Adriatik BALLA
Italia e ka kthyer rivalitetin e klubeve të saj dhe po përpiqet ta rrisë nivelin e Serie A, teksa Milani, Interi, Roma e Lacio, por edhe Napoli e ndonjë tjetër kanë ambicie për trofe, në fakt, vëmendja dje ishte tek derbi i Milanos, mes Interit dhe Milanit, por mediat sportive italiane i kushtuan shumë rëndësi edhe situatës me Napolin, ku trajneri Antonio Konte kishte lënë të hapur mundësinë e largimit me arsyetimin se lojtarët e tij s’po angazhoheshin aq shumë në fushën e lojës.
Në të vërtetë një qëndrim të qartë për këtë mbajti presidenti i Napolit, De Laurentis, i cili mohoi zërat që Konte do të largohet. mes palëve ka pasur diskutime të gjera ditët e fundit. Drejtori Sportiv i Napolit, Giovani Mana, ka hedhur poshtë sugjerimet se trajneri Antonio Konte po mendonte dorëheqjen, duke deklaruar se fushata e fundit mediatike rreth ekipit ishte e ekzagjeruar, sipas raportimit të “TuttoMercatoËeb” që citon komentet e tij për Sky Sport. Duke folur para ndeshjes kundër Atalantës, Mana pranoi se ka pasur shumë diskutime rreth klubit, por këmbënguli se situata në thelb ishte e qetë. “Ka pasur shumë dhe tepër theksim,” tha Manna në lidhje me raportimet mediatike. Ai pranoi momentet e vështira, por minimizoi fjalët për krizë, duke shtuar: “Shumë gjëra janë bërë sensacionaliste, por kjo është në rregull.
Krahasimet janë të natyrshme, ato ekzistojnë edhe kur fiton.” Duke iu referuar posaçërisht thashethemeve më dramatike, Manna mohoi çdo mendim të Contes për largim, duke shpjeguar se trajneri thjesht po kërkonte një performancë më të mirë: “Ka pasur shumë zëra, madje u fol edhe për dorëheqjen e trajnerit, por misteri dha një sinjal alarmi për të ngritur nivelin dhe tensionin për të gjithë dhe nuk shoh asgjë të gabuar në këtë. Ne kemi qenë gjithmonë të bashkuar, kohezivë dhe kompaktë: jemi një grup serioz, me vlera; e kemi treguar këtë si vitin e kaluar edhe këtë vit. Jemi të qetë.” Conte e bëri të qartë dy javë më parë se do të diskutojë disa gjëra me bordin e klubit, duke vënë në pikëpyetje angazhimin e lojtarëve të Napolit. Ndërsa ekipi mori një fitore kundër Atalantës, duket se qasja e tij ka funksionuar. Fiorja me Atalantën bindi edhe skeptikët që kjo kishte qenë një strategji e Kontes për të mbajtur të angazhuar lojtarët në fushë dhe kjo gjë funksionoi. Natyrisht, Napoli është një nga pretendentet për titull në Serie A të këtij sezoni.
Tag: konte
-
Napoli mohon zërat që Konte do të largohet, trajneri kërcënoi lojtarët që të angazhoheshin më shumë
-
Alarm te Napoli, humbja provokon takimin De Laurentis-Mana
Trajneri Konte me pushime në Torino, drejtori Mana gjëndët në Romë, presidenti do analizë të dy ndeshjeve të fundit me vetëm një pikë të fituar.
Humbja e rëndë e pësuar dje kundër Bolonjës (2-0) ka përshpejtuar ritmin te Napoli, duke e transformuar pushimin e ndeshjeve ndërkombëtare në një periudhë reflektimi të detyruar për drejtuesit e ekipit.
Siç raportohet nga Sky Sport, Antonio Konte trajneri i Napolit, ka zgjedhur të përdorë ditët e para të pushimit për t’u rikthyer në shtëpi në Torino dhe do të kthehet në Castel Volturno vetëm më vonë. Nuk është planifikuar asnjë konferencë shtypi prej tij.
Por urgjenca e analizimit të situatës aktuale është parësore. Për këtë arsye, është planifikuar një takim midis presidentit Aurelio De Laurentis dhe drejtorit sportiv Xhovani Mana.
Për më tepër që trajneri Konte pas ndeshjes së humbur me Bolonjën duke kritikuar futbollistët e tij u shpreh: “Unë nuk i shoqëroj të vdekurit.” Ndërsa pret të shohë se kur do të takohet me Aurelio De Laurentis. Kjo duket se ka trazuar kampion napoletan./Sportiim.al/
Vazhdo leximin
-
Napoli “blindon” kreun, Konte shpërthen pas Leçes: “Nuk jemi budallenj!”
Napoli fitoi 1-0 ndaj Leçe-s dhe kryeson i vetëm Serie A, por trajneri Antonio Konte nuk u shfaq i kënaqur me lojën e skuadrës.
“Po përballemi me mungesa të rëndësishme si De Brojne, Lukaku e Meret. Disa flasin shumë, por ndonjëherë duhet të heshtin dhe të kuptojnë kush sheh më larg,” tha ai pas ndeshjes për mediat italiane.
Konte pranoi se skuadra rrezikoi në pjesën e dytë pas penalltisë së shpërdoruar nga Kamarda: “Ndeshje të tilla duhen menaxhuar me mend, jo vetëm me zemër. Këtu duhet të udhëheqë arsyeja.”
Në konferencën për shtyp, tekniku shpërtheu: “Ka nga ata që flasin e më pas ikin. Më vjen keq për De Brojne, por është qesharake të thuhet se dëmtimi i tij na bënë që të përfitojmë. Shpresoj që ankesat e disa presidentëve të mos ndikojnë te arbitrat. Ne jemi të qetë, por jo budallenj.”
Fitorja ndaj Leçe-s i jep Napolit kryesimin e përkohshëm, ndërsa Konte kërkon vazhdimësi për të mbajtur gjallë ëndrrën e titullit. -
“Unë nuk do ta lejoja, trajneri i Interit po duket i vogël”, Konte thumbon zikaltrit: Ndryshimi mes Interit dhe Napolit është…
Përballja për kreun e renditjes në Serinë A ka përfunduar me fitoren e Napolit. Të kaltrit kanë mposhtur Interin me rezultatin 3-1 në stadiumin “Diego Armando Maradona”. Pala zikaltër ka kritikuar dhënien e penalltisë në favor të Napolit. Marota tha pas ndeshjes se 11 metërshi ishte i gabuar. Konte është kundërpërgjigjur gjatë intervistës së tij për “DAZN”-in. Trajneri italian ka “thumbuar” klubin zikaltër, teksa ka vënë në dukje fakti se Interi dërgon drejtuesit për të krijuar alibi.
“Ndryshimi mes Napolit dhe Interit është se ata dërgojnë Marotën ose drejtues të tjerë, ndërsa nga ne vij unë. Skuadra e mëdha nuk duhet të krijojnë alibi, unë nuk do t’jua kisha lejuar drejtuesëve të mi. Marota tashmë është bërë edhe president. Po bën një përshkallëzim të madh, por t’ja lërë gjërat e fushës atij që ka bërë ndeshjen dhe të mos ndërhyjë, sepse kështu zvogëlon edhe trajnerin”, ka deklaruar ndër të tjera Antonio Konte./Sport Ekspres/ -
“Ishin të gjitha kushtet për të bërë figurë të keqe”, Konte: Do të ishte turp të pësonim 6 gola
Napoli ka humbur me shifrat 2-0 përballë Mancçester Sitit. Të kaltrit ishin të pafat këtë mbrëmje, teksa janë detyruar të luajnë me një lojtar më pak që nga minuta e 20 e ndeshjes. Antonio Konte ka mbetur i kënaqur me paraqitjen e skuadrës së tij. Ai ka thënë në konferencën për shtyp pas përfundimit të sfidës se kushtet ishin për të bërë një figurë të keqe, por diçka e tillë nuk ndodhi.
“Unë marr ndjenja pozitive. Djemtë erdhën pa frikë, për të luajtur lojën. Është zhgënjyese, sepse vetëm ato 20 minuta të para ia vlejnë të gjykohen. Të mos harrojmë se nuk duam të lëmë një përshtypje të keqe, dhe sonte të gjitha kushtet ishin për të bërë një përshtypje të keqe. Është një gjë të shkosh në shtëpi me rezultatin 2-0 dhe tjetër gjë të pësosh 5 ose 6 gola. Nuk e meritonim një turp të tillë”, ka deklaruar Antonio Konte./Sport Ekspres/ -
Dëmtimi i Lukakut, Napoli hidhet në sulm për emrin e ri
Është një moment shumë delikat për Napolin në Serie A: dëmtimi i Lukakut, i cili do ta lërë jashtë fushave për të paktën katër muaj dhe do të humbasë të gjithë gjysmën e parë të sezonit, e ka futur klubin në një pozicion serioz në tregun e transferimeve.
Trajneri i kampionëve në fuqi Antonio Konte, ditët e fundit, kishte shprehur keqardhje për nevojën për nënshkrime të reja, duke lavdëruar Lukën, por duke e quajtur shumë të ri për të luajtur një rol kryesor. “Ai do të duhet të mësojë nga Lukaku”, kishte thënë Konte, por përshtypja është sulmusi tani do të ketë nevojë për një mentor të ri.
Ndërkaq drejtori sportiv Mana nuk ka humbur kohë duke hartuar një listë të zëvendësuesve të Lukakut: emri i parë është Zirkzee, një ish-lojtar i Bolonjës që luajti për Mançester Junajtid sezonin e kaluar, por nuk arriti të lërë gjurmë në Old Trafford.
Holandezi duket se është në periferi të planit të Amorim, pasi e ka lënë në stol për 90 minuta në humbjen e djeshme ndaj Arsenalit 0-1. Zirkzee, nga ana e tij, nuk do ta përbuzte një rikthim në Serie A në një klub që do t’i lejonte atij të luante edhe në Ligën e Kampionëve.
Vazhdo leximin
-
Rrahmani për ‘Sky Sport’: Napoli skuadra më e mirë që kam luajtur, Konte nuk ka ndyshuar
“Nuk e di nëse Napoli do të bëhët klubi më i fortë për të cilin kam luajtur ndonjëherë. Koha do ta tregojë. Por është padyshim një nga më të mirët”, ishte vlerësimi fillestar i mbrojtësit dardan Amir Rrahmani, një nga lojtarët kryesorë të të kaltërve kampinë në fuqi.
I intervistuar nga Sky Sport nga kampi stërvitor veror në Dimaro, ish mbrojtësi i Partizanit tregoi ditët e para të stërvitjes, të karakterizuara nga një ngarkesë e madhe pune:
“Viti i kaluar ishte më i vështirë. Konte nuk ka ndryshuar. Këto janë stërvitje të vështira që i bëjmë çdo ditë. Nuk është e lehtë.”
Cilat janë objektivat për sezonin e ardhshëm? Rrahmani nuk ka dyshime: “Qëllimi ynë është padyshim të bëjmë më të mirën në të gjitha garat.” Ai më pas komentoi për të sapoardhurit: “Ata janë të gjithë lojtarë me cilësi të lartë; nuk janë këtu rastësisht. Ata kanë luajtur për ekipet kryesore. Klubi i zgjodhi ata për një arsye.”
Dhe për De Bryjne: “Ai di shumë për klubin. Para se të vinte këtu, ai kërkoi një transferim nga ekipi kombëtar, si Lukaku. Ai ka shumë cilësi. Duhet të mësohet të bëjë atë që dëshiron trajneri.”
Ndër fytyrat e reja të Napolit është Beukema, partneri i ri i lojtarit kosovar: “Çdo mbrojtës që mbërrin përpiqet të flasë me partnerin e tij. Nëse e dimë se çfarë do të bëjë tjetri, është më e lehtë të punojmë së bashku.”
Vazhdo leximin
-
Bien pistat Konte dhe Gasperini, Juventusi hedh sytë nga ish-trajneri i Brojës
Pistat e Juventusit për të gjetur trajnerin e ri kanë nisur të bien një e nga një. Konte pritet të vazhdojë qendrimin e tij në stolin e Napolit, ndërsa Gasperini ka zgjedhur Romën si destinacionin e ri në karrierë pas 9 viteve të jashtëzakonshme te Atalanta. Në këto kushte, qendrimi i Tudorit, të paktën deri në përfundimin e Botërorit të klubeve.
Megjithatë në mediat përtej Adriatikut në skenë ka dalë një emër i ri. Bëhet fjalë për Marko Silvën. Një emër i njohur ky për tifozët shqiptarë, teksa ka qenë trajneri i Armando Brojës gjatë huazimit të tij te Fullhemi, ekip në të cilin portugezi vijon punën edhe sot e kësaj dite./Sport Ekspres/ -
Konte do të largohet nga Napoli, mediat italiane e bëjnë të sigurt kalimin te Juventusi
Adriatik BALLA
Të dalësh kampion dhe t’i çosh trofe klubit ndonjëherë nuk mjafton për të vazhduar bashkëpunimin. Si duket kjo ka ndodhur mes trajnerit Antonio Konte dhe klubit të Napolit, ku palët edhe më herët e kishin shprehur ftohtësinë e tyre dhe nuk kishin diskutuar për një rinovim të mundshëm. Mediat italiane shkruajnë se Konte do të nënshkruajë me Juventusin, ndaj dhe nuk ka folur fare për rinovim me presidentin de Laurentis. Sipas mediave sportive italiane, Antonio Konte dhe Napoli, pikërisht, do të ndajnë rrugët pas një sezoni historik, në të cilin skuadra napolitane u shpall kampione e Serie A. Lajmi, që ka tronditur futbollin italian, bie ndesh me suksesin sportiv të arritur në fushë.
Pavarësisht titullit të fituar dhe një skuadre me argumente të forta për të vazhduar konkurrencën në nivelin më të lartë, trajneri ka vendosur të mos vazhdojë më në stolin e Napolit. Vendimi nuk lidhet me rezultatet, por me mungesën e harmonisë mes trajnerit dhe drejtuesve të klubit. Mospërputhjet lidhur me drejtimin e projektit, planifikimin e skuadrës dhe kontrollin mbi vendimet sportive kanë krijuar një tension të vazhdueshëm, i cili, sipas disa mediave italiane, ka arritur në një pikë pa kthim. Konte, i njohur për natyrën e tij kërkuese dhe dëshirën për të pasur ndikim në strukturën e klubit, nuk është ndier i mbështetur në disa aspekte kyçe. Që nga mbërritja e tij në jug të vendit, trajneri italian e transformoi një skuadër të paqëndrueshme në një makinë konkurruese, duke rikthyer entuziazmin e tifozëve të Diego Armando Maradonës. Vulën e tij e la në qëndrueshmërinë mbrojtëse, karakterin luftarak të skuadrës dhe mentalitetin fitues që ishte vendimtar për të dominuar një kampionat të karakterizuar nga barazia.
Megjithatë, as titujt dhe as vlerësimet e marra nuk kanë qenë të mjaftueshme për të garantuar vazhdimësinë e tij. Napoli, që tashmë ka nisur punën për planin e pasardhësit, do të duhet të gjejë një trajner të aftë për të ruajtur nivelin konkurrues më të lartë dhe për të menaxhuar një skuadër të mësuar me intensitetin dhe rregullin taktik të Kontes. Ndërkohë, emri i trajnerit po përflitet fuqishëm për projekte të tjera të rëndësishme në futbollin europian, ku profili i tij vazhdon të vlerësohet lart. Mbetet të shihet vendimi final që do të ndërmarrë Konte, pasi ai shquhet si trajner i të papriturave kur është fjala për kontratat me klubet që drejton. -
“Sot ishte një presion i çmendur”, Konte i çliruar pas fitimit të titullit: Po mendoja mos i zhgënjenim këta njerëz
Antionio Konte ka fituar titullin e tij të 5-të në karrierën si trajner në Serinë A, dhe të 4-tin për klubin e Napolit. Trajneri i të kaltërve ka deklaruar për “DAZN”-in pas ndeshjes kundër Kaljarit se skuadra kishte një presion jashtëzakonisht të madh mbrëmjen e stome. Ai ka treguar se përpara ndeshjes ka pasur frikën e zhgënjimit të tifozëve, por në fund ishte e kundërta ajo që ndodhi.
“Ndodhi përsëri diçka fantastike. Është vërtetë shumë e bukur. Sot më erdhi një mendim i vogël: ‘Po sikur të shkojmë dhe t’i zhgënjejmë këta njerëz’? Do ta kishim mbartur me veten tonë për një kohë shumë të gjatë. Sot ishte një presion i çmendur. Kjo ishte puna më e papritur, më e vështirë dhe më stimuluese për mua”, ka thënë Antonio Konte./Sport Ekspres/