Lajmidites.com

Tag: komiteti

  • Kuzhina italiane zyrtarisht pasuri e UNESCO

    Kuzhina italiane zyrtarisht pasuri e UNESCO

    Bota E Mërkurë, 10 Dhjetor 2025 11:53
    Sikur “carbonara” të kishte këmbë, sot do të kërcente nga gëzimi. Në orën 10:44, në New Delhi, Komiteti Ndërqeveritar i UNESCO-s dha zyrtarisht miratimin: kuzhina italiane hyn në listën e trashëgimisë kulturore jomateriale të njerëzimit. Jo një pjatë, jo një rregullore produkti, por një mënyrë e të ndenjurit në tryezë, e të gatuarit, e të njohurit, e të menduarit për ushqimin.
    Është një herë e parë historike: deri tani UNESCO ka njohur specialitete dhe praktika të vetme gastronomike, nga vakti gastronomik francez te kuzhina e Michoacán-it, nga washoku japonez te kimchi korean, deri te borscht-i ukrainas, por kurrë të gjithë kuzhinën e një vendi. Sot, së bashku me Dietën Mesdhetare, artin e pica-bërësve napolitanë, kërkimin e tartufit, kultivimin me kopaçkë të vreshtave të Pantelleria-s dhe peizazhet e verës në Langhe, Roero e Monferrato, në listë hyn i gjithë ansambli teoriko–praktik: kuzhina italiane në tërësi, me pafundësinë e varianteve të saj rajonale dhe familjare.
    Kandidatura, siç dihet, nuk lindi dje. Dosja “Kuzhina italiane, mes qëndrueshmërisë dhe diversitetit biokulturor” u përgatit nga Zyra e UNESCO-s në Ministrinë e Kulturës dhe u hartua nga juristi Pier Luigi Petrillo me koordinimin shkencor të historianit të ushqimit Massimo Montanari, në krye të një komiteti ekspertësh.

  • Komitetit Ekzekutiv i UEFA-s/ Merren vendimet për stadiumet

    Komitetit Ekzekutiv i UEFA-s/ Merren vendimet për stadiumet

    Komiteti Ekzekutiv i UEFA-s u mblodh sot në Shtëpinë e Futbollit Europian në Nion, ku i pranishëm ishte edhe presidenti Armand Duka dhe vendosi që Gjermania të jetë vendi pritës i UEFA Women’s EURO 2029.
    Turneu me gjashtëmbëdhjetë skuadra do të zhvillohet në tetë stadiume (Këln, Dortmund, Dyseldorf, Frankfurt, Hanover, Leipzig, Mynih dhe Wolfsburg) në verën e vitit 2029.
    Për t’u zgjedhur vend pritës kërkohej shumicë absolute në raundin e parë të votimit, dhe rezultati ishte: Gjermania 15 vota, Danimarkë/Suedi 2 vota, Poloni 0 vota.
    Komiteti Ekzekutiv i UEFA-s vendosi gjithashtu për vendet pritëse të turneve finale të disa kampionateve të të rinjve.
    Kampionati Europian i vajzave U-17
    2028: Belgjikë
    2029: Turqi
    Kampionati Europian i vajzave U-19
    2028: Portugali
    2029: Itali
    Kampionati Europian i djemve U-17
    2028: Lituani
    2029: Moldavi
    Kampionati Europian i djemve U-19
    2027: Çeki
    2028: Bullgari
    2029: Holandë
    Mbledhja e radhës e Komitetit Ekzekutiv të UEFA-s është planifikuar për 11 shkurt 2026, në prag të Kongresit të 50-të të UEFA-s që do të zhvillohet në Bruksel, Belgjikë.

  • Mblidhet Komiteti Ekzekutiv i UEFA-s, ja vendimet e rendësishme që u morën

    Mblidhet Komiteti Ekzekutiv i UEFA-s, ja vendimet e rendësishme që u morën

    Komiteti Ekzekutiv i UEFA-s u mblodh sot në Shtëpinë e Futbollit Europian në Nion dhe vendosi që Gjermania të jetë vendi pritës i UEFA Women’s EURO 2029.
    Turneu me gjashtëmbëdhjetë skuadra do të zhvillohet në tetë stadiume (Këln, Dortmund, Dyseldorf, Frankfurt, Hanover, Leipzig, Mynih dhe Wolfsburg) në verën e vitit 2029.
    Për t’u zgjedhur vend pritës kërkohej shumicë absolute në raundin e parë të votimit, dhe rezultati ishte: Gjermania 15 vota, Danimarkë/Suedi 2 vota, Poloni 0 vota.
    Komiteti Ekzekutiv i UEFA-s vendosi gjithashtu për vendet pritëse të turneve finale të disa kampionateve të të rinjve.
    Kampionati Europian i vajzave U-17
    2028: Belgjikë
    2029: Turqi
    Kampionati Europian i vajzave U-19
    2028: Portugali
    2029: Itali
    Kampionati Europian i djemve U-17
    2028: Lituani
    2029: Moldavi
    Kampionati Europian i djemve U-19
    2027: Çeki
    2028: Bullgari
    2029: Holandë
    Mbledhja e radhës e Komitetit Ekzekutiv të UEFA-s është planifikuar për 11 shkurt 2026, në prag të Kongresit të 50-të të UEFA-s që do të zhvillohet në Bruksel, Belgjikë.

  • Komiteti Ekzekutiv i UEFA-s zhvillon nesër mbledhjen e radhës në Nion, ja pikat kryesore të rendit të ditës

    Komiteti Ekzekutiv i UEFA-s zhvillon nesër mbledhjen e radhës në Nion, ja pikat kryesore të rendit të ditës

    Komiteti Ekzekutiv i UEFA-s do të zhvillojë mbledhjen e radhës të mërkurën, më 3 dhjetor, nga ora 13:30 deri në 17:30, në Nion të Zvicrës.
    Pikat kryesore të rendit të ditës janë:

    UEFA Women’s EURO 2029 – caktimi i vendit pritës
    Finalet e turneve të të rinjve për djem dhe vajza për vitet 2028 dhe 2029 – caktimi i vendeve pritëse
    Rregulloret për UEFA Nations League 2026/27 dhe për garat e të rinjve për djem dhe vajza 2026/27

    Gjatë mbledhjes do të zhvillohen prezantimet finale të kandidaturave për UEFA Women’s EURO 2029, si edhe ceremonia e shpalljes së vendit pritës. UEFA do të komunikojë vendimet e Komitetit Ekzekutiv përmes një njoftimi për median pas ceremonisë.

  • OKB: Izraeli po zbaton një politikë ‘de facto’ të torturës

    OKB: Izraeli po zbaton një politikë ‘de facto’ të torturës

    Komiteti i Kombeve të Bashkuara kundër torturës thotë se ka prova që Izraeli po zbaton një “politikë shtetërore de facto të organizuar dhe të përhapur të torturës”.
    Komiteti rishikon rregullisht të dhënat e të gjitha vendeve që kanë nënshkruar konventën kundër torturës, duke marrë dëshmi nga qeveritë e tyre dhe nga grupet e të drejtave të njeriut.
    Siç shkruan BBC, gjatë rishikimit të Izraelit, si grupet izraelite ashtu edhe ato palestineze të të drejtave të njeriut dhanë detaje tronditëse mbi kushtet në qendrat e paraburgimit izraelite. Pretendohet se mijëra palestinezë janë arrestuar nga Izraeli që prej sulmeve të Hamasit më 7 tetor 2023.
    Sipas ligjeve izraelite për paraburgimin administrativ dhe për “luftëtarët e paligjshëm”,  të dyshuar që nuk mund të klasifikohen si të burgosur lufte, ata mund të mbahen për periudha të gjata pa akses te avokatët apo familjarët.
    Shumë familje palestineze thonë se kanë pritur me muaj për të mësuar se një i afërm i tyre ishte arrestuar, gjë që komiteti i OKB-së e cilësoi si “zhdukje e detyruar”.
    Komiteti ishte veçanërisht kritik ndaj përdorimit të raportuar nga Izraeli të ligjit për “luftëtarët e paligjshëm” për të arrestuar grupe të tëra palestinezësh, përfshirë fëmijë, gra shtatzëna dhe të moshuar.
    Por janë kushtet e raportuara në paraburgim ato që përbëjnë pjesën më të rëndë të konkluzioneve të komitetit, të publikuara sot.
    Sipas provave, palestinezët shpesh privohen nga ushqimi dhe uji, dhe i nënshtrohen rrahjeve të rënda, sulmeve nga qentë, elektroshokut, “waterboarding”-ut dhe dhunës seksuale. Disa pretendohet se mbahen të lidhur vazhdimisht, u mohohet e drejta për të përdorur tualetin dhe detyrohen të mbajnë pelena.
    Komiteti i OKB-së përfundoi se trajtime të tilla “përbëjnë krime lufte dhe krime kundër njerëzimit”. Ai tha se provat e një “politike shtetërore de facto të organizuar dhe të përhapur të torturës” nga Izraeli përbëjnë një nga aktet që përbën krimin e gjenocidit sipas ligjit ndërkombëtar.
    Izraeli i ka mohuar vazhdimisht akuzat se po kryen gjenocid ndaj palestinezëve në Gaza.
    Një anëtar i komitetit, Peter Vedel Kessing nga Danimarka, tha se ai dhe kolegët e tij ishin “thellësisht të tmerruar” nga ato që dëgjuan. Anëtarët e komitetit shprehën gjithashtu shqetësim për mungesën e hetimeve apo ndjekjeve penale mbi akuzat për torturë. Ata i bënë thirrje Izraelit të nisë hetime të pavarura dhe të sigurojë që përgjegjësit, përfshirë oficerë të lartë ushtarakë, të mbahen përgjegjës.
    Izraeli, i cili prej kohësh e akuzon OKB-në për paragjykim ndaj tij, nuk komentoi publikisht sot mbi gjetjet e komitetit, por gjatë seancave ambasadori Daniel Meron, i cilësoi akuzat për torturë si “dezinformim”.
    Ai tha se Izraeli është “i përkushtuar të respektojë detyrimet tona në përputhje me vlerat dhe parimet morale, edhe përballë sfidave të shkaktuara nga një organizatë terroriste”.
    Në përfundimet e tij, komiteti i OKB-së dënoi pa ekuivok sulmin e Hamasit të tetorit 2023 dhe pranoi sfidat e sigurisë me të cilat përballet Izraeli. Por paralajmëroi se shkeljet e ligjit ndërkombëtar nga njëra palë nuk justifikojnë që pala tjetër të bëjë të njëjtën gjë. Sipas konventës, ku Izraeli është palë, ndalimi i torturës është absolut: nuk lejohet në asnjë rrethanë.

  • Komiteti Ekzekutiv i FSHF miraton mbështetjen për investimin e ri të FK Partizani

    Komiteti Ekzekutiv i FSHF miraton mbështetjen për investimin e ri të FK Partizani

    Komiteti Ekzekutiv i FSHF ka miratuar kërkesën e klubit FK Partizani për rimbursimin e shpenzimeve të kryera për arredimin e hotelit të ri në kompleksin sportiv të klubit.
    Ky projekt është pjesë e zhvillimeve të rëndësishme infrastrukturore që po realizohen në futbollin shqiptar, duke rritur standardet e kushteve të punës dhe akomodimit për klubet.
    FSHF vlerëson se ky investim përfaqëson një hap tjetër të rëndësishëm për modernizimin e infrastrukturës sportive, duke krijuar ambiente bashkëkohore dhe funksionale në shërbim të ekipeve.
    Ky vendim konfirmon angazhimin e FSHF për të mbështetur projektet e klubeve shqiptare dhe për të ngritur më tej standardet e futbollit në vend.

  • Reagon Dhoma e Avokatisë pas arrestimit të Ulian Barjamit: Bojkot i proceseve penale deri më 25 tetor

    Reagon Dhoma e Avokatisë pas arrestimit të Ulian Barjamit: Bojkot i proceseve penale deri më 25 tetor

    Ulian Barjami

    TIRANË- Arrestimi i avokatit Ulian Barjami në Elbasan ka shkaktuar një valë reagimesh në mbarë vendin, duke nxitur Dhomën e Avokatisë së Shqipërisë të ndërmarrë masa të ashpra në mbrojtje të integritetit të këtij profesioni.
    Në një deklaratë të bërë publike këtë të diel, Komiteti Drejtues i Dhomës, me firmën e kryetarit Maksim Haxhia, ka shpallur bojkot të përgjithshëm të të gjitha proceseve penale në të gjitha gjykatat e vendit, deri më datë 25 tetor 2025. Bojkoti nuk do të prekë seancat që kanë afate procedurale dhe ato për masat e sigurimit, me qëllim që të mos dëmtohen të drejtat e të pandehurve.
    Dhoma e Avokatisë e ka cilësuar ndalimin e Barjamit si një shkelje serioze dhe të papranueshme të pavarësisë së avokatit, dhe kërkon hetim të menjëhershëm dhe të gjithanshëm nga institucionet përkatëse: Inspektori i Lartë i Drejtësisë, Këshilli i Lartë Gjyqësor dhe Këshilli i Lartë i Prokurorisë.
    Njoftimi i plotë:
    Komiteti Drejtues i Dhomës së Avokatisë të Shqipërisë
    Komiteti Drejtues i Dhomës së Avokatisë së Shqipërisë shqyrtoi ngarjen teper te rende lidhur me arrestimin e kolegut Av.Ulian Barjami, pasi mori kontakt personalisht me kolegun Barjami dhe u njoh drejtpërdrejt dhe në detaje me kete ngjarje. Me vendim qarkullues, Komiteti vendosi unanimisht:
    1. Bllokimin, nëpërmjet bojkotit të të gjitha proceseve penale, si në hetim dhe në gjykim, në të gjitha shkallët, përfshi edhe proçeset në Gjykatën Kushtetuese, për datat 20 tetor deri në 25 tetor. Përjashtohen nga efektet e këtij vendimi pjesmarrja në cështjet penale me objekt caktimi, ndryshimi, zëvendësimi dhe shuarje të masave të sigurimit.
    2. Mospjësmarrja e avokatëve në proceset penale si në hetim dhe gjykim në datat e mësipërme, është arsye objektive për shtyrjen e proceseve gjyqësore.
    3. Moszbatimi i këtij i këtij vendimi nga avokatet përben shkelje të rëndë disiplinore, si rrjedhoje sherben si baze per fillim të procedimit disiplinor nga Komiteti i Disiplinës, duke u shoqeruar me vendosjen e masave me te renda disiplinore, pezullim deri ne heqjen e liçensës se ushtriimit te profesionit.
    4. Komiteti Drejtues kërkon angazhimin urgjent dhe me përgjegjësi për shqyrtimin e kësaj cështje nga ana e Inspektorit të Lartë të Drejtësisë, Këshillit të Lartë Gjyqësor dhe Këshillit të Lartë të Prokurorisë.
    5. Për zbatimin e këtij vendimi ngarkohen Dhomat Vendore të Avokatisë.
    6. Depozitimin e një kopje vendimi, pranë çdo gjykate në të gjitha nivelet.
    7. Depozitimin e nje kopje vendimi prane Inspektorit të Lartë të drejtësisë, Keshillit të Lartë Gjyqësor dhe Këshillit të Lartë të Prokurorisë.
    8. Shtyrjen per nje date tjeter te tryezes se rrumbullaket te caktuar paraprakisht me Ministrine e Drejtesise ne daten 20 tetor, me objekt “Diskutimi i Projekt Kodit Penal midis grupit të punës dhe Dhomës se Avokatisë të Shqipërisë, organizuar nga Ministria e Drejtësisë.
    Komiteti Drejtues
    Kryetari
    Prof Dr. Maksim HAXHIA./ZËRI

  • Avokati Ulian Barjami në pranga, Dhoma e Avokatisë përgjigjet me bojkot deri në …

    Avokati Ulian Barjami në pranga, Dhoma e Avokatisë përgjigjet me bojkot deri në …

    Arrestimi i avokatit Ulian Barjami në Elbasan ka shkaktuar një valë reagimesh të forta në radhët e komunitetit të avokatëve në mbarë vendin.
    Dhoma e Avokatisë së Shqipërisë e ka cilësuar ngjarjen si një cënim të rëndë dhe të papranueshëm të integritetit dhe pavarësisë së profesionit të avokatit.
    Në një vendim të bërë publik këtë të diel, Komiteti Drejtues i Dhomës së Avokatisë, me firmën e kryetarit Maksim Haxhia, ka shpallur bojkot të përgjithshëm të të gjitha proceseve penale në të gjitha gjykatat e vendit deri më 25 tetor 2025. Bojkoti përjashton vetëm rastet që kanë afate procedurale dhe seancat për masa sigurie, për të mos cënuar të drejtat e të pandehurve.
    Në vendimin zyrtar thuhet se masat ekstreme vijnë si përgjigje ndaj mënyrës së trajtimit të çështjes së Barjamit, për të cilën Dhoma e Avokatisë kërkon një hetim urgjent dhe të gjithanshëm nga institucionet përkatëse: Inspektori i Lartë i Drejtësisë, Këshilli i Lartë Gjyqësor dhe Këshilli i Lartë i Prokurorisë.
    Njoftimi i plotë:
    Komiteti Drejtues i Dhomës së Avokatisë të Shqipërisë
    Komiteti Drejtues i Dhomës së Avokatisë së Shqipërisë shqyrtoi ngarjen teper te rende lidhur me arrestimin e kolegut Av.Ulian Barjami, pasi mori kontakt personalisht me kolegun Barjami dhe u njoh drejtpërdrejt dhe në detaje me kete ngjarje. Me vendim qarkullues, Komiteti vendosi unanimisht:
    1. Bllokimin, nëpërmjet bojkotit të të gjitha proceseve penale, si në hetim dhe në gjykim, në të gjitha shkallët, përfshi edhe proçeset në Gjykatën Kushtetuese, për datat 20 tetor deri në 25 tetor. Përjashtohen nga efektet e këtij vendimi pjesmarrja në cështjet penale me objekt caktimi, ndryshimi, zëvendësimi dhe shuarje të masave të sigurimit.
    2. Mospjësmarrja e avokatëve në proceset penale si në hetim dhe gjykim në datat e mësipërme, është arsye objektive për shtyrjen e proceseve gjyqësore.
    3. Moszbatimi i këtij i këtij vendimi nga avokatet përben shkelje të rëndë disiplinore, si rrjedhoje sherben si baze per fillim të procedimit disiplinor nga Komiteti i Disiplinës, duke u shoqeruar me vendosjen e masave me te renda disiplinore, pezullim deri ne heqjen e liçensës se ushtriimit te profesionit.
    4. Komiteti Drejtues kërkon angazhimin urgjent dhe me përgjegjësi për shqyrtimin e kësaj cështje nga ana e Inspektorit të Lartë të Drejtësisë, Këshillit të Lartë Gjyqësor dhe Këshillit të Lartë të Prokurorisë.
    5. Për zbatimin e këtij vendimi ngarkohen Dhomat Vendore të Avokatisë.
    6. Depozitimin e një kopje vendimi, pranë çdo gjykate në të gjitha nivelet.
    7. Depozitimin e nje kopje vendimi prane Inspektorit të Lartë të drejtësisë, Keshillit të Lartë Gjyqësor dhe Këshillit të Lartë të Prokurorisë.
    8. Shtyrjen per nje date tjeter te tryezes se rrumbullaket te caktuar paraprakisht me Ministrine e Drejtesise ne daten 20 tetor, me objekt  “Diskutimi i Projekt Kodit Penal midis grupit të punës dhe Dhomës se Avokatisë të Shqipërisë, organizuar nga Ministria e Drejtësisë.

  • Shtëpia e Bardhë kritikon Komitetin Nobel: Zgjodhën politikën mbi paqen

    Shtëpia e Bardhë kritikon Komitetin Nobel: Zgjodhën politikën mbi paqen

    Shtëpia e Bardhë ka akuzuar Komitetin Nobel se ka vënë “politikën mbi paqen”, pasi çmimi i sivjetshëm Nobel për Paqe iu dha aktivistes nga Venezuela, María Corina Machado, në vend të presidentit amerikan Donald Trump.
    Të premten, 10 tetor, Komiteti Nobel njoftoi se Machado do të nderohej me këtë çmim prestigjioz për “punën e saj të palodhur në mbrojtje të të drejtave demokratike të popullit venezuelian”.
    Presidenti Trump ka shprehur shpesh dëshirën për të fituar këtë çmim, duke marrë merita për përfundimin e disa konflikteve globale. Ai e ka përmendur shpesh këtë aspiratë, përfshirë gjatë fjalimit të tij në Asamblenë e Përgjithshme të OKB-së në shtator.
    Pas shpalljes së fitueses, drejtori i komunikimit në Shtëpinë e Bardhë, Steven Cheung, deklaroi: Komiteti Nobel dëshmoi se i jep përparësi politikës para paqes. Presidenti Trump do të vazhdojë të arrijë marrëveshje paqeje, të ndalë luftëra dhe të shpëtojë jetë.
    Në një postim në platformën X, Cheung shtoi: Ai ka zemrën e një humanisti dhe nuk do të ketë kurrë dikë si ai që mund të lëvizë male me forcën e vullnetit të tij.
    Trump ka luajtur një rol të rëndësishëm në nxitjen e një marrëveshjeje për armëpushim shumëfazësh në Rripin e Gazës, e cila u shpall vetëm dy ditë para se të bëhej publike fituesja e Çmimit Nobel për Paqe.
    Gjithashtu, Trump ka deklaruar se gjatë mandatit të tij ka ndërprerë disa konflikte të rëndësishme globale, si dhe gjatë periudhës së tij të mëparshme si president.
    Pas njoftimit për marrëveshjen e armëpushimit në Gaza, Trump deklaroi: “Të bekuar janë paqebërësit”, ndërsa Shtëpia e Bardhë e cilësoi atë si “presidentin e paqes”.
    Mbështetësit e tij, përfshirë edhe disa liderë të huaj, si kryeministri izraelit Benjamin Netanyahu, kanë argumentuar se Trump e meritonte çmimin Nobel për Paqe. Megjithatë, Trump nuk kishte gjasa të përfshihej në listën e sivjetshme të kandidatëve. Sipas faqes zyrtare të çmimeve Nobel, afati për dorëzimin e nominimeve përfundon më 31 janar të çdo viti, vetëm pak ditë pasi Trump rifilloi detyrën presidenciale.
    Komiteti Nobel shqyrton nominimet nga muaji shkurt deri në shtator, kur përzgjidhet fituesi. Nuk është e qartë se cili do të ishte arritja konkrete që do ta kualifikonte Trump për këtë vit.
    Lufta e Rusisë në Ukrainë vazhdon pavarësisht thirrjeve të Trump drejtuar presidentëve Volodymyr Zelensky dhe Vladimir Putin për t’i dhënë fund. Ndërkohë, marrëveshja për armëpushim mes Izraelit dhe Hamasit ndodhet ende në fazat fillestare.
    Në mandatin e tij të dytë, Trump ka ndjekur një politikë të ashtuquajtur “Amerika e para”, duke ndryshuar ndjeshëm rolin e SHBA-ve në arenën ndërkombëtare dhe ekonominë globale. Pak javë pas marrjes së detyrës, ish-këshilltari i tij Elon Musk mbikëqyri mbylljen e Agjencisë Amerikane për Zhvillim Ndërkombëtar (USAID), e cila ofronte ndihmë humanitare në mbarë botën.
    Sipas faqes zyrtare të Komitetit Nobel, çmimi për Paqe u jepet figurave që kontribuojnë në “çarmatimin, negociatat për paqe, mbrojtjen e demokracisë dhe të drejtave të njeriut, si dhe përpjekjet për një botë më të organizuar dhe më paqësore”.
    Ndërkohë, politikat e Trump për deportime masive kanë nxitur protesta në SHBA dhe janë kritikuar nga organizatat për të drejtat e emigrantëve. Po ashtu, përpjekja e tij për të përdorur Gardën Kombëtare për të patrulluar në qytetet amerikane ka ngjallur reagime nga Partia Demokratike dhe është dënuar nga disa gjykatës federalë si shkelje e kufijve të përdorimit të ushtrisë në territorin amerikan.
    Deri më tani, katër presidentë amerikanë kanë fituar Çmimin Nobel për Paqe: Theodore Roosevelt, Woodrow Wilson, Jimmy Carter dhe Barack Obama ky i fundit, i vetmi që e mori çmimin ndërsa ishte ende në detyrë.

  • Nobeli për Paqe 2025 ndez debat/ Reagon Shtëpia e Bardhë: Trump i zhgënjyer

    Nobeli për Paqe 2025 ndez debat/ Reagon Shtëpia e Bardhë: Trump i zhgënjyer

    Shtëpia e Bardhë ka reaguar pasi Çmimi Nobel për Paqe 2025 iu dha aktivistes nga Venezuela  Maria Corina Machado, për punën e saj të palodhur në promovimin e të drejtave demokratike për popullin e Venezuelës.
    “Presidenti Trump do të vazhdojë të krijojë marrëveshje paqeje në të gjithë botën, t’u japë fund luftërave dhe të shpëtojë jetë ”, tha Steven Cheung, drejtor i komunikimit në Shtëpinë e Bardhë, në një postim në X në përgjigje të lajmit se Maria Corina Machado kishte fituar Çmimin Nobel për Paqen për vitin 2025.
    “Nuk do të ketë kurrë askënd si ai, të aftë të lëvizë malet me forcën e vullnetit të pastër. Komiteti i Nobelit ka treguar se e vendos politikën para paqes”, shton Cheung.
    Këtë vit, u paraqitën 338 nominime. Ndër to, edhe ajo e presidentit amerikan Donald Trump, për të cilin është zhvilluar një fushatë e vërtetë lobuese.
    Kjo fushatë u nxit gjithashtu nga vetë Trump, i cili shprehu vazhdimisht ambicien e tij për çmimin dhe bindjen se e meritonte atë për përpjekjet e tij në Lindjen e Mesme dhe në zgjidhjen e konflikteve ndërkombëtare.
    Por përgjigjja nga Komiteti që jep çmimin ishte e menjëhershme: “Në historinë e gjatë të këtij çmimi, kemi parë lloje të ndryshme fushatash dhe vëmendje rreth nesh.
    Por Komiteti ulet në një dhomë të mbushur me portrete të atyre që na paraprinë dhe ka marrë vendime në emër të guximit dhe integritetit.
    Ne kemi vepruar mbi këtë bazë. Vendimi ynë bazohet vetëm në punën dhe vullnetin e Alfred Nobelit. “/Corriere della sera/