Lajmidites.com

Tag: kikia

  • “Bëni kujdes”, Mentor Kikia ngre alarmin për Big Market: Janë hajdutë, tjetër çmim në raft, tjetër në kasë!

    “Bëni kujdes”, Mentor Kikia ngre alarmin për Big Market: Janë hajdutë, tjetër çmim në raft, tjetër në kasë!

    Big Market

    TIRANË- Big Market po abuzon me çmimet! Kështu është shprehur gazetari Mentor Kikia, i cili përmes një postimi në rrjetet sociale thotë se kompania në fjalë mashtron qytetarët me çmimet, sipas tij tjetër çmim shënohet në raft dhe tjetër në faturë. Sipas tij, konsumatorët po mashtrohen nga ky rrjet marketi, ku sipas tij po bashkëpunon edhe me shtetin.

    Fatura e publikuar nga gazetari Kikia

    “E kam hasur dhe investiguar. Market mashtruese, tjetër çmim shënojnë në raft, e tjetër del në faturë. Ti joshesh nga çmimet në raft dhe mbush karrocen. Ti nuk e vë re se çfarë shënon kasa kur merr dhjetra produkte. Por ata janë mashtrues! Jini vigjilentë, njerëz, verifikoni çmimet, kur shteti dhe hajduti janë një, merrni masa vetë!”,- shprehet ai. Teksa reagimin e tij e ka shoqëruar me lajmin e publikuar nga Faktor.al, të cilin do ta gjeni më poshtë!

    Lajmi i publikuar nga Faktor.al:Sa të mbrojtur janë konsumatorët? Flas për një artikull qefi, gjithsesi. Atëherë, para një jave gati shkoj në një supermarket dhe blej disa ëmbëlsira dhe kur paguaj kuptoj që çmimi në të vërtetë ishte 100 lekë ose 1 Euro më shumë se sa ai i ekspozuari. Bëj fjalë, pres që të merren masa, pres shumë në fakt. Vjen njëra nga punonjëset dhe më thotë që mund ta marr aq sa është çmimi i ekspozuar. Unë, megjithatë, nuk pranova dhe thashë që për mallin që do të marr, do paguaj aq sa del në faturë. Të cilën e fotografova. Duke qenë se bëra gjithë atë zhurmë, mendova që do të ishin marrë masa: ose do të ndryshonte çmimi i ekspozuar, ose do të ndryshonte çmimi në kasë. O njëra, o tjetra. Pas disa ditësh shkova sërish dhe nuk kishte ndryshuar asgjë! E njëjta histori. Çmimi ekspozuar 800 lekë dhe çmimi i shitjes në kasë 900 lekë. Tani, më thoni ju, si ta quaj këtë? A keni ndonjë mendim?
    Lidhur me këtë denoncim ende nuk ja një reagim zyrtar të rrjetit të supermarketeve “Big Market”. /ZËRI

  • Ç’po ndodh në PD? Kikia “skanon” situatën te selia blu pas “kafes revolucionare” të Salianjit

    Ç’po ndodh në PD? Kikia “skanon” situatën te selia blu pas “kafes revolucionare” të Salianjit

    Analisti Mentor Kikia, në një lidhje të drejtpërdrejtë, komentoi takimin e shumëpërfolur brenda PD-së, duke sqaruar se zhurma mediatike ishte shumë më e madhe sesa përmbajtja reale e ngjarjes.
    ” E vërteta është që ajo kafe që padyshim nuk ishte kafe por një përpjekje për të ekspozuar një frymë të një grupi drejtuesish të PD-së, kryesisht ish-kandidatë për deputetë që kishin marrë një numër të konsiderueshëm votash por nuk morën dot mandatin e deputetit.
    Përtej kësaj mendoj që bëri më shumë zhurmë sesa punë ose më saktë më shumë kishte një dëshirë dhe të atyre që komentuan që të ishte kështu siç po flasim dhe jo ashtu siç ishte në të vërtetë.
    Ato nuk është se ekspozuan një qasje të re në raport me lidershipin e PD-së, nuk ekspozuan një nismë brenda PD-së për t’u quajtur një rrymë e re, për të shpalosur një platformë për të mbështetur një kandidat tjetër përveç kandidaturës së zotit Berisha, i cili ka thënë që do të jetë sërish kandidat për zgjedhjet e ardhshme në parti që do të mbahen në pranverën e 2026.
    Mori më shumë përmasa publike dhe mediatike nga ç’meritonte”, u shpreh Kikia.

  • “Qytetarët po tregojnë indiferencë, ndaj PD”/ Reagon ashpër Kikia: E vetmja gjë që mund të bëjë, janë denoncimet

    “Qytetarët po tregojnë indiferencë, ndaj PD”/ Reagon ashpër Kikia: E vetmja gjë që mund të bëjë, janë denoncimet

    Analisti dhe gazetari Mentor Kikia, në një komunikim televiziv, ka komentuar takimin e zhvilluar së fundmi mes disa prej eksponentëve më të votuar të Partisë Demokratike në primare, si dhe në listat e hapura.
    Sipas tij, kjo situatë ka ndezur diskutimet për një lëvizje të re të brendshme brenda partisë kryesore të opozitës, por ende nuk shihet një nismë e qëndrueshme që mund të sjellë ndryshim real.
    Kikia tha se perceptimi publik po e fryn këtë histori më shumë sesa është në realitet. “Mendoj se shumë njerëz dëshirojnë që ajo të ndodhë dhe kjo histori po fryhet. Nëse shohim mënyrën si po ndërtohet ky tur takimesh, ngjan me një foltore që organizoi Berisha kur mori sërish PD-në”, u shpreh ai.
    Sipas analistit, mbështetja e PD vijon të bjerë edhe pas krizave të njëpasnjëshme të qeverisë. Ai theksoi se qytetarët po tregojnë indiferencë, edhe pse PD bën thirrje për protesta apo reagime publike. “PD duhet të shohë veten në pasqyrë për të parë edhe përgjegjësitë e veta,” deklaroi Kikia.
    Ai u ndal edhe te klima e brendshme e partisë, duke theksuar se ekziston një grupim i gjerë që mendon se duhet të ketë ndryshim. “Disa kanë kurajën ta pohojnë, disa i ruhen e disa i druhen. Disa përpiqen të jenë mirënjohës që janë në Parlament pas mundësisë që Berisha u dha,” tha ai, duke shtuar se pikërisht kjo e bën kryetarin aktual të ketë frikë nga një reagim i brendshëm që mund të sjellë një ndarje tjetër të PD-së.
    “Një ndarje tjetër do ta kthente PD në një organizatë joqeveritare antikorrupsion, ku e vetmja gjë që mund të bëjë do të ishin denoncimet,” nënvizoi Kikia.
    Megjithatë, ai theksoi se ende nuk shikon një lëvizje të organizuar apo serioze që mund të krijojë një realitet të ri brenda PD-së. “Nëse ka një grup të caktuar në PD, le të zhvillojnë betejën demokratike brenda partisë, të ngrejnë një platformë, të lobojnë për të marrë shumicën e votave dhe të fitojnë garën ndaj Berishës. Vetëm kështu shpëtohet PD,” u shpreh Kikia, duke shtuar se çdo përpjekje që zhvillohet “nëpër kafene” do ta kthejë partinë në një “parti kafenesh” dhe asgjë më shumë.

  • ‘Faji i familjeve’/ Kikia: Në shkollë me thika e kaçavida, kambanë alarmi

    ‘Faji i familjeve’/ Kikia: Në shkollë me thika e kaçavida, kambanë alarmi

    Gazetari Mentor Kikia komentoi sot shqetësimin e sjelljës së adoleshentëve në ambientet e shkollave, nisur nga plagosja e sotme e një të riu në një shkollë në Durrës.
    I ftuar në një studio televizive, Kikia tha se bëhet fjalë për një skenar të njohur, teksa shumë adoleshentë shkojnë në shkolla me thika, kaçavida e armë.
    Sipas gazetarit, këto raste përbëjnë alarm, pasi edhe mësuesit janë të pafuqishëm në trajtimin e situatave të tilla.
    “Është i njëjti skenar me adoleshentë që grinden me komente në rrjete sociale, pastaj përfundojnë në sherre me grupe. Histori të tilla ndodhin rëndomtë në mjedisin dhe shqoërinë tonë dhe për fat të keq nuk konsiderohen për tu shndërruar në kambana alarmi. Nuk janë raste sporadike e as të shkëputura, përkundrazi janë masive. Tregon edhe pamundësinë dhe pafuqinë e mësuesve sepse soji i tyre që shkojnë me thika në brez për tu sqaruar me njëri-tjetrin pas sherreve në rrjete sociale nuk i lejojnë të bëjnë mësim mësuesit dhe një pjesë të mirë të mësuesve të shëndoshë që duan t’i kushtohen diturisë. Janë familje totalisht të painteresuar për edukimin dhe ua plasin fëmijët shkollave. Shikojmë adoleshentë të dalë duarsh. Adoleshentë që shkojnë në shkollë me thika, kaçavida apo edhe me armë të tilla. Është faji i familjeve”,-tha Kikia.

  • “Rama nuk rrëzohet me kaq”, Kikia “shpërthen” ndaj opozitës: Këto nuk janë protesta, por tubime modeste pa asnjë efekt

    “Rama nuk rrëzohet me kaq”, Kikia “shpërthen” ndaj opozitës: Këto nuk janë protesta, por tubime modeste pa asnjë efekt

    Gazetari Mentor Kikia është shprehur kritik lidhur me efektshmërinë e protestave të nisura nga opozita para Kryeministrisë.
    I ftuar në një studio televizive, Kikia u shpreh se deri më tani janë organizuar thjesht disa tubime modeste, për të justifikuar idenë e një aksioni politik, që sipas tij nuk çon askund.
    Gazetari tha se në “Foltore 2” do të thuhet gjithçka që opozita nuk thotë dot në Kuvend.
    “Protesta e PD-së nuk është protestë, por thjesht një tubim modest, që ka zgjedhur ta organizojë 1 herë në javë dhe mendoj se në këtë mënyrë nuk rrëzon dot asnjë kryetar njësie administrative dhe jo më kryeministrin e një vendi, politikisht dhe jo vetëm, kaq të fuqishëm saç është Edi Rama. Jo më kot, PD dhe Berisha u kujdesën që të hënën e parë të organizimit të këtij tubimi t’ia ndërrojnë sa më shpejt emrin, nga ‘protestë’ në ‘foltore’ për tu justifikuar modestinë e saj si një aksion politik, që nuk çon askund. Duke qenë se PD-ja ankohet publikisht ankohet se i janë ngushtuar hapësirat për debat, e gjeti tribunën e vendour para Kryeministrisë si gjetje politike. Do thuhen gjërat që nuk mund të thuhen dot në parlament”,-tha Kikia.

  • “Fati i Berishës varet nga…”, Kikia: Ja prova që e vendos ish-kryeministrin me shpatulla pas murit për “21 Janarin”

    “Fati i Berishës varet nga…”, Kikia: Ja prova që e vendos ish-kryeministrin me shpatulla pas murit për “21 Janarin”

    Analisti Mentor Kikia ka folur për Euronews Albania në emisionin Now me moderatoren Erla Mëhillin, lidhur me ngjarjen e 21 janarit dhe thirrjen e Sali Berishës në SPAK. Sipas tij, audio-përgjimi është pika e vetme që mund të përdoret për të provuar nëse Berisha ka dhënë urdhër apo jo për atë ngjarje.
    “Tani diskutohet për fundin dhe jo për fillimin. 21 janari ishte i organizuar që të ndodhte ashtu si ndodhi. Intensiteti i asaj demonstrate ishte i tillë. Ishte e organizuar. Skalioni ishte i përbërë nga Tepelena dhe Shkodra. Ambasada ishte lajmëruar atë ditë. Deri tani, protesta nuk është hetuar, është hetuar vetëm vrasja, pjesa përfundimtare. Janë akuzuar dhe hetuar vetëm disa nga të përfshirët. Historia u rikthye sepse mbeti pa autor vrasja e Aleks Nikës. Pas Strasburgut u hap çështja. Gjithçka që lidhet me atë çështje është urdhri: kush dha urdhërin. Ajo që i mbetet Berishës në tavolinë është një audio që supozohet, apo një zë i Berishës kur thotë ‘qëlloni’,” – tha Kikia.

  • Protesta e opozitës/ Mentor Kikia: Nuk frymëzon njerëzit

    Protesta e opozitës/ Mentor Kikia: Nuk frymëzon njerëzit

    Gazetari Mentor Kikia komentoi protestën e sotme të opozitës, që ka hapur një cikël të ri foltoresh, kësaj here përpara kryeministrisë.
    Kikia theksoi se ajo nuk frymëzon më njerëzit, ashtu siç u bë dikur kundër armëve kimike.
    Kikia shton se opozita duhet ta bëjë qeverinë të mbajë përgjegjësi për korrupsion, në mënyrë që edhe zv.kryeministrja Belinda Balluku të japë dorëheqje.
    Mentor Kikia: Thuhet që rrëzohet vetëm me protesta, në fund ka të tjera gjëra që mund të bëhen për të rrëzuar qeveritë, me foltoren shqiptarët nuk mund të presin nga opozita që të lexojnë fjalimet që nuk lexojnë në parlament. Presin të frymëzoni njerëz të dalin në rrugë siç njerëzit për armët kimike, studentët, të marrin përgjegjësi, zv.kryeministrja të japë dorëheqje.
    Nuk mjafton ky tubim për të ushtruar presion. Të gjitha ftesat nga PD, 2 3 orë para protestës thuhej janë nisur dhjetëra autobusë nga Vlora. Noka bënte thirrje nisuni nga jeni. Dhe tani del që nuk është. Duhet të filloni të lexoni qartë se çfarë mesazhi japin njerëz edhe prej pjesëmarrjes.

  • Thirrja e SPAK për “21 janarin”, Kikia: Nëse Berisha nuk shkon, e pret sërish ballkoni

    Thirrja e SPAK për “21 janarin”, Kikia: Nëse Berisha nuk shkon, e pret sërish ballkoni

    SPAK i ka dërguar më 7 nëntor ish-kryeministrit Sali Berisha fletëthirrje për tu paraqitur pranë Prokurorisë së Posaçme lidhur me krimin shtetëror të 21 janarit. Por, Berisha mohoi të jetë informuar për thirrjen në Prokurori.
    Analisti Mentor Kikia tha se nëse Berisha nuk shkon në SPAK e pret ballkoni, duke iu referuar vitit 2023 kur kryetari i PD qëndroi në ballkonin e banesës dhe mbante fjalime, pasi ndodhej në masën e sigurisë “arrest shtëpie” për hetimin e kompleksit “Partizani”.
    Kikia theksoi se ngjarja e 21 janari është një ngjarje e rëndë, ndërsa theksoi se duhet që të zbardhet nga drejtësia.
    “Ai thotë nuk do të shkojë sepse nuk e ka fletëthirrjen. Dhe nëse e ka dhe nuk shkon mund ta marrin me forcë nëse nuk i përgjigjesh. Çështja e 21 janarit është kthyer pas vendimit të Strasburgut. Dhe dosja u kthye me sugjerimin që ngjarja të hetohet si krim shtetëror sepse me procesin ishin vënë para akuzës njerëzit që kishin qenë me armë dhe jo zinxhir komandues.
    Është një ngjarje e rëndë dhe u finalizua me viktima, dikush dha urdhër pra duhet që të mos trajtohet si vrasje nga pakujdesia. Do të duhet që të pyeten organizatorët që kanë qenë në opozitë, por është një histori që do të duhet që të zbardhet që të bëhet drejtësi. Se sa do ti shkohet deri në fund kjo pritet për t’u parë. Padyshim është një ngjarje, është një minus më shumë për Berishën”, u shpreh ai

  • Zgjedhjet e pjesshme vendore/ Bido: Vlonjatët nuk janë budallenj! Kikia: Por janë socialistë

    Zgjedhjet e pjesshme vendore/ Bido: Vlonjatët nuk janë budallenj! Kikia: Por janë socialistë

    Kandidatja e Partisë Socialiste, Brunilda Mersini, siguroi një fitore të thellë me 78.44% të votave, që përkthehet në 15,672 vota në garën e 9 Nëntorit për bashkinë e Vlorës. Por, gjithsesi, pjesëmarrja në këtë qytet ka qenë shumë e ulët.
    Analisti Mentor Kikia dhe deputeti socialist Ardit Bido u përfshinë në një debat në studion e Quo Vadis në Vizion Plus.
    Sipas Kikisë, në Vlorë ka shumë problematika që kryetarët e bashkisë nuk i kanë zgjidhur, por madje, shtoi ai, kanë keqpërdorur Vlorën.

    Nga ana tjetër, deputeti Bido tha se vlonjatët nuk janë budallenj, duke iu referuar kështu rezultatit të zgjedhjeve. “Por janë socialistë”, ishte batuta e Mentor Kikisë.
    Pjesë nga biseda:
    Bido: Vlora ka pasur emigracionin më të lartë që prej vitit ’94.
    Kikia: Vlonjatët s’kanë ujë, përmbyten jo nga shiu, por nga balta. Ua derdhin ujërat e zeza mu në mes të lagjeve dhe brenda lagjeve është si të jesh në Gaza. Vlorën e kanë shkelur me këmbë në dy mandate. Rama u detyrua t’i ndërpresë mandatin aktual kryebashkiakut, duke e detyruar të dorëhiqet.
    Bido: Vlonjatët nuk janë budallenj.
    Kikia: Por janë socialistë.
    /vizionplus.tv

  • A do ta bëjë Dumani “goditjen e fundit”? Kikia flet në QUO VADIS

    A do ta bëjë Dumani “goditjen e fundit”? Kikia flet në QUO VADIS

    Altin Dumani është në ditët e fundit në drejtimin e SPAK. Por a do të ketë një goditje të fortë në drejtim të politikës, si “shenjë e fundit” e tij në krye të institucionit?
    Kjo ishte një nga pyetjet që u bë në studion e “Quo Vadis” të moderatores Pranvera Borakaj në Vizion Plus.
    I ftuar në studio, analisti Mentor Kikia tha se roli i Dumanit është hiperbolizuar dhe se nuk duhet të presim që drejtësia të funksionojë me fushata.

    Pjesë nga biseda:
    Borakaj: Muaji i fundit i Dumanit në krye të SPAK, do të ketë goditje të forta?
    Kikia: Drejtësia nuk funksionon me fushata. Dumani do të largohet si drejtues, por do të vijojë të qëndrojë si prokuror.
    Çështja e zotit Dumani vetë është hiperbolizuar shumë përtej asaj që është dhe asaj që mund të bëjë. Drejtuesi i SPAK është drejtues institucioni; çdo prokuror është “qeveri më vete”. Në momentin kur gjithçka qoftë arritja, qoftë dështimi i faturohet drejtuesit, i cili ka vetëm rolin menaxherial, kjo ka rrezikun të prodhojë nesër një lloj tërheqjeje. Dumani, më shumë sesa për meritat e tij, u bë figurë e njohur sepse u sulmua vazhdimisht nga Berisha e Meta. Shqiptarët, që mezi prisnin të kishin një shpresë, hiperbolizuan rolin e Dumanit.