësisë.
    Unë besoj se çdo gjë nis nga mënyra individuale se si studiojmë, punojmë dhe sillemi në shoqëri.
    Arsimimi europian nuk është thjesht marrja e njohurive të reja, por mbi të gjitha formimi qytetar, që na mëson të vlerësojmë respektin për ligjin, meritokracinë dhe transparencën.
    SPAK është një shembull që tregon se ndryshimi është i mundur.Ky institucion është ndërtuar nga prokurorë dhe hetuesë shqiptarë, njerëz të këtij vendi, që kanë zgjedhur të punojnë me përkushtim, larg çdo ndikimi.
    Ndaj, ky është modeli që ne duam të përcjellim te ju, që puna profesionalizmi dhe integriteti janë rruga e vetme drejt suksesit të qëndrueshëm.
    Çdo student që zgjedh të jetë i ndershëm, çdo i ri që refuzon korrupsionin, çdo qytetar që kërkon llogari dhe angazhon përpjekjet e tij në këtë drejtim, është pjesë e një zinxhiri që forcon drejtësinë dhe e bën më të sigurt rrugën e vendit tonë drejt Bashkimit Evropian. 

  • (EMRAT)‘Sky ECC’ zbërthen rrjetin e korrupsionit në drejtësi, SPAK çon për gjykim gjashtë persona! Ja akuzat

    (EMRAT)‘Sky ECC’ zbërthen rrjetin e korrupsionit në drejtësi, SPAK çon për gjykim gjashtë persona! Ja akuzat

    Prokuroria e Posaçme kundër Korrupsionit dhe Krimit të Organizuar  ka përfunduar hetimet dhe ka dërguar pranë Gjykatës së Posaçme të Shkallës së Parë për Korrupsionin dhe Krimin e Organizuar Tiranë kërkesën për gjykim ndaj shtetasve: Musa Gjikola, Klodjan Muça, Sokol Masha, Erjon Dani, Emiljano (alias Millan) Roçi dhe Vilson Roçi, të cilët akuzohen për ndikim të paligjshëm dhe shpërdorim detyre. 
    Nga hetimet e kryera ka rezultuar se gjatë vitit 2020, të pandehurit janë përfshirë në tre episode të veçanta, ku kanë kërkuar dhe përfituar shuma monetare që varionin nga 4 000 deri në 7 500 euro, me pretendimin se kishin aftësinë për të ushtruar ndikim të paligjshëm ndaj funksionarëve të drejtësisë, me qëllim ndikimin në masa sigurimi personal dhe favorizim në dhënie dënimi ndaj disa të arrestuarve. 
    Gjithashtu, është provuar se i pandehuri Erjon Dani, në kohën e ngjarjeve me detyrë zëvendësshef komisariati dhe shef për krimet në Komisariatin Nr. 3 Tiranë, ka shpërdoruar detyrën duke shpërndarë tek persona të tretë të dhëna të siguruara nga sistemi TIMS. 
    Hetimet kanë dokumentuar se të pandehurit kanë bashkëpunuar dhe koordinuar veprimet përmes komunikimeve në platformën e enkriptuar “Sky ECC”, të cilat janë administruar nga autoritetet franceze të drejtësisë në kuadër të ndihmës së ndërsjellë juridike ndërkombëtare. 
    Ky procedim penal është ndarë nga procedimi penal nr. 177 i vitit 2023, për të cilin vijojnë hetimet ndaj disa personave të tjerë nën hetim, të dyshuar për veprat penale të “trafikimit të lëndëve narkotike”, “ndihmës për kalim të paligjshëm të kufirit” dhe “grupit të strukturuar kriminal”. 

  • “Lufta kundër korrupsionit ka dështuar”,Beqiri zbulon pse SPAK nuk prek elitën politike: Berisha ka njerzit e vetë në..

    “Lufta kundër korrupsionit ka dështuar”,Beqiri zbulon pse SPAK nuk prek elitën politike: Berisha ka njerzit e vetë në..

    Avokati Idajet Beqiri thotë se lufta kundër korrupsionit nga ana e SPAK, nuk është në nivelin e duhur.
    Në një emision televiziv, Beqiri u shpreh se SPAK ka frikë nga Sali Berisha dhe Ilir Meta.
    “Nuk jam dakord me këtë që lufta kundër korrupsionit është në nivelin e duhur. Dumani, faktikisht, me përjashtim të hetimit të çështjes ndaj ish presidentit Ilir Meta, të tjerat i zbehu. Kompleksi Partizani është maja e ajsbergut për Sali Berishën. Në rast se nuk do të kishte ato krime të rënda që rëndojnë mbi shpatullat e tij. 21 janari, privatizimet e tjera, Bankers, Albpetrol, Gërdeci. Janë jashtëzakonisht të rënda. Dumani, sa i ka prekur pak. Në luftën kundër korrupsionit, SPAK ka pasur frikë. Frikësimin e ka pasur nga Berisha me klanin e vet, nga Meta me klanin e vet, pra, nga bota e krimit politik. Ka frikë shumë. Është marrë me gjëra të vogla që nuk bëjnë zhurmë. Ka edhe njerëzit e vet Berisha në SPAK.”, theksoi ai.

  • Dumani jep lajmin e mirë në Kuvend: SPAK ndihmoi Shqipërinë të rritej me 5 pikë në indeksin global të korrupsionit

    Dumani jep lajmin e mirë në Kuvend: SPAK ndihmoi Shqipërinë të rritej me 5 pikë në indeksin global të korrupsionit

    Kreu i SPAK, Altin Dumani, ka raportuar ditën e sotme në Kuvend mbi veprimtarinë e Prokurorisë së Posaçme gjatë vitit 2024.
    Gjatë fjalës së tij, Dumani tha se roli i SPAK ka ndihmuar Shqipërisë për të përmirësuar me 5 pikë rezultatin e saj në indeksin global të korrupsionit.
    Ai tha gjithashtu se SPAK gjatë hetimeve ka ndjekur parimin e ligjshmërisë dhe proporcionalitetit, teksa shtoi se vetëm 9.7 % e numrit të paraburgosurve në Shqipëri, janë nën hetim nga Prokuroria e Posaçme.
    “DASH nënvizoi disa nga hetimet e suksesshme të SPAK, duke evidentuar kontributin e institucionit në luftën kundër krimit dhe korrupsionit. Nga ana tjetër roli i SPAK ka ndihmuar Shqipërinë për të përmirësuar me 5 pikë rezultatin e saj në indeksin global të korrupsionit, të matur nga Transparenc Internacional. Sa i përket zbatimit të rekomandimeve të raportit të BE-së, po ndalem shkurtimish te secili prej tyre.
    Sekuestrimet dhe konfiskimet e aseteve kriminale arritën në një vlerë prej 65.5 milionë euro, me një rritje prej 60 % krahasuar me vitin 2023. Gjatë vitit 2024 SPAK forcoi bashkëpunimin me EuroXhast, EuroPol, DEA, FBI, etj.
    SPAK ka marrë të gjitha masat për të siguruar aplikimin e njëjtë të standardeve proceduriale, duke ndjekur parimin e ligjshmërisë dhe proporcionalitetin. Vetëm 9.7 % e totalit të numrit të paraburgosurve në Shqipëri, janë persona nën hetim nga SPAK. SPAK kreu hetime gjatë vitit 2024 për kriptovalutat dhe krimet kibernetike”, tha mes të tjerash Dumani.

  • Raporti 2024, Altin Dumani në Kuvend: Puna e SPAK është vlerësuar nga BE dhe DASH

    Raporti 2024, Altin Dumani në Kuvend: Puna e SPAK është vlerësuar nga BE dhe DASH

    altin dumani

    TIRANË- Kreu i Prokurorisë së Posaçme Antikorrupsion (SPAK), Altin Dumani po prezanton në Kuvend raportin e veprimtarisë së SPAK për vitin 2024. Dumani tha se puna e SPAK është vlerësuar në progres-raportin e Bashkimit Evropian dhe Departamenti Amerikan i Shtetit (DASH) për luftën kundër korrupsionit dhe krimit të organizuar. Kryeprokuroi theksoi se është përmisuar indeksi i perceptimit të korrupsionit, ku Shqipëria vlerësohet me 42 pikë. 
    “Në Indeksin Global të Korrupsionit për vitin 2024, Shqipëria vlerësohet me 42 pikë, duke e përmirësuar indeksin e perceptimit të korrupsionit me 5 pikë në raport me një vit më parë. Transparency International ka njohur rolin e SPAK në rritjen e besimit të publikut. SPAK i ka dhënë një rëndësi të veçantë hetimit pasuror dhe financiar. Në këtë kontekst, është forcuar Sektori i Hetuesve Financiarë nëpërmjet ngritjes së kapaciteteve njerëzore kryesisht në hetimet financiare dhe pasurore me veprime komplekse brenda dhe jashtë vendit ku përfshihen edhe veprimet me kriptovaluta. Gjatë vitit 2024, me asistencën e ekspertëve ndërkombëtarë është finalizuar nxjerrja e një udhëzimi të përgjithshëm për masat administrative dhe procedurale për kryerjen e hetimit financiar dhe pasuror në SPAK”, tha ai.