Lajmidites.com

Tag: kibernetike

  • ‘Harabeli grabitqar’ hakëron një bankë iraniane: Banka Sepah anashkaloi sanksionet ndërkombëtare dhe përdori paratë e popullit për…

    ‘Harabeli grabitqar’ hakëron një bankë iraniane: Banka Sepah anashkaloi sanksionet ndërkombëtare dhe përdori paratë e popullit për…

    Një grup hakerash i lidhur më parë me Izraelin pretendon se ka shkatërruar të dhëna që i përkisnin një banke iraniane nën sanksionet e SHBA-së. Grupi i njohur, “Gonjeshke Darande” ose “harabeli grabitqar”, thotë se kryeu sulme kibernetike të cilat shkatërruan të dhënat e Bank Sepah.

    “Banka Sepah ishte një institucion që anashkaloi sanksionet ndërkombëtare dhe përdori paratë e popullit të Iranit për të financuar përfaqësuesit terroristë të regjimit, programin e tij të raketave balistike dhe programin e tij ushtarak bërthamor”, thotë Gonjeshke Darande në një postim në X.

    Destruction of the infrastructure of the Islamic Revolutionary Guard Corps “Bank Sepah”We, “Gonjeshke Darande”, conducted cyberattacks which destroyed the data of the Islamic Revolutionary Guard Corps’ “Bank Sepah”.“Bank Sepah” was an institution that circumvented… pic.twitter.com/1r4XyDmXcJ— Gonjeshke Darande (@GonjeshkeDarand) June 17, 2025

    “Kjo është ajo që u ndodh institucioneve të dedikuara për të mbështetur fantazitë terroriste të diktatorit. Falënderojmë iranianët e guximshëm ndihma e të cilëve e bëri të mundur këtë operacion”, thuhet në njoftim.

    Gonjeshke Darande ka marrë përgjegjësinë për disa sulme kibernetike ndaj Iranit në vitet e fundit, duke përfshirë ato kundër stacioneve të benzinës dhe një fabrike çeliku.

    Izraeli në përgjithësi nuk merr përgjegjësi për operacionet kibernetike kundër Iranit. Në mediat sociale u raportua se shërbimet bankare të Sepah ndaluan së punuari këtë mëngjes.

    Interrupciones extensas reportadas en los servicios bancarios de *Bank Sepah*, vinculado a las fuerzas armadas de Irán. Problemas de acceso a cuentas, retiros y tarjetas. pic.twitter.com/JCb1Gk0ggh— 🪖Autodefensas – 🇪🇸 🇮🇱 (@elrick111) June 17, 2025

  • “Qëllimi i sulmit, eliminimi i bazave të Iranit”/ Softa: Izraeli vrau kupolën drejtuese të ushtrisë së Teheranit

    “Qëllimi i sulmit, eliminimi i bazave të Iranit”/ Softa: Izraeli vrau kupolën drejtuese të ushtrisë së Teheranit

    Situata në Lindjen e Mesme është përshkallëzuar, mes sulmeve të Izraelit ndaj Iranit. Forcat izraelite kanë synuar infrastrukturën iraniane.
    Në një intervistë në “Tirana Live” në ABC News, eksperti Fatjon Softa tha se qëllimi i sulmit nga Izraeli ishte të eliminonte bazat e Iranit.
    “Ka qenë një sulm për të zvogëluar kapacitetin bërthamor duke e parë si rrezik të shtuar. Qëllimi i sulmit ishte të zvogëlonte drejtimin ushtarak dhe të godiste kapacitetet raketore. Pamë që sulmi në dy fronte, eliminoi tre figura të rëndësishme. Është goditur baza aty ku bëhet pasurimi i uraniumit”, tha ai.
    Gjithashtu ai tha se edhe Irani nga ana e tij ka bëri sulme me dronë, ndërsa ka deklaruar se do të përfshihen në një luftë të gjatë që sipas Iranit mund të sulmohen dhe baza amerikane.
    “Ky alarm ka ngritur në nivelin më të lartë të gatishmërisë të gjithë ushtrinë, përfshirë Turqinë dhe SHBA. Deklaratat e Trump tregojnë edhe njëherë se janë mbështetës të Izraelit”, tha ai.
    Po ashtu Softa tha se sulmet kibernetike gjithashtu mund të jenë një tjetër shqetësim. Sipas ekspertit, sulmet kibernetike janë një strategji e Iranit.
    “Nëse do të godasë vendet e BE, Shqipëria është një ndër vendet më të rrezikuara nga sulmet kibernetike. Në front mund të themi që Irani është i dobët, por sulmet kibernetike janë një strategji e Iranit. Nuk do të guxojnë të kenë përplasje të drejtpërdrejtë me SHBA”, tha më tej Softa.

  • 67 mln euro investime deri në 2027 për sigurinë kibernetike, vetëm në IA rreth 57 mln, sulmet po sofistikohen,…

    67 mln euro investime deri në 2027 për sigurinë kibernetike, vetëm në IA rreth 57 mln, sulmet po sofistikohen,…

    Më të sofistikuara dhe më keqdashëse, po bëhen sulmet kibernetike në vorbullën e këtij revolucioni digjital. Sulmi ndaj sistemeve online në Shqipëri i ndodhur tre vite më parë nga Irani, nuk duhet të përsëritet, për këtë arsye institucionet shqiptare planifikojnë të shpenzojnë 67 milionë euro, për të bërë investime në staf dhe në teknologji të avancuara për të rritur sigurinë kibernetike. Në strategjinë Kombëtare për Sigurinë Kibernetike 2025-2030, të hedhur për konsultim publik, thuhet se duhet të rriten kapacitetet teknike dhe profesionale për të përballuar sfidat e hapësirës digjitale.
    “Sfidat e sigurisë kibernetike bëhen edhe më të mëdha si pasojë e rritjes së vazhdueshme të numrit të sulmeve kibernetike, si dhe nga niveli i lartë dhe sofistikuar i këtyre sulmeve, të cilat shfrytëzojnë teknologjitë më të avancuara. Objektivat e këtyre sulmeve po bëhen gjithnjë e më të gjera, duke përfshirë jo vetëm sektorin publik, por edhe shërbime jetike, si shëndetësia, financat, transporti dhe energjia”, thuhet në strategji. Për të krijuar sisteme të forta me qëllim mbrojtjen e infrastrukturës kritike nga sulme të sponsorizuara nga shtete, organizata kriminale apo grupe keqdashëse, do të investohen 57 milionë euro për implementimin e teknologjive të avancuara si Inteligjenca Artificiale për zbulimin, parandalimin dhe reagimin ndaj sulmeve kibernetike.
    “Shteti, ekonomia dhe qeveria shqiptare përballen me kërcënime të vazhdueshme kibernetike, që kërkojnë vëmendje të menjëhershme për të mbrojtur infrastrukturën kritike, rrjetet e sektorit publik dhe të dhënat e qytetarëve”, thuhet në strategji. Po ashtu do të investohet në struktura inteligjente për të parandaluar aktivitetet ekstremiste dhe terroriste në hapësirën digjitale, me qëllim parandalimin e propagandës ekstremiste online. Vetëm gjatë vitit të shkuar janë regjistruar në vend 971 vepra penale në fushën e krimit kibernetik me rritje prej 44,5% në raport me vitin 2023, kur ishin regjistruar 672 vepra penale të kësaj natyre.

  • Mashtrim duke përdorur emrin e Postës Shqiptare, Autoriteti i Sigurisë Kibernetike: Kujdes, ju vjedhin të dhënat bankare

    Mashtrim duke përdorur emrin e Postës Shqiptare, Autoriteti i Sigurisë Kibernetike: Kujdes, ju vjedhin të dhënat bankare

    Autoriteti Kombëtar për Sigurinë Kibernetike (AKSK) ka ndërmarrë menjëherë masa për të bllokuar një skemë mashtruese që synonte vjedhjen e të dhënave bankare përmes mesazheve të rreme që vinin në emër të Postës Shqiptare.

    Sipas AKSK-së, domaini i dyshuar është raportuar dhe i është dërguar për bllokim pranë Autoritetit të Komunikimeve Elektronike dhe Postare (AKEP).

    Fushata mashtruese përbën një tjetër përpjekje për të vjedhur të dhënat e kartave të kreditit, në mënyrë të ngjashme me rastet e mëparshme që janë shënuar në vend, raporton autoriteti.

    Njoftimi Autoritetit për Sigurinë Kibernetike

    Autoriteti Kombëtar për Sigurinë Kibernetike ka ndërmarrë menjëherë të gjitha masat për të bllokuar një skemë mashtruese që synonte vjedhjen e të dhënave bankare përmes mesazheve të rreme në emër të Postës Shqiptare. Domaini i rrezikshëm është raportuar dhe dërguar për bllokim te AKEP.

    Kjo fushatë nuk ka lidhje me një aktor të sponsorizuar specifik, por është një tjetër përpjekje për të vjedhur të dhënat e kartave të kreditit, njësoj si rastet e mëparshme që janë hasur nga imitues të Postës Shqiptare.

    Kujdes! Mos jepni në asnjë rast të dhënat tuaja bankare apo të kartës përmes formave të dyshimta! AKSK vijon monitorimin dhe bashkëpunimin e ngushtë me institucionet përgjegjëse për të parandaluar çdo përpjekje për mashtrim digjital

  • Microsoft ofron ekspertizën për forcimin e sigurisë kibernetike në Europë

    Microsoft ofron ekspertizën për forcimin e sigurisë kibernetike në Europë

    Microsoft do të ofrojë pa pagesë një program të sigurisë kibernetike për qeveritë Europiane dhe u lançua ditën e Mërkure për të shtuar mbrojtjet e tyre kundër kërcënimeve kibernetike.

    Pas një rritjeje të sulmeve kibernetike në Europë, shumë ekspertë i lidhën me sulmet që vinë nga aktorë shtetërorë në Kinë, Iran, Korenë e Veriut dhe Rusi.
    “Nëse arrijmë të sjellim në Europë atë çfarë kemi zhvilluar në SHBA, do të forconte mbrojtjet e sigurisë kibernetike për institucionet Europiane,” tha presidenti i Microsoft Brad Smith.

    Sulmet kibernetike duke përdorur inteligjencën artificiale gjeneruese kanë shënuar një boom në dy vitet e fundit. Në shënjestër nuk kanë qenë vetëm infrastrukturat por edhe përhapja e informacionit të rremë.
    Microsoft gjurmon keqpërdorimin e modeleve AI të saj duke parandaluar kriminelët kibernetik ti përdorin për qëllimet e tyre. /PCWorld Albanian

  • Konflikt i mundshëm me Rusinë? Starmer paralajmëron një epokë të re kërcënimesh për Perëndimin: Përgatituni për luftë

    Konflikt i mundshëm me Rusinë? Starmer paralajmëron një epokë të re kërcënimesh për Perëndimin: Përgatituni për luftë

    Motoja e qeverisë britanike është bërë tashmë e qartë: “Gatishmëri për luftë”.

    Kështu e përshkroi edhe kryeministri Keir Starmer në një deklaratë të fortë nga Glasgow, ku vizitoi kompaninë e mbrojtjes BAE Systems, një ndër shtyllat e sigurisë së Mbretërisë së Bashkuar.
    Fjalët e tij vijnë në një kontekst të ndjeshëm gjeopolitik, me rritjen e agresionit rus dhe frikën gjithnjë e më të madhe për një përplasje të mundshme me NATO-n.
    Starmer paralajmëroi se kërcënimi që nisi me luftën në Ukrainë mund të përhapet në çdo moment edhe në një vend të aleancës atlantike – një frikë e artikuluar më herët edhe nga Shefi i Shtabit të Mbrojtjes së Gjermanisë, Carsten Breuer, dhe gjenerali amerikan David Petraeus.
    Sulmet hibride të Rusisë tashmë po ndihen në Perëndim, nga sulmet kibernetike e deri te aktet e sabotimit, si shpërthimet me pako në Evropë verën e kaluar.
    Raporti i mbrojtjes: Mbretëria nuk është e përgatitur për luftë
    Këto deklarata erdhën në të njëjtën ditë me publikimin e Rishikimit të Shpenzimeve të Mbrojtjes, një raport i pavarur i hartuar nga ish-Sekretari i Përgjithshëm i NATO-s George Robertson, ish-këshilltarja e Donald Trump, Fiona Hill, dhe gjenerali britanik Sir Richard Barrons. Konkluzioni? Forcat e armatosura britanike nuk janë të gatshme për një përballje të mundshme ushtarake.
    Nga 62 rekomandime të raportit, Starmer ka premtuar të nisë zbatimin e disa prej tyre menjëherë:
    12 nëndetëse të reja sulmuese me energji bërthamore
    15 miliardë paund për modernizimin e sistemit parandalues “Trident”
    1.5 miliardë paund për prodhim të qëndrueshëm të municioneve
    Prodhimi vendas i mbi 7,000 armëve dhe dronëve me rreze të gjatë
    Krijimi i një komandë të re për sfidat kibernetike dhe elektromagnetike
    Investime të mëdha në inteligjencën artificiale
    Rritja e trupës aktive nga 73,000 në 76,000 ushtarë, si dhe zgjerimi i rezervistëve dhe përfshirja e veteranëve
    Lufta nuk është më teori: paqja pas Luftës së Ftohtë ka përfunduar
    Sipas raportit, bota tashmë ka hyrë në një epokë të re tensionesh dhe përplasjeje potenciale mes Perëndimit dhe fuqive bërthamore si Rusia dhe Kina. Skenarët përfshijnë sulme ndaj bazave ushtarake apo infrastrukturave kritike – duke e bërë të domosdoshme mobilizimin edhe të popullsisë civile, për mbrojtjen e vendit nga sabotime, sulme kibernetike apo ndërhyrje të tjera hibride.
    “Shteti ka detyrimin të mbrojë qytetarët, por të gjithë duhet të bëjnë pjesën e tyre,” tha Starmer, duke sinjalizuar se në të ardhmen e afërt, rezervistët, vullnetarët dhe qytetarët e zakonshëm mund të thirren për përgatitje.

    Top Channel

  • Krijohet në Shqipëri Komanda e Kibernetikës dhe Ndërlidhjes së Forcave të Armatosura

    Krijohet në Shqipëri Komanda e Kibernetikës dhe Ndërlidhjes së Forcave të Armatosura

    Ditën e sotme u zhvillua ceremonia e hapjes së Komandës së Kibernetikës dhe Ndërlidhjes së Forcave të Armatosura të Shqipërisë.
    Në ceremoni morën pjesë përfaqësues të lartë të shtetit dhe aleatëve ndërkombëtarë, si: Nancy VanHorn, Gjeneralmajori John Phillips, Drejtor i Kibernetikës dhe Komunikimit në Komandën Europiane të SHBA (USEUCOM), si dhe Ministri i Mbrojtjes, Pirro Vengu.
    Në fjalën e tij, Vengu theksoi se siguria kibernetike është një komponent strategjik në mbrojtjen kombëtare.
    “Në një botë dixhitale, mbrojtja e hapësirës kibernetike është po aq e rëndësishme sa mbrojtja e integritetit territorial të vendit”, u shpreh ministri.
    Një reagim lidhur me këtë aktivitet, ka ardhur edhe nga Ambasada Amerikane në Tiranë, e cila përmes një postimi thotë se krijimi i komandës tregon angazhimin e fortë të Shqipërisë për të mbrojtur hapësirën kibernetike kombëtare, rajonale dhe atë të NATO-s.
    Ambasada e SHBA në Tiranë postim në Facebook:
    E Ngarkuara me Punë Nancy VanHorn dhe Gjeneralmajor John Phillips, Drejtor i Kibernetikës dhe Komunikimit në Komandën Europiane të ShBA (USEUCOM), së bashku me Ministrin e Mbrojtjes Pirro Vengu, morën sot pjesë në ceremoninë zyrtare të hapjes së Komandës së Kibernetikës dhe Ndërlidhjes të Forcave të Armatosura të Shqipërisë. Ky aktivitet shënon rezultatin e bashkëpunimit të ngushtë dhe të qëndrueshëm midis Ambasadës së ShBA, USEUCOM dhe Ministrisë së Mbrojtjes së Shqipërisë. Krijimi i komandës nënvizon angazhimin e fortë të Shqipërisë për të mbrojtur hapësirën kibernetike kombëtare, rajonale dhe atë të NATO-s.

  • Krijohet Komanda Kibernetike e Ndërlidhjes, ministri i Mbrojtjes Vengu: Jemi trajnuar nga aleatët amerikanë

    Krijohet Komanda Kibernetike e Ndërlidhjes, ministri i Mbrojtjes Vengu: Jemi trajnuar nga aleatët amerikanë

    Ministri i Mbrojtjes, Pirro Vengu ka shpallur krijimin e Komandës Kibernetike dhe Ndërlidhjes si një moment historik për mbrojtjen e Shqipërisë në epokën dixhitale, gjatë një ceremonie solemne ku morën pjesë përfaqësues të lartë të shtetit dhe aleatëve ndërkombëtarë.
    Ai theksoi se siguria kibernetike është një komponent strategjik në mbrojtjen kombëtare, duke risjellë në kujtesë sulmet kibernetike të vitit 2022 që goditën institucionet shqiptare. ”Në një botë dixhitale, mbrojtja e hapësirës kibernetike është po aq e rëndësishme sa mbrojtja e integritetit territorial të vendit”,-u shpreh ministri, duke e cilësuar komandën si një strukturë që i përgjigjet me vendosmëri sfidave të reja të sigurisë.

    Në krye të kësaj komande është caktuar gjeneral Hamdi Doda, një figurë me eksperiencë të gjatë në Forcat e Armatosura. Ministri bëri të ditur se themelimi i kësaj komande është rezultat i një procesi pesëvjeçar, i mbështetur fort nga aleatët strategjikë të Shqipërisë, me në krye Shtetet e Bashkuara të Amerikës.
    ”Komanda e re vjen me një qasje bashkëkohore dhe dinamike, por edhe me një trashëgimi të vlefshme, pasi elementët e parë ndërlidhës në Forcat e Armatosura janë themeluar që në vitin 1931”,-deklaroi Vengu.

  • Krijohet Komanda Kibernetike e Ndërlidhjes, ministri Vengu: Jemi trajnuar nga aleatët amerikanë

    Krijohet Komanda Kibernetike e Ndërlidhjes, ministri Vengu: Jemi trajnuar nga aleatët amerikanë

    Ministri i Mbrojtjes, Pirro Vengu, ka shpallur krijimin e Komandës Kibernetike dhe Ndërlidhjes si një moment historik për mbrojtjen e Shqipërisë në epokën dixhitale, gjatë një ceremonie solemne ku morën pjesë përfaqësues të lartë të shtetit dhe aleatëve ndërkombëtarë.
    Në fjalën e tij, Vengu theksoi se siguria kibernetike është një komponent strategjik në mbrojtjen kombëtare, duke risjellë në kujtesë sulmet kibernetike të vitit 2022 që goditën institucionet shqiptare.
    “Në një botë dixhitale, mbrojtja e hapësirës kibernetike është po aq e rëndësishme sa mbrojtja e integritetit territorial të vendit,” – u shpreh ministri, duke e cilësuar komandën si një strukturë që i përgjigjet me vendosmëri sfidave të reja të sigurisë.
    Në krye të kësaj komande është caktuar gjeneral Hamdi Doda, një figurë me eksperiencë të gjatë në Forcat e Armatosura.
    Ministri bëri të ditur se themelimi i kësaj komande është rezultat i një procesi pesëvjeçar, i mbështetur fort nga aleatët strategjikë të Shqipërisë, me në krye Shtetet e Bashkuara të Amerikës.
    “Komanda e re vjen me një qasje bashkëkohore dhe dinamike, por edhe me një trashëgimi të vlefshme, pasi elementët e parë ndërlidhës në Forcat e Armatosura janë themeluar që në vitin 1931,” -deklaroi Vengu.
    Sipas tij, kjo iniciativë forcon pozicionin e Shqipërisë në arkitekturën rajonale të sigurisë, veçanërisht në kuadër të aleancës së NATO-s dhe përballë sfidave që sjell zhvillimi teknologjik.
    Me krijimin e kësaj komande, Ministria e Mbrojtjes shënon një kapërcim cilësor në përballimin e rreziqeve kibernetike, duke vendosur themelet për një mbrojtje më të sigurt dhe më efikase në dekadat që vijnë.

  • Kozeta Garrett – Vajza nga Saranda që drejton sigurinë kibernetike globale të Microsoft  

    Kozeta Garrett – Vajza nga Saranda që drejton sigurinë kibernetike globale të Microsoft  

    Kozeta Garrett – Vajza nga Saranda që drejton sigurinë kibernetike globale të Microsoft
     
    Kjo që do të lexoni nuk është thjesht një histori suksesi, por një rrugëtim frymëzues i një vajze shqiptare, që nga brigjet e mrekullueshme të Sarandës ka mbërritur në majat e teknologjisë globale. Ajo quhet Kozeta Garrett, dhe sot mban një nga pozicionet më të rëndësishme në një prej kompanive më të mëdha në botë – Microsoft. Ajo është drejtoreshë globale e sigurisë kibernetike, një fushë kyçe në mbrojtjen e të dhënave dhe sistemeve të miliarda përdoruesve në mbarë globin.
     

     
    Kozeta Garrett, nga Saranda në Botë
     
    Në vitin 1996, Kozeta Garrett largohet nga Saranda dhe Shqipëria për të nisur një rrugë të gjatë dhe të pasur me dije e sfida. Destinacioni i parë ishte Italia, ku ajo vendosi të studiojë matematikë – një fushë që do të hidhte themelet e një karriere të jashtëzakonshme. Por udhëtimi i saj nuk do të ndalej aty. Me etjen për dije dhe ambicien për të ecur përpara, ajo do të kalonte më pas në Hollandë, Gjermani, Kuvajt dhe përfundimisht në Shtetet e Bashkuara të Amerikës, aty ku edhe do të niste kapitullin më të rëndësishëm të jetës së saj profesionale.
     
    Teknologjia – e ardhmja që e priti
     
    Pavarësisht se fillimet e saj ishin në matematikë, jeta profesionale e Kozetës do të merrte drejtimin drejt teknologjisë – fushë të cilën ajo e përqafoi me të njëjtin pasion dhe përkushtim. Teknologjia u bë jo vetëm profesioni i saj, por edhe misioni që do ta çonte në majat e suksesit. “Fillimi është gjithmonë i vështirë,” – shprehet Kozeta Garrett. “Por me shumë punë dhe vendosmëri, mund të arrish gjithçka.”
     
    Sot, Kozeta drejton një nga departamentet më të ndjeshme dhe strategjike të Microsoft – sigurinë kibernetike, ku çdo ditë përballet me sfidat më të mëdha që lidhen me mbrojtjen e të dhënave, privatësisë dhe integritetit teknologjik në një botë gjithnjë e më të ndërvarur nga teknologjia.
     
    Ajo beson fort se suksesi është një proces që nuk ndalet kurrë. Edhe pse tashmë në një pozicion të lartë, Kozeta vijon të mësojë dhe të investojë në njohuritë e saj. “Jam gjithmonë duke mësuar gjëra të reja, duke u përpjekur të kuptoj risitë që sjell teknologjia dhe mënyrën se si mund të mbrohemi prej saj,” – thekson ajo në një intervistë për Top Channel.
     
    Shqipëria dhe Saranda krenare për Kozetën
     
    Të punosh për Microsoft-in është një arritje e madhe, por të jesh një shqiptare që mban një nga postet më të rëndësishme në këtë kompani, është një krenari që i përket të gjithë shqiptarëve. Ashtu si Mira Murati, drejtuesja e OpenAI – kompania që qëndron pas inteligjencës artificiale më të avancuar sot – edhe Kozeta Garret është një tjetër emër që nderon emrin shqiptar në arenën ndërkombëtare të teknologjisë. Dy gra, dy rrugë suksesi, një komb – Shqipëria.
     
    E pyetur nëse është takuar ndonjëherë me Mira Muratin, Kozeta përgjigjet me buzëqeshje: “Akoma jo, por do të ishte një kënaqësi të takohem me të.”
     
    “Shqiptarët janë ndër më të zgjuarit në botë”
     
    Në fund të intervistës, mes emocioneve dhe krenarisë, Kozeta ndan edhe një mesazh për të gjithë shqiptarët: “Unë besoj fort që shqiptarët janë ndër njerëzit më të zgjuar në botë. Po e tregojnë çdo ditë në skenën ndërkombëtare.”
     
    Historia e saj është dëshmi e gjallë se me arsimim cilësor, vendosmëri dhe guxim për të ndjekur ëndrrat, asgjë nuk është e pamundur. Kozeta Garrett është më shumë se një emër suksesi – ajo është një frymëzim për çdo të ri shqiptar që synon të prekë yjet. Kozeta Garrett – Vajza nga Saranda që drejton sigurinë kibernetike globale të Microsoft
     
     
    Website Saranda Web
    Facebook Saranda Web
    Instagram saranda.web
    Youtube sarandaweb
    Tiktok saranda.web
    Pinterest sarandaweb
    in sarandaweb