Gjatë takimit në Laprakë, drejtuesi politik i Koalicionit Euroatlantik, Lulzim Basha, theksoi se taksat e shqiptarëve, që aktualisht përfundojnë në xhepat e shokëve të kryeministrit Rama, do t’i kthehen qytetarëve. Basha u shpreh se programi i koalicionit fokusohet në zhvillimin ekonomik, rritjen e pensioneve dhe mbështetje për rininë, duke krijuar 25 mijë vende pune në sektorin e teknologjisë së informacionit me paga dinjitoze.
Ai gjithashtu theksoi mbështetje të plotë për SPAK dhe betejën kundër korrupsionit, duke shtuar se kjo është ajo që i diferencon nga forcat e tjera politike.
“Taksat e shqiptarëve, taksat tuaja që i paguani ditë për ditë më të larta në Ballkan, se si përpihen këto para dhe përfundojnë në xhepat e shokëve të Ramës, apo do ia kthejmë këto taksa shqiptarëve. Programi jonë bazën e ka zhvillimin ekonomik, rritja e pensioneve, mbështetja e rinisë, hapja e vendeve të punës në sektorin e teknologjisë së informacionit me paga dinnjitoze për të rinjtë shqiptarë, për 25 mijë të rinj dhe të reja shqiptare, siç e kemi ne investimin më të madh publik në buxhetin që parashikojmë për katër vitet e ardhshme për Shqipërinë. Të gjitha këto bazën e kanë te diçka që na diferencon dhe na dallon 100% nga çdo forcë tjetër politike në këto zgjehdje: mbështetja totale dhe pa rezerva ndaj SPAK. Me vepra, jo me fjalë. Sepse synimi ynë nuk është t’i servirim shqiptarëve byrekun e vjetër të premtimeve bajate elektorale”, u shpreh ai.
Basha më tej tha se Rama dhe Berisha nuk e duan SPAK-un sepse SPAK dhe beteja që ka nisur kundër korrupsionit është kërcënim për të gjithë të korruptuarit. Sipas tij, kjo shihet edhe me kandidatët që kanë në lista, tek 5-sa është vazhdim i korrupsionit me shokët e 7×7=313 dhe 1-shi që do luftojë korrupsionin me Ilir Metën, e krimin me Elvis Roshin.
“E dimë fare mirë as 5-sa, as 1-shi nuk e duan SPAK-un, e shohin si kërcënim dhe kanë të drejtë sepse SPAK dhe beteja që ka nisur kundër korrupsionit është kërcënim për të gjithë të korruptuarit, është kërcënim për shokët e Ramës të cilët ai do t’i nxjerr nga burgu. Është kërcënim për shoqet valltare me rripa 1600 euro që hedhin vallen nga belaja dhe sigurisght për ata që ta vënë mendjen në punë më 11 maj. Kjo është thirrja jonë, të vendosim mendjen në punë e të votojnë me zemër për veten e tyre me dhembshuri për familjet e tyre, për fëmijët e tyre. Është e qartë që propozimi që të luftojmë korrupsionin me Ilir Metën deputet, e të luftojmë krimin me Elvis Roshin deputet, është një gënjeshtër e mirëfillt. 5-sa është dështim, është vazhdim i korrupsionit, 1-shi është riciklim i rrangallave të korrupsionit. E vetmja shpresë për ndryshim të vërtetë që nis nga lufta kundër korrupsionit dhe çlirimi i milionave dhe miliardave që korrupsioni iu kushton shqiptarëve, është vota për Koalicionin Euroatlantik, për numrin 4”, tha Basha.
Tag: korrupsionit
-
“Nuk luftohet korrupsioni me shokët e Ramës dhe me Metën e Roshin”, Basha: Programi i Koalicionit Euroatlantik e ka…
-
SOROSAID’: Fuqia e korrupsionit politik në Parlamentin Europian
‘SOROSAID’: Fuqia e korrupsionit politik në Parlamentin Europian
Mes viteve 2020 dhe 2023, përfituesit kryesorë europianë të Fondacioneve të Shoqërisë së Hapur morën pjesë në 1587 takime lobimi për të ndikuar në vendimmarrjen e Bashkimit Europian, sipas një studimi të Qendrës për të Drejtat Themelore. Në Bruksel, 7500 lobistë kanë akses të pakufizuar në Parlamentin Europian, por më aktivët ishin kryesisht organizata në listën e financimit të Fondacioneve të Shoqërisë së Hapur.
Përmes financimeve të dhëna, George Soros dhe rrjeti i tij synonin të mbështesnin OJQ-të që ushtronin presion globalist. Kështu, përveç Transparency International dhe Komitetit të Helsinkit që gëzojnë një vend të spikatur në listën e financimeve, disa organizata që janë avokuesit kryesorë të migrimit të paligjshëm dhe ideologjisë gjinore morën mbështetje financiare. Mes viteve 2016 dhe 2023, George Soros shpenzoi 1.4 miliardë dollarë për të mbështetur OJQ-të në Europë dhe shtetet post-sovjetike, nga të cilat 90 milionë dollarë shkuan për grupet me bazë në Bruksel. Kthimi i këtij financimi ishte ndikimi politik: qëllimi përfundimtar i këtyre transaksioneve ishte të ndikonin në vendimmarrjen e BE-së, që përbën një rast të qartë korrupsioni politik, sipas Qendrës për të Drejtat Themelore.
Parlamenti Europian jo vetëm që e toleron këtë, por e lehtëson në mënyrë aktive përmes rregullave të dobëta të transparencës. Kjo analizë nga Qendra për të Drejtat Themelore synon të zbulojë aktivitetet lobuese të organizatave të financuara nga Sorosi brenda Parlamentit Europian.
Studime të mëparshme nga e njëjta qendër kanë treguar se si Fondacionet e Shoqërisë së Hapur (OSF) financojnë OJQ liberale në Europë, rajonin post-sovjetik, Hungari dhe Bruksel. Këta përfitues janë të ndryshëm, duke përfshirë qindra organizata, por ndajnë një tipar të përbashkët: promovojnë kauza globaliste, duke mbrojtur çështje të dashura për liberalët, si ideologjia gjinore, migrimi, lufta, aborti apo sundimi i ligjit. Një tjetër tipar i përbashkët është qëndrimi kritik ndaj Hungarisë dhe të djathtës patriotike të Europës, shpesh duke bërë deklarata publike armiqësore ndaj tyre.
Korrupsioni politik ka qenë prej kohësh një problem serioz në Bruksel, siç u pa në skandalin e Eva Kailit, polemikën për mesazhet tekst të Ursula von der Leyen-it me Pfizer-in, akuzat për pastrim parash ndaj ish-komisionerit të BE Didier Reynders, dhe rastet e korrupsionit të lidhura me disa aleatë të Manfred Weberit. Duke pasur parasysh kërkesat minimale për deklarimin e pasurive dhe transparencën për zyrtarët e Brukselit, këto zbulime nuk janë aspak të habitshme. Në këtë kontekst, Kuvendi Kombëtar Hungarez miratoi së fundmi rregulla më të rrepta për deklarimin e pasurisë për eurodeputetët hungarezë.
Revista The Economist theksoi lulëzimin e korrupsionit në Bruksel në një artikull të vitit 2021, duke vënë në dukje se 25 mijë lobistë operojnë në kryeqytetin belg me një buxhet të përbashkët vjetor prej 3 miliardë eurosh. Rreth 7500 prej tyre janë të akredituar në Parlamentin Europian, që do të thotë se takohen rregullisht me eurodeputetë. Këto takime duhet të regjistrohen dhe të publikohen në databazën e transparencës, por sistemi është shumë larg një mbikëqyrjeje publike të duhur.
Në platformë, të dhënat janë të disponueshme vetëm që nga tetori i vitit 2020 dhe ndërfaqja është e vështirë për t’u përdorur. Për shembull, edhe emrat e organizatave që marrin pjesë në këto takime nuk janë të standardizuar: organizata në krye të listës sonë, Bureau Européen des Unions de Consommateurs, paraqitet në disa forma dhe gjuhë të ndryshme. Ashtu si në rastin e shpërndarjes së fondeve të OSF-së, mungesa e transparencës dhe konfuzioni shërbejnë për të njëjtin qëllim: të bëhet e pamundur ndjekja e rrugës së korrupsionit. Qëllimi i kësaj analize ishte të shqyrtonte aktivitetin lobues në Bruksel të organizatave europiane dhe me bazë në Bruksel që kanë marrë më shumë financime nga Soros midis viteve 2020 dhe 2023.
Ndërmjet viteve 2020 dhe 2023, 20 organizatat kryesore të lobimit u takuan me eurodeputetë në total 1587 herë, zakonisht në lidhje me çështje legjislative, por shpesh edhe për arsye të tjera. Këto takime shpesh ndodhnin në zyrat e eurodeputetëve, kështu që dihet pak për përmbajtjen reale të diskutimeve. Rasti i Eva Kailit ofron disa të dhëna, pasi personat e përfshirë pohuan se ryshfetet në këmbim të favoreve politike mund të kalonin lehtësisht dhe në mënyrë të padukshme me ndihmën e OJQ-ve. Mungesa e pasojave në Bruksel dhe qëndrimi “një dorë lan tjetrën” shihen qartë nga fakti se personat e përfshirë nuk janë përballur me ndëshkime serioze.
Duke parë organizatat në listën tonë të 20 më të mëdhave, është e qartë se disa grupe globaliste me ndikim kanë qenë jashtëzakonisht aktive. Në vendin e dytë me 229 takime është European Environmental Bureau, një zëdhënës për një ideologji radikale dhe të pakuptimtë “të gjelbër të errët” në Bruksel. Në një raport të vitit 2019, ata argumentonin për uljen e prodhimit (dmth. qëllimisht të ulet standardi i jetesës) si mënyra e vetme për të adresuar ndikimet mjedisore.
Grupet globaliste të lobimit janë gjithashtu të pranishme: Transparency International, me 177 takime në vendin e tretë, punon aktivisht për të diskredituar qeverinë hungareze si në Bruksel ashtu edhe brenda vendit në çështje kyçe për interesat kombëtare të Hungarisë. Me 74 takime, Komiteti i Helsinkit renditet i gjashti, një organizatë që ofron shërbime për migrantët e paligjshëm. Në listë është edhe Civil Liberties Union for Europe, me 26 takime, ku anëtar i saj në Hungari është Hungarian Civil Liberties Union (TASZ).
Organizata pro-migracionit si Platform for International Cooperation on Undocumented Migrants renditet e dhjeta me 50 takime. Organizata pro-abortit International Planned Parenthood Federation European Network, e cila kundërshtoi ligjin hungarez për rrahjet e zemrës, pati 40 takime, duke u renditur e katërmbëdhjeta. Në listë është edhe European Council on Foreign Relations, një think tank pro-luftës i themeluar me financim nga Sorosi, me 30 takime në vendin e 17-të.
Edhe nga vetë numri i takimeve të këtyre organizatave të analizuara më parë, është e qartë se qëllimi kryesor i Sorosit ishte të shtynte një agjendë globaliste brenda një prej organeve legjislative të BE-së. Kur hasim legjislacione ose rezoluta që mbështesin nisma të tilla ose dënojnë Hungarinë, kemi arsye të forta të dyshojmë se mbështetja financiare dhe përpjekjet lobuese të Sorosit kanë luajtur një rol në miratimin e tyre.
/ Magyar Nemzet – Syri.net
-
“Nuk mund të lini fatin e fëmijëve në llucën e korrupsionit 12 vjeçar”, Basha: Më 11 maj ndëshkoni shokët e 7×7=313
Drejtuesi Politik i Koalicionit Euroatlantik, Lulzim Basha, në një intervistë për televizionin MCN, tha se qytetarët në zgjedhjet e 11 majit duhet të votojnë për ndryshimin dhe kundër asaj që ai e cilësoi si “lluca 12-vjeçare e korrupsionit”. Basha theksoi se zgjedhjet janë një moment vendimtar sepse vota për Edi Ramën është një votë kundër vetes së tyre, kundër fëmijëve të tyre, kundër Shqipërisë. Ai më tej shtoi se vota për numrin 5 është për të nxjerrë shokët e Edi Ramës nga 7×7=313, ndërsa vota për numrin 1, fatkeqësisht shkon për Elvis Roshin dhe Ilir Metën, që sipas tij, janë simtoma të krimit dhe korrupsionit.
Basha tha më tej se e vetmja forcë që nuk është as në biznes, as në mbrojtje të të korruptuarve, është Koalicioni Euroatlantik me numrin 4 me një program që është vulosur nga partnerët euroatlantikë dhe ofron një alternativë realiste dhe të realizueshme. Në përmbyllje, ai u bëri thirrje qytetarëve që të votojnë për veten dhe për të ardhmen e fëmijëve të tyre, duke marrë përgjegjësitë që do të përcaktojë fatin e vendit.
“Qytetarët duhet ta kenë parasysh se më 11 maj do votojnë për bijntë e tyre, për Shqipërinë, ose për Edi Ramën. Vota për Edi Ramën është një votë kundër vetes së tyre, është një votë kundër fëmijëve të tyre, është një votë kundër Shqipërisë. Në këtë diskurs, është tërrësisht e qartë që mesazhi im, mesazhi i Koalicionit Euroatlantik i numrit 4, ka ecur jashtëzakonisht mirë. Por në fund nuk duhet të harrojmë që vendos vota. Dhe më 11 maj, unë si bartës i këtij mesazhi të 140 kandidatët tanë, secili prej nesh kanë nga një votë, çdo qytetar ka nga një votë. Dhe me këtë votë më 11 maj do ta përdor ose për të ndëshkuar korrupsionin dhe për të votuar një alternativë për veten e vet, ose për të vazhduar për t’u zvarritur në llucën 12 vjeçare të korrupsionit dhe pasojat e tij, varfërisë, të shkatërrimit ekonomik, të emigracionit. Ndaj ftesa ime ndaj çdo qytetari është që më 11 maj të vendos në radhë të parë për veten e vet dhe fëmijët e vet. Dhe duke gjykuar cila nga alternativat i përfaqëson më mirë, të marrë përgjegjësi, sepse vota është përgjegjësi, nuk quhet kot zgjedhje.Do zgjedhësh të marrësh një rrugë e cila të nxjerr nga lluca, apo do të vazhdosh të zvarritesh në llucë. Ka plotë njerëz që do të vazhdojnë të zvarriten në llucë sepse janë përfitues të drejtpërdrejtë të korrupsionit. Mesazhi im nuk i drejtohet atyre, ata do bëjnë gjithçka që të mbeten në llucën e korrupsionit sepse janë përfitues nga mbetja në llucën e korrupsionit. Mesazhi im iu drejtohet atyre që u ka ardhur në majë të hundës me këtë situatë dhe që duan një alternativë të vërtetë. Pse? 5-sa nuk është altrnativë, 5 është për të nxjerr shokët e Edi Ramës nga 7×7=313. 1-shi, e them me keqardhje të madhe, partia esakrificave të demokratëve kësaj radhe nuk është alternativ, sepse kërkohet votë kundër krimit dhe korrupsionit me fjalë, por vota për 1-shin prodhon Elvis Roshin dhe Ilir Metën, që në mënyrë ironike nuk janë kura, por janë simtoma të krimit dhe korrupsionit. Vetëm vota për Koalicionin Euroatlantik për programin tonë tashmë me vulat e Euroatlantikëve si një program realist dhe i realizueshëm dhe për ekipin tonë, ku asnjëri prej nesh nuk është në këtë betejë as për fatet personale, as për t’u mbrojtur nga SPAK-u, as për biznese politike. Vetëm vota për Koalicionin Euroatlantik, numrin 4, është votë që i shërben Shqipërisë dhe shqiptarëve. Thënë me fjalë të tjera, e vetmja forcë politike e cila është në mision dhe as në biznes dhe as në mbrojtje të të korruptuarve, është Koalicioni Euroatlantik me numrin 4” – tha Basha. -
“Ekonomi e fortë fillon me SPAK-un e fortë”,Basha:Lufta kundër korrupsionit çelësi për mirëqenien e familjeve shqiptare
Në emisionin “DREJT” me Luan Ramën, drejtuesi i Koalicionit Euroatlantik, Lulzim Basha, theksoi se fuqizimi i SPAK-ut dhe lufta pa kompromis kundër korrupsionit janë çelësi për të çliruar fondet që i takojnë qytetarëve shqiptarë.
Pjesë nga fjala e Bashës:
O në xhepat e të korruptuarve te 313, o në xhepat e qytetarëve, në dy vende s’mund të jenë. Me propozimin tonë, me luftën pa kompromis kundër korrupsionit, me fuqizimin dhe jo dobësimin e SPAK-ut; me mbajtjen e të korruptuarve të arrestuar deri më tani dhe arrrestimin e të korruptuarve të tjerë dhe vendosjen e tyre përpara drejtësisë, paratë shkojnë te xhepat e qytetarëve.Propozimi i tyre, ndodh në gara piramidale se sa do t’I rrisin benefitet sociale dhe pagat, është një mashtrim, për sa kohë që si Rama dhe qeverisja e tij por jo më pak edhe këta të tjerët kanë çështjen kryesore që i lidh bashkë goditjen ndaj SPAK-ut. Kjo është ajo që na diferencon, vetëm mbështetja për luftën kundër korrupsionit,vetëm mbështetja ndaj SPAK-ut, do të jetë në gjendje të gjenerojë ato të ardhura që pastaj mund të kryejnë politikat ekonomike dhe sociale. -
Zgjedhjet parlamentare/ Armend Gjana: Më 11 maj, vota ndahet mes drejtësisë dhe korrupsionit
Kandidati për deputet i Koalicionit Euroatlantik në Tiranë, Armend Gjana, ka bërë thirrje për një zgjedhje të qartë dhe vendimtare në zgjedhjet e 11 majit: mes mbështetjes për drejtësinë dhe atyre që kërkojnë të mbrojnë të korruptuarit.
Në një deklaratë të shpërndarë në rrjetet sociale, Gjana theksoi se vota për numrin 4, Koalicionin Euroatlantik, është një votë për drejtësinë dhe shtetin ligjor. “Më 11 maj, o me SPAK-un, o me ata që duan të lirojnë shokët e tyre të korruptuar nga burgu,” tha ai.
Ai bëri thirrje që shqiptarët të besojnë tek e ardhmja europiane e vendit dhe të votojnë për ndryshimin që garanton ndëshkimin e korrupsionit dhe rikthimin e besimit te drejtësia.
“Beso te Shqipëria. Voto numrin 4 – Koalicioni Euroatlantik,” përfundoi Gjana. -
SPAK të mos jetë i njëanshëm, të hetojë McGonigal e miliardat që Rama ka falur/ Robert Papa: Rama maja e korrupsionit
SPAK të mos jetë i njëanshëm, të hetojë McGonigal e miliardat që Rama ka falur/ Robert Papa: Rama maja e korrupsionit
Autori i emisionit Fokus Robert Papa tha përmes një lidhjeje “Skype” me studion e lajmeve të MCN Tv se Berisha duhet të luftojë në këtë garë me arritjet e tij gjatë dy mandateve ssi kryeministër dhe t’i krahasojë ato me qeverisjen e Ramës këto 12 vjet.
I ndalur tek kontratat e lobimit për heqjen e non-gratës, Papa tha se e drejta as nuk blihet dhe as nuk shitet duke shtuar se 6 milionë euro janë asgjë në SHBA.
Personi që e ka nxjerrë, sepse duket që është nxjerrë nga kampi tjetër synon ta dëmtojë, por mendoj që si non grata, apo jo non-grata, çdo lloj akuze tjetër njerëzit e kanë ndarë mendjen si do votojnë. Votat e diasporës kanë kohë që kanë filluar dhe kjo do e ndajë se çfarë do ngjasë atje. E majta luan pisët në fushatë, kjo ndodhi dhe këtu.
Berisha ka qenë dy herë kryeministër, ballafaqim me 12 vitet e Ramës. Të tjerat janë sulme mediatike që nuk mendoj se do të kenë ndonjë efekt të madh. Më vonë do të isha të mos ketë të drejtë për lobingje asnjë parti. Berisha ka miq si në Kongres dhe Senat. Nuk besoj se ka nevojë për një ish-ambasador.
E drejta fitohet, as nuk shitet as nuk blihet. Nëse është kryer padrejtësi, ai do e fitojë këtë betejë. Nuk kryhet me 6 milionë euro. 6 milionë euro është si të marrë një Uber, aq më tepër me një president si Trump.
Ajo që duhet të shqetësonte SPAK janë miliardat dollarë të falura nga Rama për Kushner, për të fituar akses në Shtëpinë e Bardhë.
SPAK nuk duhet të jetë i njëanshëm, por në drejtpeshim nga dy krahët, të njëjtët gjë do i kërkoja dhe DASH, është zhgënjyese të mos bëhet non grata Rama, maja e korrupsionit.
Sipas Papës Rama nuk i merr 71 deputetë dhe se poll-et që realizohen nga jashtë nuk janë të besueshme.
Nuk besoj se Rama i merr 71 deputetë. Nuk i besoj poll-et sidomos ata që realizohen nga jashtë. Nuk ka si të kuptojë një amerikane apo italian. Duhet të dish raportet atyre që merr në intervistë. Për mua gara është hapur. Entuzjazmi është rritur nga krahu i PD-së.MCN
-
SPAK sekuestron 1152 telefona në 4 vite/ Çfarë zbulojnë kutitë e zeza të krimit?
“Telefonat personal, në 4 vite të punës së SPAK, u kthyen burimi kryesor i hetuesve në zbërthimin e mekanizmit të korrupsionit të zyrtarëve. Dosje të rëndësishme, duke nisur nga ish-zëvendëskryeministri Arben Ahmetaj, të dosja e njohur për publikun si 5D, apo edhe ajo ndaj ish-presidentit Ilir Meta, do të kishin qenë të vështira për t’u finalizuar me masa sigurimi, pa të dhënat e përftuara nga pajisjet telefonike. Nga 2021, sektori i ekspertizës së SPAK, analizoi 1152 telefona celularë të sekuestruar për efekt të hetimeve”, raporton gazetarja e Tv Klan Bleona Metushi.
Të dhënat zyrtare të Prokurorisë së Posaçme tregojnë se numri i sekuestrimeve ka ardhur në rritje që nga nisja e punës së sektorit të ekspertizës në SPAK deri në 2024, vit kur janë analizuar 344 pajisje telefonike.
Kompjuterat, DVR apo edhe USB-të janë në numër më të vogël në mesin e pajisjeve elektronike që janë analizuar nga ky sektor me qëllim sigurimin e provave për hetimet.
Më konkretisht në 4 vite janë sekuestruar 185 pajisje kompjuterike dhe 78 DVR dhe USB.
Kryesisht me sekuestrimin e pajisjeve telefonike është vepruar në raste të hetimeve të çështjeve të korrupsionit, ku vendimet e gjykatës së Posaçme janë ekzekutuar direkt nga hetuesit e BKH-së.
Objekt i sekuestrimit të telefonave, janë bërë zyrtarë, punonjës të kompanive private apo sipërmarrës.
Gjatë 2024, ekspertët e këtij sektori kanë kryer edhe 15 akt ekspertime për Prokuroritë e Juridiksionit të Përgjithshëm dhe Policinë e Shtetit. -
Telefonat, ‘kutia e zezë’ e krimit dhe korrupsionit? 1152 aparate telefonikë u sekuestruan nga SPAK në 4 vite
“Telefonat personal, në 4 vite të punës së SPAK, u kthyen burimi kryesor i hetuesve në zbërthimin e mekanizmit të korrupsionit të zyrtarëve. Dosje të rëndësishme, duke nisur nga ish-zëvendëskryeministri Arben Ahmetaj, të dosja e njohur për publikun si 5D, apo edhe ajo ndaj ish-presidentit Ilir Meta, do të kishin qenë të vështira për t’u finalizuar me masa sigurimi, pa të dhënat e përftuara nga pajisjet telefonike. Nga 2021, sektori i ekspertizës së SPAK, analizoi 1152 telefona celularë të sekuestruar për efekt të hetimeve”, raporton gazetarja e Tv Klan Bleona Metushi.
Të dhënat zyrtare të Prokurorisë së Posaçme tregojnë se numri i sekuestrimeve ka ardhur në rritje që nga nisja e punës së sektorit të ekspertizës në SPAK deri në 2024, vit kur janë analizuar 344 pajisje telefonike.
Kompjuterat, DVR apo edhe USB-të janë në numër më të vogël në mesin e pajisjeve elektronike që janë analizuar nga ky sektor me qëllim sigurimin e provave për hetimet.
Më konkretisht në 4 vite janë sekuestruar 185 pajisje kompjuterike dhe 78 DVR dhe USB.
Kryesisht me sekuestrimin e pajisjeve telefonike është vepruar në raste të hetimeve të çështjeve të korrupsionit, ku vendimet e gjykatës së Posaçme janë ekzekutuar direkt nga hetuesit e BKH-së.
Objekt i sekuestrimit të telefonave, janë bërë zyrtarë, punonjës të kompanive private apo sipërmarrës.
Gjatë 2024, ekspertët e këtij sektori kanë kryer edhe 15 akt ekspertime për Prokuroritë e Juridiksionit të Përgjithshëm dhe Policinë e Shtetit. -
1152 telefona celularë u sekuestruan nga SPAK në 4 vite
“Telefonat personal, në 4 vite të punës së SPAK, u kthyen burimi kryesor i hetuesve në zbërthimin e mekanizmit të korrupsionit të zyrtarëve. Dosje të rëndësishme, duke nisur nga ish-zëvendëskryeministri Arben Ahmetaj, të dosja e njohur për publikun si 5D, apo edhe ajo ndaj ish-presidentit Ilir Meta, do të kishin qenë të vështira për t’u finalizuar me masa sigurimi, pa të dhënat e përftuara nga pajisjet telefonike.
Nga 2021, sektori i ekspertizës së SPAK, analizoi 1152 telefona celularë të sekuestruar për efekt të hetimeve”, raporton gazetarja e Tv Klan Bleona Metushi.
Të dhënat zyrtare të Prokurorisë së Posaçme tregojnë se numri i sekuestrimeve ka ardhur në rritje që nga nisja e punës së sektorit të ekspertizës në SPAK deri në 2024, vit kur janë analizuar 344 pajisje telefonike.
Kompjuterat, DVR apo edhe USB-të janë në numër më të vogël në mesin e pajisjeve elektronike që janë analizuar nga ky sektor me qëllim sigurimin e provave për hetimet.
Më konkretisht në 4 vite janë sekuestruar 185 pajisje kompjuterike dhe 78 DVR dhe USB.
Kryesisht me sekuestrimin e pajisjeve telefonike është vepruar në raste të hetimeve të çështjeve të korrupsionit, ku vendimet e gjykatës së Posaçme janë ekzekutuar direkt nga hetuesit e BKH-së.
Objekt i sekuestrimit të telefonave, janë bërë zyrtarë, punonjës të kompanive private apo sipërmarrës.
Gjatë 2024, ekspertët e këtij sektori kanë kryer edhe 15 akt ekspertime për Prokuroritë e Juridiksionit të Përgjithshëm dhe Policinë e Shtetit.
Tv Klan -
Kandidatja e Koalicionit Euroatlantik, Mirela Karabina apel qytetarëve: Elbasani meriton një të ardhme më të mirë
Mirela Karabina, kandidate për deputete e Koalicionit Euroatlantik në qarkun e Elbasanit, ka bërë një apel të fuqishëm për qytetarët e Elbasanit, duke theksuar se data 11 maj nuk është thjesht një ditë zgjedhjesh, por një mundësi për të ndryshuar rrugën që ka ndjekur qyteti dhe Shqipëria në përgjithësi.
Sipas Karabinës, më 11 maj qytetarët do të kenë mundësinë të zgjedhin mes Shqipërisë dhe Edi Ramës, mes dritës dhe errëesirës, mes drejtësisë dhe korrupsionit. Ajo shprehu shqetësimin për ngjarjet e fundit të dhunshme që kanë ndodhur në qytetin e Elbasanit gjatë fushatës zgjedhore, duke e cilësuar këtë si një dëshmi të një realiteti të dhimbshëm: kriminalizimi i jetës publike, që është pasojë e korrupsionit galopant në çdo ind të shtetit.
“Ky nuk është realiteti që ne duam. Ky nuk është sistemi që ne meritojmë. Politikën e korrupsionit, dhunës dhe frikës duhet ta mbyllim njëherë e përgjithmonë,” tha Karabina, duke apeluar për një ndryshim të thellë.
Ajo bëri thirrje për një votë që do të çojë në një të ardhme më të ndritur për Elbasanin dhe Shqipërinë, duke theksuar se vota e çdo qytetari është vendimtare për të ardhmen e qytetit. “Në 11 maj, me votën tuaj keni në dorë të ndryshoni këtë politikë që ka varfëruar jetët tona dhe ka kthyer Elbasanin në një vend të padëshirueshëm. Votoni për një të ardhme më të mirë, votoni kundër korrupsionit dhe dhunës,” shtoi ajo.
Mirela Karabina ftoi qytetarët të mbështesin Koalicionin Euroatlantik si një alternativë të besueshme për të nxjerrë Elbasanin nga kriza dhe për ta çuar atë në rrugën e zhvillimit dhe normalitetit. Ajo theksoi se ky koalicion është një mundësi e shkëlqyer për t’i dhënë fund dominimit të korrupsionit dhe për të hapur dyer të reja për të rinjtë dhe qytetarët e Elbasanit.
“Besoni te Shqipëria, besoni te Elbasani,” ishte thirrja e fundit e Karabinës, duke ftuar qytetarët të bëjnë zgjedhjen e duhur në 11 maj, për një të ardhme më të ndritur dhe më të drejtë.