Lajmidites.com

Tag: kibernetike

  • Lufta hibride, raporti i Crosettos: Si po tenton Moska të na destabilizojë

    Lufta hibride, raporti i Crosettos: Si po tenton Moska të na destabilizojë

    Nga Tomasso Ciriaco, Repubblica
    Një raport i Ministrisë së Mbrojtjes të Italisë, i përgatitur nga Guido Crosetto, tregon shqetësime serioze për veprimet e Rusisë kundër Italisë dhe Europës.

    Dosja qarkullon në tryezën e presidentit Mattarella dhe tek udhëheqës të tjerë, duke paralajmëruar për kërcënimin që quhet “luftë hibride”.

    Raporti thotë se Rusia po përdor çdo mjet të mundshëm, nga sulmet kibernetike dhe dezinformimi, te presioni ekonomik, për të dobësuar Perëndimin dhe për të destabilizuar partnerët e saj, duke përfshirë Italinë.
    Qëllimi është të ndikojë në politikë dhe shoqëri, duke përdorur lajme të rreme dhe fushata dezinformimi, që mund të ndikojnë opinionin publik, raporton Repubblica.
    Italia, sipas raportit, është veçanërisht e ekspozuar në tre fusha kryesore: energjia, infrastruktura kritike dhe ekosistemi politik dhe social.
    Për shembull, portet, aeroportet, rrjetet dhe sistemet e komunikimit janë në rrezik. Madje, sulmet me dronë janë identifikuar si një problem real, kryesisht në aeroportet e Veriut të Europës, dhe po shqyrtohet krijimi i një flote dronësh italianë, për t’u mbrojtur.
    Raporti evidenton vitin 2024 si një pikë kthese, kur aktivitetet hibride u rritën ndjeshëm në fusha të ndryshme: informatike, diplomatike, ekonomike, kibernetike dhe ushtarake.
    Disa llogaritje tregojnë se Italia ka qenë objekt i rreth 10% të të gjitha sulmeve të tilla. Veprimet më të shpeshta përfshijnë sabotime, zjarrvënie pranë zonave strategjike dhe fushata dezinformimi për të ndikuar debatet demokratike.
    Si zgjidhje, raporti propozon krijimin e një qendre kombëtare për luftën hibride dhe mobilizimin e një “ushtrie” hakerash që do të jenë nën kontrollin e Ministrisë së Mbrojtjes, për të përballuar kërcënimet kibernetike dhe operacionet e tjera të Rusisë.
    Në thelb, raporti nënvizon se Italia dhe partnerët e saj perëndimorë duhet të jenë vigjilentë dhe të përgatitur për sfidat e një lufte moderne që nuk zhvillohet vetëm me armë, por edhe me informacione, manipulime dhe presion ekonomik.

  • Fondi Global Lider në Cybersecurity dhe AI Viziton Shqipërinë

    Fondi Global Lider në Cybersecurity dhe AI Viziton Shqipërinë

    Faza e parë e vizitës në Ballkanin Perëndimor nga një delegacion i nivelit të lartë i Evolution Equity Partners  – një nga fondet investuese më të njohura në botë, i specializuar në siguri kibernetike, inteligjencë artificiale dhe zgjidhje të avancuara digjitale – filloi në Podgoricë më 4 nëntor 2025 dhe vazhdoi në Tiranë më  5 nëntor 2025. Vizita shënon fillimin e turit rajonal të Fondit, i cili do të vazhdojë në Zagreb dhe Beograd vitin e ardhshëm.
    E organizuar në bashkëpunim me partnerin rajonal Cyber Front nga Zagrebi, vizita mblodhi përfaqësues nga startup-e shqiptare, institucione, investitorë dhe akademia, duke theksuar potencialin në rritje të inovacionit në vend dhe gatishmërinë për të bashkëpunuar me partnerë globalë në fushat e sigurisë kibernetike dhe AI.

    Gjatë panelit të prezantimit të idesë, disa startup-e premtuese shqiptare paraqitën zgjidhjet dhe idetë e tyre përpara përfaqësuesve të Fondit, duke treguar kapacitetin gjithnjë e më të madh të vendit për inovacion teknologjik dhe transformim digjital.
    Paneli i diskutimit, me temën “ Potencialet e investimeve dhe e ardhmja e sigurisë kibernetike dhe AI në Shqipëri dhe në Rajon ”, bashkoi:
    Dennis Smith, Themelues dhe Managing Partner në Evolution Equity Partners
    Majo Mićović, Partner, Investitor dhe Këshilltar Rajonal për Ballkanin Perëndimor në Evolution Equity Partners
    Dr. Igli Tafa, Drejtor i Përgjithshëm i Autoritetit Kombëtar Për Sigurinë Kibernetike të Shqipërisë
    Biseda theksoi rëndësinë e bashkëpunimit afatgjatë, investimeve strategjike dhe bashkëveprimit rajonal në ndërtimin e një të ardhmeje digjitale të sigurt dhe konkurruese.

    U theksua nga Fondi se Shqipëria nuk duhet më të shihet thjesht si një destinacion me potencial për investime, por si një vend që tashmë ekziston dhe po lulëzon si një treg dinamik dhe me rritje të shpejtë në peizazhin global të sigurisë kibernetike dhe AI.     Baza e fortë e talenteve në vend, e kombinuar me angazhimin e qeverisë për të ndërtuar një shoqëri digjitale të sigurt dhe të qëndrueshme, e pozicionon Shqipërinë si një qendër gjithnjë e më të rëndësishme për inovacion dhe investime.
    Ngjarja u karakterizua nga një angazhim i lartë i audiencës dhe një numër i madh pyetjesh, duke pasqyruar interesin e fortë të komunitetit për të forcuar lidhjet midis startup-eve lokale dhe investitorëve ndërkombëtarë.
    Ndër rezultatet më të rëndësishme të diskutimeve ishte plani për themelimin e Qendrës Rajonale të Startup-eve dhe Inovacionit në Tiranë, e cila do të fokusohet në Cybersecurity, Quantum Technologies, Artificial Intelligence dhe Hybrid Innovation — një hap konkret drejt ndërtimit të një infrastrukture të qëndrueshme të inovacionit në rajon.
    U theksua gjithashtu se investimet në siguri kibernetike kanë treguar rritje të qëndrueshme për më shumë se dy dekada, pavarësisht cikleve ekonomike globale, duke riafirmuar stabilitetin dhe rëndësinë e tyre strategjike. Në këtë kontekst, Ballkani Perëndimor vazhdon të mbetet një rajon me interes të veçantë për aktivitetet investuese dhe bashkëpunimin rajonal të Evolution Equity Partners. Ekosistemi i zhvilluar i cybersecurity dhe AI në Shqipëri, i mbështetur nga një qeveri e përkushtuar për ndërtimin e një shoqërie digjitale të sigurt dhe elastike, qëndron si një shembull frymëzues për rajonin dhe më gjerë.
    Vizita e Evolution Equity Partners në Shqipëri dhe në rajon përfaqëson një hap të rëndësishëm drejt integrimit më të thellë të ekosistemeve lokale të inovacionit me tregjet globale të investimeve. Ajo hap mundësi të reja për startup-e, kompani dhe institucione që punojnë drejt ndërtimit të një të ardhmeje digjitale të sigurt dhe inteligjente, duke riafirmuar pozicionin e rajonit si një partner i vlefshëm në formësimin e kapitullit të ardhshëm të inovacionit në siguri kibernetike dhe AI.

  • Frikë nga sulmet ruse, Polonia nis përgatitjen ushtarake për civilët

    Frikë nga sulmet ruse, Polonia nis përgatitjen ushtarake për civilët

    Foto ilustruese

    POLONI- Nga nxënësit e shkollave fillore deri te të moshuarit: Polonia po i fton qytetarët e saj të marrin pjesë në trajnime dhe stërvitje ushtarake vullnetare. Programi “Në Gatishmëri” përfshin nga trajnime se si të mbijetosh deri te mbrojtja nga sulmet kibernetike. Vetëm këtë vit pritet të trajnohen 20,000 vetë, njoftoi Ministria e Mbrojtjes në Varshavë. Deri në vitin 2026 ky numër pritet të arrijë në 400,000.
    Ky është programi më i madh stërvitor ushtarak në historinë e Polonisë. Arsyeja është qëndrimi i Rusisë, të cilën Polonia e sheh gjithnjë e më shumë si kërcënim.
    Faza pilot e projektit fillon më 22 nëntor, tha Ministri i Mbrojtjes Wladyslaw Kosiniak-Kamysz në Varshavë. “Po jetojmë në kohët më të rrezikshme që nga Lufta e Dytë Botërore. Në vendin fqinjë, në Ukrainë, po zhvillohet luftë, ka akte sabotimi në Detin Baltik dhe beteja në hapësirën kibernetike”, tha Kosiniak-Kamysz. Këto janë edhe arsyet pse po zhvillohet ky program.
    Rezervim përmes aplikacionit
    Programi u drejtohet “të gjithë qytetarëve polakë që dëshirojnë të marrin pjesë”: fëmijë, punëtorë, pensionistë – me fjalë të tjera, civilë polakë të pothuajse të gjitha grupmoshave. Vullnetarët do të trajnohen si individualisht ashtu edhe në grupe.
    Programi përbëhet nga katër module: njohuri bazë për temën e sigurisë, aftësitë për të mbijetuar, ndihma e parë dhe siguria kibernetike. Sesionet e trajnimit zhvillohen gjatë fundjavave, dhe secili modul zakonisht zgjat një ditë.
    Ministria e Digjitalizimit njoftoi se qytetarët e interesuar mund të regjistrohen përmes aplikacionit të administratës shtetërore “mObywatel”.
    E kërcënuar nga Rusia 
    Gjatë prezantimit të programit “Në Gatishmëri” zëvendësministri i Mbrojtjes, Cezaryk Tomczyk, bëri të qartë se qëllimi i tij është “të forcojë aftësitë mbrojtëse kombëtare dhe rezistencën shoqërore” për shkak të luftës në Ukrainë, e cila po vazhdon prej më shumë se tre vjet e gjysmë.
    Sipas sqarimeve të tij kurset dhe stërvitjet në kuadër të programit “Në gatishmëri” nuk janë të barabarta me shërbimin në ushtri; në fund t tyre nuk bëhet betim apo regjistrim në listën e rezervistëve./DW

  • Krimi nuk duhet të shpërblehet

    Krimi nuk duhet të shpërblehet

    Krimi kibernetik po godet bizneset e mëdha. Si të zbutet dëmi. Ndalimi i pagesës së shpërblimeve (ransom) do të ishte një fillim, shkruan The Economist

     

    Më shumë se një muaj për Jaguar Land Rover (JLR), prodhuesin e automobilave me pronësi indiane. Një javë për Asahi, gjigantin japonez të birrës. Gjashtë javë për Marks and Spencer (M&S), shitësin britanik me pakicë.

    Kjo ka qenë koha që u është dashur secilës nga këto kompani për t’u rikuperuar pas një sulmi kibernetik. Për JLR-në, ndërprerjet kanë shkuar përtej vetë kompanisë.

    Muajin e kaluar qeveria në Britani, ku ajo bazohet, tha se do të garantonte një hua prej 1.5 miliardë paund (2 miliardë dollarë) për të mbajtur në këmbë furnitorët e prodhuesit të makinave.

    Krimi kibernetik prej kohësh ka qenë i dominuar nga hajdutë që synojnë të vjedhin informacione për përfitim financiar. Tani atyre po u bashkohen shantazhistë, të cilët përdorin kërcënimin për dëmtimin e operacioneve të një firme për të përftuar pagesa më të larta.

    Kriptovalutat kanë mundësuar ransomware, një sulm ku hakerat zaptojnë dhe enkriptojnë të dhënat jetike dhe më pas premtojnë t’i çkodojnë pasi të paguhet shpërblimi. (Ndonjëherë edhe e mbajnë fjalën.)

    Për sa kohë kriminelët i përqendrojnë sulmet te firmat në Perëndim, vende si Kina dhe Rusia, ku bazohen shumë grupe të tilla, nuk kanë shumë arsye për të ndërhyrë.

    Kompanitë nuk mund ta parandalojnë plotësisht këtë, por nuk janë të pafuqishme. Siç raportohet, sulmet e fundit u japin mësime të tjera firmave se si të ulin gjasat për të pësuar të njëjtin fat, dhe si të ulin dëmin nëse kjo ndodh.

    Një mënyrë është të kuptojnë cilat pjesë të një sulmi do të rezultojnë më të kushtueshmet në planin afatgjatë.

    Ndërsa sulmet kibernetike janë bërë më të zakonshme, kompanitë kanë filluar të mbrohen, duke blerë polica sigurimi të specializuara për të zbutur rrezikun.

    Kjo është pozitive: sigurimi i nxit kompanitë të marrin më seriozisht sigurinë, pasi ato që nuk kujdesen përballen me prime më të larta.

    Megjithatë, shumë kompani ende nuk kanë një mbrojtje të mjaftueshme nga sulmet kibernetike, ose nga mungesa e vetëdijes, ose ngaqë është e kushtueshme. Vlerësohet se JLR humbi rreth 50 milionë paund për çdo javë pas sulmit.

    M&S mendohet të ketë humbur rreth 300 milionë paund të ardhura gjatë javëve kur riparonte faqen e internetit, por sigurimi për rikuperim pas krizave i mbuloi vetëm një të tretën.

    Blerja e sigurimeve që mbrojnë kundër këtyre humbjeve do t’i nxiste kompanitë jo vetëm të përpiqen të ndalin depërtimet, por edhe të sigurojnë që sistemet e tyre të rikuperohen shpejt.

    Një tjetër mënyrë është të kuptohet rreziku i nënkontraktimit (outsourcing). Delegimi i pjesëve të një biznesi te furnitorë specialistë është një vendim i logjikshëm.

    Por kompanitë e IT-së që ofrojnë shërbime të jashtme mbajnë “çelësat” e shumë “mbretërive”.

    Punonjësit e mbështetjes teknike ndjekin zakonisht udhëzime standarde sa herë që marrin një telefonatë për shërbim IT, gjë që i bën të lehtë për t’u manipuluar nga hakerat që shtiren si punonjës të brendshëm.

    Siç pritej, disa nga sulmet e fundit duket se janë kryer pasi hakerat fituan akses përmes firmave të nënkontraktuara.

    Bizneset që zgjedhin të delegojnë duhet të verifikojnë me kujdes nënkontraktorët dhe të vendosin marrëveshje për ndarjen e riskut përpara nënshkrimit. Vetë ofruesit mund të zbulojnë se forcimi i sigurisë i dallon nga rivalët.

    Edhe qeveritë mund të ndihmojnë, duke filluar me përforcimin e rregullave të zbulimit. Shumë kompani shpesh hezitojnë të pranojnë se janë sulmuar. Ky ngurrim e vështirëson identifikimin e modeleve dhe dobësive për autoritetet, duke rrezikuar të tjerët.

    Deri vonë, SHBA-ja zhvillonte forume ku kompanitë mund të shkëmbenin informacion mbi rreziqet kibernetike në mënyrë të sigurt, pa rrezikuar shkeljen e rregullave të konkurrencës.

    Këto nisma duhen rikthyer dhe vendet e tjera mund t’i marrin si shembull.

    Qeveritë mund të shkojnë edhe më tej dhe të ndalojnë pagesën e shpërblimeve në tërësi. Disa shtete amerikane tashmë u ndalojnë institucioneve publike të bëjnë pagesa.

    Mbretëria e Bashkuar po planifikon diçka të ngjashme. Në disa vende, pagesat mund të bien ndesh me rregullat kundër financimit të krimit të organizuar. Gjetkë, policia shpesh këshillon kundër tyre.

    Një ndalim i plotë mund të tingëllojë ekstrem, por interes i përbashkët është të ketë më pak ransomware. Kjo industri vazhdon të ekzistojë sepse është më shumë në interesin e kompanisë të paguajë shantazhuesit se sa të përballet me dëmin.

    Nëse sulmet kibernetike nuk sjellin fitim, ato do të zhduken.

     

  • Evolution Equity Partners – bashkëpunim për startup-e, mundësi investimi për Rajonin dhe Shqipërinë

    Evolution Equity Partners – bashkëpunim për startup-e, mundësi investimi për Rajonin dhe Shqipërinë

    Pas konfirmimit se një nga fondet më të njohura botërore në fushën e sigurisë kibernetike dhe inteligjencës artificiale – Evolution Equity Partners – do të vizitojë Shqipërinë më 5 nëntor 2025, vëmendja po përqendrohet gjithnjë e më shumë në këtë vizitë dhe mundësitë që ajo mund të sjellë.Ndërgjegjësimi kibernetik – hapi i parë drejt një shoqërie më të qëndrueshmeNë një kohë kur të dhënat janë “monedha e re” dhe identiteti dixhital është themeli i funksionimit të bizneseve moderne dhe shoqërisë, siguria kibernetike është kthyer në një çështje strategjike për çdo organizatë dhe komunitet.Nuk bëhet më fjalë vetëm për mbrojtjen e sistemeve – por për ruajtjen e besimit, sigurimin e vazhdimësisë së biznesit dhe mbajtjen e konkurrueshmërisë.“Siguria kibernetike nuk është më përgjegjësi vetëm e departamentit të IT-së. Është përgjegjësi e çdo aktori në ekosistemin dixhital – nga qeveritë dhe institucionet te bizneset dhe sektori arsimor. Vizita e fondit është një mundësi për t’i trajtuar këto tema në mënyrë të hapur, strategjike dhe me objektiva konkrete – për të shfrytëzuar më mirë potencialin ekzistues në rajon, si dhe për të ndërtuar kapacitete më të gjera bashkëpunimi midis komunitetit të startup-eve në Shqipëri dhe aktorëve globalë”, thekson z. Majo Mićović, partner në Evolution Equity Partners dhe këshilltar për Ballkanin Perëndimor.Nga ideja në investim – pse Evolution Equity Partners ka rëndësi për Ballkanin PerëndimorEvolution Equity Partners është një venture capital fund global me seli në New York, i specializuar në investime teknologjike për sigurinë kibernetike, AI dhe Big Data. Portofoli i tij përfshin kompani si Carbon Black, Arctic Wolf, Pentera, Halcyon, Onapsis, Protect AI, Security Scorecard, dhe liderë të tjerë në fushat e tyre.Ky fond nuk ofron vetëm kapital – por edhe mbështetje strategjike për ekipet që zhvillojnë zgjidhje të sigurta, të avancuara dhe të zgjerueshme në fushën e cybersecurity. Prandaj, ardhja e tyre në Shqipëri dhe në rajon përfaqëson një mundësi të rrallë e me vlerë për startup-et dhe ekipet inovative.Me mbështetjen e partnerit rajonal Cyber Front nga Zagrebi – i cili është bashkëorganizator i vizitës – më 5 nëntor në orën 11:00 do të mbahet një panel prezantimi për startup-et, ku startup-et shqiptare do të prezantojnë projektet e tyre që synojnë jo vetëm tregun lokal, por edhe zgjerimin në tregjet e SHBA, MB, dhe BE.Pas panelit të prezantimeve, do të zhvillohet një panel diskutimi mbi trendet aktuale dhe të ardhmen e investimeve në siguri kibernetike, si dhe rolin e AI në këtë industri.Startup-et dhe ekipet teknologjike të interesuara për të paraqitur zgjidhjet e tyre para partnerëve të Evolution Fund mund të dërgojnë pitch deck-un dhe informacionet e ekipit nëpërmjet email-it: [email protected]Afati për aplikim është 30 tetor 2025, dhe numri i pjesëmarrësve është i kufizuar.Delegacioni i Evolution Equity Partners në ShqipëriDelegacioni do të kryesohet nga z. Dennis Smith, bashkëthemelues dhe partner i fondit, një nga pionierët e investimeve globale në siguri kibernetike.Me të do të jenë Prof. Dr. Michal Pěchouček, anëtar bordi dhe ekspert i njohur në AI dhe teknologjitë e sigurisë, si dhe z. Majo Mićović, partner për një kohë të gjatë i fondit dhe këshilltar për Ballkanin Perëndimor.Qëllimi i tyre është të lidhen drejtpërdrejt me potencialin inovativ të rajonit, të identifikojnë fusha për bashkëpunim strategjik dhe të ndihmojnë në forcimin e lidhjeve midis ekipeve lokale dhe tregut global.Vizita e punës në Mal të Zi dhe Shqipëri është organizuar në bashkëpunim me Cyber Front, partnerin rajonal të fondit Evolution – kompani e specializuar në distribucionin e zgjidhjeve të avancuara të sigurisë kibernetike, që bashkëpunon vetëm me rishitës, integratorë dhe ofrues të MSP, pa ndërhyrje direkte me përdoruesit fundorë.Kredibilitet global dhe mundësi rajonaleEvolution Equity Partners njihet gjithashtu si organizatori i Presidential Forum në RSA Conference në San Francisko – ngjarja më e madhe në botë në fushën e sigurisë kibernetike.Në vitet e kaluara, forumi ka pritur ish-presidentët amerikanë George W. Bush dhe Bill Clinton si të ftuar specialë, ndërsa folës kryesor në vitin 2025 ishte ish-kryeministri britanik Boris Johnson.Kjo është arsyeja pse vizita e fondit në rajon përfaqëson një moment të rëndësishëm – jo vetëm për startup-et, por edhe për forcimin e kapaciteteve dixhitale të gjithë Ballkanit Perëndimor.Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.

  • “Do arrestoheni në 24 orë”/ Kujdes nga ky e-mail i rremë që mban emrin e Ilir Prodës

    “Do arrestoheni në 24 orë”/ Kujdes nga ky e-mail i rremë që mban emrin e Ilir Prodës

    Zbardhet e-maili i nisur drejt qytetarëve nga persona ende të paidentifikuar në emër të drejtorit të Përgjithshëm të Policisë së Shtetit, Ilir Proda. Në e-mailin e dërguar qytetarëve, shkruhet se në hapësirën e tyre kibernetike janë gjetur disa krime dhe vepra të paligjshme penale të drogës.
    Qytetarëve u jepej 24 orë kohë për t’u paraqitur në selinë e policisë, departamentin e krimit kibernetik ose për të dërguar një email të menjëhershëm pasues, ose paralajmëron se përndryshe do të bëhet një arrestim i menjëhershëm i personit.
    E-maili i dërguar qytetarëve:
    Me kërkesë të Drejtorit të Policisë Shtetërore të Shqipërisë, Ilir Proda, dhe Autoritetit të Sigurisë Kibernetike të Shqipërisë, po ju kontaktojmë në lidhje me disa krime kibernetike dhe vepra të paligjshme penale të drogës të gjetura brenda hapësirës suaj kibernetike.
    Disa agjenci kombëtare dhe ndërkombëtare të zbatimit të krimit kibernetik kanë identifikuar aktivitetet tuaja të paligjshme në internet, të tilla
    Pornografia me fëmijë.
    Homoseksualiteti.
    Pornografia në internet.
    Ekzibicionizmi.
    Seksi komercial.
    Trafikimi i drogës.
    Lufta kundër krimit kibernetik udhëhiqet nga agjenci të ndryshme të zbatimit të ligjit, duke përfshirë Byronë Federale të Hetimit (FBI), Policinë Kombëtare të Krimit Kibernetik dhe Organizatën Ndërkombëtare të Policisë Kriminale (INTERPOL).
    Shënim: Keni 24 orë kohë për t’u paraqitur në selinë e policisë, departamentin e krimit kibernetik ose për të dërguar një email të menjëhershëm pasues, përndryshe do të bëhet një arrestim i menjëhershëm.
    JU JENI PARALAJMËRUAR
    Ilir Agim Proda
    Drejtor i Përgjithshëm
    Policia e Shtetit të Shqipërisë
    Bulevardi Bajram Curri, Tiranë.

    Në një reagim të saj policia e shtetit sqaroi ka pasur disa raste të shtetasve të paidentifikuar që kanë krijuar adresë elektronike të rremë (email), me kredenciale të Drejtorit të Përgjithshëm të Policisë së Shtetit. Nëpërmjet saj, janë prezantuar si struktura për Hetimin e Krimeve Kibernetike.
    Me këtë adrese, qytetarëve iu janë dërguar mesazhe elektronike me përmbajtje kërcënuese, duke i njoftuar se janë në hetim për krime kibernetike ose vepra penale në fushën e narkotikëve, si dhe duke iu kërkuar që të paraqiten brenda 24 orëve, në polici.
    “Informojmë se emailet janë false dhe nuk kanë asnjë lidhje me Policinë e Shtetit apo me ndonjë strukturë zyrtare të saj.
    Qytetarët duhet të kenë parasysh: se Policia e Shtetit nuk dërgon kurrë njoftime zyrtare për hetime nëpërmjet emailit, asnjë strukturë policore nuk kërkon që qytetarët të paraqiten në polici, pa një thirrje zyrtare të firmosur dhe të protokolluar, qëllimi i këtyre mesazheve është mashtrimi dhe përhapja e frikës tek qytetarët.
    Policia e Shtetit iu bën thirrje qytetarëve që të mos iu përgjigjen dhe të mos shpërndajnë emaile me përmbajte të tillë. Gjithashtu, informojmë se rasti është në hetim nga Drejtoria e Hetimit të Krimeve Kibernetike, me qëllim identifikimin dhe ndëshkimin e autorëve të kësaj veprimtarie kriminale” – thuhet në njoftim.

  • Arrestimi në Francë i basketbollistit rus, akuzohet për sulme kibernetike kundër SHBA-së

    Një ngjarje e pazakontë ka tronditur botën e sportit. Basketbollisti rus, Danil Kasatkin, që luan si organizator për ekipin MBA-MAI të Moskës, është arrestuar në Francë dhe rrezikon deri në 25 vjet burgim pas akuzave për përfshirje në një seri sulmesh kibernetike kundër Shteteve të Bashkuara të Amerikës.

    Sipas agjencisë ruse RIA Novosti, Kasatkin, 26 vjeç, dyshohet se ka qenë i përfshirë në një rrjet hakerësh rusë që ka kryer mashtrime kundër rreth 900 kompanive amerikane, përfshirë dy institucione federale, gjatë periudhës 2020–2022. Megjithatë, lojtari mohon çdo lidhje me këtë grup dhe pretendon se kompjuteri i tij është hakeruar, duke u përdorur nga autorët e vërtetë për të kryer krimet nën emrin e tij.

    Kasatkin u ndalua më 21 qershor në aeroportin Charles de Gaulle të Parisit, sapo kishte zbritur në kryeqytetin francez, ku kishte planifikuar t’i bënte propozim për martesë së dashurës së tij. Arrestimi u krye me kërkesë të autoriteteve amerikane, të cilat kërkuan menjëherë ekstradimin e tij.

    Gjykata franceze miratoi këtë të mërkurë kërkesën e Shteteve të Bashkuara për ekstradim, por vendimi mund të ankimohet brenda dhjetë ditëve. Fjalën e fundit për dorëzimin e tij do ta ketë kryeministri francez.

    Ndërkohë, Ministria e Jashtme e Rusisë dhe Federata Ruse e Basketbollit kanë nisur kontakte me autoritetet franceze për të ndihmuar lojtarin dhe për të kërkuar qartësi mbi akuzat.

    Nëse shpallet fajtor, Kasatkin mund të përballet me një dënim maksimal prej 25 vitesh burgim, në një rast që ka marrë përmasa ndërkombëtare dhe ka hapur debat mbi sigurinë kibernetike dhe përfshirjen e shtetasve rusë në sulme të këtij lloji.

  • “P*rnografi me fëmijë dhe trafik droge”/ Ilir Prodës iu hap adresë e-maili false, zbardhen SMS-të kërcënuese ndaj qytetarëve

    “P*rnografi me fëmijë dhe trafik droge”/ Ilir Prodës iu hap adresë e-maili false, zbardhen SMS-të kërcënuese ndaj qytetarëve

    Është zbardhur email me mesazhe kërcënuese që i dërgoheshin qytetarëve në emër të Drejtorit të Përgjithshëm të Policisë së Shtetit, Ilir Proda.
    Në mesazhin dërguar qytetarëve, me adresën falso që iu hap Ilir Prodës, shkruhet se në hapësirën e tyre kibernetike janë gjetur disa krime kibernetike dhe vepra të paligjshme penale të drogës.
    “Disa agjenci kombëtare dhe ndërkombëtare të zbatimit të krimit kibernetik kanë identifikuar aktivitetet tuaja të paligjshme në internet, të tilla Pornografia me fëmijë. Homoseksualiteti. Pornografia në internet. Ekzibicionizmi. Seksi komercial. Trafikimi i drogës”, shkruhet në e-mail.
    Qytetarëve u jepet 24 orë kohë për t’u paraqitur në selinë e policisë, departamentin e krimit kibernetik ose për të dërguar një email të menjëhershëm pasues, në të kundërt ndaj tyre do të bëhej një arrestim i menjëhershëm.
    Email i dërguar qytetarëve:
    Me kërkesë të Drejtorit të Policisë Shtetërore të Shqipërisë, Ilir Proda, dhe Autoritetit të Sigurisë Kibernetike të Shqipërisë, po ju kontaktojmë në lidhje me disa krime kibernetike dhe vepra të paligjshme penale të drogës të gjetura brenda hapësirës suaj kibernetike.
    Disa agjenci kombëtare dhe ndërkombëtare të zbatimit të krimit kibernetik kanë identifikuar aktivitetet tuaja të paligjshme në internet, të tilla
    Pornografia me fëmijë.
    Homoseksualiteti.
    Pornografia në internet.
    Ekzibicionizmi.
    Seksi komercial.
    Trafikimi i drogës.
    Lufta kundër krimit kibernetik udhëhiqet nga agjenci të ndryshme të zbatimit të ligjit, duke përfshirë Byronë Federale të Hetimit (FBI), Policinë Kombëtare të Krimit Kibernetik dhe Organizatën Ndërkombëtare të Policisë Kriminale (INTERPOL).
    Shënim: Keni 24 orë kohë për t’u paraqitur në selinë e policisë, departamentin e krimit kibernetik ose për të dërguar një email të menjëhershëm pasues, përndryshe do të bëhet një arrestim i menjëhershëm.
    JU JENI PARALAJMËRUAR
    Ilir Agim Proda
    Drejtor i Përgjithshëm
    Policia e Shtetit të Shqipërisë
    Bulevardi Bajram Curri, Tiranë.

  • Email-e të rreme që prezantohet si Policia e Shtetet/ Autoritetet paralajmërojnë qytetarët: Kujdes, mos u mashtroni

    Email-e të rreme që prezantohet si Policia e Shtetet/ Autoritetet paralajmërojnë qytetarët: Kujdes, mos u mashtroni

    Policia e Shtetit:
    Informojmë qytetarët se së fundi, janë konstatuar disa raste të shtetasve të paidentifikuar që kanë krijuar adresë elektronike të rremë (email), me kredenciale të Drejtorit të Përgjithshëm të Policisë së Shtetit, dhe nëpërmjet saj, janë prezantuar si struktura për Hetimin e Krimeve Kibernetike.
    Me këtë adrese, qytetarëve iu janë dërguar mesazhe elektronike me përmbajtje kërcënuese, duke i njoftuar se janë në hetim për krime kibernetike ose vepra penale në fushën e narkotikëve, si dhe duke iu kërkuar që të paraqiten brenda 24 orëve, në polici.
    Informojmë se emailet janë false dhe nuk kanë asnjë lidhje me Policinë e Shtetit apo me ndonjë strukturë zyrtare të saj.
    Qytetarët duhet të kenë parasysh:• Policia e Shtetit nuk dërgon kurrë njoftime zyrtare për hetime nëpërmjet emailit.• Asnjë strukturë policore nuk kërkon që qytetarët të paraqiten në polici, pa një thirrje zyrtare të firmosur dhe të protokolluar.• Qëllimi i këtyre mesazheve është mashtrimi dhe përhapja e frikës tek qytetarët.
    Policia e Shtetit iu bën thirrje qytetarëve që të mos iu përgjigjen dhe të mos shpërndajnë emaile me përmbajte të tillë.
    Gjithashtu, informojmë se rasti është në hetim nga Drejtoria e Hetimit të Krimeve Kibernetike, me qëllim identifikimin dhe ndëshkimin e autorëve të kësaj veprimtarie kriminale.

  • Ilir Prodës i hapin adresë false! Qyetarët marrin mesazhe kërcënues në emër të tij, Policia: Kujdes!

    Ilir Prodës i hapin adresë false! Qyetarët marrin mesazhe kërcënues në emër të tij, Policia: Kujdes!

    FOTO ILUSTRUESE

    TIRANË-
    Njoftimi i policisë:
    Informojmë qytetarët se së fundi, janë konstatuar disa raste të shtetasve të paidentifikuar që kanë krijuar adresë elektronike të rremë (email), me kredenciale të Drejtorit të Përgjithshëm të Policisë së Shtetit, dhe nëpërmjet saj, janë prezantuar si struktura për Hetimin e Krimeve Kibernetike.
    Me këtë adrese, qytetarëve iu janë dërguar mesazhe elektronike me përmbajtje kërcënuese, duke i njoftuar se janë në hetim për krime kibernetike ose vepra penale në fushën e narkotikëve, si dhe duke iu kërkuar që të paraqiten brenda 24 orëve, në polici.
    Informojmë se emailet janë false dhe nuk kanë asnjë lidhje me Policinë e Shtetit apo me ndonjë strukturë zyrtare të saj.
    -Qytetarët duhet të kenë parasysh:• Policia e Shtetit nuk dërgon kurrë njoftime zyrtare për hetime nëpërmjet emailit.• Asnjë strukturë policore nuk kërkon që qytetarët të paraqiten në polici, pa një thirrje zyrtare të firmosur dhe të protokolluar.• Qëllimi i këtyre mesazheve është mashtrimi dhe përhapja e frikës tek qytetarët.
    Policia e Shtetit iu bën thirrje qytetarëve që të mos iu përgjigjen dhe të mos shpërndajnë emaile me përmbajte të tillë.
    Gjithashtu, informojmë se rasti është në hetim nga Drejtoria e Hetimit të Krimeve Kibernetike, me qëllim identifikimin dhe ndëshkimin e autorëve të kësaj veprimtarie kriminale.