Lajmidites.com

Tag: kimmel

  • Trump e ”shkarkoi”, por Jimmy Kimmel nuk i mban dot lotët pas rikthimit në ekran

    Trump e ”shkarkoi”, por Jimmy Kimmel nuk i mban dot lotët pas rikthimit në ekran

    Pas nje jave nga pezullimi Jimmy Kimmel u rikthye të martën në emisionin e tij duke shprehur kështu edhe emocionet për humbjen tragjike të aktivistit konservator Charli Kirk.
    Gjatë monologut të tij për hapjen e emisionit shprehu vlerësim për bashkëshorten e Kirk duke thënë se nuk duhet të bëj shaka me vrasjen e një të riu.

    Jimmy Kimmel Komediani I cili shpesh është në qender të vëmëndjes për debatet rreth qëndrimeve politike dhe thumbimeve për administratën Amerikane e pati të vështirë të mbante emocionet gjatë fjalimit të tij.Gjatë emisionit ai ka shrehur kritikat për qëndrimin e Presidentit Donald Trump ndaj tij dhe për drejtues të tjerë të emisioneve të mbrëmjes.

    Kështu ka nisur rikthimi i  Jimmy Kimmel në emisionin e tij , mes shprehjes së emocioneve dhe kritikave kundrejt Liderit Donald Trump.

  • Jimmy Kimmel rikthehet në ekran pas pezullimit: Nuk ishte qëllimi im të ofendoja askënd

    Jimmy Kimmel rikthehet në ekran pas pezullimit: Nuk ishte qëllimi im të ofendoja askënd

    Pas një jave pezullimi të papritur, Jimmy Kimmel është rikthyer në ekranin e ABC me një falënderim të sinqertë për mbështetësit e tij dhe një reflektim të thellë mbi komentet që çuan në ndërprerjen e përkohshme të “Jimmy Kimmel Live!”.
    ABC kishte njoftuar më 17 shtator se do të pezullonte emisionin “në mënyrë të pacaktuar”, pas deklaratave të Kimmel për vrasjen e komentatorit konservator Charlie Kirk. Më 22 shtator, kompania njoftoi rikthimin e shfaqjes, duke theksuar se kishin zhvilluar “biseda të thella” me Kimmel dhe ishin bindur se ishte koha për të vazhduar transmetimin.
    Në hapje të episodit të rikthimit, Kimmel u prit me ovacione nga publiku, duke filluar me humor: “Siç po thoja para se të ndërpritesha…” Ai pranoi se e kishte kaluar një javë të vështirë dhe falënderoi publikisht kolegët dhe edhe kritikët që, sipas tij, mbrojtën të drejtën e tij për të shprehur mendimin.
    Duke u bërë emocional, ai foli për komentet që u interpretuan si të pandjeshme ndaj vrasjes së Kirk. “Nuk ka asgjë të qesharake në vrasjen e një të riu. Nuk ishte kurrë qëllimi im të bëja shaka me këtë tragjedi,” tha Kimmel. Ai sqaroi se deklaratat e tij ishin keqkuptuar dhe se nuk kishte për qëllim të fajësonte ndonjë grup të caktuar.
    Në fund, Kimmel theksoi rëndësinë e fjalës së lirë dhe lirisë së shtypit, duke e quajtur “anti-amerikane” çdo përpjekje për të heshtur zërat kritikë. Ndërkohë, rrjetet konservatore Sinclair dhe Nexstar vazhdojnë të mos transmetojnë shfaqjen në disa tregje lokale, pavarësisht vendimit të ABC.

  • Jimmy Kimmel rikthehet me tone ‘të buta’ në ekran: Nuk kisha për qëllim të bëja humor me vrasjen e një njeriu

    Jimmy Kimmel rikthehet me tone ‘të buta’ në ekran: Nuk kisha për qëllim të bëja humor me vrasjen e një njeriu

    Moderatori i njohur Jimmy Kimmel është rikthyer në emisionin e tij pas një pezullimi të shkurtër që pasoi komentet e tij për vrasjen e aktivistit konservator Charlie Kirk dhe rikthimi i tij në ekran ishte me tone të forta kundër censurës dhe kërcënimeve ndaj lirisë së fjalës.

    Në monologun e tij të parë pas pezullimit, Kimmel tha “Nuk ishte asnjëherë qëllimi im të bëj humor me vrasjen e një të riu. Komentet e mia u keqkuptuan dhe u përdorën për qëllime politike.”
    Kritika për FCC dhe Trump
    Gjatë emisionit të së martës, Kimmel kritikoi ashpër Brendan Carr, kreun e Komisionit Federal të Komunikimeve (FCC), një emërim i presidentit Donald Trump, i cili kishte kërcënuar publikisht Disney dhe ABC për transmetimin e emisionit.
    “Carr dikur mbronte lirinë e fjalës, por sapo nuk i pëlqeu një shaka, u kthye në një censurues,” tha Kimmel, duke e krahasuar atë me një “boss të mafies”.
    Moderatori shigjetoi edhe vetë Trump-in, për deklaratat e tij publike kundër humoristëve të late night që shpesh e kritikojnë “Presidenti ynë gëzohet kur njerëzit humbasin punën sepse ai nuk duron dot një shaka. Kjo është jo-amerikane. Madje e rrezikshme.”
    Stacionet lokale refuzojnë rikthimin e Kimmel
    Edhe pse Disney vendosi rikthimin e emisionit në Hulu + Live TV, dhjetëra stacione lokale të kontrolluara nga gjigandët mediatikë Nexstar dhe Sinclair refuzuan transmetimin e “Jimmy Kimmel Live!”, duke zgjedhur programe të tjera në vend të tij.
    FCC, përmes Carr, përshëndeti vendimin e tyre, duke thënë se “stacionet lokale duhet të fuqizohen për të shërbyer komunitetin e tyre”.
    Nexstar, që aktualisht është në proces për të blerë kompaninë rivale Tegna për 6.2 miliardë dollarë, një marrëveshje që kërkon miratimin e FCC, tha se nuk do të transmetojë Kimmel pa garanci për “dialog konstruktiv dhe të respektueshëm”.
    Në episodin e kthimit, Kimmel kishte si të ftuar aktorin Glen Powell dhe këngëtaren Sarah McLachlan. Por momenti më i spikatur ishte skeci me aktorin Robert De Niro, një kritik i hapur i Trump, i cili luajti rolin e Carr dhe tha me ironi “Liria e fjalës? Ajo nuk është më falas.”
    Në fund, Kimmel bëri shaka edhe me thashethemet se Disney e kishte detyruar të lexonte një deklaratë të përgatitur. Ai hapi një letër dhe lexoi me sarkazëm “Si të rindezësh abonimin tënd në Disney+”.
    Trump kundër rikthimit
    Përpara transmetimit, Trump reagoi në platformën e tij sociale, duke thënë se ishte informuar që ABC kishte anuluar përfundimisht emisionin.
     
    “Nuk mund të besoj që e kthyen. Audienca e tij ka ikur dhe ‘talenti’ i tij nuk ka ekzistuar kurrë,” shkroi Trump, duke shtuar se do të “testojë ABC për këtë”.
    Pezullimi që ndezi debat kombëtar mbi lirinë e fjalës
    Pezullimi i Kimmel erdhi pas një monologu më 15 shtator, ku ai akuzoi Trump-in dhe të djathtën politike se po përpiqeshin të përdornin vrasjen e Charlie Kirk për përfitime politike.
    Ai tha se reagimi i Trump ndaj vrasjes ishte “si kur një katërvjeçar qan për një peshk të ngordhur”.
    Këto komente u dënuan nga Carr dhe shumë stacione lokale, duke sjellë pezullimin e menjëhershëm të emisionit.
    Reagimi publik ishte i menjëhershëm – me politikanë, sindikata dhe emra të mëdhenj të showbiz-it që dolën në mbrojtje të Kimmel, përfshirë Stephen Colbert, Jon Stewart dhe Seth Meyers.

    Top Channel

  • Jimmy Kimmel rikthehet në ekran, Trump reagon ashpër me median: Herën e fundit që dola kundër më dhanë 16 milionë dollarë

    Jimmy Kimmel rikthehet në ekran, Trump reagon ashpër me median: Herën e fundit që dola kundër më dhanë 16 milionë dollarë

    Presidenti amerikan Donald Trump ka reaguar ashpër ndaj rikthimit të komedianit Jimmy Kimmel në ekran, vetëm një javë pasi ABC e kishte pezulluar atë për shkak të komenteve të tij rreth vrasjes së Charlie Kirk.
    Në një postim në rrjetin e tij social Truth Social, Trump akuzoi rrjetin ABC për mungesë parimesh dhe mbështetje të hapur ndaj demokratëve:“E pabesueshme që ABC Fake News i ktheu punën Jimmy Kimmel. Shtëpisë së Bardhë i ishte thënë se emisioni i tij ishte anuluar. Tani papritur është rikthyer, edhe pse audienca i ka ikur dhe ‘talenti’ i tij nuk ka ekzistuar kurrë. Pse do ta donin dikë që nuk sjell shikueshmëri, nuk është qesharak dhe rrezikon rrjetin duke përhapur 99% propagandë pro-demokrate?”, shkroi Trump.
    Ai gjithashtu e cilësoi Kimmelin si “një tjetër zgjatim i Partisë Demokratike”, dhe tha se kjo mund të konsiderohet si “kontribut i paligjshëm në fushatë”.“Besoj se do ta testojmë ABC-në për këtë. Herën e fundit që shkova kundër tyre, më dhanë 16 milionë dollarë. Kjo çështje tingëllon edhe më fitimprurëse. Një grup humbësish të vërtetë! Lëreni Kimmelin të kalbet me audiencën e tij të ulët,” shtoi ai.

    Kimmel pritet të rikthehet në mbrëmjen e së martës në emisionin e tij të natës, pas një jave pezullimi për shkak të komenteve që ai bëri ku akuzonte konservatorët se po përfitonin politikisht nga vrasja e Charlie Kirk, dhe bënte shaka duke thënë se Trump po e qante atë “si një katërvjeçar që qan peshkun e tij të artë”.
    Komentet e tij sollën reagime të forta nga Trump dhe aleatët e tij, përfshirë edhe kryetaren e Komisionit Federal të Komunikimeve (FCC). Kompania Disney, pronare e ABC, i cilësoi deklaratat e Kimmel si “të papërshtatshme dhe të paautorizuara” në një moment delikat për vendin dhe tha se pezullimi u bë për të “shmangur përshkallëzimin e mëtejshëm të situatës”.
    Ndërkohë, disa stacione lokale të ABC nuk do të transmetojnë emisionin e Kimmel pas rikthimit. Nexstar Media Group, pronare e dhjetëra stacioneve ABC dhe e portalit The Hill, tha se do të pezullojë transmetimin e tij “derisa të marrë garanci që të gjitha palët janë të përkushtuara për një ambient të dialogut të respektueshëm dhe konstruktiv”.
    Sinclair Broadcast Group, një tjetër rrjet mediatik që zotëron disa stacione ABC, deklaroi se “diskutimet me ABC janë ende në vazhdim për të vlerësuar nëse emisioni do të rikthehet në transmetim.”

  • U pezullua pas komenteve për vdekjen e Charlie Kirk, Disney njofton rikthimin e emisionit të Jimmy Kimmel

    U pezullua pas komenteve për vdekjen e Charlie Kirk, Disney njofton rikthimin e emisionit të Jimmy Kimmel

    Emisioni i komedianit Jimmy Kimmel, i cili u ndërpre papritur javën e kaluar, do të rikthehet të martën, ka njoftuar kompania Disney.

    Ndërprerja e befasishme e programit në televizionin ABC, që është në pronësi të Disney-t, ndodhi pas ankesave të qarqeve konservatore për komentet e Kimmelit pas vrasjes së aktivistit konservator, Charlie Kirk.
    “Të mërkurën e kaluar morëm vendimin të ndalonim prodhimin e emisionit, për të shmangur përshkallëzimin e mëtejshëm të situatës së tensionuar në një moment emocional për vendin tonë. Kjo ishte një vendim i marrë pasi vlerësuam se disa nga komentet ishin të papërshtatshme dhe të pandjeshme”, thuhet në njoftimin e kompanisë.
    “Në ditët e fundit kemi zhvilluar biseda të kujdesshme me Jimmyn dhe pas tyre kemi marrë vendimin që programi të kthehet të martën”, thuhet më tej në deklaratë.
    Kimmel bëri disa deklarata lidhur me reagimet ndaj vrasjes së aktivistit konservator, gjatë emisionit “Jimmy Kimmel Live”, përfshirë edhe deklaratën se “shumë njerëz në botën MAGA [Bëje Amerikën Sërish Madhështore] po punojnë shumë për të përfituar nga vrasja e Charlie Kirkut”.
    ABC, që e transmeton emisionin e Kimmelit që nga viti 2003, mori vendimin pasi grupi Nextar Communications, që ka në pronësi një numër stacionesh, tha se do të ndalte transmetimin e emisionit nga e mërkura.
    Deklaratat e Kimmelit për vdekjen e Kirkut “janë fyese, të pandjeshme dhe janë bërë në një moment kritik të diskutimit tonë politik kombëtar”, tha Andrew Alford, president i divizionit të transmetimeve në Nextar.
    Nextar operon me 23 stacione të lidhura me ABC-në.
    Njoftimi i ABC-së se Jimmy Kimmel do të rikthehet në ekran erdhi vetëm disa orë pasi qindra yje nënshkruan një letër në mbrojtje të humoristit të njohur.
    Jennifer Aniston, Meryl Streep dhe Robert De Niro janë mes emrave më të mëdhenj që e kanë quajtur pezullimin e Kimmelit një “moment të errët për lirinë e fjalës në vendin tonë”.
     

    Top Channel

  • U shkarkua pas komenteve për vrasjen e Kirk në emisionin e tij, Trump për moderatorin amerikan: E pushuan sepse nuk kishte talent

    U shkarkua pas komenteve për vrasjen e Kirk në emisionin e tij, Trump për moderatorin amerikan: E pushuan sepse nuk kishte talent

    Presidenti i SHBA-së, Donald Trump, tha se Jimmy Kimmel u shkarkua për shkak të performancës së dobët, gjatë një konference për shtyp me kryeministrin britanik, Keir Starmer.

    Kur u pyet, Trump pohoi se Kimmel u shkarkua edhe nga ABC për shkak të mungesës së kompetencës.
    “Epo, Jimmy Kimmel u shkarkua kryesisht sepse kishte vlerësime të ulëta. Dhe tha diçka të tmerrshme për një zotëri të madh të njohur si Charlie Kirk”, u përgjigj Trump.
    Ai shtoi se Kimmel “nuk është i talentuar” dhe se u shkarkua “për mungesë talenti”.
    Starmer shtoi se vrasja e Kirk duhet të dënohet, duke thënë se incidenti “tronditi të gjithë botën”.

    Top Channel

  • U shkarkua pas komenteve për vrasjen e Kirk në emisionin e tij, Trump: E pushuan sepse nuk kishte talent

    U shkarkua pas komenteve për vrasjen e Kirk në emisionin e tij, Trump: E pushuan sepse nuk kishte talent

    Presidenti i SHBA-së, Donald Trump, tha se Jimmy Kimmel u shkarkua për shkak të performancës së dobët, gjatë një konference për shtyp me kryeministrin britanik, Keir Starmer.

    Kur u pyet, Trump pohoi se Kimmel u shkarkua edhe nga ABC për shkak të mungesës së kompetencës.
    “Epo, Jimmy Kimmel u shkarkua kryesisht sepse kishte vlerësime të ulëta. Dhe tha diçka të tmerrshme për një zotëri të madh të njohur si Charlie Kirk”, u përgjigj Trump.
    Ai shtoi se Kimmel “nuk është i talentuar” dhe se u shkarkua “për mungesë talenti”.
    Starmer shtoi se vrasja e Kirk duhet të dënohet, duke thënë se incidenti “tronditi të gjithë botën”.

    Top Channel

  • “MAGA po përfiton nga vrasja e Charlie Kirk”/ Deklaratat ndaj Donald Trump, rrjeti televiziv pezullon nga puna prezantuesin e njohur amerikan

    “MAGA po përfiton nga vrasja e Charlie Kirk”/ Deklaratat ndaj Donald Trump, rrjeti televiziv pezullon nga puna prezantuesin e njohur amerikan

    Rrjeti televiziv amerikan ABC ka pezulluar për një kohë të pacaktuar prezantuesin e emisionit të orëve të vona, Jimmy Kimmel, pas komenteve të tij mbi të shtënat me armë ndaj influencuesit konservator Charlie Kirk.

    “Jimmy Kimmel Live do të anulohet për një kohë të pacaktuar”, tha një zëdhënës i rrjetit në pronësi të Disney-t. Vendimi erdhi pas kritikave se deklaratat e Kimmel-it ishin “fyese dhe të pandjeshme”.
    Në monologun e tij, Kimmel tha se “banda MAGA” po përpiqej të përfitonte politikisht nga vrasja e Kirk-ut, duke ironizuar gjithashtu reagimin e Presidentit Donald Trump. Menjëherë pas njoftimit, Trump e përshëndeti pezullimin duke e quajtur “lajm të shkëlqyer për Amerikën”.
    Nexstar Media dhe Sinclair, dy nga rrjetet më të mëdha të shpërndarjes televizive në SHBA, njoftuan se nuk do ta transmetojnë më programin, duke e cilësuar deklaratën e Kimmel-it “të papërshtatshme në një kohë kritike politike”. Edhe kreu i FCC-së, Brendan Carr, falënderoi transmetuesit për “bërjen e gjësë së duhur”.
    Nga ana tjetër, sindikatat e Hollivudit dhe Shoqata e Shkrimtarëve të Amerikës e dënuan vendimin, duke e cilësuar atë një sulm ndaj lirisë së fjalës.
    Kimmel, i cili u pa duke lënë studion në Los Angeles pa bërë komente për mediat, mbetet i pezulluar, ndërsa ABC pritet të vendosë mbi të ardhmen e tij në javët e ardhshme.

    Top Channel

  • U tall me reagimet për vrasjen e Kirk, pushohet nga puna prezantuesi Jimmy Kimmel

    U tall me reagimet për vrasjen e Kirk, pushohet nga puna prezantuesi Jimmy Kimmel

    jimmy kimmel

    SHBA- Rrjeti televizic ABC ka hequr nga transmetimi për një kohë të pacaktuar prezantuesin e emisionit të orëve të vona, Jimmy Kimmel, për shkak të komenteve që ai bëri në lidhje me të shtënat me armë zjarri ndaj Charlie Kirk, përkrahësit të Donald Trump.
    “Jimmy Kimmel Live do të anulohet për një kohë të pacaktuar”, tha një zëdhënës i rrjetit në pronësi të Disney në një deklaratë.
    Më herët këtë javë, Kimmel tha gjatë emisionit të tij se “banda Maga” po përpiqej të fitonte pikë politike nga vrasja e Kirk-ut.
    Kimmel nuk bëri asnjë koment për BBC-në, ndërsa doli menjëherë pas njoftimit nga studioja televizive në Los Angeles.
    Duke festuar njoftimin, Presidenti Donald Trump tha se ishte “lajm i shkëlqyer për Amerikën”.
    Kimmel tha në monologun e tij të së hënës në mbrëmje: “Banda Mga po përpiqet me dëshpërim ta karakterizojë këtë djalë që vrau Charlie Kirk si diçka tjetër përveçse njërit prej tyre dhe po bën gjithçka që mundet për të fituar pikë politike nga kjo.”
    Prezantuesi i emisionit në orët e vona kritikoi gjithashtu uljen e flamujve në gjysmë shtizë në nder të Kirkut dhe tallte reagimin e Presidentit të SHBA-së Donald Trump ndaj të shtënave.
    “Kështu nuk e vajton një i rritur vrasjen e dikujt që e quan mik. Kështu e vajton një fëmijë katërvjeçar një peshk të artë”, tha Kimmel, i cili shpesh e ka tallur Trumpin.
    Ndjekësit e emisionet u shprehën të zhgënjyer me vendimin e drejtuesve për të ndërprerë transmetimin, ndërsa hodhën akuza për cënimin e lirisë së shprehjes. 
    Vendimi tronditës erdhi vetëm pak orë pasi zyrtari i administratës Trump përgjegjës për licencimin e stacioneve lokale të ABC-së i bëri presion publikisht kompanisë për të ndëshkuar Kimmel./ZËRI