Lajmidites.com

Tag: klube

  • De Bruyne largohet që në maj, refuzon të luajë me Manchester City në Kupën e Botës për klube

    De Bruyne largohet që në maj, refuzon të luajë me Manchester City në Kupën e Botës për klube

    25 Prill 2025

    11:15

    Telesport

    Kevin De Bruyne nuk do ta zgjasë kontratën e tij me Manchester City për të luajtur në Kupën e Botës për klube këtë verë. Lajmin e konfirmoi sot “The Mirror”.
    Mesfushori do të largohet nga City që në fund të majit, menjëherë pasi të luajë edhe ndeshjen e fundit sezonale, atë ndaj Fulham, më 25 maj. Ndërkohë që sfida e fundit para fansave të tij do të jetë ndaj Bournemouth.
    Kontrata e De Bruyne është e vlefshme deri në fund të qershorit, që është në mes të Kupës së Botës për klube, turne që zhvillohet në Majemi.
    Lojtarët kanë mundësinë ta zgjasin kontratën edhe me dy javë të tjera për t’u dhënë atyre mundësinë të luajnë në turneun e zgjeruar të FIFA-s. Gjithsesi, belgu ka vendosur të largohet më herët.
    De Bruyne mbeti i zhgënjyer që klubi nuk i ofroi një kontratë të re. Pritet që ai të luajë në MLS sezonin tjetër.

  • Camavinga “i mallkuar”, nuk i ndahen dëmtimet. E mbyll këtu sezonin, përfshirë edhe Botërorin për Klube

    Camavinga “i mallkuar”, nuk i ndahen dëmtimet. E mbyll këtu sezonin, përfshirë edhe Botërorin për Klube

    Lajmet më të këqija për Eduardo Camavinga. Pas kontrolleve mjekësore të kryera sot nga mesfushori francez, Real Madrid ka njoftuar se ka pësuar çarje të plotë të tendinit të aduktorit të majtë. Ai do të humbasë gjithë pjesën e mbetur të sezonit, përfshirë edhe Botërorin për Klube.
    Koha e pritshme e rikuperimit për këtë lëndim është dy muaj, ose edhe tre nëse procesi ecën më ngadalë. Në këtë rast, me Kupën e Botës për Klube të përjashtuar, nuk ka më nxitim. Qëllimi është që Camavinga të rikthehet 100% në fillim të sezonit të ardhshëm.
    Një sezon i mallkuar për të, sepse Camavinga është përballur me dëmtime të njëpasnjëshme dhe nuk ka arritur kurrë të tregojë nivelin që pritej prej tij. Problemet nisën që në gusht, kur u dëmtua në gjurin e djathtë gjatë një stërvitjeje, para finales së Superkupës së Europës, pas një përplasjeje me Tchouaméni. Për pasojë qëndroi jashtë për një muaj e gjysmë, deri në fillim të tetorit.
    Pas kësaj, nisën edhe problemet muskulore: i pari në dhjetor (humbi 4 ndeshje) dhe i dyti në janar (edhe 4 ndeshje të tjera). Dëmtim pas dëmtimi, nuk arriti kurrë të kthehej në formën optimale, ndaj nuk e fitoi kurrë vendin fiks në formacionin titullar.
    Ashtu si në gusht me Superkupën, edhe ky dëmtim ndodhi në prag të një finaleje, këtë herë finales së Kupës së Mbretit kundër Barcelonës. Ancelotti kishte planifikuar ta aktivizonte nga minuta e parë si mbrojtës i majtë, për ta përballur me Lamine Yamal, pas një prove të suksesshme ndaj Athletic Bilbao. Madje, nuk e aktivizoi ndaj Getafes për ta ruajtur për finalen.
    Dëmtimi i Alaba e detyroi trajnerin ta fuste në lojë në pjesën e dytë si mesfushor. Dhe në minutën e 85-të, në një përplasje me Milla, u dëmtua rëndë. Tentoi të vazhdonte, por nuk mundej as të ecte më. “Jam këputur”, – i tha ai njërit prej fizioterapistëve.
    Kontrollet mjekësore konfirmuan skenarin më të keq të mundshëm. Për Camavinga, ky është sezoni më i keq me Real Madridin. Gjithashtu, ai nuk do të jetë i gatshëm as për Ligën e Kombeve me Francën.

  • UEFA ndan 233 milionë euro për klubet europiane, ja shifrat që përfituan skuadrat shqiptare

    UEFA ndan 233 milionë euro për klubet europiane, ja shifrat që përfituan skuadrat shqiptare

    UEFA ka publikuar sot shpërndarjen e fondeve për 901 klube nga 55 federata anëtare, të cilat kontribuan me lojtarë në ndeshjet e ekipeve kombëtare gjatë ciklit që shkon nga Liga e Kombeve 2020/21 deri në finalet e Euro 2024. Në total, është regjistruar një shifër rekord prej 233 milionë eurosh.
    Kjo shumë përfshin përfitimet për klubet që dhanë lojtarë për:

    Ligën e Kombeve 2020/21 dhe 2022/23
    Kualifikueset për Euro 2024
    Finalet e Euro 2024

    Megjithatë, ky bujarim i UEFA-s nuk është reflektuar në mënyrë domethënëse për klubet shqiptare. Vetëm tre klube të Kategorisë Superiore kanë përfituar, me një total prej 150 mijë eurosh – një shumë shumë më e ulët krahasuar me vendet e tjera të rajonit apo edhe me ciklin e mëparshëm.
    Ja ndarja për kampionatin shqiptar:

    Tirana: 84 mijë euro
    Egnatia: 36.500 euro
    Partizani: 29 mijë euro

    Këto shifra janë cilësuar si “lëmoshë”, duke pasur parasysh që në të kaluarën klubet shqiptare kanë përfituar më shumë nga ky mekanizëm.

  • E ardhmja e Manajt në pikëpyetje, klubet e Superligës turke shfaqin interes

    E ardhmja e Manajt në pikëpyetje, klubet e Superligës turke shfaqin interes

    Rei Manaj pritet të përjetojë një verë të nxehtë merkatoje, teksa interesimi për sulmuesin shqiptar po rritet nga disa klube në elitën e futbollit turk. Pavarësisht se rinovoi kontratën në janar me Sivasporin deri në verën e vitit 2026, rënia e mundshme e ekipit nga kategoria e bën gjithnjë e më të mundshëm largimin e tij.
    Antaljaspor, që drejtohet nga Emre Belozoglu, është një nga klubet më të interesuara për Manajn. Sipas mediave turke, ish-mesfushori i njohur dhe aktualisht trajner i Antaljasporit, e ka piketuar shqiptarin si objektiv të merkatos së verës, duke e parë si një element kyç për ofensivën.
    Në rast të rënies së Sivasporit, Manaj pritet të jetë ndër emrat e parë që do të largohet, pasi shumë klube e konsiderojnë atë si një lojtar me vlera për skuadra me ambicie në Superligën turke.

  • Dy klube angleze vihen në garë për lojtarin që dështoi te Bayern! Vlera e tij ka rënë me 20 mln euro

    Dy klube angleze vihen në garë për lojtarin që dështoi te Bayern! Vlera e tij ka rënë me 20 mln euro

    17 Prill 2025

    17:39

    Telesport

    Joao Palhinha ka rezultuar një dështim i madh te Bayern. Mesfushori u ble për 50 mln euro nga Fulham, por deri tani nuk ka bindur në Mynih.
    Bayern po mendon ta shesë pas vetëm një sezoni, pra në merkaton e verës. Vlera e tij në treg tashmë llogaritet 30-35 mln euro.
    Duke qenë se drejtori sportiv Max Eberl është nën presion për të ulur kostot, Palhinha nuk ka gjasa të marrë një shans të dytë nga bavarezët.
    Për të kanë interes Manchester United dhe Liverpool. Agjenti i tij ka nisur që tani punën për rikthimin e tij në Premier League. Me shitjen e tij, Leon Goretzka do të rinovojë 100%.

  • Marotta lartëson Botërorin e ri të Klubeve: Ja pse është kulmi i futbollit, Interi synon ta fitojë

    Marotta lartëson Botërorin e ri të Klubeve: Ja pse është kulmi i futbollit, Interi synon ta fitojë

    12 Prill 2025

    12:50

    Alfred Lleshi

    Turi i trofeut të Botërorit për Klube 2025 ndali në Milano, fillimisht në sheshin “Duomo” dhe më pas në “San Siro”. Giuseppe Marotta theksoi krenarinë e Interit për mundësinë e të marrurit pjesë në këtë kompeticion të ri ndërkombëtar për klubet, organizuar nag FIFA:
    “Një turne unik në llojin e tij. Klubi ynë, që i përfshin të gjithë, ata që janë në fushë dhe ata që qëndrojnë jashtë saj, ka bërë një përpjekje të madhe për këtë. Jemi shumë të motivuar për të bërë paraqitje sa më të mira”.
    Presidenti i Interit shpjegoi përgatitjet e skuadrës për kompeticionin që nis në mesin e qershorit: “Botërori për Klubet zhvillohet mes një sezoni që po mbyllet dhe një tjetri që po nis, ndaj nuk ka të dhëna të mëparshme si mund ta përgatitësh. Do të jetë e rëndësishme të arrijmë në kushte të shkëlqyera atje. Jemi protagonistë në të gjitha kompeticionet e këtij edicioni, çka do të thotë shpenzim i lartë energjish psikofizike”.
    Ambiciet e Interit, gjithsesi, mbeten të larta: “Ky kompeticion i ri është kulmi i futbollit botëror për klube, ndaj kemi vullnetin për ta fituar. Jemi shumë krenarë që marrim pjesë në të. Angazhimi ynë është për të dhënë maksimumin, me shpresën për të arritur sa më larg”.

  • Tre klube italiane dëshirojnë Asllanin, Interi i vë çmim fillestar 20 mln euro, surpriza edhe nga portieri Berisha

    Tre klube italiane dëshirojnë Asllanin, Interi i vë çmim fillestar 20 mln euro, surpriza edhe nga portieri Berisha

    Adriatik BALLA
    Menjëherë pas ndeshjeve të Kombëtares, ndaj Anglisë dhe Andorrës, lojtarët e përfaqësueses u kthyen pranë skuadrave të tyre të motivuar për të mbyllur me sukses edicionin sportiv, me shpresën se në këto xhiro të fundit të sezonit do të arrijnë të lënë gjurmën e tyre në skuadrat ku bëjnë pjesë. Për disa merkato po afron dhe ata do të bëjnë çmos të shkojnë në klube më cilësore për vazhdimin e karrierës së tyre. Në merkato mund të dalë dhe një nga lojtarët më të mirë të Kombëtares kuqezi, sikurse është mesfushori Kristjan Asllani. Në merkato po kalon edhe portieri veteran Etrit Berisha, i cili ka marrë ofertë nga një klub suedez dhe shqiptari po e shqyrton me seriozitet këtë mundësi.
    Në fakt, sikurse raportojnë mediat ndryshme sportive nga vendi matanë detit, Interi do të vendosë në këtë verë nëse do të mbajë në radhët e tij Kristjan Asllanin apo nëse do t’i hapë rrugë një transferimi të mundshëm të mesfushorit shqiptar. Paraqitjet e tij kanë qenë me luhatje në këtë edicion ndaj një largim i mundshëm i Asllanit nga zikaltrit nuk duhet përjashtuar në verë. Për futbollistin kanë shfaqur interes klube të ndryshme në Itali, pasi ai gjithsesi cilësohet si një nga mesfushorët më të mirë për rolin para mbrojtjes në këtë kampionat. Mediat italiane shpjegojnë se tre klube janë në plan të parë mes atyre që ndjekin më vëmendje situatën e lojtarit dhe janë gati të bëjnë një lëvizje në verë. Bolonja, Fiorentina dhe Torino bëhet e ditur se kanë kërkuar vazhdimisht informacion dhe të mësojnë nëse Interi po e merr në konsideratë idenë e largimit të tij. Të tre këto klube janë të gatshëm të bëjnë investime të rëndësishme ekonomike për të blerë futbollistin nëse krijohet mundësia. Interi ndërkohë vlerëson kartonin e tij rreth 20 milionë euro, por mund të pranojë edhe oferta pak më të ulëta në varësi të situatës dhe planeve të klubit për merkaton në hyrje.
    Portieri/ Berisha kthehet në Suedi
    Ndërkohë që Asllani shihet si opsion nga Interi për ta shitur në merkaton e verës tek një tjetër klub italian, një tjetër lojtar që ka kontribute në përfaqësuese duket se po i jep drejtim karrierës së tij. bëhet fjalë për portierin Etrit Berisha, që ka qenë pa skuadër, por ditët e fundit është hapur një derë për të në kampionatin suedez. Kështu, referuar mediave të ndryshme sportive, Etrit Berisha pritet të kthehet në Suedi te skuadra e Hackenit, pasi portieri i parë i kësaj skuadre, Andreas Linde, do të mungojë për kohë të gjatë shkaku i lëndimit. Kështu ka raportuar të enjten “Football Transfers”.
    Është raportuar se Linde do të mungojë prej dy deri në tre muaj për shkak të një lëndimi muskulor. Berisha është pa klub aktualisht, qëkur u largua nga Empoli në verën e vitit të kaluar. 36-vjeçari karrierën e nisi te 2 Korriku në Prishtinë, ndërsa ka luajtur edhe për Kalmarin në Suedi dhe Atalantan, Lacion, SPAL-in, Torinon e Empolin në elitën italiane të futbollit. Në Serie A i ka 163 paraqitje. Berisha për 80 ndeshje e ka mbrojtur edhe portën e Shqipërisë. Ishte pjesë e “kuqezinjve” në dy Kampionate Evropiane, në vitin 2016 dhe 2024.

  • Tre klube të Serisë A kërkojnë Asllanin, Interi i vendos çmimin mesfushorit kuqezi

    Tre klube të Serisë A kërkojnë Asllanin, Interi i vendos çmimin mesfushorit kuqezi

    Interi do të vendosë në këtë verë nëse do të mbajë në radhët e tij Kristjan Asllanin apo nëse do t’i hapë rrugë një transferimi të mundshëm të mesfushorit shqiptar. Paraqitjet e tij kanë qenë me luhatje në këtë edicion ndaj një largim i mundshëm i Asllanit nga zikaltrit nuk duhet përjashtuar në verë.
    Për futbollistin kanë shfaqur interes klube të ndryshme në Itali, pasi ai gjithsesi cilësohet si një nga mesfushorët më të mirë për rolin para mbrojtjes në këtë kampionat. Mediat italiane shpjegojnë se tre klube janë në plan të parë mes atyre që ndjekin më vëmendje situatën e lojtarit dhe janë gati të bëjnë një lëvizje në verë.
    Bolonja, Fiorentina dhe Torino bëhet e ditur se kanë kërkuar vazhdimisht informacion dhe të mësojnë nëse Interi po e merr në konsideratë idenë e largimit të tij. Të tre këto klube janë të gatshëm të bëjnë investime të rëndësishme ekonomike për të blerë futbollistin nëse krijohet mundësia. Interi ndërkohë vlerëson kartonin e tij rreth 20 milionë euro, por mund të pranojë edhe oferta pak më të ulëta në varësi të situatës dhe planeve të klubit për merkaton në hyrje.

  • Tre klube italiane në garë për Asllanin, ja çmimi që i ka vendosur Interi

    Tre klube italiane në garë për Asllanin, ja çmimi që i ka vendosur Interi

    Interi do të vendosë në këtë verë nëse do të mbajë në radhët e tij Kristjan Asllanin apo nëse do t’i hapë rrugë një transferimi të mundshëm të mesfushorit shqiptar.
    Paraqitjet e tij kanë qenë me luhatje në këtë edicion ndaj një largim i mundshëm i Asllanit nga zikaltrit nuk duhet përjashtuar në verë.
    Për futbollistin kanë shfaqur interes klube të ndryshme në Itali, pasi ai gjithsesi cilësohet si një nga mesfushorët më të mirë për rolin para mbrojtjes në këtë kampionat.

    Mediat italiane shpjegojnë se tre klube janë në plan të parë mes atyre që ndjekin më vëmendje situatën e lojtarit dhe janë gati të bëjnë një lëvizje në verë.
    Bologna, Fiorentina dhe Torino bëhet e ditur se kanë kërkuar vazhdimisht informacion dhe të mësojnë nëse Interi po e merr në konsideratë idenë e largimit të tij.
    Të tre këto klube janë të gatshëm të bëjnë investime të rëndësishme ekonomike për të blerë futbollistin nëse krijohet mundësia.
    Interi ndërkohë vlerëson kartonin e tij rreth 20 milionë euro, por mund të pranojë edhe oferta pak më të ulëta në varësi të situatës dhe planeve të klubit për merkaton në hyrje.

  • Trajneri Dama publikon listën e Kombëtares U-15, na presin dy ndeshje me Kroacinë

    Trajneri Dama publikon listën e Kombëtares U-15, na presin dy ndeshje me Kroacinë

    6 Prill 2025

    9:59

    Telesport

    Kombëtarja shqiptare U-15 do të zhvillojë dy ndeshje miqësore ndaj Kroacisë më 8 dhe 10 prill në “Shtëpinë e Futbollit”. Trajneri i kuqezinjve, Armand Dama, ka ftuar 20 futbollistë për këto dy takime.
    12 lojtarë janë pjesë e Akademisë së FSHF-së “Elite Youth” dhe aktivizohen në klube shqiptare. Pjesa tjetër e lojtarëve vijnë nga klube jashtë vendit si Como, Bayer Leverkusen, Atalanta, Roma, Pro Patria, Panathinaikos, Modena dhe Genoa.
    Kuqezinjtë do të nisin grumbullimin dhe përgatitjet nga sot në Durrës.
    Takimi i parë miqësor do të luhet më 8 prill, në orën 15:00, ndërsa i dyti më 10 prill, në orën 10:00.