Lajmidites.com

Tag: kompanitë

  • Frident Kuqi dhe Likometat blejnë 100 mijë tonë naftë nga Albpetrol me 1 cent mbi çmimin dysheme

    Frident Kuqi dhe Likometat blejnë 100 mijë tonë naftë nga Albpetrol me 1 cent mbi çmimin dysheme

    Një bashkim mes kompanive Europetrol Durrës Albania dhe Bitex Refinery janë shpallur fituese të ankandit për blerjen e 101 mijë tonëve naftë bruto nga Albpetrol. Dokumentat zyrtare të publikuara nga Albpetrol tregojnë se dy kompanitë e blenë sasinë e naftës me një çmim prej 0.0105 dollarë ose 1 cent për fuçi mbi çmimin dysheme.
    Nafta që Albpetrol shet del në ankand me një çmim dysheme. Këtë herë ky çmim ishte përcaktuar sipas formulës 77.45 % e Çmimit Brent – 4.07 USD/bbl + K. Ky është çmimi, nën të cilin ofertat nuk pranohen dhe skualifikohen automatikisht.
    Në formulën dysheme, Brent përfaqëson çmimin në USD/fuçi i Brent i Platts, -4.04 USD/fuçi është kosto mesatare totale (transport, magazinim, stokim, analizim produkti, sigurim), ndërsa K është vlera USD/fuçi e ofruar nga ofertuesi mbi çmimin minimal të shitjes. Pra, koefiçienti K është elementi i vetëm i çmimit ku garohet.
    Sa më e lartë një kompani të ofrojë koefiçentin K aq më i lartë del çmimi dhe aq më shumë para fiton Albpetrol nga shitja e naftës. Por në këtë rast, Europetrol e Frident Kuqit dhe Bitex e Likometave kanë ofruar koeficientin 0.105 dollarë ose 1 cent për fuçi me çmimin dysheme të përcaktuar nga Albpetrol. Në total, vlera që do të paguajnë dy kompanit për të gjithë sasinë 101 mijë tonë është rreth 31 milionë euro.

    Njoftimi i fituesit te ankandit
    Dy kompanitë me sa duket kanë qenë të sigurta se do ta fitonin ankandin edhe në kokë të çmimit dysheme pasi ato ishin oferta e vetme në ankand. Sasia prej 109 mijë tonësh që Albpetrol nxorri për shitje në ankand vjen nga nafta e prodhuar nga vetë shoqëria shtetërore, por edhe sasitë që ajo merr nga kompanitë koncesionare si Bankers Petroleum.
    Për shumë kohë, Albpetrol e merrte tarifën e vet të prodhimit paraekzistues në para. Por nga vitet 2010, ligji u ndryshua në Parlament dhe kompanitë koncesionare u detyruan ta paguanin prodhimin paraekzistues të puseve me sasi nafte.
    Që nga ajo kohë, Albpetrol e shet naftën në ankande me çmime dukshëm poshtë bursave dhe shumë poshtë atij që shesin kompanitë koncesionare, ndonëse është e njëjta cilësi nafte.
    /kapitali.al/

  • Skandali, AKSHI shpenzon miliarda për e-Albania, ja si tenderat pa garë dhe transparencë dyshohet se përfunduan tek…

    Skandali, AKSHI shpenzon miliarda për e-Albania, ja si tenderat pa garë dhe transparencë dyshohet se përfunduan tek…

    Agjencia Kombëtare e Shoqërisë së Informacionit (AKSHI), ka administruar miliarda lekë për projekte që lidhen me promovimin dhe reklamimin e platformës e-Albania, fushata ndërgjegjësuese për përdorimin e shërbimeve online, si dhe fushata mediatike në TV, rrjete sociale e ambiente publike. Gazeta “Sot” ka raportuar në artikujt e fundit se këto fonde publike janë shpërndarë shpesh nëpërmjet procedurave të kufizuara ose negocimeve pa shpallje, ku konkurrenca ka qenë minimale ose thjesht e simuluar. Për shembull, në tenderin kryesor për reklamimin e e-Albania morën pjesë vetëm tre kompani të ftuara, prej të cilave dy rezultuan të lidhura me njëra-tjetrën, një situatë që tregon mungesë gare reale.
    Roli i Theodhori Çamit
    Nëse analizojmë me detaje tenderat zbulohet një rrjet kompanish të lidhura mes tyre, që dominojnë tenderat e reklamimit publik duke krijuar fasadën e konkurrencës. Ky rrjet kontrollohet në prapaskenë nga të njëjtat interesa dhe persona të afërt me pushtetin. Dy figura kyçe në këtë skemë janë: Theodhori Çami (pronari i Euro News Albania) biznesmen i njohur në fushën e marrëdhënieve publike dhe reklamave. Çami ka qenë themeluesi dhe pronari i vetëm i agjencisë publicitare “Le Spot Group” deri në vitin 2012. Pas këtij viti ai shiti kuotat te bashkëpunëtorë të afërt, por vazhdoi të ushtronte ndikim duke shërbyer si administrator dhe anëtar bordi deri më 2018. Emra të besuar të emëruar prej tij kanë marrë drejtimin e kompanive pasuese – p.sh., Mirza Alibegaj u vu administratore në një nga kompanitë pasi u largua vetë Çami.
    Theodhori Çami rezulton i përfshirë edhe në grupin mediatik Inter Media Group, ku mban 33% të aksioneve, dhe ka luajtur rol kyç në sjelljen e francezes së Euronews Albania. Inter Media Group operon median IN TV dhe Euronews Albania (nëpërmjet ortakëve të afërt), ndërsa vetë Le Spot Group dhe kompanitë e tjera të Çamit ndajnë të njëjtën seli, duke dëshmuar lidhjet e ngushta mes tyre. Dyshohet se Çami ka krijuar një strukturë të fragmentuar kompanish nën kontrollin e tij, ku formalisht pronarët ndryshojnë por në realitet veprojnë si një entitet i vetëm, duke simuluar konkurrencën në tendera publikë. Mirza Alibegaj: Ajo është një nga administratoret e besuara në këtë rrjet kompanish. Aktualisht Alibegaj është administratore e firmës “Spot Communications”, e cila në vitin 2022 u shpall fituese e tenderit të madh 1.7 miliardë lekë (rreth 1.6 milion euro) për reklamimin e portalit e-Albania. Më herët, në vitin 2013, Mirza Alibegaj ka qenë administratore e kompanisë “1Up” sh.p.k., një tjetër agjenci marketingu që mori pjesë po ashtu në tenderin e AKSHI-t.
    Sipas të dhënave zyrtare të Qendrës Kombëtare të Biznesit, Alibegaj u emërua në krye të “1Up” pasi u largua nga ajo detyrë Theodhoro Çami, dhe ndërkohë vetë kompania “Le Spot Group” (themeluar nga Çami) ka qenë ortake fillimisht me “1Up” e më pas me “Spot Communications”. Këto fakte tregojnë se kompanitë konkurruese janë të lidhura dhe se Alibegaj ka lëvizur midis tyre për të mbajtur kontrollin në duar të njëjta. Emri i saj është përmendur edhe në akuza penale: në vitin 2023, SPAK(Prokuroria e Posaçme Antikorrupsion) regjistroi procedim penal ndaj Mirza Alibegaj për shpërdorim fondesh dhe konflikt interesi, së bashku me zyrtarë të AKSHI-t. Kallëzimi penal, iniciuar pas një investigimi të Tv Ora News, e rendit Alibegajn si person kyç në skemën ku fondet publike dyshohet se janë keqpërdorur në bashkëpunim me drejtues të institucionit publik.
    Tenderat e dyshimtë: Vlera, procedurat dhe përfituesit
    Të dhënat e deritanishme hedhin dritë mbi tendera publike të dyshimtë ku fitojnë vazhdimisht kompani të lidhura me njëra-tjetrën. Disa karakteristika të përbashkëta të këtyre tenderave janë: Objekti i ngjashëm i kompanive pjesëmarrëse: Thuajse të gjitha kompanitë që kanë konkurruar (ose simuluar konkurrencën) në këto prokurime kanë profil të njëjtë biznesi, shërbime marketingu, reklamimi, media dhe PR. Për shembull, “Spot Communications”, “1Up”, “Ogilvy” sh.p.k., “Le Spot” etj., operojnë në fushën e reklamave dhe fushatave mediatike. Kjo do të ishte normale nëse do të kishte garë të vërtetë mes tyre, por bëhet problematike kur del në dritë se në prapaskenë ato janë të orkestruara nga i njëjti grup interesi. Lidhje direkte ose indirekte me Theodhoro Çamin: Çdo kompani fituese ose pjesëmarrëse që është identifikuar deri tani rezulton e lidhur me rrjetin e Theodhoro Çamit. Siç u përmend, “Le Spot Group” e themeluar prej tij ka pasur ortakëri me “1Up” dhe “Spot Communications” në periudha të ndryshme. Po ashtu, administratorët dhe pronarët zyrtarë shpesh kanë qenë individë që kalojnë nga njëra kompani te tjetra (p.sh. rasti Alibegaj). E gjithë “gara” zhvillohet praktikisht brenda një rrethi të mbyllur kompanish të të njëjtit grup, duke siguruar që përfituesi final i fondeve publike të jetë i njëjti.
    Mungesë gare reale dhe procedura të mbyllura
    Tenderat janë dhënë pa konkurrencë të mirëfilltë. Ose shpallen me kritere të kufizuara (ku ftohen vetëm disa kompani të paracaktuara), ose zhvillohen me pjesëmarrje formale të disa firmave “rivale” që në fakt bashkëpunojnë. Në rastin e AKSHI-t, tenderi 1.7 miliardë lekë u zhvillua me vetëm tre oferta, ku dy prej tyre ishin në konflikt interesi të hapur, pasi ishin të lidhura me njëra-tjetrën dhe me vetë personat vendimmarrës. Këto manovra shkelin parimin e barazisë në tendera dhe ngrenë dyshime serioze për paracaktim të fituesit. Dëshmi të tjera, si p.sh. fakti që kompanitë pjesëmarrëse ndanin të njëjtën adresë fizike gjatë kohës së tenderit, e përforcojnë idenë se konkurrenca ishte e sajuar. Për më tepër, burime hetimore pohojnë se pjesa më e madhe e fondeve të akorduara nuk u përdorën realisht për reklamimin e portalit (pra, destinacioni i parave është i dyshimtë), gjë që e shton dyshimin për korrupsion. Procedurat e ndjekura nga AKSHI kanë munguar në transparencë, pyetjeve të medias rreth verifikimit të lidhjeve mes ofertuesve iu është shmangur përgjigjja nga zyrtarët, ndërsa institucionet përgjegjëse për transparencën kanë heshtur.
    Mekanizmi i kontrollit
    Skema e funksionimit të këtyre tenderave tregon një mekanizëm të mirëfilltë kontrolli nga prapaskena, ku aktorët kryesorë sigurojnë që pavarësisht rezultatit formal të garës, fituese del gjithmonë “e njëjta dorë”. Disa elemente kryesore të këtij mekanizmi janë: Koordinim i burimeve mes kompanive “rivale”: Dyshohet se kompanitë e përfshira shpesh ndajnë stafin teknik, ekspertët dhe burimet krijuese gjatë përgatitjes së ofertave. Dizajni vizual i materialeve promovuese dhe fushatave rezulton i ngjashëm, duke lënë të kuptohet se pas “maskave” të emrave të ndryshëm fshihet e njëjta ekip pune. Madje kompanitë kanë bashkëpunuar në projekte të tjera jashtë tenderave, një shenjë kjo se marrëdhënia e tyre nuk është konkurrencë, por partnership i fshehtë. Për shembull, gjatë tenderit për e-Albania, burime raportuan se ofertat e paraqitura kishin elementë shumë të përbashkët dhe adresoheshin nga e njëjta zyrë, deri në pikën që dy prej kompanive ndodheshin fizikisht në të njëjtën godinë në periferinë e Tiranës.
    “Gara” mes kompanive të së njëjtës ombrellë
    Në disa raste, kompani të kontrolluara nga i njëjti grup kanë konkurruar formalisht kundër njëra-tjetrës për të krijuar idenë e një gare të vërtetë. Rasti i tenderit të AKSHI-t ku “Spot Communications” dhe “1Up” u paraqitën si ofertues të ndarë është ilustrues, në realitet, të dyja kishin lidhje pronësie dhe drejtimi me Theodhoro Çamin dhe bashkëpunëtorët e tij. Kësisoj, cilado qoftë oferta fituese, fondet përfundonin tek i njëjti përfitues. Ky simulim i konkurrencës shfrytëzon boshllëqet në rregullat e prokurimit, duke prezantuar disa oferta vetëm sa për të plotësuar kriteret formale, ndërsa në prapavijë marrëveshja është mbyllur paraprakisht.
    Mungesa e transparencës dhe llogaridhënies
    AKSHI ka aplikuar procedura të mbyllura, ku ftohen vetëm kompani të përzgjedhura pa një njoftim të gjerë publik. Edhe pas përfundimit të tenderëve, transparenca ka qenë minimale, p.sh., drejtuesja e AKSHI-t, Mirlinda Karçanaj, refuzoi t’u përgjigjej pyetjeve nëse kompanitë pjesëmarrëse kishin lidhje mes tyre. Madje edhe Komisioneri për të Drejtën e Informimit, institucioni që supozohet të garantojë transparencën, në këtë rast u tërhoq nga detyra, duke mos e zbardhur informacionin e kërkuar nga media mbi shpenzimet e kryera. Kjo mbyllje e institucioneve ka krijuar një terr informativ që e ka bërë më të lehtë realizimin e skemës, pasi publiku dhe konkurrentët potencialë mbeten të painformuar. Në praktikë, tendera të tillë funksionojnë si të ishin private, ku një institucion publik ndan fonde mes një rrethi klientelist, pa garë të hapur e pa llogaridhënie.

  • Artistët europianë ngrenë alarmin: Akti i Inteligjencës Artificiale nuk i mbron të drejtat e autorit

    Artistët europianë ngrenë alarmin: Akti i Inteligjencës Artificiale nuk i mbron të drejtat e autorit

    Ndërsa pjesë të Aktit Evropian për Inteligjencën Artificiale (IA) hynë në fuqi këtë fundjavë, grupet e industrisë krijuese paralajmërojnë se ligji lë boshllëqe të rrezikshme për mbrojtjen e të drejtave të autorit. Përfaqësues të artistëve, kompozitorëve dhe shkrimtarëve në BE akuzojnë legjislacionin se nuk mbron mjaftueshëm veprat e tyre nga përdorimi i paautorizuar për trajnimin e modeleve të IA-së.

    Organizatat si Aleanca Evropiane e Kompozitorëve dhe Shkrimtarëve të Kantautorëve (ECSA) dhe Grupi Evropian i Shoqërive të Autorëve dhe Kompozitorëve (GESAC) kërkojnë që krijuesit të kenë të drejtë të refuzojnë përdorimin e punës së tyre nga kompanitë teknologjike – diçka që aktualisht mungon në praktikë. “Puna e anëtarëve tanë nuk duhet të përdoret pa transparencë, pëlqim dhe shpërblim”, tha për Euronews Next Marc du Moulin, sekretari i përgjithshëm i ECSA-s.

    Akti i IA-së kategorizon sistemet sipas rrezikut – nga minimal në të papranueshëm – por shumica e inteligjencës artificiale gjeneruese, përfshirë ato që përdorin përmbajtje autoriale për trajnime, klasifikohen si me rrezik të ulët. Kjo nënkupton pak detyrime ligjore për kompanitë, përveç kërkesës për të publikuar një përmbledhje të burimeve të përdorura.

    Sipas ligjeve ekzistuese të BE-së, artistët mund të “rezervojnë të drejtat e tyre”, por mënyra se si kjo bëhet mbetet e paqartë dhe e paefektshme. “Nuk di si të çregjistrohesh, por puna jote tashmë po përdoret”, tha Du Moulin.

    Pavarësisht një “Kodi Praktikash” vullnetar për kompanitë e inteligjencës artificiale, përfaqësuesit e sektorit krijues thonë se nuk ka asnjë garanci që të drejtat e autorit do të respektohen. GESAC raportoi se përpjekjet për të komunikuar me kompanitë e IA-së për licencim kanë dështuar. “Nuk kishte përgjigje… kishte një mohim të plotë të respektimit të ligjit”, deklaroi Adriana Moscono, drejtoreshë e GESAC.

    Ndërkohë, Shoqata Gjermane GEMA ka paditur OpenAI dhe Suno AI për shkelje të të drejtave të autorit – një rast që mund të përcaktojë drejtësinë për të gjithë industrinë.

    Komisioni Evropian këmbëngul se Akti i IA-së nuk cenon ligjet ekzistuese për të drejtat e autorit dhe se çdo shkelje mund të ndiqet në mënyrë private. Megjithatë, artistët kërkojnë që BE të detyrojë kompanitë teknologjike të negociojnë licenca kolektive dhe të krijojë një sistem funksional të mospjesëmarrjes.

    Me afatin e zbatimit të plotë të ligjit që zgjatet deri në vitin 2026 – ose 2027 për kompanitë ekzistuese – krijuesit kërkojnë veprim të menjëhershëm për të mbrojtur të drejtat e tyre në epokën e inteligjencës artificiale.

  • Drejtuesit e kompanive teknologjike thonë se IA po shkakton shkurtime masive, ekspertët kundështojnë

    Drejtuesit e kompanive teknologjike thonë se IA po shkakton shkurtime masive, ekspertët kundështojnë

    Gjatë muajve të fundit, shumë kompani të mëdha teknologjike kanë shpallur shkurtime masive në staf, duke përmendur si arsye përparimin e inteligjencës artificiale (IA). Por sipas ekspertëve, kjo është vetëm një pjesë e panoramës.Në njoftimet e zakonshme për pushime nga puna gjatë vitit 2025, CEO-t e kompanive të teknologjisë shpesh lënë të kuptohet se IA është shkaktari kryesor i humbjes së vendeve të punës. Në realitet, arsyet janë më të ndërlikuara. Kompanitë po përpiqen të tregojnë se po ristrukturohen për të qenë më efikase, ndërsa përgatiten për transformime më të mëdha që do të sjellë IA në mënyrën e punës.Sipas një raporti të ri nga platforma e punësimit Indeed, shpalljet për vende pune në sektorin e teknologjisë në korrik 2025 janë 36% më të ulëta krahasuar me nivelin e tyre në fillim të vitit 2020. Por kjo rënie nuk ka të bëjë vetëm me zëvendësimin e punonjësve nga IA.Ekonomisti Brendon Bernard nga Indeed Hiring Lab thotë se “tregu i punës në teknologji është i dobët për momentin, por i gjithë tregu i punës është ftohur në një ritëm të ngjashëm”. Sipas tij, shpalljet për vende pune në teknologji po ndjekin tendencat e përgjithshme ekonomike dhe jo domosdoshmërisht ndikimin e drejtpërdrejtë të IA-së.Megjithatë, kjo qasje e balancuar rrallë pasqyrohet në komunikatat zyrtare. CEO i Workday, Carl Eschenbach, shkruante më herët këtë vit se “kompanitë në mbarë botën po rikonceptojnë mënyrën si bëhet puna” dhe përmendi “kërkesën në rritje” për IA si arsye për shkurtime.E njëjta retorikë është përdorur edhe nga gjiganti indian i teknologjisë Tata Consultancy, i cili arsyetoi pushimin e 12,000 punonjësve me nevojën për të “zbatuar IA në shkallë të gjerë”.Sipas ekspertëve, nuk është IA që po zëvendëson punonjësit, por më tepër nevoja për të financuar përhapjen e saj. Kompanitë e teknologjisë po përpiqen të justifikojnë investime miliarda dollarëshe në qendra të dhënash, çipa dhe konsum të lartë energjie për ndërtimin e sistemeve të IA.Bryan Hayes nga Zacks Investment Research e quan këtë “një shpatë me dy tehe”: kompanitë po kërkojnë të ruajnë një numër të përshtatshëm punonjësish, ndërkohë që IA fiton terren.Sipas Hayes, largimet masive kanë ndihmuar në përmirësimin e marzheve të fitimit për kompanitë, por pasojat për të ardhmen e punësimit mbeten të paqarta. “A do të zëvendësojë IA disa prej këtyre vendeve pune? Absolutisht. Por gjithashtu do të krijojë shumë të tjera,” thotë ai.Punonjësit që arrijnë të tregojnë se dinë të përdorin IA për të ndihmuar inovacionin dhe zhvillimin e produkteve të reja, do të jenë më të kërkuarit në treg, shton Hayes. Ai përmend Meta Platforms, e cila po ofron paga të majme për të rekrutuar shkencëtarë elitë të IA nga konkurrentë si OpenAI.Raporti i Indeed tregon se specialistët e IA po pozicionohen më mirë se inxhinierët e zakonshëm të softuerit, megjithatë edhe për këto pozicione është vënë re një rënie në shpalljet për punë. Sipas Bernard, kjo ndodh për shkak të luhatjeve ciklike të sektorit teknologjik.Ndikimi më i madh i IA është ndjerë te pozicionet fillestare të punës në sektorë si marketingu, asistenca administrative dhe burimet njerëzore, pozicione që përmbajnë detyra të cilat IA gjeneruese mund t’i kryejë me lehtësi.Në kontrast, vendet e punës që kërkojnë më shumë se pesë vite përvojë janë prekur më pak nga këto zhvillime.“Rënia e punësimeve në teknologji nisi përpara bumit të IA, por kërkesat për përvojë më të madhe janë një tendencë më e re,” thotë Bernard.Nga ana tjetër, disa profesione duket se janë më të mbrojtura nga ndikimi i IA, përfshirë punonjësit në shëndetësi që marrin gjak, ndihmësinfermierët, punonjësit e çmontimit të materialeve të rrezikshme e shumë të tjerë.Ndërsa IA po transformon botën e punës, ndikimi i saj është më kompleks sesa pohimi i thjeshtë se “IA zëvendëson njerëzit”. Shkurtimet në teknologji janë po aq të lidhura me ciklet ekonomike dhe ristrukturimet financiare, sa me përparimin teknologjik. Dhe për shumë punonjës, sfida më e madhe nuk është IA, por përshtatja me të. / Euronews, Shqip.alKy është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • Katari kërcënon Evropën: ‘Tërhiqni menjëherë këto vendime ose….”

    Katari kërcënon Evropën: ‘Tërhiqni menjëherë këto vendime ose….”

    Në një letër drejtuar Komisionit Evropian (KE) dhe qeverisë belge, e cila u sigurua nga e përditshmja gjermane Welt am Sonntag, qeveria e Katarit kërcënoi anëtarët e Bashkimit Evropian me pezullimin e furnizimit me gaz natyror të lëngshëm (LNG) nëse rregulloret kontroverse për mbrojtjen e mjedisit nuk tërhiqen.
    Le t’ju kujtojmë se Katari është furnizuesi i tretë më i madh i gazit natyror në Evropë, furnizimet e të cilit po fitojnë rëndësi shtesë për shkak të vendimit të BE-së për të ndërprerë plotësisht rrjedhën e gazit nga Rusia.
    Direktiva kontraverse
    Në një letër drejtuar qeverisë belge të datës 21 maj, ministri i Energjisë i Katarit, Saad Sherida al-Kaabi, deklaroi se vendi po i përgjigjet Direktivës së BE-së për Qëndrueshmërinë e Korporatave (CSDDD), e cila kërkon që kompanitë e mëdha që operojnë në BE të identifikojnë dhe adresojnë çështjet e të drejtave të njeriut dhe mjedisit në zinxhirët e tyre të furnizimit.
    “Thënë thjesht, nëse nuk bëhen ndryshime të mëtejshme në CSDDD, Shteti i Katarit dhe Qatar Energy, tha al-Kaabi, nuk do të kenë zgjidhje tjetër veçse të shqyrtojnë seriozisht tregjet alternative jashtë BE-së për LNG-në e tij dhe produktet e tjera, të cilat ofrojnë një mjedis biznesi më të qëndrueshëm dhe mikpritës,” raportoi Reuters, duke cituar citate nga letra e lartpërmendur e botuar nga Welt am Sonntag.
    Një zëdhënës i Komisionit Evropian konfirmoi për Reuters se kishte marrë letrën, duke zbuluar se Komisioni dhe shtetet anëtare të BE-së po negocionin aktualisht ndryshime në direktivën e qëndrueshmërisë korporative.
    “Tani është në dorën e tyre të negociojnë dhe të miratojnë ndryshimet thelbësore të thjeshtimit të propozuara nga Komisioni”, tha zëdhënësi.
    Brukseli më herët këtë vit propozoi ndryshime në direktivën e qëndrueshmërisë korporative për të ulur kërkesat, duke përfshirë shtyrjen e lançimit të saj me një vit, në mesin e vitit 2028, dhe kufizimin e kontrolleve që kompanitë do të duhet të kryejnë në zinxhirët e tyre të furnizimit. Kompanitë që nuk i përmbushin kërkesat mund të përballen me gjoba deri në pesë përqind të xhiros së tyre globale, shtoi Reuters.
    Rifokus në Azi
    Saad al-Kaabi dërgoi paralajmërimin në emër të qeverisë së Katarit, si dhe Qatar Energy, ku ai është drejtor ekzekutiv dhe e cila ka kontrata afatgjata me kompanitë evropiane për të furnizuar LNG. Nëse BE do të këmbëngulte në direktivë, kompanitë që bashkëpunojnë me Qatar Energy do të preken nga penalitetet.
    “As Shteti i Katarit dhe as Qatar Energy nuk kanë ndonjë plan për të arritur zero emetime neto të CO2 në të ardhmen e afërt“, thuhet në letrën e Kaabit. Katari gjithashtu ka dërguar sinjale gjatë vitit të kaluar se kompania e tij shtetërore e LNG-së nuk do të mbajë koston e mundshme shtesë të të bërit biznes me Evropën, por do t’i drejtohet tregjeve të tjera.
    Vlerësohet se Katari mund t’i ridrejtojë lehtësisht furnizimet e tij në Kinë, Indi dhe tregje të tjera aziatike. Megjithatë, disa media evropiane kanë kujtuar se ambicia e Katarit është të dyfishojë prodhimin e tij të LNG-së në mënyrë që të forcojë rolin e tij energjetik në Azi dhe Evropë. Prodhimi aktual i LNG-së i Katarit është 77 milionë ton dhe është planifikuar të zgjerohet në 142 milionë ton në vit deri në vitin 2027.
    ksportet e LNG-së të Katarit në BE u rritën me 13.7 përqind në tremujorin e parë të vitit 2025 krahasuar me të njëjtën periudhë të vitit të kaluar. Sipas Al-Sharq, eksportet e gazit të Katarit në Evropë në tremujorin e parë të vitit 2024 arritën në rreth 2.33 milionë ton dhe në gjashtë muajt e parë të vitit të kaluar arritën në rreth 2.65 milionë ton.
    Evropa blen sasitë më të mëdha të LNG-së nga Shtetet e Bashkuara, rreth 50 përqind të konsumit vjetor. Rusia mbetet në vendin e dytë me një pjesëmarrje të konsumit evropian prej 17 përqind, ndërsa Katari dhe Algjeria janë afërsisht të barabarta në vendin e tretë dhe të katërt me pjesëmarrje prej rreth nëntë përqind, të cilat ndryshojnë në varësi të kohës së vitit.
    Sasi të konsiderueshme të LNG-së shkojnë gjithashtu në Evropë nga Nigeria dhe Angola, por në rast të përkeqësimit të marrëdhënieve midis BE-së dhe Katarit dhe ndërprerjes së paralajmëruar të furnizimeve nga Rusia, vetëm Shtetet e Bashkuara mund ta mbyllin hendekun e nevojshëm. /tesheshi.com/

  • “Program me AI për të monitoruar me kamera kantieret e ndërtimit”, Rama: Territorin do ta kontrollojmë me dronë dhe satelitë

    “Program me AI për të monitoruar me kamera kantieret e ndërtimit”, Rama: Territorin do ta kontrollojmë me dronë dhe satelitë

    Kryeministri Edi Rama ishte sot Qendrën për Inovacion dhe Teknologji “NEST”, një strukturë e Fondit Shqiptar të Zhvillimit që mbështet universitetet dhe sipërmarrjen e re. Gjatë vizitës, ai ndoqi prezantimin e një start-up-i të krijuar nga të rinj shqiptarë, që synon të sjellë risi në financimin e sektorit të ndërtimit.
    Në fjalën e tij, Kryeministri paralajmëroi masa të reja për monitorimin e kantierëve të ndërtimit, përmes përdorimit të teknologjisë dhe inteligjencës artificiale.
    Gjithashtu, Kryeministri njoftoi se do të vendoset detyrimisht që kompanitë me mbi 100 punonjës të krijojnë një departament informacioni që të merret me aspektin teknologjik të operacioneve të tyre.
    “Kantieret e ndërtimit do të kenë kamera dhe do të monitorohen 24 orë. Kjo do t’ju ndihmojë në ndjekjen e punës dhe është shumë e vlefshme në lidhje me sigurinë dhe zbatimin e projektit. Përmes një programi monitorimi me AI mund të ndiqet kantieri nga larg e mund të shikohet edhe korrektësia e punës në raport me projektin, jo vetëm me perimetrin. Po përfundojmë edhe qendrën e monitorimin me dronë dhe satelitë që do të na japë mundësi të ndjekim në kohë reale të gjithë ndryshimet në territor.Do ta vendosim fillimisht të detyrueshme për kompanitë mbi 100 punonjës që të kenë një departament të informacionit që të merret me pjesën e teknologjisë. Do të na përgatisë për atë që na pret pas integrimit në BE sa i përket biznesit privat. Ju sugjeron të informoheni më shumë se cfarë pritet të ndodhë, do të jetë shumë e vështirë dhe sfidë e madhe për kompanitë tona t’i mbijetojnë atij tregu”, tha ai.

  • “Program me AI për..”/ Rama: Territorin do ta kontrollojmë me dronë dhe satelitë

    “Program me AI për..”/ Rama: Territorin do ta kontrollojmë me dronë dhe satelitë

    Kreu i qeverisë Rama ishte sot në Qendrën për Inovacion dhe Teknologji “NEST”, një strukturë e Fondit Shqiptar të Zhvillimit që mbështet universitetet dhe sipërmarrjen e re.
    Gjatë fjalës së tij Rama paralajmëroi masa të reja për monitorimin e kantierëve të ndërtimit, përmes përdorimit të teknologjisë dhe inteligjencës artificiale.
    Gjithashtu, kryeministri njoftoi se do të vendoset detyrimisht që kompanitë me mbi 100 punonjës të krijojnë një departament informacioni që të merret me aspektin teknologjik të operacioneve të tyre.
    “Kantieret e ndërtimit do të kenë kamera dhe do të monitorohen 24 orë. Kjo do t’ju ndihmojë në ndjekjen e punës dhe është shumë e vlefshme në lidhje me sigurinë dhe zbatimin e projektit. Përmes një programi monitorimi me AI mund të ndiqet kantieri nga larg e mund të shikohet edhe korrektësia e punës në raport me projektin, jo vetëm me perimetrin. Po përfundojmë edhe qendrën e monitorimin me dronë dhe satelitë që do të na japë mundësi të ndjekim në kohë reale të gjithë ndryshimet në territor.
    Do ta vendosim fillimisht të detyrueshme për kompanitë mbi 100 punonjës që të kenë një departament të informacionit që të merret me pjesën e teknologjisë. Do të na përgatisë për atë që na pret pas integrimit në BE sa i përket biznesit privat. Ju sugjeron të informoheni më shumë se cfarë pritet të ndodhë, do të jetë shumë e vështirë dhe sfidë e madhe për kompanitë tona t’i mbijetojnë atij tregu”, tha ai.

  • Rumani, fond i përbashkët investimi për energjinë nga fitimet e kompanive shtetërore

    Rumani, fond i përbashkët investimi për energjinë nga fitimet e kompanive shtetërore

    Qeveria e re e Rumanisë planifikon të shfuqizojë rregulloren aktuale, që kërkon nga kompanitë shtetërore të shpërndajnë shumicën e fitimeve vjetore si dividentë, sipas strategjisë zyrtare të qeverisjes të nënshkruar nga koalicioni katërpartiak.Në vend të kësaj, fitimet e gjeneruara nga kompanitë shtetërore të energjisë do të riinvestohen nëpërmjet një fondi të ri të përbashkët për investime në en…

  • Opsion kyç për buxhetin evropian, BE planifikon taksë për kompanitë me xhiro mbi 50 milionë euro

    Opsion kyç për buxhetin evropian, BE planifikon taksë për kompanitë me xhiro mbi 50 milionë euro

    Një nga opsionet që po shqyrtohet në Bruksel për të mbushur arkën e përbashkët të Bashkimit Evropian është vendosja e një takse të re mbi kompanitë e mëdha që operojnë në tregun evropian. Mediat ndërkombëtare pranë selisë së BE-së raportojnë se kjo masë është pjesë e diskutimeve për shpenzimet kapitale në kuadër të buxhetit të ardhshëm të bllokut.

    Sipas Financial Times, propozimi synon të përfshijë të gjitha kompanitë që realizojnë një xhiro neto vjetore mbi 50 milionë euro — shumë që llogaritet pas zbritjes së subvencioneve dhe taksave — pavarësisht nëse selia e tyre ndodhet apo jo në një vend të BE-së.

    Parashikohet të zbatohet një “sistem i shkallëzuar”, i cili do të detyronte grupet me të ardhura më të larta të kontribuojnë më shumë në arkën e përbashkët. Megjithatë, për të hyrë në fuqi, kjo taksë kërkon mbështetjen unanime të 27 vendeve anëtare, një proces që historikisht ka qenë kompleks për çështjet fiskale në union.

    Propozimi vjen në një moment kur BE-ja përballet me presione të shumta buxhetore dhe me nevojën për të rritur investimet në tranzicionin e gjelbër, mbrojtjen, dhe konkurrueshmërinë teknologjike.

  • Si i përvetësoi “Alko Impex” fondet e mirëmbajtjes së rrugëve? Emri i Ballukut në skemë

    Si i përvetësoi “Alko Impex” fondet e mirëmbajtjes së rrugëve? Emri i Ballukut në skemë

    Në korrik 2020, Autoriteti Rrugor Shqiptar do të shpallte thirrje për tenderat e mirëmbajtjes, ku një ndër përfituesit kryesorë do të ishin kompanitë e Arbër Abazit.
    “Vetting” ka zbuluar se për këta tendera, për të cilët ka patur ankesë edhe te Komisioni i Prokurimit Publik janë shpallur fituesit nga ish drejtori i ARRSH-së Ergys Verdho, njeri i afërt me Ballukun, i cili ka kaluar administrator te Hekurudha shqiptare. Nga këto kontrata, për lotin 4, 12 dhe 13 ka patur ankesa nga kompanitë konkurruese, duke pretenduar se në disa raste janë favorizuar nga Ergys Verdho.
    Sipas inxhinierit Romeo Nazarko, probleme me Autoritetin Rrugor Shqiptar lidhet me mënyrën se si funksionon Bordi i këtij institucioni. “Bordi ka autoritetin ta vendosi drejtorin e përgjithshëm të ARRSH-së me shpatulla pas muri, por nuk e bën. Kjo gjë sjell edhe mundësitë që drejtuesi i ARRSH-së ti realizojë tenderat sipas “porosive” nga lart”, u shpreh inxh. Nazarko.
    Tenderi i parë lidhet me mirëmbajtjen e rrugëve të Rajoni Verior, Loti XII: “Mirëmbajtje rutinë me performancë rruga “Kuben- Vasie” me fond limit 117 milionë lekë. Nga mesi i dhjetorit 2020, Verdho do të shpallte fitues kompanitë “ALKO” me ofertë 114 milionë lekë, me ofertë më të lartë se kompania tjetër “DODA R”, e cila kishte ofruar 113 milionë lekë, ose 1 milionë lekë më pak se kompanitë “ALKO”.
    Kompania “DODA-R” do të paraqiste ankesën te ARRSH-ja se vlerësimi me pikë ishte i padrejtë, duke nënvizuar faktin se vlerësimi për ofertën më ekonomike zë peshën kryesore, si edhe kishte të njëjtën eksperiencë në realizimin e kontratave të tilla. Gjithsesi bie në sy fakti se ARRSH-ja, i ka kërkuar kësaj kompanie që të paraqitet pranë zyrave qendrore për ankesën, ndërkohë që mund të ishte bërë procesi në mënyrë elektronike për shkak të pandemisë. Ashtu si ARRSH-ja, edhe Komisioni i Prokurimit Publik ka refuzuar ankesën e kompanisë.
    E njëjta gjë ka ndodhur edhe me Marrëveshjen Kuadër për mirëmbajtjen e e rrugëve të Rajonit Verior, Loti XIII: “Mirëmbajtje rutinë me performancë rruga “Peshkopi – Ura e Muhurit, Ura e Muhurit – Draj Reç (Kufi me Kukësin), Peshkopi- Ushtelence” me fond limit 112 milionë lekë. Ky tender është fituar nga bashkimi i kompanive “ALKO” me ofertë 109 milionë lekë, përsëri me ofertë më të lartë se kompania garuese, në këtë rast “SIRETA -2F” shpk.
    Kjo e fundit ka paraqitur ankesë, por vendimi i Ergys Verdhos nuk është ndryshuar, duke i dhënë përsëri fonde publike kompanive të lidhura me Arbër Abazin, ku nuk mungojnë edhe fondet e akorduara nga Evis Berberi. Sipas kryetarit të Shoqatës së Gjeodetëve inxhinier Romeo Nazarko, tenderat e mirëmbajtjes kanë të njëjtën skemë si tenderat e tjetër të Autoritetit Rrugor Shqiptar. “Ne shohim plot rrugë në jug dhe në veri të Shqipërisë që nuk mirëmbahen. Por ky nuk është problemi më i madh pasi rreziku real janë rrugët që kanë defekte në projektim, tek të cilat shoferët e rinj rrezikojnë shumë. Po nuk folëm sot, nesër do të jetë tepër vonë për brezat që po vijnë”, tha për “Vetting” inxhinieri Nazarko.
    Por a po mirëmbahen rrugët nga kompanitë “Alko”?Një nga tenderat e mirëmbajtjes që ka shfaqur probleme me zbatimin është kontrata  për mirëmbajtjen e rrugëve të Rajonit Qendror, Cërrik – Shalës – Belsh – Vlashuk, Belsh – Fierzë – Kosovë e vogël. Nga verifikimet e “Vetting” rezulton se një pjesë e kësaj rruge nuk është mirëmbajtur duke shkelur rregullat e mirëmbajtjes. Në kontratën e nënshkruar mes ARRSH-së dhe kompanive “ALKO” kërkohet që të vendoset sinjalistika, të rehabilitohet rruga dhe të rregullohet pjesa e bimësisë që devijon në rrugë.
    Por kjo rrugë, e cila ka lëvizje është lënë në harresë, duke ngritur pikëpyetje për sigurinë.
    Alko Impex, falsifikues dokumenteshALKO është eleminuar në disa tendera sepse ka falsifikuar dokumentet për të fituar garën, por në disa raste ka arritur të fitojë tenderat, duke mos plotësuar kushtin për xhiron vjetore. Ka qenë tenderi për “Ndërtim trotuari përgjatë rrugës nacionale (ndriçim, gjelbërim” Prrenjas i organizuar nga Bashkia e Prrenjasit në vitin 2017, ku sipas dokumenteve të siguruara nga “Vetting”, kompania “Alko Impex General Construction” ka paraqitur dokumente të falsifikuara për punime të ngjashme.
    Konkretisht, kjo kompani, e cila e ka bazën në Kosovë dhe ka si aksioner Imer Ademin dhe administrator Arbër Abazin, ka paraqitur si shembull i një pune të ngjashme për tenderin që garonte, kontratën me Ministrinë e Infrastrukturës në Kosovë me vlerë 3.5 milionë euro. Por Komisioni i Vlerësimit të Ofertave ka komunikuar me Ministrinë e Infrastrukturës në Kosovë, ku ka zbuluar se kontrata e lidhur nga kompania ishte me vlerë 153 mijë euro, gjë e cila e skualifikon automatikisht konmpaninë.
    Por çfarë ka ndodhur?Asnjë masë nuk është marrë ndaj kompanisë, e cila nuk e ka herën e parë që ka fallsifikuar dokumentet për të garuar dhe për të fituar tenderat publikë. Nga të dhënat zyrtare rezulton se kompanitë “ALKO IMPEX CONSTRUCTION” dhe “ALKO-IMPEX General Construction”, në shumicën e rasteve kanë dalë të fituara nga ankesat te Komisioni i Prokurimit Publik, nën drejtimin e Jonaid Myzyrit. Por teksa Evis Berberi ndodhet në burg për akuzat me tenderat dhe pastrim parash, para disa ditësh është marrë zyrtarisht i pandehur nga SPAK për korrupsion edhe kreu i KPP-së Jonaid Myzyri për një nga tenderat e ARRSH-së duke u pezulluar nga detyra.
    Disa nga bashkëpunëtorët më të afërt të Ballukut janë arrestuar ose janë nën hetim nga SPAK, por shkeljet e kësaj kompanie dhe favorizimet nga zv/kryeministrja Balluku qëndrojnë larg shqetësimeve të Drejtësisë, ku mos të harrojmë se dita ditës këto kompani fuqizohen ekonomikisht në dëm të konkurrencës.
    “Vetting” ka bërë një kërkesë për informacion në Prokurorinë e Posacme përsa i përket ecurisë së hetimeve për denoncimin ndaj Ballukut nga gazetari i ndjerë Kastriot Myftaraj. Në kthim-përgjigje për “Vetting”, SPAK ka zbuluar se në 10 nëntor 2021 ka regjistruar kallëzimin penal nr. 303, për veprën penale “Falsifikim i vulave, stampave ose formularëve”, parashikuar nga neni 190 i Kodit Penal nga shtetasi Kastriot Myftaraj ndaj shtetases Belinda Balluku. Por sipas të dhënave mediatike, i ndjeri Myftaraj është paraqitur në SPAK në 3 nëntor 2021, ndërkohë ka një javë diferencë midis padisë dhe regjistrimit të saj në regjistrin e SPAK-ut.Prokuroria e Posaçme do të zbulonte se po në të njëjtën datë, më 10 nëntor 2021, i ndjeri Myftaraj ka paraqitur një kërkesë për t’u tërhequr nga kallëzimi i tij ndaj ministres Balluku. Në përgjigje SPAK deklaron se pavarësisht tërheqjes nga kallëzimit të Kastriot Myftaraj, ka vazhduar me verifikimet. Por ajo që ka shtuar dyshimet dhe misterin me këtë rast është fakti se brenda 4 ditësh në kohë rekord SPAK ka sqaruar çdo gjë, pasi sipas Prokurorisë së Posaçme janë kryer verifikimet e kallëzimit nga Myftaraj duke vendosur mosfillimin e procedimit penal më 15 nëntor 2021 pasi pretendimet e të ndjerit nuk kishin elementë penalë të falsifikimit. Në mbyllje të letrës, Prokuroria e Posaçme shton se vendimi i është njoftuar menjëherë kallëzuesit, ku rezulton se Myftaraj nuk ka ushtruar ankim në Gjykatë.
    Sipas avokatit Llangozi, Prokuroria e Posaçme duhet të ecë me hetimet pasi vonesat ngrenë shumë pikëpyetje. “Ne kemi rastin e ish-zv/kryeministrit Ahmetajt, dosja flinte në Prokurori dhe vetëm pasi u bë publike në media pati zhvillime. Mendoj se SPAK-u duhet të jetë më funksional me hetimet pasi vonesat e gjata nuk japin drejtësi në masën e duhur”, tha avokati Llangozi.
    “Vetting” i ka bërë një kërkesë për informacion Inspektoratit të Lartë të Deklarimit dhe Kontrollit të Pasurive dhe Konfliktit të Interesave që në muajin shkurt 2025. Prej 5 muajsh, institucioni që drejtohet nga Evgjeni Bashari ruan me fanatizëm dosjet e drejtorave dhe zv/ministrave të Ballukut, duke penguar verifikimin e fakteve që ekspozojnë konfliktet e interesit dhe indiciet për korrupsion.
    Mjegullaja rreth hetimeve ndaj Ballukut dhe standardi i këtyre hetimeve ndaj bashkëpunëtorëve të numrit dy të qeverisë shqiptare ngrenë pikëpyetje për vetë procesin. E gjithë garda e Ballukut goditet dalëngadalë, duke i trajtuar rastet si korrupsion individual ndërkohë që raportet e Kontrollit të Lartë të Shtetit, Agjencisë së Prokurimeve Publike dhe provat që ka sjellë “Vetting” tregojnë se përfituesit më të mëdhenj janë kompanitë Alko Impex dhe kompanitë e familjarëve të kabinetit të Ballukut, si Drejtori i Kabinetit në zv/kryeministri Ermal Nufi.