Lajmidites.com

Tag: korabi

  • Java e 6-të e Kategorisë së Parë, fitojnë Skënderbeu, Iliria, Korabi, Lushnja & AF Luftëtari

    Java e 6-të e Kategorisë së Parë, fitojnë Skënderbeu, Iliria, Korabi, Lushnja & AF Luftëtari

    Java e 6-të e Kategorisë së Parë u mbyll ditën e sotme.
    Skënderbeu mori fitoren e radhës, duke mposhtur me rezultatin 3-0 Kukësin, ndërsa Iliria mundi 2-1 Besën.

    Korabi mori tre pikë në transfertë duke fituar 3-0 ndaj Burrelit, ndërsa Lushnja triumfoi 3-2 përballë Kastriotit.
    Në ndeshjet e zhvilluara një ditë më parë, AF Luftëtari fitoi 3-2 në fushën e Pogradecit, ndërsa Laçi dhe Apolonia ndanë pikët me barazimin 1-1.
    Pas javës së gjashtë, Skënderbeu kryeson renditjen me 16 pikë, i ndjekur nga Laçi dhe Iliria me nga 10 pikë.
    Rezultatet e javës së 6-të:
    Pogradeci – AF Luftëtari 2-3
    Laçi – Apolonia 1-1
    Iliria – Besa 2-1
    Skënderbeu – Kukësi 3-0
    Burreli – Korabi 0-3
    Lushnja – Kastrioti 3-2
    © BalkanWeb

  • Arrati e Skënderbeut, Besa nuk jep “besë”, Korabi mposht Burrelin

    Arrati e Skënderbeut, Besa nuk jep “besë”, Korabi mposht Burrelin

    U zhvilluan sot katër ndeshjet e fundit të javës së 6-të në Kategori të Parë. Sikundër dje teksa laçi e Pogradeci zhgënjyen në shtëpi edhe sot nuk munguan surprizat. Skënderbeu bëri detyrën duke mposhtur thellë Kukësin 3-0 ndërsa Ditmar Bicaj në debutim me Lushnjën arrin tri pikët e para me lagunarët (e para fitore sezonale për Lushnjën) teksa theu Kastriotin 3-2.

    Sakaq befasia vjen nga Burreli aty ku vendasit humbën me shifra të pazakontë për ta me Korabin mik 0-3. Sidoqoftë në tjetër rezultat surprizues ngjet në Fushë Krujë. Iliria plot ambicje ka thyer Besën me shifrat 2-1 duke arritur në pak javë të rekuperojë pikë të çmuara. Tani fushëkrujasit kanë kapur Laçin e vendit të dytë me 10 pikë. Për Besën alarmi tani ka “rënë”, pasi skuadra e njohur e ka bërë rutinë situatën e vështirë në fund të tabelës duke mos arritur ende te fitorja.

    Java e 6-të Kategori e Parë 2025/26

    Ilria- Besa 2-1

    Skënderbeu- Kukësi 3-0

    Lushnja- Kastioti 3-2

    Burreli- Korabi 0-3

    Luajtur dje:

    Laçi- Apolonia 1-1

    Pogradeci- AF Luftëtari 2-3/Sportiim.al/

    Vazhdo leximin

  • Iliria-Besa dimenson i vështirë, Bicaj debuton me Lushnjën

    Iliria-Besa dimenson i vështirë, Bicaj debuton me Lushnjën

    Skënderbeu, shansi për arratinë, Besa, Lushnja, Kastrioti dhe Korabi skuadrat që ende nuk kanë fituar këtë edicion.

    Kampionati i 78 i futbollit në Kategori të Parë në këto javë të luajtura po tregon rivalitet të madh thuajse te të gjitha performancat sportive të gjvilluara deri më tani. Përjashto Skënderbeun i cili vijon të dominojë me pikë (13 në 5 javë), të tjerat janë tërësisht të padeshifruara.

    Barazimi i bardhezinjëve dje në fushën e tyre ndaj Apolonisë (1-1) por dhe fitorja e Luftëtarit në Pogradec me skuadrën vendase 2-3, dëshmojnë më së miri se skuadrat e këtij edicioni janë të paparashikuara duke bërë lëmsh objektivë të ndryshëm. Ndërkohë sot në orën 14:00 do të zhvillohen katër duelet e mbetura të këtij raundi.

    Ndeshja me pritshmëri të lartë luhet në Fushë Krujë aty ku Iliria pret Besën e Kavajës. Rritja e skuadrës së Dritan Smajlit dhe gjëndja e rënduar te kavajasit (3 pikë në 5 javë) gjithë pretendime, e bëjnë sfidën mes tyre mjaft luftarake. Ndërkaq Skënderbeu kryesues përballet në stadiumin “Skënderbeu” me Kukësin i cili largoi trajnerin Pajaziti duke mbetur në vorbullën e vështirësive organizative dhe rrezikut të një sezoni të dështuar.

    Në Lushnjë debuton trajneri Ditmar Bicaj ndërsa vetë lagunarët pas 5 barazimëve në po aq takime kërkojnë fitoren e parë. Përballë ka krutanët e Ndreut të cilët mbetën larg pritshmërisë së klubit.

    Histori tjetër përballja e “Liri Ballabani”-t teksa sot derbi rajonal Burreli- Korabi ka shumë për të treguar. Ndalesa e Laçit dje mund të kthehet motiv i shtuar për matjanët pasi një fitore do ta ngjiste skuadrën e teknikut Samuel Nikaj në vend të dytë. Për Korabin, pikët janë emergjencë. Aktualisht 1 pikë larg fundit të ftohtë.

    Java e 6-të Kategori e Parë 2025/26

    Sot ora 14:00

    Ilria- Besa

    Skënderbeu- Kukësi

    Lushnja- Kastioti

    Burreli- Korabi

    Luajtur dje:

    Laçi- Apolonia 1-1

    Pogradeci- AF Luftëtari 2-3

    Vazhdo leximin

  • Kastrioti kërkon fitoren e parë, Kukësi përballja me Pogradecin ‘ndan’…objektivë

    Kastrioti kërkon fitoren e parë, Kukësi përballja me Pogradecin ‘ndan’…objektivë

    Katër ndeshje sot në Kategori të Parë. Ata zhvillohen në orën 16:00 dhe i takojnë javës së 5-të të sezonit 2025/2026. Takime në dukje të balancuara, me Kastrioti- Burreli e cila për nga emrat dhe fakti që zhvillohet në Fushë Krujë paraqitet si sfidë kryesore.

    Po ashtu Korabi- Apolonia në provë force. Dualitet me shumë të panjohura paraqiten dhe Kukësi- Pogradeci e Luftëtari- Iliria.

    Sot, ora 16:00:

    Kukësi-Pogradeci

    AF Luftëtari-Iliria

    Kastrioti- Burreli

    Korabi- Apolonia

    Luajtur dje:

    Besa-Lushnja 1-1

    Skënderbeu- Laçi 1-0/Sportiim.al/

    Vazhdo leximin

  • Dinamo udhëheq e vetme Superligën pas vetëm dy javësh, Tirana e Pogradeci fitojnë jashtë fushe

    Dinamo udhëheq e vetme Superligën pas vetëm dy javësh, Tirana e Pogradeci fitojnë jashtë fushe

    Janë luajtur takimet e javës së dytë të Superligës në volejboll për femra. Dinamo udhëheq e vetme renditjen me 6 pikë të plota, duke surprizuar, por një garë e fortë është pas “bluve” në renditje. Korabi e Teuta ende pa asnjë pikë.
    Dinamo korri fitoren e dytë në kampionat, duke mundur në derbin kryeqytetas 3-0 Partizanin (25-15, 25-20, 25-23). Loja e Partizanit erdhi në rritje nga seti në set, por kjo s’mjaftoi për të mundur Dinamon, që udhëheq me pikë të plota.
    Në Korcë, skuadra e Pogradecit fitoi 3-2 ndaj Skënderbeu pas më shumë se dy orësh lojë (25-18, 23-25, 25-15, 19-25, 15-9). Një ndeshje emocionuese deri në fund, ku të dyja ekipet dueluan për fitoren, që i buzëqeshi liqenoreve.
    Pa problem fiton Vllaznia, që mundi 3-0 Korabin (25-18, 25-21, 25-14), duke tri pikët e para në kampion. Ndërsa në Durrës, ekipi i Tiranës fitoi 3-0 ndaj Teutës (25-14, 25-5, 25-19), duke ndarë vendin e dytë në renditje bashkë me Pogradecin.
    Superliga-Femra, java e dytë
    Dinamo – Partizani, 3-0
    Skënderbeu – Pogradeci, 2-3
    Korabi – Vllaznia, 0-3
    Teuta – Tirana, 0-3
    Renditja: Dinamo 6 pikë, Pogradeci 5 pikë, Tirana 5 pikë, Skënderbeu 4 pikë, Vllaznia 3 pikë, Partizani 1 pikë, Teuta 0 pikë, Korabi 0 pikë.

  • Laçi pritës në Peshkopi

    Laçi pritës në Peshkopi

    Ndeshja Laçi- Korabi për javën e katërt në Kategori të Parë do të zhvillohet në stadiumin e Peshkopisë. Ky është vendimi i marrë unanim mes klubeve dhe miratimin e Departamentit të Garave në FSHF.

    Kjo përballje me dy skuadrave është parashikuar të zhvillohet ditën e premte me orar startues orën 16:00.Po këtë ditë edhe duelet Burreli- Besa dhe supersfida Pogradeci- Skënderbeu.

    Ndërkaq të shtunën tre takiet e tjera po në orën 16:00. Apolonia- Kastrioti, Iliria-Kukësi dhe Lushnja- AF Luftëtari.

    Vazhdo leximin

  • Pogradeci- Laçi sfida kryesore, te Besa debuton Duro

    Pogradeci- Laçi sfida kryesore, te Besa debuton Duro

    Pas Kukësi- Lushnja 1-1 dhe Skënderbeu-Iliria 2-0 luajtur dje, sot inferiorët në orën 16:00 zhvillojnë katër takimet e kësaj jave të tretë. Kryesfida luhet në Pogradec mes vendasëve dhe kurbinasëve të Laçit ndërsa Besa gjën strehë në Luz të Vogël për të pritur Apoloninë.

    Përballje interesante dhe në Gjirokastër mes Luftëtarit dhe Burrelit teksa Kastrioti- Korabi në program për t’u luajtur në Fushë Krujë mbetet gjithnjë një duel i paparashikueshëm.

    Kategori e Parë, java e tretë

    Ora 16:00

    Pogradeci- Laçi

    Kastrioti- Korabi

    Besa-Alolonia (në Luz)

    AF Luftëtari- Burreli/Sportiim.al/

    Vazhdo leximin

  • Korabi nis nga trajneri, Deliallisi rinovon me dibranët

    Alfred Deliallisi nis punën sezonale me Korabin e Peshkopisë që militon në Kategori të Parë. Ish trajneri i Erzenit shihet si pikë e fortë e grupit të ri për të luajtur shanset e Korabit në nivelin e dytë të futbolit shqiptar.

    Klubi e ka njoftuar lajmin në kanalet zyrtare të tij.

    Deliallisi në drejtim të KF Korabi për 2025-2026!

    Pas një viti të vështirë ku arritëm objektivin kryesor dhe shpëtuam sezonin me shumë dinjitet, Klubi i Futbollit Korabi është i lumtur të njoftojë rinovimin e kontratës me trajnerin tonë, Alfred Deliallisi.

    Sot, pas një vizite në qytetin tonë të Peshkopisë dhe ambientet sportive të klubit, u zhvillua prezantimi zyrtar i trajnerit dhe u shpalosën objektivat ambicioze për sezonin e ardhshëm. Me punën e përbashkët dhe përkushtimin, jemi të bindur se do të arrijmë suksese edhe më të mëdha.

    Bashkë me ju, ne vazhdojmë të ndërtojmë historinë e Korabit!

    Vazhdo leximin

  • Besa fiton me Vorën, bileta e dytë shtyhet për javën e fundit

    Besa fiton me Vorën, bileta e dytë shtyhet për javën e fundit

    Verdiktet e mëdha për ngjitjen në Superiore në kategori të Parë shkojnë në javën e fundit.

    Flamurtari dhe Besa kanë bërë detyrën me fitoret e tyre respektive ndaj Erzenit dhe Vorës. Korabi befasoi Lushnjën duke e mposhtur dhe siguroi mbijetesën. Kastrioti do të jetë skuadra që do luajë në “play-out”, pas barazimit 1 me 1 ndaj Apolonisë që nuk i shërbeu këtyre të fundit.

    Java e 32:

    Flamurtari- Erzeni 2-0

    Besa- Vora 1-0

    Kastrioti- Apolonia 1-1

    Lushnja- Korabi 0-1

    Burrel- Valbona 2-1

    Pogradeci- Kukësi 3-0

    Vazhdo leximin

  • Kategoria e Parë, renditja/ Kukësi humbet dhe tani rrezikon seriozisht Kategorinë e Dytë, Korabi bën detyrën me Erzenin

    Kategoria e Parë, renditja/ Kukësi humbet dhe tani rrezikon seriozisht Kategorinë e Dytë, Korabi bën detyrën me Erzenin

    Në Kategorinë e Parë, janë luajtur dy takime në ditën e sotme. Erzeni dhe Korabi e kanë mbyllur në takimin në shifrat 0-2. Dy gola të shpejtë ka realizuar Korabi që në minutën e 19 me Pjeshkën dhe në të 20 me Markun, do të merrte fitoren.
    Tre pikë me shumë vlera për Korabin që tani shkon në vendin e 8, duke u larguar për herë të parë pas shumë kohësh nga zona e ftohtë e renditjes. Nga krahu tjetër, Kukësi po rrezikon seriozisht rënien në Kategorinë e Dytë. Kuksianët kanë humbur 1-2 ndaj Apolonisë në shtëpi dhe pas kësaj humbje e gjejnë veten në vendin e 10 me 28 pikë. /Sport Ekspres/