Lajmidites.com

Tag: konate

  • “Mbappe më telefonon çdo dy orë që të transferohem te Real Madrid”

    “Mbappe më telefonon çdo dy orë që të transferohem te Real Madrid”

    7 Shtator 2025

    16:47

    Telesport

    Ibrahima Konate vazhdon të refuzojë ofertën e Liverpool për rinovimin e kontratës, e cila mbaron në qershor të vitit 2026 dhe francezi sipas të gjitha gjasave do të largohet falas.
    E ardhmja e tij pritet të jetë në Madrid, aty ku do të gjejë edhe disa shokë të kombëtares franceze. I pyetur në grumbullimin e fundit të Francës për ndeshjet kualifikuese për Kupën e Botës 2026, nëse Kylian Mbappe, po ushtronte presion mbi të që të transferohej në Madrid, Konate dha një përgjigje që direkt u bë virale.
    “Ai më telefonon çdo dy orë dhe më thotë a do transferohem te Real Madrid”, tha Konate duke qeshur. Një përgjigje tejet e sinqertë dhe që tregon se e ardhmja e qendërmbrojtësit francez do jetë pikërisht në Madrid.

  • Përveç Konate, Real Madrid do transferojë falas edhe yllin tjetër francez

    Përveç Konate, Real Madrid do transferojë falas edhe yllin tjetër francez

    27 Gusht 2025

    19:13

    Telesport

    Pavarësisht se Xabi Alonso ka kërkuar edhe një përforcim në mesfushë, Real Madrid duket se e ka mbyllur përfundimisht merkaton e kësaj vere. Klubi madrilen ka filluar që tani nga puna për të menduar për merkaton e vitit 2026.
    Prej kohësh është përfolur për Ibrahima Konate, i cili duket se do të vijë falas verën e ardhshme në Madrid, pasi nuk ka pranuar të rinovojë kontratën me Liverpool. Përveç Konate, Real Madrid po punon për të siguruar transferimin e një tjetër qendërmbrojtësi francez, siç është Dayot Upamecano.
    26-vjeçari ka refuzuar të rinovojë kontratën me Bayern, duke qenë së kërkon një rrogë më të lartë se 16 milionë euro që merr aktualisht në sezon dhe duket se do të largohet si lojtar i lirë drejt Madridit. Për francezin ka interes edhe nga PSG e Man. United, por duket se ai ka zgjedhur klubin madrilen.

  • Perez ka gati që tani merkaton 2026: një mesfushor dhe një mbrojtës

    Perez ka gati që tani merkaton 2026: një mesfushor dhe një mbrojtës

    24 Gusht 2025

    14:17

    Telesport

    Real Madrid ka plane të mëdha për merkaton e vitit të ardhshëm. Florentino Perez ka piketuar që tani lojtarët që kërkon në verën 2026.
    Marca shkruan se objektivi i parë është ylli i Paris Saint-Germain, Vitinha, i cili kushton mbi 80 mln euro.
    I dyti në listë është Ibrahima Konate, nëse nuk realizohet dëshira e kahershme e madrilenëve, William Saliba.
    Konate u bashkua ka katër vite që luan në Anfield dhe në Madrid besojnë se vitin tjetër do ta veshin me fanellën e bardhë, në kulmin e karrierës.

  • As Real Madrid dhe as Barcelona, Konate merr ofertën që nuk pritej nga rivali i Liverpool-it

    As Real Madrid dhe as Barcelona, Konate merr ofertën që nuk pritej nga rivali i Liverpool-it

    17 Gusht 2025

    18:14

    Telesport

    Sa vjen dhe shtohet interesi i klubeve të mëdha për qendërmrbojtësin e Liverpool, Ibrahima Konate. Francezi ka hyrë në vitin e fundit të kontratës me klubin e kuq dhe deri tani nuk ka pranuar rinovimin, gjë që do të thotë se mund të largohet falas gjatë verës së ardhshme.
    Prej kohësh është përfolur për interesimin e madh të Real Madrid mbi Konate. Madje, klubi madrilen tentoi transferimin e tij që këtë verë, por u spraps pasi Liverpool kërkon gati 40 milionë euro për ta lënë të lirë.
    Ditët e fundit përflitet edhe për një interesim të shtuar të Barcelonës për Konate. Deco ka nisur bisedimet me përfaqësuesit e lojtarit, sipas asaj që raporton “Sempre Barca”.
    Ndërkohë, ditën e sotme “The Athletic” raporton se Chelsea ka hyrë fuqishëm në garë për francezin, pasi ka dështuar në dy objektivë të tjerë për të forcuar mbrojtjen: Piero Hincapie i Bayer Leverkusen dhe Alessandro Bastoni i Interit.
    Sipas raportimit në fjalë, Chelsea do tentojë transferimin e Konate brenda merkatos së kësaj vere. “Blutë” janë të gatshëm të paguajnë shumën e kërkuar nga Liverpool, mendohet të jetë 35-40 milionë euro.

  • Vlen 60 milionë euro, Real Madrid siguron yllin e madh për merkaton e janarit

    Vlen 60 milionë euro, Real Madrid siguron yllin e madh për merkaton e janarit

    2 Gusht 2025

    21:30

    Telesport

    Real Madrid vazhdon të punojë në heshtje për të ardhmen. Emri për të cilin po flitet më fort në zyrat e “Los Blancos” është Ibrahima Konate, aktualisht lojtar i Liverpoolit. Qendërmbrojtësi francez 26-vjeçar pëlqehet nga drejtuesit e klubit dhe gjithashtu nga Xabi Alonso, i cili beson se profili i tij do të përshtatej në mënyrë të përkryer në formacionin e ekipit.
    Konate ka një kontratë me Liverpool-in deri në qershor 2026, por kjo nuk po e ndal skuadrën madrilene. Në fakt, Real Madridi po e monitoron nga afër situatën e tij, pasi duke filluar nga janari, lojtari do të ketë liri të plotë për të negociuar me klube të tjera dhe për t’u angazhuar për sezonin e ardhshëm pa pasur nevojë që bardhezinjtë të paguajnë asnjë euro për transferimin e tij. Duke marrë parasysh që mbrojtësi vlerësohet në 60 milionë euro sipas Transfermarkt, ky do të ishte padyshim një transferim i shkëlqyer.
    Madje, “Defensa Central” raporton se Real Madrid do tentojë transferimin e Ibrahima Konate që në merkaton e janarit. Liverpool mund të kërkojë një shumë të vogël, duke ditur që lojtari do largohet falas pas disa muajsh. Real Madrid e kërkoi që këtë verë qendërmbrojtësin francez, por Liverpool kërkoi mbi 40 milionë euro për ta lënë të lirë.

  • As Saliba dhe as Konate, Real Madrid gjen qendërmbrojtësin “ideal” te “rivalët” në La Liga

    As Saliba dhe as Konate, Real Madrid gjen qendërmbrojtësin “ideal” te “rivalët” në La Liga

    30 Korrik 2025

    20:25

    Telesport

    Pavarësisht 4 transferimeve të bujshme që ka bërë tani, përfshi edhe qendërmbrojtësin Dean Hujisen, Real Madrid nuk e ka mbyllur ende merkaton dhe planifikon të bëjë dhe të paktën dy goditje të tjera: një mesfushor dhe qendërmbrojtës.
    Dëshira e madhe e drejtuesve të Real Madridit për qendrën e mbrojtjes janë dy francezët e Premier League: William Saliba dhe Ibrahima Konate. Mbrojtësi i Arsenalit kushton 80 milionë euro dhe momentalisht duket një transferim i pamundur drejt Madridit. Në anën tjetër, Konate mund të vijë verën e ardhshme si lojtar i lirë, pasi aktualisht Liverpool kërkon 50 milionë euro për ta lënë të lirë. Shifër që Real Madrid nuk ka ndërmend ta paguajë, duke ditur që mund ta marrë si lojtar të lirë pas një viti.
    Në këtë situatë, drejtuesit e Real Madridit kanë gjetur zgjidhjen brenda La Ligës duke nisur kontaktet me Sevilla-n për transferimin e Loic Bade. Francezi 25-vjeçar ka bërë paraqitje fantastike me Sevilla-n dhe duket se është gati për hapin e madh në karrierë. Në krahasim me dy francezët e Premier League, kosto e Bade është vetëm 25 milionë euro.

  • E BUJSHME: Barcelona dhe Bayern Munich futen në garë për objektivin e madh të Real Madridit

    E BUJSHME: Barcelona dhe Bayern Munich futen në garë për objektivin e madh të Real Madridit

    25 Korrik 2025

    20:15

    Telesport

    Ibrahima Konate është një nga qendërmbrojtësit më të mirë të momentit. Francezi ka hyrë në vitin e fundit të kontratës me Liverpool-in dhe deri tani ka refuzuar çdo propozim të drejutesve të klubit të kuq për të rinovuar.
    Prej kohësh, Konate është përfolur për një transferim falas verën e ardhshme te Real Madrid, por Xabi Alonso e ka kërkuar që këtë verë. “CaughtOffside” raporton se përveç Real Madridit, në garë për francezin janë futur seriozisht edhe Barcelona me Bayern Munich.
    Duke parë interesin e shtuar të klubeve të mëdha ndaj mbrojtësit të tyre dhe dëshirës së tij për të mos rinovuar, Liverpool është i gatshëm ta lërë të lirë që këtë verë për një shifër rreth 40 milionë euro, sipas raportimit në fjalë.
    Pavarësisht interesimit të Barcelonës dhe Bayern Munich, dëshira parësore e Ibrahima Konate është të veshë fanellën e Real Madridit, ndaj transferimi në Madrid është parësor për të.

  • Ylli i Liverpool në udhëkryq: Real Madrid e dëshiron, te “reds” po punojnë për një rinovim kontrate

    Ylli i Liverpool në udhëkryq: Real Madrid e dëshiron, te “reds” po punojnë për një rinovim kontrate

    25 Korrik 2025

    9:24

    Telesport

    Kupa e Botës për klube ka lënë gjurmë te Real Madrid. Pas përvojës së tyre në Shtetet e Bashkuara të Amerikës, te skuadra “Los Blancos” kanë kuptuar se kanë nevojë për ekuilibër.
    Në një ekip me shumë yje, ka pak lojtarë me një natyrë mbrojtëse ose që fitojnë topin. Prandaj, Real Madrid po kërkon një mesfushor të ekuilibruar dhe një mbrojtës qendror.
    Për pozicionin e fundit, emri i preferuar është Ibrahima Konaté, që luan me Liverpool. Kontrata e qendërmbrojtësit francez skadon në vitin 2026, një detaj që Madridi shpreson ta shfrytëzojë për të bindur “reds” të lirojnë këtë vit lojtarin para se ta humbasin falas.
    Megjithatë, raportet nga Anglia janë të sigurta se Liverpool po bën gjithçka që mundet për të siguruar lojtarin 26-vjeçar, duke i ofruar atij një zgjatje bujare të kontratës.
    Topi tani është në fushën e Konaté dhe ai do të duhet të vendosë nëse do të mbetet i përkushtuar ndaj klubit nga “Anfield” apo do t’i bashkohet ish-shokut të ekipit Trent Alexander Arnold, në “Bernabeu”.

  • Liverpool nuk ka të ndalur, 58 milionë euro për transferimin e radhës. Hapet rruga për largimin e Konate

    Liverpool nuk ka të ndalur, 58 milionë euro për transferimin e radhës. Hapet rruga për largimin e Konate

    Pas transferimit të Florian Wirtz, Milos Kerkez, Giorgi Mamardashvili dhe Jeremie Frimpong, të cilët tashmë arrijnë në 230 milionë euro, shto dhe 95 milionë euro për transferimin e Hugo Ekitike, për të cilin mungon vetëm prezantimi zyrtar, pasi çdo gjë është mbyllur për lëvizjen e tij, Liverpoool ka gati goditjen e radhës.
    Kampioni në fuqi i Premier League po punon për të mbyllur nënshkrimin e Marc Guehi, qendërmbrojtësit të Crystal Palace me vlerë rreth 58 milionë euro. 25-vjeçari shkëlqeu në sezonin e kaluar me Crystal Palace, duke ngjallur interesin e shumë klubeve të mëdha, mes tyre dhe të Livërpool-it. Crystal Palace, i vetëdijshëm se mbrojtësi ka vetëm një vit të mbetur në kontratën e tij dhe deri tani nuk ka pranuar për të rinovuar, është i hapur për largimin që këtë verë, nëse paguhet klauzola e tij që është 58 milionë euro.
    Në anën tjetër, Liverpool është i gatshëm të paguajë këtë klauzolë për Marc Guehi duke parë situatën me Ibrahima Konate, i cili nuk po pranon të rinovojë dhe është gjithnjë e më afër Real Madridit. Ardhja e Guehi te Liverpool, do bënte të mundur largimin e Konate drejt Madridit që në këtë merkato, pa pritur verën e ardhshme. Por, Liverpool është i vendosur për shifrën 50 milionë euro, për të lënë të lirë qendërmbrojtësin francez nëse do që t’i bashkohet Real Madridit.

  • Jo vetëm Konate, Real Madrid piketon një tjetër yll të madh për ta transferuar falas pas një viti

    Jo vetëm Konate, Real Madrid piketon një tjetër yll të madh për ta transferuar falas pas një viti

    22 Korrik 2025

    19:39

    Telesport

    Real Madrid ka bërë 4 transferime të bujshme deri tani dhe nuk ka ndërmend të ndalet me kaq. Kërkesa e radhës e Xabi Alonso është për një mesfushor, që me siguri Perez do ia plotësojë.
    Por, klubi madrilen nuk mendon vetëm për merkaton e kësaj verë, por edhe atë të verës së ardhshme. Dayot Upamecano, aktualisht mbrojtës i Bayern Munich, është futur në radarin e Real Madridit si një nënshkrim i mundshëm për të forcuar mbrojtjen e tyre për sezonin e ardhshëm. Qendërmbrojtësi francez 26-vjeçar mbetet nën kontratë me klubin bavarez deri në vitin 2026, por nuk ka shenja për një rinovim të mundshëm mes palëve.
    Ndaj, Real Madrid kërkon të përfitojë nga situata aktuale dhe të arrijë marrëveshjen për kushtet personale me lojtarin dhe më pas verën e ardhshme të vijë si lojtar i lirë. Tashmë kjo është një strategji që klubi madrilen e ndjek prej vitesh dhe deri tani ka rezultuar e suksesshme.
    Ndërkohë te Bayern, nuk po mendojnë për një largim të mundshëm të francezit këtë verë, por shpresojnë të gjejnë gjuhën e përbashkët me të për të rinovuar.
    Përveç Upamecano, Real Madrid synon të transferojë edhe një tjetër qendërmbrojtës francez po falas verën e ardhshme, siç është Ibrahima Konate, i cili ka refuzuar rinovimin me Liverpool.