Lajmidites.com

Tag: koalicioni

  • Shtetet europiane duan sanksione të tjera ndaj Rusisë

    Shtetet europiane duan sanksione të tjera ndaj Rusisë

    Bota E Martë, 19 Gusht 2025 16:23
    Downing Street ka lëshuar një deklaratë pasi Sir Keir Starmer dhe Emmanuel Macron kryesuan një takim virtual me udhëheqës nga koalicioni i vullnetshëm këtë mëngjes për t’i informuar ata mbi bisedimet e mbrëmshme.
    Një zëdhënës u shpreh se “kryeministri britanik filloi duke reflektuar mbi takimin konstruktiv, duke thënë se ishte e qartë se kishte një ndjenjë të vërtetë uniteti dhe një qëllim të përbashkët për të siguruar një paqe të drejtë dhe të qëndrueshme për Ukrainën”.

    Kryeministri tha se koalicioni do të takohet me homologët e tyre amerikanë në ditët në vijim për të forcuar më tej planet për të ofruar garanci të forta sigurie dhe për t’u përgatitur për vendosjen e një force sigurie në Ukrainë, nëse armiqësitë do të përfundonin.

  • Lapaj: Ditën që daja i Shabanit tërhoqi dorëheqjen, nisi përplasja. E mësova nga mediat

    Lapaj: Ditën që daja i Shabanit tërhoqi dorëheqjen, nisi përplasja. E mësova nga mediat

    Adriatik Lapaj, thotë se krisja e koalicionit ”Nisma Shqipëria Bëhet” ndodhi kur daja i Endrit Shabanit vendosi të tërheqë dorëheqjen.
    ”Koalicioni nuk ka pasur asnjë kërcitje para zgjedhjeve për të shkuar në këtë pikë. Sigurisht që debate të vogla ka pasur. Kthesa ishte kur unë pashë në televizor që daja i Shabanit kishte dorëzuar kërkesën për të tërhequr dorëheqjen. Unë e mora vesh nga mediat.

    Ne kemi marrëveshje të shkruar dhe angazhimi im publik nuk ka qenë as me Nismën Thurje, as me zotin Shabani. Ajo ka qenë deklaratë e bërë më përpara se të nënshkruhej koalicioni.
    Pasi e mora vesh punën e dajës në media, reagova duke i thënë: “Mbaj anë! Ose do vazhdosh me modelin që propozon daja, ose do vazhdosh me modelin tonë, që janë listat e hapura”. Kaq thashë. E gjithë kjo ngjarje na bën të ndihemi me turp. Si brez i ri nuk duhet të kishim malinjitetin brenda”, shtoi Lapaj.

  • “Ditën që daja i Shabanit tërhoqi dorëheqjen, nisi përplasja”, Lapaj: E mësova nga mediat

    “Ditën që daja i Shabanit tërhoqi dorëheqjen, nisi përplasja”, Lapaj: E mësova nga mediat

    Adriatik Lapaj, i ftuar në studion e “Debat”,  deklaroi se “krisja” e koalicionit “Nisma Shqipëria Bëhet” ndodhi kur daja i Endrit Shabanit vendosi të tërheqë dorëheqjen.
    “Koalicioni nuk ka pasur asnjë kërcitje para zgjedhjeve për të shkuar në këtë pikë. Sigurisht që debate të vogla ka pasur. Kthesa ishte kur unë pashë në televizor që daja i Shabanit kishte dorëzuar kërkesën për të tërhequr dorëheqjen. Unë e mora vesh nga mediat”, tha Lapaj.
    “Ne kemi marrëveshje të shkruar dhe angazhimi im publik nuk ka qenë as me Nismën Thurje, as me zotin Shabani. Ajo ka qenë deklaratë e bërë më përpara se të nënshkruhej koalicioni. Pasi e mora vesh punën e dajës në media, reagova duke i thënë: “Mbaj anë! Ose do vazhdosh me modelin që propozon daja, ose do vazhdosh me modelin tonë, që janë listat e hapura”. Kaq thashë. E gjithë kjo ngjarje na bën të ndihemi me turp. Si brez i ri nuk duhet të kishim malinjitetin brenda”, shtoi Lapaj.

  • “Më vjen turp, jemi të dënuar të…”, Pano Soko thyen heshtjen për sherrin te “Nisma Shqipëria Bëhet”

    “Më vjen turp, jemi të dënuar të…”, Pano Soko thyen heshtjen për sherrin te “Nisma Shqipëria Bëhet”

    Mandati i fituar nga koalicioni Nisma Shqipëria Bëhet në zgjedhjet e 11 majit ka ndezur një debat të fortë mes dy palëve të këtij bashkëpunimi, Nismës Thurje dhe Lëvizjes Shqipëria Bëhet të drejtuara nga Endrit Shabani dhe Adriatik Lapaj.
    Lidhur me këtë, në “Now” me moderatoren Greta Topjana, Pano Soko ekspert ekonomie, ka komentuar krizën brenda koalicionit “Nisma Shqipëria Bëhet”, duke e cilësuar situatën si diçka të turpshme.
    Ai vë theksin te mosrespektimi i angazhimit për listat e hapura, si dhe te tensionet e brendshme që kanë dalë në publik, duke paralajmëruar se këto devijime rrezikojnë besimin e qytetarëve dhe qëllimin fillestar të koalicionit.
    Soko gjithashtu bën thirrje për përgjegjshmëri dhe përmbushje të zotimeve të dhëna para votuesve.
    “Çështja është akoma duke u zhvilluar. Kjo që ndodhi ishte një turp në dy plane: E para ishte e gjithë mospërmbushja e angazhimit tonë që morëm përpara njerëzve që na votuan, që ne do shkonim me lista të hapura duke garantuar një mekanizëm për të cilin ne dolëm garant përpara njerëzve. I bëj thirrje të gjithë individëve të cilët në mënyrë fiktive, janë paraqitur në listë të mbyllur që ti përmbahen angazhimit të tyre për të dhënë dorëheqjen dhe për të ç’liruar mekanizmin e listës së hapur.
    Koalicioni jonë i ka marrë votat për të çuar në Parlament ata që morën më shumë vota, jo ca njerëz fiktivë që nuk ishin për vota.
    E dyta ka të bëjë me tensionet e komunikimit që kanë ekzistuar mes nesh, dhuna është e pafalshme. Komunikimi publik për gjëra që duhen zgjidhur me njëri-tjetrin, është gabim që shpesh herë rezulton fatal, sepse kur gjërat bëhen publike, “urat digjen”, prandaj gjërat mbahen në privatësi për të ruajtur urat.
    Të gjitha palët e përfshira të ndërmarrin anagzhimin e tyre për të përmbushur detyrimin që kanë ndaj votuesit dhe për të ç’aktivizuar listën e mbyllur. E kemi të detyrueshme t’u dalim garant njerëzve, dhe është e turpshme nëse nuk e bëjmë”, deklaroi Soko.
    Eksperti thekson se respektimi i fjalës së dhënë ndaj qytetarëve janë thelbësore për të mos e humbur besimin e qytetarëve, ndërtimin e një alternative të re politike apo një “korrigjim” nga të gjitha palët e përfshira.
    “Nëse ne nisim rrugëtimin tonë politik me një humbje angazhimi të tillë, atëherë besimi i njerëzve nuk është një gjë që fitohet shpesh herë. Personalisht jam ndjerë shumë në siklet, në detyrim ndaj atyre njerëzve që na kanë votuar. Nuk i shof dot në sy. Besoj se ne do gjejmë forcën për të dalë mbi veten për hir të atyre njerëzve që na kanë besuar. Jemi të dënuar të gjejmë një zgjidhje”, tha Pano Soko.
    KNSHB fitoi mandatin e vetëm të këtyre zgjedhjeve në qarkun e Tiranës. Marrëveshja ishte e tillë që emrat e listës së mbyllur, e cila përbehet nga të afërm të kandidatëve, do të jepnin dorëheqje si një artificë që kandidatët e listës së hapur të ishin ata që garonin për mandatet.
    Megjithatë Lapaj premtoi publikisht se nëse koalicioni do të merrte vetëm një mandat, ai nuk do ta pranonte, por pas zgjedhjeve kjo ndryshoi.

  • “Më vjen turp, jemi të dënuar të…”/ Pano Soko shpërthen për krizën në “Nisma Shqipëria Bëhet”

    “Më vjen turp, jemi të dënuar të…”/ Pano Soko shpërthen për krizën në “Nisma Shqipëria Bëhet”

    Mandati i fituar nga koalicioni Nisma Shqipëria Bëhet në zgjedhjet e 11 majit ka ndezur një debat të fortë mes dy palëve të këtij bashkëpunimi, Nismës Thurje dhe Lëvizjes Shqipëria Bëhet të drejtuara nga Endrit Shabani dhe Adriatik Lapaj.
    Pano Soko ekspert ekonomie, ka komentuar krizën brenda koalicionit Nisma Shqipëria Bëhet, duke e cilësuar situatën si diçka të turpshme.
    Ai vë theksin te mosrespektimi i angazhimit për listat e hapura, si dhe te tensionet e brendshme që kanë dalë në publik, duke paralajmëruar se këto devijime rrezikojnë besimin e qytetarëve dhe qëllimin fillestar të koalicionit.
    Soko gjithashtu bën thirrje për përgjegjshmëri dhe përmbushje të zotimeve të dhëna para votuesve.
    “Çështja është akoma duke u zhvilluar. Kjo që ndodhi ishte një turp në dy plane: E para ishte e gjithë mospërmbushja e angazhimit tonë që morëm përpara njerëzve që na votuan, që ne do shkonim me lista të hapura duke garantuar një mekanizëm për të cilin ne dolëm garant përpara njerëzve. I bëj thirrje të gjithë individëve të cilët në mënyrë fiktive, janë paraqitur në listë të mbyllur që ti përmbahen angazhimit të tyre për të dhënë dorëheqjen dhe për të ç’liruar mekanizmin e listës së hapur.
    Koalicioni jonë i ka marrë votat për të çuar në Parlament ata që morën më shumë vota, jo ca njerëz fiktivë që nuk ishin për vota.
    E dyta ka të bëjë me tensionet e komunikimit që kanë ekzistuar mes nesh, dhuna është e pafalshme. Komunikimi publik për gjëra që duhen zgjidhur me njëri-tjetrin, është gabim që shpesh herë rezulton fatal, sepse kur gjërat bëhen publike, “urat digjen”, prandaj gjërat mbahen në privatësi për të ruajtur urat.
    Të gjitha palët e përfshira të ndërmarrin anagzhimin e tyre për të përmbushur detyrimin që kanë ndaj votuesit dhe për të ç’aktivizuar listën e mbyllur. E kemi të detyrueshme t’u dalim garant njerëzve, dhe është e turpshme nëse nuk e bëjmë”, deklaroi Soko.
    Eksperti thekson se respektimi i fjalës së dhënë ndaj qytetarëve janë thelbësore për të mos e humbur besimin e qytetarëve, ndërtimin e një alternative të re politike apo një “korrigjim” nga të gjitha palët e përfshira.
    “Nëse ne nisim rrugëtimin tonë politik me një humbje angazhimi të tillë, atëherë besimi i njerëzve nuk është një gjë që fitohet shpesh herë. Personalisht jam ndjerë shumë në siklet, në detyrim ndaj atyre njerëzve që na kanë votuar. Nuk i shof dot në sy. Besoj se ne do gjejmë forcën për të dalë mbi veten për hir të atyre njerëzve që na kanë besuar. Jemi të dënuar të gjejmë një zgjidhje”, tha Pano Soko.
    KNSHB fitoi mandatin e vetëm të këtyre zgjedhjeve në qarkun e Tiranës. Marrëveshja ishte e tillë që emrat e listës së mbyllur, e cila përbehet nga të afërm të kandidatëve, do të jepnin dorëheqje si një artificë që kandidatët e listës së hapur të ishin ata që garonin për mandatet.
    Megjithatë Lapaj premtoi publikisht se nëse koalicioni do të merrte vetëm një mandat, ai nuk do ta pranonte, por pas zgjedhjeve kjo ndryshoi.

  • Koalicioni Lapaj-Shabani ndez debatin, daja i këtij të fundit nuk tërhiqet, ja kush pritet të marrë vendin e deputetit

    Koalicioni Lapaj-Shabani ndez debatin, daja i këtij të fundit nuk tërhiqet, ja kush pritet të marrë vendin e deputetit

    Mandati i fituar nga koalicioni Nisma Shqipëria Bëhet në zgjedhjet e 11 majit ka ndezur një debat të fortë mes dy palëve të këtij bashkëpunimi, Nismës Thurje dhe Lëvizjes Shqipëria Bëhet të drejtuara respektivisht nga Endrit Shabani dhe Adriatik Lapaj.
    KNSHB fitoi mandatin e vetëm të këtyre zgjedhjeve në qarkun e Tiranës. Marrëveshja ishte e tillë që emrat e listës së mbyllur, e cila përbehet nga të afërm të kandidatëve, do të jepnin dorëheqje si një artificë që kandidatët e listës së hapur të ishin ata që garonin për mandatet. Megjithatë Lapaj premtoi publikisht se nëse koalicioni do të merrte vetëm një mandat, ai nuk do ta pranonte, por pas zgjedhjeve kjo retorikë ndryshoi.
    Ka qenë më pas daja i Endrit Shabanit, Zeqir Kordhoni, i renditur i nënti në listën e mbyllur, i cili ka kërkuar në KQZ tërheqjen nga dorëheqja, çka do të bënte që mandati t’i kalonte atij në rast se të gjithë emrat e listës së mbyllur do të hiqnin dorë nga mandati i deputetit. Sipas raportimit nga KQZ mandati i shkon Ana Dajkos, që është listuar e para në listën e mbyllur të koalicionit Nisma Shqipëria Bëhet në Tiranë.
    Në zgjedhjet e 11 majit, Adriatik Lapaj ka marrë mbi 6000 vota dhe Endrit Shabani rreth 3000 vota, ndërsa pritet se cili do të jetë vendimi i kreut të KQZ për ndarjen e mandatit në vijimësi. Në rast se mandati do t’i kalojë Ana Dajkos, pritet që me nisjen e legjislaturës së re mund të ketë dorëheqje dhe më pas të ndiqet procedura e kalimit të mandatit në listën shumë-emërore. Megjithatë duket se ky rast pritet t’i japë fund bashkëpunimit politik mes Lapajt dhe Shabanit.

  • Goditje politike për Benjamin Netanyahu, tërhiqet nga koalicioni një parti kyçe, qeveria humb shumicën

    Goditje politike për Benjamin Netanyahu, tërhiqet nga koalicioni një parti kyçe, qeveria humb shumicën

    Kryeministri izraelit, Benjamin Netanyahu, ka pësuar një goditje të madhe politike të mërkurën, pasi një partner kyç qeverisës njoftoi tërheqjen nga koalicioni i tij. Ky zhvillim e lë Netanyahun me një qeveri pakice në parlament, ndërsa vendi përballet me një mori sfidash të rëndësishme.
    Partia ultra-ortodokse Shas, një forcë me ndikim thelbësor në politikën izraelite, njoftoi se po largohej nga koalicioni qeverisës për shkak të mosmarrëveshjeve rreth një ligji të propozuar. Ky ligj do të sanksiononte përjashtime të gjera nga rekrutimi ushtarak për votuesit e saj, një çështje që ka ndezur debate të forta në vend. Kjo është partia e dytë ultra-ortodokse që tërhiqet nga qeveria këtë javë, pas vendimit të ngjashëm të partisë United Torah Judaism.
    “Në këtë situatë aktuale, është e pamundur të ulesh në qeveri dhe të jesh partner në të,” tha ministri i kabinetit të Shas, Michael Malkieli, duke njoftuar vendimin e partisë.
    Sapo dorëheqjet të bëhen zyrtare, koalicioni i Netanyahut do të ketë vetëm 50 vende në parlamentin me 120 vende. Megjithatë, Shas theksoi se nuk do ta minojë koalicionin nga jashtë dhe mund të votojë me të për disa legjislacione. Ky “litar shpëtimi” i jep Netanyahut një shans për të manovruar, ndonëse e bën të pamundur qeverisjen e lehtë. Ai ka një dritare prej 48 orësh përpara se dorëheqjet të bëhen zyrtare, duke i dhënë vetes një mundësi të fundit për të shpëtuar qeverinë.
    Implikimet politike dhe rreziku i përçarjes
    Paqëndrueshmëria politike vjen në një kohë thelbësore për Izraelin, ndërsa po negocion me Hamasin mbi kushtet e një propozimi për armëpushim të mbështetur nga SHBA-të. Edhe pse vendimi i Shas nuk pritet të prishë bisedimet, ai shton presionin mbi Netanyahun për të qetësuar aleatët e tij të tjerë të së djathtës ekstreme, të cilët kundërshtojnë ashpër një fund të luftës 21-mujore në Gaza për sa kohë që Hamasi mbetet i paprekur.
    Me një koalicion në përçarje, Netanyahu do të duhet të balancojë kërkesat e ndryshme të aleatëve të tij, por ai ende mund të ecë përpara me një marrëveshje armëpushimi sapo të arrihet.
    Çështja e ndjeshme e rekrutimit ushtarak
    Largimi i partive ultra-ortodokse thekson thellësinë e përçarjes shoqërore në Izrael mbi çështjen e rekrutimit ushtarak. Shërbimi ushtarak është i detyrueshëm për shumicën e izraelitëve hebrenj, por burrat ultra-ortodoksë kanë pasur përjashtime prej dekadash. Kjo pabarazi është thelluar ndjeshëm që nga fillimi i luftës në Gaza, me rritjen e nevojës për fuqi punëtore ushtarake dhe numrin e madh të ushtarëve të vrarë.
    Ultra-ortodoksët argumentojnë se studimi i tyre i teksteve të shenjta hebraike është një shërbim thelbësor për kombin dhe kanë frikë se rekrutimi i detyrueshëm do të dobësonte lidhjen e besimtarëve me besimin. Nga ana tjetër, shumica e izraelitëve hebrenj e shohin përjashtimin si të padrejtë, veçanërisht kur ai shoqërohet me pagesa bujare qeveritare për shumë burra ultra-ortodoksë.
    Pa një marrëveshje për një ligj të ri, Netanyahu tani do të përballet me një sfidë të vështirë për të ruajtur stabilitetin e tij politik, duke iu afruar edhe pushimeve verore të ligjvënësve. AP

  • Rinumërimi në Durrës/ Hapen 148 kuti votimi, më shumë gabime për votat preferenciale tek socialistët

    Rinumërimi në Durrës/ Hapen 148 kuti votimi, më shumë gabime për votat preferenciale tek socialistët

    Foto ilustruese

    TIRANË- Vijon rinumërimi i votave në Pallatin e Sportit “Farie Hoti” në Tiranë. Sot po vijon procesi i rinumërimit të votave të zgjedhjeve parlamentare të 11 majit për qarkun e Durrësit, si për subjektet politike, ashtu dhe për kandidatët. Edhe në këtë qark, ashtu si në Tiranë edhe në Fier, subjekti që po humbet më shumë vota është Partia Demokratike. Aktualisht demokratët, në 148 nga 290 kuti të numëruara, janë humbur 18 vota. Por “lëshime” ka pasur edhe nga kandidatët. Për qarkun e Durrësit më shumë vota të pamerituara duket se ka marrë ish-prokurori, Arian Ndoja, i cili ka “rikthyer”, 77 vota. Ndërsa më shumë vota ka rikuperuar Emri Vata, i cili ka rimarrë 54 vota.
    Më të larta janë numrat tek socialistët. Në kampin rozë, Ani Dyrmishi rezulton se deri më tani ka marrë 236 vota të pamerituara, ndërsa Gentian Hilla ka rikuperuar 241 të tilla. 
    TË DHËNAT SIPAS KQZ: 

    148-290 kuti të numëruara
    1. Koalicioni Partia Demokratike PD-ASHM 18 2. Lëvizja Bashkë 1 3. Lëvizja Atdheu – 4. Partia Koalicioni Euroatlantik – 5. Partia Socialiste e Shqipërisë 4 6. Koalicioni Nisma Shqipëria Bëhet- “-5” 7. Partia Aleanca Kombëtare Shqiptare- “-1” 8. Partia Aleanca Demokracia e Re – 1 9. Koalicioni Djathtas për Zhvillim – 5 10. Partia Mundësia – “-3” 11. Partia Socialdemokrate- “-1”
    Sipas projeksioneve të deritanishme nuk ka ende asnjë ndryshim rezultati sa i takon subjekteve politike. Aktualisht, deri më tani, rinumërimi ka përfunduar në Tiranë, ku nuk pati asnjë ndryshim mandati. Ndërsa në Fier, po. Për 10 vota më shumë mandatin e Zegjinë Çaushit, e mori Maldrita Bardho. Por megjithatë kjo e fundit hoqi dorë nga mandati, duke rikthyer sërish Çaushin në Kuvendin e Shqipërisë./ZËRI

  • Përfundon procesi i rinumërimit në Tiranë, nuk ka ndryshime të mandateve

    Përfundon procesi i rinumërimit në Tiranë, nuk ka ndryshime të mandateve

    Foto ilustruese

    TIRANË- Më shumë se 1200 kuti votimi të qarkut të Tiranës janë rinumëruar të gjitha. Rinumërimi i votës së fundit ka mbyllur procesin e nisur disa ditë më parë në pallatin e sportit “Fahrie Hoti” në kryeqytet. Pavarësisht se nga ky rinumërim ka shumë pritshmëri dhe ishte kërkuar prej tyre, Partia Demokratike nuk ka mundur që të rikuperojë asgjë. Madje ka humbur më shumë se 600 vota. Gati gjysmat ka humbur Partia Socialiste, që i ishin shtuar gati 400 vota pa meritë, të cilat janë hequr. Për shkak të kësaj diferencë shumë të thellë, Partia Demokratike nuk ka mundur që të marrë një tjetër mandat për Tiranën, edhe pse synonte të merrte ulësen e dytë në Kuvend të Partisë “Mundësia”. Demokratët kërkonin që të fusnin në Kuvend, mjekun Ilir Alimehmeti, në vend të Erald Kaprit, por rotacioni nuk ndodhi. 
    Përfundimi i rinumërimit zbuloi se partitë politike, të cilave u janë hequr vota padrejtësisht nga numërimi deri tani janë “Koalicioni Euroatlantik” i Lulzim Bashës (-21 vota), koalicioni “Djathtas për Zhvillim” i kryesuar nga Dashamir Shehi (-8 vota) dhe partia Aleanca Kombëtare Shqiptare (-7 vota). Vota sërish të pamjaftueshme për të bërë diferencën. Sërish asnjë prej këtyre partive nuk do të ketë asnjë përfaqësues në Kuvendin e Shqipërisë në shtator. 
    DETAJE NGA RINUMËRIMI: 
    1. Koalicioni Partia Demokratike – 612 2. Lëvizja Bashkë – 57 më shumë …3. Lëvizja Atdheu – 9 më shumë …4. Partia Koalicioni Euroatlantik – “-21” 5. Partia Socialiste e Shqipërisë – 381 6. Koalicioni Nisma Shqipëria Bëhet – 44 7. Partia Aleanca Kombëtare Shqiptare – “-7″8. Partia Aleanca Demokracia e Re – 11 9. Koalicioni Djathtas për Zhvillim – “-8″10. Partia Mundësia – 44 11. Partia Socialdemokrate – 34
    Sa i përket votave të kandidatëve, në Partinë Demokratike, më shumë vota të pamerituara ka marrë Jorida Tabaku, plot 250 të tilla, ndërsa i dyti renditet mjeku Alimehmeti.
    VOTAT PREFERENCIALE: 
    Jorida Tabaku 250 votaIlir Alimehmeti 137 votaLoranca Hoxha 111 votaElton Rroshi 79 votaIlir Metaj 54 vota
    Nga socialistët, rekordin e mban ministri i Brendshëm, Ervin Hoxha, ndërsa pjesë e listës janë edhe politikanë të tjerë veteranë të PS-së.
    VOTAT PREFERENCIALE: 
    Ervin Hoxha 301 votaFatmir Xhafaj 233 votaBlendi Gonxhja 179 votaErion Braçe 171 votaOrnaldo Rakipi 132 votaXhemal Qefalia 128 votaPandeli Majko 126 vota
    Ndërkohë edhe pse kishin shumë pak diferencë votash, nuk ka asnjë rokadë mandati as mes dy kandidatëve socialiste. Edhe pse Blerina Gjylameti fitoi 19 vota më shumë nga numërimi i parë dhe Xhaçkës iu hoqën 51, sërish nuk mjaftuan për të ndryshuar vendet në Kuvend. Gjylameti mbetet sërish jashtë politikës, ndërsa Xhaçka siguron edhe njëherë postin e deputetes.
    Nga ana tjetër, Komisioni Qendror i Zgjedhjeve vulosi këtë të mërkurë rezultatin e zgjedhjeve për qarqet Berat, Dibër, Shkodër, Vlorë Kryekomisioneri Ilirjan Celibashi shpërndau mandatet për 35 kandidatët e dalë në 11 maj nga këto qarqe, duke mbyllur kështu edhe sagën e ankimimeve.
    QARKU BERAT
    PS – 5 MANDATE
    Ervin DemoEnriketa JahoHysen BuzaliFadil NasufiHatixhe Konomi
    PD – 2 MANDATE
    Eno BozdoZija Ismaili
    QARKU DIBËR
    PS – 3 MANDATE
    Blendi KlosiAlma SelamiAgron MalajPD – 2 MANDATE
    Xhelal MziuDenisa Vata
    QARKU SHKODËR
    PS – 4 MANDATE
    Marjana KoçekuOnid BejleriXhenis ÇelaBujar RexhaPD – 5 MANDATE
    Luçiano BoçiKliti HotiGreta BardeliRamandan LikajBardh SpahiaPSD – 2 MANDATE
    Tom DoshiSabina Jorgo
    QARKU VLORË
    PS – 9 MANDATE
    1. Bledar Çuçi2. Zamira Sinaj3. Erjona Ismaili4. Pirro Vengu5. Damian Gjiknuri6. Vullnet Sinaj7. Ardit Bido8. Vasil Llajo9. Brunilda Mersini
    PD – 3 MANDATE
    1. Bujar Leskaj2. Vangjel Dule3. Ina Zhupa
    Sot që u përmbyll procesi i rinumërimit për Bashkinë e Tiranës, KAS do rinumërojë votat për Kavajën dhe Rrogozhinën. Më pas do të vijohet me rinumërimin e të gjithë qarkut të Fierit (587 kuti), dhe në fund 360 kutitë e qarkut Durrës, 85 prej të cilave janë të Diasporës./ZËRI

  • Zgjedhjet e 11 majit, KQZ shpërndan mandatet për qarqet Vlorë, Shkodër, Berat dhe Dibër

    Zgjedhjet e 11 majit, KQZ shpërndan mandatet për qarqet Vlorë, Shkodër, Berat dhe Dibër

    KQZ shpërndan mandatet për qarqet Vlorë, Shkodër, Berat dhe Dibër.

    Në qarkun e Beratit, PS ka marrë 5 mandate, koalicioni opozitar ‘PD-ASHM’ 2 mandate.
    Në qarkun e Dibrës, PS ka marrë 3 mandate, koalicioni opozitar ‘PD-ASHM’ 2 mandate.
    Në Shkodër koalicioni opozitar ‘PD-ASHM’ ka marrë 5 mandate, PS 4 mandate, PSD 2 mandate.
    Ndërsa në qarkun e Vlorës, PS ka siguruar 9 mandate, ‘PD-ASHM’ 3 mandate.
     
     

    Top Channel