Ndërsa e ardhmja e Vinicius mbetet në ajër për shkak të rinovimit të kontratës së tij me Real Madridin që është pezulluar deri në njoftim të mëtejshëm, asi brazilian dha një intervistë për GQ në të cilën foli hapur për shumë nga çështjet që lidhen me jetën e tij të përditshme.
Duke filluar me atë që ai përfaqëson sot në futboll: “Të luash në këtë nivel, për klubin më të madh në botë dhe për ekipin tim kombëtar, ende duket si një ëndërr.
“E di që udhëtimi im frymëzon të tjerët, veçanërisht fëmijët nga vendi im. Të dish që historia ime mund të motivojë dikë të ndjekë ëndrrat e tij do të thotë gjithçka për mua. Përfaqësimi i ekipit tim, vendit tim dhe familjes sime në skenat më të mëdha është diçka që nuk do ta marr kurrë si të mirëqenë”.
Mbi momentet më përcaktuese në jetën e tij: “Mendoj se ka pasur shumë momente përcaktuese në karrierën time. Debutimi im profesional me Flamengon, transferimi im te Real Madridi dhe më pas disa kujtime të paharrueshme në garat më të rëndësishme, si shënimi i golave në dy finale të Champions League.
“Secili prej këtyre momenteve ka ndihmuar në formimin e asaj që jam si lojtar dhe si person”.
Ambiciet për qëllime të reja: “Kam arritur shumë, por ëndrrat e mia janë larg përfundimit. Dua të fitoj më shumë trofe me klubin tim, të fitoj ndeshje më të rëndësishme me ekipin kombëtar dhe të vazhdoj të frymëzoj brezin e ardhshëm të besojë në vetvete.
“Ëndrra ime më e madhe është të lë një trashëgimi që shkon përtej futbollit, veçanërisht me të gjithë punën që po bëj përmes fondacionit tim për të përmirësuar sistemin arsimor në Brazil”.
Ai përfundoi: “E marr seriozisht përgjegjësinë e të qenit një model. Të jesh një shembull do të thotë të udhëheq me shembull.
“Përpiqem të qëndroj i përqendruar, të jem i përulur dhe të kujtoj se nga vij. Në fund të fundit, dua t’u tregoj njerëzve se, me përkushtim dhe respekt, çdo gjë është e mundur”.
Tag: klubin
-
“Kam fituar shumë”, Vinicius i sinqertë: Ja çfarë dua të bëj
-
Granit Xhaka prezantohet zyrtarisht në Sunderland
Granit Xhaka, një nga futbollistët më të njohur kosovarë, është prezantuar zyrtarisht si lojtari më i ri i Sunderland. Pas kalimit të suksesshëm të testeve mjekësore, Xhaka firmosi një kontratë me klubin anglez që e lidh atë deri në vitin 2028.Sipas raportimeve të Sky Sports, Sunderland ka paguar një shumë prej 17 milionë euro për transferimin e mesfushorit kosovar. Ky transferim e rikthen Xhakën në Premier League pas vetëm dy vitesh, duke i dhënë atij mundësinë për të shfaqur edhe një herë aftësitë e tij në ligën më të fortë të botës.Gjatë prezantimit të tij, Xhaka ka shprehur emocionet dhe krenarinë për këtë hap të ri në karrierën e tij. “Jam shumë krenar që ndodhem këtu. Kur fola me klubin, ndjeva menjëherë energjinë dhe mentalitetin që kanë të gjithë personat këtu, edhe lojtarët”, tha Xhaka për mediat.Në Sunderland, Granit Xhaka do të mbajë fanellën me numrin 34, një numër që ka bërë tashmë emër për të, dhe që është i lidhur ngushtë me identitetin e tij si lojtar.Ndërkohë, klubi i tij i deritanishëm, Bayer Leverkuseni, e ka falënderuar për kontributin e tij të jashtëzakonshëm dhe e ka uruar për këtë hap të ri. Simon Rolfes, drejtori sportiv i Bayer 04, tha: “Granit Xhaka ishte lojtar kyç në ekipin tonë që fitoi kampionatin dhe Kupën e Gjermanisë në vitin 2024. I urojmë atij shumë sukses në karrierën e tij të ardhshme.”Ky është një transferim që mund të shënojë një kapitull të ri për Xhakën, duke e bërë atë një nga yjet e Premier League dhe duke kontribuar në zhvillimin e Sunderland në nivelin më të lartë të futbollit anglez./KultPlus.com
-
Zbulohen detaje nga kontrata e Xhakës me klubin anglez, ja sa do të paguhet mesfushori shqiptar
Granit Xhaka është gati të kompletojë transferimin e pritur te skuadra e Sandërlend në Premier Ligën angleze.
Kontrata e tij me klubin e ri do të zgjasë deri në vitin 2028, ndërsa anglezët do të derdhin në arkat e Bajern Leverkusenit 15 milionë euro plus deri në 5 milionë euro të tjera si bonuse të mundshme.
Sipas të dhënave të gazetës “Blick”, Xhaka do të përfitojë rreth 4.5 milionë euro neto në vit, ndërsa do të jetë jo vetëm një nga udhëheqësit në fushë, por edhe kapiteni dhe lideri i skuadrës së re. -
Barcelona dëshiron “ta blindojë” Frenkie de Jong, zbulohet oferta e rinovimit për holandezin
Barcelona vazhdon të presë që Frenkie de Jong (28 vjeç) t’i japë “dritën jeshile” për të nisur negociatat e rinovimit të kontratës, përmes një agjenti të ri ose avokati, sapo ai ta ndërpresë marrëveshjen me përfaqësuesin aktual Ali Dursun, me të cilin ka pasur mosmarrëveshje prej disa muajsh. Deri sa të zgjidhet kjo çështje, holandezi nuk mund ta informojë klubin se kush është përfaqësuesi ligjor me të cilin mund të negociohet vazhdimësia e tij.
Aktualisht, kontrata e Frenkie skadon në vitin 2026. Pas gjysmës së dytë të shkëlqyer të sezonit të kaluar, ku fitoi vendin si titullar në sytë e Hansi Flick, klubi dëshiron të rinovojë me holandezin. Edhe vetë lojtari ka shprehur dëshirën për të vazhduar më gjatë me fanellën blaugrana.
Sipas asaj që ka mësuar “Mundo Deportivo” nga burime pranë klubit katalanas, oferta për De Jong është zgjatje e kontratës për dy vite të tjera, përveç asaj që tashmë ka të vlefshme. Kjo do të thotë se Barça dëshiron ta mbajë deri në vitin 2028, me mundësinë për ta shtuar edhe një vit tjetër shtesë, të kushtëzuar nga paraqitjet. Ky skenar do ta zgjaste qëndrimin e tij në klubin katalanas deri në vitin 2029.
Me këtë ofertë, Frenkie do ta përfundonte kontratën në moshën 31-vjeçare dhe nëse aktivizohet edhe viti opsional, do të qëndronte te Barça deri në moshën 32 vjeç. Duke marrë parasysh se firmosi me klubin katalanas në vitin 2019, nëse nënshkruan këtë kontratë të re dhe e çon deri në fund, mund të arrijë të luajë 10 sezone si lojtar i Barcelonës.
Aktualisht, De Jong është një nga kapitenët e skuadrës dhe një nga lojtarët më të rëndësishëm për Hansi Flick, pavarësisht konkurrencës së madhe në mesfushë. Informacioni nga brenda klubit është i qartë: Frenkie dëshiron të qëndrojë dhe dëshira e tij është e sinqertë. -
Luis Diaz refuzon Barcelonën, kolumbiani i tregon Liverpool-it klubin ku dëshiron të transferohet
19 Korrik 2025
12:19
Telesport
Luis Diaz ka vendosur të largohet përfundimisht gjatë kësaj vere nga Liverpool, duke mos pranuar rinovimin e kontratës me kampionin e Premier League. Duke ditur këtë situatë, për kolumbianin ka pasur interes nga disa klube të mëdha, mes tyre edhe Barcelona.
Pas dështimit të transferimit të Nico Williams, Barcelona ktheu sytë nga Luis Diaz, por destinacioni i ri i anësorit kolumbian duket se do jetë në Bundesligë te Bayern Munich.
“Sky Sport Germany” raporton se Luis Diaz preferon një transferim te bavarezët para Barcelonës. Madje, lojtari ka rënë dakord edhe për kushtet personale me klubin bavarez. Oferta e parë e Bayern për Luis Diaz ishte 67.5 milionë euro, por që u refuzua nga Liverpool.
Klubi anglez kërkon 100 milionë euro për të lënë të lirë yllin e saj, por marrëveshja me Bayern mund të mbyllet edhe për 90 milionë euro. Kolumbianit i është ofruar një kontratë 4-vjeçare, mbetet vetëm të gjehet gjuha e përbashkët mes dy klubeve. -
Të fshehtat e largimit të Jarmouni nga Tirana, një mesfushor në merkato
Ualid Zharmuni firmosi me klubin maroken Hassania d’Agadir, por bardheblutë nuk morën para nga ky transferim, ndërsa larguan lojtarin me parametër zero. Gjithsesi, bardheblutë kanë fituar nga ky transferim, sepse lojtari është tërhequr nga kontrata e tij që e lidhte me klubin.
VENDIMI – Nga ana tjetër, Tirana i kishte hapur rrugë Ualid Zharmunit. Drejtuesit e bardhebluve i kanë dhënë leje francezit që nga tani e në vazhdim së bashku me menaxherët të gjejë klubin ku do të luajë. Shkurt, Tirana ishte lodhur me kapriçot e sulmuesit, kërkesat e tij për transferimin, rrogën që do të fitonte dhe në këto kushte i ka dhënë mundësinë që ta gjejë vetë ekipin. Me këtë lëvizje, bardheblutë i kanë bërë dalje golashënuesit të skuadrës, cili gjatë gjithë sezonit të shkuar pati goxha ulje-ngritje si në lojë, ashtu dhe në sjellje.FRANCEZI – Gjatë verës, Ualid Zharmuni ka refuzuar një ofertë nga Rusia. Më saktë ka qenë skuadra e FC Soçit që militon në Kategorinë e Parë, e cila ka dashur të blejë francezin për rreth 350 mijë euro. Në fillim, Zharmuni ka thënë “po”, ndërsa më pas është tërhequr, pikërisht në momentin e firmës. Më pas një skuadër tjetër i ka ofruar Tiranës, çmimin që kërkonte, por lojtari ka kërkuar edhe 250 mijë euro rrogë në vit, çka është konsideruar e tepërt nga klubi në fjalë. Klubi Tirana ka edhe një ofertë nga Suedia dhe Hajduku i Splitit. 25- vjeçari ishte golashënuesi kryesor i Tiranës, ndërsa “Panorama Sport” mëson se klubi kroat ka shfaqur interes për shërbimet e tij. Më parë, palët kishin mbyllur në parim transferimin në Kroaci, por që dështoi. Francezi shënoi 13 gola në kampionat, ku dhe asistoi dy të tjerë. Vlera në “Transfermarkt” e Zharmunit është 450 mijë euro, shifër kjo që është më e larta në skuadrën e kryeqytetasve.
SHITJET – Një nga lojtarët që mund të largohet nga Tirana duke u shitur është Ermal Meta. Për lojtarin ka disa oferta, ndërsa edhe vjet lojtari u kërkua nga skuadra ukrainase. Po kështu, edhe Mihana ka qenë në qendër të menaxherëve të huaj -
Nico Williams zbulon arsyen përse rinovoi kontratën me Athletic duke refuzuar Barça e Bayern
18 Korrik 2025
11:25
Telesport
Sulmuesi spanjoll Nico Williams nënshkroi një rinovim historik të kontratës me Athletic Club, duke e lidhur veten me klubin bask deri më 30 qershor 2035. Një kontratë e paprecedentë në historinë e futbollit: tetë vjet shtesë nga marrëveshja e mëparshme.
Gjatë ceremonisë, Nico veshi një fanellë të re të frymëzuar nga koncepti “WIN” (Williams, Iñaki dhe Nico), një simbol i besnikërisë ndaj projektit bask pavarësisht presionit të klubeve më të fuqishme.
“Ne kemi qëllime ambicioze, si Champions League dhe dua t’i arrij ato me klubin e jetës sime. Kjo është edhe për tifozët, të cilët gjithmonë më kanë mbështetur. Shpresoj t’i bëj ata të festojnë në San Mamés për një kohë të gjatë”, tha Nico Williams. -
Niko Ulliams do bëhët “gjysh”, 8-të vite kontratë me Bilbaon
Pas njoftimit, vjen nënshkrimi rinovues. Niko Uilliams nënshkroi një rinovim historik me Athletik Bilbao sot në San Mamés, duke e lidhur veten me klubin bask deri më 30 qershor 2035.
Kjo kontratë e paprecedentë në historinë e futbollit: tetë vjet shtesë nga marrëveshja e mëparshme, u nënshkrua në prani të presidentit Jon Uriarte, Drejtorit të Përgjithshëm Mikel Gonzalez, vëllait dhe kapitenit të tij Injaki Uilliams, dhe nënës së tij Maria Arthuer, si dhe ambasadorë të klubit.
Gjatë ceremonisë, Niko veshi një fanellë të re të frymëzuar nga konceptimi “WIN” (Williams, Iñaki dhe Nico), një simbol i besnikërisë ndaj projektit bask pavarësisht presionit të klubeve më të fuqishme teksa Barcelona e kërkoi me ngulm.
“Ne kemi qëllime ambicioze, si Liga e Kampionëve, dhe dua t’i arrij ato me klubin e jetës sime”, tha sulmuesi i majtë Niko. Ai shtoi: “Kjo është edhe për tifozët, të cilët gjithmonë më kanë mbështetur. Shpresoj t’i bëj ata të festojnë në San Mamés për një kohë të gjatë.”
Vazhdo leximin
-
Teuta i prezanton të gjithë, klubi në duart e Troplinit
Ndryshimet rrënjësore që ndoqën klubin e Teutës pas përfundimit të sezonit të shkuar futbollistk kanë marrë përgjigje zyrtare sot. Pas Edmond Hasanbelliut të dorëhequr ditë më parë, president i ri do të jetë biznesmeni Fatos Troplini. Paralelisht klubi njofton se Renato Arapi do të jetë drejtor sportiv ndërsa Enkeleid Dobi do të mbajë detyrën e trajnerit.
Klubi shkruan:
KF Teuta prezanton presidentin dhe stafin e ri administrativ.
Durrës, 7 Korrik 2025 – KF Teuta ka hyrë në një etapë të re zhvillimi, duke prezantuar sot zyrtarisht presidentin dhe stafin e ri administrativ në një konferencë për shtyp të mbajtur në ambientet e stadiumit “Niko Dovana”. Ky riorganizim shënon një hap të rëndësishëm drejt një vizioni të ri për klubin durrsak.
Në qendër të këtij ndryshimi qëndron emërimi i z. Fatos Troplini si President i ri i KF Teutës. Me përvojën dhe angazhimin e tij, z. Troplini synon të rikthejë lavdinë e dikurshme të klubit dhe ta udhëheqë drejt një faze të re suksesi.
Në aspektin sportiv, Enkeleid Dobi është emëruar si strategu i ri i ekipit, duke marrë përgjegjësinë për ndërtimin e një skuadre konkurruese dhe me identitet të qartë. Dobi sjell me vete një eksperiencë të pasur dhe një vizion modern për drejtimin e ekipit.
Po ashtu, një figurë e njohur për të gjithë tifozët durrsakë, Renato Arapi, rikthehet në klub, kësaj here në rolin e Drejtorit Sportiv. Ish-kapiteni dhe lojtari emblemë i Teutës do të kontribuojë me profesionalizëm dhe njohuri të thella për strukturimin dhe zhvillimin e sektorit sportiv.
KF Teuta i uron suksese stafit të ri në detyrat e tyre dhe siguron të gjithë tifozët se do të punohet me përkushtim dhe seriozitet për të rikthyer klubin në majat e futbollit shqiptar aty ku e ka vendin, falë historisë dhe traditës së tij të lavdishme
Vazhdo leximin
-
Ardian Ismajli lojtar më i r i Torinos, mbrojtësi kuqezi kryen vizitat mjekësore, pritet të firmosë kontratë 3 vjeçare me klubin granata
Ardian Ismajli është lojtar më i ri i Torinos. Mbrojtësi shqiptar, i cili vjen si lojtar i lirë pas shkëputjes nga Empoli më 30 qershor, ka mbërritur mëngjesin e kësaj të hëne në Institutin e Mjekësisë Sportive, brenda stadiumit Olimpico Grande Torino, për t’iu nënshtruar vizitave mjekësore përpara se të firmosë kontratën me klubin dhe të vihet në dispozicion të trajnerit Marco Baroni, duke filluar nga e marta, kur skuadra do të nisë stërvitjet në qendrën “Filadelfia” nën drejtimin e trajnerit të ri.
Nëse shkon gjithçka sipas parashikimeve, më pas përfaqësuesi shqiptar do ta nënshkruajë një kontratë trevjeçare me klubin torinez, me mundësi vazhdimi edhe për një tjetër. Sipas mediave italiane, Ismajli do të paguhet 1,1 milion euro në vit plus bonuset.Ardian Ismajli, i lindur në vitin 1996, e përfundoi aventurën e tij me Empolin pas 106 paraqitjesh gjithsej, prej të cilave 31 vetëm në sezonin e fundit. Në total, 28 vjeçari i ka zhvilluar 117 ndeshje në Serie A, ndërsa e ka realizuar një gol dhe i ka bërë dy asistime.
Ardhja e tij tek një klub i madh e me shumë histori në futbollin italin sikundër është Torino është një hap i rëndësishëm në karrierën e futbollistit shqiptar, që pritet të ndikojë pozitivisht edhe në përfaqësimin e tij me fanellën e ekipit tonë kombëtar.