Një shans i humbur për Barcelonën dhe Bajernin e Mynihut. Ylli spanjoll i Bilbaos, Niko Ulliams, ka zgjatur kontratën teksa ka nënshkruar deri në vitin 2035 me klubin bask.
22-vjeçari, prodhim i Akademisë së Atletik Bilbao, është kthyer në një lojtar deçiziv për klubin por dhe për Kombëtaren iberike të drejtuar nga Luis de la Fuente.
Me këtë marrëveshje të re, klauzola e lirimit të tij është rritur me mbi 50%, duke e bërë largimin e anësorit thuajse të pamundur./Sportiim.al/
Vazhdo leximin
Klaus Gjasula do të jetë përforcimi më i ri i Dinamos së Tiranës. Mesfushori me tipare mbrojtëse, i njohur për stilin agresiv dhe eksperiencën e tij në futbollin gjerman, pritet të jetë një ndër afrimet më të rëndësishme të skuadrës për sfidat europiane.
Sipas “SuperSport”, Gjasula ka arritur marrëveshje me klubin blu për një kontratë dyvjeçare, duke u bërë pjesë e projektit të Dinamos për sezonin e ardhshëm. Në moshën 35-vjeçare, ky është transferimi i tij i parë jashtë Gjermanisë, pas një karriere të gjatë në futbollin gjerman.
Më herët, Gjasula kishte nënshkruar me ekipin gjerman Essen deri në vitin 2026, por kontrata u ndërpre para kohe, duke i hapur rrugën këtij transferimi surprizë në Shqipëri.
Gjasula tërhoqi vëmendjen edhe gjatë Kampionatit Europian të zhvilluar në Gjermani, ku vendosi një rekord unik: u bë lojtari i parë në historinë e Europianëve dhe Botërorëve që shënon një gol dhe një autogol në të njëjtën ndeshje, një episod që u pasqyrua gjerësisht nga mediat ndërkombëtare.
Ky transferim tregon qartë ambicien e Dinamos për të ndërtuar një skuadër konkurruese për arenën europiane, duke nisur me afrime me përvojë si ajo e Klaus Gjasulës.
Françesko Moreiro, italiani që drejtoi Laçin që nga 19 tetori ( debutoi me fitpren 3-1 ndaj Vllaznisë) nëpërmjet një postimi në “Instagram”, ka bërë të ditur se nuk do të jetë më trajner i Laçit, duke ndërprerë zyrtarisht bashkëpunimin me bardhezinjtë.
Postimi i Morieros:
Çdo gjë ka një fillim dhe një fund dhe për këtë dua të falënderoj klubin. Presidentin e KFLAÇI-t, Pashk Laska, dhe të gjithë familjen dhe miqtë e tij që më pritën si një anëtar të familjes.
Falënderoj @dario.pali dhe @kleolaska për afërsinë dhe miqësinë e tyre, përshëndetje të gjithë tifozëve të KFLAÇI-t, duke u uruar suksese të reja sportive.
Përshëndetje të gjithë djemve të mi dhe stafit teknik që luftuan me mua deri në fund me kokën lart. Do të ishte shumë stimuluese të mund të kthehesha në Shqipërinë e bukur për një sfidë të re një ditë. Z. Moriero para Laci-t.
Një lajm sensacional i raportuar nga Sportmediaset ka tronditur tifozët e Udineses. Familja Pozzo, e cila e ka në pronësi klubin për 39 vjet, thuhet se ua ka shitur klubin investitorëve të huaj ende të panjohur për një shumë prej rreth 150 milionë eurosh. I pritur nga Tgr Rai del Friuli Venezia Giulia, thashethemi është konfirmuar edhe nga burime pranë ekipit.
Kur u pyetën nga Ansa, shkruan prestigjizia italane, drejtuesit e klubit nuk deshën të komentonin, por njoftimi duhet të vijë në orët e ardhshme, duke zbuluar emrin e pronarit të ri, ndoshta një fond me seli në Shtetet e Bashkuara. Marrëveshja do të kishte të bënte vetëm me Udinese Calcio dhe jo me Uatford, një klub që do të mbetej në pronësi të Gino Pozzo.
Vazhdo leximin
Adriatik BALLA
Trajneri Silvinjo po monitoron situatën e kuqezinjve kur kanë mbetur dhe dy javë nga ndeshja e 7 qershorit me Serbinë, takim i cili do të luhet në stadiumin “Arena Kombëtare” e Tiranës. Në këtë ndeshje duhet një grup sa më i plotë e cilësor, në mënyrë që të merret rezultat pozitiv. Por lëvizjet e disa lojtarëve kur nuk ka hyrë ende merkato tregon se gjendja e tyre nuk është e kënaqshme. Kuptohet, ka dhe futbollistë me minuta në këmbë dhe titullarë me ekipet e tyre, por ka dhe lojtarë që nuk janë në formën e tyre më të mirë. Ndërkohë, nisën edhe lëvizjet e para. Sipas mediave dhe mbrojtësi Enea Mihaj mund të lëvizë në ditët e para të qershorit. Një tjetër shqiptar, Ajvazi, firmoi dje me klubin e njohur gjerman, Hertën e Berlinit.
Mbrojtësi Mihaj drejt Turqisë
Enea Mihaj me shumë mundësi do të largohet nga Famalicao gjatë kësaj merkato verore. Mbrojtësit të Kombëtare shqiptare, i përfundon kontrata me portugezët dhe nuk ka negociata për rinovim. Por, për 26-vjeçarin nuk mungojnë ofertat. Hipoteza më e re që ka dalë në skenë dhe që shihet si më e mundshmja, është Superliga turke. Është klubi i Samsunspor, i cili kërkon me ngulm shërbimet e shqiptarit. Përveç, Samsunsporit, për lojtarin “kuqezi” është interesuar edhe skuadra nga Amerika, Atalanta Junajtid. Vlen të theksohet, së në rast kalimi te Samsunspor, Mihaj do të gjente aty sulmuesin e Kombëtares shqiptare, Arbnor Mujën. Megjithatë, Mihaj ende nuk ka vendosur, por Superliga turke është opsion konkret.
Ajvazi firmos me Hertën e Berlinit
Mesfushori 21-vjeçar, Dion Ajvazi ka nënshkruar kontratën e parë profesionale me klubin e Hertha Berlinit. Ajvazi, i cili deri më tash ishte pjesë e ekipit të dytë të klubit kryeqytetas, tash ka nënshkruar kontratë profesionale me klubin që luan në Bundesliga 2. Me Hertha Berlin II, Ajvazi sezonin që lamë pas kishte 30 paraqitje, në të cilat ka shënuar katër gola dhe ka dhuruar nëntë asistime. 21-vjeçari i ishte bashkuar akademisë së Hertha Berlinit më 2017, dhe prej atëherë ka kaluar në çdo nivel të grupmoshave. Ajvazi po ashtu është përfaqësues i kombëtares U21 të Shqipërisë, me të cilën ka katër paraqitje. Më herët, mesfushori përfaqësonte kombëtaren U19 të Kosovës, së cilës i kishte thënë “po” në vitin 2021, pasi paraprakisht luante për kombëtaret zinxhir të Gjermanisë.
Rexhbeçaj mbetet pa trajner
Mesfushori i Kosovës, Elvis Rexhbeçaj ka mbetur pa trajner. Kjo pasi skuadra gjermane, Augsburg ka njoftuar shkarkimin e trajnerit, Jes Thorup. Kjo nuk është e tëra, pasi bashkë më trajnerin është shkarkuar edhe drejtori sportiv i klubit, Marinko Jurendic. Ky vendim vjen pasi drejtuesit e Augsburgut bën vlerësimin e sezonit të kaluar, ku duket se nuk përmbushen objektivat e klubit. Skuadra gjermane ku luan futbollisti i Kosovës, Elvis Rexhbeçaj, e mbylli sezonin duke përfunduar në vendin e 12-të në tabelën e Bundesligës, me 43 pikë të grumbulluara.
Igli Tare është drejtori i ri sportiv i Milanit.
Sipas raportimeve të fundit të “Tuttomercatoweb”, ish-futbollisti shqiptar sapo ka nënshkruar kontratën e tij të re që do ta lidhë atë me klubin kuqezi.
Konkretisht, Tare ka nënshkruar një marrëveshje 2-vjeçare me opsion për një sezon të tretë me një pagë prej 800 mijë eurosh në vit. Njoftimi zyrtar nga Milani do të mbërrijë në orët e ardhshme, por para mediave do të prezantohet ditën e hënë.
Kuqezinjtë kanë bërë një lëvizje shumë të rëndësishme në nivelin e menaxhimit në funksion të sezonit të ardhshëm, i cili në mendjet e pronarëve dhe tifozëve duhet të shënojë rinisjen e projektit.
Ditët e fundit, vetë Tare, duke iu përgjigjur një pyetjeje në lidhje me kontaktet e tij me klubin, ishte përgjigjur si më poshtë: “Epo, Milani është një objektiv për të gjithë. Të punoja për një klub historik dhe të njohur si ky do të ishte një nder. Gjithmonë jam përpjekur të përfaqësoj vendin tim dhe në të njëjtën kohë të jem një shembull për shumë italianë, jam gjysmë italian, kam punuar këtu për gjysmën e jetës sime, kam një pasaportë italiane dhe e mbaj me krenari. Jam shumë mirënjohës ndaj jush”.
20 Maj 2025
21:37
Telesport
Marko Verrati do të bëhet bashkëpronar i klubit italian Pescara. Sipas medias italiane “TMW”, mesfushori qendror 32-vjeçar do të blejë 40% të aksioneve të Peskarës, e cila luan në Serie C italiane, në një operacion që do të kushtojë 1.5 milion euro.
Verrati ka dorëzuar tashmë të gjithë dokumentacionin e nevojshëm për të vazhduar me blerjen e të drejtave të pronësisë së Peskarës dhe marrëveshja do të zyrtarizohet muajin tjetër.
Duhet theksuar se Pescara ishte trampolina për lojtarin italian, pasi debutoi në ekipin e të rriturve në vitin 2008, vetëm 15 vjeç. Në sezonin 2011/12, pasi u kurorëzua kampion i Serie B me klubin, ai u transferua te PSG për 12 milionë euro, ku do të luante njëmbëdhjetë sezone radhazi, duke u bërë lojtari i dytë me më shumë paraqitje në historinë e klubit (416).
20 Maj 2025
11:50
Telesport
Pasi siguroi matematikisht një vend në Champions League skuadra er Arsenal ka nisur nga puna për të përforcuar grupin me element cilësorë. Presidenti Josh Kroenke, drejtori sportive Andrea Berta dhe trajneri Mikel Arteta janë takuar dhe kanë biseduar për merkaton e verës.
“Ne planifikojmë të investojmë për të fituar dhe për të bërë më mirë sezonin e ardhshëm. Jemi të kënaqur që kemi drejtorin tonë sportiv i cili do të luajë një rol të rëndësishëm në këtë. Ai është pjesë e një skuadre të unifikuar dhe të forte, i qartë në atë që duhet të bëjë për ekipin”, tha Mikel Arteta.
“Ne të gjithë duam të njëjtën gjë. Ne jemi po aq të uritur për sukses sa të tjerët dhe kjo vlen për të gjithë ata që punojnë për klubin. Kjo nuk është diçka e re. Pronarët gjithmonë mbështesin ekipin, klubin, në mënyrën më të mirë të mundshme, dhe nuk do të jetë ndryshe në verë”, shtoi trajneri i Arsenal.
Më tej, trajneri spanjoll tha: “Duhet të jemi shumë të zgjuar me vendimet që marrim. Natyrisht ne kemi nevojë për lojtarë, sepse skuadra është shumë e shkurtër dhe po humbasim katër ose pesë lojtarë që i mbarojnë kontratat apo huazimet e tyre. Ndaj duhet të punojmë me kujdes”.
Planet për të ardhmen e Juventusit kanë nisur të marrin formë, me klubin bardhezi që pritet të jetë shumë aktiv gjatë afatit kalimtar të verës, ndërsa ende nuk ka një vendim përfundimtar për trajnerin.
Drejtuesit e klubit po shohin me prioritet ardhjen e Antonio Contes, i cili mund të rikthehet në stolin bardhezi së bashku me trajnerin atletik Antonio Pintus. Megjithatë, gjithçka mbetet në fazën e diskutimeve.
Ende duhet pritur për të parë zhvillimet konkrete, por Juventus ka nisur të lëvizë në disa fronte, me qëllimin për të përforcuar ndjeshëm skuadrën për sezonin e ardhshëm.
Sipas “SportMediaset”, një nga objektivat është Pietro Comuzzo, mbrojtësi 20-vjeçar i Fiorentinës, i cili së fundmi ka rinovuar kontratën me klubin toskan.
Fiorentina ka rinovuar me Comuzzo me synimin për ta shitur më vonë, duke përfituar nga talenti dhe potenciali i lartë i lojtarit. Ai shihet si një prej mbrojtësve më premtues në Serie A.
Juventusi është i vetëdijshëm për vlerësimin e lartë të kartonit të Comuzzos, i cili sipas mediave italian pritet t’i kushtojë bardhezinjve 40 milionë euro. Një shumë e konsiderueshme për një lojtar të ri.
Objektivi i klubit është të rigjallërojë projektin sportiv, duke shtuar cilësi dhe konkurrencë në skuadër. Lëvizje si kjo tregojnë synimin për të ndërtuar një ekip më të fortë dhe më ambicioz. /Telegrafi/
13 Maj 2025
11:16
Telesport
Real Madrid është në një krizë të thellë dhe jo vetëm në aspektin e rezultateve. Pas humbjes në “El Clasico”, që vulosi titullin e Barcelonës dhe dështimin e sezonit, një ditë pas shpalljes së Ancelotti si trajner i Brazilit, shpërtheu skandali Rodrygo.
Sipas “Marca”, braziliani ka prishur marrëdhëniet me klubin dhe do të kërkojë të shitet në merkaton e verës. Për sulmuesin Brazilian ka mjaft kërkesa si nga Europa ashtu dhe nga vendet arabe (kontrata me “los blancos” skadon në vitin 2028).
Ajo që shkaktoi atë që mediat spanjolle po e quajnë “rebelim”, nuk ishte aq shumë përjashtimi i tij nga formacioni titullar të dielën kundër Barcelonës, por një sezon keqkuptimi me yjet e tjerë, veçanërisht me Mbappe dhe Bellingham.
Kostoja e kartonit të Rodrygo pritet të shkojë në 100 milionë euro, një lojtar që ka qenë vendimtar në Madrid, me 68 gola në 267 ndeshje zyrtare. Por tashmë, pas 6 sezonesh, aim und të lërë Madridin e të takohet me Ancelotti në kombëtare.