Lajmidites.com

Tag: korrupsioni

  • Bashkëpunëtorja e Ajola Xoxës bashkëpunëtore e SPAK, Kikia: Të penduarit çelësa për krimin e organizuar, korrupsioni kërkon vetëm vullnet për t’u hetuar

    Bashkëpunëtorja e Ajola Xoxës bashkëpunëtore e SPAK, Kikia: Të penduarit çelësa për krimin e organizuar, korrupsioni kërkon vetëm vullnet për t’u hetuar

    Një nga njerëzit më të afërt të çiftit, Veliaj- Xoxa i ka rrëfyer SPAK abuzimet që organi i akuzës pretendon se kanë  kryer kryebashkiaku i Tiranës dhe bashkëshortja e tij.

    Për herë të parë, SPAK i ka dhënë statusin e bashkëpunëtorit të drejtësisë një personi që rrëfen akuzat si korrupsion.
    Bashkëpunetorja e drejtësisë është financierja e gruas së kryebashkaikut. Adela Kondakçiu, sipas burimeve ka treguar me detaje fakte të rëndësishme lidhur me akuzat e dy prokurorëve të posaçëm, Altin Dumani dhe Ols Dado.

    Por, sipas analistit Mentor Kikia, i ftuar në “Quo Vadis” në Vizion Plus, nën moderimin e Pranvera Borakajt, të penduarit janë çelësa kyç për zbardhjen e botës së krimit të organizuar, ndërsa në rastet e korrupsionit, dokumentet dhe kontratat janë prova të mjaftueshme, duhet vetëm vullnet për t’i hetuar.
    Kikia: Të penduarit janë çelësat që hapin kasafortat në botën e krimit të oganizuar. Vrasjet nuk bëhen me kontrata. Në momentin kur dikush del dhe ekspozon këtë aktivitet kriminal ky është një xhevahir për prokurorinë. Në historitë e korrupsionit, Prokurorisë i duhet vetëm nëj gjë, vullnet për ta luftuar. Sepse korrupsioni bëhet me kontrata, me dokumente dhe janë aty. Në çështje korrupsioni, këta të penduarit nuk është se bëjnë shumë punë. Sa për çështjen Veliaj, nuk më pëlqen që Prokuroria gjen mënyrat e saj dhe lajmëron se “nesër bë orën 10:00 do t’i komunikohet akuza këtij personi.” Nëse institucioni nuk do që një gjë të merret vesh, nuk merret vesh.

  • “Korrupsioni nuk bëhet më me zarfe,por me ligje”,Teliti shpërthen ndaj qeverisë për Thethin:Manovër e mirëmenduar për..

    “Korrupsioni nuk bëhet më me zarfe,por me ligje”,Teliti shpërthen ndaj qeverisë për Thethin:Manovër e mirëmenduar për..

    Nënkryetari i Këshillit Bashkiak të Tiranës, Dorian Teliti, akuzon qeverinë për atë që ai e cilëson si një “manovër të mirëmenduar” për t’i dhuruar pasuritë natyrore dhe tokat publike klientëve të afërt të pushtetit, nën petkun e ligjshmërisë.
    I ftuar në  një emision televiziv, Teliti kritikoi ashpër mënyrën si po aplikohet ligji për legalizimin e ndërtimeve në zonat malore, veçanërisht në Theth, duke theksuar se procesi është i ndërtuar për t’u shërbyer ‘miqve dhe shokëve’ të lidhur me qeverinë.
    Ai e përshkroi situatën si një skemë klasike ku “korrupsioni nuk bëhet më me zarfe, por me ligje, VKM dhe letra të porositura”.
    Dorian Teliti: Në statusin që është sot, ‘tokë e djegur’, për ta marrë dikush tjetër, ndonjë i interesuar, ndonjë mik apo shok, e merr praktikisht me kosto zero. Ndërsa në rast se do të ligjërohej nëpërmjet paketës së maleve, godinat të ndërtuara pa leje, sepse i gjithë Thethi ishte pa leje që ishte për faj të shtetit. Sepse ata pronarët atje nuk kishin sherre me njëri-tjetrin.
    Thjesht thanë që na mungojnë letrat shtetërore. Ata ishin në paqe me njëri-tjetrin, nuk kishin konflikte për pronësinë me njëri-tjetrin. I vetmi konflikt ishte sepse shteti nuk u jep atyre letrën, që ta njihnin këtë dakordësi dhe ta kishin prej dhjetëra vitesh.
    Në rast se ata do të ligjëroheshin dhe ata do të ishin pronarë, ai investitori strategjik, ai miku, ai shoku, ai që ndërton kate pa leje në Tiranë dhe më pas e ligjëron, do paguante para e do të binte në dakordësi. Do ti jepte ndoshta miliona euro, në varësi të llojit të pronës, është kursime për miqtë e për shokët, shumë e thjeshtë.
    Ka edhe diçka tjetër. Aplikimet kanë filluar para tre ditësh. Hera e parë në 33 vite, që na u bëkan mbi 700 aplikime për 72 orë. Nuk ndodh. Duket që është diçka e parapërgatitur mirë. Duket që është studiuar mirë. Është diçka e porositur mirë, kur strukturat shtetërore me nivelin politik në krye i kanë thënë miqve dhe shokëve, bëhuni gati sepse ditën e martë hapet portali dhe ju i bëni gati që të kapni atë 500 e parë si investitor strategjik.
    Korrupsioni njëherë e në një kohë ishte, ‘më jep, të jap’. Sot korrupsioni bëhet me ligje, bëhet me VKM, bëhet me udhëzime, bëhet me urdhra. Bëhet me letra. Dhe kur vjen fundi fare për ta dënuar dirë, ai thotë: Unë ligjin kam respektuar. Por ligji në këtë rast është i bërë gabim, janë ligje klienteliste, të porositura.
     

  • ‘Problemet janë të shkruara në raporte, korrupsioni sfidë’/ Hapi portën e ambasadës në ‘90, Werner Daum flet për rrugën evropiane të Shqipërisë

    ‘Problemet janë të shkruara në raporte, korrupsioni sfidë’/ Hapi portën e ambasadës në ‘90, Werner Daum flet për rrugën evropiane të Shqipërisë

    Werner Daum, një nga figurat më të rëndësishme të diplomacisë gjermane dhe një prej personaliteteve më të respektuara në marrëdhëniet Shqipëri–Gjermani, ka dhënë një intervistë ekskluzive për Syri TV në intervistën e mbrëmjes me gazetaren Armela Ferko.

    Daum ka shërbyer si ambasador i Republikës Federale të Gjermanisë në Tiranë gjatë periudhës vendimtare të vitit 1990, kur mijëra shqiptarë hynë në ambasadat e huaja për të shpëtuar nga diktatura. Ai njihet për rolin e tij historik në hapjen e portave të ambasadës gjermane në korrik 1990 – një akt guximtar që i dha zemër shqiptarëve në kërkim të lirisë dhe u kthye në simbol të shpresës së re.

    Në këtë intervistë të rrallë, diplomati i lartë gjerman thekson mbështetjen e fortë që Gjermania ka për Shqipërinë dhe rrugën e saj drejt integrimit europian. “Shqipëria është anëtare e NATO-s, që është një hap drejt mbërritjes tek komuniteti perëndimor. Shqipëria është shumë e mirëpritur si pjesë e familjes evropiane, në bashkim me vende të tjera të rajonit,” deklaroi Daum.

    Ai vuri theksin edhe te sfidat që vazhdojnë të mbeten përpara: korrupsioni, shteti ligjor dhe varfëria. “Këto probleme që ju i shpjeguat qartë, janë të evidentuara në raportet që ne si Gjermani i përgatisim dhe i dërgojmë edhe në Bashkimin Europian. Ato duhet të marrin përgjigjet e duhura,” tha ai.

    I pyetur për korrupsionin, Daum u shpreh se është një plagë e thellë që vështirë se çrrënjoset, sidomos në vendet e varfra. Megjithatë, ai theksoi se ndryshimi varet nga vetë shqiptarët: “Familjet, miqtë varen prej jush… Ne po ia kërkojmë këtë Shqipërisë dhe e presim që shqiptarët, qeveria, opozita, të bëjnë pjesën e tyre.”

    Në përfundim, Daum theksoi se partnerët ndërkombëtarë do të vijojnë të mbështesin Shqipërinë në luftën kundër krimit të organizuar, trafikut të drogës dhe pastrimit të parave, por theksoi se zgjidhja e këtyre problemeve duhet të vijë nga brenda: “Ne nuk duam të imponojmë një regjim kolonial,” u shpreh ish-ambasadori që mbetet një zë i rëndësishëm dhe i sinqertë në mbështetje të rrugës europiane të Shqipërisë.

    Daum:

    Shqipëria është anëtare e NATO-s që është një hap drejt mbërritjes tek komuniteti perëndimor, Shqipëria është shumë e mirëpritur si pjesë e familjes evropiane në bashkim me vende të tjera të rajonit.
    Sigurisht që kaq probleme që ju i shpjeguat qartë, ato janë të shpjeguara në raporte që ne si Gjermani i shkruajmë, të cilat i dërgojmë edhe BE-së, dhe këto probleme duhet të marrin përgjigjet e duhura.

    Ju përmendët konkretisht problemin e korrupsionit, korrupsioni është i vështirë të çrrënjoset, është edhe më i vështirë sidomos në ato vende që janë ende të varfra.
    Familjet, miqtë, varen prej jush, kur ju keni arritur një pozitë, kështu që është e qartë se ne kërkojmë diçka që ne vetë kemi marrë prej qindra vitesh dhe ne po ia kërkojmë këtë Shqipërisë dhe e presim që shqiptarët, partia që aktualisht po qeveris, opozita, dhe padyshim gjërat do të ndryshojnë në të ardhmen dhe do të jetë e kundërta.
    Ne po u kërkojmë palëve të bëjnë përpjekje serioze në këtë fushë dhe sigurisht që ne do të vazhdojmë të mbështesim luftën kundër trafikut të drogës, kundër pastrimit të parave. Të gjitha këto janë çështje me shumë rëndësi të cilat në fund mund të zgjidhen vetëm prej shqiptarëve, ne nuk duam të imponojmë një regjim kolonial.

     

  • Lorena Goxhobelli në qendër të kritikave të BE, Kadastra qelbet nga korrupsioni dhe nga abuzivizmi

    Lorena Goxhobelli në qendër të kritikave të BE, Kadastra qelbet nga korrupsioni dhe nga abuzivizmi

    Komisioni Europian ka shënjestruar Agjencinë Shtetërore të Kadastrës si një nga vatrat më të rrezikshme të korrupsionit në Shqipëri, duke ngritur alarmin për mungesën e transparencës, abuzimet me fondet publike dhe pandëshkueshmërinë që ka mbërthyer institucionin. Në raportin zyrtar për sundimin e ligjit për vitin 2025, Brukseli e fut ASHK-në në të njëjtën listë të zezë me sektorët më të kalbur si shëndetësia, arsimi dhe policia. Sipas KE-së, Kadastra është kthyer në një terren të minuar nga abuzivizmi dhe klientelizmi, ku kontrollet janë thuajse të paralizuara.
    Emri i drejtoreshës Lorena Goxhobelli lidhet drejtpërdrejt me këtë institucion të “infektuar” dhe “qelbur” nga korrupsioni, që tashmë është nën vëzhgim të rreptë europian. Ndërkohë, qeveria shqiptare thuhet se po harton plane për të shpëtuar situatën në këtë sektor, por KE nënvizon se pa një reformë të thellë dhe digjitalizim real, gjithçka rrezikon të mbetet në letër. Pra Shqipëria ndodhet përballë një “provoje zjarri” për të pastruar kadastrën, përndryshe rruga drejt BE-së rrezikon të bllokohet nga korrupsioni që e ka zënë për fyti.
    Pjesë nga raporti i KE
    Konkretisht Kadastra shqiptare, një nga zonat me rrezik të lartë për korrupsion, mbetet nën vëzhgimin kritik të Komisionit Europian. Në raportin më të fundit për sundimin e ligjit në Shqipëri për vitin 2025, KE ngre shqetësime të thella për mungesën e transparencës, dobësitë në ndjekjen penale të korrupsionit dhe përfshirjen e institucioneve kyçe në praktika abuzive. Agjencia Shtetërore e Kadastrës përmendet mes sektorëve më të ekspozuar ndaj korrupsionit, bashkë me shëndetësinë, arsimin dhe policinë.
    Më poshtë janë katër thekse kyçe nga raporti i KE-së, që nxjerrin në pah sfidat e Shqipërisë në luftën kundër pandëshkueshmërisë dhe abuzimit me fondet publike. “Megjithëse përpjekjet për shtypjen dhe parandalimin e korrupsionit janë rritur, korrupsioni vijon të jetë i përhapur në shumë fusha, përfshirë ato që konsiderohen me rrezik të lartë për korrupsion. Mungesa e transparencës në procedurat e prokurimit publik, veçanërisht për partneritetet publike-private, mbetet një burim shqetësimi.
    Specializimi në hetimin dhe ndjekjen penale të korrupsionit në prokurime është i dobët. Keqpërdorimi i fondeve shtetërore gjatë fushatave zgjedhore mbetet një çështje shqetësuese, pavarësisht nismave të ndërmarra nga Komisioni Qendror i Zgjedhjeve për të monitoruar dhe ndëshkuar shkeljet, përfshirë korrupsionin, në lidhje me zgjedhjet parlamentare të 11 majit 2025. Si përgjigje ndaj një rekomandimi parlamentar, SPAK ka miratuar një strategji për luftën kundër krimeve zgjedhore, përfshirë ngritjen e ekipeve hetimore në bashkëpunim me Komisionin Qendror të Zgjedhjeve, Policinë e Shtetit dhe agjenci të tjera ligjzbatuese për të parandaluar dhe hetuar krimet zgjedhore.
    Rreziqet e korrupsionit vazhdojnë të jenë të pranishme veçanërisht në sektorin e shëndetësisë, arsimit, brenda policisë, si dhe në Agjencinë Shtetërore të Kadastrës, të cilat konsiderohen fusha me rrezik të lartë për korrupsion. Qeveria po zhvillon plane të posaçme për vlerësimin e rrezikut në fushën e prokurimit publik dhe për Agjencinë Shtetërore të Kadastrës, të cilat duhet të mbështeten me konsolidimin dhe digjitalizimin e të dhënave kadastrale. Kontrolli i brendshëm dhe mekanizmat e inspektimit në administratën publike vazhdojnë të jenë joefektivë”, thuhet në raportin Komisionit Europian (KE) për sundimin e ligjit në Shqipëri për vitin 2025.

  • Spartak Ngjela: SPAK drejt fitores historike, ja si me ndihmën e SHBA do të shkërmoqë elitën e korruptuar në…

    Spartak Ngjela: SPAK drejt fitores historike, ja si me ndihmën e SHBA do të shkërmoqë elitën e korruptuar në…

    Rigels Seliman
    Shqipëria po përjeton një moment historik, ku drejtësia ka nisur të godasë themelet e një korrupsioni të rrënjosur në pushtet për dekada. Përmes një reagimi në rrjetet sociale avokat i njohur, Spartak Ngjela shprehet i bindur se SPAK, me mbështetjen amerikane, do ta çlirojë vendin nga elita e kalbur që, sipas tij, sot gjen përkrahje edhe nga Beogradi dhe Moska. Në këtë betejë për pastrimin e shtetit, Ngjela sheh një vazhdimësi të luftës çlirimtare, ku sipas tij, këtë herë, kundër pushtimit të brendshëm.
    Dhe si gjithmonë në histori, thotë ai, pushtuesit e mundur përfundojnë qesharakë, ndërsa kombet e lira ecin përpara. “Historia  botërore nuk ka njohur më qesharak se sa një ish pushtues, që është mundur në luftën çlirimtare nga kombi që ka fituar pavarësinë e tij me këtë luftë. Një i tillë po spikat të jetë edhe Serbia në lidhje me krenarinë e Kosovës të çliruar prej pushtimit. Janë dy shtete shqiptare sot në Gadishullin Ilirik; Shqipëria dhe Kosova, por Shqipëria është ende e pushtuar nga korrupsioni i lartë qeverisës i saj.
    Por na duhet të theksojmë se në Shqipëri: I gjithë korrupsioni i lartë shtetëror është në një shqetësim patologjik. Emrat e këtyre individëve janë të gjithë të evidentuar në SPAK për korrupsion. Por duhet të shohim të ardhmen e afërt. Po ekspertiza amerikane është ende në drejtimin e SPAK – ut?. Po është ende në drejtimin profesional të SPAK – ut. Po korrupsioni i lartë që është nën akuzë, a e ka kërcënuar SPAK -un, te prokurorët dhe gjyqtarët e tij? Nuk kanë se ku t’i gjejnë fizikisht këta, por që po vijojnë të vinë rrotull tyre; kjo kuptohet.
    Na duhet ta theksojmë qartë për të gjithë shqiptarët: SPAK – u ka dalë në historinë tonë për të shpëtuar Shqipërinë nga një korrupsioni dhe vjedhje e madhe e pasurisë kombëtare. Por, a do ta shpëtojë? Sipas mendimit tim: unë jam i sigurt që do ta shpëtojë, sepse në këtë çështje kaq madhore për Shqipërinë, deri tani ka drejtuar ekspertiza ndërkombëtare. Dhe duhet thënë se nuk është bëre pak. Janë disa ish kryeministra nën akuzë dhe një numër jo i vogël ish ministrash, kryetarë bashkish; dhe ish pushtetarë të lartë të administratës shtetërore. Por, a do ta çojë SPAK deri në fund këtë ndërmarrje historike për çlirimin e Shqipërisë dhe shqiptarëve nga korrupsioni i lartë; i cili dihet se sot ka mbështetjen e Beogradit dhe të Moskës?
    Sigurisht që do ta çojë deri në fund, sepse Shqipëria është anëtare e NATO-s dhe nuk i hyn dot asnjë gjemb në këmbë nga hordhitë sllave; të cilat tani; pas pavarësisë së Kosovës, janë në një gjendje të rëndë psikologjike.  Por kjo në histori u ka ndodhur të gjithë pushtuesve të mundur në luftërat çlirimtare të popujve të ndryshëm. Se ja: Kosova po ndriçon në zhvillim dhe është me mbrojtje të lartë ndërkombëtare, kurse ish pushtuesit e saj sllavë janë bërë qesharakë, sepse ditë për ditë ata po flasin marrëzira fëminore me teza pasiononte dhe pa fare lidhje logjike me historinë dhe kohet moderne ku po jetojmë”, shkruan Ngjela.
    Ngjela godet Sali Berishën: Grabitësi i madh i votave kërkon votë të lirë- komedi tragjike që po luhet para syve tanë
    Më tej avokat Ngjela në një status tjetër në rrjetet sociale ka shpërthyer në ironi të ashpër ndaj Sali Berishës, duke e cilësuar si grabitësin më të madh të votave në historinë e Shqipërisë. Ai ironizon thirrjen e tij për ndihmë ndërkombëtare për votën e lirë, duke e quajtur një komedi tragjike politike që flet më shumë për hipokrizinë sesa për demokracinë. Për Ngjelën, kërkesa e Berishës është kulmi i absurdes: një autor i dhunës zgjedhore që kërkon të garantojë vetë votën e lirë. “Saliu… Grabitësi më i madh i votave në Shqipëri; po i kërkon Evropës ndihmë për votën e lirë në Shqipëri…. hahahahaha. Një komedi e bukur po shfaqet sot publikisht nga Sali Berisha për votën e lirë, kur dihet botërisht që ai e urren votën e lirë dhe mburret për këtë.
    Por kjo kuptohet se është një nxitje për një komedi të madhe kundër tij, në të gjithë Shqipërinë. Saliu po iu bën kërkesë ndërkombëtarëve për garantimin e votës së lirë në Shqipëri… Këtë po e dëgjojmë sot në lajme nga Saliu, i cili dhunoi brutalisht me dhunë shtetërore votimet e vitit 1996. Asgjë më shumë se një komedi. Vjedhësi i vjedhjes së votave në Shqipëri po kërkon ndihmë ndërkombëtare që Shqipëria të ketë votim të lirë, dhe që, mundësisht, këtë votim ta drejtojë ai. Hahahahaha.. Dhe ja çfarë po na thotë Saliu: Ligësia e ligësisë së ligësisë sime kundër votës së lirë, po ma dërmon kaq shumë ligësinë sa, me këtë ligësi, unë po kërkoj votën e lirë në Shqipëri”, shprehet Ngjela.
    Spartak Ngjela zbulon maskën e Berishës: Pasuria e fshehtë, gënjeshtrat e pafund dhe deliri i madhështisë në gjyq
    Ndërkohë në një status tjetër në rrjetet sociale, avokat Spartak Ngjela godet ashpër Sali Berishën, duke ngritur pikëpyetje të forta mbi pasurinë marramendëse të familjes së tij dhe lidhjen e saj me korrupsionin. Ai ironizon tentativat e Berishës për të shmangur akuzat, duke e krahasuar me një të pandehur që nuk kupton as krimin që ka kryer. Sipas Ngjelës, Berisha po sillet si një diktator i rënë në delirin e madhështisë, ndërsa gjykata afrohet me prova të pakundërshtueshme. “Saliu vërtitet me gënjeshtra fëmijësh për të fshehur korrupsionin e tij dhe të familjes së tij; kurse ata që në formë  ekspertësh drejtojnë SPAK qeshin me të dhe thonë: Si e ka krijuar popullaritetin e vet politik në Shqipëri një individ që aktualisht duke dashur të shpëtojë nga akuza për korrupsion me nivelin e tij baritor po e provon dita ditës edhe më qartë përgjegjësinë e tij penale. Nuk di se çfarë të thotë për komisionerët  e tij që nuk kanë konstatuar asnjë abuzim me zgjedhjet e majit 2025. Nuk di se çfarë të thotë për paratë që i janë gjetur dhe ka familja e tij: miliona dollarë.
    Nuk di të shpjegojë faktin se si është pasuruar familja e tij. Saliu zmadhon gjithçka ose zvogëlon gjithçka; dhe ajo më qesharakja është argumentimi për çështjen Partizani, e cila kuptohet se po e fundos. Por hetim shkencor dhe me nivel ka një metodë që quhet progresive; sepse fakti nxjerr faktin në një hetim shkencor ku provat vijojnë me njëra-tjetrën. Dhe koha e pasurisë Berisha duket se është në gjykim; por çfarë kuptohet nga psikika e të pandehurve nën këtë çështje? Ata nuk kuptojnë sepse nuk e dinë dhe nuk mund ta kuptojnë dot se çfarë është prova në procesin penal dhe si garantohet juridikisht vërtetësia e saj në funksion të akuzës. Të gjitha këto Saliut dhe  atyre që janë  përfshirë në këtë akuzë; u duken gjëra abstrakte dhe kjo i gëzon sepse janë delirantë në ndërtim dhe thonë: përderisa mua më duket abstrakte kjo akuzë, ajo nuk ekziston.
    Dhe prandaj u duket se e kanë fituar çështjen; por sigurisht që neve gjithçka do të na i sqarojë ligjërisht me kuptueshmëri të saktë juridike provueshmëria juridike e kësaj çështjeje gjatë procesit gjyqësor; i cili ka filluar. Por kriminologët e mëdhenj na kanë thënë se i akuzuari që nuk e kupton dot akuzën që i është ngritur para një gjykate; edhe pse e di si drita e diellit që e ka kryer krimin; bie në delirin e madhështisë dhe nga deliri e kujton veten superior në mbrojtje, dhe nuk pyet as avokatin. Si rregull këta kanë qenë diktatorët e akuzuar para një gjykate, por edhe ish presidentët të cilët në mbrojtjen e tyre qesharake para gjykatës që po e  gjykon, mendojnë të bindur se e kanë mposhtur organin e akuzës; edhe pse në fakt kanë thënë si mbrojtje nonsense pa logjikë juridike”, nënvizon Ngjela.

  • “Shko merr 150 euro″/Korrupsioni në Qafë-Botë, si doganieri i kërkoi para shqiptarit

  • “Mbi 240 mijë $..”/ SPAK dyshon për episod të ri korrupsioni për Metën e Kryemadhin

    “Mbi 240 mijë $..”/ SPAK dyshon për episod të ri korrupsioni për Metën e Kryemadhin

    SPAK dyshon për një tjetër episod korrupsioni për Ilir Metën dhe Monika Kryemadhin. Siç mëson gazetari i “Klan News” Besar Bajraktaraj, bëhet fjalë për mbi 240 mijë dollarë shpenzime me kartën e dytë bankare që ishte vënë në dispozicion nga biznesmeni shqiptaro-amerikan Adrian Shatku. Në hetimet e mëparshme ishte zbuluar një kartë tjetër “American Express” që gjithashtu përdorej dhe mbahej nga i njëjti biznesmen.
    Kjo është shuma që është arritur të dokumentohet deri më tani pasi dyshohet se vlera mund të jetë më e lartë dhe për këtë priten të tjera letërporosi.
    SPAK ka administruar disa letërporosi nga disa shtete të huaja mbi pagesat që janë kryer me këtë kartë të dytë online bankare.
    Meta ka mohuar të ketë lidhje me këtë kartë bankare duke u distancuar nga veprimet e ish-bashkëshortes. Ai ka theksuar se po mbahet në qeli me urdhër politik dhe se po krijohen “episode” përmes manipulimit.
    “Unë e mirëkuptoj pasionin e tyre për të mbajtur me pahir në opinion një çift, që nuk ekziston më as juridikisht prej një viti“, është shprehur Meta nga burgu, ku qëndron prej 21 tetorit të vitit të shkuar.
    Teksa hetimet do vijojnë edhe për tre muaj të tjerë, Meta dhe Kryemadhi janë marrë të pandehur nga SPAK për korrupsion, pastrim parash dhe mosdeklarim pasurie. /tvklan.al
     

  • Marrëveshja e “zezë” e vitit ’92, si Berisha i dorëzoi ekonominë shqiptare Serbisë për pushtet, avokat Ngjela zbulon…

    Marrëveshja e “zezë” e vitit ’92, si Berisha i dorëzoi ekonominë shqiptare Serbisë për pushtet, avokat Ngjela zbulon…

    Rigels Seliman
    Avokati i njohur, Spartak Ngjela ka komentuar ashpër zhvillimet më të fundit politike në vend, duke vënë në shënjestër kryetarin e Partisë Demokratike, Sali Berisha. Në një intervistë për “Dritare.net”, ai ka hedhur akuza të forta për një marrëveshje të fshehtë të vitit 1992, që sipas tij, i dorëzoi ekonominë shqiptare ndikimit serb. Më tej avokat Ngjela ka vlerësuar rolin vendimtar të SHBA-së dhe SPAK-ut në luftën kundër korrupsionit, duke theksuar se reforma në drejtësi është drejtuar nga ekspertë amerikanë. Ai paralajmëron një “goditje të madhe” që pritet ndaj Sali Berishës dhe të tjerëve të përfshirë në dosje të mëdha korrupsioni. Sipas tij, fundi i pandëshkueshmërisë në politikën shqiptare është afër.
    -Avokat Ngjela, e dini ju, se kush e drejton SPAK-un?
    Nuk e drejtojnë shqiptarët. Amerikanët shikojnë atje, atje i keni ekspertët. Dinë të shikojnë, edhe pagesën ata e bëjnë, është i shtrenjtë, kanë rroga të larta ata, edhe prokurorët, edhe gjyqtarët. Shumë e vërtetë. Ata na i kanë marrë përsipër të na ndërtojnë pushtetin gjyqësor dhe kanë bërë… Ka bërë SPAK. Ti e ke parë, janë të gjithë ata nën akuzë, me kryeministra, me ministra, me kryetarë bashkish, me deputetë. Pra, ka filluar pastrimi i korrupsionit. Po, më lejoni t’ju them një gjë: Që korrupsioni mund të shkatërronte Shqipërinë. Këtë e pa Perëndimi dhe politika amerikane që ndërhyri me forcë, se nuk u interesonte të shpërbëhej Shqipëria në një kohë që ishin dy shtete shqiptare dhe shtetin e dytë shqiptar, Kosovën, e nxorën. Atëherë, pyetja bëhet: Pse janë kaq të interesuar për këtë pikë, ose këtë rrafsh historik, kështu, gjeografik? Sepse konflikti me Rusinë… E ka në konfliktin me Rusinë, po, Amerika e ka domosdoshmëri botën shqiptare në Ballkanin Perëndimor. Sa e mori të gjithën, shikojeni me vëmendje, kur e mori të gjithë botën shqiptare në Ballkanin Perëndimor, të dy shtetet, dhe po kërkonte të merrte edhe Çamërinë (se ka marrë dhe gjysmën e Maqedonisë së Veriut). Po, pra, kur ata e panë që ky po e merrte botën shqiptare në Ballkanin Perëndimor, u tërhoq. E keni parë që politika ruse është më në tërheqje, po, kundër nesh…
    -Avokat, e ngarkuara me punë e ambasadës së SHBA në Tiranë, nuk ka qenë aq aktive, fjala vjen, sa e ngarkuara tjetër. Në qoftë se ju kujtohet, ajo ishte, edhe pse nuk kishte titullin ambasador, shkonte në SPAK vetë, shkonte në konferencat gjyqësore, bënte deklarata. Po, atëherë, në rregull. Po, do të jemi korrekt me kohën…
    Po, atëherë, atëherë ishte periudha e marrjes së tyre. Tani ata i kanë marrë, ato kanë, jo vetëm… Po, kanë shpëtuar dhe Shqipërinë, të jemi realistë. Morën dhe pavarësinë e Kosovës. Pse ne e morëm? Natyrisht që UÇK-ja kishte vlerën e vet. Ajo, ajo ishte, a ishte fakti që mbështeti aksionin? U bombardua Beogradi gjatë… Ti e di. Po, ku ishte forca? Ku ishte ajo? Amerika. Jo, jo. Ku ishte justifikimi juridik dhe historik? UÇK-ja.
    -UÇK-ja?
    Atëherë, përderisa serbët kaluan në ekstremizëm, se UÇK-ja i çoi në ekstremizëm dhe ata ranë në shkelje, në terrorizëm, ju e dini. Po, edhe Amerika s’mund të lejonte terrorizëm në një shtet, në një shoqëri që e kishte të vetën, e kishte simpatizantin e vet. Dhe kur goditi Clinton, ju e dini, goditi terrorizmin, ju e dini. U vranë të gjithë ata. Pas asaj vrasjes së madhe në Reçak, ku ndodhi masakra… S’më kujtohet atëherë, foto… bombardimin. Dhe është më e bukura që vetëm me bombardim e mori. Nuk çoi trupa. E para luftë, e para betejë pa trupa tokësorë, pa trupa, vetëm me bombardim. Ishte gjenialitet në kuptimin e jo të letërsisë, jo të artit, por të artit ushtarak. Domethënë, e kishin studiuar mirë psikologjinë, e kishin… e kishin studiuar mirë psikologjinë serbe në funksion të asaj force. Dëgjoni, t’ju them një gjë.
    -Po, patjetër…
    Psikologjia e një shteti ose të një qeverie është normale në momentet kur është qetësi. Në momentet kur vjen historia e luftës, ndryshon psikika. Por, po, ndryshon psikikë në krizë. Ata… Një shoqërie nuk i ndërron psikika nga paqja në luftë, vetëm anglosaksonëve. Pse? Kanë filluar… Kanë fituar, kanë fituar eksperiencë qindra vjeçare me kolonitë, me këto. Ju e dini për sa zgjat.
    -Avokat, mua më bën përshtypje, herë pas here i kam dhe pjesë të studimeve të mia, që parlamenti shqiptar i viteve ’20-’30 kishte mendje të ndritura, si Fan Noli, Faik Konica, Ndre Mjeda, Gjergj Fishta dhe oratorin Ali Këlcyra. Parlamenti pas ’90-ës, me raste po themi sporadike, ka pasur disa oratorë, duke përmendur edhe ju. Parlamenti i kujt? Parlamenti pas ’90-ës. Pas ’90-ës.
    Po, ka pasur disa oratorë, zotin Blushi, po edhe ndonjë tjetër. Po, sporadik.
    -Tani si ka mundësi, avokat, që kemi këtë disnivel në 100 vjet histori parlamentarizëm?
    Ishin në arsim të nivelit të lartë, që e dini ju. Ata kështu, njerëz që erdhën nga rruga… Ata ishin rilindasit tanë, që krijuan rilindjen dhe psikologjinë tonë kombëtare. Rilindja kombëtare e krijoi. Pastaj, ajo erdhi dhe mori… mori atë pavarësinë e ’12-ës, se cila ishte gjymtimi i Shqipërisë. Po, rezistuan se ishin njerëz të mëdhenj. Doroni, tha, “sot do t’i marrin”, dhe i morën, e morën gjysmën. Shikojmë, pra, çështja është që u shtua dhe popullsia shqiptare. Mos e harroni atë! Edhe këtu, edhe në Kosovë, edhe në Maqedoni. Këtu komunizmi i bënte thirrje… Byroja Politike i bënte thirrje anëtarëve të Byrosë Politike, i thoshin: “Sa fëmijë ke?” “Tre.” “Shko gjashtë!” i thoshin. E di pse? Se ata e morën 850 mijë banorë e morën në Shqipëri. 850, fiks aq ka qenë. Po, po. E lanë 4 milionë. M… 4 milionë e kishin atë… 4 milionë e lanë. Kishin… e kishin atë të popullsisë. 4 milionë e lanë ata. Po tani, 1 milion e gjysmë janë emigrantë që na mbajnë gjallë. Ata na mbajnë gjallë. Ku kemi ne prodhim industrial? Në… nga ’92-shi deri në ’96-ën, Saliu shkatërroi, me gjithë ata, me gjithë ekipin e tij, shkatërruan 500 uzina, fabrika. Shqipëria. Nuk e dini ju?
    -Para disa vitesh i denoncoi…, një parlamentar i rëndësishëm në Beograd, kur deklaroi… Jo, kur deklaroi me 40 milionë dollarë, tha: “Kemi shkatërruar në Shqipëri 500 uzina dhe fabrika nga ’92-shi në ’95-ën.” Po tani, avokat…
    Ore, një minutë, ti, një minutë, do t’i dëgjoni: PD-ja e ’92-shit ka qenë drejtuar nga Beogradi. Kaq. Mos e zgjasim.
    -Ju keni informacion për këtë?
    Unë s’kam informacion. Ai e di mirë, se ai ka qenë në pushtet, se ka qenë president. Po, ai tha: “Mund të jetë 20, mund të jenë 40.” Nuk ka rëndësi. Problemi qëndron që dhe ata e pranuan që shkatërruan këtu… shkatërruan këtu 500 uzina dhe fabrika, 500 uzina, fabrika, edhe furrat e bukës që kishte ndërtuar, që i kishte ndërtuar shqiptarët e shkretë me bukë.
    -A është ky krimi më i madh që ka ndodhur pas ’90-ës?
    Natyrisht, është krim historik. Nuk është krim çfarë…? Po, është historik, historik. Të dëgjojmë një fjalë. Pra, goditja e madhe e zhvillimit kombëtar. Do t’i kishte blerë të 500 uzina dhe fabrika, zotëri, do t’i kishte blerë kapitali privat. Sot isha në… pyeta, pyeta këta, unë, vendet e Lindjes. “Po si e bëtë?” i thashë. I thashë dhe çekëve, ministrit. Ata më thanë që: “Me zor i mbajtëm, se desh na i hodhi Rusia, se ishin shtetërorët edhe atje.” “Këto,” i thashë unë, “si kaluat nga shtetërore në kapitalin privat?” “I bllokuam,” tha, “dhe i mbajtëm, i ruajtëm sikur po ruanim thesarin.” Sa e bukur kjo! “Si doni të na hidhte një herë me agjenturë rusët? Siç e bën këtu, moj! Si bëhet këtu!” Po, agjentura sllave… Po, agjentura sllave bëri edhe këtu. Po, këta tanët ishin hajvanë, në mos ishin të tyre. Pra, çështja është që ata i mbrojtën. Çekët i mbrojtën, pak, shumë pak na goditën, tha, dhe pastaj u forcua kapitali privat dhe i bleu. Ata kishin Skodën, e kishin. E dini, i kanë marrë privatët. Kishin markat, markat. Po, po, i kanë marrë privatët. Po ne nuk patëm, nuk patëm fuqi, nuk patëm rast, sepse në ’92-shin këtu në pushtet erdhi Beogradi. Mos e diskuto këtë.
    -Ndërkohë avokat, më bëri përshtypje një deklaratë e Genc Gjokutajt, avokatit të zotit Berisha, i cili bëri një status pak ditë më parë dhe në një farë mënyre kërcënonte të gjithë ata që duan të përmbysin, thoshte Gjokutaj, Sali Berishën, dhe ai premtonte që ne do përleshemi edhe fizikisht për ata që ai quante “gej dhe lezbike” në partinë, brenda Partisë Demokratike. Cili është komenti juaj?
    Një nivel i ulët, nivel ordiner. Nivel ordiner. Do që të thyejë ata që të mos kenë forcë. Ata janë… Unë ja shpjegova kush janë ata. Unë nuk i njoh emra, por e pashë që janë njerëz të iluminuar, duan… duan të shpëtojnë Partinë Demokratike. Dhe ka shumë, ka shumë analistë që më kanë thënë: “Do ta shpëtojnë.” Të shohim.
    -SPAK ka pasur zhvillim dhe ka pasur një lloj bilanci, avokat, në pesë vite e pak muaj ekzistencë të tij. Po, ju gjithmonë jeni shprehur se pritshmëritë i keni akoma më të larta, me atë që quhet fundore ose finale me dënime. Tani, në këtë fazë ku është SPAK-u, sipas mendimit tuaj?
    Vetë nuk është keq. Duhet t’i kapin faktet. Jo, koncept gjeneral. Duhet të marrim një koncept partikular ose singular, të veçantë. Ku jemi? Duhet të kuptojmë. Një ish-kryeministër i arrestuar. Një kryeministër tjetër është nën akuzë. Janë dy kryeministra nën akuzë. Janë dy presidentë nën akuzë. Janë… janë nja katër, pesë ministra nën akuzë. Shumica janë të majtë, tash, dhe do vijojë, se korrupsioni ka qenë shumë i rrezikshëm këtu. Të shikojmë, do na eliminojë SPAK korrupsionin? SPAK-u prandaj është mbështetur antikorrupsion. Kuptohemi. Ata e quajtën antikorrupsion dhe, domethënë, kundër korrupsionit dhe krimit të organizuar. Është quajtur SPAK, se ka lidhje. Nuk ka lidhje, se korrupsioni pa krimin e organizuar në treg nuk fiton dot. Ku fitohen ato para? Ai me tregtarët e bën, me industrialistët, me tregtarët. Ju bën privilegj atyre, fiton dhe vetë. A kupton? Por ama, dëmton tregun. Dhe të shikojmë se si do ecin ngjarjet. SPAK e ka në dorë atë purifikimin, purifikimin antikrim të shoqërisë shqiptare. Të shohim.
    -Besoni që Altin Dumani do ta vazhdojë dhe mandatin e dytë dhe të arrijë këto që ju thatë, si drejtues i SPAK-ut?
    Të shohim. Kanë zgjedhjet. Nuk e di. Nuk i dihet se çfarë. Po, do të kemi parasysh një gjë: Hetuesinë e SPAK-ut nuk e drejtojmë ne. Drejtojnë ndërkombëtarët. Ikni në SPAK, do shikoni ekspertët amerikanë atje. E aq më mirë. Të shikojmë se si do ecim. Ikën njëherë, e shpëtuan. Kur erdhi Trumpi, ikën, po dhe pati një shqetësim nga individët që prisnin shumë nga SPAK. Po, por ata i kthyen të gjithë, ju e dini, i kthyen tërë ekspertët, i kthyen. Kthyen edhe ata. Janë po në rregull. Atëherë, jemi atje ku kemi qenë. Të shikojmë goditjen. Do ta presim me vëmendje, se duhet të keni parasysh një gjë: Korrupsioni është shumë vështirë të goditet, se ata janë ndërkombëtarë dhe ata nuk arrestojnë pa prova. Por, Anglosaksonët vetë… Por të shikojmë si e kanë fshehjen këta, sepse shiko si fshihet korrupsioni. Po, pra, në tre duar: nga A-ja te B-ja, nga B-ja te C-ja. Dhe duhet të shkojnë deri te C-ja që ta kapin. Ai mund të jetë nipi, mund të jetë vëllai. Nuk ka rëndësi. Janë… është një rrjedhë e arsyes kriminale, flas në kuptimin e korrupsionit, arsyes korruptive, e cila kërkon të qarkullojë paranë. Dhe për të fituar paranë, do ta qarkullosh në treg. Për të hyrë në treg, do të kesh tregtarët ose industrialistët e tregut. Paratë janë të korrupsionit. Fiton edhe… fiton edhe tregtari, të kuptohemi. Po, po. Investimi është nga korrupsioni. Ku është ngjashmëria? Ngjashmëria me Perëndimin është se edhe atje investimi është nga kapitali, por është fitim i ligjshëm i kapitalit. Jo, jo, korrupsion. Ja kjo është.

  • 8 në 10 shqiptarë besojnë se sistemi është i shëndetësisë është korruptuar

    8 në 10 shqiptarë besojnë se sistemi është i shëndetësisë është korruptuar

    Foto ilustruese

    TIRANË- “Kur kisha nënën tek Trauma, veç lekë kërkonin dhe të drejtonin: shko merr këtë aty. I linin njerëzit derisa na drejtonin për të blerë protezë dhe të gjitha gjërat e nevojshme për ndërhyrjen. Nuk ia mban kujt të ankohet, sepse nuk të kapin me dorë”. Kjo është vetëm një nga dëshmitë e familjarëve për përvojën e tyre me korrupsionin në spitalet shqiptare, e publikuar në raportin “Vlerësim i perceptimit të publikut shqiptar mbi korrupsionin në sektorin e shëndetësisë” nga shoqata “Together for Life”.
    Raporti i publikuar në maj 2025 bazohet në anketimin e 1 mijë qytetarëve dhe njerr në pah një fenomen mjaft shqetësues në sektorin e shëndetësisë. Të dhënat tregojnë se 8 në 10 persona shprehin bindjen se sistemi shëndetësor në Shqipëri është i korruptuar.
    “83% e të anketuarve e konsiderojnë sistemin shëndetësor si të korruptuar,” thekson raporti.
    Alma Lahe, një prej eksperteve të këtij raporti, argumenton se ajo që i prek pacientët dhe për të cilën ata tregojnë ndjeshmëri më të madhe është korrupsioni i vogël, që e ndjejnë drejtpërdrejt në xhepin e tyre.
    “Nga raporti i publikuar nga TFL rezulton se korrupsioni është një fenomen mjaft i përhapur në këtë sektor dhe ai është i përhapur në të gjitha nivelet, duke filluar nga korrupsioni i ‘vogël’ nëpërmjet mirëmbajtjes së ofruesve të shërbimit që kërkojnë, apo pranojnë pagesë jo formale nga pacientët për shërbime që duhet të ofrohen falas dhe deri te korrupsioni i ‘madh’ që përfshin institucionet e larta dhe që ka të bëjë me procedurat tenderuese në infrastrukturë, pajisje apo shërbime,” tha Lahe për BIRN.
    Raporti i Shoqatës “Together for Life” tregon se korrupsioni ka prekur të gjitha nivelet e sistemit shëndetësor. Spitalet universitare perceptohen si më të korruptuarat nga 8 në 10 të anketuar (81%); spitalet rajonale perceptohen si shumë të korruptuara nga 76% e të anketuarve, ndërsa spitalet bashkiake perceptohen si shumë të korruptuara nga 60% e burrave dhe 55% e grave.
    Presidenti i Këshillit Kombëtar të Urdhrit të Mjekëve, Dritan Trepça është i vetëdijshëm se korrupsioni në sistemin shëndetësor perceptohet si një ndër format më shqetësuese të korrupsionit publik për qytetarët.
    “Një nga burimet më të zakonshme të perceptimit për korrupsion në shëndetësi është praktika e ryshfetit apo ‘bakshishit’ për mjekët, infermierët, apo personelin tjetër për të marrë kujdes të favorshëm, më të shpejtë, apo më të kujdesshëm. Këto praktika, ndonëse shpesh justifikohen si ‘traditë’ apo ‘falënderim’, në realitet ushqejnë një sistem informal pagesash që cenon barazinë në qasje,” tha Trepça.
    Shkaqet e korrupsionit
    Gjetjet e raportit të shoqatës “Together for Life” tregojnë se 70% e pacientëve kanë paguar ryshfet për shërbimin e kërkuar, sepse u është lënë të kuptohet se ndryshe nuk do ta merrnin atë shërbim. Ndërkohë, 53% e të anketuarve thonë se kanë paguar për të marrë shërbim më të mirë, 42% për të përshpejtuar marrjen e shërbimit dhe 22% të pacientëvë u është kërkuar pagesë drejtpërdrejt nga stafi.
    “Tre në katër pjesëmarrës (75%) raportojnë se kanë dhënë ryshfet për kryerjen e operacioneve dhe trajtimeve. Kjo sugjeron një presion të madh mbi pacientët për të siguruar trajtim adekuat në raste urgjente ose jetike,”- thekson raporti.
    “Vizitat në spitalet publike (56%) dhe lindjet e kujdesi obstetrik-gjinekologjik (52%) janë ndër shërbimet për të cilat pjesëmarrësit në anketë pranojnë se kanë dhënë ryshfet”, nënvizohet në raportin “Vlerësim i perceptimit të publikut shqiptar mbi korrupsionin në sektorin e shëndetësisë”.
    Rreth 2 në 3 të intervistuar (63%) mendojnë se shkaku kryesor i përhapjes së korrupsionit në sistemin shëndetësor është kultura e pranuar e ryshfetit në shoqërinë shqiptare. Sipas raportit, mungesa e kontrollit dhe e ndëshkimeve nga autoritetet është faktori kryesor që nxit korrupsionin në shëndetësi. Po ashtu, qytetarët përmendin keqmenaxhimin dhe mungesën e transparencës, mungesën e vetëdijes dhe guximit për të raportuar korrupsionin, pagat e ulëta të personelit shëndetësor si dhe nënfinancimin e sistemit nga shteti si shkaqe kryesore.
    Doktor Trepçka nga Urdhri i Mjekëve thotë se perceptimi për korrupsionin në sektorin e shëndetësisë është një ndër pengesat për ndërtimin e një sistemi të drejtë, efikas dhe të besueshëm.
    “Korrupsioni i perceptuar, edhe kur nuk është i faktuar, në çdo rast krijon një klimë mosbesimi që dëmton si qytetarin, ashtu edhe vetë profesionistin. Zgjidhja kërkon një qasje të gjithanshme: transparencë, drejtësi, ndërgjegjësim dhe forcim të institucioneve,” thekson ai.
    Lahe nga shoqata “Together for Life” thekson se shoqëria civile ka një rol të rëndësishëm në monitorimin e institucioneve, me qëllim që të kërkojë transparencë.
    “Është roli dhe misioni i shoqërisë civile të jenë aktivë në monitorim dhe në të kërkuarit nga institucionet të jenë më transparente, të përgjegjshme dhe llogaridhënëse”, thotë ekspertja Alma Lahe.
    Ekspertët e raportit rekomandojnë ndër të tjera se: “Për të rikthyer besimin e publikut, është thelbësore që rastet e korrupsionit të ndiqen dhe ndëshkohen në mënyrë të drejtë, të paanshme dhe në kohë nga autoritetet përkatëse. Kjo përfshin zbatimin konsekuent të ligjit dhe shmangien e çdo tolerance ndaj praktikave korruptive në sektorin shëndetësor”./BIRN

  • Alarmante! 8 në 10 shqiptarë besojnë se sistemi shëndetësor është i korruptuar

    Alarmante! 8 në 10 shqiptarë besojnë se sistemi shëndetësor është i korruptuar

    Një raport i publikuar nga shoqata “Together for Life” tregon se korrupsioni është i gjithëpërhapur në sistemin shëndetësor. Sipas ekspertëve, korrupsioni në shëndetësi është një nga format më shqetësuese për qytetarët, që e kthyer në praktikë të zakonshme cenon qasjen në kujdes shëndetësor.
    “Kur kisha nënën tek Trauma, veç lekë kërkonin dhe të drejtonin: shko merr këtë aty. I linin njerëzit derisa na drejtonin për të blerë protezë dhe të gjitha gjërat e nevojshme për ndërhyrjen. Nuk ia mban kujt të ankohet, sepse nuk të kapin me dorë”. Kjo është vetëm një nga dëshmitë e familjarëve për përvojën e tyre me korrupsionin në spitalet shqiptare, e publikuar në raportin “Vlerësim i perceptimit të publikut shqiptar mbi korrupsionin në sektorin e shëndetësisë” nga shoqata “Together for Life”.

    Raporti i publikuar në maj 2025 bazohet në anketimin e 1 mijë qytetarëve dhe njerr në pah një fenomen mjaft shqetësues në sektorin e shëndetësisë. Të dhënat tregojnë se 8 në 10 persona shprehin bindjen se sistemi shëndetësor në Shqipëri është i korruptuar.

    “83% e të anketuarve e konsiderojnë sistemin shëndetësor si të korruptuar,” thekson raporti.
    Alma Lahe, një prej eksperteve të këtij raporti, argumenton se ajo që i prek pacientët dhe për të cilën ata tregojnë ndjeshmëri më të madhe është korrupsioni i vogël, që e ndjejnë drejtpërdrejt në xhepin e tyre.
    “Nga raporti i publikuar nga TFL rezulton se korrupsioni është një fenomen mjaft i përhapur në këtë sektor dhe ai është i përhapur në të gjitha nivelet, duke filluar nga korrupsioni i ‘vogël’ nëpërmjet mirëmbajtjes së ofruesve të shërbimit që kërkojnë, apo pranojnë pagesë jo formale nga pacientët për shërbime që duhet të ofrohen falas dhe deri te korrupsioni i ‘madh’ që përfshin institucionet e larta dhe që ka të bëjë me procedurat tenderuese në infrastrukturë, pajisje apo shërbime,” tha Lahe për BIRN.
    Raporti i Shoqatës “Together for Life” tregon se korrupsioni ka prekur të gjitha nivelet e sistemit shëndetësor. Spitalet universitare perceptohen si më të korruptuarat nga 8 në 10 të anketuar (81%); spitalet rajonale perceptohen si shumë të korruptuara nga 76% e të anketuarve, ndërsa spitalet bashkiake perceptohen si shumë të korruptuara nga 60% e burrave dhe 55% e grave.
    Presidenti i Këshillit Kombëtar të Urdhrit të Mjekëve, Dritan Trepça është i vetëdijshëm se korrupsioni në sistemin shëndetësor perceptohet si një ndër format më shqetësuese të korrupsionit publik për qytetarët.
    “Një nga burimet më të zakonshme të perceptimit për korrupsion në shëndetësi është praktika e ryshfetit apo ‘bakshishit’ për mjekët, infermierët, apo personelin tjetër për të marrë kujdes të favorshëm, më të shpejtë, apo më të kujdesshëm. Këto praktika, ndonëse shpesh justifikohen si ‘traditë’ apo ‘falënderim’, në realitet ushqejnë një sistem informal pagesash që cenon barazinë në qasje,” tha Trepça.
    Shkaqet e korrupsionit
    Gjetjet e raportit të shoqatës “Together for Life” tregojnë se 70% e pacientëve kanë paguar ryshfet për shërbimin e kërkuar, sepse u është lënë të kuptohet se ndryshe nuk do ta merrnin atë shërbim. Ndërkohë, 53% e të anketuarve thonë se kanë paguar për të marrë shërbim më të mirë, 42% për të përshpejtuar marrjen e shërbimit dhe 22% të pacientëvë u është kërkuar pagesë drejtpërdrejt nga stafi.
    “Tre në katër pjesëmarrës (75%) raportojnë se kanë dhënë ryshfet për kryerjen e operacioneve dhe trajtimeve. Kjo sugjeron një presion të madh mbi pacientët për të siguruar trajtim adekuat në raste urgjente ose jetike,” thekson raporti.
    “Vizitat në spitalet publike (56%) dhe lindjet e kujdesi obstetrik-gjinekologjik (52%) janë ndër shërbimet për të cilat pjesëmarrësit në anketë pranojnë se kanë dhënë ryshfet”, nënvizohet në raportin “Vlerësim i perceptimit të publikut shqiptar mbi korrupsionin në sektorin e shëndetësisë”.
    Rreth 2 në 3 të intervistuar (63%) mendojnë se shkaku kryesor i përhapjes së korrupsionit në sistemin shëndetësor është kultura e pranuar e ryshfetit në shoqërinë shqiptare. Sipas raportit, mungesa e kontrollit dhe e ndëshkimeve nga autoritetet është faktori kryesor që nxit korrupsionin në shëndetësi. Po ashtu, qytetarët përmendin keqmenaxhimin dhe mungesën e transparencës, mungesën e vetëdijes dhe guximit për të raportuar korrupsionin, pagat e ulëta të personelit shëndetësor si dhe nënfinancimin e sistemit nga shteti si shkaqe kryesore.
    Doktor Trepçka nga Urdhri i Mjekëve thotë se perceptimi për korrupsionin në sektorin e shëndetësisë është një ndër pengesat për ndërtimin e një sistemi të drejtë, efikas dhe të besueshëm.
    “Korrupsioni i perceptuar, edhe kur nuk është i faktuar, në çdo rast krijon një klimë mosbesimi që dëmton si qytetarin, ashtu edhe vetë profesionistin. Zgjidhja kërkon një qasje të gjithanshme: transparencë, drejtësi, ndërgjegjësim dhe forcim të institucioneve,” thekson ai.
    Lahe nga shoqata “Together for Life” thekson se shoqëria civile ka një rol të rëndësishëm në monitorimin e institucioneve, me qëllim që të kërkojë transparencë.
    “Është roli dhe misioni i shoqërisë civile të jenë aktivë në monitorim dhe në të kërkuarit nga institucionet të jenë më transparente, të përgjegjshme dhe llogaridhënëse”, thotë ekspertja Alma Lahe.
    Ekspertët e raportit rekomandojnë ndër të tjera se: “Për të rikthyer besimin e publikut, është thelbësore që rastet e korrupsionit të ndiqen dhe ndëshkohen në mënyrë të drejtë, të paanshme dhe në kohë nga autoritetet përkatëse. Kjo përfshin zbatimin konsekuent të ligjit dhe shmangien e çdo tolerance ndaj praktikave korruptive në sektorin shëndetësor”./BIRN